ວິທີເລືອກຊື້ ໂນດບຸກ

Posted on March 21, 2014. Filed under: ຄວາມຮູ້ເລື່ອງ IT |


ແນ່ນອນວ່າອຸປະກອນໄອທີຫຼັກໆ ຍັງເປັນຄອມພິວເຕີໂນດບຸກ ເຊິ່ງປີນີ້ຍັງມີແບຣນຕ່າງໆ ຂົນທັບໂນດບຸກພ້ອມໂປຣໂມຊັ່ນພິເສດ ມາເອົາໃຈລູກຄ້າ ແລະ ໃຜທີ່ກຳລັງຊອກຫາຄອມພິວເຕີເຄື່ອງໃໝ່ ມື້ນີ້ພວກເຮົາ ມີວິທີເລືອກຊື້ໂ ນດບຸກແບບງ່າຍໆ ມາຕ້ອນມາຝາກ.

 f489

ກ່ອນອື່ນຕ້ອງຂໍແນະນຳວ່າ ປະຈຸບັນຄອມພິວເຕີໂນດບຸກແຍກອອກເປັນ 3 ປະເພດໄດ້ແກ່:

1. ໂນດບຸກ: ເປັນຄອມພິວເຕີພົກພາທົ່ວໄປ ມີຟັງຊັ່ນການໃຊ້ງານຄົບ

2. ອັລຕຣ້າບຸກ: ເປັນຄອມພິວເຕີ ພົກພາທີ່ມີລັກສະນະບາງ ແລະ ນໍ້າໜັກເບົາ ມີຄວາມສາມາດໃນການໃຊ້ງານໄດ້ບໍ່ຕ່າງຈາກໂນດບຸກທົ່ວໄປ ແຕ່ມີຂໍ້ຈຳກັດຢູ່ລາຄາຄ່ອນຂ້າງສູງ ແລະ ມີຮາຣ໌ດດິສເກັບຂໍ້ມູນໜ້ອຍກວ່າ.

3. ໂນດບຸກແບບໄຮບຣິດ : ຄອມພິວເຕີ ພົກພາລູກປະສົມ ລະຫວ່າງໂນດບຸກ ແລະ ແທັບເລັດ ຮອງຮັບການໃຊ້ງານໃນລະບົບມັລຕິທັຊສະກຣີນ ສາມາດແຍກໂຕເຄື່ອງ ຫຼ້າຈໍ ແລະ ຄີບອຣ໌ດອອກຈາກກັນ ສຳລັບໃຊ້ງານເປັນແທັບເລັດພົກພາໄດ້.

ສຳລັບວິທີເລືອກຊື້ໂນດບຸກ ແບ່ງອອກໄດ້ດັ່ງນີ້:

1. ເຊື່ອວ່າຫຼາຍໆຄົນ ທີ່ມີຄວາມມັກໃນແບຣນໃດໜື່ງ ຄົງຈະມີເປົ້າໝາຍເຂົ້າໄປຫາແບຣນນັ້ນໆແບບບໍ່ລັງເລໃຈ ແຕ່ສຳລັບບາງຄົນແລ້ວ ດີໄຊນ໌, ວັດສະດຸທີ່ໃຊ້, ນ້ຳໜັກ ລວມທັງໂຕເຄື່ອງພາຍນອກ ແລະ ສີສັນ ນັບເປັນປະເດັ່ນທຳອິດໃນການພິຈາລະນາ.

2. ເມື່ອເບີ່ງຈາກໂຕເຄື່ອງພາຍນອກແລ້ວ ຜູ້ຊື້ຕ້ອງຄຳນື່ງວ່າ ມີຄວາມຕ້ອງການຄອມພິວເຕີໂນດບຸກໄວ້ໃຊ້ເພື່ອຫຍັງ? ຈະໃຊ້ເຮັດວຽກ, ຫຼີ້ນເກມ ຫຼື ໃຊ້ທັງສອງຢ່າງ.

3. ຫຼັງຈາກຮູ້ຈຸດປະສົງແລ້ວວ່າໂຕເອງ ຕ້ອງການໂນດບຸກໄປໃຊ້ດ້ານໃດ ໂຕເລືອກຕໍ່ມາທີ່ຕ້ອງພິຈາລະນາໄດ້ແກ່:

– ຂະໜາດໜ້າຈໍ ແຮງຈໍໃຫຍ່ ນ້ຳໜັກແຮງຫຼາຍ ເຊິ່ງໜ້າຈໍ 14 ນີ້ ຍັງເປັນຂະໜາດຍອດນິຍົມຢູ່.

– ຊີພີຢູ ຫົວໃຈສຳຄັນຂອງໂນດບຸກ ທຸກປະເພດເຊິ່ງຫຼັກໆ ຈະແບ່ງອອກເປັນ 2 ຫຼຸ້ນ ໄດ້ແກ່ AMD ແລະ Intel

3.1 ຖ້າຫາກຕ້ອງການໂນດບຸກລາຄາປະຢັດ ໃຊ້ງານໃນລະດັບເອກະສານທົ່ວໄປ, ເບີ່ງໜັງ, ຟັງເພງ, ຫຼີ້ນເນັດ ຫຼື ຫຼີ້ນເກມກຣາຟິກຕ່ຳ ແນະນຳ: AMD A4, A6, Intel Core i3

3.2 ຖ້າຫາກຕ້ອງການ ໃຊ້ງານໃນລະດັບທີ່ໜັກຂື້ນ ທັງການເຮັດວຽກ ແລະ ຫຼີ້ນເກມທີ່ຫຼາກຫຼາຍ ແລະ ມີລາຄາກາງໆ ແນະນຳ AMD A8, A10, Intel Core i5

3.3 ສຳລັບຜູ້ໃຊ້ທ່ານໃດທີ່ຕ້ອງການໂນດບຸກໃນສະເປັກສູງໆ ປະມວນຜົນໜັກໆ ໄດ້ຫຼາກຫຼາຍ ແລະ ມີລາຄາກາງໆ ຈົນເຖິງລາຄາສູງ ແນະນຳ Intel Core i7 ຫຼື Intel Core i7 ທີ່ມີ Q ຕໍ່ທ້າຍ

– ກາຣ໌ດຈໍ ແບງ 2 ປະເພດ ໄດ້ແກ່ກາຣ໌ດຈໍ ແບບອອນບອຣ໌ດ ຈະພົບເຫັນໄດ້ກັບໂນດບຸກລາຄາປະຢັດ ຮອງຮັບການຫຼີ້ນເກມແບບສະບາຍໆ ເຊິ່ງສາມາດສັງເກດໄດ້ຈາກ ໂຕເລກ 4 ຫຼັກ ຍົກຕົວຢ່າງ Intel HD Graphics 3000 ຫຼື ATI Redeon HD 4250 ເປັນຕົນ ສ່ວນປະເພດທີ່ສອງ ເອີ້ນວ່າກາຣ໌ດຈໍແບບແຍກ ພົບໄດ້ກັບໂນດບຸກສະເປັກສູງ ເຊິ່ງສີ່ງທີ່ໄດ້ຄືປະສິດທິພາບໃນການປະມວນຜົນທີ່ສູງ ແລະ ຫຼາກຫຼາຍ.

– RAM ເລືອກຕາມຄວາມເໝາະສົມໃນການໃຊ້ງານເຊັ່ນ: RAM 4GB ໃຊ້ງານທົ່ວໆໄປ, 8GB ເຮັດວຽກ ແລະ ເກມໄດ້ ແລະ 16GB ເພື່ອການໃຊ້ງານກຣາຟິກສູງໆ.

– HDD ຫຼື ຄວາມຈຳຮາຣ໌ດດິສເຊັ່ນ: HDD ນ້ອຍກວ່າ 500GB ໃຊ້ງານທົ່ວໄປ ບໍ່ເນັ້ນເກັບຂໍ້ມູນຫຼາຍໆ, ຕັ້ງແຕ່ 640GB ເຖິງ 1TB ສຳລັບຜູທີ່ຈຳເປັນເກັບຂໍ້ມູນຫຼາຍໆເຊັ່ນ: ຮູບເງົາ, ເພງ ແລະ ເກມເປັນຕົ້ນ ສ່ວນຮາຣ໌ດດິສອີກໜື່ງປະເພດຄື SSD ຈະນິຍົມໃຊ້ໃນອັລຕຣ້າບຸກ ເໝາະສຳລັບຜູ້ທີ່ຕ້ອງການຄວາມໄວໃນການບູທເຄື່ອງ ແລະ ໃຊ້ພະລັງງານຕໍ່າ.

4. ສິ່ງທີ່ເບີ່ງຂ້າມບໍ່ໄດ້ຄື “ລາຄາ” ແລະ “ງົບປະມານໃນກະເປົາ” ເນື່ອງຈາກໂນດບຸກ ມັກມີອາຍຸການໃຊ້ງານບໍ່ເກີນ 5 ປີ ຖ້າຫາກເຮົາສາມາດຊອກຫາ ໂນດບຸກ ໃນລາຄາບໍ່ແພງ ແຕ່ມີຄຸນນະພາບ ແລະ ປະສິດທິພາບໃນການໃຊ້ງານດີ ກໍ່ຖືວ່າເປັນທາງເລືອກທີ່ໜ້າສົນໃຈ.

ຂໍ້ມູນຈາກ: arip

Advertisements

Make a Comment

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Liked it here?
Why not try sites on the blogroll...

%d bloggers like this: