ມາຮູ້ຈັກກັບວິວັດທະນາການຈາກ 1G ສູ່ LTE-A (4.5G)

Posted on March 4, 2014. Filed under: ຄວາມຮູ້ເລື່ອງ IT, ສະມາດ ໂຟນ, ອິນເຕີເນ໋ດ |


f349

ຫຼາຍທ່ານທີ່ໄດ້ໃຊ້ໂທລະສັບມືຖື ຕັ້ງແຕ່ມືຖືເປັນປຸ່ມກົດ ທີ່ເນັ້ນສຳລັບໂທຢ່າງດຽວ ຈົນມາຮອດປະຈຸບັນນີ້ເປັນມືຖືຈໍສຳຜັດ ສາມາດໂທ, ສົ່ງຂໍ້ຄວາມ, ຖ່າຍຮູບ, ໂພສຄຣິບວີດີໂອ, ຫຼີ້ນອິນເຕີເນັດ, ຫຼີ້ນແອພຕ່າງໆ ປຽບເໝືອນກັບຄອມພິວເຕີພົກພາ ທີ່ສາມາດພ້ອມໃຊ້ງານໄດ້ທຸກບ່ອນທຸກເວລາ ແຕ່ເຊື່ອວ່າຫຼາຍທ່ານຢາກຮູ້ ກ່ຽວກັບວິວັດທະນາການຂອງ ໂທລະສັບມືຖືໃນແຕ່ລະຍຸກ ວ່າໃນອະດີດໂທລະສັບມືຖືມີຄວາມສາມາດຫຍັງແດ່ ແລະ ໃນອະນາຄົດ ໂທລະສັບມືຖື ຫຼື ອຸປະກອນທີ່ຢູ່ອ້ອມຕຢວເຮົາທີ່ໃສ່ຊິມໄດ້ ຈະພັດທະນາໄປໃນທິດທາງໃດ ?

ໂທລະສັບມືຖືຍຸກ 1G

f350

ໂທລະສັບມືຖືເຄື່ອນທີ່ຍຸກທີ່ 1 ( 1G ) ເປັນການໃຊ້ເທັກໂນໂລຢີການຊື່ສານແບບ  Analog ໂດຍຈະໃຊ້ສັນຍານວິທະຍຸໃນການສົ່ງຄື້ນສຽງ (Voice ) ເຊີ່ງຈະມີສະຖານນີທີ່ໃຊ້ໃນການຮັບ-ສົ່ງສັນຍານໄປຫາໂທລະສັບມືຖືເຄື່ອນທີ່ ໜື່ງຄື້ນຄວາມທີ່ເທົ່າກັບໜື່ງຊ່ອງສັນຍານ ຄຸນນະພາບຂອງສຽງຍັງບໍ່ຄົມຊັດ ມີສັນຍານລົບກວນງ່າຍ ເກີດບັນຫາສາຍຫຼຸດງ່າຍ ມີຄວາມສ່ຽງໃນການຖືກລັກຟັງ ແລະ ການລັກລອບຄັດລອກໝາຍເລກໂທລະສັບໄປໃຊ້ໃນໂທລະສັບເຄື່ອງອື່ນ ລວມໄປເຖິງສະຖານີທີ່ໃຊ້ໃນການຮັບ-ສົ່ງສັນຍານກໍ່ມີໜ້ອຍ.

ສຳລັບຕົວເຄື່ອງໂທລະສັບເຄື່ອນທີ່ຍຸກທີ່ 1 ຈະມມີຂະໜາດໃຫຍ່ ແລະ ໜັກຫຼາຍ ທັງຫຼຸ້ນທີ່ເປັນກະເປົາຫີ້ວ ແລະ ຫຼຸ້ນທີ່ເຮົາມັກເອີ້ນວ່າ ກ້ອນດິນຈີ່ເປັນຕົ້ນ ໃນຍຸກນັ້ນຍັງບໍ່ມີການໃສ່ຊິມກາຣ໌ດ ບໍ່ມີການຮອງຮັບການໃຊ້ງານດ້ານ   Data ແມ້ແຕ່ສົ່ງຂໍ້ຄວາມ SMS ກໍ່ບໍ່ມີ ເນັ້ນການໂທຫາກັນຢ່າງດຽວ ໂດຍຜູ້ໃຊ້ສ່ວນໃຫຍ່ເປັນນັກທຸລະກິດ ທີ່ມີຖານະ ແລະ ຕ້ອງໃຊ້ຕິດຕໍ່ວຽກງານຕະຫຼອດເວລາ.

ໂທລະສັບມືຖືຍຸກ 2G

f351

ໃນຍຸກ 2G ນີ້ ໄດ້ປ່ຽນຮູບແບບຈາກການສົ່ງຄື້ນວິທະຍຸແບບ Analog ຈາກຍຸກ 1G ມາເປັນການເຂົ້າລະຫັດ Digital  ແລະ ສົ່ງທາງຄື້ນໄມໂຄຣເວບໄດ້ ຄຸນນະພາບສຽງແຈ້ງຂື້ນ ການລັກລອບຟັງກໍ່ເຮັດໄດ້ຍາກຂື້ນ ເພາະມີການເຂົ້າລະຫັດໄວ້ແລ້ວ ແລະ ຍຸກນີ້ເກີດການໃຊ້ງານ Sim – Card ຂະໜາດໂທລະສັບນ້ອຍລົງ ແລະ ເບົາຂື້ນ ແລະ ເພີ່ມຄວາມສາມດໃນການສົ່ງຂໍ້ຄວາມ Short Message Service ( SMS  ) ແລະ ເປັນຍຸກທີ່ສາມາດເລີ່ມໃຊ້ງານ data ນຳ.

ນອກຈາກນີ້ ຍັງເກີດການກຳນົດເສັ້ນທາງການເຊື່ອມກັບສະຖານີ (Cell Site  ) ກໍ່ໃຫ້ເກີດລະບົບ Global System for Mobilization ຫຼື GSM ເຮັດໃຫ້ເຮົາສາມາດຈັບໂທລະສັບມືຖືເຄື່ອງດຽວໄປໃຊ້ງານໄດ້ເກືອບທົ່ວໂລກ! ທີ່ເອີ້ນວ່າ International Roaming

ມາດຕະຖານ GSM ຍັງໄດ້ຮັບການພັດທະນາຂີດຄວາມສາມາດໃຫ້ມີການຮອງຮັບ ການສື່ສານຂໍ້ມູນທີ່ມີອັດຕາຄວາມໄວສູງຂື້ນ ເຮັດໃຫ້ເຮົາສາມາດຮັບສົ່ງຂໍ້ມູນຜ່ານອິນເຕີເນັດ ພາຍໃຕ້ມາດຕະຖານ GPRS ທີ່ຮອງຮັບຄວາມໄວສູງ 115 ກິໂລບິດຕໍ່ວິນາທີ ແລະ EDGE ທີ່ຮອງຮັບຄວາມໄວສູງສຸດທາງທິດສະດີຄື 384 ກິໂລບິດຕໍ່ວິນາທີ ເຖິງຢ່າງໃດກໍ່ຕາມ ບໍ່ວ່າຈະເປັນ GPRS ຫຼື EDGE ຄວາມໄວໃນການຮັບສົ່ງຂໍ້ມູນເມື່ອໃຊ້ງານຈີງຈະຕໍ່າກວ່ານັ້ນ ເນື່ອງຈາກຂໍ້ຈຳກັດຂອງລະບົບທີ່ຕ້ອງມີການແບ່ງຊ່ອງສື່ສານ ສຳລັບການໃຊ້ງານດ້ານສຽງ ເຊິ່ງໃນຍຸກນີ້ເຮົາຍັງສາມາດໃຊ້ງານ Data ກັບ Voice ໄປພ້ອມໆກັນໄດ້.

ສຳລັບໂຕໂທລະສັບມືຖືຍຸກ 2G ມີໜ້າຈໍສີ, ມີກ້ອງຖ່າຍຮູບພາບ ແລະ ມີຫໜ່ວຍປະມວນຜົນທີ່ມີປະສິດທິພາບສູງຂື້ນ ເປັນການເລີ່ມຕົ້ນເປີດຍຸກ Mobile Internet ແລະ ຍັງເປັນຍຸກດຽວກັນກັບທີ່ຜູ້ຜະລິດຫຼາຍໆຄົນທົ່ວໂລກ ເປີດໂຕໂທລະສັບເຄື່ອນທີ່ແບບ Smart Phone ໃນບ້ານເຮົາ ໃຫ້ບໍລິການຍຸກ 2G ດ້ວຍເທັກໂນໂລຢີ GSM ເທິງຄວາມຖີ່ 900 MHz ແລະ 1800 MHz

ໂທລະສັບມືຖືຍຸກ 3G

f352

ເນື່ອງຈາກຄວາມຕ້ອງການ ການໃຊ້ data ເທິງມືຖືເພີ່ມຂື້ນສູງ ຕ້ອງການຄວາມໄວທີ່ຫຼາຍຂື້ນກວ່ານີ້ ມາດຕະຖານຍຸກ 3G ຈື່ງເກີດຂື້ນເມື່ອປີ ພ.ສ 2544 ເຊິ່ງໂທລະຄົມມະນາຄົມແຫ່ງປະເທດ ຫຼື ITU ໄດ້ກຳນົດໃຫ້ຄື້ນຄວາມຖີ່ 2100 MHz ເປັນຄື້ນຄວາມຖີ່ມາດຕະຖານ ທີ່ໃຊ້ໃນການເຊື່ອມຕໍ່ເທັກໂນໂລຢີ່ 3G ໂດຍໃຊ້ຄືກັນທຸກປະເທດ ເຮັດໃຫ້ໂທລະສັບເຄື່ອນທີ່ທັງໝົດ ຜະລິດອອກມາຮອງຮັບຄື້ນ 2100 MHz ເປັນຫຼັກ ແລະ ມີຄວາມຖີ່ອື່ນໆ ເຊັ່ນ: 850 ເມກະເຮິຣດ ແລະ 900 ເມກະເຮິຣດ ເປັນທາງເລືອກທີ່ຕາມມາ ການຮັບ-ສົ່ງຂໍ້ມູນທີ່ກ້າວໜ້າຫຼາຍຂື້ນ ມີການໃຫ້ບໍລິການອິນເຕີເນັດດ້ວຍຄວາມໄວ ແລະ ການຮັກສາຄວາມປອດໄພທີ່ສູງຂື້ນຕາມມາດຕະຖານສາກົນໂດຍຕ້ອງຖ່າຍໂອນຂໍ້ມູນຕໍ່າສຸດ 2 ເມກະບິດຕໍ່ວິນາທີ ຫຼື ໃນຂະນະຍ່າງ ແລະ ມີຄວາມໄວ 384 ກິໂລບິດຕໍ່ວິນາທີ (Kbps) ເມື່ອໃຊ້ໃນລົດທີ່ກຳລັງແລ່ນ ນອກຈາກນີ້ ຈະຕ້ອງສາມາດໃຊ້ກັບໂຄງຂ່າຍທົ່ວໂລກ.

ຈຸດເດັ່ນທີ່ຊັດເຈນທີ່ສຸດຂອງເທັກໂນໂລຢີ 3G ຄືການເພີ່ມຄວາມໄວໃນການເຂົ້າຫາອິນເຕີເນັດແບບໄຮ້ສາຍເທິງອຸປະກອນຕ່າງໆ ສາມາດຮັບສົ່ງໄຟລທີ່ມີຂະໜາດໃຫຍ່ ຫຼື ການເຂົ້າຫາຂໍ້ມູນຂ່າວສານໄດ້ໃນເວລາອັນໄວວາ ໂດຍຜ່ານໂທລະສັບເຄື່ອນທີ່ ຮອງຮັບເບີ່ງຄຣິບວີດີໂອ ຫຼື ການຖ່າຍທອດລາຍການສົດ ການຟັງເພງຈາກສະຖານນີວິທະຍຸທຸກບ່ອນໃນໂລກ ສາມາດໃຊ້ງານຮັບ-ສົ່ງຂໍ້ມູນ Data ໄປພ້ອມໆກັບການໃຊ້ສາຍສົນທະນາ ຫຼື voice ໄດ້.

ນອກຈາກນີ້ ການໃຫ້ບໍລິການ 3G ຈະສາມາດຊ່ວຍຫຼຸດຊ່ອງວ່າງໃນການເຂົ້າອິນເຕີເນັດໃນພື້ນທີ່ຊົນນະບົດຫ່າງໄກ ເພາະການລົງທຶນ internet ແບບໄຮ້ສາຍຄື 3G ນັ້ນງ່າຍ ແລະ ຕົ້ນທຶນຕໍ່າກວ່າການລົງທຶນໃນ internet ແບບມີສາຍ ເກີດນະວັດຕະກຳທາງດ້ານໂທລະຄົມມະນາຄົມ ເກີດບໍລິການອີກ ທັງຍັງກໍ່ໃຫ້ເກີດການຫຼອມລວມກັນທາງເທັກໂນໂລຢີ ເກີດສິ່ງອຳນວຍຄວາມສະດວກ ແກ່ຜູ້ບໍລິໂພກຢ່າງຫຼວງຫຼາຍ ທຸກບ່ອນ ທຸກເວລາ ແລະ ມີໂອກາດໃນການສ້າງທຸລະກິດໃໝ່ໆ ເຮັດໃຫ້ເກີດການຈ້າງງານໃໝ່ຂື້ນ ສົ່ງຜົນດີໃນການພັດທະນາປະເທດທຸກໆ ມິຕິ.
ອຸປະກອນຍຸກ 3G ມີຢ່າງຫຼວງຫຼາຍ ນອກຈາກໂທລະສັບມືຖື ສະມາສ໌ໂຟນແລ້ວ ຍັງມີພວກແທັບເລັດ, ເນັດບຸກ ແລະ ອຸປະກອນອື່ນໆເຊັ່ນ: Mobile Hotspot ທີ່ມີໄວ້ສຳລັບກະຈາຍສັນຍານຈາກ mobile internet ກາຍເປັນ wi-fi , ລວມໄປເຖິງອຸປະກອນອື່ນໆບາງໂຕເຊັ່ນ: ກ້ອງດິຈິຕອລ ທີ່ຮອງຮັບໃສ່ຊິມ ເພື່ອສາມາດແຊຣ໌ຮູບພາບໄດ້ຜ່ານທາງ 3G

ຜູ້ໃຫ້ບໍລິການ 3G ໃນປະຈຸບັນນີ້ ມີຫຼາຍໂອເປີເຣເຕີເຊັ່ນ: AIS , DTAC , Truemove H  ,  MY by Cat ແລະ TOT3G  ໂດຍສະເພາະ tot3g ມີຜູ້ໃຫ້ບໍລິການເຄື່ອຂ່າຍຄືກັບ Mobile Virtual Network Operator ( MVNO ).

ໂທລະສັບມືຖືຍຸກ 4G

f353

ມາດຕະຖານ 4G ນີ້ຖືກກຳນົດຂື້ນຄັ້ງທຳອິດໃນປີ 2551 ໂດຍຄວາມຕ້ອງການຂອງຜູ້ໃຊ້ ທີ່ຕ້ອງການຄວາມໄວເນັດເທິງມືຖືສູງຂື້ນອີກ ມີການກຳນົດຄວາມໄວຂອງລະບົບ 4G ໄວ້ຢູ່ທີ່ 1 Gbps ແຕ່ດ້ວຍຂີດຈຳກັດທາງດ້ານເທັກໂນໂລຢີ ແລະ ຄວາມພ້ອມຂອງຜູ້ໃຫ້ບໍລິການ ຈື່ງເຮັດໃຫ້ລະບົບ 4G ໃນປະຈຸບັນ ຍັງບໍ່ສາມາດສ້າງຄວາມໄວໃນການຮັບ-ສົ່ງຂໍ້ມູນໄດ້ສູງຕາມຂໍ້ກຳນົດ ໂດຍມີອັດຕາຄວາມໄວຢູ່ປະມານ 100-120 Mbps

4G ໃຊ້ມາດຕະຖານ Long Term Evolution ( LTE ) ຖືເປັນພັດທະນາການອີກຂັ້ນຕໍ່ຈາກ 3G ໂດຍຈຸດປະສົງເພື່ອຊ່ວຍຫຼຸດຂໍ້ຈຳກັດໃນການຮັບ-ສົ່ງຂໍ້ມູນທີ່ໃຊ້ກັນຢູ່ໃນປະຈຸບັນ ໃຫ້ມີຄວາມສາມາດ ໃນການຮັບ-ສົ່ງຂໍ້ມູນດ້ວຍຄວາມໄວສູງກວ່າ 3G ຫຼາຍເທົ່າ.

ສ່ວນອຸປະກອນສື່ສານທີ່ສາມາດຮອງຮັບການໃຊ້ງານ 4G LTE ມີຄວາມຄ້າຍຄືກັບອຸປະກອນ 3G ປະຈຸບັນ ມີຜູ້ໃຫ້ບໍລິການ 4G ໃນປະເທດເຮົາມີພຽງ 1 ເຈົ້າເທົ່ານັ້ນ ໂດຍເປັນ 4G LTE ເທິງຄື້ນຄວາມຖີ່ 2100 MHz ດັ່ງນັ້ນອຸປະກອນທີ່ຈະໃຊ້ 4G ໃນບ້ານເຮົາຕ້ອງຮອງຮັບ 4G ເທິງຄື້ນ 2100 MHz ໂດຍສັງເກດສະເປັກເຄື່ອງວ່າມີ LTE 2.1 GHz ຫຼື 4G LTE 2100 MHz.

ໂທລະສັບມືຖືຍຸກ LTE-A ( 4.5G )

f354

ເນື່ອງຈາກ ການເຕີບໃຫຍ່ຂອງຕະຫຼາດບຣອດແບຣ໌ນ ໄຮ້ສາຍທີ່ສູງຂື້ນໄປອີກ ເພື່ອໃຫ້ທັນກັບຄວາມຕ້ອງການ ແລະ ຄວາມຄາດຫວັງທີ່ເພີ່ມຂື້ນຂອງຜູ້ຄົນ ຈົນກາຍເປັນເທັກໂນໂລຢີແຫ່ງອະນາຄົດຄື: LTE-Advanced  ( LTE-A )  ເຊິ່ງ LTE-A ຄືການພັດທະນາເຄື່ອຂ່າຍ LTE ຂື້ນໄປອີກຂັ້ນ ເທິງພື້ນຖານເທັກໂນໂລຢີ air interface ແບບເກົ່າ ເພື່ອໃຫ້ປັບປຸງເຄື່ອຂ່າຍ LTE ເກົ່າສູ່ LTE-Advanced ເປັນໄປໄດ້ໂດຍງ່າຍ ໂດຍໃຊ້ “ເຄື່ອງມື” ພິເສດຫຼາຍຢ່າງເຊັ່ນ: ການລວມຊ່ອງສັນຍານ ເພື່ອໃຫ້ຜູ້ບໍລິການເຄື່ອຂ່າຍສາມາດໃຊ້ຄື້ນຄວາມຖີ່ຂະໜາດໃຫຍ່ກວ່າ 20 MHz ໄດ້ ເອີ້ນວ່າເທັກນິກ carrier aggregation ເປັນຕົ້ນ.
ນອກຈາກນັ້ນແລ້ວ LTE-A ຍັງສາມາດເຮັດວຽກຮ່ວມກັບລະບົບ LTE ແບບເກົ່າໄດ້ ແຕ່ອາດຈະບໍ່ສາມາດໃຊ້ລູກຫຼີ້ນໃໝ່ໆ ບາງຢ່າງຂອງ LTE-A  ມາ LTE ໄດ້ ຄວາມໄວທີ່ໄດ້ຂອງ LTE-A ມີຄວາມໄວປະມານ 2 ເທົ່າຂອງ 4G LTE ໂດຍຄວາມໄວສູງສຸດຢູ່ປະມານ 150 Mbps ສາມາດ download ໄຟລຮູບເງົາຂະໜາດ 1GB ໃນເວລາບໍ່ເຖິງ 1 ນາທີ.

LTE-A ເກີດປະໂຫຍດຕໍ່ຜູ້ບໍລິໂພກ ແລະ ຜູ້ປະກອບທຸລະກິດ ບໍ່ວ່າຈະເປັນທາງດ້ານຄວາມໄວຂອງລະບົບ ທີ່ສູງຂື້ນຫຼາຍ ການໃຊ້ຄື້ນຄວາມຖີ່ ໄດ້ແບບມີຄຸນນະພາບ, ສັນຍານບໍລິເວນຂອບເຊລທີ່ດີຂື້ນ, ເຊລຄວບຄຸມພື້ນທີ່ກວ້າງຂື້ນ ຈົນຮອດຊ່ວຍຫຼຸດຄ່າໃຊ້ຈ່າຍ ສຳລັບການບໍລິຫານ ຈັດການໂຄງຄ່າຍ ທີ່ມີຄວາມຊັບຊ້ອນຍິ່ງຂື້ນ ປະຈຸບັນນີ້ເລີ່ມມີບາງປະເທດ ໄດ້ເລີ່ມໃຫ້ບໍລິການມືຖື LTE-A ແລ້ວ ລວມເຖິງໂທລະສັບມືຖືຫຼຸ້ນໃໝ່ໆພາຍໃນປີນີ້ ຈະຮອງຮັບ LTE-A ຫຼາຍຂື້ນ.

ຂໍ້ມູນຈາກ: it24hrs

Advertisements

Make a Comment

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Liked it here?
Why not try sites on the blogroll...

%d bloggers like this: