ລະວັງ! ຢ່າຫຼົງເຊື່ອ ໂຫຼດ WhatsApp for PC ອາດໄດ້ຮັບອັນຕະລາຍ‏

Posted on February 13, 2014. Filed under: ຄວາມຮູ້ເລື່ອງ IT, ອິນເຕີເນ໋ດ |


f203

WhatsAppເປັນແອພພລິເຄຊັ່ນ ທີ່ດັງຫຼາຍເທິງສະມາສ໌ໂຟນຄື: iOS , Android , BlackBerry ແລະ WindowsPhone  ທີ່ມີໄວ້ໃຊ້ສົ່ງຂໍ້ຄວາມແຊັດກັບໝູ່ເພື່ອນ ທີ່ໃຊ້ຫຼາຍໃນຫຼາຍປະເທດ ແນ່ນແນວ່າທ່ານຮູ້ຈັກກັບແອພນີ້ດີ ແຕ່ຕ້ອງຕິດຕາມຂ່າວສານ ແລະ ຢ່າເຊື່ອຫຍັງເທິງ Social Network ຫຼື ອີເມລສະແປມງ່າຍໆ ເຊັ່ນ: WhatsApp For PC ເຊິ່ງຕອນນີ້ຍັງບໍ່ມີໃຫ້ດາວໂຫຼດ ແຕ່ມີໂປຣແກຣມເມີອາຊະຍາກອນ ມາໂປໂມດຕົວະທ່ານໃຫ້ດາງໂຫຼດໂປຣແກຣມປອມ.

ທ່ານ ດິມິທຣີ ເບສທູເຊຟ ຜູ້ຊ່ຽວຊານຂອງ Kaspersky Lab ບໍລິສັດດ້ານຮັກສາຄວາມປອດໄພ ທີ່ມີຊື່ສຽງ ໄດ້ເປີດເຜີຍການຄົ້ນພົບມັລແວຣ໌ ສັນຊາດບຣາຊິວ ໂຕຫຼ້າສຸດທີ່ແພ່ກະຈ່າຍຜ່ານອີເມລສະແປມ ມີເນື້ອໃນວ່າ ຜູ້ໃຊ້ຄອມພິວເຕີສາມາດດາວໂຫຼດແອພພລິເຄຊັ່ນແຊັດຍອດຮິດຄື Whatsapp for PC ເພື່ອໃຊ້ງານເທິງຄອມພິວເຕີໄດ້ ພ້ອມແຈ້ງວ່າມີໝູ່ເພື່ອນ ແລະ ຄົນຮູ້ຈັກດາວໂຫຼດມາໃຊ້ ແລະ ລໍຖ້າແຊັດໃນແອັກເຄົ້ານີ້ແລ້ວ ຖ້າວ່າຜູ້ໃຊ້ຄອມພິວເຕີຫຼົງກົນ ແລະ ກົດເວັບລີ້ງເພື່ອດາວໂຫຼດແອພພລິເຄຊັ່ນດັ່ງກ່າວ ກໍ່ຈະເຂົ້າໜ້າຈໍສຳລັບດາວໂຫຼດໄຟລ໌ ສຳລັບຕິດຕັ້ງຜ່ານເວັບ Hightail (ຫຼື ຊື່ເກົ່າຄື Yousendit) ເຊິ່ງແທ້ຈີງແລ້ວເປັນຫຼັກຂໍ້ມູນ ໂດຍເຊີເວີທີ່ແຮັກໄວ້.

f204

ຕົວຢ່າງຮູບປະກອບໃນອີເມລສະແປມ

ເມື່ອຜູ້ໃຊ້ຫຼົງດາວໂຫຼດ ແລ້ວກໍ່ຕິດຕັ້ງ ແລະ ເປີດໃຊ້ ໂຕນີ້ກໍ່ຈະລັກຂໍ້ມູນທາງການເງີນ ແລະ ສົ່ງຜ່ານພອທ 1157 ໃນຮູບແບບໄຟລ໌ Oracle DB  ໄປຫາອາຊະຍາກຳໄຊເບີຣ໌ທັນທີ ນອກຈາກນີ້ ຍັງດາວໂຫຼດມັລແວຣ໌ຂະໜາດ 10 Mb ເຂົ້າສູ່ລະບົບອີກ.

f205

ຕົວຢ່າງໂຄ້ດ Delphi XE5 ຈາກ Embarcadero

ທ່ານ ດິມິທຣີ ເວົ້າວ່າ “ນີ້ແມ່ນຮູບແບບສະເພາະຂອງມັລແວຣ໌ສັນຊາດບຣາຊິວ ເຊິ່ງອາດພັດທະນາ ແລະ ກະຈ່າຍໄປຫາຜູ້ໃຊ້ຄອມພິວເຕີ ທົ່ວໂລກໄດ້ຢ່າງໄວວາ ເບື້ອງຕົ້ນ Kaspersky ໄດ້ອັພເດດໃຫ້ສາມາດຈັບ ແລະ ສະກັດມັລແວຣ໌ໄດ້ແລ້ວ ແຕ່ແນະນຳໃຫ້ຜູ້ໃຊ້ຄອມພິວເຕີ ຄວນຕິດຕາມຂ່າວສານກ່ຽວກັບຄວາມປອດໄພ ທາງໄຊເບີຣ໌ຢ່າງສະໝໍ່າສະເໝີ ທີ່ນັບມື້ນັບມີການໂຈມຕີ ການຕົວະເອົາຂໍ້ມູນ ຜ່ານທາງອິນເຕີເນັດ ອາດຈະນັບມື້ນັບສູງຂື້ນ.

f206

ຈາກທີ່ທີມງານໄດ້ສຳຫຼວດເວັບໄຊທາງການ WhatsApp.com ເຊິ່ງເປັນເວັບໄຊທາງການຂອງແອພ WhatsApp ແລ້ວປາກົດວ່າຍັງບໍ່ມີ WhatsApp For PC ໃຫ້ດາວໂຫຼດ ຫຼືຍັງບໍ່ໄດ້ເວົ້າເຖິງກຽມເປີດຕົວ WhatsApp For PC ແຕ່ແນວໃດ, ດັ່ງນັ້ນ ຜູ້ໃຊ້ຢ່າຫຼົງເຊື່ອຂ່າວທາງ Social Network  ຫຼື ພວດອີເມລສະແປມ ທີ່ຕົວະວ່າມີແອພ WhatsApp For PC ມີແທ້ ໃຫ້ກວດສອບຂໍ້ມູນທາງເວັບໄຊ Whatsapp.com ກ່ອນ.

ຂໍ້ມູນຈາກ: it24hrs

Advertisements

Make a Comment

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Liked it here?
Why not try sites on the blogroll...

%d bloggers like this: