ໂນເກຍປ່ອຍຊອຟແວ Nokia Lumia Black ໃຫ້ອັພເດດແລ້ວ

Posted on January 13, 2014. Filed under: ຄວາມຮູ້ເລື່ອງ IT, ສະມາດ ໂຟນ |


f1

10 ມັງກອນ  2557 ໂນເກຍເລີ່ມປ່ອຍອັພເດດຊອຟແວ Nokia Lumia Black ໃຫ້ກັບເຈົ້າຂອງສະມາສ໌ໂຟນ  Nokia Lumia ເທິງລະບົບປະຕິບັດການ  Windows Phone 8 ໄດ້ດາວໂຫຼດແລ້ວ ຊອຟແວ Nokia Lumia Black ປະສົມປະສານຟີເຈີໃໝ່ໆ ລວມທັງປັບປຸງປະສິດທິພາບຂອງການຖ່າຍຮູບ ພ້ອມມີແອພໃໝ່ໆ ແລະ ການອັພເດດແອພ ອື່ນໆ ທັງໂນເກຍ ແລະໄມໂຄຣຊອຟ ເພື່ອໃຫ້ສະມາສ໌ໂຟນ Lumia ຂອງທ່ານເຮັດວຽກໄດ້ດີຫຼາຍຂື້ນ, ຫຼັງຈາກການອັພເດດຊອຟແວແລ້ວ ຈະພົບວ່າຟີເຈີຈຕ່າງໆໄດ້ແກ່:

App Folder ຟີເຈີໃໝ່ຫຼ້າສຸດເພື່ອປະສົບການ ການໃຊ້ງານທີ່ລື່ນໄຫຼຫຼາຍຂື້ນ, ສາມາດປັບແຕ່ງ ແລະ ຈັດລະບຽບໜ້າຈໍເລີມຕົ້ນ ໂດຍການຈັດໝວດໝູ່ແອພ ໃຫ້ຢູໃນໂຟລເດີດຽວກັນ, ເຊິ່ງຈະປາກົດເປັນ  1 tile ເທິງໜ້າຈໍເລີ່ມຕົ້ນຂອງທ່ານ.

Nokia Glance screen 2.0 ໂໝດສະແຕນດ໌ບາຍ ຍັງສາມາດແຈ້ງເຕືອນ ຂໍ້ມູນສຳຄັນແບບຣຽວໄທມ໌ ໄດ້ແກ່: ໂທລະສັບ, ຂໍ້ຄສາມ, ມີເມລໂປຣແກຣມ  Outlook ປະຕິທິນ ລວມໄປເຖິງແອພຕ່າງໆ ທີ່ມີການແຈ້ງເຕືອນເຊັ່ນ: Twitter, Facebook, Whatsapp, ຫຼືເກມຕ່າງໆ ໂດຍຈະເຫັນຂໍ້ມູນເຫຼົ່ານັ້ນ ໄດ້ຢ່າງຊັດເຈນ ແລ້ວຊ່ວຍປະຢັດເວລາ ແລະ ພະລັງງານ.

Bluetooth LE. ສະມາສ໌ໂຟນ  Lumia ເທິງ  Windows Phone 8 ທັງໝົດຈະສາມາດໃຊ້Bluetooth Low Energy ເພື່ອເຊື່ອມຕໍ່ກັບອຸປະກອນເສີມຕ່າງໆ ທີ່ຮອງຮັບ ເຊັ່ນ: Adidas MiCoach

Nokia Refocus ໃຊ້ໄດ້ກັບສະມາສ໌ໂຟນ  Lumia ທີ່ມີ RAM 1GB ຂື້ນໄປ, ໃຫ້ທ່ານຖ່າຍຮູບພາບກ່ອນແລ້ວ ເລືອກໂຟກັສຕາມຫຼັງກໍ່ໄດ້.

Nokia Beamer ແບ່ງປັນສິ່ງທີ່ຢູເທິງໜ້າຈໍຂອງທ່ານໄດ້ງ່າຍຂື້ນ ບໍ່ວ່າຈະເປັນຮູບຖ່າຍ, ເອກະສານ, ພຣີເຊນເຕຊັ່ນ ຫຼືອື່ນໆ ໄປຫາໜ້າຈໍຂອງອຸປະກອນທີ່ຮອງຮັບ  HTML5 ພຽງແຕ່ທ່ານສະແກນ  QR code ເທິງໜ້າຈໍ ສາມາດໃຊ້ໄດ້ກັບສະມາສ໌ໂຟນທີ່ມີ RAM 1GB ຂື້ນໄປ.

Nokia Storyteller ໃຊ້ງານໄດ້ເທື່ອທຳອິດເທິງ Nokia Lumia 1520 ຕອນທ້າຍປີແລ້ວ ແລະ ຕອນນີ້ໄດ້ຂະຫຍາຍສູ່ສະມາສ໌ໂຟນ  Lumia ອື່ນໆ. ແອພນີ້ຈະຊ່ວຍຈັດລຽງຮູບພາບ ຂອງທ່ານຕາມວັນ ແລະ ສະຖານທີ່ ເຮັດໃຫ້ການເລົ່າເລື້ອງຜ່ານຮູບພາບຂອງທ່ານງ່າຍ ແລະ ມີຊີວິດຊີວາຫຼາຍຂື້ນ, ໂດຍການປະສົມປະສານກັບແຜນທີ່ອິນແອດທີຟຂອງໂນເກຍ.

Nokia Camera ແອພທີ່ລວມເອົາ  Nokia Pro Camera ແລະ  Smart Camera ເຂົ້າໃສ່ກັນ ເພື່ອເພີ່ມຄວາມສະດວກໃນການຖ່າຍຮູບພາບ ແລະ ເພື່ອໃຫ້ໄດ້ຮູບພາບທີ່ດີທີ່ສຸດໃນທຸກເວລາ, ແອພນີ້ ໃຊ້ໄດ້ເປັນເທື່ອທຳອິດກັບສະມາສ໌ໂຟນທີ່ມີເທັກໂນໂລຢີ  PureView ຕັ້ງແຕ່ທ້າຍປີແລ້ວ ແລະ ກຳລັງຂະຫຍາຍໄປຫາສະມາສ໌ໂຟນ  Lumia ເທິງລະບົບປະຕິບັດການ  WP8 ທັງໝົດ ໂດຍອັພເດດຫຼ້າສຸດຂອງ Nokia Camera ສາມາດຮອງຮັບໄຟລ໌RAW/DNG ເທິງ Lumia 1020 ແລະ Lumia 1520 ທັງນີ້ໄຟລ໌DNG ຊ່ວຍໃຫ້ທ່ານເຂົ້າເຖິງໄຟລ໌ຕົ້ນສະບັບຂອງຮູບນັ້ນ, ເຮັດໃຫ້ທ່ານສາມາດໃສ່ຄວາມຄິດສ້າງສັນລົງໃນຮູບພາບໄດ້ຢ່າງຫຼວງຫຼາຍດ, ເປີດປະສົບການ ການຖ່າຍຮູບພາບແບບມືອາຊີບ.

ເຈນເນີເຣຊັ່ນ ຫຼ້າສຸດຂອງເທັກໂນໂລຢີການຄ່ຍຮູບ ຊອຟແວ Lumia Black ຊ່ວຍປັບປຸງຄຸນນະພາບການຖ່າຍຮູບພາບໃຫ້ດີຫຼາຍຂື້ນ ໂດຍສະເພາະເທິງ Lumia 1020 ລວມໄປເຖິງປັບປຸງເທັກໂນໂລຢີ  Oversampling ຫຼຸດຜ່ອນສິ່ງທີ່ມາລົບກວນຮູບພາບ (Noise) ເຮັດໃຫ້ຮູບພາບຄົມຊັດຫຼາຍຂື້ນ.

ນອກຈາກ​ນີ້ ຍັງ​ມີ​ການ​ອັພ​ເດດ​ຈາກ​​ໄມ​ໂຄຣຊອຟ ​ເພື່ອ​ເພີາມປະ​ສິດທິ​ພາບ​ຂອງ Nokia Lumia ​ເຊັ່ນ: ​ໂໝດຂັບ​ລົດ​ຢ່າງ​ປອດ​ໄພ (Safe Driving Mode) ​ເຊິ່ງຈະ​ຊ່ວຍ​ຫຼຸດ​ສິ່ງາ​ລົບ​ກວນ​ໃນ​ຂະນະ​ຂັບ​ລົດ, ການ​ປັບ​ແຕ່ງ​ສຽງ​ເມື່ອ​ມີ​ສາຍ​ເຂົ້າ​ໃຫ້​ແຕກ​ຕ່າງ​ກັນ​ຕາມ​ລາຍ​ຊື່ຜູ້​ຕິດ​ຕໍ່, ປິດ​ແອ​ພ​ໄດ້​ໃນ​ໜ້າ​ຈໍmultitasking ​ແລະ ລັອກໜ້າ​ຈໍ​ບໍ່​ໃຫ້​ໝຸນ​ໄດ້.

ມຣ. ຊາ​ມຸລິ ຮານ​ນິ​ເນນ ຮອງ​ປະທານ ຝ່າຍ​ຈັດການ​ຊອຟ​ແວ​ທຸລະ​ກິດ  Smart Devices ​ໂນ​ເກ​ຍ ​ໄດ້​ເວົ້າ​ວ່າ “ຊອຟ​ແວ Nokia Lumia Black ອັພ​ເດດ​ປະສົບ​ການ​ການ​ຖ່າຍ​ຮູບ​ພາບ​ເທິງ Lumia ຂອງ​ທ່ານ ​ແລະ ​ເຮັດ​ໃຫ້ການ​ໃຊ້​ງານ Windows Phone ລື່ນ​ໄຫຼ​ຫຼາຍ​ຂື້ນ  App Folders ​ແລະ ຄວາມ​ສາມາດ​ໃນ​ການ​ປິດ​ແອ​ພ​ໃນ​ໜ້າ​ຈໍ Multitasking ​ຈະ​ເປັນ​ສິ່ງ​ທີ່ຫຼາຍ​ຄົນ​ມັກ Nokia Refocus ຈະ​ເພີ່ມ​ມິ​ຕິ​ໃນ​ການ​ຖ່າຍຮູບ”

ອັພ​ເດດ​ແນວ​ໃດ?

Lumia Black ​ເລີ່​ມ​ໃຫ້​ດາວ​ໂຫຼ​ດ​ໄດ້​ແລ້ວ​ສຳລັບ Lumia 1020 ​ແລະ Lumia 925 ສ່ວນ​ຫຼຸ້ນອື່ນໆ ຈະ​ນຳ​ມາ​ໃນ​ໄວໆ​ນີ້.
ຂໍ້​ມູນ​ເພີ່ມ​ເຕີມ http://www.nokia.co.th

 f2

Nokia Lumia ຂອງ​ທ່ານ​ຈະ​ກວດ​ສອບ​ການ​ອັພ​ເດດ ທຸກ​ອາທິດ ​ແລະ​ ຈະ​ແຈ້ງ​ເຕືອນ​ເມື່ອ​ການ​ອັພ​ເດດ​ພ້ອມ​ໃຫ້​ດາວ​​ໂຫຼ​ດ ຫຼື ທ່ານ​ສາມາດ​ເຂົ້າ​ໄປ Settings -> Phone update ​ເພື່ອ​ກວດ​ເບີ່​ງດ້ວຍ​ຕົວ​ເອງ ຖ້າ Lumia Black ພ້ອມ​ໃຫ້​ທ່ານ​ດາວ​ໂຫຼ​ດລົງ​ໂທລະສັບ​ຂອງ​ທ່ານ ທ່ານ​ຈະ​ສາມາດ​ດາງ​ໂຫຼ​ດ ​ແລະ ຕິດ​ຕັ້ງ​ໄດ້​ຈາກ​ໜ້ສຈໍ.

​ແລ້ວ​ທ່ານ​ຈະ​ເພີນ​ກັບ​ປະສົບ​ການ​ເທິງ Nokia Lumia ຂອງ​ທ່ານ​ຫຼາຍ​ຂື້ນ.

ຂໍ້​ມູນ​ຈາກ: Nokia

Make a Comment

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Liked it here?
Why not try sites on the blogroll...

%d bloggers like this: