Microsoft ຖືກຈູ່ໂຈມອີກເທື່ອໜື່ງ ຫຼີ້ນແຮງ ແຮັກ E-mail ພະນັກງານ!

Posted on January 24, 2014. Filed under: ຄວາມຮູ້ເລື່ອງ IT, ອິນເຕີເນ໋ດ |


f69

ກ່ອນໜ້ານີ້ ໃນຊ່ວງປີໃໝ່ທີ່ຜ່ານມາກຸ່ມ Syrian Electronic Army ຫຼື SEA ເຊິ່ງເປັນກຸ່ມກອງທັບແຮັກເກີ ຜູ້ສະໜັບສະໜູນລັດຖະບານອາຣັບຊີເລຍ ໄດ້ແຮັກ Social Networks ຕ່າງໆຂອງ Skype ເຊິ່ງໄມໂຄຣຊອຟເປັນເຈົ້າຂອງ, ຫຼ້າສຸດກຸ່ມ SEA ກໍ່ອອກອາລະວາດເທິງໂລກ ໄຊເບີຣອີກເທື່ອໜື່ງດ້ວຍການແຮັກ E-mail ຂອງພະນັກງານໄມໂຄຣຊອຟ(ສະຫະລັດອາເມລິກາ)ຈຳນວນໜື່ງ

 f70

[ເນື້ອໃນ E-mail ຂອງພະນັກງານໄມໂຄຣຊອຟທີ່ຖືກແຮັກ]

ທາງໄມໂຄຣຊອຟ ໄດ້ອອກມາຢືນຢັນກັບເວັບໄຊ The Verge ວ່າ E-mail ຂອງພະນັກງານໄມໂຄຣຊອຟຈຳນວນນໜ້ອຍ ຖືກແຮັກໂດຍກຸ່ມ SEA ແທ້, ຫຼັງຈາກ ທີ່ກຸ່ມ SEA ໄດ້ທະວິສຮູບທີ່ແຄປມາຈາກເນື້ອໃນ E-mail ຂອງພະນັກງານໄມໂຄຣຊອຟທີ່ຖືກແຮັກມາເຜີຍແຜ່ ເຊິ່ງເນື້ອໃນ E-mail ທີ່ກຸ່ມ SEA ນໍາມາສະແດງນັ້ນ ເປັນການສົນທະນາລະຫວ່າງພະນັກງານໄມໂຄຣຊອຟສອງຄົນ ເຊິ່ງກຳລັງລົມກັນວ່າກຳລັງຈະປ່ຽນ Password ຂອງ Microsoft News (MSFTNews) ທີ່ຫາກໍ່ຖືກແຮັກໄປກ່ອນໜ້ານີ້.

ນອກຈາກນີ້ ຕົວແທນຂອງໄມໂຄຣຊອຟ ໄດ້ກ່າວເພີ່ມເຕີມວ່າ E-mail ຂອງພະນັກງານທີ່ຖືກແຮັກນັ້ນໄດ້ຣີເຊັດໃໝ່ໝົດແລ້ວ ແລະ ບໍ່ມີຂໍ້ມູນຂອງລູກຄ້າຫຼຸດອອກໄປ, ເຖິງວ່າແນວໃດກໍ່ຕາມ ນັ້ນກໍ່ເປັນພຽງຄຳກ່າວອ້າງຈາກໄມໂຄຣຊອຟເທົ່ານັ້ນ ຍັງບໍ່ມີຫຼັກຖານຢືນຢັນວ່າ E-mail ທີ່ຖືກແຮັກໄປມີຈໍານວນຫຼາຍເທົ່າໃດ ແລະ ຂໍ້ມູນຫຍັງແດ່ທີ່ຫຼຸດອອກໄປ ການຖືກຈູ່ໂຈມຈາກ SEA ຫຼາຍຄັ້ງຕິດຕໍ່ກັນຕັ້ງແຕ່ປີໃໝ່ ອາດຈະສົ່ງຜົນຕໍ່ຄວາມໜ້າເຊື່ອຖືຂອງໄມໂຄຣຊອຟ ເຊິ່ງເປັນບໍລິສັດໃຫຍ່ຢ່າງແນ່ນອນ.

ເບິ່ງຄືກັບວ່າ ສົງຄາມເທິງໂລກໄຊເບີຣ ລະຫວ່າງ SEA  ແລະ ໄມໂຄຣຊອຟຄັ້ງນີ້ ຈະຍັງບໍ່ຈົບລົງງ່າຍໆ ເພາະຫຼ້າສຸດກຸ່ມ SEA ໄດ້ອອກມາທະວິສຂໍ້ຄວາມວ່າ “we didn’t finish our attack on @Microsoft yet, stay tuned for more!” (ການໂຈມຕີໄມໂຄຣຊອຟຍັງບໍ່ຈົບ ລໍຖ້າເບິ່ງຕອນຕໍ່ໄປນຳກັນ!)

ຂໍ້ມູນຈາກ:  TechChruncharip

Make a Comment

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Liked it here?
Why not try sites on the blogroll...

%d bloggers like this: