ລັດໂຈະແລ້ວ 200 ກວ່າໂຄງການລົງທຶນທີ່ບໍ່ຮີບດ່ວນ, ຫລີກການສ້າງຫນີ້ເພີ່ມ

Posted on December 25, 2013. Filed under: ສັງລວມພາບ |


ປີນີ້ລັດຖະບານເດັດຂາດປະຕິບັດແຜນການນໍາໃຊ້ທຶນໃສ່ໂຄງການຂອງລັດຕ້ອງເລັງໃສ່ຫນ້າວຽກຈໍາເປັນເທົ່ານັ້ນ, ສັ່ງໂຈະແລ້ວ 250 ກວ່າໂຄງການທີ່ບໍ່ຮີບດ່ວນ ເພື່ອຫລີກເວັ້ນການ ສ້າງຫນີ້ສິນເພີ່ມ.

   ລັດຖະບານໃຫ້ເຫດຜົນວ່າອີງໃສ່ຄວາມຫຍຸ້ງຍາກໃນການຈັດເກັບລາຍຮັບເຂົ້າງົບປະມານ ຈິ່ງໄດ້ໃຫ້ທິດຊີ້ນຳແກ່ກະຊວງແຜນການ ແລະ ການລົງທຶນໄດ້ຄົ້ນຄວ້າໂຈະໂຄງການທີ່ເຫັນ ວ່າບໍ່ທັນມີຄວາມຈໍາເປັນຮີບດ່ວນແທ້ ເພື່ອຫັນເອົາງົບປະມານດັ່ງກ່າວເຂົ້າໃສ່ໂຄງການອື່ນທີ່ມີຄວາມຈຳເປັນກວ່າ.

ທ່ານ ສົມດີ ດວງດີ ລັດຖະມົນຕີວ່າການກະຊວງແຜນການ ແລະ ການລົງທຶນໄດ້ລາຍງານເມື່ອອາທິດຜ່ານມານີ້ກ່ຽວກັບແຜນ ແລະ ມາດຕະການຄຸ້ມຄອງໂຄງການລົງທຶນຂອງລັດ ໃນສົກ 2013-2014 ວ່າ: ຜ່ານການລົງສົມທົບກັບບັນດາຂະແຫນງການ ແລະ ທ້ອງຖິ່ນຂອງການຊວງແຜນການ ແລະ ການລົງທຶນ ເພື່ອຄົ້ນຄວ້າໃຫ້ໂຈະໂຄງການຈໍານວນຫນຶ່ງໂດຍສຸມ ໃສ່ການກໍ່ສ້າງບັນດາສໍານັກງານ-ອົງການໃຫມ່ ແລະ ໂຄງການທີ່ບໍ່ທັນຈໍາເປັນຮີບດ່ວນ, ຜ່ານການຄົ້ນຄວ້າເຫັນວ່າມີ 254 ໂຄງການ ເຊິ່ງໄດ້ຈັດສັນງົບປະມານໃຫ້ຕາມແຜນເບື້ອງຕົ້ນ 95 ຕື້ກີບ ປະກອບມີໂຄງການກໍ່ສ້າງສໍານັກງານໃຫມ່ຢູ່ສູນກາງ 4  ໂຄງການ ເປັນມູນຄ່າ 15 ຕື້ກີບ, ໂຄງການສະເຫນີໃຫມ່ຂອງບັນດາກະຊວງ-ອົງການຂັ້ນສູນກາງ 68 ໂຄງການ ມູນຄ່າ 1.183,16  ຕື້ກີບ ແຕ່ເປັນມູນຄ່າໃນສົກນີ້ 31 ຕື້ກີບ, ໂຄງການສະເຫນີໃຫມ່ຂອງນະຄອນຫລວງວຽງຈັນ ແລະ ບັນດາແຂວງ                                                                                    ທົ່ວປະເທດລວມ 170 ໂຄງການ

ມູນຄ່າລວມ1.385,69 ຕື້ກີບ ເປັນງົບສົກນີ້ 37 ຕື້ກີບ ພ້ອມດຽວກັນຍັງມີໂຄງການລົງທຶນກໍ່ສ້າງພື້ນຖານໂຄງລ່າງທີ່ມີມູນຄ່າສູງ 100 ຕື້ກີບຂຶ້ນໄປຈໍານວນ 12 ໂຄງການ ລວມເປັນ ເງິນ 3.010,39 ຕື້ກີບ ເປັນມູນຄ່າໃນສົກນີ້ 15 ຕື້ກີບ.

ໂດຍທຶນທີ່ໄດ້ຈາກການໂຈະໂຄງການລົງທຶນຈໍານວນ 200 ກວ່າໂຄງການນີ້ແມ່ນໄດ້ມອບໃຫ້ຂະແຫນງການ ແລະ ທ້ອງຖິ່ນທີ່ຖືກໂຈະໄປເພີ່ມໃສ່ໂຄງການສືບຕໍ່ຂອງຕົນ ເພື່ອເຮັດໃຫ້ ໂຄງການລົງທຶນມີຈຸດສຸມຫລີກເວັ້ນການສ້າງຫນີ້ສິນໃຫມ່ແກ່ພາກລັດ.

ພາຍຫລັງຜ່ານການປັບປຸງແຜນການລົງທຶນຂອງລັດເຮັດໃຫ້ສົກ 2013-2014 ທົ່ວປະເທດມີທັງຫມົດ 6.649 ໂຄງການ ລວມມູນຄ່າ 3.300 ຕື້ກີບ ໃນນັ້ນ ໂຄງການສົມທົບທຶນກັບ ຕ່າງປະເທດມີ 801 ໂຄງການເປັນມູນຄ່າ145,54 ລ້ານກີບ, ໂຄງການສືບຕໍ່ 3.428 ໂຄງການ ເທົ່າກັບ 2.135,71 ຕື້ກີບ ແລະ ໂຄງການສະເຫນີໃຫມ່ 2.420 ໂຄງການເປັນວົງເງິນລົງທຶນ 1.018,75 ຕື້ກີບ.

ຂໍ້ຄວາມຈາກໜັງສືພິມເສດຖະກິດ-ສັງຄົມ, 20/12/2013

Advertisements

Make a Comment

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Liked it here?
Why not try sites on the blogroll...

%d bloggers like this: