Archive for October, 2013

ສະພາບເງິນເຟີ້ໃນລາວສູງຂຶ້ນ

Posted on October 19, 2013. Filed under: Lao News |


edc2dd24-56af-4a2f-866b-abd9993bd290

ສະພາບເງິນເຟີ້ຢູ່ລາວ ນັບມື້ສູງຂຶ້ນ ຣາຄາສິ່ງຂອງ ກໍເພີ້ມຣາຄາແພງຂຶ້ນ ໃນເດືອນກັນຍາ ຜ່ານມາ.

ະພາບເງິນເຟີ້ ຣາຄາສິ່ງຂອງແພງໃນລາວເພີ້ມຂຶ້ນເລື້ອຍໆ ມີຜົນສະທ້ອນຕໍ່ຊີວິດການເປັນຢູ່ ຂອງປະຊາຊົນທໍາມະດາສາມັນ, ຄືວ່າອັຕຣາ ເງິນເຟີ້ໄດ້ຖີບສູງຂື້ນຈາກ 6.83% ໃນເດືອນສິງຫາ ຂຶ້ນເປັນ 6.87% ໃນເດືອນກັນຍາ. ຕາມລາຍ ງານໜັງສືພິມທາງການທີ່ອ້າງຕາມລາຍ ງານຂອງຫ້ອງການສະຖິຕິແຫ່ງຊາຕໃນອາທິດນີ້.

ນັກເສຖສາຕມີຄວາມເປັນຫ່ວງຢ້ານວ່າ ການເພີ້ມຂຶ້ນຂອງອັຕຣາເງິນເຟີ້ ຈະໄປລື່ນກາຍການເຕີບໃຫ່ຽ ຂອງຜົນຜລິດລວມຍອດເສຖກິດຂອງ ຊາຕ ຫລື GDP. ທະນາຄານໂລກພັຍກອນວ່າ ການເຕີບໃຫ່ຽເສຖກິດໃນລາວໃນປີ 2013 ນີ້ຈະເປັນ 8% ແລະໃນປີ 2014 ຈະຫລຸດລົງ ເປັນ 7.7% ແຕ່ວ່າໃນປີ 2015 ຈະເພີ້ມຂຶ້ນເປັນ 8.1% ອັຕຣາເງິນເຟີ້ທີ່ສູງທີ່ສຸດໃນປີ 2013 ນີ້ແມ່ນ 7.43% ໃນເດືອນກໍຣະກະດາ ແລະ ຕໍ່າທີ່ສຸດແມ່ນ 5.45% ໃນເດືອນເມສາ.

ລາຍງານວ່າອັຕຣາເງິນເຟີ້ໃນ ສປປລາວ ແມ່ນນຶ່ງໃນຈໍານວນທີ່ສູງທີ່ສຸດ ໃນກຸ່ມປະເທດອາຊຽນຍ້ອນວ່າ ການນໍາເຂົ້າສິນຄ້າຂອງລາວມີສູງ. ລາຍງານຂອງຣັຖບານເມື່ອບໍ່ດົນມານີ້ວ່າ ໃນ 6 ເດືອນສົກປີ 2012-2013 ມູນຄ່າ ການນໍາເຂົ້າສິນຄ້າຂອງລາວມີເຖິງ 1,160 ລ້ານໂດລາ ທຽບກັບມູນຄ່າ ການສົ່ງອອກສິນຄ້າ $880 ລ້ານໂດລາ.

from:rfa.org

Read Full Post | Make a Comment ( None so far )

ໜ່ວຍກູ້ພັຍຍັງຊອກຫາສົບຈາກ ຍົນຕົກ ຢູ່ປາກເຊ

Posted on October 19, 2013. Filed under: Lao News |


7095583b-5bb0-48c2-9ae9-454ea72de36a

ຊາກສົບຂອງຜູ້ໂດຍສານ ໃນຍົນ ATR72 ຖ້ຽວບິນ QV301 ທີ່ໜ່ວຍກູ້ພັຍ ນໍາຂຶ້ນຝັ່ງຈາກແມ່ນໍ້າຂອງ ເຂດເມືອງປາກເຊ, ໃນວັນທີ 18 ຕຸລາ 2013 ແລະ ໜ່ວຍກູ້ພັຍແຈ້ງວ່າໄດ້ພົບ 17 ຊາກສົບແລ້ວ ທີ່ເກັບກູ້ມາໄດ້.

ເຈົ້າໜ້າທີ່ຫ້ອງການພົວພັນຕ່າງປະເທດແຂວງຈໍາປາສັກແຈ້ງໃນວັນທີ່ 17 ຕຸລາ ວ່າການຊອກຫາສົບຜູ້ເສັຽຊີວິດ 49 ຄົນ ຈາກອຸປະຕິເຫຕ ຍົນໂດຍສານລາວແອລາຍຖ້ຽວບິນ ວຽງຈັນ-ປາກເຊ QV301 ຕົກລົງນໍ້າຂອງ ເມື່ອວັນພຸດ ວັນທີ່ 16 ຕຸລານີ້ ຍັງດໍາເນີນຢູ່ຕໍ່ໄປ. ທ່ານວ່າ ເຈົ້າໜ້າທີ່ແຂວງຈໍາປາສັກ ແລະປະຊາຊົນເມືອງປາກເຊ ກໍາລັງຊ່ວຍກັນຊອກຫາສົບ ຜູ້ຕາຍຢູ່ໃນນໍ້າຂອງ ແລະໄດ້ປ່າວເຕືອນປະຊາຊົນ ທີ່ ອາສັຍຢູ່ຕາມແຄມແມ່ນໍ້າ ຂອງ ຊ່ວຍເປັນຫູເປັນຕາ ຖ້າເຫັນສົບຜູ້ຕາຍ ແລ້ວໃຫ້ແຈ້ງເຈົ້າໜ້າທີ່ ໃນທັນທີ:

“ຍັງບໍ່ທັນຮູ້ລະອຽດວ່າສີ່ໄດ້ຄືນຈັກສົບຫັ້ນນະ ສົບທີ່ພົບແລ້ວເພິ່ນເອົາໄວ້ຢູ່ວັດຈີນ ຢູ່ປາກເຊນີ້ ໄປເບິ່ງແລ້ວ ພາກົງສູນໄທເຮົາກັບ ສະຖານ ທູດອະເມຣິກາໄປເບິ່ງແລ້ວ ມີ 3 ສົບ ຄົນຝຣັ່ງ 1 ສົບ ແລະຄົນລາວ ແລະຜູ້ນຶ່ງບໍ່ຮູ້ ເພາະວ່າມັນ ຂາດເຄິ່ງ ບໍ່ຮູ້ວ່າຜູ້ຍິງ ຫລືຜູ້ຊາຍບໍ່ ທັນຊາບ”.

ທ່ານວ່າ ບາງສົບທີ່ພົບເຫັນລ້າສຸດນີ້ ພົບເຫັນຢູ່ເຂດເມືອງຈໍາປາສັກ ຫ່າງຈາກເຂດທີ່ ຍົນຕົກປະມານ 20 ກິໂລແມັດ. ໜັງສືພິມ ຜູ້ຈັດການ ລາຍງານວ່າ ທ່ານ ສົມມາຕ ພົນເສນາ ຣັຖມົນຕຣີ ກະຊວງໂຍທາທິການແລະຂົນສົ່ງ ໄດ້ນໍາເຈົ້າໜ້າທີ່ ຈາກຝັ່ງໄທ ພ້ອມກັບອຸປກອນ ມາ ຊ່ວຍຊອກຫາສົບຜູ້ເສັຽຊີວິດ. ທາງການລາວວ່າ ຝ່າຍໄທໄດ້ສົ່ງນັກດໍານໍ້າ 50 ຄົນໄປຊ່ວຍ. ການຊອກຫາສົບປະສົບກັບ ຄວາມຫຍຸ້ງຍາກ ເພາະນໍ້າຂອງໄຫລແຮງ. ລາຍງານລ້າສຸດ ໃນຕອນແລງຂອງວັນທີ່ 17 ຕາມເວລາທ້ອງຖິ່ນວ່າ ໄດ້ພົບສົບແລ້ວ 13 ສົບ ແລະຢືນຢັນວ່າ ຜູ້ເສັຽຊີວິດ ທັງໝົດມີທັງໝົດ 49 ຄົນ ໃນນັ້ນຜູ້ໂດຍສານ 44 ຄົນ ແລະເຈົ້າໜ້າທີ່ປະຈໍາເຄື່ອງບິນ 5 ຄົນ. ຜູ້ໂດຍສານຄົນລາວ 16 ຄົນ ຜູ້ໂດຍສານຊາວຝຣັ່ງ 7 ຄົນ, ອອສເຕຣເລັຍ 6 ຄົນ, ໄທ 5 ຄົນ, ເກົາຫລີ 3 ຄົນ, ວຽດນາມ 2 ຄົນ ແລະຈາກຈີນໃຕ້ຫວັນ ການາດາ ແລະມາເລເຊັຍ ປະເທດລະ 1 ຄົນ.

ສໍາລັບສາເຫດຂອງຍົນຕົກນັ້ນ ທາງການລາວຍັງບໍ່ສາມາດບອກໄດ້ຢ່າງຊັດແຈ້ງ ເພາະວ່າຍັງສືບສວນຢູ່, ແຕ່ໜັງສືພິມ The Nation ໄທ ລາຍງານໂດຍອີງໃສ່ ແຫ່ລງຂ່າວທີ່ເຊື່ອຖືໄດ້ວ່າ ຕອນທີ່ຍົນກໍາລັງຈະລົງເດີ່ນນັ້ນ ທາງຫໍບັງຄັບ ການບິນປາກເຊໄດ້ສື່ສານໄປຍັງຄົນຂັບຍົນ ວ່າຫ້າມລົງເດັດຂາດ ຍ້ອນມີລົມພາຍຸນາຣີພັດແຮງ ເພາະຢ້ານຈະເກີດອັນຕຣາຍ, ແຕ່ຄົນຂັບຍົນຢືນຍັນວ່າຈະເອົາຍົນລົງຈອດໃຫ້ໄດ້. ຍົນທີ່ ຕົກລົງນໍ້າຂອງນັ້ນຫັກເປັນສອງທ່ອນ.

from:rfa.org

Read Full Post | Make a Comment ( None so far )

iWatch ນະວັດຕະກຳໃໝ່ຈາກ Apple ຢູ່ໃນຂັ້ນຕອນທົດສອບ ເປີດໂຕ 2014!?

Posted on October 18, 2013. Filed under: ຄວາມຮູ້ເລື່ອງ IT, ສະມາດ ໂຟນ |


timthumbCASYHMTM

ລ່າສຸດທາງແຫຼ່ງຂ່າວຈາກເກົາຫຼີໃຕ້ The Chosun Ilbo ລາງງານວ່າ ຕອນນີ້ທາງ Apple ກຳລັງທົດສອບໜ້າຈໍພລາສຕິກແບບ OLED ຢ່າງໜ້ອຍ 3 ຮູບແບບ ເພື່ອເລືອກນຳມາໃຊ້ກັບ iWatch ໂດຍຕາມລາຍງານລະບຸວ່າ ຂະໜາດຂອງໜ້າຈໍມີຂະໜາດ 1.3, 1.4, ແລະ 1.5 ນິ້ວ

ແລະຕາມຂ່າວກ່ອນໜ້ານີ້ລາຍງານວ່າ ໜ້າຈໍຂອງ iWatch ຈະເປັນຈໍ OLED ໂຄ້ງງໍ ແຕ່ສ່ວນຂອງໂມງນັ້ນຈະບໍ່ໂຄ້ງງໍ

Apple iWatch ຄາດວ່າຈະເປີດໂຕໃນຊ່ວງເຄິ່ງປີຫຼັງຂອງປີ 2014 ແລະມີລາຄາຢູ່ປະມານ $149 ແລະ $229 ຕາມລຳດັບ

ຂໍ້ມູນດີດີຈາກ tech.mthai.com

Read Full Post | Make a Comment ( None so far )

Rovio ເຜີຍຕົວຢ່າງເກມລົດ Angry Birds Go! ແລ້ວ ເລີ້ມປ່ອຍແອບ 11 ທັນວານີ້

Posted on October 18, 2013. Filed under: ຄວາມຮູ້ເລື່ອງ IT, ສະມາດ ໂຟນ |


 angry-birds-go-gameplay

ຂ່າວສັ້ນໆ ທີ່ຄໍເກມ Angry Birds ຢາກຮູ້ກໍ່ເປີດເຜີຍຈົນໄດ້ ເມື່ອຄ້າຍ Rovio ໄດ້ເຜີຍຕົວຢ່າງເກມ Angry Birds Go! ແລ້ວ ເຊິ່ງທີ່ຮູ້ແນ່ໆ ຄືເກມແຂ່ງລົດ ເທື່ອນີ້ເຜີຍຕົວເກມຈິງໆອອກມາ ບອກໄດ້ເລີຍວ່າມັນແນ່ນອນ 

angry-birds-go-gameplay-a

ຮູບແບບເກມ Angry Birds Go! ນີ້ເປັນເກມແຂ່ງລົດ ກັບເພື່ອນໆ ຕົວລະຄອນຈາກເກມ Angry Birds ນີ້ເອງ ທ່ານສາມາດ ເລືອກວ່າຈະບັງຄັບຕົວລະຄອນໃດໃນເກມ ແລະ ແຂ່ງໃຫ້ເຮົາເຂົ້າເສັ້ນໄຊເປັນທີ່ 1 ຫຼື ຕ້ອງເປັນ Top 3 ໃຫ້ໄດ້ ທ່ານສາມາດໃຊ້ທ່າໄມ້ຕາຍ ຫຼື ປ່ອຍ ໄອເທີມ ແກ້ງ ເພື່ອນໆ ໄດ້ດ້ວຍ (ຮູບແບບເໝືອນເກມ Mario Kart ເລຍ ) ຊຶ່ງເກມນີ້ ຫາກເບິ່ງຕົວຢ່າງແລ້ວຄືຫຼິ້ນໃນ Play Station ຫຼື ເກມ ພີຊີ ແຕ່ຈິງໆ ແລ້ວ ທ່ານຫຼິ້ນເກມຜ່ານແອບ Angry Birds Go ໃນສະມາດໂຟນ ໄດ້ເລີຍ ແຕ່ ສະມາດໂຟນ ຫຼື ແທບເລັດ ຕ້ອງສະເປກສູງ ເທົ່າກັບເກມ asphalt ເກມແຂ່ງລົດຍອດນິຍົມ

ແອບເກມແຂ່ງລົດ Angry Birds Go! ຈະເລີ້ມປ່ອຍໃຫ້ໂລດ ຟີ ໃນວັນທີ່  11 ທັນວານີ້

ຂໍ້ມູນຈາກ Youtube Roviomobile

Read Full Post | Make a Comment ( None so far )

ເກີດເຫດ…!!! ກະທຳຊຳເລົາເດັກ ພຽງ 3 ປີ (ຫລານຕົນເອງແທ້ໆ)

Posted on October 18, 2013. Filed under: Lao News |


khomkuen-150x150

ເຈົ້າໜ້າທີ່​ກອງ​ຄະດີ​ອາຍາ ປກສ ​ເມືອງ ສີ​ສັດຕະ​ນາກ ​ໄດ້​ເປີດ​ການ​ສືບ ສວນ-ສອບ​ສວນຄະດີ ທ້າວ ຈັນ​ເພັງ ອາຍຸ 30 ປີ ກຳມະກອນ ຢູ່​ບ້ານ ສ້າງ​ເຫວີຍ ​ເມືອງ ສີ​ສັດຕະ​ນາກ ນະຄອນຫຼວງວຽງຈັນ ໃນ​ວັນ​ທີ 1 ຕຸລານີ້ ຫຼັງຜູ້ກ່ຽວກໍ່ຄະດີ​ທຳ​ສຳ​ເລົາຫຼານຂອງ​ຕົນອາຍຸ 3 ປີ.

ຢູ່​ກອງ​ຄະດີ ເມືອງ ສີ​ສັດຕະ​ນາກ,​ ເຈົ້າໜ້າທີ່ສືບສວນ- ສອບ​ ສວນ ໄດ້ເອົາ​ຄຳ​ໃຫ້ການ​ຈາກ​ຜູ້​ເສຍ​ຫາຍພ້ອມ​ທັງ​ຜົນ​ຢັ້ງຢືນ​ຈາກ​ແພດ​ເພື່ອ​ເປັນຫຼັກຖານ​ດຳ​ເນີນ​ຄະດີ ທ້າວ ຈັນ​ເພັງ ​ໃນ​ຂໍ້​ຫາ​ທຳ​ສຳ​ເລົາ​ເດັກ ​ແລະ ​ຜູ້ກ່ຽວ ​ໃຫ້ການ​ຮັບ​ສາລະພາບ​ວ່າ: ພາຍຫຼັງ​ພົ້ນ​ໂທດ​ຈຳ​ຄຸກ​ເປັນ​ເວລາ 1 ປີ 9 ເດືອນ​ຢູ່ຄ້າຍ​ຄຸມ​ຂັງເມືອງ​ຫາດ​ຊາຍ​ຟອງ ນະຄອນຫຼວງວຽງຈັນ ໃນ​ຂໍ້​ຫາ​ລັກ​ຊັບ​ພົນລະ​ເມືອງ ​ເມື່ອ​ປີ 2011 ຜ່ານ​ມາ​ແລ້ວ ​ ໄດ້​ມາ​ຢູ່​ນຳພໍ່ ແລະ ນ້ອງ​ສາວ ​ຢູ່ບ້ານ​ສ້າງ​ເຫວີຍ. ມາ​​ເຖິງ​ວັນ​ທີ 1 ຕຸລາ2013 ເວລາ​ປະມານ 10 ໂມງ​ເຊົ້າ, ທ້າວ ຈັນ​ເພັງ​ ໄດ້​ຕື່ນ​ນອນ​ມາ​ແລ້ວ​ຕົ້ມ​ກາ​ເຟດື່ມ. ຈາກ​ນັ້ນ​ໄດ້​ເຫັນຫລານຍ່າງ​ມາຫຼິ້ນນຳ ​ແລະ ​ມາ​ນັ່ງ​ຕັກ​ຜູ້ກ່ຽວ​ເຮັດ​ໃຫ້​ເກີດມີ​ອາລົມ​ທາງ​ເພດ ຈິ່ງ​ໄດ້​ກະທຳ​ໃນ​ສິ່ງ​ທີ່​ບໍ່​ຖຶກຕ້ອງດັ່ງກ່າວ, ສ່ວນຜົນ​ກວດຂອງ​ແພດ​ມີ​ຮອຍ​ຈີກ​ຂາດ ຂອງ​ອະ​ໄວ​ຍະ​ວະ​ເພດ ຊຶ່ງ​ເປັນຫຼັກຖານ​ໃຫ້​ແກ່​ການ​ດຳ​ເນີນ​ຄະດີ ທ້າວ ຈັນ​ເພັງ ຕາມ​ລະບຽບກົດໝາຍ.
ທ່ານ ພັນ​ຕີ ສຸບັນ​ໄຊ ​ຫົວໜ້າກອງ​ຄະດີອາຍາ ​ເມືອງສີ​ສັດຕະ​ນາກ ​ໃຫ້​ຂໍ້​ສັງ​ເກດວ່າ: ທ້າວ ຈັນ​ເພັງ ​ມີ​ແນວ​ຄິດ ​ແລະ ການ​ກະທຳ​ເຈ​ຕະນາທຳ​ຊຳ​ເລົາ​ເດັກ​ແທ້ ແລະ ມັນ​ເປັນການ​ກະທຳ​ຜິດ​ຕໍ່ກົດໝາຍອາຍາມາດຕາ 129 ໃນ​ສະຖານ​ທຳ​ສຳ​ເລົາ​ເດັກ ຊຶ່ງ​ປັດຈຸ​ບັນ​,​ ເຈົ້າໜ້າທີ່​ເລັ່ງສະຫຼຸບສຳນວນ​ຄະດີເພື່ອ​ສົ່ງ​ໃຫ້ໄອ​ຍະ​ການ ແລະສານ ຕັດສິນ​ລົງ​ໂທດຕາມ​ລະບຽບກົດ ໝາຍ.
ຂໍ້ມູນຈາກ ໜັງສືພິມລາຍວັນ ລາວພັດທະນາ
Read Full Post | Make a Comment ( None so far )

ຖືກ​ສານ​ຕັດສິນ​​ຈຳ​ຄຸກ 6 ​ເດືອນຍ້ອນ​ພະຍາຍາມ​ຂົ່ມ​ຂືນ​ຍິງ​ອາຍຸ 45 ປີ

Posted on October 18, 2013. Filed under: Lao News |


timthumb

ທ້າວ ບົວ​ວັນ ອາຍຸ 16 ປີ ຢູ່​ບ້ານ​ຫົວ​ນາ​ທົ່ງ ​ເມືອງ​ປາກງື່ມ ນະຄອນຫລວງ​ວຽງ​ຈັນ ຖືກ​ສານ​ປະຊາຊົນ​ນະຄອນ ຫລວງວຽງຈັນ ຕັດສິນລົງໂທດຈຳຄຸກເປັນເວລາ 6 ເດືອນ ແລະ ປັບໄໝເງິນຈຳນວນ 3 ລ້ານກີບ ຫລັງຜູ້ກ່ຽວມີຄວາມຜິດ ຖານພະຍາຍາມຂົ່ມຂືນ ຍິງອາຍຸ 45 ປີ ຢູ່ບ້ານດຽວກັນ ເມື່ອວັນທີ 2 ມິຖຸນາ 2013 ແຕ່ບໍ່ສຳເລັດ ຍ້ອນຍິງຄົນ ດັ່ງກ່າວພະ ຍາຍາມຂັດຂືນ ແລະ ຂໍຮ້ອງບໍ່ໃຫ້ກະທຳໃນສິ່ງບໍ່ດີບໍ່ງາມ ພ້ອມກັບເອົາເງິນຈຳ ນວນໜຶ່ງທີ່ມີຕິດຕົວ ໃຫ້ທ້າວ ບົວວັນ ຈຶ່ງຍອມປ່ອຍ ແລະ ໜີໄປ. ຈາກນັ້ນ ຈຶ່ງໄດ້ໄປແຈ້ງຕໍ່ອຳນາດການປົກຄອງເພື່ອດຳເນີນຄະດີຜູ້ກ່ຽວຕາມກົດໝາຍໃນເວລາຕໍ່ມາ.

ເຈົ້າໜ້າທີ່ໃຫ້ຮູ້ວ່າ: ທ້າວ ບົວວັນ ເຄີຍກະທຳຜິດໃນສະຖານຂົ່ມຂືນທຳຊຳເລົາ ມາແລ້ວຈຳນວນ 5 ຄັ້ງ, ຖືກສຶກສາ ອົບຮົມ ຢູ່ຂັ້ນບ້ານ 4 ຄັ້ງ ແລະ ຂັ້ນເຈົ້າໜ້າທີ່ ປກສ ເມືອງປາກງື່ມ 1 ຄັ້ງ.
ຂໍ້ມູນຈາກ ໜັງສືພິມລາຍວັນ ລາວພັດທະນາ
Read Full Post | Make a Comment ( None so far )

ຂົວໄຊຍະບຸຣີ-ຫຼວງພຣະບາງ ເປີດໃຊ້ແລ້ວ

Posted on October 18, 2013. Filed under: Lao News |


24d5b6b5-99e7-433d-b523-016e9156607f

ຂົວ ຂ້າມແມ່ນໍ້າຂອງຣະຫວ່າງ ແຂວງ ໄຊຍະບຸຣີ ແລະ ຫລວງພຣະບາງ ເປີດທົດລອງ ໃຊ້ແລ້ວຕັ້ງແຕ່ວັນທີ່ 12 ເດືອນຕຸລາ ເປັນຕົ້ນມາ. ເຈົ້າໜ້າທີ່ລາວຄາດວ່າ ຂົວດັ່ງກ່າວ ຈະໃຫ້ຄວາມສະດວກສະບາຍ ແກ່ການຄ້າຣະຫວ່າງ ແຂວງໄຊຍະບຸຣີແລະແຂວງຫລວງພະບາງ ເວົ້າ ໂດຍທົ່ວໄປຣະຫວ່າງລາວແລະໄທ. ດັ່ງເຈົ້າໜ້າທີ່ຜແນກອຸດສາຫະກັມແລະການຄ້າ ແຂວງຫລວງພຣະບາງ ທ່ານນຶ່ງເວົ້າວ່າ:

“ມີຜົນປະໂຍດຕໍ່ການຄ້າຣະຫວ່າງຫລວງພຣະບາງກັບໄຊຍະບຸຣີ ແລ້ວກະທາງຝັ່ງໄທ ກະຂົນສິນຄ້າເຂົ້າມາ ເພື່ອກະຕຽມຕົວເຂົ້າສູ່ AEC ນີ້ ກະຖືວ່າຂົວນີ້ສາມາດ ຮອງຮັບໃຫ້ການດໍາເນີນສິນຄ້າຂອງພວກ ເຮົາໄດ້ດີ ເພາະແຂວງໄຊຍະບຸຣີ ມີຊາຍແດນຕິດຈອດ ກັບໄທຕັ້ງ 300 ຫາ 400 ກິໂລແມັດເນາະ ແລະກໍມີດ່ານສາກົນ ດ່ານທ້ອງຖິ່ນ ສິນຄ້າຈະຫລັງໄຫລເຂົ້າມາຫລາຍ.”

ແຕ່ກ່ອນ ການຂົນສົ່ງສິນຄ້າຣະຫວ່າງແຂວງໄຊຍະບຸຣີ ແລະແຂວງຫລວງພຣະບາງ ຕ້ອງອາສັຍເຮືອບັກ ຊຶ່ງທັງຊັກຊ້າຣາຄາແພງ ແລະສິ່ງ ທີ່ສຳຄັນເປີດເປັນບາງເວລາເທົ່ານັ້ນ; ສ່ວນຂົວຈະເປີດຕລອດ 24 ຊົ່ວໂມງ. ຂົວຂ້າມແມ່ນໍ້າຂອງແຫ່ງນີ້ ເປັນຂົວເຊື່ອມຕໍ່ຣະຫວ່າງ ບ້ານທ່າ ເດື່ອ ເມືອງໄຊຍະບຸຣີ ແຂວງໄຊຍະບຸຣີ ແລະບ້ານປາກຄອນ ເມືອງນ່ານ ແຂວງຫລວງພຣະບາງ. ຣັຖບານລາວເລີ້ມສ້າງຂົວ ແຫ່ງດັ່ງກ່າວ ນັບແຕ່ປີ 2010 ເປັນຕົ້ນມາໂດຍໃຊ້ ເງິນທຶນປະມານ 10 ລ້ານດອນລ່າ ສະຫະຣັຖ ໃນນັ້ນ 8 ລ້ານຫລື 80 ສ່ວນຮ້ອຍ ຢືມຈາກຣັຖບານ ເກົາຫລີໃຕ້. ຂົວມີຄວາມຍາວ 620 ແມັດ, ກວ້າງ 10 ແມັດເຄິ່ງ ແລະມີຊ່ອງທາງຣົດແລ່ນສອງຊ່ອງ.

from:rfa.org

Read Full Post | Make a Comment ( None so far )

49 ເສັຍຊີວິດ ໃນເຫດການ ເຮືອບິນຕົກ ຢູ່ປາກເຊ

Posted on October 18, 2013. Filed under: Lao News |


ຊາວບ້ານພາກັນມາເບິ່ງ ເຄື່ອງຂອງສໍາພາລະ ຂອງຜູ້ໂດຍສານ ໃນຍົນ ສາຍການບິນລາວ ທີ່ຕົກໃສ່ແມ່ນໍ້າຂອງ ໃກ້ເມືອງປາກເຊ ວັນທີ 17 ຕຸລາ 2013

AFP PHOTO / PORNCHAI KITTIWONGSAKUL

ເຮືອບິນໂດຍສານຂອງສາຍການບິນລາວເກີດອຸບັດຕິເຫດຕົກລົງໃສ່ແມ່ນໍ້າຂອງເຮັດໃຫ້ຄົນເສັຍຊີວິດທັງໝົດ 49 ຄົນ ໃນນັ້ນເປັນຜູ້ໂດຍສານ 44 ຄົນ ສ່ວນອີກ 5 ຄົນ ແມ່ນ ຄົນຂັບຍົນ ແລະ ພະນັກງານ ບໍຣິການ ອາກາດ.

ສ່ວນສາເຫດນັ້ນ, ລັດວິສາຫະກິດສາຍການບິນລາວ ອອກໃບແຈ້ງການວ່າເຮືອບິນ ATR72 ຖ້ຽວບິນ QV301 ອອກບິນຈາກນະຄອນຫຼວງ ວຽງຈັນ ເມື່ອເວລາປະມານ 14 ໂມງ ແລະ 45 ນາທີ ເມື່ອວັນພຸດ ວັນທີ່ 16 ຕຸລາ ລົງໄປ ເມືອງປາກເຊ ແຂວງຈໍາປາສັກ ພາກໃຕ້ຂອງ ລາວ; ແຕ່ເມື່ອບິນມາເຖິງສນາມບິນເມືອງປາກເຊ ເຮືອບິນລົງບໍ່ໄດ້ ເພາະສະພາບອາກາດປັ່ນປ່ວນ. ສ່ວນຂ່າວ ສານປະເທດລາວ ແຈ້ງສາ ເຫດວ່າໃນເວລາຈະລົງເດີ່ນເຮືອບິນລໍານັ້ນ ຖືກລົມພັດຢ່າງແຮງ ຈົນເຈືອກອອກໄປ ຫາແມ່ນໍ້າຂອງ ແລ້ວກໍຕົກລົງນໍ້າ. ເຈົ້າໜ້າທີ່ສນາມ ບິນ ເມືອງປາກເຊ ທີ່ບໍ່ປະສົງບອກຊື່ ເວົ້າເຖິງອຸບປະຕິເຫດເທື່ອ ນີ້ວ່າ:

“ມັນໃກ້ຊິຮອດເດີ່ນ ລະນາ ມັນຢູ່ແຖວດອນຂໍ ໃກ້ໆຊິຮອດເດີ່ນບິນລະແຫລະ ມັນລົງບໍ່ໄດ້ວ່າຊັນ ຕົກນໍ້າ ຂະເຈົ້າເອົາລົງນໍ້າວ່າຊັ້ນ ແບບວ່າ ຈັ່ງໃດ ເຂົາເຈົ້າ ບໍ່ໄດ້ເອົາລົງເດີ່ນເບາະ ຈັ່ງໃດນີ້ແຫລະ ມັນລົງບໍ່ ໄດ້ ມັນຕົກລົງໃນນໍ້າຂອງ ຫັ່ນນ່າ ໄດ້ຍິນວ່າຂະເຈົ້າມີກວດ ເຂົາເຈົ້າຍັງ ເບິ່ງ ພາສປອດ ອີຫຍັງນີ້ແຫລະ. ມັນມີພາສປອດລາວ ພາສປອດໄທ ອີຫຍັງນີ້ແຫລະບໍ່ເຂົາໃຈ. ເຂົາເຈົ້າວ່າເຂົາເຈົ້າກໍຍັງຕົກໃຈຄືກັນ.”

ຈໍານວນຜູ້ເສັຍຊີວິດ 49 ຄົນນີ້ ຮວມມີຄົນລາວ 17 ຄົນ, ສ່ວນເຫລືອ ເປັນຊາວຕ່າງປະເທດ ຄືມີຊາວຝຣັ່ງ 7 ຄົນ, ອັອສເຕຣເລັຍ 5 ຄົນ, ໄທ 5 ຄົນ, ເກົາຫລີ 3 ຄົນ, ວຽດນາມ 2 ຄົນ ແລະ ຈາກຈີນ ໃຕ້ຫວັນ ການາດາ ແລະ ມາເລເຊັຍ ປະເທດລະ 1 ຄົນ.

ປັຈຈຸບັນ ສາຍການບິນລາວກໍາລັງຊອກຫາຊາກສົບ ຜູ້ທີ່ເສັຍຊີວິດ ແລະ ປະສານງານ ຕິດຕໍ່ ກັບຍາດຕິພີ່ນ້ອງ ຂອງຜູ້ທີ່ໄດ້ຮັບເຄາະຮ້າຍ.

From: rfa.org

Read Full Post | Make a Comment ( None so far )

ອຸບັດຕິເຫດເຮືອບິນຕົກ ທີ່ ປາກເຊ

Posted on October 16, 2013. Filed under: Lao News |


ເຮືອບິນ ATR72 ຂອງສາຍການບິນລາວ ຖ້ຽວບິນ QV 301 ວຽງຈັນ-ປາກເຊ ເກີດອຸບັດຕິເຫດ ຕົກລົງແມ່ນ້ຳຂອງ ໃນຕອນແລງວັນພຸດ ທີ 16 ຕຸລາ 2013

             RFA

ເຮືອບິນ ATR72 ຂອງສາຍການບິນລາວ, ຖ້ຽວບິນ QV301 ວຽງຈັນ-ປາກເຊ ເກີດອຸບັດຕິເຫດຕົກລົງແມ່ນໍ້າຂອງ ໃນຕອນແລງ ວັນພຸດ ທີ 16 ເດືອນຕຸລາ, ມີຜູ້ເສັຍຊີວິດຢ່າງໜ້ອຍ 44 ຄົນ, ໃນ ຂະນະທີ່ ໃກ້ຈະລົງສູ່ ສນາມບິນ ປາກເຊ.

ເຮືອບິນລໍາດັ່ງກ່າວກຳນົດອອກເດີນທາງຈາກວຽງຈັນ 14:45 ໂມງ ແລະຄາດວ່າຈະເຖິງປາກເຊ 15:55 ໂມງ, ມີຜູ້ໂດຍສານ 44 ຄົນ ແລະ ເຈົ້າໜ້າທີ່ ການບິນ 5 ຄົນ, ໃນນັ້ນ ຮວມທັງ ຊາວລາວ 17 ຄົນ, ຝຣັ່ງເສດ 7 ຄົນ, ອົສເຕຣເລັຍ 5 ຄົນ, ໄທ 5 ຄົນ, ເກົາຫລີ 3 ຄົນ, ວຽດນາມ 2 ຄົນ, ຈີນ 1 ຄົນ, ໃຕ້ຫວັນ 1 ຄົນ, ການາດາ 1 ຄົນ, ມະເລເຊັຍ 1 ຄົນ ແລະອະເມຣິກັນ 1 ຄົນ. ປັຈຈຸບັນ ເຈົ້າ ໜ້າທີ່ ສາມາດ ເກັບກູ້ຊາກຊົບໄດ້ ຈໍານວນນຶ່ງແລ້ວ.

ອີງຕາມ ຖແລງການ ຂອງ ຣັດວິສະຫະກິຈ ການບິນລາວ, ສາເຫດ ທີ່ເຮັດໃຫ້ ເຮືອບິນ ເກີດອຸບັດຕິເຫດ ຄັ້ງນີ້ ເນື່ອງຈາກວ່າ ໃນເວລາ ທີ່ເຮືອບິນ ຈະລົງສູ່ສນາມບິນປາກເຊນັ້ນ ໄດ້ປະສົບກັບ ສະພາບອາ ກາດປັ່ນປ່ວນມີຝົນ ແລະ ຟ້າຂະນອງ ກະທັນຫັນ. ລັດວິສະຫະກິຈ ການບິນລາວ ໄດ້ປະສານງານກັບພາກສ່ວນກ່ຽວຂ້ອງ ເພື່ອປະຕິບັດ ວຽກງານຕາມຂັ້ນຕອນໃນການຮັບມືກັບເຫດການສຸກເສີນ, ພ້ອມທັງ ໄດ້ຈັດຕັ້ງໜ່ວຍງານ ຮັບຜິດຊອບກູ້ພັຍເພື່ອຊອກຫາຊ່ອຍ ຜູ້ທີ່ລອດ ຊີວິດແລະຕິດຕໍ່ ປະສານງານກັບຍາດພີ່ນ້ອງ ຂອງຜູ້ທີ່ປະສົບ ເຄາະ ຮ້າຍໃນຄັ້ງນີ້.

ປັຈຈຸບັນຍັງຢູ່ໃນລະຍະສືບສວນກ່ຽວກັບຣາຍລະອຽດ ຂອງອຸບັດຕິ ເຫດຄັ້ງນີ້ແລະທາງຣັດວິສະຫະກິຈການບິນລາວຄາດວ່າຈະສາມາດ ໃຫ້ຣາຍລະອຽດເພີ້ມຕື່ມ ໃນຕອນແລງ ວັນທີ 17 ເດືອນຕຸລານີ້.

Read Full Post | Make a Comment ( None so far )

ສານສາກົນສັ່ງຫ້າມຣັຖບານລາວ ຍຶດຊັພສິນ Sanum

Posted on October 16, 2013. Filed under: Lao News |


f-sanum

ກາຊີໂນ ສວັນເວກັສ ກໍ່ເປັນສ່ວນນຶ່ງ ໃນການລົງທຶນ ຂອງບໍຣິສັດ Sanum

             Savanh-Vegas

ບໍຣິສັດ Lao Holding ເປັນບໍຣິສັດແມ່ຂອງບໍຣິສັດສະນໍາເຈົ້າຂອງ ກາສິໂນ ສວັນ-ເວກັສ ອອກຖແລງການ ແຈ້ງວ່າສານແກ້ໄຂ ຂໍ້ຂັດ ແຍ່ງ ຣະຫວ່າງຊາດໄດ້ສັ່ງຫ້າມຣັຖບານລາວຍຶດຊັພສິນຂອງບໍຣິສັດ ສະນໍາ ຈົນກວ່າທັງສອງຝ່າຍ ຈະສາມາດແກ້ໄຂ ຂໍ້ຂັດແຍ້ງກັນໄດ້.

ຖແລງການນັ້ນແຈ້ງຣາຍລະອຽດວ່າ ສານຣະຫວ່າງຊາດໄດ້ຕັດສິນ ເມື່ອວັນທີ່ 2 ເດືອນກັນຍາ ທີ່ຜ່ານມາອີກວ່າ ຫ້າມຣັຖບານລາວຍຶດ ໂຮງກາສິໂນ ສວັນ-ເວກັສ ແລະ ຫ້າມເກັບພາສີອາກອນ ເຖິງ 80 ສ່ວນຮ້ອຍຂອງຣາຍຮັບທັງໝົດ ຂອງບໍຣິສັດສະນໍາຊຶ່ງເປັນການເກັບ ພາສີອາກອນ ທີ່ສຸງເກີນໄປ ແລະທີ່ເປັນຂໍ້ຍັດແຍ້ງໃຫຍ່ ອີກຢ່າງນຶ່ງ ຣະຫວ່າງຣັຖບານລາວ ແລະ ບໍຣິສັດສະນໍາ.

ໃນເດືອນສິງຫາ ປີກາຍບໍຣິສັດ Lao Holding ແລະບໍຣິສັດສະນໍາ ສົ່ງຟ້ອງຣັຖບານລາວ ຂຶ້ນສານຣະຫວ່າງຊາດ ໃນຂໍ້ຫາບໍ່ ປະຕິບັດ ຕາມກົດໝາຍສາກົນ ກ່ຽວກັບການປົກປັກຮັກສາ ການລົງທຶນຂອງ ຕ່າງປະເທດ. ໃນການຍື່ນຟ້ອງນັ້ນ ບໍຣິສັດສະນໍາໄດ້ຕູ່ຫາ ຣັຖບານລາວເປັນຜູ້ຍຶດເອົາໂຮງກາສິໂນ ຂອງບໍຣິສັດສະນໍາທີ່ທ່ານາແລ້ງເຂດນະ ຄອນຫລວງວຽງຈັນ ແລະຣັຖບານລາວໄດ້ບັງຄັບໃຫ້ ບໍຣິສັດສະນໍາເສັຍພາສີອາກອນເປັນເງິນຫລາຍລ້ານດອນລ່າສະຫະຣັຖ. ຮ້າຍໄປກວ່າ ນັ້ນ ເມື່ອບໍ່ດົນຜ່ານມາ ຣັຖບານລາວກໍມີທ່າທີ ວ່າຈະຍຶດເອົາໂຮງກາສິໂນ ສວັນ-ເວກັສ ທີ່ແຂວງສວັນນະເຂດ ນັ້ນນໍາ.

ທ່ານ Jody Jordahl ປະທານ ບໍຣິສັດສະນໍາ ກ່າວວ່າ ການຍຶດເອົາໂຮງກາສິໂນ ສວັນ-ເວກັສ ຈະທໍາຣາຍອະນາຄົດ ຂອງບໍຣິສັດ Lao Holding ແລະບໍຣິສັດສະນໍາ.

from: rfa.org

Read Full Post | Make a Comment ( None so far )

ໜັງທ້ອງລາຍ ບໍ່ເປັນຕາຢ້ານ ປ້ອງກັນໄດ້

Posted on October 16, 2013. Filed under: ຄວາມຮູ້ເລື່ອງສຸຂະພາບ, ສາລະໜ້າຮູ້ |


1. ຜິວໜັງຂະຫຍາຍໂຕກັບການຂະຫຍາຍໂຕຂອງມົດລູກ ໂດຍສະເພາະ ຜູ້ທີ່ມີຜິວແຫ້ງຈະເປັນງ່າຍ. 2. ນໍ້າໜັກໂຕແມ່ມານເພີ່ມຂຶ້ນໄວເກີນໄປ ຈະເຮັດໃຫ້ຜິວແຕກລາຍເພີ່ມຂຶ້ນ. 3. ການເກົາເມື່ອຮູ້ສຶກຄັນຜິວໜັງທີ່ພວມແຕກລາຍ ຈະເພີ່ມການເກີດ ທ້ອງລາຍຫລາຍຂຶ້ນ. 4. ການນອນສະແຄງ ເຮັດໃຫ້ທ້ອງອຽງຫລາຍ ຜິວໜັງດ້ານກົງກັນຂວ້າມ ຈະຖືກຈ່ອງເຮັດໃຫ້ທ້ອງລາຍຫລາຍຂຶ້ນ.

ມາພາກັນລືມເລື່ອງທ້ອງລາຍ ຊຶ່ງເປັນສິ່ງທີ່ເປັນຕາຢ້ານສຳລັບແມ່ໃໝ່ກັນເຖາະ

1. ເບິ່ງແຍງນໍ້າໜັກໂຕໃຫ້ຂຶ້ນຕາມເກນທີ່ເໝາະສົມ ເດືອນລະປະມານ 2 ກ.ກ ຢ່າໃຫ້ຂຶ້ນໄວເກີນໄປ ຜິວໜັງຈະໄດ້ຍຶດໂຕຊ້າໆ ຕໍ່ເນື່ອງ ແລະ ປັບສະພາບຜິວ ບໍ່ໃຫ້ແຕກລາຍໄດ້. 2. ຫລີກເວັ້ນການອາບນໍ້າຮ້ອນ ເພາະຈະເຮັດໃຫ້ຜິວໜັງແຫ້ງຫລາຍ ຄັນຫລາຍ ເຮັດໃຫ້ຜິວແຕກລາຍຫລາຍຂຶ້ນ. 3. ເມື່ອຄັນຕາມຜິວໜັງບໍ່ຄວນເກົາ ຄວນໃຊ້ວິທີລູບທ້ອງແບບຄ່ອຍໆ ໝັ່ນຕັດເລັບໃຫ້ສັ້ນ ເພື່ອປ້ອງກັນການຫລົງເກົາໃນເວລານອນຫລັບ. 4. ຫລຸດຜ່ອນອາການຄັນດ້ວຍການທານໍ້າມັນໝາກກອກ ຄຣີມ ໂລຊັ້ນ ເພື່ອເພີ່ມຄວາມຊຸ່ມຊື່ນໃຫ້ຜິວໜັງ. 5. ສ້າງຄວາມຊຸ່ມຊື່ນໃຫ້ຜິວໜັງ ດ້ວຍການດື່ມນໍ້າໃຫ້ພຽງພໍ. 6. ກິນຜັກ ແລະ ໝາກໄມ້ສົດໃຫ້ຫລາຍເພື່ອບໍາລຸງຜິວໃຫ້ນຸ້ມນວນ ຊຸ່ມຊື່ນ. 7. ໝັ່ນອອກກໍາລັງກາຍຄ່ອຍໆ ໃຫ້ຜິວໜັງແຂງແຮງເຊັ່ນ: ຍ່າງ ລອຍນໍ້າ ເພື່ອຫລຸດໂອກາດເກີດຮອຍແຕກລາຍ. 8. ຫາໝອນມາຮອງທ້ອງຂະນະນອນສະແຄງ ເພື່ອຊ່ວຍໃຫ້ຮູ້ສຶກສະບາຍ ແລະ ຫລຸດການຈ່ອງດຶງຂອງຜິວໜັງດ້ານກົງກັນຂວ້າມ. 9. ໃສ່ຊຸດຊັ້ນໃນ ຊ່ວຍຊູນໍ້າໜັກ ບໍ່ໃຫ່ຖ່ວງນໍ້າໜັກຜິວໜັງບໍລິເວນ ໜ້າທ້ອງຫລາຍເກີນໄປ 10. ຖ້າຄິດຈະໃຊ້ຢາທາ ໃຊ້ ເລເຊີປົວທ້ອງລາຍ ຕ້ອງປຶກສາແພດໝໍ ເພື່ອຄວາມປອດໄພຕໍ່ລູກໃນທ້ອງ.

ໂດຍ: ນໍ້າຫວານ

Read Full Post | Make a Comment ( None so far )

ຄວາມຮູ້ກ່ຽວກັບພະຍາດ ມື ຕີນ ປາກເປື່ອຍ ແລະ ສິ່ງທີ່ຄວນປະຕິບັດ

Posted on October 16, 2013. Filed under: ຄວາມຮູ້ເລື່ອງສຸຂະພາບ, ສາລະໜ້າຮູ້ |



I. ຄວາມຮູ້ກ່ຽວກັບພະຍາດ ມື ຕີນ ປາກເປື່ອຍ :
ພະຍາດ ມື ຕີນ ປາກເປື່ອຍ ແມ່ນພະຍາດຕິດຕໍ່ຊະນິດໜຶ່ງທີ່ເກີດຍ້ອນເຊື້ອຈຸລະໂລກລຳໄສ້ (EV71) ພະຍາດນີ້ແຕກຕ່າງ
ແລະ ບໍ່ຄືກັນກັບພະຍາດປາກ ຕີນເປື່ອຍໃນສັດລ້ຽງເຊັ່ນ ງົວ ຄວາຍ ແກະ ແລະ ໝູ. ພະຍາດ ມື ຕີນ ປາກເປື່ອຍ ບໍ່ແມ່ນ
ພະຍາດຕິດຕໍ່ທີ່ເກີດຂຶ້ນມາໃໝ່ ແຕ່ພະຍາດນີ້ເຄີຍມີການລະບາດຢູ່ບັນດາປະເທດຕ່າງໆໃນພາກພື້ນແຕ່ປີ 1997 ເປັນຕົ້ນມາເຊັ່ນ:
ປີ 1997 ມີລາຍງານການລະບາດຢູ່ປະເທດມາເລເຊັຍ, ປີ 1998 ມີການລະບາດຢູ່ໄຕ້ຫວັນ, ປີ 2007 ມີການລະບາດຢູ່
ປະເທດອິນເດັຍ, ປີ 2008 ລະບາດຢູ່ປະເທດຈີນ ສິງຄະໂປ ຫວຽດນາມ ມົງໂກລີ ແລະ ປະເທດບຣູໄນ, ປີ 2009 ມີການ
ລະບາດຢູ່ແຂວງຊານຕົງ (Shandong) ແລະ ເຫີໜານ(Henan) ຂອງປະເທດຈີນ, ປີ 2010 ລະບາດຢູ່ກວງຊີ (Guangxi)
ຂອງປະເທດຈີນ, ປີ 2011 ມີການລະບາດຢູ່ຫວຽດນາມ ແລະ ຢູ່ປະເທດຈີນ, ປີ 2012 ມີການລະບາດຢູ່ ອາລາບາມາ
ສະຫະລັດອະເມຣິກາ ແລະ ລະບາດຢູ່ປະເທດ ກຳປູເຈັຍ.

II. ອາການ :
ອາການເລີ່ມຕົ້ນຂອງພະຍາດ ມື ຕີນ ປາກເປື່ອຍທີ່ມັກພົບເຫັນເລື້ອຍໆແມ່ນປະກອບດ້ວຍ ໄຂ້ ເຈັບຄໍ ກິນເຂົ້າບໍ່ແຊບ
ນອກຈາກນັ້ນຍັງມີອາການອື່ນໆເຊັ່ນ: ເຈັບຫົວ ຮາກ ເມື່ອຍ ຖອກທ້ອງ ພ້ອມກັນນັ້ນຍັງມີຕຸ່ມແດງຢູ່ຝາມື ຝາຕີນ ຕຸ່ມຢູ່ແກ້ມດ້ານໃນ
ແລະ ຕຸ່ມຢູ່ລີ້ນ.  ພະຍາດ ມື ຕີນ ປາກເປື່ອຍ ສ່ວນໃຫຍ່ມັກເກີດນຳເດັກນ້ອຍ ພະຍາດນີ້ບໍ່ຄ່ອຍພົບເຫັນໃນຜູ້ໃຫຍ່
10-30% ຂອງຄົນເຈັບທີ່ເປັນພະຍາດ ມື ຕີນ ປາກເປື່ອຍຈະຂະຫຍາຍໄປສູ່ອາການໜັກ.
ອາການສົນ : ສ່ວນໃຫຍ່ບໍ່ສູ້ເຫັນມີອາການສົນຍ້ອນພະຍາດ ມື ຕີນ ປາກເປື່ອຍ ຢ່າງໃດກໍຕາມ ຖ້າມີອາການສົນ ຄົນເຈັບຕ້ອງ
ຢູ່ໃກ້ແພດເພື່ອປິ່ນປົວຢ່າງໃກ້ຊິດ  ອາການສົນທີ່ຮ້າຍແຮງແມ່ນ ອາການສົນທາງດ້ານສະໝອງເຊັ່ນ ອັກເສບສະໝອງ
(ອາການບວມຂອງສະໝອງ) ຫົວໃຈເຕັ້ນໄວ ມີນ້ຳຊຶມອອກຈາກເຍື່ອຫຸ້ມປອດ ເຮັດໃຫ້ຫາຍໃຈຫອບ ເມື່ອຫົວໃຈເຕັ້ນໄວເຮັດ
ໃຫ້ມີອາການນ້ຳຖ້ວມປອດ ຄົນເຈັບອາດເສັຍຊີວິດໄດ້ ຖ້າປິ່ນປົວບໍ່ທັນ.

III. ການປິ່ນປົວ :
ບໍ່ມີການປິ່ນປົວສະເພາະສຳລັບພະຍາດ ມື ຕີນ ປາກເປື່ອຍ  ຖ້າມີອາການໄຂ້ກໍກິນຢາແກ້ໄຂ້ (ປາຣາເຊຕາໂມນ)
ໝັ່ນໃຫ້ຄົນເຈັບກິນນ້ຳ ເພາະອາການເຈັບຄໍ ເຈັບປາກ ຈະເຮັດໃຫ້ຄົນເຈັບບໍ່ຢາກເຂົ້າຢາກນ້ຳ. ການຕິດເຊື້ອໃນເດັກສ່ວນໃຫຍ່
ຈະມີອາການເບົາບາງ ແລະ ຈະຫາຍດີພາຍໃນ 1 ອາທິດ ມີພຽງສ່ວນນ້ອຍເທົ່ານັ້ນທີ່ເຫັນຄົນເຈັບຕ້ອງການການປິ່ນປົວໃນໂຮງໝໍ
ໂດຍສະເພາະຖ້າມີອາການສົນທາງດ້ານສະໝອງ (ອັກເສບສະໝອງ ອັກເສບເຫຍື່ອຫຸ້ມສະໝອງ) ຫຼື ມີອາການບວມຂອງປອດ/
ເລືອດໄຫລໃນປອດ.
IV. ການຕິດເຊື້ອ :
ການຕິດເຊື້ອແມ່ນຍ້ອນການສຳພັດໂດຍກົງກັບຄົນເຈັບເຊັ່ນ ການຈັບບາຍ ການສຳພັດເຄື່ອງຫລິ້ນຂອງເດັກທີ່ຕິດເຊື້ອ ການກອດຈູບ
ຄົນເຈັບທີ່ຕິດເຊື້ອ.
ສິ່ງທີ່ບໍ່ຄວນປົນ :  ບໍ່ຄວນປົນກັບພະຍາດປາກເປື່ອຍ ຕີນເປື່ອຍຂອງສັດລ້ຽງເຊັ່ນ ງົວ ຄວາມ ແບ້ ໝູ ຊຶ່ງເກີດຍ້ອນເຊື້ອ
Picornaviridae Family ທີ່ບໍ່ມີການຕິດເຊື້ອຈາກສັດສູ່ຄົນ.
ພະຍາດ ມື ຕີນ ປາກເປື່ອຍ ແມ່ນພະຍາດທີ່ຕິດຕໍ່ກັນງ່າຍ : ໃນນັ້ນ ເຊື້ອພະຍາດສາມາດແຜ່ໄປຈາກຜູ້ໜຶ່ງໄປຫາອີກຜູ້ໜຶ່ງ
ຍ້ອນການສຳພັດ ຈັບບາຍ ນ້ຳຢາງເຫລືອງຂອງບາດແຜ ຫຼື ອາຈົມຂອງຄົນເຈັບ.
V. ມາດຕະການທີ່ຄວນປະຕິບັດ :
ສຳລັບຕານ່າງສາທາລະນະສຸກແຕ່ລະຂັ້ນ :
1. ຍົກລະດັບມາດຕະການເຝົ້າລະວັງ ຊອກຮູ້ພະຍາດລະບາດແຕ່ຫົວທີເພື່ອວາງມາດຕະການຄວບຄຸມຢ່າງທັນການ.
2. ປັບປຸງໜ່ວຍງານຕອບໂຕ້ດ່ວນຂອງສາທາລະນະສຸກເມືອງ ສາທາລະນະສຸກແຂວງ ໃຫ້ສາມາດເຄື່ອນໄຫວຕອບໂຕ້ການລະບາດ
ຢ່າງທັນການ.
3. ປັບປຸງວຽກງານວິເຄາະດ້ວຍການອົບຮົມວິທີເກັບກຳຕົວຢ່າງໃນກໍລະນີສົງໄສມີຄົນເປັນພະຍາດ ມື ຕີນ ປາກເປື່ອຍໃນທ້ອງຖິ່ນ.
4. ຮັບປະກັນໃຫ້ລະບົບສົ່ງຂ່າວ-ລາຍງານກໍລະນີລະຫວ່າງສູນກາງ ແລະ ທ້ອງຖິ່ນໃຫ້ມີປະສິດທິຜົນ.
5. ປັບປຸງການບົ່ງມະຕິ ແລະ ການປິ່ນປົວໃຫ້ມີປະສິດທິຜົນ ແນໃສ່ຫລຸດຜ່ອນການເຈັບ ແລະ ການຕາຍ ດ້ວຍການເຝິກອົບຮົມ
ໃຫ້ແພດໝໍມີຄວາມສາມາດໃນການບົ່ງມະຕິ ຊອກຮູ້ພະຍາດແຕ່ຫົວທີ ເພື່ອບໍ່ໃຫ້ພະຍາດຕິດຕໍ່ໃສ່ຜູ້ອື່ນ.
6. ໂຄສະນາໃຫ້ພໍ່ແມ່ປະຊາຊົນປະຕິບັດຫລັກການອະນາໄມ 3 ສະອາດຢ່າງເຂັ້ມງວດ ໂດຍສະເພາະໃນສະຖານທີ່ລ້ຽງເດັກ
ໂຮງຮຽນອະນຸບານ ໂຮງຮຽນປະຖົມ ໃຫ້ເອົາໃຈໃສ່ດູແລເບິ່ງແຍງເດັກຢ່າງໃກ້ຊິດ ຖ້າສົງໄສມີເດັກເປັນພະຍາດນີ້ໃຫ້ລາຍງານແພດ
ເພື່ອບົ່ງມະຕິໃຫ້ທັນເວລາ.
7. ສຳລັບໂຮງຝາກເດັກ ໂຮງຮຽນອະນຸບານທີ່ມີການດູແລເດັກແຕ່ເຊົ້າຮອດແລງ ພ້ອມທັງມີໂຮງອາຫານທ່ຽງສຳລັບເດັກ
ຄວນປະຕິບັດຫລັກການອະນາໄມຢ່າງເຂັ້ມງວດເຊັ່ນ ໃຫ້ເດັກລ້າງມືທຸກຄັ້ງກ່ອນກິນເຂົ້າ ສອນໃຫ້ເດັກລ້າງມືພາຍຫລັງໃຊ້ຫ້ອງນ້ຳາ
ສ້າງລະບົບຕິດຕາມຢ່າງເຂັ້ມງວດ.
8. ສຳລັບໂຮງຮຽນປະຖົມແຕ່ ປ.1 ຮອດ ປ.5 ຮັບປະກັນໃຫ້ມີນ້ຳສະອາດໄວ້ສຳລັບໃຫ້ເດັກນັກຮຽນລ້າງມືໃຫ້ສະອາດພາຍຫລັງທີ່ໃຊ້
ຫ້ອງນ້ຳາ ຫຼືລ ຈັບບາຍສິ່ງຂອງຕ່າງໆພາຍໃນໂຮງຮຽນນ ເພື່ອຫລີກເວັ້ນຈາກຄວາມສ່ຽງໃນການຕິດເຊຶ້ອພະຍາດນີ້.
9. ຄວນຈັດໃຫ້ມີການສຳມະນາ ນຳເອົາຄວາມຮູ້ໃຫ້ຜູ້ອຳນວຍການໂຮງຝາກເດັກ ໃຫ້ຄູ ອາຈານໂຮງຮຽນອະນຸບານ
ໂຮງຮຽນປະຖົມທັງພາກລັດ ແລະ ເອກະຊົນ ເພື່ອໃຫ້ຮູ້ກັນຢ່າງທົ່ວເຖິງ ເພື່ອຊ່ວຍກັນປ້ອງກັນການລະບາດທີ່ອາດຈະເກີດຂຶ້ນໄດ້ທຸກຍາມ.
VI. ສະຫລຸບ :
1. ພະຍາດ ມື ຕີນ ປາກເປື່ອຍສາມາດປ້ອງກັນໄດ້ ຖ້າມີການຮັກສາອະນາໄມຢ່າງເຂັ້ມງວດ ໂດຍສະເພາະຢູ່ບັນດາສະຖານທີ່ຝາກເດັກ
ໂຮງຮຽນອະນຸບານ ຊຸມຊົນແອອັດ ບ່ອນທີ່ມີເດັກນ້ອຍຫລິ້ນນຳກັນຫລາຍຄົນ.
2. ອຳນວຍການໂຮງຝາກເດັກ ໂຮງຮຽນປະຖົມທັງພາກລັດ ແລະ ເອກະຊົນເປັນຂໍກຸນແຈໃນການຜັນຂະຫຍາຍວຽກງານປ້ອງກັນ
ພະຍາດ ມື ຕີນ ປາກເປື່ອຍໃນໂຮງຮຽນໄດ້ເປັນຢ່າງດີ ບັນດາອຳນວຍການໂຮງຮຽນທີ່ກ່າວມານັ້ນມີໜ້າທີ່ນຳພາຄູ ອາຈານ ແນະນຳ
ໃຫ້ນັກຮຽນລ້າງມືໃຫ້ສະອາດທຸກຄັ້ງກ່ອນກິນເຂົ້າ ຫຼື ພາຍຫລັງໃຊ້ຫ້ອງນ້ຳ.
3. ສຳຄັນທີ່ສຸດແມ່ນບໍ່ຄວນແຕກຕື່ນຈົນເກີນໄປ ແຕ່ບໍ່ຄວນປະໝາດ ຄວນປັບປຸງຂອດປະສານງານ ລະຫວ່າງຂະແໜງການກ່ຽວຂ້ອງຕ່າງໆ
ຄວນມີການປະສານ ແລະ ແລກປ່ຽນຂ່າວສານ-ຂໍ້ມູນ ຖ້າສົງໄສພົບກໍລະນີພະຍາດ ມື ຕີນ ປາກເປື່ອຍ ໃຫ້ລາຍງານສາທາລະນະສຸກເມືອງ
ໂຮງໝໍແຫ່ງຕ່າງໆ  ສະຖານທີ່ບໍລິບານສາທາລະນະສຸກຢູ່ໃກ້ບ້ານທ່ານ.

from Vientiane today

Read Full Post | Make a Comment ( None so far )

ອາຫານທີ່ຊ່ວຍຫລຸດຜ່ອນຄວາມຕຶງຄຽດ

Posted on October 16, 2013. Filed under: ຄວາມຮູ້ເລື່ອງສຸຂະພາບ, ສາລະໜ້າຮູ້ |


ອາຫານບາງຈຳພວກເມື່ອກິນເຂົ້າໄປແລ້ວຈະຊ່ວຍໃຫ້ຫລຸດຜ່ອນຄວາມຕຶງຄຽດ ແລະ ຊ່ວຍໃຫ້ອາລົມດີ ທີ່ຢູ່ບໍ່ໄກໂຕເຮົາໄດ້ແກ່ :

– ໝາກໂມ ມີທາດເຢັນຈາກນ້ຳາ ແລະະ ມ ມີມ “ ອາຈິນິນ ” ເປັນສານທີ່ຊ່ວຍໃຫ້ຫລອດເລືອດຂະຫຍາຍ ເຮັດໃຫ້ຮ່າງກາຍສົດຊື່ນ
ມີ “ ໄລໂຄປິນ ” ຊ່ວຍຜ່ອນຄວາມຕຶງຄຽດໃນໂຕໄດ້ດີ ນອກນັ້ນ ຈຳພວກໝາກແຕງກວາ ໝາກແຄນຕາລູບ ແລະ ໝາກແຕງ
ອື່ນໆຈຳນວນໜຶ່ງກໍມີຄຸນສົມບັດຄ້າຍຄືກັນ.

– ຕຳສົ້ມຕ່າງໆ ມີກົດເຜັດທີ່ຢູ່ມາກມາຍໃນໜ່ວຍໝາກເຜັດ ກົດເຜັດນີ້ເອງທີ່ຊ່ວຍຊັກນຳໃຫ້ “ ສານແຫ່ງຄວາມສຸກ ” ໃນສະໝອງ
ໃຫ້ຫລັ່ງຈົນເປັນທີ່ເພີງພໍໃຈ.

– ໃບຂີ້ເຫລັກ ຜັກກະເດົາ ໝາກໄສ້ ຈະຊ່ວຍລະງັບອາການຊຶມເສົ້າ ໂດຍສະເພາະ ສານ “ ບາຣາຄອນ ” ໃນໃບຂີ້ເຫລັກ.
– ນ້ຳເຜິ້ງງ  ເປັນສານອາຫານອາລົມດີ   ເມື່ອກິນແລ້ວສານນ້ຳຕານ“ ຟຣຸກໂຕສ ” ໃນນ້ຳເຜິ້ງຈະຊ່ວຍກ່ອມອາລົມໃຫ້ສະບາຍໃຈ
ແລະ ມີພລັງ.
– ສາລີ, ຂະໜົມທີ່ເຮັດດ້ວຍ ຖົ່ວ ງາ ຫຼື ເຂົ້າ ແລະ ທັນຍະພືດມີທາດອາລົມດີທີ່ມີຊື່ວ່າ “ ທຣິປໂຕແຟນ ” ຢ່າງມາກມາຍ ແລະ
ຈະປ່ຽນໄປເປັນເຄມີອາລົມດີຊື່ “ ຊີໂຣໂທນິນ ” ແລະ ໃຜມີເຄມີດີໆແບບນີ້ຫລາຍໆ ກໍເຮັດໃຫ້ເປັນສຸກໃຈ ແກ້ເຈັບຫົວ ປົວລຳໄສ້
ຜິດປົກກະຕິ ຊ່ວຍຕ້ານອາການຊຶມເສົ້າ ແລະ ຊ່ວຍແກ່ຍາວຄວາມຊຸດໂຊມຂອງສັງຂານຕາມໄວອາຍຸ.

from Vientiane today

Read Full Post | Make a Comment ( None so far )

10 ຂໍ້ປະຕິບັດ ສຳລັບສິງອົມຄວັນ ເພື່ອອອກຢາສູບ

Posted on October 16, 2013. Filed under: ຄວາມຮູ້ເລື່ອງສຸຂະພາບ, ສາລະໜ້າຮູ້ |


10 ຂໍ້ປະຕິບັດ ສຳລັບສິງອົມຄວັນ ເພື່ອອອກຢາສູບ ຜູ້ທີ່ສູບຢາເປັນກິດຈະວັດ ຈະດ້ວຍເພື່ອ…ເຫດຜົນຫຍັງກໍແລ້ວແຕ່…ມາເຖິງປັດຈຸບັນເຫັນວ່າເນື້ອທີ່ສຳລັບຜູ້ສູບຢາຢູ່ໃນສັງຄົມເລີ່ມ ແຄບເຂົ້າໄປຊັກໄຊ້. ແຕ່ເມື່ອທ່ານເລີ່ມຮູ້ສຶກວ່າໂຕເອງ ມີພາລະໜັກ ມີກິດຈະກຳທີ່ຕ້ອງໄປເຮັດເປັນການສ່ວນໂຕຊຶ່ງຕ້ອງກະທຳ ຫ່າງໄກຈາກກຸ່ມຄົນເປັນປະຈຳ ມີຄວາມສິ້ນເປືອງ ເຮັດໃຫ້ໂຕເອງມີກິ່ນທີ່ໝູ່ຄູ່ບໍ່ເພິງປະສົງ ແລະ ຫລາຍໆຜົນສະທ້ອນອື່ນໆ. ເມື່ອທ່ານເລີ່ມຮູ້ສຶກເຊັ່ນນັ້ນ ແຕ່ຍັງຊັ່ງຊາໃຈໂຕເອງຢູ່ ຈົ່ງຢ່າລັງເລເລີຍ ຈົ່ງພາໂຕເອງອອກຈາກພັນທະນາການດັ່ງກ່າວໄດ້ແລ້ວ ມັນຍັງບໍ່ສວາຍເກີນໄປທີ່ເຮົາຈະກອບກູ້ສຸຂະພາບ ພະລານາໄມໃຫ້ກັບຄືນສູ່ສົມບູນພູນສຸກອີກ. ມື້ນີ້ ພວກເຮົາມີ 10 ຂໍ້ປະຕິບັດເພື່ອຊ່ວຍເປັນແນວຄວາມຄິດເບື້ອງຕົ້ນ ຫຼື ເປັນແນວທາງປະພຶດຕົນ ເພື່ອຂັບໄລ່ມັດຈຸຣາດໃຫ້ ໜີຫ່າງພວກເຮົາ ຊຶ່ງຫວັງວ່າ 10 ຂໍ້ປະຕິບັດນີ້ຈະເປັນປະໂຫຍດອັນສູງສົ່ງ   ແລະ ເປັນກຳລັງໃຈໃຫ້ແກ່ທ່ານທີ່ຈະຝ່າຟັນ ໄປສູ່ເປົ້າໝາຍຢ່າງມີໄຊ.

ພາບປະກອບ(ພາບແຕ້ມ)

10 ຂໍ້ປະຕິບັດນີ້ ເປັນວິທີທີ່ງ່າຍດາຍ  ງ່າຍກວ່າການອອກຢາຫລາຍເທົ່າ ຫາກທ່ານຍັງບໍ່ໝັ້ນໃຈໂຕເອງວ່າຈະປະສົບຜົນສຳເລັດ ຫຼືບໍ່ນັ້ນ ທ່ານບໍ່ຕ້ອງຫວ່ງ ເຮົາຢ່າໄປນຶກເຖິງວ່າເຮົາຈະອອກຢາສູບເທື່ອ ເຮົາພຽງແຕ່ລອງປະຕິບັດຂໍ້ແນະນຳນີ້ຢ່າງເຄັ່ງຄັດ ແລ້ວເຮົາຈະເຫັນເສັ້ນທາງທີ່ຄາດຫວັງຂອງເຮົາ 10 ຂໍ້ປະຕິບັດນີ້ເປັນວິທີງ່າຍດາຍທີ່ບໍ່ສິ້ນເປືອງ ຫຼື ເໜືອບ່າກວ່າແຮງຫຍັງ ຂໍໃຫ້ທ່ານມ່ວນຊື່ນກັບການປະຕິບັດໂຕໄດ້ ນະບັດນີ້:

ພາບປະກອບ (ພາບແຕ້ມ)

ຂໍ້ປະຕິບັດທີ 1:   ຂໍຄຳປຶກສາ. ເພື່ອໃຫ້ເປັນແນວທາງ ແລະ ວິທີປະຕິບັດໂຕ ເຮົາອາດຈະປຶກສາກັບຜູ້ທີ່ເພິ່ນປະສົບຜົນສຳເລັດມາແລ້ວ ວ່າເພິ່ນມີວິທີທີ່ງ່າຍດາຍ ຫຼື ພິດສະດານແນວໃດ ຈິ່ງປະສົບຜົນສຳເລັດ. ອີກວິທີນຶ່ງແມ່ນ ຂໍຄຳປຶກສາຈາກແພດໝໍທີ່ປິ່ນປົວກ່ຽວກັບບັນຫາສະເພາະທາງດ້ານນີ້ ເພາະເພິ່ນຈະເປັນຜູ້ສັນທັດກໍລະນີ ແລະ ຮູ້ເລິກຕື້ນໜາບາງກ່ຽວກັບເລື່ອງນີ້. ຂໍ້ປະຕິບັດທີ 2:   ຫາກຳລັງໃຈ. ທ່ານຈົ່ງບອກຄົນໃກ້ຊິດໃຫ້ຮູ້ເຖິງຄວາມຕັ້ງໃຈຂອງທ່ານທີ່ຈະກະທຳການສິ່ງນີ້ ເພື່ອໃຫ້ເຂົາເຈົ້າເຂົ້າໃຈ ແລະ ເປັນກຳລັງໃຈໃຫ້ ບອກໃຫ້ຄົນອອ້ມຂ້າງຢ່າພະຍາຍາມຖືສາຫາຄວາມໃນບາງອະລິຍະບົດ ຫຼື ບາງອາລົມຂຸ້ນມົວທີ່ບໍ່ແມ່ນເລື່ອງໃຫຍ່ໃນບາງໄລຍະເທົ່ານັ້ນ.

ຂໍ້ປະຕິບັດທີ 3:  ເປົ້າໝາຍຢູ່ຂ້າງໜ້າ. ທ່ານຄວນວາງກຳນົດການໄວ້ວ່າ ທ່ານຈະເຂົ້າສູ່ສະໝໍລະພູມມື້ໃດ(ເອີ້ຍ..ເວົ້າໃຫຍ່ໂພດແລ້ວ)…ທ່ານຈະກຳນົດວັນເລີ່ມຕົ້ນຊີວິດໃໝ່ ທີ່ສົດໃສຮ່ວມກັບຄອບຄົວທີ່ອົບອຸ່ນ ແລະ ຄົນທີ່ທ່ານຮັກ-ຄົນທີ່ຮັກທ່ານໃນມື້ໃດເຊັ່ນ: ເລືອກເອົາວັນສຳຄັນຕ່າງໆທີ່ມີຄວາມໝາຍ ແລະ ສ້າງຄວາມພູມໃຈໃຫ້ທ່ານໄດ້ເປັນຕົ້ນແມ່ນ ວັນຢຸດຢາສູບໂລກ (ວັນທີ 31 ພຶດສະພາ), ວັນຄ້າຍເກີດຕົນເອງ, ວັນຄ້າຍ ວັນເກີດຂອງເມຍຫຼືຜົວສຸດທີ່ຮັກ, ວັນຄ້າຍວັນເກີດລູກທີ່ແສນແພງປານແກ້ວຕາດວງໃຈ, ວັນຄົບຮອບມື້ແຕ່ງດອງ ຫຼື ວັນອື່ນໆ ທີ່ທ່ານເຫັນວ່າເໝາະສົມສຳລັບທ່ານ ແຕ່ບໍ່ຄວນເລືອກມື້ທີ່ຍັງດົນຫຼືຫ່າງໄກເກີນໄປ ເພາະມັນຈະເຮັດໃຫ້ເຮົາໝົດຄວາມຕັ້ງໃຈກ່ອນ (ໃຫ້ເລືອກເອົາມື້ໃດມື້ນຶ່ງພຽງມື້ດຽວເທົ່ານັ້ນ).

ຂໍ້ປະຕິບັດທີ 4:   ບໍ່ຄອງຄອຍ…ລົງມືໂລດ. ທ່ານຄວນກຽມໂຕໃຫ້ພ້ອມດ້ວຍການປະຖິ້ມອຸປະກອນຕ່າງໆເຊັ່ນ: ກັບໄຟລາຄາແພງປະຈຳໂຕທີ່ທ່ານເຄີຍຖາມເອົາຄືນເວລາໝູ່ທຳທ່າ ລືມແລ້ວຍັດໃສ່ຖົງໄປເລີຍ, ຂອງຂຸຂີ້ຢາ ແລະ ອື່ນໆທີ່ກ່ຽວຂ້ອງ ຈາກນັ້ນ ທ່ານຈົ່ງປ່ຽນແທນດ້ວຍວັດຖຸສິ່ງອື່ນເຊັ່ນ: ເຮົາກຽມໝາກໄມ້ ຫຼື ເຂົ້າໜົມທີ່ບໍ່ຫວານແລະໄຂມັນຕໍ່າໄວ້ກິນໃນເວລາທີ່ບໍ່ໄດ້ເຮັດຫຍັງ ຫຼື ເອີ້ນວ່າເຮັດກິດຈະກຳອື່ນແທນກິດຈະກຳເກົ່າໆນັ້ນ. ບາງທ່ານອາດມັກເຮັດກິດຈະກຳເວລາເຂົ້າຫ້ອງນໍ້າ ເຮົາອາດຖືປຶ້ມເຂົ້າໄປອ່ານເພື່ອສັງຫານເວລາແລະເພື່ອບໍ່ໃຫ້ຄຶດເຖິງເລື່ອງເກົ່າໆ, ດື່ມນໍ້າ, ກິນໝາກໄມ້ ຫຼື ອົມໝາກນາວຝານບາງໆ, ອົມເຂົ້າໜົມທີ່ມີລົດເຜັດ-ຮຶນ ແລະ ລຸກອອກຈາກພາເຂົ້າທັນທີທີ່ອີ່ມ ຫຼື ຖູແຂ້ວຫລັງກິນເຂົ້າເພື່ອຫລີກເວັ້ນຄວາມຊິນເຄີຍໃນການເຮັດກິດຈະກຳຫລັງກິນເຂົ້າ.

ຂໍ້ປະຕິບັດທີ 5:   ຍຶດໝັ້ນ…ບໍ່ຫວັ່ນໄຫວຄອນແຄນ. ເມື່ອເຖິງວັນກຳນົດ ຂໍໃຫ້ທ່ານຕື່ນນອນດ້ວຍຄວາມສົດຊື່ນ ບອກກັບຕົນເອງວ່າ ທ່ານພວມເຮັດໃນສິ່ງທີ່ດີທີ່ສຸດສຳລັບຕົນເອງ ແລະ ຄົນອ້ອມໂຕທີ່ທ່ານຫ່ວງໃຍ. ເມື່ອທ່ານຮູ້ສຶກຫງຸດຫງິດ ຫຼື ຄຶດເຖິງເພື່ອນຜູ້ທີ່ເຮົາກຳລັງຈະຈາກໄປ ໃຫ້ຢຸດ ເພື່ອທົບທວນເຖິງເຫດຜົນ ແລະ ຄວາມຕັ້ງໃຈທີ່ທ່ານໄດ້ຕັດສິນໃຈໄປແລ້ວ ແລະ ທ່ານຈະບໍ່ມີວັນທໍລະຍົດຕໍ່ໂຕເອງ-ຕໍ່ຄົນອ້ອມຂ້າງທີ່ພວມເປັນກຳລັງໃຈໃຫ້ຢູ່ ຄຶດຫາສິ່ງໃໝ່ເພື່ອປ່ຽນແປງພຶດຕິກຳເຊັ່ນ:ລ້າງໜ້າ, ດື່ມນໍ້າ, ຢູ່ໃກ້ຊິດກັບຜູ້ບໍ່ກະທຳກິດຈະກຳດັ່ງກ່າວຫຼືຫລິ້ນກັບລູກໆໃຫ້ຫລາຍຂຶ້ນ.

ຂໍ້ປະຕິບັດທີ 6:   ຫ່າງໄກສິ່ງກະຕຸ້ນ. ໃນລະຫວ່າງນີ້ ທ່ານຄວນຫລີກເວັ້ນທຸກກິດຈະກຳທີ່ຈະນຳພາໄປສູ່ວົງຈອນເດີມເຊັ່ນ: ຖ້າທ່ານເຄີຍດື່ມກາເຟ ຫຼື ດື່ມເຫລົ້າແລ້ວ ຈະມີກິດຈະກຳເສີມຕໍ່ທ້າຍ ທ່ານຄວນງົດການດື່ມສິ່ງດັ່ງກ່າວໄປໄລຍະນຶ່ງກ່ອນ ຮວມທັງພະຍາຍາມຫລີກເວັ້ນ ແລະ ຢູ່ຫ່າງຈາກຄົນ ຜູ້ທີ່ມັກເຮັດກິດຈະກຳດັ່ງກ່າວ.

ຂໍ້ປະຕິບັດທີ 7:   ບໍ່ກະວົນກະວາຍ. ເມື່ອຮູ້ສຶກຫງຸດຫງິດ ຫຼື ກະວົນກະວາຍ ໃຫ້ຢຸດພັກສະໝອງ ພະຍາຍາມສະຫງົບສະຕິອາລົມ ຜ່ອນຄາຍດ້ວຍການໂອ້ລົມກັບຜູ້ຄົນ, ຊອກຫາປຶ້ມອ່ານມ່ວນໆ ຈະເປັນກາຕູນ ປຶ້ມຕະຫລົກມາໄວ້ອ່ານ ຄຶດສະເໝີວ່າ ການຜ່ອນຄາຍສະໝອງເຮັດໄດ້ດ້ວຍຫລາຍວິທີ ແມ່ນແຕ່ຜູ້ບໍ່ເຮັດກິດຈະກຳດັ່ງກ່າວ ເພິ່ນກໍຍັງມີວິທີຜ່ອນຄາຍສະໝອງໄດ້ເຊັ່ນກັນ.

ຂໍ້ປະຕິບັດທີ 8:   ຊອກເວລາອອກກຳລັງກາຍ. ທ່ານອາດຈະຈັດແບ່ງເວລາເພື່ອໄປອອກກຳລັງກາຍຢ່າງໜ້ອຍມື້ລະ 15-20 ນາທີ ເພາະນອກຈາກຈະເປັນການຄວບຄຸມນໍ້າໜັກ ທີ່ອາດຈະເພີ່ມຂຶ້ນແລ້ວ ຍັງເຮັດໃຫ້ສະໝອງປອດໂປ່ງ ເພີ່ມປະສິດທິພາບໃນການເຮັດວຽກຂອງໝາກຫົວໃຈ ແລະ ປອດ.

ຂໍ້ປະຕິບັດທີ 9:   ບໍ່ທ້າທາຍ. ຢ່າຄິດວ່າ ການກັບໄປກະທຳພຽງບາງຄັ້ງຄາວອາດບໍ່ເປັນຫຍັງ ເພາະການທົດລອງພຽງອົມສອງອົມ ນັ້ນ ກໍໝາຍເຖິງການກັບຄືນ ໄປສູ່ພຶດຕິກຳເດີມອີກ   ມີນຶ່ງແລ້ວຕ້ອງມີສອງແນ່ນອນ ຄວນຄຶດວ່າທ່ານໄດ້ມາໄກແລ້ວ ຈະປ່ອຍໃຫ້ຕົນເອງຖອຍຫລັງກັບໄປ ສູ່ອະດີດໄດ້ແນວໃດ .

ຂໍ້ປະຕິບັດທີ 10:   ຫາກຕ້ອງເລີ່ມຕົ້ນໃໝ່ອີກ…ຢ່າທໍ້ຖອຍ. ຫາກມີເຫດໃຫ້ທ່ານຕ້ອງໄດ້ຕັ້ງສູນໃໝ່ອີກຄັ້ງນຶ່ງ ກໍຢ່າຟ້າວທໍ້ຖອຍ  ການຫລົງກັບໄປສູ່ຈຸດເດີມນັ້ນ ຍັງບໍ່ໝາຍຄວາມວ່າທ່ານປະລາໄຊ ຢ່າງໜ້ອຍ ທ່ານກໍໄດ້ຮຽນຮູ້ທີ່ຈະປັບປຸງໂຕເອງໃນເທື່ອຕໍ່ໄປ ຂໍໃຫ້ຖືວ່າທ່ານຍັງບໍ່ທັນໄດ້ໃຊ້ຄວາມພະຍາຍາມຢ່າງເຕັມທີ່  ເຊື່ອວ່າ ໃນທີ່ສຸດ ທ່ານຈະຊະນະ  ຂໍພຽງມີຄວາມພະຍາຍາມ ແລະ ຄວາມຕັ້ງໃຈ. ຫຼື ອີກວິທີນຶ່ງທີ່ບໍ່ຂໍແນະນຳຄື ການໄປສາບານຕໍ່ໜ້າສິ່ງສັກສິດທີ່ເຮົາເຄົາລົບບູຊາ…. ຂໍໃຫ້ທ່ານຈົ່ງເອົາຊະນະໃຫ້ໄດ້…ຂໍເປັນກຳລັງໃຈ.

ຮຽບຮຽງໂດຍ: ຈັນຖະຫວິນ.

Read Full Post | Make a Comment ( None so far )

ມາຮູ້ຈັກກັບ ພະຍາດໝາວໍ້

Posted on October 15, 2013. Filed under: ສາລະໜ້າຮູ້ |


ໃນລະດູຮ້ອນນີ້ ອາດມີການລະບາດຂອງພະຍາດວໍ້ ຊຶ່ງເປັນພະຍາດທີ່ ຮ້າຍແຮງ ຍັງຫາຢາປົວບໍ່ທັນໄດ້ ຈິ່ງຕ້ອງມີການຕິດຕາມ ແລະ ລະວັງ ເປັນພິເສດ ມື້ນີ້ ພວກເຮົາມາຮູ້ຈັກກັບພະຍາດວໍ້ ເພື່ອເປັນຄວາມຮູ້ ປະດັບໂຕ  ປ້ອງກັນໂຕ ແລະ ປະຕິບັດໂຕ ເມື່ອມີບັນຫາ.

ພະຍາດໝາວໍ້ ຫຼື ພະຍາດຢ້ານນໍ້າ ເປັນພະຍາດຕິດຕໍ່ຮ້າຍແຮງຊະນິດໜຶ່ງ ເກີດຈາກເຊື້ອໄວຣັດສ໌ທີ່ຊື່ ເຣບີສ໌ (Rabies) ເຮັດໃຫ້ເກີດພະຍາດໃນສັດ ລ້ຽງລູກດ້ວຍນົມທຸກຊະນິດ ຮວມທັງ ຄົນ ໝາ ແມວ ລີງ ທະນີ ກະຮອກ ເຈັຍ ໆລໆ ພະຍາດນີ້ ເມື່ອເປັນແລ້ວຈະເຮັດໃຫ້ມີອາການທາງປະສາດ ໂດຍສະເພາະລະບົບປະສາດສ່ວນກາງ ເເລະ ຖ້າເປັນແລ້ວເສັຍຊີວິດທຸກລາຍ ໃນປັດຈຸບັນຍັງບໍ່ມີຢາປິ່ນປົວພະຍາດນີ້ໄດ້ເທື່ອ.

ຄົນຕິດພະຍາດໝາວໍ້ຈາກທາງໃດແດ່?

ຄົນເປັນພະຍາດໝາວໍ້ ເນື່ອງຈາກໄດ້ຮັບເຊື້ອພະຍາດຈາກສັດທີ່ເປັນວໍ້ ຄົນສາມາດຕິດພະຍາດຈາກສັດເຫລົ່ານີ້ໄດ້ 2 ທາງຄື: 1. ຖືກສັດທີ່ເປັນວໍ້ກັດ ເຊື້ອໄວຣັດສ໌ຈາກນໍ້າລາຍຂອງສັດທີ່ເປັນວໍ້ຈະເຂົ້າ ສູ່ຮ່າງກາຍທາງປາກບາດທີ່ຖືກກັດ. 2. ຖູກສັດທີ່ເປັນວໍ້ເລັຍ ຕາມປົກກະຕິ ຄົນທີ່ຖືກສັດເປັນວໍ້ເລັຍ ຈະບໍ່ຕິດ ເຊື້ອພະຍາດ ນອກຈາກວ່າ ບໍລິເວນທີ່ຖືກເລັຍຈະມີບາດ ຫຼື ຮອຍເຫລີ້ນ ຫຼື ຮອຍຄູດ ໂດຍທີ່ເຈົ້າຂອງເອງບໍ່ໄດ້ສັງເກດເຫັນ ໃນກໍລະນີນີ້ ຈະສາມາດຕິດເຊື້ອໄດ້ ຮວມທັງຖືກເລັຍທີ່ຮີມສົບ ຫຼື ແກ່ນຕາ.

ຄົນທີ່ເປັນພະຍາດວໍ້ ມີອາການຢ່າງໃດ?

ໃນໄລຍະ 2-3 ມື້ທໍາອິດ ອາດເປັນໄຂ້ບໍ່ແຮງປານໃດ ຕໍ່ໄປຈະມີອາການເຈັບຄໍ ບໍ່ຢາກເຂົ້າຢາກແກງ ອ່ອນເພັຍ ຄັນ ຫຼື ເຈັບແສບເຈັບຮ້ອນໃນບໍລິເວນທີ່ຖືກກັດ ທັງໆທີ່ບາດອາດຈະດີເປັນປົກກະຕິແລ້ວ ຕໍ່ໄປຈະມີອາການຕື່ນເຕັ້ນງ່າຍ ຢູ່ບໍ່ເປັນສຸກ ບໍ່ມັກແສງສະຫວ່າງ ບໍ່ມັກລົມ ແລະ ບໍ່ມັກສຽງດັງ ກືນລໍາບາກ ເຖິງຈະເປັນຂອງແຫລວ ຫຼື ນໍ້າ ເວລາກືນມີອາການເຈັບຫລາຍ ເພາະກ້າມເນື້ອ ທີ່ໃຊ້ໃນການກືນມີອາການກຶງ ຫຼື ຈັງ ແຕ່ຍັງມີສະຕິເວົ້າຈາເຂົ້າໃຈ ແຕ່ຕໍ່ໄປ ຈະມີການໂວຍວາຍຫລາຍຂຶ້ນ ແລະ ສຸດທ້າຍອາດມີອາການຊັກ ເປັນອໍາມະພາດ ໝົດສະຕິ ແລະ ເສັຍຊີວິດ ເນື່ອງຈາກສ່ວນທີ່ສໍາຄັນຂອງ ສະໝອງຖືກທໍາລາຍໄປໝົດ.

ສິ່ງທີ່ຄວນປະຕິບັດພາຍຫລັງຖືກໝາວໍ້ ຫຼື ສັດທີ່ສົງໄສວ່າເປັນວໍ້ກັດ

1. ລ້າງບາດທັນທີດ້ວຍນໍ້າສະອາດ ແລະ ສະບູ 2-3 ເທື່ອ ແລ້ວທາບາດ ດ້ວຍນໍ້າຢາພິວິດິນ (ເບຕາດິນ) ຫຼື ເຫລົ້າເກົ້າສິບ ຫຼື ທິງເຈີ ໄອໂອດິນ ແລ້ວຮີບໄປປຶກສາແພດທັນທີ. 2. ຖ້າໝາຕາຍ ໃຫ້ນໍາໝາໄປກວດ ຖ້າຫາກໝາບໍ່ຕາຍໃຫ້ຂັງໄວ້ເບິ່ງອາການ 10 ມື້ ຂະນະດຽວກັນໃຫ້ຮີບໄປສັກ ວັກຊິນປ້ອງກັນພະຍາດໝາວໍ້ ສ່ວນການປິ່ນປົວດ້ວຍຢາພື້ນເມືອງ ຫຼື ດ້ວຍໝໍຢາພື້ນເມືອງ ຈະບໍ່ສາມາດ ປ້ອງກັນພະຍາດໄດ້ ບໍ່ຄວນຖ້າເບິ່ງອາການຂອງໝາ ເພາະອາດຈະຊ້າເກີນໄປ ທີ່ຈະສັກຢາວັກຊິນ. 3. ໃນກໍລະນີທີ່ຕິດຕາມສັດທີ່ກັດບໍ່ໄດ້ເຊັ່ນ ສັດປ່າ ສັດໄປທົ່ວທີບ ສັດກັດ ແລ້ວໜີໄປ ຫຼື ບໍ່ຈື່ໂຕທີ່ກັດ ຈໍາເປັນຕ້ອງສັກວັກຊິນ.

ວັກຊິນທີ່ໃຊ້ປ້ອງກັນພະຍາດໝາວໍ້

ເນື່ອງຈາກໃນປັດຈຸບັນ ເຮົາໃຊ້ວັກຊິນ ຫຼື ວັກແຊັງ ປ້ອງກັນພະຍາດວໍ້ ຊະນິດ ທີ່ເຮັດຈາກແຊນເພາະລ້ຽງ (ສັກ 5 ເທື່ອທໍ່ນັ້ນ) ເພາະມີປະສິດທິພາບສູງ ບໍ່ເຮັດໃຫ້ເກີດອາການຢາກຸມລະບົບປະສາດ ແລະ ຄວນສັກເຊໂຣມຮ່ວມນໍາ ຖ້າປາກບາດມີເລືອດອອກ ຖູກເລັຍຮີມສົບ ນໍ້າລາຍຟົ້ງເຂົ້າຕາ.

ເຊໂຣມປ້ອງກັນພະຍາດວໍ້ເປັນແນວໃດ?

ເຊໂຣມປ້ອງກັນພະຍາດໝາວໍ້ ເປັນເຊໂຣມສ່ວນຂອງນໍ້າໃສຂອງເລືອດທີ່ໄດ້ ຈາກໝາວໍ້ ຫຼື ຄົນທີ່ໄດ້ສັກວັກແຊັງພະຍາດໝາວໍ້ ໃນເຊໂຣມຈະມີໂປຣຕີນ ທີ່ເຮັດໜ້າທີ່ເປັນພູມຄຸ້ມກັນຕໍ່ໄວຣັດສ໌ພະຍາດໝາວໍ້ໃນປະລິມານຫລາຍ ເຊໂຣມຈະໄປທໍາລາຍເຊື້ອໄວຣັດສ໌ໃນຮ່າງກາຍຂອງຜູ້ຖືກໝາວໍ້ກັດ ໂດຍການສັກຮອບໆບາດກ່ອນທີ່ຈະກໍ່ພະຍາດ ແລະ ກ່ອນທີ່ພູມຕ້ານທານ ຂອງຮ່າງກາຍຈະສ້າງຂຶ້ນ ດ້ວຍເຫດນີ້ ການໃຫ້ເຊໂຣມປ້ອງກັນພະຍາດ ໝາວໍ້ຮ່ວມກັບການສັກວັກແຊັງເຂັມທໍາອິດ ຈິ່ງເປັນວິທີທີ່ຈະປ້ອງກັນ ພະຍາດໝາວໍ້ໄດ້ຜົນດີທີ່ສຸດ ແຕ່ເຊໂຣມປ້ອງກັນພະຍາດໝາວໍ້ມີລາຄາ ແພງຫລາຍ ໂດຍສະເພາະທີ່ເຮັດມາຈາກເລືອດຄົນ.

ການສັກວັກແຊັງປ້ອງກັນພະຍາດວໍ້ແບບປ້ອງກັນລ່ວງໜ້າ

ເຮົາສາມາດສັກຢາປ້ອງກັນລ່ວງໜ້າ ເປັນການກຽມຮ່າງກາຍໃຫ້ພ້ອມ ເພື່ອຕໍ່ຕ້ານພະຍາດວໍ້ ໂດຍສັກພຽງ 3 ເຂັມ ພາຍໃນ 1 ເດືອນ ຊຶ່ງວັກແຊັງນີ້ສາມາດສັກໄດ້ໂດຍບໍ່ຈໍາກັດອາຍຸ ໂດຍສະເພາະເດັກ ທີ່ມັກຫລິ້ນກັບສັດ ແລະ ມີໂອກາດຖືກສັດກັດ ມັກມີບາດທີ່ຮຸນແຮງ ບໍລິເວນໃບໜ້າ ຫົວ ຫຼື ຖືກເລັຍມືທີ່ມີບາດ ຫຼື ປາກ ໂດຍບໍ່ບອກ ໃຫ້ຜູ້ໃຫຍ່ຮູ້ ຫຼື ບຸກຄົນທົ່ວໄປທີ່ລ້ຽງສັດທີ່ລ້ຽງລູກດ້ວຍນໍ້ານົມເຊັ່ນ ໝາ ແມວ ເປັນຕົ້ນ.

ປະໂຫຍດຂອງການສັກວັກແຊັງປ້ອງກັນລ່ວງໜ້າ

1. ເມື່ອຖືກສັດກັດ ການສັກວັກແຊັງກະຕຸ້ນພຽງ 1-2 ເຂັມ ຮ່າງກາຍ ກໍຈະໄດ້ພູມຕ້ານທານທີ່ສູງພໍທີ່ຈະປ້ອງກັນພະຍາດຢ່າງໄດ້ຜົນ.

ສັດທີ່ເປັນວໍ້ຈະມີອາການຢ່າງໃດ?

ພົບມີຢູ່ 2 ແບບຄື: 1. ແບບຮ້າຍ ມີອາການຫງຸດຫງິດ ໄລ່ກັດຄົນ ແລະ ສັດອື່ນໆ ຖ້າຜູກໂສ້ ຫຼື ກັກຂັງໄວ້ໃນຄອກ ຈະກັດໂສ້ ກັດຄອກຫຼື ສິ່ງຂອງທີ່ຢູ່ໃກ້ຢ່າງຮ້າຍແຮງ ບາງເທື່ອໝາຊິກັດຈົນແຂ້ວຫັກ ຫຼື ລີ້ນເປັນບາດ ມີເລືອດອອກ ເມື່ອສະແດງ ອາການຮ້າຍໄດ້ 2-3 ມື້ ກໍຈະອ່ອນແຮງລົງ ຂາຫລັງບໍ່ມີແຮງ ຍ່າງໂຊເຊ ແລະ ໃນທີ່ສຸດກໍຕາຍ. 2. ແບບຄໍາຮູ້ ມີອາການປາກອ້າຫຸບບໍ່ໄດ້ ລີ້ນມີສີແດງຊໍ້າ ບາງເທື່ອມີສິ່ງ ສົກກະປົກຕິດຢູ່ ແລະ ລີ້ນຫ້ອຍອອກມານອກປາກ  ມີອາການຄື ກ້າງຄາຄໍ ໂດຍເຈົ້າຂອງມັກເອົາມືຈົກແຕ່ບໍ່ພໍ້ກ້າງ  ໝາຈະເອົາຂາໜ້າຄວັດເຂວັ່ຍ ບໍລິເວນແກ້ມ ປາກ ແລະ ຄໍ ໝາຈະລຸກ ນັ່ງ ຢືນ ແລະ ຍ່າງໄປມາເລື້ອຍໆ ກິນແຕ່ແນວແປກໆເຊັ່ນ ໃບໄມ້ ກ້ອນຫີນ ຫຼື ບາງໂຕຈະກິນຍ່ຽວຂອງໂຕເອງ ບໍ່ກັດຖ້າບໍ່ຖືກລົບກວນ ໝາແບບຫລັງນີ້ຈະສັງເກດອາການຍາກຫລາຍ ດັ່ງນັ້ນ ຫາກໝາຕາຍໂດຍບໍ່ຮູ້ສາເຫດ ຄວນຕັດຫົວໄປພິສູດກ່ອນ ເພື່ອຄວາມແນ່ໃຈ.

ຮຽບຮຽງໂດຍ: ນໍ້າຫວານ

Read Full Post | Make a Comment ( None so far )

ພາບໂດນໃຈ

Posted on October 15, 2013. Filed under: ສັງລວມພາບ, ເກັບຕົກ |


1 2%20(1)

2 5%20(3)

5%20(4) 5%20(5)

5%20(6) 5%20(7)

935295_612103638801760_1743328968_n

ມັກຫຼາຍຄຳເວົ້ານີ້

1000614_657281407616844_1830178042_n

1175712_195857393924718_1897408800_n 1176137_657278044283847_1157794397_n

1176308_658428987502086_388348004_n

ທ່ານໄດ້ໃຫ້ຄວາມສຸກກັບເວລາບັ້ນປາຍຂອງຄົນທີ່ທ່ານຮັກພໍແລ້ວບໍ່

 1185782_656157397729245_1098134445_n

1185789_652899564721695_1334290514_n 1234449_657294464282205_870774679_n

1235468_657297927615192_1120928579_n

ພໍ່ແມ່ລ້ຽງລູກຫຼາຍກົ່ວ 2 ຄົນໄດ້ ແຕ່ລູກ ສາມາດລ້ຽງດູພໍ່ແມ່ທັງສອງໄດ້ຢູ່ບໍ

1234676_652509498094035_732542782_n

1238297_655381121140206_1814849128_n 1239055_655375464474105_1585907973_n

Read Full Post | Make a Comment ( None so far )

ພາບແປກໆ

Posted on October 15, 2013. Filed under: ສັງລວມພາບ |


4d0d3766f719835a4c6eb5b5009e47ea

5 5-most-beautiful-places-in-the-world-004-360x240

6a1ea3fdf3977ec29d5782d18369a9b0 9

20b09853832ec9943b4e36dce28ad7a5 27

28 33

36 37

352a9111 528249-topic-ix-5

707397-topic-ix-13

1604731 104060973

melting-man-global-warming-ad timthumb

Top-10-Most-Beautiful-Places-on-the-Planet-10 top-33-most-beautiful-abandoned-places-in-the-world-21

World-Most-Beautiful-Places-9

Read Full Post | Make a Comment ( None so far )

ຖາມອີ່ຫຍັງກະໄດ້

Posted on October 15, 2013. Filed under: ຊວນຫົວ-ຄາຍຄຽດ |


ເວລາ­ຜ່ານໄປດົນ­ສົມ­ຄວນ­ທີ່­ສາວຄູອະ­ທິບາຍ­ບົດ­ຮຽນ­ພໍອະ­ທິບາຍ­ຈົບ­ລົງ­ສາວຄູຈຶ່ງ­ຖາມ­ນັກ­ຮຽນວ່າ:

“ພວກ­ຫຼານເຂົ້າໃຈບໍ່?”

ແຕ່­ນັກ­ຮຽນ­ທຸກ­ຄົນ­ກໍມິດ­ປານ­ຫອຍໄຂ້­ສາວຄູຈຶ່ງ­ຄິດວ່ານັກ­ຮຽນ­ບໍ່ເຂົ້າໃຈຈຶ່ງ­ບອກໃຫ້­ນັກ­ຮຽນ­ຖາມ ໃນ­ນັ້ນ­ນັກ­ຮຽນ­ຄົນ­ໜຶ່ງເວົ້າ­ຂຶ້ນວ່າ:

ບໍ່­ຮູ້ແນວຊິຖາມ,

ສາວຄູໃຈຮ້າຍ­ຈຶ່ງເວົ້າ­ຂຶ້ນວ່າ: ຖາມຫຍັງກະ­ໄດ­ນາ,
ນັກ­ຮຽນ­ຄົນ­ນັ້ນ­ຈຶ່ງ­ຖາມວ່າ: ສາວຄູໃນໂລກ­ນີ້­ມີເຮືອນ­ຈັກ­ຫຼັງ?
ເມື່ອໄດ້­ຍິນແນວນັ້ນ­ສາວຄູກໍຍິ່ງໃຈຮ້າຍ­ຈຶ່ງເວົ້າ­ຂຶ້ນວ່າ:

ຊິຖາມເຮັດຫຍັງ­ສິ່ງ­ທີ່­ຢູ່ໄກ­ຖາມແນວມໍ່ໆ­ນີ້­ນາ ! ສາວຄູທັງເວົ້າ­ທັງໃຊ້­ມືຈີ້ໃສ່­ຕາ­ຂອງ­ຕົນ,

ນັກ­ຮຽນ­ຄົນ­ນັ້ນ­ຈຶ່ງ­ຖາມໄປອີກວ່າ:

ຂົນ­ຕາ­ຂອງ­ສາວຄູມີຈັກເສັ້ນ?
ສາວຄູ:!!!!

Read Full Post | Make a Comment ( None so far )

ໂທນຳຜົວ

Posted on October 15, 2013. Filed under: ຊວນຫົວ-ຄາຍຄຽດ |


ມີມື້ໜຶ່ງຜົວຂອງເອື້ອຍຈັນ
ຊຶ່ວ່າແພງອອກໄປເຮັດວຽກຕັ້ງແຕ່ເຊົ້າຈົນຄ່ຳຍັງບໍ່ເຫັນມາ
ເອື້ອຍຈັນກໍ່ໃຈຮ້າຍສຸດຂີດ
ເລີຍໂທລະສັບໄປຫາຜົວພໍແຕ່ໂທຕິດເອື້ອຍຈັນເລີຍເວົ້າ
ຂື້ນວ່າ: ຮະໂຫຼ ! ມຶງຢູ່ໃສ
ເຈົ້າຂອງເບີ
: ກະຢູ່ວັດນີ້ແລະ
ເອື້ອຍຈັນ
: ມຶງໄປເຮັດຫຍັງຢູ່ຫັ້ນ
ເຈົ້າຂອງເບີອົດບໍ່ໄຫວເລີຍກ່າວຂື້ນວ່າ:ໂຢມໂທຜິດແລ້ວອະຕະມາບວດມາໄດ້
ສາມພັນສາແລ້ວ (ຂໍຫົວກ່ອນ 55555555 ) ປ່ອຍວາງຈິດໃຈລົງແນ່
ພໍແຕ່ພະເອິ່ຍວ່າ
ປ່ອຍວາງ ແລ້ວເອື້ອຍຈັນກະວາງໂທລະສັບໄວບໍ່ຄ້ານ

Read Full Post | Make a Comment ( None so far )

ຄືກັນ

Posted on October 15, 2013. Filed under: ຊວນຫົວ-ຄາຍຄຽດ |


ມີແມ່ເຖົ້າຫນຶ່ງໄປຝາກຈົດຫມາຍຢູ່ໄປສະນີ,
ຄ່າຝາກຈົດຫມາຍ 1500 ກີບ ແຕ່ແມ່ເຖົ້າຍື່ນເງິນໃຫ້ 2000 ກີບ, ພະນັກງານໄປສະນີ
ບໍ່ມີເງີນທອນ ກໍ່ເລີຍ ເອົາຊອງຈົດຫມາຍທອນໃຫ້ແມ່ເຖົ້າ 2 ຊອງ.
ມື້ຕໍ່ມາແມ່ເຖົ້າໄປຝາກຈົດຫມາຍອີກ
ລາວຢື່ນເງິນ 1000 ພ້ອມດ້ວຍຊອງ ຈົດຫມາຍ 2 ຊອງນັ້ນ.
ພະນັກງານໄປສະນີງົງເລີຍຖາມແມ່ເຖົ້າວ່າ
:
“ແມ່ເຖົ້າເອີ໋ຍ
! ຄ່າຝາກຈົດຫມາຍ 1500 ກີບໄດ໋ ”
ແມ່ເຖົ້າກໍ່ຕອບທັນທີວ່າ
: ກໍ່ຊອງຈົດຫມາຍຫັ້ນ 500 ເດ ມື້ວານລູກຍັງ ທອນໃຫ້ແມ່ ມັນກໍ່ຄືກັນຕວ໋າ !
ພະນັກງານໄປສະນີ
: ໆໆໆໆໆໆ

Read Full Post | Make a Comment ( None so far )

ຕັດໄມ້ບໍ່ບອກເຮົາ

Posted on October 15, 2013. Filed under: ຊວນຫົວ-ຄາຍຄຽດ |


ທີ່ອັດຕະປື ພີ່ນ້ອງລາວເທິງຈະມີສ່ວນຫລາຍ ເມື່ອຫລາຍປີຜ່ານມາ ຣັດຖະບານມີນະໂຍບາຍມອບດິນມອບປ່າໃຫ້ປະຊາຊົນຄອບຄອງກັມມະສິດ ຮັກສາດິນ ຮັກສາປ່າ ຄືປ່າ ແລະ ດິນຢູ່ເຂດບ້ານໃດ ກໍໃຫ້ປະຊາຊົນບ້ານນັ້ນຄຸ້ມຄອງ ແລະ ຮັກສາ ຢູ່ມາປີ 2005 ທາງແຂວງມີນະໂຍບາຍຕັດໄມ້ອອກຂາຍ ເພື່ອສ້າງຮາຍໄດ້ໃຫ້ແກ່ງົບປະມານຂອງແຂວງ ຕາມໂກ້ຕ້າທີ່ແຂວງໄດ້ຮັບອະນຸມັດຈາກຣັດຖະບານ ທາງແຂວງຈຶ່ງມອບໃຫ້ເອກຊົນຮັບສັມປະທານຕໍ່ ຈຶ່ງມີບໍຣັດໜຶ່ງໄດ້ຊະນະສັມປະທານໄປ. ເມື່ອບໍຣິສັດໄດ້ຮັບສັມປະທານແລ້ວ ກໍດຳເນີນການຂຸດຄົ້ນຕາມຈຳນວນໂຕ້ຕ້າ ສະຖານທີ່ ແລະ ເວລາທີ່ກຳນົດ ພໍດີການຂຸດຄົ້ນນັ້ນພັດຢູ່ໃກ້ບໍຣິເວນໝູ່ບ້ານອ້າຍນ້ອງລາວສູງ ເຖິງວ່າປ່າທີ່ຖືກຂຸດຄົ້ນນັ້ນ ບໍ່ຢູ່ໃນບໍຣິເວນປ່າຄຸ້ມຄອງຂອງບ້ານກໍຕາມ ແຕ່ຢູ່ໃນບຣິເວນແຫລຼ່ງທຳມາຫາກິນຂອງພວກເຂົາ ເມື່ອຊາວບ້ານເຫັນມີການຄຸດຄົ້ນປ່າ ກໍພ້ອມກັນອອກໄປຫ້າມ ແລະ ຢືດເອົາເຄື່ອງໄມ້ເຄື່ອງມື ຣົຖລານພາຫານະຈົນໝົດ ເຮັດໃຫ້ບໍຣິສັດໄດ້ຮັບຄວາມເດືອດຮ້ອນ ເຈຣະນາກັບຊາວບ້ານແນວໃດກໍບໍ່ໄດ້ ຢືນການຄຳດຽວວ່າ “ພວກທ່ານມາລັກຕັດໄມ້ພວກເຮົາ ບໍ່ໄດ້ຮັບອະນຸຍາດຈາດພວກເຮົາ” ເຣື່ອງດ່ັງກ່າວຈຶ່ງຮ້ອນເຖິງເຈົ້າແຂວງຕ້ອງລົງມາໄກ່ເກ່ັຍ. ເຈົ້າແຂວງ: ພີ່ນ້ອງທັງຫລາຍ ທາງຫ້ອງວ່າການປົກຄອງແຂວງໄດ້ໃຫ້ສັມປະທານແກ່ບໍຣິສັດນັ້ນຕັດໄມ້ ເພື່ອຣາຍໄດ້ເຂົ້າງົບປະມານຂອງແຂວງແລ້ວ. ຊາວບ້ານ: ເຈົ້າແຂວງອະນຸຍາດກໍຕາມແລ້ວເຈົ້າແຂວງ, ແຕ່ພວກເຮົາບໍ່ໄດ້ອະນຸຍາດ ເຈົ້າແຂວງຊິມີສິດຫຍັງ? ເຈົາແຂວງ: ອັນນີ້ມັນແມ່ນນະໂຍບາຍຂອງແຂວງ ເພື່ອໃຊ້ຊັບພະຍາກອນໃຫ້ເກີດປະໂຫຍດ ແລະ ສ້າງຣາຍຮັບໃຫ້ແກ່ແຂວງເຮົາ. ຊາວບ້ານ: ທ່ານມອບດິນມອບປ່າໃຫ້ເຮົາຮັກສາ ແລ້ວທ່ານໃຫ້ຄົນອື່ນມາຕັດ ແລ້ວບໍ່ບອກເຮົາບໍຄວາມ ພວກເຮົາບໍໍ່ໃຫ້ຕັດແລ້ວ ຂ້າມໜ້າ ຂ້າມຕາເຮົາ.

ໂດຍ: ສາຍເຊລຳເພົາ

Read Full Post | Make a Comment ( None so far )

ສັນໄດ້ແຕ່ຂອງຫວານ

Posted on October 15, 2013. Filed under: ຊວນຫົວ-ຄາຍຄຽດ |


ທີ່ວັດໜຶ່ງແຖວສິພັນດອນ ມີຈົວບວຊໃໝ່ພ້ອມກັນມື້ດຽວນັ້ນ ໔-໕ ອົງ ມີ ຈົວຄວາຍ, ຈົວແດງ, ຈົວຫຳນ້ອຍ, ຈົວຫານຸມານ ແລະ ຈົວແກ້ວ ຫຼັງຈາກບວຊແລ້ວອາຈາຣຍ໌ກໍສອນເຣື່ອງສິນ ພໍໄປຮອດສິນຂໍ້ທີ ໖ ອາຈານກໍອະທິບາຍວ່າ “ປະການ ໖ ບໍໃຫ້ສັນອາຫານໃນເວລາວິກາລ ຕັ້ງແຕ່ທ່ຽງໄປຫາຄ່ຳຄືນ ແຕ່ວ່າເພິ່ນຍົກເວັ້ນແຕ່ຂອງຫວານ ຫຼັງຈາກສອນສິນ ໑໐ ຈົບແລ້ວ ຈົວແດງສົງໃສຄຳວ່າ ເພິ່ນຍົກເວັ້ນແຕ່ຂອງຫວານ ຈຶ່ງຖາມພຣະອຸປັຊຊາວ່າ – ຈົວແດງ : ພຣະອາຈາຣຍ໌ຂ້ານ້ອຍສົງໃສ ? ຄືວ່າອາຫານທຸກປະເພດສັນໄດ້ບໍ່ໄດ້ແມ່ນບໍຂ້ານ້ອຍ. – ພຣະອາຈາຣຍ໌ : ແມ່ນແລ້ວສັນບໍ່ໄດ້ !!! – ຈົວຫຳນ້ອຍ : ຄຳວ່າ “ເພິ່ນຍົກເວັ້ນແຕ່ຂອງຫວານນັ້ນເດຂ້ານ້ອຍ” – ພຣະອາຈາຣຍ໌ : ເອີ ໝາຍຄວາມວ່າສັນໄດ້ແຕ່ຂອງຫວານ ຫັ້ນຕິ ! – ຈົວທັງໝົດຂານພ້ອມກັນ : ໂດຍຂ້ານ້ອຍ. ຫຼັງຈາກນັ້ນ ກໍໃຫ້ຈົວກັບຫາທີ່ພັກທີ່ນອນ ຕົກຕອນໃກ້ຄ່ຳ ຈົວທັງໝົດບໍ່ທັນຊິນກັບການອົດເຂົ້າແລ້ງ ທ້ອງກະເລີຍຈັບໄກ່ຈ໊ອດໆໆໆໆ, – ຈົວຫານຸມານເຂົ້າມາຫາຈົວແດງ ແລ້ວບອກເວົາເຮົາ :ຢາກເຂົ້າເວີຍ ເຈົ້າກະຫິວຄືກັນບໍ ? – ຈົວແດງ : ຢາກຄືກັນແຕ່ບໍ່ກ້າກິນ. – ຈົວຫານຸມານ: ອາຈາຣຍ໌ບອກວ່າສັນໄດ້ແຕ່ຂອງຫວານ ຂ້ອຍເຫັນກ້ວຍຢູ່ຕູ້ອາຫານຫັ້ນເດ ໄປກິນບໍ ? – ຈົວແດງບອກວ່າກິນກິກິນ ທັງສອງກໍເຂົ້າໄປໃນຫ້ອງຄົວ ເຫັນຈົວແກ້ວ ຈົວຫຳນ້ອຍ ຈົວຄວາຍພາກັນກິນກ້ວຍຢູ່ກ່ອນແລ້ວ ຈົວແດງວ່າ ຊິໄປກິນຫຍັງຢູ່ໃນຫັ້ນ ເອົາອອກມາກິນຢູ່ນອກຊານພີ້ ມັນຈຶ່ງແຈ້ງດີ ຈົວທັງໝົດກໍເອົາກ້ວຍຫວີໜຶ່ງອອກມາພາກັນກິນຢູ່ນອກຊານ ຢ່າງເປີດເຜີຍ ທັນໃດນັ້ນພຣະອາຈາຣຍ໌ມາແຕ່ສູດບ້ານ ເຫັນຈົວນ້ອຍນັ່ງຊຸມກັນກິນຫຍັງບໍ່ຮູ້ ກໍຂຶ້ນມາເຫັນແລ້ວ ຈຶ່ງທ້ວງຂຶ້ນວ່າ: – ພຣະອຈາຣຍ໌ : ຈົວນ້ອຍພາກັນສັນສັງຫັ້ນ ? – ຈົວແດງທັງໝົດ : ສັນກ້ວຍສຸກຂະນ້ອຍ. – ພຣະອາຈາຣຍ໌ : ເອົາວ໌……….ໃຜບອກສັນກ້ວຍລະສັນບໍ່ໄດ້ໄດ໋ ຢາມແລງນະ? – ຈົວແດງ : ກໍພຣະອາຈາຣຍ໌ນັ້ນຕິບອກ. – ພຣະອາຈາຣຍ໌ : ບອກວັ່ງໃດ ? – ຈົວແດງ : ພຣະອາຈາຣຍ໌ບອກວ່າ ສັນໄດ້ແຕ່ຂອງຫວານຫັ້ນເດຂ້ານ້ອຍ – ພຣະອາຈາຣຍ໌: ອືມ໌………………ອ່າ……………ເອີ…………………………(ກ້ວຍກະແມ່ນຂອງຫວານໃດ໊ເນາະ)

ໂດຍ: ລູກຊາວດອນ

Read Full Post | Make a Comment ( None so far )

ເຫດເກີດເພາະຮ້ານແຟນເກົ່າ

Posted on October 15, 2013. Filed under: ຊວນຫົວ-ຄາຍຄຽດ |


ເຫດເກີດເພາະຮ້ານແຟນເກົ່າ 5 ທ່ານໄດ້ໃຫ້ຄະແນນ: 4.80 [Photo][Photo][Photo][Photo][Photo][Photo] ຜົວເມັຍຄູ່ໜຶ່ງ ຜູ້ເປັນຜົວຊື່ອ້າຍບັກຄວາຍນີ້ແລ້ວ ໄດ້ຟັງເທດເຣື່ອງທິດຫົກຈາກພຣະອາຈາຣຍ໌ເດວາຄິງ ເຣື່ອງທິດຫົກ ຂໍ້ທີ່ວ່າດ້ວຍພັນລະຍາສາມີ ສົງເຄາະອະນຸເຄາະແກ່ກັນແລ້ວ ເກີດຄວາມຊາບເຊິ່ງໃນໜ້າທີ່ຮີດຜົວຄອງເມັຽ ກໍເລີຍຢາກເຮັດຂອງຂວັນໃຫ້ເມັຽ ເນື່ອງໃນວັນຄົບຮອບ ໑ ປີຂອງກາຣແຕ່ງານກະເລີຍ ໄປຫາຊື້ຂອງຂວັນໃຫ້ເມັຽ ອ້າຍບັກຄວາຍຂີ່ຣົດໄປແຖວໜ້າຕລາດມືດທາດຫຼວງ ກໍເລີຍເຫັນຮ້ານຂາຍກີປຊ໊ອຜຊື່ແຜກ ຊື່ວ່າ “ຮ້ານແຟນເກົ່າ” ກໍເລີຍເຂົ້າໄປເຫັນເຄື່ອງນຸ່ງຖືກຕາກໍເລີຍຊື້ ແລ້ວກໍຫໍ່ເປັນຂອງຂວັນໃຫ້ເມັຍ ນຶກໃນໃຈວ່າ ເມັຍເຮົາຄົງມັກ ແລະ ດີໃຈຂຶ້ນຕື່ມ ທີ່ຕົນໄດ້ທຳໜ້າທີ່ຂອງຜົວຢ່າງຈິງໃຈ, (ທຳຕາມຂໍ້ທີ່ວ່າມອບຂອງຂວັນໃຫ້ຕາມກາຣ) ວັນນັ້ນ ອ້າຍບັກຄວາຍກໍຈັດກາຣພາເມັຍໄປສລອງວັນຄົບຮອບ ໑ ປີຂອງການແຕ່ງງານທີ່ຫ້ອງຊ້າງເຜືອກ ໂຮງແຮມດອນນັນພາເລສ ໂດຍເປີດຫ້ອງພິເສດ ພະນັກງານເສີບ(ບຣິກອນ) ໄດ້ ບໍຣິການອາຫານຕາມສັ່ງສຳເຣັດຮຽບຮ້ອຽ ອ້າຍບັກຄວາຍກໍເຣີ່ມພິທີການຕາມແຜນທີ່ວາງໄວ້ ໂດຍມອບຂອງຂວັນ ໃຫ້ສີພັນລະຍາພ້ອມກັບອ່ວຍພອນວັນແຫ່ງຄວາມຮັກຢ່າງຊາບເຊິ່ງ ພໍເມັຽເປີດເບິ່ງຂອງຂວັນແລ້ວ ກໍປະທັບໃຈຫາສິ່ງທຽບບໍ່ໄດ້ ຈຶ່ງກ່າວຂຶ້ນວ່າ:
ເມັຽ: ໂທວ໌……..ສຸດທີ່ຮັກຂອງນ້ອງ ຈັ່ງແມ່ນອ້ານເລືອກຊຸດໄດ້ຖືກໃຈ ແລະ ຖືກກັບນ້ອງເນາະ ນ້ອງນຶກຢາກໄດ້ມານານແລ້ວ. ຜົວ: ເພາະນ້ອງເປັນຍອດຮັກຍອດບູຊາ ຍອດໄຝ່ຝັນປາຖນາ ແລະ ຍອດຊີວິດຂອງອ້າຍ. ເມັຽ: ອືມ໌………..ຊຸດນີ້ງາມເນາະ ອ້າຍຊື້ຢູ່ໃສລະ ? ຜົວ: (ຕອບໄປດ້ວຍຄວາມຊື່ຕໍ່ເມັຍ) ຊື້ຢູ່ຮ້ານແຟນເກົ່າ. ເມັຽ: ຜົວະໆໆໆໆໆໆໆ(ເມັຍຕົບໜ້າຜົວ ໕-໖ ບາດພ້ອມທັງຮ້ອງໃຫ້ອອກມາຢ່າງບໍ່ອາຍໃຜໆ). ຜົວ: ນ້ອງຕົບໜ້າອ້າຍເຮັດຫຍັງລະ ? (ສົງສັຍ) ເມັຽ: ອ້າຍຫລອກລວງນ້ອງ, ບໍ່ຊື່ສັດຕໍ່ນ້ອງ ຈົນເຖິງ ໑ ປີ ແຕ່ງງານແລ້ວ ອ້າຍຍັງໄປພົວພັນກັບແຟນເກົ່າອີກ ອ້າຍບໍ່ຊື່ສັດ ເວົ້າແລ້ວກໍອອກຈາກໂຮງແຮມໄປ. ຜົວ: ອ້າຍບັກຄວາຍແລ່ນຕາມຫຼັງເມັຍໄດ້ບໍ່ທັນຂຶ້ນຣົຖໄປຫາຍຈ້ອຍ (ເປັນອັນວ່າຄືນນັ້ນເມັຍກັບໄປນອນເຮືອນແມ່ເຖົ້າ ພໍ່ເຖົ້າ ເຮັດໃຫ້ອ້າຍບັກຄວາຍນັ່ງເສົ້າ ມື້ອື່ນເຊົ້າກັບໄປງໍ້ງອນເມັຍ ຊາມຊິເຂົ້າໃຈຄັກກໍຈົນວ່າແລງຂອງມື້ຕໍ່ມາ ຮາໆໆໆໆໆໆໆໆໆໆໆໆໆໆໆໆໆໆໆ)

ໂດຍ: ສາຍເຊລຳເພົາ

Read Full Post | Make a Comment ( None so far )

ພະນັກເວົ້າ ມາກິນເຂົ້າກັບພະນັກງານ

Posted on October 15, 2013. Filed under: ຊວນຫົວ-ຄາຍຄຽດ |


– ວັນໜຶ່ງພະນັກງານສູນກາງລົງໄປສຳຫຼວດເບິ່ງຊ່ອງທາງ ແລະຄວາມເປັນໄປໄດ້ ທີ່ຈະສ້າງຂົວຂ້າມໃສ່ດອນ ການເຮັດຖນົນ ແລະການດຶງໄຟເຂົ້າບ້ານເດື່ອ, ພະນັກງານ ເຕົ້າໂຮມ ປະຊາຊົນມາຊຸມນຸມຫຼວງຫຼາຍທີ່ສາລາວັດ ເພື່ອເຜີຍແຜ່ເອກະສານ ຈົນຮອດເວລາເພນເປັນເວລາຮັບປະທານອາຫານທ່ຽງ ປະຊາຊົນ ພ້ອມທັງຄະນະບ້ານກໍກັບບ້ານໝົດ ຍັງເຫຼືອແຕ່ພະນັກງານທີ່ມາ ຈາກສູນກາງ ແລະໃນນັ້ນກໍຍັງມີພໍ່ເຖົ້າໝັ້ນ ທີ່ບໍ່ເມືອກຳລັງນັ່ງກິນເຂົ້າເຫຼືອເພນຄຣູບາຢູ່ ຈ້ວຍກ້ວຍໆໆໆ.
– ເລີຍເວລາເພນໄປແລ້ວ ບໍ່ເຫັນຄົນນຳອາຫານມາສົ່ງພະນັກງານຈັກຄົນເລີຍ ທາງພະນັກງານກໍຄອງຄອຍຢູ່ຈົນທ້ອງເລີ່ມຮ້ອງຈັບໄກ່ ເບິ່ງໂມງກໍໃກ້ຮອດບ່າຍໂມງແລ້ວ ພະນັກ ງານທັງໝົດຈຶ່ງໂສກັນວ່າ ບ໊ະສັງມາແປກແທ້ບ້ານນີ້ ບໍ່ເຫັນເອົາເຂົ້າປາອາຫານມາສົ່ງພະນັກງານ ພໍ່ເຖົ້າໝັ້ນ ກໍຍ່າງໄປຫາພະນັກງານເຫຼົ່ານັ້ນ ພະນັກງານຈາກສູນກາງກໍຖາມພໍ່ເຖົ້າ ໝັ້ນ ພ້ອມທັງຢາກຮ້າຍວ່າ ວ່າ
ພະງັກງານ: “ພໍ່ເຖົ້າ…ຄະນະບ້ານໄປໃສໝົດ”. ພໍ່ເຖົ້າໝັ້ນ: ເຂົາໄປກິນເຂົ້າ ຢູ່ບ້ານເຂົາພຸ້ນແລ້ວລູກເອີຍ” ພະນັກງານ: ເຂົາຄືບໍ່ເຫັນເອົາເຂົ້າມາສົ່ງພະນັກງານເນາະ” ພໍ່ເຖົ້າໝັ້ນ: ເຫັນເຂົາບອກວ່າ ພະງານນີ້ມີອັດຕາກິນ ກໍເລີຍນຶກວາພະນັກງານກິນອັດຕາ ບໍ່ກິນເຂົ້າເລີຍບໍ່ໄດ້ເອົາເຂົ້າມາສົ່ງ. ພະນັກງານ: ບ໊ະ…ພວກເຮົາຫິວແລ້ວລະມື້ນີ້ ໃຜມີຫຍັງກິນກໍຫາກິນໄປກ່ອນ ມື້ແລງຕ້ອງວ່າກັນໃໝ່.
ພໍຕົກຕອນ ໒ ໂມງ ເປັນເວລາປະຊຸມໂມງແລງ ປະຊາຊົນກໍກັບມາຍັງວັດຢ່າງຫຼວງຫຼາຍທັງນ້ອຍທັງໃຫຍ່, ພໍຕົກຕອນແລງມາ ກໍເປີດກອງປະຊຸມກັນຕໍ່ ກ່ອນເປີດປະຊຸມ ແຕ່ພະນັກງານກໍເວົ້າໃສ່ໄມ ຕິຕຽນຊາວຄະນະບ້ານ ແລະຊາວບ້ານວ່າ “ພວກເຮົາໄປບ່ອນໃດກໍບໍ່ເຄີຍຫິວເຂົ້າ ບາດມາຮອດບ້ານເດື່ອກັບວ່າມາຫິວເຂົ້າເພນ”. ຈຶ່ງເວົ້າຕໍ່ໄປວ່າ:
– ພະນັກງານ: “ເປັນຫຍັງທ່ານບໍ່ເອົາເຂົ້າມາສົ່ງພະນັກງານ, ຂະນະນັ້ນເອງ ພໍ່ເຖົ້າໝັ້ນກໍລຸກຂຶ້ນ ແລ້ວຂໍໄມນຳພະນັກງານແລ້ວເວົ້າວ່າ” – ພໍ່ເຖົ້າໝັ້ນ: “ພວກທ່ານບໍ່ແມ່ນພະນັກງານ, ພວກທ່ານເປັນພະນັກເວົ້າ ແລ້ວມາກິນເຂົ້າກັບພະນັກງານ, ພວກຂ້າພະເຈົ້າເປັນພະນັກງານຕົວຈິງ ທ່ານເປັນພຽງ ພະນັກເວົ້າ”.

ສາຍເຊລຳເພົາ

Read Full Post | Make a Comment ( None so far )

ຫຼິ້ນສຳບັດສຳນວນ

Posted on October 15, 2013. Filed under: ຊວນຫົວ-ຄາຍຄຽດ |


– ທີ່ເຮືອນບຸນ ມັກຄະທາາຍົກກຳລັງປະກາດເອີ້ນລູກໆຫຼານຂອງເຈົ້າພາບເຂົ້າມາຮັບພອນ ເພາະວ່າເປັນເວລາສຸດທ້າຍຂອງການເຮັດບຸນແລ້ວ ລູກໆຫຼາຍໆ ໃຫ້ເຂົ້າມາໝົດ ຄາວຽກຢູ່ກໍໃຫ້ປະກ່ອນມາຮ່ວມອະນຸໂມທະນາບຸນພ້ອມກັນ.
– ມັກຄະນະທາຍົກ: ເອົາເດີ…ລູກຫຼານເອີຍເຂົ້າມາເດີ ມາຮ່ວມອະນຸໂມທະນາບຸນນຳກັນສຸດທ້າຍແລ້ວໃດ໋ (ພໍ່ຕູ້ມັກຄະທາຍົກທັງເອີ້ນທັງຈັດແຈງໃຫ້ພວກເດັກນ້ອຍທີ່ເຂົ້າມານັ່ງ ເຕັມຕໍ່ໜ້າພຣະທັງໜຸ່ມທັງສາວ ທັງເດັກນ້ອຍ ພໍ່ຕູ້ທັງຍ້ອງທັງເວົ້າໃສ່ໄມວ່າ ຈັ່ງແມ່ນລາວມີບຸນເນາະພໍ່ຕູ້ແມ່ຕູ້ນລູກຫຼາຍເຕັມບ້ານເຕັມເມືອງບອກລອນສອນງ່າຍທຸກຄົນ, ພ້ອມທັງ ຖາມໄປວ່າໝົດແລ້ວບໍລູກຫຼາຍ ? ເດັກນ້ອຍກໍຕອບວ່າໝົດແລ້ວ, ພໍ່ຕູ້ມັກຄະທາຍົກກໍຫຼຽວເບິ່ງຄົນເຫຼົ່ານັ້ນມີແຕ່ເດັກນ້ອຍ ບໍ່ເຫັນຜູ້ໃຫຍ່ຈັກຄົນ ຈຶ່ງຖາມໄປວ່າ.
– ມັກຄະທາຍົກ: ເອົາວ໌…..ເປັນຫຍັງຄືຈັ່ງວ່າມີແຕ່ເດັກນ້ອຍໆແທ້, ຜູ້ໃຫຍ່ໄປໃສໝົດ (ຜູ້ໜຶ່ງດອກຄວາມອອກມາຈາກນອກເຮືອນພຸ້້ນ) – ລູກຊາຍກົກເຈົ້າພາບ: ຜູ້ໃຫຍ່ຢູ່ນອກພີ້. – ມັກຄະທາຍົກ: ເອົາວ໌…..ສູເປັນໃຜ ? – ລູກຊາຍກົກເຈົ້າພາບ: ລູກຊາຍຂອງພໍ່ຕູ້ແມ່ຕູ້ ພ້ອມນ້ອງ ແລະໃພ້ເຂີຍ ແລະຫຼານໆໆ. – ມັກຄະທາຍົກ: ສູເປັນຫຍັງບໍ່ເຂົ້າມາໃນເຮືອນພີ້ລະ – ລູກຊາຍກົກເຈົ້າພາບ: ຈັກແລ້ວ ພໍ່ຕ້ອງຫາກເອີ້ນແຕ່ລູກຫຼານໃຫ້ເຂົ້າໄປໃນ ບາດລູກແທ້ ກັບຫຼານຄິງໆພັດບໍ່ເອີ້ນກະນັ່ງຢູ່ພີ້ແຫ້ຼວ. – ມັກຄະທາຍົກ:……………………..ຫື ຈັ່ງແມ່ນສຳບັດສຳນວນນໍ ຄົນທັງຫຼາຍຮ່າໆໆໆໆໆໆໆໆໆໆໆໆໆໆໆໆໆໆໆໆໆ
– ໝາຍບອກ:(ຄວາມໝາຍໃນຕະຫຼົກນີ້) ັ໑. ລູກໆໆ ຄືລູກທັງຫຼາຍ ຫຼືລູກຄິງ ໒. ລູກຫຼາຍ ຄືບັນດາເຫຼັນໆໆທັງໝົດ.

ສາຍເຊລຳເພົາ

Read Full Post | Make a Comment ( None so far )

ຄົນໄທຍ໌ກັບແບ້

Posted on October 15, 2013. Filed under: ຊວນຫົວ-ຄາຍຄຽດ |


– ຄົນໄທຍ໌ກຸງເທບ ມາທ່ຽວວຽງຈັນ ເຂົາບອກໄກດ໌ວ່າ “ຢາກເຫັນແບ້ຂອງລາວ ມັນເປັນຕົວຍັງໄງ” ເຂົາບອກວ່າ ເຫັນແຕ່ທິບທົວໄທຍ໌ກ່າວເຖິງ ນຶກຢາກເບິ່ງ” ເມື່ອໄດ້ຮັບຄຳຂໍ ຮ້ອງເຊັ່ນນັ້ນ ທາງທົວລາວກໍຈັດຣາຍການພິເສດໃຫ້ຕາມຄຳຮຽກຮ້ອງ, ຄືພານັກທ່ອງທ່ຽວໄທຍ໌ກຸ່ມນັ້ນໄປເບິ່ງຟາລ໌ມລ້ຽງແບ້ ທີ່ວັງວຽງ, ເມື່ອເຂົ້າໄປເຖິງຟາລ໌ມລ້ຽງແບ້ແລ້ວ ມີແບ້ຝູງໃຫຍ່ຈຳນວນຫຼວງ ນັກທ່ອງທ່ຽວກໍຍັງຖາມຫາແບ້ກັບໄກດ໌ຢູ່.
– ນັກທ່ອງທ່ຽວໄທຍ໌ : ຄຸນໆໆ ໄໜວ່າຈະພາໄປດູແບ້ລະ ທຳໄມພາມາດູແພະລະ. – ໄກດ໌ : ມາມາເບິ່ງແບ້ແລ້ວເຈົ້າ ເບິ່ງໂລດໃຜຢາກຖ່າຍຮູບກະຖ່າຍໂລດຕາມສະບາຍເດີ. – ນັກທ່ອງທ່ຽວໄທຍ໌ : ນີ້ເຫຼີທີ່ລາວຮຽກວ່າແບ້ນະຄ່ະ – ໄກດ໌ : ເຈົ້າ ນີ້ແລ້ວແບ້ ເຈົ້າ. – ນັກທ່ອງທ່ຽວໄທຍ : ບ້າສິບເຜງ, ນຶກວ່າຈະວິເສດວິໂສ ທີ່ແທ້ມັນກໍແພະຂອງເຣົາດີໆໆນີ້ເອງ, ອະໄຣນະ ທພໄມລາວເຂົາຮຽກແບະເປັນແບ້ນະ, ຂະນະທີ່ນັກທ່ອງທ່ຽວ ໄທຍ໌ຈົ່ມຢູ່ນັ້ນ ແບ້ກໍພາກັນຮ້ອງຂຶ້ນວ່າ.
– ແບ້ : ແບ້ໆໆໆໆໆໆ – ນັກທ່ອງທ່ຽວໄທຍ໌ : ແພະ – ແບ້ : ແບ້ໆໆໆໆໆໆ – ນັກທ່ອງທ່ຽວໄທຍ໌ : ແພະໆໆໆໆໆໆໆໆໆໆໆໆໆໆໆ – ແບ້ : ແບ້ໆໆໆໆໆໆໆໆໆໆໆໆໆໆໆໆໆໆໆໆໆໆໆໆໆໆໆໆໆໆໆໆໆໆໆໆໆໆໆ – ນັກທ້ອງທ່ຽວໄທຍ໌ : ທັນຣ້ອງຫ່າອະໄຣຂອງມັນຫວະ ບອກວ່າ “ແພະໆໆໆໆ” ມັນກໍວ່າ “ແບ້ໆໆໆໆໆໆໆໆໆໆໆໆໆໆໆໆໆໆໆ ຢູ່່ດ້າຍ.” – ໄກດ໌ລາວ : ອິອິອິິ………………………………

ລູກຊາວດອນ

Read Full Post | Make a Comment ( None so far )

ດອກພານຕາມື້

Posted on October 15, 2013. Filed under: ຊວນຫົວ-ຄາຍຄຽດ |


ສາຍເຊລຳເພົາ

– ທ້າວກິ: ນາຍຄູວັນ ນ້ອງຂໍລາເມື່ອກ່ອນຊົ່ວໂມງໄດ້ບໍ ? – ນາຍຄູ: ແທນທີ່ຈະອະນຸຍາດ ຫຼືບໍ່ອະນຸຍາດ ໃຫ້ທ້າວກິເມືອ ຫຼືບໍ່ເມືອ ກັບບອກໃຫ້ທ້າວກິເຊົາເວົ້າສາວັນໆໆ ມັນບໍ່ແມ່ນພາສາລາວ. – ທ້າວກິ: ພາສາລາວເວົ້າຈັ່ງໃດອ້າຍຄູ. – ນາຍຄູ: ລາວເຮົາວ່າມື້. – ທ້າວກິ: ຈ້າວ. (ຫຼາຍວັນຜ່ານໄປນາຍຄູ ສັ່ງໃຫ້ນັກຮຽນຫາເບັ້ຍດອກໄມ້ມາປູກ ເອ້ໂຮງຮຽນ, ຈະເອົາເເບັ້ຍຫຍັງກະໄດ້ ເອົາຕາມແຕ່ຫາໄດ້, ທ້າວກິໄດ້ດອນພານຕາເວັນ ເຊິ່ງຊາວບ້ານລາວ ຮຽກວ່າ ດອກພານຕາວັນ) – ທ້າວກິ: ເອົາເບັ້ຍດອກໄມ້ມາໃຫ້ນາຍຄູ. – ນາຍຄູ: ທ້າວກິນ້ອງໄດ້ດອກຍັງມາປູກນໍາເຂົາລະ ? – ທ້າວກິ: ຮຽນອ້າຍຄູ ນ້ອງໄດ້ເບັ້ຍດອກພານຕາມື້ ມາປູກ. – ນາຍຄູ: ກິ….ມັນມືຈັກເທື່ອດອກພານຕາມື້ ເຂົາເອີ້ນກັນທົ່ວບ້ານທົ່ວເມືອງວ່າ ດອກພານຕາເວັນ. – ທ້າວກິ: ຮຽນອ້າຍຄູ ແມ່ນຫັ້ນແລ້ວ ໃຜໆກໍວ່າດອກພານຕາວັນ, ແຕ່ອ້າຍຄູວ່າວັນ ບໍ່ແມ່ນພາສາລາວ ນ້ອງກໍປ່ຽນເປັນພານຕາມື້ນໍາ. – ນາຍຄູ:…………………….ບ໊ະ.

Read Full Post | Make a Comment ( None so far )

ຊື່ແທ້ ຊື່ຫຼິ້ນ

Posted on October 15, 2013. Filed under: ຊວນຫົວ-ຄາຍຄຽດ |


ໂດຍ: ລູກຊາວດອນ

– ນາງຈູ່ລີກັບເພື່ອນຄົນໜຶ່ງໄປຫາໝໍມໍຊື່ດັງ ເພື່ອໃຫ້ເບິ່ງດວງໃຫ້ – ນາງຈູ່ລີ : ພໍ່ຈານ ລູກຍາກໃຫ້ພໍ່ເບິ່ງດວງໃຫ້ລູກແດ່. – ພໍ່ໝໍ : ເອີ ໄດ້ຕິລູກ, ບອກຊື່ ນາມສະກຸນ ແລະວັນເດືອນປີເກີດມາເບິ່ງ ? – ນາງຈູ່ລີ່ : ເອົາຊື່ແທ້ ຫຼືຊື່ຫຼິ້ນລະ. – ພໍ່ໝໍ : ມີສອງຊື່ບໍ ? ຄັນຊັນເອົາທັງຊື່ແທ້ ຫຼືຊື່ຫຼິ້ນນັ້ນແລ້ວ. – ນາງຈູ່ລີ : ຊື່ແທ້ ຄື ທິດາສະຫວັນ ຊື່ຫຼິ້ນ ຄື ຈູ່ລີ່ – ພໍ່ໝໍ : ເອີຊື່ມ່ວນ ພໍ່ຂໍຖາມແນ່ ຊື່ແທ້ ຊື່ຫຼິ້ນນີ້ ຊື່ໃດໝູ່ຮຽກຫຼາຍກວ່າໝູ່. – ນາງຈູ່ລີ : ຈູ່ລີ – ພໍ່ໝໍ : ເອົາຈັ່ງໃດ ຈຶ່ງວ່າຊືີ່ຫຼິ້ນລະ ຊື່ທີ່ຮຽກຫຼາຍທີ່ສຸດນັ້ນລະເປັນຊື່ແທ້ລະ. – ນາງຈູ່ລີ : ຈັກເດ໊ ???????

Read Full Post | Make a Comment ( None so far )

ຊາວອິນເດຍ ທີ່ໄປສະແຫວງບຸນ ແຕກຕື່ນ ຢຽບກັນຕາຍ 110 ຄົນ

Posted on October 15, 2013. Filed under: Lao News |


ຊາວອິນເດຍ ທີ່ພາກັນໄປສະແຫວງບຸນ ພາກັນແຕກຕື່ນ ແລ່ນຢຽບກັນຕາຍ ຍ້ອນຢ້ານຂົວຫັກພັງ, ວັນທີ 13 ຕຸລາ 2013.

ຊາວອິນເດຍ ທີ່ພາກັນໄປສະແຫວງບຸນ ພາກັນແຕກຕື່ນ ແລ່ນຢຽບກັນຕາຍ ຍ້ອນຢ້ານຂົວຫັກພັງ, ວັນທີ 13 ຕຸລາ 2013.
ບັນດາ​ເຈົ້າ​ໜ້າ​ທີ່ຢູ່​ພາ​ກກາງຂອງ​ອິນ​ເດ​ຍ ​ໄດ້​ສັ່ງ​ໃຫ້​ສືບສວນ​ ກ່ຽວ​ກັບ ການ​ແຕກ​ຕື່ນ​ຢຽບ​ກັນ​ຕາຍ ຢູ່​ເທິ່ງຂົວຂ້າມນໍ້າໄປ​ສູ່​ ວັດ​ຮິນ​ດູ​ແຫ່ງ​ນຶ່ງ ທີ່ຕັ້ງຢູ່​ບ່ອນ​ໂດດດ່ຽວ ​ໃນ​ລັດ Madhya Pradesh ​ທີ່ເຮັດ​ໃຫ້​ຢ່າງ​ໜ້ອຍ 110 ຄົນ​ເສຍ​ຊີ​ວິດ.
ພວກ​ເຈົ້າ​ໜ້າ​ທີ່​ກ່າວ​ວ່າ 100 ​ໄດ້​ຮັບ​ບາດ​ເຈັບ ​ໃນອຸ​ປະຕິ​ເຫດ ດັ່ງກ່າວເມື່ອວັນ​ອາທິດ​ວານ​ນີ້​.
ບັນດາ​ຜູ້​ເຫັນເຫດການ ກ່າວ​ວ່າ ພວກ​ສະ​ແຫວ​ງບຸນ​ພາກັນ​ແຕກ​ຕື່ນ​ຢ້ານ​ກົວ ​ແລະ​ໄດ້​ເລີ້ມ​ແລ່ນ​ຢຽບ​ກັນ ຫລັງ​ຈາກ​ຮາວ​ຈັບ​ຈໍາ​ນວນນຶ່ງຢູ່​ເທິງຂົວຫັກ ກໍ່​ເກີດ​ການຊ່າ​ລືວ່າ ຂົວ​ອາດ​ຈະ​ຫັກ​ພັງ​ລົງ.
ຜູ້​ສະ​ແຫວ​ງບຸນ​ຈໍານວນ​ນຶ່ງ​ໄດ້​ຖືກ​ຢຽບ​ເຖິງ​ແກ່​ຄວາມ​ຕາຍ ພາຍ​ໃຕ້​ຕີນ​ຂອງເພື່ອນ​ໄປ​ຮ່ວມ​ສະ​ແຫວ​ງບຸນ ​ໃນ​ຂະນະ​ທີ່ອີກ​ຈໍາ​ນວນ​ນຶ່ງຈົມ​ນໍ້າ​ຕາຍ ຫລັງ​ຈາກ​ຕົກລົງໄປ ຫລື​ໂຕນ​ລົງ​ໄປໃນແມ່​ນໍ້າ Sinh.
  • Villagers gather after a deadly stampede on a bridge across the Sindh River in Datia district in Madhya Pradesh state, India, Oct. 13, 2013.
ຂ່າວ​ທ້ອງ​ຖິ່ນ​ກ່າວ​ວ່າ ມີຜູ້​ສະ​ແຫວ​ງບຸນ 5 ​ແສນຄົນ​ ​ພາກັນ​ເຕົ້າ​ໂຮມ​ກັນເພື່ອ​ສ​ະຫລອງ​ບຸນ Naravatra ​ເປັນ​ເວລາ 10 ​ມື້ຢູ່​ທີ່​ວັດ Ratangarth. ຫລາຍ​ຄົນໄດ້ຢູ່​ໃນ​ວັດ​ເປັນ​ທີ່​ຮຽບຮ້ອຍ​ແລ້ວ ​ເວລາ​ເກີດເຫດ​ແຕກ​ຕື່ນ​ຢຽບກັນ​ຕາຍ.
ບັນດາ​ຜູ້​ເຫັນ​ເຫດການ ກ່າວ​ວ່າ ສະຖານະ​ການ​ໄດ້​ຖືກເຮັດ​ໃຫ້​ຮ້າຍ​ແຮງຍິ່ງ​ຂື້ນ ​ໂດຍ ພວກ​ຕໍາຫລວດ ທີ່​ພະຍາຍາມ​ຈະ​ຄວບ​ຄຸມຝຸງ​ຊົນ ​ໂດຍໃຊ້​ໄມ້​ຄ້ອນຕີ​ເຂົາ​ເຈົ້າ.
ອິນ​ເດຍ ມີ​ປະວັດ​ສາດ​ອັນ​ຍາວ​ນານ ກ່ຽວກັບ​ການແຕກຕື່ນ​ຢຽບກັນ​ຕາຍ​ ຢູ່ໃນພິທີສະ ຫລອງ​ບຸນ​ທາງ​ສາສະໜາຕ່າງໆ.
From VOA news
Read Full Post | Make a Comment ( None so far )

ລາວຕ້ອງໃຊ້ເງິນ 700 ຕື້ກວ່າກີບ ເພື່ອຊ່ວຍເຫຼືອ ເຂດແຂວງພາກໃຕ້ ທີ່ປະສົບໄພນໍ້າຖ້ວມ

Posted on October 15, 2013. Filed under: Lao News |


ນໍ້າຖ້ວມ ຢູ່ແຂວງອັດຕະປື ຊຶ່ງເປັນນຶ່ງໃນ 4 ແຂວງ ທີ່ຖືກນໍ້າຖ້ວມ ຢ່າງໜັກໜ່ວງ ໃນເຂດພາກໃຕ້ ຂອງລາວ.

ນໍ້າຖ້ວມ ຢູ່ແຂວງອັດຕະປື ຊຶ່ງເປັນນຶ່ງໃນ 4 ແຂວງ ທີ່ຖືກນໍ້າຖ້ວມ ຢ່າງໜັກໜ່ວງ ໃນເຂດພາກໃຕ້ ຂອງລາວ.
ລັດຖະບານ​ລາວ ຕ້ອງ​ໃຊ້​ງົບປະມານ​ຫຼາຍ​ກວ່າ 700 ຕື້​ກີບ ສໍາລັບ​ຟື້ນ​ຟູ​ສະພາບ​ການ​ໃນ​ເຂດ​ແຂວງ​ພາກ​ໃຕ້​ ທີ່ກໍາລັງ​ ປະ​ເຊີນ​ກັບ​ໄພ​ນໍ້າ​ຖ້ວມ​ຢ່າງ​ກວ້າງຂວາງ ​ແລະ​ໜັກໜ່ວງໃນ​ ຂະນະ​ນີ້. ຊົງຣິດ ມີລາຍລະອຽດ.

ທ່ານ​ທອງ​ສິງ ທໍາ​ມະ​ວົງ ນາຍົກລັດຖະມົນຕີລາວ ​ໄດ້​ຖະ​ແຫຼ​ງຍອມຮັບ​ວ່າ ​ລາວ​ໄດ້​ຮັບ ຜົນກະທົບ​ຈາກ​ໄພ​ນໍ້າ​ຖ້ວມ​ຢ່າງ​ໜັກໜ່ວງ​ຫຼາຍ​ຂຶ້ນທຸກ​ປີ ​ໂດຍ​ຈະ​ເຫັນ​ໄດ້​ຈາກ​ໄພ​ນໍ້າ​ ຖ້ວມ​ໃນ​ປີ 2012 ນັ້ນ ກໍເຮັດ​ໃຫ້​ຕ້ອງ​ມີ​ການ​ໃຊ້​ຈ່າຍ​ງົບປະມານ​ໄປ​ ຫຼາຍ​ກວ່າ 400 ຕື້​ ກີບສໍາລັບ​ໃຫ້ການ​ຊ່ວຍ​ເຫຼືອ​ປະຊາຊົນ​ທີ່​ໄດ້​ຮັບ​ຜົນ​ກະທົບ ລວມ​ເຖິງການ​ຟື້ນ​ຟູ​ສະພາບ​ ການ​ຕ່າງໆ​ໃຫ້​ກັບ​ຄືນສູ່​ສະພາບປົກກະຕິ​ອີກ​ດ້ວຍ.
ບໍລິສັດ Lao Law & Consultancy ບໍລິຈາກ 50 ລ້ານກີບ ຊ່ວຍໄພນໍ້າຖ້ວມ

ບໍລິສັດ Lao Law & Consultancy ບໍລິຈາກ 50 ລ້ານກີບ ຊ່ວຍໄພນໍ້າຖ້ວມ

ຫາກ​ແຕ່​ວ່າ​ ​ໄພ​ນໍ້າ​ຖ້ວມ​ໃນ​ປີ 2013 ນີ້ ທີ່​ເລີ່​ມຈາກ​ເຂດ​ພາກ​ ເໜືອ ​ຕໍ່​ເນື່ອງ​ມາ​ພາກ​ກາງ ​ແລະ​ລົງ​ໄປ​ພາກ​ໃຕ້​ໃນ​ເວລາ​ນີ້ ກໍຍັງ​ເຮັດ​ໃຫ້​ເກີດ​ການ​ເສຍ​ຫາຍ​ຫຼາຍ​ກວ່າ​ປີ​ທີ່​ຜ່ານ​ມາ ​ໂດຍ ຄາດ​ວ່າ​ຈະ​ຕ້ອງ​ໃຊ້​ຈ່າຍງົບປະມານ​ຫຼາຍ​ກວ່າ 700 ຕື້​ກີບ ສໍາ ລັບ​ການ​ບູລະນະ​ຟື້ນ​ຟູ​ສະພາບການ​ຕ່າງໆ ​ໃຫ້​ກັບ​ຄືນ​ສູ່​ສະພາ ວະ​ທີ່​ເປັນ​ປົກກະຕິ​ໄດ້ ດັ່ງ​ທີ່​ທ່ານ​ທອງ​ສິງໄດ້​ຖະ​ແຫຼ​ງຢືນຢັນວ່າ: “ລັດຖະບານ​ຕ້ອງ​ໃຊ້​ເງິນ​ທອງໄປ​ ປະມານ 400 ຕື້​ກີບ ​ເພື່ອ​ແກ້​ໄພ​ທໍາ​ມະ​ຊາດ​ປີ​ແລ້ວ ​ແຕ່​ວ່າ​ປີ​ນີ້​ ຜັດ​ພາກ​ເໜືອ​ ກະ​ເກີດ ພາກ​ກາງ​ກະ​ເກີດ ພາກ​ໃຕ້​ກະ​ເກີດ ອັນ​ນີ້​ກໍ​ເປັນ​ ເຫດການ​ທີ່ຫຍຸ້ງຍາກ ​ເສດຖະກິດ​ຂອງ​ພວກ​ເຮົາ​ມີ​ຄວາມ​ຫຍຸ້ງຍາກ​ຢູ່​ແລ້ວ ງົບ ປະມານ​ຂອງ​ພວກ​ເຮົາ​ຕໍ່າ​ຢູ່ ​ແລ້ວ ຜັດ​ຖອກ​ເທ​ໃຫ້​ກັບ​ໄພພິບັດ​ທາງ​ທໍາ​ມະ​ຊາດ​ ໜັກໜ່ວງ​ສົມຄວນ​ໃນ​ແຕ່ລະ​ປີ.”

ນໍ້າຖ້ວມ ຕະຫຼາດຈໍາປາສັກ

ນໍ້າຖ້ວມ ຕະຫຼາດຈໍາປາສັກ

ໂດຍ​ການທີ່​ມີ​ຝົນຕົກ​ລົງ​ມາ​ຢ່າງ​ຫຼວງ​ຫຼາຍ ນັບ​ແຕ່​ທ້າຍ​ເດືອນ ​ກັນຍາ​ເປັນ​ຕົ້ນ​ມາ ​ໄດ້​ເຮັດ​ໃຫ້ເກີດ​ໄພ​ນໍ້າ​ຖ້ວມ​ຢ່າງ​ກວ້າງຂວາງ​ ໃນ​ທັງ 10 ​ເມືອງ​ຂອງ​ແຂວງ​ຈໍາປາ​ສັກ ​ແລະ​ໄດ້​ສົ່ງ​ຜົນ​ກະທົບ​ຕໍ່ ​ຊີ​ວີ​ດການ​ເປັນ​ຢູ່​ຂອງ​ປະຊາຊົນ​ຫຼາຍ​ກວ່າ 134,000 ຄົນ​ຢູ່​ໃນ​ເຂດ 318 ບ້ານ ທັງ​ກໍ​ຍັງ ​ເຮັດ​ໃຫ້​ນາ​ເຂົ້າ​ເສຍ​ຫາຍ​ໄປ​ແລ້ວ​ກວ້າງ​ກວ່າ 15,000 ​ເຮັກ​ຕ້າ ສັດລ້ຽງ​ຕາຍ​ໄປ​ຫຼາຍ​ພັນ​ຕົວ ​ແລະ​ຖະໜົນ​ເປ້​ເພ​ໄປ​ເຖິງ 50 ​ເສັ້ນທາງ. ສ່ວນ​ຢູ່​ເຂດ​ແຂວງ​ສາລະ​ວັນ​ນັ້ນ ທັງ 8 ​ເມືອງ​ຂອງ​ແຂວງ​ ຕ່າງກໍ ​ຕ້ອງ​ປະ​ເຊີນ​ກັບ​ໄພ​ນໍ້າ​ຖ້ວມ ຢ່າງ​ໜັກ​ໜ່ວງ​ເຊັ່ນ​ດຽວ​ກັນ ​ໂດຍ​ສະ​ເພາະແມ່ນ​ຄົງ​ເຊໂດນ​ ນັ້ນ ກໍ​ມີ​ປະຊາຊົນ​ໄດ້​ຮັບ​ຜົນ​ກະທົບ​ເຖິງ 9,596 ຄອບຄົວ​ໃນ​ເຂດ 79 ບ້ານ ​ແລະ​ພື້ນ​ທີ່​ ການ​ກະ​ເສດ​ເສຍຫາຍ​ ໄປ​ກວ້າງ​ກວ່າ 12,500 ​ເຮັກຕ້າ ຈຶ່ງ​ນັບເປັນ​ອີກ​ເຂດ​ນຶ່ງ​ທີ່​ໄດ້​ຮັບ​ ຜົນ​ກະທົບ​ຮຸນ​ແຮງ​ທີ່​ສຸດ. ສໍາລັບ​ຢູ່ແຂ​ວງ​ເຊ​ກອງ​ນັ້ນ ກໍ​ມີ​ເມືອງ​ກະລຶມ ​ເມືອງ​ທ່າ​ແຕງ ​ແລະ​ເມືອງ​ລະ​ມານ​ ທີ່​ໄດ້​ ຮັບ​ຜົນ​ກະທົບຫຼາຍ​ທີ່​ສຸດ ​ໂດຍ​ມີ​ປະຊາຊົນ​ຫຼາຍ​ກວ່າ 2,200 ຄອບຄົວ​ ຫຼື​ໝື່ນ​ກວ່າ​ຄົນ ໃນ 60 ກວ່າ ບ້ານ​ທີ່​ໄດ້​ຮັບ​ຜົນ​ກະທົບ ​ແລ​ະພື້ນ​ທີ່​ການ​ກະ​ເສດ​ເສຍ​ຫາຍ​ໄປ​ຢ່າງ​ສິ້ນ​ເຊີງ ກວ້າງ​ກວ່າ 2,500 ​ເຮັກ​ຕ້າ ພ້ອມ​ດ້ວຍ​ໜອງລ້ຽງ​ປາ 45 ​ແຫ່ງ ​ແລະ​ຖະໜົນ 30 ​ເສັ້ນ ຄິດ​ເປັນ​ລະ​ຍະ​ທາງ​ຍາວ​ກວ່າ 450 ກິ​ໂລ​ແມັດ ທີ່​ຈະ​ຕ້ອງ​ສ້ອມ​ແປງ​ຢ່າງ​ຮີບ​ດ່ວນ. ສ່ວນ​ຢູ່​ແຂວງ​ອັດ​ຕະປືນັ້ນ ກໍ​ມີ​ເມືອງ​ໄຊ​ເສດ​ຖາ ​ເມືອງ​ສະໜາມ​ໄຊແລະ​ເມືອງ​ສາມັກ​ຄີ​ໄຊ ທີ່​ໄດ້​ຮັບ​ຜົນ​ກະທົບ​ຮ້າຍ​ແຮງທີ່​ສຸດ ​ໂດຍ​ພື້ນ​ທີ່​ການ​ກະ​ເສດ​ເສຍ​ຫາຍ​ໄປ​ກວ້າງ​ກວ່າ 15,000 ​ເຮັກ​ຕ້າ ​ແລະ​ປະຊາຊົນ​ໃນ​ເຂດ 79 ບ້ານ ກໍ​ຍັງ​ຂາດ​ເຂີນ​ປັດ​ໄຈ​ສີ່ ​ແລະ​ຈະ​ຕ້ອງ​ ໄດ້​ຮັບ​ການ​ຊ່ວຍ​ເຫຼືອ​ຢ່າງ​ຮີບ​ດ່ວນ​ທີ່​ສຸດ ​ໂດຍຍັງ​ບໍ່​ທັນ​ລວມ​ເຖິງ​ໂຮງຮຽນ 220 ກວ່າ​ ແຫ່ງ​ໃນ​ທັງ​ສີ່​ແຂວງພາກ​ໃຕ້ ​ທີ່​ຈະ​ຕ້ອງ​ໄດ້​ຮັບ​ການ​ສ້ອມ​ແປງ​ຢ່າງ​ຮີບ​ດ່ວນ​ທີ່​ສຸດ​ອີກດ້ວຍ. ກ່ອນ​ໜ້າ​ນີ້ ​ແຂວງ​ອຸດົມ​ໄຊ ກໍ​ໄດ້​ຮັບ​ຜົນ​ກະທົບ​ຈາກ​ໄພ​ນໍ້າ​ຖ້ວມ​ຄັ້ງ​ໃຫຍ່ ​ແລະ​ດິນເຈື່ອນ ​ຢູ່​ໃນ​ເຂດ​ເມືອງ​ແບ​ງ ຊຶ່ງນອກຈາກ​ຈະ​ມີ​ປະຊາຊົນ​ລາວ​ເຖິງ 16 ຄົນ ທີ່​ເສຍ​ຊີວິດ​ໄປ​ໃນໄພ​ທໍາ​ມະ​ຊາດ​ຄັ້ງ​ນີ້​ແລ້ວ ຍັງມີເຮືອນ​ຊານທີ່​ໄຮ່​ທີ່​ນາ ​ແລະ​ຊັບ​ສິນ​ຂອງ​ປະຊາຊົນ ຕະຫຼອດ​ຈົນ​ພື້ນຖານ​ໂຄງ​ລ່າງ​ຕ່າງໆຂອງ​ສ່ວນ​ລວມ ​ເຊັ່ນ ຖະໜົນ ​ເສົາ​ໄຟຟ້າ ລະບົບ​ການ​ສື່ສານ​ທາງ​ໂທລະສັບ ຄອງ​ຊົນລະປະທານ ອາຄານ​ສະຖານ​ທີ່​ຕ່າງ​ໆຂອງ​ລັດຖະ ບານ​ນັ້ນ ກໍ​ເສຍ​ຫາຍ​ໄປ​ຢ່າງ​ຫຼວງ​ຫຼາຍ​ອີກ​ດ້ວຍ. ທາງ​ດ້ານ​ເຈົ້າໜ້າ​ທີ່​ຂັ້ນ​ສູງ​ຂອງ​ກົມ​ອຸຕຸນິຍົມ​ວິດ​ທະຍາ ​ແລະ​ອຸ​ທົກ​ກະສາ​ດ ກໍຍອມຮັບ​ວ່າ​ສະ​ພາວະ​ການ​ຂາດ​ແຄນ​ດ້ານ​ງົບປະມານ ​ເຮັດ​ໃຫ້ການ​ແຈ້ງ​ເຕືອນ​ປະຊາຊົນ​ກ່ຽວ​ກັບ​ສະພາບ​ອາກາດ ​ສາມາດ​ປະຕິບັດ​ໄດ້​ຢ່າງ​ຈໍາກັດ ຊຶ່ງ​ຜົນ​ທີ່​ຕິດຕາມ​ມາ ​ກໍ​ຄື​ປະຊາຊົນ ໃນຫຼາຍໆ​ພື້ນ​ທີ່ໃນ​ລາວ ບໍ່​ໄດ້​ຮັບ​ຂໍ້​ມູນ​ຂ່າວສານ​ການ​ພະຍາກອນ​ສະພາບ​ອາກາດ​ລ່ວງ​ໜ້າ ຈຶ່ງບໍ່​ມີ​ການ​ຕຽມ​ພ້ອມ​ເພື່ອ​ຮັບ​ມື​ກັບ​ສະພາບ​ອາກາດ​ທີ່​ເກີດ​ຂຶ້ນ.

From VOA news
Read Full Post | Make a Comment ( None so far )

ທຸຣະກິຈໃນລາວຂາດແຄນຄົນງານ

Posted on October 15, 2013. Filed under: ເສດຖະກິດ |


F-Garment

ໂຮງງານຕັດຫຍິບ ໃນລາວ ມຸ້ງໝາຍຈະຮັບເອົາຄົນງານ ໃຫ້ໄດ້ເຖິງ 60,000 ຄົນ ພາຍໃນປີ 2015

ເມື່ອປະມານເດືອນກວ່າຜ່ານມານີ້ ທັງນັກລົງທຶນພາຍໃນແລະຕ່າງປະເທດ ຕ່າງກໍອອກປາກວ່າ ຂາດເຂີນຄົນງານເປັນຈໍານວນຫຼວງຫລາຍ. ຕາມລາຍງານຂອງສື່ມວນຊົນໃນລາວ. ທ່ານ ອ່ອນສີ ບຸດສີວົງສັກ ປະທານສະມາຄົມຕັດຫຍິບ ແລະທີ່ປຶກສາສະພາອຸດສາຫະກັມການຄ້າ ເປີດເຜີຽວ່າໃນລະຍະນີ້ຫລາຍຫົວຫນ່ວຍທຸຣະກິດຂອງນັກລົງທຶນພາຍໃນແລະຕ່າງປະເທດມີຄວາມຂັດຂ້ອງວ່າ ມາລົງທຶນແລ້ວພັດຊອກຫາ ຄົນງານມາເຮັດວຽກບໍ່ໄດ້ ຕາມຄວາມຕ້ອງການ. ທ່ານວ່າ ຂແນງອູດສາຫະກັມຕັດຫຍິບ ຕ້ອງການຄົນງານປີລະ 9,000 ກວ່າຄົນ ອຸດສາ ຫະກັມປຸງແຕ່ງ 300 ກວ່າຄົນທ່ອງທ່ຽວ 2,400 ກວ່າຄົນ ໂຮງງານເຫລັກເສັ້ນ 600 ກ່ວາຄົນ ໂຮງງານເຮັດ ເຟີນີເຈີ 5,000 ກວ່າຄົນ ກໍ່ສ້າງ 5,000 ກວ່າຄົນ ແລະຂະແໜງອື່ນໆ ລວມແລ້ວ ຕ້ອງການຄົນງານປະມານ 31,000 ກວ່າຄົນຕໍ່ປີ.

ທ່ານວ່າ ໃນສະພາບທີ່ຂາດເຂີນຄົນງານດັ່ງທີ່ເປັນຢູ່ນີ້ຄົນງານຢູ່ໃນລາວຊໍ້າພັດຫລັ່ງໄຫລໄປເຮັດວຽກຢູ່ປະເທດເພື່ອນບ້ານ ຈໍານວນຫຼາຍແສນ ຄົນ ທັງຖືກຕ້ອງແລະບໍ່ຖືກຕ້ອງຕາມກົດໝາຍໂດຍບໍ່ມີມາຕການຄວບຄຸມຢ່າງເຂັ້ມງວດ. ຢູ່ແຂວງພາກກາງແລະພາກໃຕ້ມີຫລາຍບ້ານ ທີ່ບໍ່ມີ ຊາວຫນຸ່ມເຮັດວຽກການຜລິດ ເຫລືອແຕ່ຜູ້ເຖົ້າ ເຮັດວຽກພໍກຸ້ມຢູ່ກຸ້ມກິນ. ສະພາບທີ່ຄົນຫນຸ່ມນ້ອຍໜີອອກໄປເຮັດວຽກ ຢູ່ປະເທດເພື່ອນບ້ານ ມີມາແຕ່ດົນເປັນສິບໆປີແລ້ວ ແລະປັດຈຸບັນ ກໍຍັງຫລັ່ງໄຫລອອກໄປເລື້ອຍໆ.

ການຂາດເຂີນຄົນງານເຮັດວຽກ ເຮັດໃຫ້ຫນ່ວຍທຸຣະກິດຍາດແຍ່ງຄົນງານກັນ ໂດຍສະເພາະປາກົດການ ການເຂົ້າອອກການ ຈາກໂຮງງານ ຫລືບໍຣິສັດນຶ່ງ ໄປຫາອີກບໍຣິສັດນຶ່ງ ມີຫລາຍຂຶ້ນ. ຄົນງານເກີດມີຄວາມຄິດ ບໍ່ງໍ້ວຽກງານຂາດວິນັຍ ແລະຂາດການຮັບຜິດຊອບ ວຽກງານ. ສະພາບຂາດເຂີນຄົນງານ ແລະ ຄົນງານຂາດ ລະບຽບວິນັຍ ເຮັດໃຫ້ການຜລິດ ສິນຄ້າ ໃນລາວບໍ່ສາມາດແຂ່ງຂັນ ໃນຕລາດອາຊຽນໄດ້.

from: rfa.org

Read Full Post | Make a Comment ( None so far )

ລາວຢືນຢັນວ່າ ເຂື່ອນດອນສະຫົງ ຈະບໍ່ສົ່ງຜົນກະທົບ ຕໍ່ແມ່ນໍ້າຂອງ

Posted on October 14, 2013. Filed under: ສາລະໜ້າຮູ້ |


ແຜນທີ່ ສະແດງສະຖານທີ່ກໍ່ສ້າງເຂື່ອນໄຟຟ້າພະລັງນໍ້າ ດອນສະຫົງ
ຢູ່ເຂດແຂວງຈໍາປາສັກ ພາກໃຕ້ຂອງລາວ.

ແຜນທີ່ ສະແດງສະຖານທີ່ກໍ່ສ້າງເຂື່ອນໄຟຟ້າພະລັງນໍ້າ ດອນສະຫົງ ຢູ່ເຂດແຂວງຈໍາປາສັກ ພາກໃຕ້ຂອງລາວ.
   ລັດຖະມົນຕີ​ລາວຢືນຢັນ​ວ່າ ​ໂຄງການ​ກໍ່ສ້າງ​ເຂື່ອນ​ດອນ​ສະ​ຫົງ ຈະ​ບໍ່​ສົ່ງ​ຜົນ​ກະທົບ​ຕໍ່​ສະພາບ​ແວດ​ລ້ອມ​ທໍ​າມະ​ຊາດ​ໃນ​ເຂດ​ຕອນ​ ລຸ່ມ​ແມ່​ນໍ້າຂອງ ​ໂດຍ​ໄດ້​ສຶກສາ​ຢ່າງ​ໄດ້​ມາດ​ຕະຖານ​ສາກົນ​ແລ້ວ.
ທ່ານ ວີລະ​ພົນ ວີລະ​ວົງ ລັດຖະມົນຕີ​ຊ່ວຍ​ວ່າການ​ກະຊວງ​ພະລັງ ງານ​ ແລະ​ບໍ່​ແຮ່ ​ໃຫ້ການ​ຢືນຢັນ​ກັບ VOA ວ່າ​ ໂຄງ​ກາ​ນກໍ່ສ້າງ​ ເຂື່ອນ​ດອນ​ສະ​ຫົງ​ເທິງ​ແນວ​ແມ່​ນໍ້າຂອງ ຢູ່​ເຂດ​ຄອນ​ພະ​ເພັງ​ ໃນ ​ແຂວງ​ຈໍາປາ​ສັກ​ຂອງ​ລາວ​ນັ້ນ ​ໄດ້​ຜ່ານ​ການ​ສຶກສາ​ ແລະອອກແບບ​ກໍ່ສ້າງ​ຢ່າງ​ໄດ້​ມາດຕະ ຖານໃນ​ລະດັບ​ສາກົນ​ ໃນ​ທຸກໆ​ດ້ານ​ແລ້ວ ​ເພາະສະ​ນັ້ນຈຶ່ງ​ເຊື່ອ​ໝັ້ນ​ວ່າ ການ​ກໍ່ສ້າງເຂື່ອນ​ ດອນ​ສະ​ຫົງ​ໃນ​ລະຍະ​ຕໍ່​ໄປ​ນີ້ ຈະ​ບໍ່​ສົ່ງ​ຜົນ​ກະທົບ​ຕໍ່ສະພາ​ບ​ແວດ​ລ້ອມ​ທໍາ​ມະຊາດ​ ໃນ​ພື້ນທີ່ ​ຕອນ​ລຸ່ມ​ແມ່​ນໍ້າຂອງຢ່າງ​ແນ່ນອນ ດັ່ງທີ່​ທ່ານ​ວີ​ລະພົນ ​ໄດ້​ໃຫ້ການ​ຊີ້​ແຈງ​ວ່າ:
ທ່ານ ວີລະພົນ ວີລະວົງ ລມຕ ຊ່ວຍກະຊວງພະລັງງານ ແລະບໍ່ແຮ່

ທ່ານ ວີລະພົນ ວີລະວົງ ລມຕ ຊ່ວຍກະຊວງພະລັງງານ ແລະບໍ່ແຮ່

“ດອນ​ສະ​ຫົງ​ນີ້ ​ໃຊ້​ແຕ່​ຮູ​ນໍ້າ​ຮູ​ດຽວ​ນ້ອຍໆ ມີ​ແຕ່ 15% ຂອງ​ ໝົດ​ນໍ້າຂອງ​ໄຫຼ​ບໍ່​ແມ່ນ​ໃຊ້ 100% ຄື​ໄຊ​ຍະ​ບຸລີ ສະ​ນັ້ນການ​ ຕັນ​ນໍ້າ​ບໍ່​ມີ​ຜົນ​ກະທົບ​ຫຍັງ​ໝົດ​ເລີຍ ​ແລ້ວກະ​ຕາມຕົວ​ເລກ​ທີ່​ ຈື່​ໄດ້​ນີ້ຂີ້​ດິນ​ຕະກອນໃນ​ປີ​ນຶ່ງ​ ຜ່ານ​ເຂດ​ໃຕ້​ລົງ​ໄປ​ຮອດ​ແມ່​ ຂອງ​ເດລຕ້າ ມັນ​ຮອດ 160 ກວ່າ​ລ້ານ​ໂຕນ ​ແຕ່​ຢູ່​ດອນ​ສະ​ ຫົງ​ ໃນ 29 ປີ​ນີ້ ​ເຂົາ​ຄິດ​ເບິ່ງ​ຂີ້ດິນ​ສິ deposit  ບໍ່​ຮອດ 5 ລ້ານ ​ແລ້ວ​ກໍ​ບໍ່​ໄດ້​ກັກ​ນໍ້າ ​ໄດ້​ເອົາ​ນໍ້າມາ​ເທົ່າ​ໃດ​ກໍ​ໄປ​ເທົ່າ​ ນັ້ນ.” ຍິ່ງ​ໄປ​ກວ່າ​ນັ້ນ ທ່ານ ວີລະ​ພົນ ຍັງ​ໄດ້​ໃຫ້ການ​ຢືນຢັນ​ດັ່ງກ່າວ​ກັບ​ຄະນະ​ຜູ້ຕາງໜ້າ​ຂອງ​ ລັດຖະບານໄທ ​ແລະ​ຫວຽດນາມທີ່​ເຂົ້າຮ່ວມ​ ໃນ​ກອງ​ປະຊຸມ​ລັດຖະມົນຕີ​ ດ້ານພະລັງ ງານຂອງ​ອາ​ຊ່ຽນ​ຄັ້ງ​ທີ 31 ຢູ່​ບາ​ຫຼີ ປະ​ເທດ​ອິນໂດ​ເນ​ເຊຍ ​ໃນ​ຕົ້ນ​ເດືອນ​ຕຸລາ​ນີ້ ​ອີກ​ດ້ວຍ. ທັງນີ້​ທ່ານ​ ວີລະ​ພົນ ​ໄດ້​ພະຍາຍາມ​ເນັ້ນ​ໜັກ​ໃຫ້​ເຫັນ ​ເຖິງ​ຄວາມ​ສໍາຄັນ​ຂອງ​ການ​ສ້າງ​ ເຂື່ອນ​ທີ່​ຈະ​ເປັນ​ທ່າ​ແຮງ​ສໍາຄັນໃນ​ການ​ພັດທະນາ​ທາງ​ເສ​ດຖະກິດ ​ເພື່ອ​ລົບ​ລ້າງບັນຫາ ​ຄວາມທຸກ​ຈົນ​ຂອງ​ປະຊາຊົນ​ລາວ​ບັນດາ​ເຜົ່າ ​ໂດຍ​ລັດຖະບານ​ຈະ​ນໍາ​ເອົາ​ລາຍ​ຮັບ​ທີ່​ໄດ້​ ຈາກ​ການ​ຂາຍ​ກະ​ແສ​ໄຟຟ້າ ​ໃຫ້​ກັບປະ​ເທດ​ເພື່ອ​ນບ້ານ ​ເຊັ່ນ ​ໄທ ກໍາປູເຈຍ ​ແລະ​ຫວຽດ ນາມ ມາ​ໃຊ້​ໃນ​ໂຄງການ​ພັດທະນາ​ ເພື່ອ​ຍົກ​ລະດັບ​ຄຸນ​ນະພາ​ບຊີວິດ ຄວາມ​ເປັນ​ຢູ່ຂອງ ປະຊາຊົນ​ ໃຫ້​ດີ​ຂຶ້ນ ​ໃນ​ລະຍະ​ຕໍ່​ໄປ​ນັ້ນ​ເອງ. ທາງ​ດ້ານ​ບໍລິສັດ Mega First Corporation Berhad ຈາກ​ມາ​ເລ​ເຊຍ ຜູ້​ລົງທຶນ​ໃນໂຄງ ການ ກໍ​ໄດ້​ຖະ​ແຫຼ​ງຢືນຢັນ​ວ່າ​ ​ໄດ້​ທໍາ​ການ​ສຶກສາ​ເພື່ອ​ປ້ອງ​ກັນ​ຜົນ​ກະທົບ​ຕໍ່​ສິ່ງ​ແວດລ້ອມ ​ທໍາ​ມະ​ຊາດ ​ແລະສັດ​ນໍ້າ​ຢ່າງ​ຮອບດ້ານ​ແລ້ວ ຈຶ່ງ​ເຮັດ​ໃຫ້​ບໍລິສັດ​ໄດ້​ຕັດສິນ​ໃຈ​ລົງທຶນເຖິງ 600 ລ້ານ​ໂດ​ລ່າ ​ເພື່ອ​ດໍາ​ເນີນ​ການ​ກໍ່ສ້າງ ​ເຂື່ອນ​ດອນ​ສະ​ຫົງ​ ຂະໜາດ 260 ​MW ​ໃຫ້​ ສໍາ​ເລັດ​ພາຍ​ໃນ ປີ 2016 ຕໍ່​ໄປ.
ລັດ​ບານ​ລາວ​ມີ​ແຜນການ​ກໍ່ສ້າງ​ເຂື່ອນ​ເທິງ​ແນວ​ແມ່​ນໍ້າຂອງ​ເຖິງ 8 ​ໂຄງການ ຕໍ່​ເນື່ອງກັນ ​ກັບ​ໂຄງການ​ເຂື່ອນ​ໄຊ​ຍະ​ບຸລີ ​ໂດຍ​ປະກອບ​ດ້ວຍ 5 ​ໂຄງການ​ໃນ​ເຂດ​ພາກ​ເໜືອ ກັບ 3 ​ໂຄງການ​ໃນ​ເຂດ​ພາກ​ໃຕ້ ຊຶ່ງ​ໃນ​ນີ້​ກໍ​ມີ​ພຽງ​ໂຄງການ​ເຂື່ອນ​ບ້ານ​ກຸ່ມ​ເທົ່າ​ນັ້ນ ທີ່​ມີ​ທີ່​ຕັ້ງ​ຢູ່​ ໃນ​ເຂດ​ຊາຍ​ແດນ​ໃນ​ແນວ​ແມ່​ນໍ້າຂອງ ລະຫວ່າງ​ລາວ​ກັບ​ໄທ ສ່ວນ​ນອກ​ນັ້ນ ກໍມີ​ທີ່​ຕັ້ງ​ຢູ່ ເຂດອະທິປະ​ໄຕ​ຂອງ​ລາວ ພຽງ​ຝ່າຍ​ດຽວ.

ການປະທ້ວງຄັດຄ້ານ ໂຄງການກໍ່ສ້າງເຂື່ອນໄຊຍະບຸລີ

ການປະທ້ວງຄັດຄ້ານ ໂຄງການກໍ່ສ້າງເຂື່ອນໄຊຍະບຸລີ

ສ່ວນ​ທີ່​ກ່ຽວ​ກັບ​ຄວາມ​ຄືບ​ໜ້າ​ຂອງ ການ​ກໍ່ສ້າງ​ເຂື່ອນ​ໄຊ​ຍະ​ບຸລີ ​ເທິງ​ແນວ​ແມ່ນໍ້າຂອງ​ໃນ​ແຂວງ​ໄຊ​ຍະ​ບຸລີ​ນັ້ນ ທ່ານ​ວີລະ​ພົນ ກໍ​ ຢືນຢັນ​ວ່າ​ເຂື່ອນ​ໄຊ​ຍະ​ບຸລີ ​ເປັນ​ໂຄງການ​ນຶ່ງ​ທີ່​ມີ​ຄວາມ​ທັນ​ສະ ​ໄໝ​ທີ່​ສຸດ​ ​ເນື່ອງຈາກ​ໄດ້​ມີ​ການ​ນໍາ​ໃຊ້​ເທັກ​ໂນ​ໂລ​ຈີ່​ສະ​ໄໝໃໝ່ ທີ່​ມີ​ການ​ນໍາ​ໃຊ້​ທັງ​ໃນ​ສະຫະລັດ​ອາ​ເມຣິກາ ​ແລະ​ບັນດາ​ປະ​ເທດ ​ໃນ​ສະຫະພາບ​ຢູ​ໂຣບ.
ຍິ່ງ​ໄປ​ກວ່າ​ນັ້ນ ​ການທີ່ເທັກ​ໂນ​ໂລ​ຈີ່​ສະ​ໄໝ​ໃໝ່​ດັ່ງກ່າວ​ນີ້ ຍັງ ​ເປັນ​ເທັກ​ໂນ​ໂລ​ຈີ່​ ທີ່ພັດທະນາ​ຂຶ້ນມາ ​ເພື່ອ​ການ​ຜະລິດ​ພະລັງ ງານ​ທົດ​ແທນ​ ແລະເປັນ​ພະລັງງານ​ທີ່​ສະອາດ​ດ້ວຍ​ນັ້ນ ຈຶ່ງ​ເຮັດ​ໃຫ້ທາງ​ການ​ລາວ​ມີຄວາມ​ ເຊື່ອ​ໝັ້ນ​ວ່າ​ ເຂື່ອນ​ໄຊ​ຍະ​ບຸລີ ຈະ​ເປັນ​ເຂື່ອນທີ່​ເປັນ​ມິດ​ຕໍ່​ສະພາບ​ແວດ​ລ້ອມ​ທໍາ​ມະ​ຊາດ ທັງ​ຍັງຈະ​ມີ​ສ່ວນ​ຢ່າງ​ສໍາຄັນ​ຕໍ່​ການ​ພັດທະນາ​ທາງ​ເສດຖະກິດ ​ເພື່ອ​ລົບ​ລ້າງ​ບັນຫາຄວາມ ຍາກ​ຈົນຂອງ​ປະຊາຊົນ​ລາວ​ອີກ​ດ້ວຍ.
​ໂຄງການ​ເຂື່ອນ​ໄຊ​ຍະ​ບຸລີ ມີ​ກໍານົດ​ການ​ກໍ່ສ້າງ​ໃຫ້​ສໍາ​ເລັດ ​ແລະ​ເລີ່​ມສົ່ງ​ກະ​ແສ​ໄຟຟ້າ​ ຂາຍ​ໃຫ້​ກັບ​ການ​ໄຟຟ້າ​ຝ່າຍ​ຜະລິດ​ແຫ່ງປະ​ເທດ​ໄທ ນັບ​ແຕ່​ປີ 2019 ​ເປັນ​ຕົ້ນ​ໄປ ຊຶ່ງ​ກໍ ຈະ​ເຮັດ​ໃຫ້​ກຸ່ມ​ລົງທຶນ​ມີ​ລາຍ​ຮັບ​ຈາກ​ການ​ຂາຍພະລັງງານ​ໄຟຟ້າ ສ່ວນ​ທີ່​ຜະລິດ​ໄດ້​ເຖິງ 1,285 MW ນັ້ນ ຄິດເປັນມູນຄ່າລວມກວ່າ 13,000 ລ້ານໂດລ່າ ໃນຕະຫຼອດໄລຍະ ສໍາປະທານ 29 ປີ ໂດຍລັດຖະບານລາວກໍຈະໄດ້ສ່ວນແບ່ງ ຄິດເປັນມູນຄ່າລວມເຖິງ 3,900 ລ້ານໂດລ່າ ໃນຕະຫຼອດໄລຍະສໍາປະທານດັ່ງກ່າວ.

Read Full Post | Make a Comment ( None so far )

ອຶ້ງກັນທົ່ວໂລກ…!!! ຍອດມະນຸດ Super Hero ມີຈິງແທ້ຫວາ ຕ້ອງເບິ່ງເລີຍ…

Posted on October 13, 2013. Filed under: ເກັບຕົກ |


ຂໍ້ມູນດີດີຈາກ Keung Bkk

Read Full Post | Make a Comment ( None so far )

ເຕືອນໄພຈາກຕ່າງແດນ…!!! ນາມບັດກໍ່ມີໄພເສຍຊັບສິນ ຫລື ຮ້າຍແຮງອາດຈະຖືກຂົ່ມຂືນ ຫລື ເສຍຊີວິດໄດ້

Posted on October 13, 2013. Filed under: ສາລະໜ້າຮູ້ |


1383408_433495613422931_1618461886_n

ໄພຈາກນາມບັດ ຍິງຄົນໜຶ່ງ ໄປເຕີມແກັດທີ່ປຳ້ແກັດແຫ່ງໜຶ່ງ ມີຊາຍຄົນໜຶ່ງມາສະເໜີບໍລິການທາສີ ໂດຍຍື່ນນາມບັດໃຫ້ ຍິງຄົນນັ້ນກໍ່ຮັບມາອ່ານ ແລ້ວຈັບເຂົ້າມາໃນລົດ ແລ້ວກໍ່ຂັບລົດອອກຈາກປຳ້ແກັດ ກໍ່ສັງເກດໄດ້ວ່າຊາຍຄົນນັ້ນກໍ່ຂັບລົດຕາມມາ ແລະລາວກໍ່ຮູ້ສຶກວ່າຫາຍໃຈບໍ່ອອກລາວຟ້າວເປີດປະຕູລົດອອກ ແລະໄດ້ກີ່ນນັ້ນມາຈາກມື ແລະ ເປັນມືທີ່ລາວໄດ້ຮັບນາມບັດມາຈາກຊາຍຄົນນັ້ນ ລາວຕັດສິນໃຈຂັບລົດ ແລະ ກົດແກໄປຕະຫລອດທາງເພື່ອຂໍຄວາມຊ່ວຍເຫລືອ ຊາຍຄົນນັ້ນຈິ່ງຂັບລົດໜີໄປ ຢາທີ່ປ້າຍໃສ່ນາມບັດນັ້ນ ເປັນຢາ BURUNDANGA ເພື່ອໃຫ້ເຮົາໝົດສະຕິ ແລະ ຄວບຄຸມໂຕເອງບໍ່ໄດ້ ແລ້ວຈາດຈະເສຍຊັບສິນ ຫລື ຮ້າຍແຮງອາດຈະຖືກຂົ່ມຂືນ ຫລື ເສຍຊີວິດໄດ້ ດັ່ງນັ້ນເວລາເຮົາໄປໃສຄົນດຽວ ຫລື ໄປໃນທີ່ຕ່າງຖິ່ນບໍ່ຄວນຮັບນາມບັດ ແຜ່ນພັບ ໂຄສະນາຕ່າງໆ ຈາກຄົນທີ່ແປກໜ້າ ບໍ່ສະນັ້ນ ໄພອາດຈະຕົກເຖິງທ່ານໄດ້ ຈັ່ງໃດກໍ່ຝາກສົ່ງຕໍ່ກັນແນ່ເດີ້…. ຂໍ້ມູນດີດີຈາກ Lao-DD

Read Full Post | Make a Comment ( None so far )

ວິທີແຕ່ງພາບໃຫ້ພື້ນຫຼັງໂປ່ງໃນງ່າຍໆ ດ້ວຍ ClippingMagic

Posted on October 12, 2013. Filed under: ຄວາມຮູ້ເລື່ອງ IT, ອິນເຕີເນ໋ດ |


remove-background-from-image

ມີຫຼາຍທ່ານທີ່ເປັນຄໍເວບໄຊ້ ຫຼືຜູ້ທີ່ຮຽນດ້ານການຕົບແຕ່ງພາບ ຫາກນຶກເຖິງການຕັບແຕ່ງພາບ ໂດຍໃຫ້ພື້ນຫຼັງຂອງພາບໂປ່ງໃສ ເພື່ອສາມາດນຳພາບໃສ່ໜ້າພື້ນຫຼັງຕ່າງໆໄດ້ ຫຼາຍທ່ານນຶກ ເຖິງ ວິທີການ ແລ້ວມັນຫຍຸ້ງຍາກຫຼາຍ ແມ່ນບໍ ຕ້ອງໃຊ Photoshop ໃຊ້ເວລາສຶກສາ ຮຽນຮູ້ ແຖມ  ຕ້ອງມາ Free Hand ຈັບລາຍລະອຽດໃນການລົບສາກຫຼັງຂອງພາບ ແຕ່ວິທີທີ່ສະ ເໜີໃນມື້ນີ້ສາ ມາດ ເຮັດໄດ້ງ່າຍໆ ແລະ ຟີ ຜ່ານທາງເວບໄດ້ເລີຍ

remove-background-from-image-01

ເວບໄຊ້ທີ່ວ່ານີ້ຊື່ວ່າ ClippingMagic.com  ເຊີງມີຈຸດເດັ່ນໃນເລື່ອງການລົບພາບພື້ນຫຼັງໃຫ້ເປັນແບບໂປ່ງໃສໄດ້ງ່າຍສຸດໆ ມາເບິ່ງຂັ້ນຕອນການໃຊ້ເຄື່ອງມືແຕ່ງພາບຜ່ານເວບນີ້ກັນເລີຍ

  1. ດາວໂລດພາບ ຫຼືຕຽມພາບທີ່ຈະຕົບແຕ່ງ ໄວ້ໃນ ຄອມ ຈາກນັ້ນເຂົາເວບໄຊ້ ClippingMagic.com
  2. ເລືອກ Choose File ແລ້ວເລື້ອກໄຟ້ພາບທີ່ຕ້ອງການຕົບແຕ່ງໃນເວບ

remove-background-from-image-02

3. ໃຫ້ທຳການປາດໃນພາບ(ບໍ່ແມ່ນລະບາຍສີໃນພາບ) ໂດຍສີຂຽວ ຄືສ່ວນທີ່ເຮົາຕ້ອງການເກັບໄວ້ ສ່ວນສີແດງ ໃຫ້ປາດເທິງພື້ນຫຼັງຂອງພາບ ເຊິ່ງໃນສ່ວນສີແດງຈະເປັນພາບໂປ່ງໃສນັ້ນເອງ ໂດຍສາມາດເບີ່ງຕົວຢ່າງດ້ານລຸ່ມນີ້

remove-background-from-image-03

4. ເມື່ອໄດ້ຮູບທີ່ຕ້ອງການແລ້ວຄຼິກທີ່ Download ເພື່ອດາວໂລດພາບຕາມຕົວຢ່າງພາບນີ້ມາ save ລົງຄອມ ເຊິ່ງຈະ save ເປັນສະກຸນ .png ແລະສາມາດ ນຳພາບ ນີ້ມາໃຊ້ ງານ ໃນເວບ ຫຼືມາ ແຕ່ງ ພາບຕໍ່ໂດບແທ໋ກໜ້າພາບພື້ນຫຼັງທີ່ຕ້ອງການໄດ້ເລີຍ

ລາຍລະອຽດການໃຊ້ງານເຜີ້ມເຕີມ ClippingMagic ແບບລະອຽດຂື້ນສາມາດອ່ານໄດ້ທີ່http://clippingmagic.com/tutorials/basics

remove-background-from-image-05

remove-background-06

ຂໍ້ມູນຈາກ: it24hr.com

Read Full Post | Make a Comment ( None so far )

ຮູ້ນທັນການເສຍອາກອນ ຈະບໍ່ຖືກເອົາປຽບ ໃນການດຳເນີນ ທຸລະກິດ ຂອງທ່ານ

Posted on October 12, 2013. Filed under: ສາລະໜ້າຮູ້ |


ມີປະໂຫຍດສຳລັບທ່ານ ຖ້າອ່ານຈົບ

29. Tax Law (2005) Lao

Read Full Post | Make a Comment ( None so far )

ຂົວລາວ-ພະມ້າຈະຊ່ອຍການຄ້າ

Posted on October 11, 2013. Filed under: ສາລະໜ້າຮູ້, ເສດຖະກິດ |


F-Laos-Myanmar

ຕາມຄຳເຊີນຂອງ ທ່ານ ຈໍ ລິນ ຣັຖມົນຕຣີວ່າການ ກະຊວງກໍ່ສ້າງແຫ່ງ ສ.ມຽນມາ ທ່ານ ສົມມາດ ພົນເສນາ ຣັຖມົນຕຣີວ່າການ ກະຊວງໂຍທາທິການ ແລະ ຂົນສົ່ງແຫ່ງ ສປປ ລາວ ພ້ອມດ້ວຍຄນະ ໄດ້ເດີນທາງຢ້ຽມຢາມ ສ.ມຽນມາ ໃນລະຫວ່າງ ວັນທີ 8-10 ມົກກະຣາ 2013

ເຈົ້າຫນ້າທີ່ກ່ຽວຂ້ອງທີ່ແຂວງຫລວງນໍ້າທາ ທ່ານນື່ງເວົ້າວ່າ ຂົວມິຕພາບ ລາວ-ພະມ້າ ຣະຫວ່າງເມືອງລອງແຂວງຫລວງນໍ້າທາ ກັບແຂວງ ທ່າຂີ້ເຫລັກຂອງພະມ້າທີ່ກໍາລັງສ້າງຢູ່ໃນເວລານີ້ນັ້ນເມື່ອສ້າງແລ້ວຈະກາຍເປັນຂົວເຊື່ອມ ຕໍ່ຣະຫວ່າງປະເທດສະມາຊິກ ປະຊາຄົມເສຖກິດ ອາຊຽນໃນປີ 2015 ຈະເຮັດໃຫ້ ລາວແລະພະມ້າ ມີການຄ້າຂາຍ ແລະແລກປ່ຽນສີນຄ້າກັນ ຫລາຍຂື້ນ. ດັ່ງທ່ານກ່າວວ່າ:

“ຄາດຫມາຍຈະໃຫ້ທັນ ຈະເຊື່ອມໂຍມ ຄືກັນກັບຂົວອື່ນໆ ດັ່ງລາວ-ໄທ ລາວ-ພະມ້າ ຄືກັນຫັ້ນແຫລະ ເຣື້ອງການຂົນສົ່ງ ຜົລປໂຍດມັນກໍ ຄືກັນຫັ້ນແຫລະເນາະ ຖືວ່າເຊື່ອມຕໍ່ຣະຫວ່າງຊາດ ກັບພາກພື້ນ”.

ທ່ານກ່າວຕື່ມວ່າທີ່່ຜ່ານມາເຖິງແມ່ນວ່າ ສປປລາວ ຈະມີຊາຍແດນຕິດກັບພະມ້າກໍຕາມ ແຕ່ເຣື້ອງການຄ້າຂາຍ ແລະ ການລົງທືນຣະຫວ່າງ ສອງປະເທດ ນັ້ນຍັງມີຫນ້ອຍຢູ່ ຖ້າທຽບໃສ່ລາວກັບໄທ ຫລື ລາວກັບວຽດນາມ ບັນດາພໍ່ຄ້າ ແມ່ຄ້າ ຢູ່ແຂວງຫລວງນໍ້າທາ ກໍບໍ່ເຄີຍຂ້າມໄປ ຄ້າຂາຍໃນພະມ້າເທື່ອ ດ່ັງນັ້ນ ຖ້າຂົວແຫ່ງ ນີ້ຫາກສ້າງແລ້ວ ຈະເຮັດໃຫ້ເກີດການເຊື່ອມໂຍງທາງດ້ານເສຖກິດ ແລະການຄ້າຂາຍກັບພະມ້າ ຫລາຍຂື້ນ.

ປັດຈຸບັນ ວຽກງານກໍ່ສ້າງຂົວດັ່ງກ່າວໄດ້ສໍາເຣັດໄປແລ້ວ 20% ຂົວແຫ່ງນີ້ ມີຄວາມຍາວປະມານ 691.8 ແມັດກວ້າງປະມານ 10.9 ແມັດ ໃຊ້ງົບປະມານ ໃນການກໍ່ສ້າງປະມານ 18 ລ້ານໂດລາ ໂດຍຣັຖບານລາວແລະພະມ້າຮ່ວມກັນ ອອກຄົນລະເຄີ່ງ. ຂົວແຫ່ງນີ້ມີກໍານົດສ້າງ ໃຫ້ແລ້ວໃນປີ 2014.

From: rfa.org

Read Full Post | Make a Comment ( None so far )

ການຄ້າຂອງຄົນລາວກັບຄົນຈີນ

Posted on October 11, 2013. Filed under: ສາລະໜ້າຮູ້, ເສດຖະກິດ |


F-Chinese-Laos

ຮ້ານຄ້າຂາຍ ຂອງຊາວຈີນ ໃນພາກເໜືອ ສປປ ລາວ

ຄົນລາວບໍ່ສາມາດແຂ່ງຂັນຄ້າຂາຍ ກັບຄົນຈີນໄດ້ເພາະຄົນຈີນດຸໝັ່ນກວ່າ ມີເງິນຫຼາຍກວ່າ ແລະຫົວການຄ້າ ກໍເກັ່ງກວ່າ. ປັດຈຸບັນຄົນຈີນ ໂຍກຍ້າຍລົງມາຢູ່ແລະທໍາມາຫາກິນຢູ່ລາວຫລາຍຂື້ນໂດຍສະເພາະຢູ່ພາກເໜືອ. ບັນຫານຶ່ງ ທີ່ເກີດຈາກ ການລົງມາຢູ່ຂອງຊາວຈີນ ແລະທີ່ ປະຊາຊົນລາວ ກໍາລັງປະສົບ ພົບພໍ່ ຕົວຢ່າງຢູ່ແຂວງອຸດົມໄຊ ກໍຄື ຄົນລາວບໍ່ສາມາດແຂ່ງຂັນກັບຄົນຈີນໄດ້ ໂດຍສະເພາະ ໃນດ້ານການ ເຮັດທຸຣະກິດການຄ້າ.

ທ່ານ ວັງ ຈັນທາ ເຈົ້າຂອງຮ້ານ ຂາຍເຄື່ອງສໍາອາງ ໃນຕລາດເມືອງໄຊ ເມືອງຫລວງ ຂອງແຂວງອຸດົມໄຊ ກ່າວວ່າ ພວກພໍ່ຄ້າແມ່ຄ້າຊາວ ລາວແລະຈີນ ຂາຍເຄື່ອງແຂ່ງກັນຢູ່ຕລາດ ແຕ່ຄົນລາວບໍ່ສາມາດແຂ່ງກັບຄົນຈີນໄດ້; ຄົນຈີນດຸໝັ່ນ ເຮັດວຽກໜັກ ເຂົາມາເລິ້ມຂາຍເຄື່ອງແຕ່ 7 ໂມງເຊົ້າຈົນເຖິງເວລາ 10 ໂມງກາງຄືນຈຶ່ງກັບບ້ານ. ບໍ່ເທົ່ານັ້ນຄົນຈີນຈະເກັ່ງກວ່າຄົນລາວ ໃນດ້ານການຕລາດແລະການຈໍາໜ່າຍ ສ່ວນ ຄົນລາວທ້ອງຖິ່ນ ມັກສະບາຍໄດ້ຂາຍກໍດີ ບໍ່ໄດ້ຂາຍກໍບໍ່ເປັນຫຍັງ.

ຄົນລາວຜູ້ນຶ່ງ ທີ່ເຮັດວຽກຢູ່ຮ້ານຊັພສິນຄ້າ ໃນນະຄອນຫລວງວຽງຈັນ ກໍເວົ້າວ່າຖ້າຄົນລາວແລະຄົນຈີນ ໄປສມັກເຮັດວຽກກັບບໍຣິສັດ ສ່ວນ ຫລາຍບໍຣິສັດຈະມັກຮັບເອົາຄົນງານຈີນ ເພາະພວກເຂົາດຸໝັ່ນແລະກໍເຮັດວຽກໄວທັນໃຈກວ່າຄົນ ລາວ. ນັກຂ່າວໜັງສືພິມຊື່ດັງສະບັບນຶ່ງໃນ ຮົງກົງ ໄປຢ້ຽມຢາມພາກເໜືອຂອງລາວ ແລະ ຣາຍງານວ່າ ຢູ່ພາກເໜືອຂອງລາວ ມີຄົນຈີນຫລາຍ; ຕົວຢ່າງເມືອງໄຊ ມີຊາວຈີນອາສັຍຢູ່ ເຖິງ 15 ສ່ວນຮ້ອຍ ຂອງປະຊາກອນທັງໝົດຂອງເມືອງ. ຊາວຈີນ ສ່ວນຫລາຍ ລົງມາເຮັດທຸຣະກິດ ປູກຢາງພາຣາ ຂາຍເຄື່ອງແລະເປັນ ຄົນງານຮັບຈ້າງທົ່ວໄປ.

From:rfa.org

Read Full Post | Make a Comment ( None so far )

2 ຄອບຄົວຜູ້ນໍາລາວຊິງກັນໃນ ຕໍາແໜ່ງ ການເມືອງ

Posted on October 11, 2013. Filed under: ສາລະໜ້າຮູ້ |


F-Khamtay

ທ່ານ ຄຳໄຕ ສີພັນດອນ (ໝວກດໍາເສື້ອສີໃບຕອງອ່ອນ) ອະ­ດີດປະ­ທານປະ­ເທດແຫ່ງ ສປປ ລາວ ໄປຢ້ຽມຢາມ ໂຄງການ ໄຟຟ້າຫົງສາ ພະລັງຖ່ານຫີນ ແຂວງໄຊຍະບູຣີ ໃນວັນທີ 26 ພຶສພາ 2013

ຄອບຄົວ ພົມວິຫານ ແລະ ຄອບຄົວ ສີພັນດອນ  ກໍາລັງ ຍາດແຍ່ງອໍານາດກັນ ອັນເປັນ ທີ່ຈັບຕາແລະສົນໃຈ ຂອງປະຊາຊົນ ໃນລາວ ເວລານີ້. ເຈົ້າໜ້າທີ່ຂັ້ນສູງ ໃນສູນກາງພັກ ປະຊາຊົນປະຕິວັດລາວ ຜູ້ບໍ່ປະສົງອອກຊື່ ທ່ານນຶ່ງ ເປີດເຜີຍຕໍ່ຜູ້ສື່ຂ່າວເອເຊັຍເສຣີ ເມື່ອມໍ່ໆ ມານີ້ວ່າພາຍຫລັງການເສັຍຊີວິດຢ່າງກະທັນຫັນ ຂອງພົນຕີ ສັນຍາຮັກ ພົມວິຫານ ຮອງຣັຖມົນຕຣີ ກະຊວງປ້ອງກັນປະເທສ ໃນເດືອນ ກໍຣະກະດາ ທີ່ຜ່ານມາ ແລະ ບັນດາຜູ້ນໍາ ໃນຂັ້ນສູນກາງພັກ ໄດ້ມີການ ພິຈາຣະນາ ເພື່ອຈັດແຈງ ຕໍາແໜ່ງຜູ້ນໍາ ການເມືອງ ເປັນການ ພາຍໃນ ເມື່ອບໍ່ດົນ ມານີ້. ບຸກຄົນ ທີ່ໂດດເດັ່ນ ທີ່ສຸດ ແລະ ຖືກຄາດໝາຍ ວ່າຈະໄດ້ຮັບການ ສນັບສນູນ ໃຫ້ກ້າວຂຶ້ນສືບທອດ ອໍານາດ ທາງການເມືອງ ທີ່ມາຈາກຄອບຄົວ ຂອງ ທ່ານ ໄກສອນ ພົມວິຫານ ຄືທ່ານ ສັນຕິພາບ ພົມວິຫານ ຮອງ ຣັຖມົນຕຣີ ກະຊວງການເງິນ ແລະ ກໍຖືເປັນການທົດແທນຕໍາແໜ່ງ ທາງການເມືອງ ທີ່ຄອບຄົວພົມວິຫານ ໄດ້ສູນເສັຍໄປ ເພາະການເສັຍຊີວິດ ຢ່າງກະທັນຫັນ ຂອງ ພົນຕຣີ ສັນຍາຮັກ ນັ້ນເອງ.

ສ່ວນອີກຄອບຄົວນຶ່ງ ທີ່ໂດດເດັ່ນຊໍ່າໆກັນ ກັບຄອບຄົວພົມວິຫານນັ້ນ ກໍແມ່ນຄອບຄົວ ຂອງທ່ານ ຄໍາໄຕ ສີພັນດອນ. ເຖິງທ່ານອອກ ບໍານານ ແລ້ວ ແຕ່ກໍໄດ້ ຕະເວນເດີນທາງ ໄປຢ້ຽມຢາມ ແຂວງຕ່າງໆໃນທົ່ວ ປະເທສ ເພື່ອພຍາຍາມ ຂໍການສນັບສນູນ ຈາກແກນນໍາ ຂອງພັກ ຊຶ່ງນອກຈາກ ຈະສົ່ງເສີມໃຫ້ທ່ານ ສອນໄຊ ສີພັນດອນ ເຈົ້າແຂວງ ແຂວງຈໍາປາ ສັກ ໄດ້ເປັນຣັຖມົນຕຣີ ແລ້ວ ກໍຍັງປູທາງໄວ້ ຮອງຮັບການກັບຄືນສູ່ ອໍານາດ ທາງການເມືອງ ພາຍໃນພັກ ແລະ ຣັຖບາລ ອີກເທື່ອໃໝ່ຂອງທ່ານ ບົວສອນ ບຸບຜາວັນ ຊຶ່ງປັດຈະບັນ ເປັນຫົວໜ້າໜ່ວຍຄົ້ນຄວ້າ ຍຸທສາດການພັທນາ.

ສໍາລັບກຸ່ມຈາກພາກເໜືອກໍເປັນກຸ່ມ ທີ່ມີອິດທິພົນຫຼາຍຢູ່ລາວ. ທີ່ຜ່ານມາ ກຸ່ມພາກເໜືອແລະພາກໃຕ້ ເຄີມມີຂໍ້ຂັດແຍ່ງກັນແຮງໃນດ້ານການ ແບ່ງອໍານາດ. ເຊັ່ນຖ້າ ປະທານປະເທດ ເປັນຄົນພາກໃຕ້ ຜູ້ເປັນ ນາຍົກຣັຖມົນຕຣີ ຕ້ອງແມ່ນບຸກຄົນ ທີ່ມາຈາກ ພາກເໜືອ.

From:rfa.org

Read Full Post | Make a Comment ( None so far )

ຄ່າຄອງຊີພສູງເງິນເດືອນຖືກຕັດ

Posted on October 11, 2013. Filed under: ສາລະໜ້າຮູ້, ເສດຖະກິດ |


F-vientiane

ຊີວິດປະຈໍາວັນໃນລາວ

ພະນັກງານຣັດຮູ້ສຶກບໍ່ດີໃຈຫລັງຈາກທີ່ຮູ້ຂ່າວວ່າເງິນເດືອນຈະຖືກຕັດໃນຂນະທີຄ່າຄອງຊີບຖີບສູງຂຶ້ນນັບມື້. ພາຽຫຼັງທີ່ ຣັຖບານລາວປະກາດ ວ່າຈະຕັດເງິນອຸດໜູນຈໍານວນ 760,000 ພັນກີບທີ່ເປັນເງິນເດືອນຂອງພະນັກງານຣັດ ທີ່ຈະມີ ຜົນບັງຄັບໃຊ້ທົ່ວປະເທດເລີ່ມແຕ່ເດືອນຕຸລາ ນີ້ເຮັດໃຫ້ພະນັກງານຣັດທາງຫລາຍ ຈົ່ມນ້ອຍຈົ່ມໃຫຍ່ເຖິງຮູ້ວ່າສຽງຈົ່ມ ຂອງພວກຕົນຈະບໍ່ມີນໍ້າຢາຫຍັງກໍ່ຕາມ.

ຫຼາຽຄົນຈົ່ມວ່າທີ່ຜ່ານມາກໍ່ຮູ້ສຶກດີໃຈແລະມີຄວາມຫວັງທີ່ຣັຖບານປະກາດຂຶ້ນເງິນເດືອນໃຫ້ພວກຕົນຊຶ່ງຫຼາຽໆຄົນກໍ່ມີຄວາມຫ້າວຫັນ ແລະຕັ້ງ ໜ້າເຮັດວຽກເຮັດໜ້າທີ່ໃຫ້ດີທີ່ສຸດແຕ່ເມື່ອໄດ້ຍິນຂ່າວວ່າເງິນເດືອນຈະຖືກຕັດລົງດັ່ງທີ່ຣັຖບານ ປະກາດວ່າຈະເປັນພຽງມາຕການຊົ່ວຄາວ ແຕ່ ກໍເປັນມາຕການແບບບໍ່ມີກຳນົດ.

ພວກພະນັກງານຮູ້ສຶກທໍ້ຖອຍແລະສິ້ນຫວັງຢ່າງໜັກເພາະຕອນເງິນເດືອນຂຶ້ນບາງຄົນກໍ່ພາກັນໄປຊື້ດິນແບບຈ່າຍຜ່ອນໄປດາວຊື້ລົດກໍ່ມີຈຶ່ງບໍ່ຮູ້ ວ່າຖ້າເງິນເດືອນຖືກຕັດແບບນີ້ຈະໄປເອົາເງິນມາແຕ່ໃສເພື່ອມາຈ່າຽຄ່າງວດດິນແລະລົດ. ດັ່ງຣັຖກອນ ດ້ານສື່ມວລຊົນ ຜູ້ຂໍສງວນຊື່ທ່ານໜຶ່ງ ໄດ້ເວົ້າວ່າ:

“ເງິນລົດກໍ່ໄປດາວມາແລ້ວ ຖາມວ່າຕັດເງິນໂຕນີ້ລົງໄປ ລະຊິເອົາເງິນໃສມາຈ່າຽຄ່າລົດເຂົາ ຊິໃຫ້ເຂົາມາຍຶດລົດຫັ້ນບໍ່? ເງິນທ້ອນໂຮມມາ ເກືອບທັງຊີວິດ ກໍ່ເອົາໄປຖອກເງິນດາວລົດໝົດ. ອາໃສວ່າເງິນເດືອນໂຕເອງ ໃນແຕ່ລະເດືອນ ກໍ່ພໍດີເປິ ກັບຄ່າລົດ. ອາໃສວ່າເງິນເດືອນ ເມັຽຫັ້ນ ຊື້ເຂົ້າຊື້ນໍ້າກິນ. ລະມາຕັດບາດນີ້,  ຊິເອົາເງິນໃສມາກິນເຂົ້າກິນນໍ້າກິນ”.

ໃນຂນະດຽວກັນຫຼາຽຄົນກໍ່ຈົ່ມຢາກອອກວຽກກໍ່ມີ ເນື່ອງຈາກບໍ່ຮູ້ວ່າເຮັດວຽກກັບລັຖບານຕໍ່ໄປຈະຢູ່ລອດຫຼືບໍ່ ເພາະເງິນເດືອນແລະຄ່າຄອງຊີພ ມັນສວນກັນ. ຄ່າຄອງຊີບນັບມື້ນັບເພີ່ມຂຶ້ນທັງທີ່ເງິນເດືອນພັດເທົ່າເດີມແລະກໍ່ຍັງຊິມາຖືກຕັດອີກ.

From rfa.org

Read Full Post | Make a Comment ( None so far )

« Previous Entries

Liked it here?
Why not try sites on the blogroll...

%d bloggers like this: