Audi ເປີດໂຕລົດ ທີ່ມີເທັກໂນໂລຢີ່ 4G LTE ພາຍໃນລົດ

Posted on March 20, 2014. Filed under: ຄວາມຮູ້ເລື່ອງ IT, ສະມາດ ໂຟນ, ອິນເຕີເນ໋ດ |


f479

ເທຣນເທັກໂນໂລຢີລົດ ມີຢ່າງຫຼວງຫຼາຍເຊັ່ນ: ເຄື່ອງສຽງທີ່ມາພ້ອມລະບົບປະຕິບັດການ Android   , ໂທລະສັບມືຖືມາເປັນ GPS ໃນການເດີນທາງ ການບັງຄັບລົດ ການລັອກລົດຜ່ານທາງສະມາສ໌ໂຟນ, ລະບົບປະຕິບັດການ iOS ພາຍໃນລົດເຊັ່ນ: Carplay , Smartwatch ຄູ່ກັບລົດ ແລະ ໂທລະສັບມືຖືຂອງທ່ານ ແລະ ຫຼ້າສຸດລົດສາມາດເຊື່ອມຕໍ່ 4G LTE ໄດ້ ໂດຍມື້ນີ້ Audi ໄດ້ເປີດໂຕລົດທີ່ມີ 4G  LTE ພາຍໃນລົດເລີຍ.

f480

ລົດ Audi A3 Sedan 2015 ຄັນນີ້ ເປັນລົດຄັນທຳອິດທີ່ມາພ້ອມກັບ 4G LTE ສາມາດໃສ່ຊິມກາຣ໌ດ 4G ໃນຊ່ອງສຽບຊິມກາຣ໌ດພາຍໃນລົດ ໃຫ້ທ່ານສາມາດເຊື່ອມຕໍ່ ອິນເຕີເນັດດ້ວຍຄວາມໄວ 4G  ພາຍໃນລົດເລີຍ.

f481

ພາຍໃນລົດມີໜ້າຈໍ LED ສະແດງສະຖານະ ແລະ ເຊື່ອມຕໍ່ຂໍ້ມູນກັບສະມາສ໌ໂຟນທີ່ມີແອພຂອງ Audi Connect ນຳ (Audi Connect ເປັນລະບົບເຊື່ອມຕໍ່ອິນເຕີເນັດ ພາຍໃນລົດ) ແລະ ມີບ່ອນໃສ່ໂທລະສັບມືຖືພາຍໃນລົດ ໂດຍເມື່ອນຳສະມາສ໌ໂຟນມາໃສ່ໃນຊ່ອງສຳລັບໃສ່ມືຖືແລ້ວ ຈະປາກົດລາຍການຕ່າງໆພາຍໃນມືຖືຂອງທ່ານ ບໍ່ວ່າຈະເປັນເພງ ລາຍຊື່ໝູ່ເພື່ອນ ຂໍ້ຄວາມກໍ່ຈະປາກົດໃນໜ້າຈໍ LED ເທິງລົດ.

f482

ເຮົາສາມາດຟັງເພງຈາກສະຖານນີວິທະຍຸທາງອິນເຕີເນັດ ແລະ ສາມາດແຊຣ໌ wifi ຄວາມໄວລະດັບ 4G ໃຫ້ກັບຜູ້ໂດຍສານ ພາຍໃນລົດໃຊ້ອິນເຕີເນັດໄດ້ ສາມາດສະແດງຂໍ້ມູນ ການຂັບລົດຂອງທ່ານ ຈາກລົດຕະຫຼອດເສັ້ນທາງການເດີນທາງ ສາມາດແປງສຽງເວົ້າ ຈາກຜູ້ຂັບລົດມາແປງເປັນຂໍ້ຄວາມເພື່ອສົ່ງ SMS ຫຼື ອີເມລໄດ້.

f483

ນອກຈາກນີ້ ລົດສາມາດສະແດງຂໍ້ມູນຕ່າງໆ ທີ່ເປັນປະໂຫຍດຜ່ານຈໍ LED ທີ່ຕ້ອງການເຊື່ອຕໍ່ 4G ດ້ວຍເຊັ່ນ: ຂໍ້ມູນລາຄານໍ້າມັນ, ຂໍ້ມູນທ້ຽວບິນ, ຂໍ້ມູນລົດໄຟຟ້າ, ຂໍ້ມູນສະຖານທີ່ຈອດລົດ ເຊື່ອມຕໍ່ກັບ Facebook twitter ໄດ້ນຳ, ເບີ່ງແຜນທີ່ 3 ມິຕິຜ່ານທາງ google earth ແລະ ຮອງຮັບການຊາຣ໌ກມືຖືແບບໄຮ້ສາຍ ( Wireless Charging )

ຫຼ້າສຸດ Audi ໄດ້ຈັບມືກັບເຄືອຂ່າຍ AT&T ໃນການອອກແພັກເກຈ 4G ນຳ ໂດຍມີ 2 ແບບນຳກັນຄື ແບບ 6 ເດືອນ ປະມານຂໍ້ມູນ 5GB ລາຄາ 99 ດອລລາຣ໌ ແບບ 30 ເດືອນ ປະມານຂໍ້ມູນ 30 GB ລາຄາ 499 ດອລລາຣ໌.

f484

ໃນອະນາຄົດຈະໄດ້ເຫັນລົດທີ່ສາມາດຮັບໃສ່ຊິມ ເພື່ອໃ້ງານອິນເຕີເນັດຄວາມໄວສູງໃນລົດ ພາຍໃນປີນີ້ແນ່ນອນ ແລະ ນີ້ກໍ່ຄືຕົວຢ່າງ ເທັກໂນໂລຢີ ລົດທີ່ມາພ້ອມກັບ 4G ເຊິ່ງຖືເປັນເທັກໂນໂລຢີທີ່ກ້າວໄປອີກຂັ້ນໃນວົງການລົດ ທີ່ບໍ່ແມ່ນພຽງແຕ່ວ່າຊື້ລົດໄວ້ຂັບຢ່າງດຽວ ຍັງຕ້ອງອຳນວຍ ຄວາມສະດວກສະບາຍ ແລະ ໃຫ້ຂໍ້ມູນອັນເປັນປະໂຫຍດ ໃຫ້ກັບຜູ້ຂັບຂີ່ ແລະ ຜູ້ໂດຍສານນຳ.

ຂໍ້ມູນຈາກ: Audi USA News, it24hrs

Advertisements

Make a Comment

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Liked it here?
Why not try sites on the blogroll...

%d bloggers like this: