ສີ້ນສຸດຍຸກ  Windows XP ແຕ່ຍອດຂາຍພີຊີທົ່ວໂລກຍັງຕົກ !

Posted on April 28, 2014. Filed under: ຄວາມຮູ້ເລື່ອງ IT |


ຫຼັງຈາກ  8 ເມສາທີ່ຜ່ານມາ ໄມໂຄຣຊອຟຢຸດການປ່ອຍແພດຊ໌ ຫຼື ຊຸດຊອຟແວຣ໌ອັພເດດ  Windows XP ຢ່າງເປັນທາງການ ເຊິ່ງກ່ອນໜ້ານັ້ນໄມໂຄຣຊອຟ ພະຍາຍາມຊີ້ແຈ້ງໃຫ້ຜູ້ບໍລິໂພກເຫັນເຖິງຄວາມສ່ຽງຫາກບໍ່ປ່ຽນມາໃຊ້  Windows 7, Windows 8 ຫຼື  Windows 8.1f645

ການຢຸດສະໜັບສະໜຸນ  Windows XP ເຮັດໃຫ້ນັກວິເຄາະຄາດການວ່າຈະຊ່ວຍສົ່ງເສີມຍອດຂາຍຄອມພິວເຕີພີຊີ ໃຫ້ກະຕືລືຫຼົ້ນຂື້ນ ຫຼັງຈາກ ທີ່ຕົກຢູ່ໃນສະພາວະຊຸດລົງຢ່າງຮຸນແຮງ ແລະ ຕໍ່ເນື່ອງ ເຊິ່ງການສະຫຼຸບໂຕເລກຍອດຈັດສົ່ງຄອມພິວເຕີພີຊີທົ່ວໂລກໃນໄຕມາດທີ່  1 ປະຈຳປີ  2014 ຈາກ  IDC ປາກົດການຈັດສົ່ງຄອມພິວເຕີພີຊີຢູ່ປະມານ  73.4 ລ້ານໜ່ວຍ ຫຼຸດລົງຈາກປີ  2013 ມີຍອດການຈັດສົ່ງທົ່ວໂລກປະມານ  76.7 ລ້ານໜ່ວຍ ແລະ ການເຕີບໂຕຍັງຕິດລົບຢູ່ປະມານ  -4.4%

ໃນຂະນະທີ່ Gartner ໄດ້ສະຫຼຸບຕົວເລກການຈັດສົ່ງຄອມພິວເຕີພີຊີທົ່ວໂລກໃນໄຕມາດທີ່  1 ປະຈຳປີ  2014 ອອກມາໃນທິດທາງດຽວກັນກັບ  IDC ເຊິ່ງຍອດຈັດສົ່ງປະມານ  76.5 ລ້ານໜ່ວຍ ລົດລົງຈາກປີ  2013 ທີ່ມີຍອດການຈັດສົ່ງ ປະມານ  77.9 ລ້ານໜ່ວຍ  ແລະ ການເຕີບໃຫຍ່ຕິດລົບປະມານ  -1.7% ທັງນີ້  IDC ແລະ  Gartner ຍັງເບີ່ງໃນແງ່ດີຈາກອັດຕາການເຕີບໃຫຍ່ທີ່ຕິດລົບໃນໄຕມາດທີ່  1 ປະຈຳປີ  2014 ຍັງນ້ອຍກວ່າທີ່ປະເມີນໄວ້ໃນຊ່ວງທຳອິດ

ເຊິ່ງຍອດຂາຍຄອມພິວເຕີພີຊີທົ່ວໂລກຍັງບໍ່ກະຕືລືລົ້ນເທົ່າທີ່ຄວນ ໜ້າຈະເປັນຜົນມາຈາກພຶດຕິກຳຂອງຜູ້ບໍລິໂພກທີ່ຫັ້ນມາໃຊ້ສະມາສ໌ໂຟນ ແລະ ແທັບເລັດຫຼາຍຂື້ນ ແລະ ຜູ້ໃຊ້ຄອມພິວເຕີພີຊີຕາມບ້ານເຮືອນທີ່ເປັນ Windows XP ຢູ່ຄືເກົ່າ ຍັງບໍ່ເຫັນຄວາມສຳຄັນ ແລະ ອັນຕະລາຍທີ່ອາດຈະເກີດຂື້ນ ລວມເຖິງການຍ້າຍຈາກ Windows XP ມາເປັນ  Windows 7, Windows 8 ຫຼື  Windows 8.1 ຈະຕ້ອງມີຄ່າໃຊ້ຈ່າຍສຳລັບການອັພເກຣດຮາຣ໌ດແວ ແລະ ຊອຟແວຣ໌ຕາມມາ

ຂໍ້ມູນຈາກ: arip

Advertisements

Make a Comment

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Liked it here?
Why not try sites on the blogroll...

%d bloggers like this: