Huawei ເປີດໂຕ MiFi 4G ໂຫຼດແຮງທີ່ສຸດໃນໂລກ ໂທລະສັບມືຖື ກັບແທັບເລັດ 4G ແລະ ສາຍຫັດຂໍ້ມືອັດສະລິຍະ

Posted on March 5, 2014. Filed under: ຄວາມຮູ້ເລື່ອງ IT, ສະມາດ ໂຟນ, ອິນເຕີເນ໋ດ |


f355

ງານ Mobile World Congress 2014 ຢູ່ທີ່ບາເຊໂລນາ ປະເທດສະເປນ  Huawei ບໍລິສັດດ້ານອຸປະກອນໂທລະຄົມມະນາຄົມທີ່ໃຫຍ່ຂອງປະເທດຈີນ ໄດ້ຈັດງານຖະແຫຼງຂ່າວເປີດໂຕເຖິງ 5 ໂຕ ທັງສະມາສ໌ໂຟນ, ແທັບເລັດ 2 ໂຕ ອຸປະກອນ Mobile Hotspot (Mifi) ຫຼຸ້ນໃໝ່ ພາຍໃນງານ ເຊິ່ງທັງໝົດນີ້ຮອງຮັບເທັກໂນໂລຢີ 4G LTE ແລະ ປິດທ້າຍດ້ວຍສາຍຂໍ້ມືອັດສະລິຍະ smartband ເຊິ້ງເປັນອຸປະກອນໄອທີ ສຳລັບສວມໃສ່ຂໍ້ມື ໃຊ້ໂທ ຫຼື ຕິດຕາມການນອນ, ການອອກກຳລັງກາຍໄດ້ອີກ.

f356

ເລີ່ມຕົ້ນທີ່ໂຕທຳອິດ ເປີດໂຕ Mobile Hotspot (Mifi) ຊື່ Huawei E5786. ໂຕປ່ອຍສັນຍານເຄື່ອຂ່າຍ 4G ເປັນສັນຍານ wifi  ທີ່ໂຫຼດໄວ ແຮງທີ່ສຸດໃນໂລກ!!!! ໂດຍສາມາດດາວໂຫຼດຜ່ານໂຕ mifi ໂຕນີ້ດ້ວຍຄວາມໄວສູງສຸດເຖິງ 300Mbps ຄວາມໄວລະດັບນີ້ ສາມາດດາວໂຫຼດຮູບເງົາ HD ໄດ້ສຳເລັດ ໂດຍໃຊ້ເວລາບໍ່ເກີນ 30 ວິນາທີ

  • ໃຊ້ຊີພີຢູ 28nm HPM Coretex A9 chip ຮອງຮັບ ການສະໜັບສະໜຸນການເຊື່ອມຕໍ່ການເຊື່ອມຕໍ່ມາດຕະຖານ 802.11a/b/g/n ແລະ 802.11ac
  • ຮອງຮັບການປ່ອຍກະຈາຍສັນຍານ wifi ໃຫ້ກັບອຸປະກອນໄອທີທີ່ຮອງຮັບ Wi-FI ສູງສຸດ10 ໂຕ
  • ໃຊ້ງານໄດ້ດົນສູງສຸດ 10 ຊົ່ວໂມງ ມາພ້ອມແບັດເຕີລີ  3,000mAh
  • ສາມາດແປງຊື່ ແລະ ລະຫັດຜ່ານ Hotspot  SSID ມາເປັນ QR CODE ໄດ້ ແລະ ມາພ້ອມແອພຂອງ Mifi ນີ້ ເພື່ອອຳນວຍຄວາມສະດວກການເຊື່ອມຕໍ່ຫຼາຍຂື້ນ

f357

ຕໍ່ມາ Huawei ເປີດໂຕສະມາສ໌ໂຟນຊື່ Ascend G6 4G ໜ້າຈໍ 4.5 ນີ້ວ ຊີພີຢູ Qualcomm MSM8926 QUADCORE  1.2GHz ໂດຍມີຈຸດເດັ່ນຄືການຮອງຮັບ 3G ທຸກເຄື່ອຂ່າຍ ແລະ 4G LTE ຄື້ນຄວາມຖີ່ LTE 800/1700/1800/1900/2100/2600 ລວມເຖິງ ກ້ອງໜ້າມີຄວາມລະອຽດສູງ 5 Megapixel ສ່ວນກ້ອງຫຼັງ 8 Megapixel ເຊິ່ງຈາກສະເປັກຕົ້ນນີ້ ເນັ້ນເອົາໃຈໜຸ່ມໆສາວໆ ທີ່ມັກຖ່າຍຮູບພາບແບບ Selfie! ໂດຍສະເພາະ ເພາະມາພ້ອມຟີເຈີຣ໌ແຕ່ງຮູບພາບໃຫ້ໜ້າທ່ານເບີ່ງໃສ ແລະ ງາມຂື້ນ ຮອງຮັບ NFC ລະບົບສຽງ Huawei SWS Technology ວັດຖຸອະລູມິນຽມ ຂາຍໃນລາຄາ 249 ຢູໂຣ.

f358

ຕໍ່ໄປ Huawei ເປີດໂຕແທັບເລັດ 4G ຊື່ Media Pad M1 ຈໍຂະໜາດ 8 ນີ້ວ ໂຕເຄື່ອງວັດສະດຸອະລູມິນຽມ ບາງ 7.9 mm. ພ້ອມລຳໂພງຄູ່ໜ້າເຖິງ 2 ໂຕ ແລະ ແບັດເຕີລີທີ່ມີພື້ນທີ່ຄວາມຈຸ 4800 mAh  ກ້ອງໜ້າ  1 Megapixel ກ້ອງຫຼັງ 5 Megapixel ຊີພີຢູ  HiSilicon Kirin 910 Quad core 1.6GHz RAM 1GB, ໜ່ວຍຄວາມຈຳພາຍໃນເຄື່ອງມີ  2 ຂະໜາດໃຫ້ເລືອກຄື 8GB ແລະ16GB  ທັງສອງສາມາດເພີ່ມຄວາມຈຳດ້ວຍ  microSD ຂາຍໃນລາຄາ 299 ຢູໂຣ.

f359

ຖ້າວ່າເບີ່ງຫຼຸ້ນ Media Pad M1 ແລ້ວອາດຈະເບີ່ງສະເປັກແຮງ ແຕ່ຄວາມລະອຽດຂອງກ້ອງໜ້ອຍໄປ ກໍ່ລອງມາເບີ່ງແທັບເລັດອີກໂຕ ສະເປັກຈັດໜັກ ເປີດໂຕ MediaPad X1 ແທັບເລັດ 7 ນີ້ວ ບາງພຽງ 7.18 mm ຈັດຄວາມແຮງດ້ວຍ 4G LTE ຄວາມໄວສູງສຸດເຖິງ 150 Mbps ແບັດເຕີລີຈັດໜັກເຖິງ 5,000 mAh ຕື່ມຄວາມຊັດຂອງຮູບພາບດ້ວຍ ກ້ອງໜ້າ 5 Megapixel ກ້ອງຫຼັງ 13 Megapixel ຊີພີຢູ Hisilicon Kirin 910 Quad core 1.6GHz ໜ່ວຍຄວາມຈຳພາຍໃນ 16 GB   RAM 2GB ຂາຍໃນລາຄາ 399 ຢູໂຣ.

f360

ແລະ ແທັບເລັດ ສະເປັກແຮງ MediaPad X1 ນີ້ ຍັງມີອຸປະກອນເສີມ ດ້ວຍສາຍຫັດຂໍ້ມືອັດສະລິຍະ (smartband) ໂດຍສາຍຫັດຂໍ້ມືຂອງ Huawei ທີ່ເປີດໂຕນີ້ ຊື່ວ່າ TalkBand B1 ມີໜ້າຈໍ OLED 1.4 ນີ້ວ ຮອງຮັບການໂທກັບແທັບເລັດ MediaPad X1 ເຊື່ອມຕໍ່ດ້ວຍ NFC , Bluetooth 4.1 ສາມາດໃຊ້ຕິດຕາມກິດຈະກຳຂອງທ່ານ, ການນອນລັບ ແລະ ການອອກກຳລັງກາຍ ຊາຣກຜ່ານພອຣ໌ດ usb ສາມາດໃຊ້ງານ Talkband ນີ້ໄດ້ດົນ 7 ຊົ່ວໂມງ ແລະ standby ໄດ້ດົນ 2 ອາທິດ ຂາຍໃນລາຄາ 99 ຢູໂຣ.

ທັງໝົດນີ້ຄື ສະຫຼຸບສິ່ງທີ່ Huawei ໄດ້ຖະແຫຼງຂ່າງເປີດໂຕພາຍໃນງານ Mobile World Congress ເຊິ່ງອາດຈະໄດ້ເຫັນບາງໂຕໃນງານນີ້ ມາຂາຍຢູ່ບ້ານເຮົາ.

ຂໍ້ມູນ ແລະ ພາບຈາກ: cnet, it24hrs

Advertisements

Make a Comment

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Liked it here?
Why not try sites on the blogroll...

%d bloggers like this: