ນັກພັດທະນາແອພເຊັງ ເມື່ອຜູ້ໃຊ້ງານປະມານ  66% ໃນອາເມລິກາບໍ່ໂຫຼດແອພໃໝ່ໄປໃຊ້ງານ

Posted on September 13, 2014. Filed under: ຄວາມຮູ້ເລື່ອງ IT, ສະມາດ ໂຟນ, ອິນເຕີເນ໋ດ |


f188

ນັກພັດທະນາແອພເຊັງ ເມື່ອຜົນການສຳຫຼວດຂໍ້ມູນອອກມາວ່າ ຜູ້ໃຊ້  smartphone ໃນສະຫະລັດປະມານ  66 % ບໍ່ຄ່ອຍດາວໂຫຼດແອພມາໃຊ້ເລີຍ

f189

ກ່ອນໜ້ານີ້  ComScore ໄດ້ເກັບຂໍ້ມູນ  25 ອັນດັບ  Mobile Application ຍອດນິຍົມຂອງຄົນໃນສະຫະລັດ  ນອກຈາກນີ້  ComScore ຍັງມີລາຍງານໂຕອື່ນໆອີກທີ່ກ່ຽວຂ້ອງກັບ  Mobile Application

ຈາກການເກັບຂໍ້ມູນອີກຂອງ  ComScore ເຫັນວ່າຜູ້ໃຊ້  smartphone ໃນສະຫະລັດຈຳນວນ  65.5 % ທີ່ບໍ່ສົນໃຈຈະດາວໂຫຼດແອພຫຍັງລົງໂທລະສັບເລີຍໃນເດືອນໆໜື່ງ  (ບໍ່ວ່າຈະເປັນ  iOS ຫຼື  Android) ແລະ ຈະມີກຸ່ມຄົນອີກ  23.5% ທີ່ດາວໂຫຼດແອພ  1 – 3 ແອພໃຊ້ງານຕໍ່ເດືອນ ສ່ວນທີ່ເຫຼືອ 11 % ຄືພວກທີ່ດາວໂຫຼດແອພໃຊ້ງານຫຼາຍກວ່າ  3 ແອພຂື້ນໄປ

f190

ຖ້າຫາກເວົ້າເຖິງເລື້ອງ  Mobile Application ຈະເຫັນວ່າຕອນນີ້ແອພນັ້ນເກີດຂື້ນມາຢ່າງຫຼວງຫຼາຍຄືກັບດອກເຫັດ ແລະ ດຽວນີ້ແນວໂນ້ມການໃຊ້  smartphone ກໍ່ເພີ່ມຂື້ນແຊງໜ້າການໃຊ້ຄອມພິວເຕີຕັ້ງໂຕະແລ້ວ ໂດຍເບີ່ງຈາກຂໍ້ມູນຂ້າງຕົ້ນ ຈະເຫັນວ່າໃນສະຫະລັດ ການໃຊ້ງານ  mobile ນັ້ນມີຫຼາຍເຖິງ  60% ສ່ວນການໃຊ້ງານ  desktop computer ນັ້ນມີພຽງແຕ່  40% ເທົ່ານັ້ນ ເຊິ່ງຜົນມັນຕ່າງຈາກຂໍ້ມູນປີທີ່ຜ່ານມາຢ່າງສີ້ນເຊິງ ເພາະປີທີ່ຜ່ານມາໃນສະຫະລັດ ມີການໃຊ້ງານ  desktop computer ເຖິງ  53% ແຕ່ມີການໃຊ້ງານ  smartphone ພຽງແຕ່  47%

f191ແນ່ນອນວ່າ ແອພປະເພດ  Social Network ນັ້ນ ໄດ້ຮັບຄວາມນິນຍົມສູງສຸດ  (ຫຼາຍເຖິງ  25%) ຮອງລົງມາກໍ່ຈະເປັນພວກເກມ ແລະ ພວກວິທະຍຸ ເຊິ່ງໄດ້ຮັບຄວາມນິຍົມຫຼາຍກວ່າພວກແອພ Instant Messenger ແລະ ແອພແຕ່ງຮູບ

f192ແລ້ວຖ້າຫາກປຽບທຽບການໃຊ້ງານຂອງ  platform ທັງ  2 ເຈົ້າບໍ່ວ່າຈະເປັນ iOS ແລະ  Android ນັ້ນ ຈະພົບໂຕເລກທີ່ໜ້າສົນໃຈດັ່ງນີ້

  • ຖ້າຫາກເບີ່ງອຸປະກອນ  smartphone ຈະເຫັນວ່າຜູ້ໃຊ້ງານ smartphone ໃນສະຫະລັດຈະໃຊ້ງານ  Android phone (76.1 ລ້ານ) ຫຼາຍກວ່າ  iPhone (62.6 ລ້ານ)
  • ຜູ້ໃຊ້ງານ iPhone ຈະໃຊ້ເວລາຢູ່ກັບ smartphone ຫຼາຍກວ່າ  Android Phone 9 ຊົ່ວໂມງ ໂດຍຜູ້ໃຊ້ງານ  iPhone ຈະໃຊ້ງານສະເລ່ຍປະມານ 64 ຊົ່ວໂມງ ສ່ວນ Android phone ຈະໃຊ້ງານສະເລ່ຍປະມານ  55 ຊົ່ວໂມງ
  • ລາຍໄດ້ສະເລ່ຍຕໍ່ປີຂອງປູ້ໃຊ້ງານ iPhone ນັ້ນຫຼາຍກວ່າຜູ້ໃຊ້ງານ  Android Phone ເຖິງ  60%

f193ຂໍ້ມູນທີ່ທາງ  ComScore ໄດ້ເພີ່ມ ຄື ໃນບັນດາ  Android phone ທັງໝົດ  83.3 ລ້ານນັ້ນ  Samsung ເປັນໂທລະສັບ  Android ທີ່ໄດ້ຮັບຄວາມນິຍົມສູງສຸດ ໂດຍຜູ້ໃຊ້ງານຫຼາຍເຖິງ  54% ຮອງລົງມາຄື  LG , Motorola ແລະ  HTC [ສ່ວນ  iOS ນັ້ນແນ່ນອນວ່າມີແຕ່  iPhone ເທົ່ານັ້ນ ທີ່ຜູ້ໃຊ້ງານຫຼາຍເຖິງ  67.4 ລ້ານຄົນ]

ຂໍ້ມູນຈາກ: phonearena, beartai

ຮູບພາບຈາກ:  v-softinc

Advertisements

Make a Comment

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Liked it here?
Why not try sites on the blogroll...

%d bloggers like this: