ເມື່ອໂທລະສັບ ຫຼື ແທັບເລັດຕົກນ້ຳ. . .ຈະເຮັດແນວໃດດີ ?

Posted on April 12, 2014. Filed under: ຄວາມຮູ້ເລື່ອງ IT, ສະມາດ ໂຟນ |


f605

ນ້ຳກັບອຸປະກອນເຄື່ອງໃຊ້ໄຟຟ້ານັ້ນ ບໍ່ຄ່ອຍຖືກກັນເທົ່າໃດ ເຊື່ອວ່າຫຼາຍໆທ່ານເຄີຍພົບບັນຫາໂທລະສັບມືຖື ຫຼື ແທັບເລັດຕົກນ້ຳມາແລ້ວ
ຕົກນ້ຳ? ຕາຍຄັກ?? ແລ້ວຈະເຮັດແນວໃດບາດນີ້???
ວິທີແບບເກົ່າໆທີ່ເຮົາໄດ້ຍີນກັນມາແຕ່ຍັງນ້ອຍໆ ເຊັ່ນ ໃຫ້ເອົາໄປໃສ່ຖັງເຂົ້າສານ, ໃຫ້ເອົາໄປຕາກແດດໄວ້ແຄມປ່ອງຢ້ຽມ, ໃຊ້ອັນເປົ່າຜົມເປົ່າໃຫ້ແຫ້ງ ຫຼື ແມ້ແຕ່ເອົາເຂົ້າເຕົາອົບເປີດໄຟອ່ອນໆ

f606
ບໍ່ວ່າທ່ານຈະໄດ້ຍີນວິທີໃດມາກໍ່ຕາມ ເອົາເປັນວ່າລອງວິທີດັ່ງຕໍ່ໄປນີ້ເບີ່ງ (ຜູ້ແນະນຳວິທີເຫຼົ່ານີ້ກໍ່ຄື Sharon Vaknin ຈາກ CNET)
(1) ຕັ້ງສະຕິ ແລະ ຢ່າມົວຊັກຊ້າເສຍເວລາ ເມື່ອໂທລະສັບມືຖື ຫຼື ແທັບເລັດຕົກນ້ຳ ຂັ້ນຕອນທຳອິດຕ້ອງຮີບເຮັດກໍ່ຄື ປິດເຄື່ອງທັນທີ (turn off your device) ຈຸດປະສົງກໍ່ເພື່ອຕັດວົງຈອນພະລັງງານຂອງມັນກ່ອນ ກ່ອນທີ່ນ້ຳຈະເຂົ້າໄປສຳຜັດກັບແຜນວົງຈອນ ແລະ ເຄື່ອງອາດຈະຊັອດໄດ້
(2) ເຊັດພາຍນອກໂຕເຄື່ອງໃຫ້ແຫ້ງ ແນະນຳໃຫ້ໃຊ້ຜ້າທີ່ບໍ່ມີຝຸ່ນ (lint-free towel) ໃຊ້ເຊັດ ແລະ ເນັ້ນເບີ່ງຢູ່ພວກ port , ລຳໂພງ (speakers) ແລະ ໄມໂຄໂຟນ ພ້ອມທັງຖອດ SIM card ແລະ ແບັດເຕີລີອອກແລ້ວເຊັດໃຫ້ມັນແຫ້ງ
(3) ຫຼັງຈາກເຊັດແລ້ວ ໃຫ້ໃສ່ອຸປະກອນຂອງທ່ານທີ່ເຊັດແຫ້ງແລ້ວ ໃສ່ຖົງ ຫຼື ກະເປົ໋າທີ່ແຈບ ແລະ ຢ່າລືມໃສ່ສານດູດຄວາມຊຶ້ນ ຫຼື silica gel pack ເຊິ່ງຈະຫາໄດ້ຈາກໃນບ້ານຂອງທ່ານເອງ ເພາະສານດູດຄວາມຊຶ້ນໜ້າຈະແຖມມາກັບກະເປົ໋າ, ເກີບ ຫຼື ພວກເຂົ້າໜົມ ເຊິ່ງສາມາດດູດຄວາມຊຶ້ນໂດຍສະເພາະເລີຍ
ຖ້າຫາກທ່ານໃດຍັງຄິດບໍ່ອອກວ່າສານດູດຄວາມຊຶ້ນ ຫຼື silica gel pack ບໍ່ອອກ ເບີ່ງຕາມພາບນີ້ເລີຍ

OLYMPUS DIGITAL CAMERA
(4) ປະໄວ້ປະມານ 72 ຊົ່ວໂມງ ຂັ້ນຕອນນີ້ອາດຈະທຳໃຈຍາກໜ້ອຍໜື່ງ ສຳລັບທ່ານໃດທີ່ຕິດ mobile device ບໍ່ໄດ້ເຂົ້າ social media 3 ວັນ . . .ຈະລົງແດງກັນບໍ່? ແຕ່ແນວໃດກໍ່ຄວຍລໍຖ້າເພື່ອໃຫ້ແນ່ໃຈວ່າອຸປະກອນຂອງທ່ານແຫ້ງແທ້ໆແລ້ວ
(5) ເມື່ອໝັ້ນໃຈວ່າ mobile device ຂອງທ່ານແຫ້ງແລ້ວ ກໍ່ສາມາດເປີດເຄື່ອງເບີ່ງ (Power your device on) ຖ້າບໍ່ມີຫຍັງຜິດພາດ ອຸປະກອນຂອງທ່ານກໍ່ໜ້າຈະກັບມາໃຊ້ໄດເປັນປົກກະຕິດີ
ແຕ່ ທັງໝົດທັງປວງທີ່ແນະນຳ ກໍ່ຕ້ອງຂື້ນຢູ່ກັບໂຊກ ຫຼື ດວງພ້ອມ ເພາະສິ່ງທີ່ສຳຄັນທີ່ສຸດກໍ່ຄື ຕ້ອງປິດເຄື່ອງໃຫ້ໄວທີ່ສຸດ ເພື່ອກັນບໍ່ໃຫ້ນ້ຳເຂົ້າ ແຜງວົງຈອນຕ່າງໆໄດ້
ເມື່ອເຄື່ອງຕົກນ້ຳ ເຂົ້າໃຈວ່າການຮັບປະກັນຈະເປັນໂມຂະ (warranty is void) ເຊິ່ງຜູ້ຜະລິດເອງກໍ່ຮູ້ ເພາະ mobile device ມີໂຕບົ່ງບອກວ່າ ມັນໄປສຳຜັດກັບນ້ຳມາ (water indicator) ຢູ່ພາຍໃນ ຍົກຕົວຢ່າງ ໂຕ water indicator ຂອງ iPhone5s ຈະຢູ່ຂ້າງໃນຊ່ອງໃສ່ SIM card ເມື່ອມັນປຽກ ມັນຈະປຽນຈາກສີຂ່າວ ເປັນສີແດງ
ຄຳແນະນຳເພີ່ມ ຄືຊອກ case ຫຼື ຊອງໃສ່ແບບກັນນ້ຳ ສາມາດຫາຊື້ໄດ້ງ່າຍມີຫຼາຍລາຄາໃຫ້ຊື້ ແລະ ຄຸນນະພາບແຕກຕ່າງກັນໄປ
ຖ້າຫາກທ່ານໂຊກດີໄດ້ອ່ານວິທີນີ້ກ່ອນ ເມື່ອເກີດເຫດຂື້ນ ອຸປະກອນຂອງທ່ານໜ້າຈະປອດໄພ

ຂໍ້ມູນຈາກ: CNET, beartai

ຮູບພາບຈາກ: taklong, wired

Advertisements

Make a Comment

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Liked it here?
Why not try sites on the blogroll...

%d bloggers like this: