ແກັດແຈັກລ້ຳໆ  “Ritot” ຣິຊແບນແນວໃໝ່ ຟີເຈີຣ໌ໜ້າໃຊ້ທັງນັ້ນ

Posted on August 2, 2014. Filed under: ຄວາມຮູ້ເລື່ອງ IT, ອິນເຕີເນ໋ດ |


ເມື່ອຕະຫຼາດ  Wearables Device ເລີ່ມຄຶກຄື່ນ ຈື່ງບໍ່ແປກໃຈທີ່ບໍລິສັດຜູ້ຜະລິດອຸປະກອນອີເລັກໂທນິກຕ່າງໆ ຫັນມາພັດທະນາອຸປະກອນສຸດລ້ຳ ສຳລັບສວມໃສ່ຢ່າງຫຼາກຫຼາຍ ທັງແວ່ນຕາ ແລະ ໂມງ ຫຼື  Smartwatch ເປັນຕົ້ນ ສະນັ້ນ ເພື່ອຄວາມແປກໃໝ່ເຮົາຈື່ງໄດ້ເຫັນທີມນັກພັດທະນາມີແນວຄິດສ້າງຣິຊແບນແນວໃໝ່ທີ່ມີຊື່ວ່າ “Ritot”

f114

“Ritot” ເປັນຣິຊແບນແນວໃໝ່ທີ່ບໍ່ໃຊ້ການສະແດງຜົນຜ່ານໜ້າຈໍ ແຕ່ຈະໂຊຄວາມເໜືອຊັ້ນດ້ວຍການສະແດງເວລາ ການແຈ້ງເຕືອນຕ່າງໆດ້ວຍການສາຍພາບເທິງຫຼັງມື ຄ້າຍຄືກັບການສາຍພາບໂປເຈັກເຕີຣ໌ ນັບວ່າເປັນຈຸດເດັ່ນຫຼັກໆຂອງ  Ritot ເຊິ່ງທີມນັກພັດທະນາຢືນຢັນວ່າແສງທີາສາຍເທິງຫຼັງມືມີຄວາມປອດໄພຕໍ່ຜິວໜັງຂອງຜູ້ໃຊ້ແນ່ນອນ ສາມາດໃຊ້ງານໄດ້ທັງກາງເວັນ ແລະ ກາງຄືນ ນອກຈາກຈຸດເດັ່ນດັ່ງກ່າວແລ້ວ  Ritot ຍັງບໍ່ຖີ້ມການເຊື່ອມຕໍ່ກັບສະມາສ໌ໂຟນເພື່ອແຈ້ງເຕືອນສາຍທີ່ໂທເຂົ້າ, ຂໍ້ຄວາມ, ແຈ້ງເຕືອນການປະຊຸມ, ອີເມລ, ຂໍ້ຄວາມແຈ້ງເຕືອນຈາກ  Facebook, Twitter, ລາຍງານສະພາບອາກາດ, ການແຈ້ງເຕືອນການຕັ້ງແວລາປຸກ ລວມໄປເຖິງການແຈ້ງເຕືອນຂອງແອພພລິເຄຊັ່ນຕ່າງໆ ໂດຍການແຈ້ງເຕືອນຕ່າງໆຈະສະແດງຜົນເປັນເວລາ  10 ວິນາທີ

f115

ຂະນະທີການອອກແບບ  Ritot ໃຊ້ວັດສະດຸພຣີມຽມຈາກອາລູມິນຽມ ແລະ ເຄື່ອງໜັງ ຮອງຮັບການໃຊ້ງານທັງກິດຈະກຳທົ່ວໄປ ການຫຼີ້ນກິລາ ແລະ ກັນນ້ຳໄດ້ອີກດ້ວຍ ພ້ອມກັນນີ້ແບັດເຕີຣ໌ລີຍັງຢູ່ໄດ້ດົນນານເຖິງ  150 ຊົ່ວໂມງ ແລະ ສາມາດຢູ່ໃນໂໝດສະແຕນບາຍໄດ້ປະມານ  1 ເດືອນ ນອກຈາກນີ້ ຍັງຮອງຮັບການຊາຣ໌ຈໄຮ້ສາຍນຳ ແທ່ງຊາຣ໌ຈທີ່ເຮັດຂື້ນມາສະເພາະອີກ

f116

ສຳລັບຄຸນສົມບັດອື່ນໆ ຂອງ  Ritot ຍັງສາມາດປ່ຽນສີທີ່ສາຍອອກມາໄດ້ຫຼາຍກວ່າ  20 ສີ ສາມາດເອີ້ນການສະແດງຜົນໄດ້ສອງວິທີໄດ້ແກ່ ການສຳຜັດກັບປຸ່ມເທິງໂຕຣິຊແບນ ແລະ ສາມາດສັ່ນຂໍ້ມືຂອງຜູ້ໃຊ້ ມີຂະໜາດໃຫ້ເລືອກເພື່ອເໝາະສົມສຳລັບຂໍ້ມືທຸກເພດທຸກໄວ

f117

ໂດຍເວລານີ້  Ritot ໄດ້ມີການລະດົມທຶນຜ່ານເວັບໄຊ  www.indiegogo.com ມີເປົ້າໝາຍຢູ່ປະມານ  50,000 ດອລລ່າສະຫະລັດ ແຕ່ໃນຂະນະນີ້ມີຍອດລະດົມທຶນແລ້ວເກືອບ 200,000 ດອລລ່າສະຫະລັດ ໃຜທີ່ສົນໃຈຣິຊແບນແນວໃໝ່ນີ້ ສາມາດເຂົ້າໄປຮ່ວມສົມທົບທຶນໄດ້

f118

ຂໍ້ມູນຈາກ: arip

Make a Comment

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Liked it here?
Why not try sites on the blogroll...

%d bloggers like this: