ຮູ້ຈັກກັບ ລະບົບສັ່ງງານດ້ວຍສຽງ ( Intelligent Personal Assistant ) ເທິງສະມາສ໌ໂຟນ

Posted on March 12, 2014. Filed under: ຄວາມຮູ້ເລື່ອງ IT, ສະມາດ ໂຟນ |


f397

ໂທລະສັບມືຖື ສະມາສ໌ໂຟນ ທີ່ເຊື່ອວ່າຫຼາຍທ່ານມີຢູ່ ໂດຍສະເພາະກຸ່ມໄວຫຼຸ້ນ ຫຼື ໄວເຮັດວຽກທີ່ມີສະມາສ໌ໂຟນ ຫຼຸ້ນຫຼ້າສຸດຢູ່ ເຊີ່ງມີການພັດທະນາໄປຫຼາຍເວີຣ໌ຊັ່ນແລ້ວ ໂດຍສະເພາະໂທລະສັບມືຖື ຈາກ Apple , Samsung ແລະ ລະບົບປະຕິບັດການ Android  ຫຼຸ້ນຫຼ້າສຸດກໍ່ມີລະບົບສັ່ງງານດ້ວຍສຽງ ( Intelligent Personal Assistant ) ຕິດຕາມມານຳ ເພື່ອຊ່ວຍອຳນວຍຄວາມສະດວກ ໃນການໃຊ້ງານ ເທິງໂທລະສັບມືຖື  ແລະ ແທັບເລັດ ໂດຍສັ່ງດ້ວຍສຽງຂອງທ່ານເອງ.

f398

ໃນຊ່ວງປີ 2008  Google ໄດ້ສ້າງຄຸນສົມບັດ Voice Search ຜູ້ທຳອິດເທິງສະມາສ໌ໂຟນ ໂດຍເຮັດໃຫ້ກັບ BlackBerry Pearl , Nokia (Symbian) , ໂທລະສັບມືຖື  android ແລະ iPhone ນຳ ແຕ່ໄດ້ສະເພາະເວົ້າເພື່ອຄົ້ນຫາເວັບເທົ່ານັ້ນ ແລະ ຕໍ່ມາກໍ່ສາມາດຮອງຮັບຄຳສັ່ງສຽງຫາຂໍ້ມູນສະຖານທີ່ນຳ Voice Search ເທິງ Google Maps ເທິງ Android ແລະ ປີ 2010 google ໄດ້ປ່ອຍ  voice search ເທິງ youtube ໃຫ້ທ່ານສັ່ງດ້ວຍສຽງຫາຄຣິບວີດີໂອເທິງ youtube ໄດ້.

f399

ປີ 2011 Apple ເປີດໂຕ iPhone 4S ມາພ້ອມກັບ SIRI ເທິງ iOS6 ພ້ອມກັບຄວາມສາມາດຫາຂໍ້ມູນສ່ວນຕົວຂອງທ່ານ ຄືກັບວ່າສະມາສ໌ໂຟນເວົ້າໄດ້ ທີ່ພ້ອມປະຕິບັດຕາມຄຳສັ່ງຂອງທ່ານຕະຫຼອດເວລາ ເຮັດໃຫ້ກະແສລະບົບສັ່ງງານດ້ວຍສຽງ Intelligent Personal Assistant ມາແຮງໃນຊ່ວງນັ້ນທັນທີ.

f400

ຈົນ Samsung ອອກສູ້ດ້ວຍເປີດໂຕລະບົບສັ່ງງານດ້ວຍສຽງຂອງ

ທາງ Samsung ເອງໃນຊື່ S Voice ເທິງ Samsung GalaxyS3 ເປັນຫຼຸ້ນທຳອິດ ພ້ອມກັບຄວາມສາມາດໃນການສັ່ງຖ່າຍຮູບດ້ວຍສຽງຂອງທ່ານ ພຽງແຕ່ທ່ານເວົ້າຄຳວ່າ chessze , smile , capture ເປັນຕົ້ນ.

f401

ປີ 2012 ທາງດ້ານ Android ໂດຍ google ກໍ່ເປີດໂຕ google now ທີ່ພັດທະນາຕໍ່ຈາກ google search ແລະ voice search ໃຫ້ເຮັດໜ້າທີ່ຕອບຄຳຖາມກັບຜູ້ໃຊ້ ເຊີ່ງເຮັດໃຫ້ໂທລະສັບມືຖື android ຈາກຄວາມສາມາດເກົ່າຄືຫາຄຳຕອບໃຫ້ແບບບໍ່ມີສຽງເວົ້າ ກັບເຮັດດໃຫ້ android ມີສຽງໂຕ້ຕອບຜູ້ໃຊ້ໃນຮູບແບບຕ່າງໆເຊັ່ນ: ຮູບພາບ, ເວລາ, ຜົນການຄິດໄລ່, ລາຍງານການຈາລະຈອນ, ລາຍງານສະພາບອາກາດ, ຕາຕະລາງທ້ຽວບິນ, ແຜນທີ່ ແລະອື່ນໆ. ເປີດໂຕຄັ້ງທຳອິດໃນວັນທີ່ 27 ມິຖຸນາ 2012 ໃນງານ Google i/o ໃນຊ່ວງເປີດໂຕລະບົບປະຕິບັດການ Android 4.1 jellybean ຈົນມາເຖິງປະຈຸບັນນີ້ ຜູ້ໃຊ້ Android 4.4 kitkat ສາມາດທີ່ຈະເອີ້ນ google now ໃຫ້ການຊ່ວຍເຫຼືອຫາຂໍ້ມູນໃຫ້ໄດ້ ພຽງເວົ້າຄຳວ່າ ok google ເທົ່ານັ້ນ google now ກໍ່ຈະເປີດພ້ອມປະຕິບັດງານເຮັດຕາມຄຳສັ່ງສຽງຂອງທ່ານທັນທີ ແລະ ຜູ້ໃຊ້ iOS ສາມາດໃຊ້ງານ Google Now ໄດ້ເຊັ່ນກັນ ພຽງແຕ່ທ່ານໂຫຼດແອພ google search ເທິງ App Store

f402

ອຸປະສັກຂອງຜູ້ໃຊ້ຄົນລາວກ່ຽວກັບການໃຊ້ງານລະບົບສັ່ງງານດ້ວຍສຽງເທິງສະມາສ໌ໂຟນ ໃນຊ່ວງນີ້ ຄືການຍັງບໍ່ຮອງຮັບພາສາລາວ ເຊິ່ງຍັງເປັນບັນຫາຢູ່ຈົນເຖິງປະຈຸບັນນີ້ ໂດຍຕອນນີ້ NECTEC ເປີດທົດສອບແອພ ພາທີ  (PARTY ) ລະບົບຈື່ດ້ວຍສຽງເວົ້າ ເພື່ອໃຫ້ໄດ້ຂໍ້ມູນສຽງຈາກຜູ້ໃຊ້  ມາວິໄຈ ແລະ ປັບປຸງລະບົບ ASR ( Automatic Speech Recognition) ໃຫ້ດີຍີ່ງຂື້ນ ແລະ ເມື່ອສີ້ນສຸດຊ່ວງໃຫ້ທົດສອບແອພພາທີ ກໍ່ຈະກາຍເປັນໂຄງສ້າງພື້ນຖານລະບົບ ASR ພາສາ ທີ່ເປີດໃຫ້ນັກພັດທະນາຊອຟແວຣ໌ ນຳໄປພັດທະນາຕໍ່ຍອດຕໍ່ໄປ ຈົນມີຜູ້ພັດທະນາຕໍ່ໃຫ້ສະມາສ໌ໂຟນ ຮອງຮັບຄຳສັ່ງສຽງພາສາອື່ນຫຼາຍຂື້ນ

ທັງໝົດນີ້ ຄືຂໍ້ມູນ ແລະ ວິວັດທະນາການກ່ຽວກັບລະບົບສັ່ງງານດ້ວຍສຽງ ເທິງສະມາສ໌ໂຟນ ທີ່ຕອນນີ້ ທ່ານສາມາດເວົ້າກັບໂທລະສັບມືຖື ໃນການຊອກຫາຂໍ້ມູນ ແລະ ສັ່ງງານຕ່າງໆ ເຮັດໃຫ້ໂທລະສັບມືຖື ສະມາສ໌ໂຟນໃນປະຈຸບັນປຽບເໝືອນຜູ້ຊ່ວຍສ່ວນຕົວທີ່ພ້ອມຈະຮັບໃຊ້ທ່ານ.

ຂໍ້ມູນຈາກ: it24hrs

Advertisements

Make a Comment

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Liked it here?
Why not try sites on the blogroll...

%d bloggers like this: