ກວດດ່ວນ ຫຼັງຈາກທີ່ພົບຊື່ ແລະ ລະຫັດຂອງຜູ້ໃຊ້  Gmail ຫຼຸດເກືອບ 5 ລ້ານບັນຊີ

Posted on September 27, 2014. Filed under: ຄວາມຮູ້ເລື່ອງ IT, ອິນເຕີເນ໋ດ |


ຟ້າວປ່ຽນລະຫັດດ່ວນ ຫຼື ໄປກວດເບີ່ງວ່າ ລະຫັດຜູ້ໃຊ້  Gmail ຂອງເຮົາມີການຮົ່ວໄຫຼໄປ ຫຼື ບໍ່ ຫຼັງຈາກທີ່ພົບວ່າ ມີຊື່ບັນຊີເກືອບ 5 ລ້ານຊື່ ຫຼຸດອອກມາກາງເວັບໄຊແຫ່ງໜື່ງໃນປະເທດຣັດເຊຍ

f217

The Daily Dot (ເວັບໄຊລາຍງານຂ່າວທີ່ມີຊື່ສຽງໂດ່ງດັງຂອງສະຫະລັດ) ລາຍງານວ່າເກືອບ  5 ລ້ານລາຍຊື່ ແລະ ລະຫັດບັນຊີຜູ້ໃຊ້   Gmail ມີການຮົ່ວໄຫຼຈາກໃນກະທູ້ເວັບໄຊປະເພດ  Bitcoin (ສະກຸນເງິນດິຈິຕອລ) ຂອງຣັດເຊຍ  ຫຼັງຈາກ  Google ຮັບຮູ້ເລື້ອງກໍ່ຟ້າວກວດສອບທັນທີ ເຫັນວ່າຈຳນວນລາຍຊື່ຢ່າງຫຼວງຫຼາຍທີ່ອອກມານັ້ນເປັນຂໍ້ມູນທີ່ຄ່ອນຂ້າງເກົ່າ ຜ່ານມາຫຼາຍປີແລ້ວ ບາງບັນຊີກໍ່ຖືກປິດໄປແລ້ວ ແຕ່ເຖິງແນວໃດກໍ່ຕາມຄວນຟ້າວກວດຄືນ ຫຼື ປ່ຽນລະຫັດຜ່ານໃໝ່ ເພາະຈາກການກວດສອບເຫັນວ່າ ມີປະມານ  60% ຂອງບັນຊີທີ່ໃຊ້  Gmail ຍັງໃຊ້ງານໄດ້ ແລະ ອາດຈະສ່ຽງຕໍ່ການຖືກນຳໄປໃຊ້ໃນທາງທີ່ບໍ່ດີໄດ້

ສຳລັບວິທີກວດສອບວ່າຊື່-ລະຫັດບັນຊີຜູ້ໃຊ້ Gmail ຂອງເຮົາມີການຮົ່ວໄຫຼໄປຫຼືບໍ່ ສາມາດກວດສອບໄດ້ທີ່ເວັບ isleaked.com ວິທີສັງເກດກໍ່ງ່າຍໆ ຖ້າມັນຂື້ນວ່າ  No! ສະແດງວ່າຍັງປອດໄພ ແຕ່ຖ້າຂື້ນນອກເໜືອຈາກນີ້ໃຫ້ຟ້າວໄປປ່ຽນລະຫັດດ່ວນ

f218(ໜ້າຂອງເວັບ isleaked.com )

ວິທີປ້ອງກັນ ນອກຈາກການປ່ຽນລະຫັດຜ່ານແລ້ວ ຍັງມີວິທີສ້າງຄວາມໝັ້ນໃຈໄດ້ແນ່ນອນວ່າ “ຕໍ່ໃຫ້ຮູ້ລະຫັດກໍ່ເຮັດຫຍັງບໍ່ໄດ້” ນັ້ນຄື  2 Step Verification (ການຢືນຢັນສອງຂັ້ນຕອນ) ເປັນອີກໜື່ງວິທີຮັກສາຄວາມປອດໄພຈາກທາງ  google ສາມາດເບິ່ງວິທີໄດ້ ທີ່ນີ້ ຈະເປັນການຕັ້ງຄ່າໃຫ້ເຂົ້າສູ່ລະບົບ  Gmail ຂອງເຮົາຕ້ອງໃຊ້ລະຫັດສອງໂຕຄື ລະຫັດປົກກະຕິຂອງເຮົາ ກັບລະຫັດທີ່ສົ່ງມາທາງມືຖືຂອງເຮົາທີ່ໄດ້ລົງທະບຽນກັບ  Gmail ໄວ້ເຊັ່ນດຽວກັບລະບົບທຸລະກຳອອນໄລຂອງທະນາຄານ ທີ່ທາງທະນາຄານຈະສົ່ງລະຫັດຢືນຢັນ  OTP(One Time Password) ມາທຸກຄັ້ງທີ່ມີການເຮັດທຸລະກຳມາຫາເບີມືຖືທີ່ເຮົາລົງທະບຽນໄວ້

ດຽວນີ້ຄົນທີ່ໃຊ້ບັນຊີ  Gmail ສ່ວນໃຫຍ່ມັກນຳໄປໃຊ້ກັບບໍລິການສຳຄັນຫຼາຍຢ່າງເຊັ່ນ:  Google play , youtube ຫຼື ໃນບໍລິການສຳຄັນອື່ນໆ ເຊິ່ງຖ້າຊື່ ແລະ ລະຫັດຂອງເຮົາມັນຫຼຸດອອກໄປ ອາດຈະເຮັດໃຫ້ມີພວກບໍ່ດີນຳໄປໃຊ້ໃຫ້ເກີດຄວາມເສຍຫາຍໄດ້ ດັ່ງນັ້ນ ຈື່ງຟ້າວປ້ອງກັນໄວ້ດີກວ່າ ທັງການປ່ຽນລະຫັດ ຫຼື ໃຫ້ແນ່ໃຈໄປເລີຍຄືໃຊ້ວິທີ “ການຢືນຢັນສອງຂັ້ນຕອນ” ເຊິ່ງຈະເຮັດໃຫ້ຄົນທີ່ຮູ້ລະຫັດເຮົາ ບໍ່ສາມາດເຂົ້າລະບົບ  Gmail ຂອງເຮົາໄດ້ ເພາະບໍ່ຜ່ານການເຂົ້າລະຫັດໂຕທີ່ສອງນັ້ນເອງ

ຂໍ້ມູນຈາກ:  techspot.com, arip

Advertisements

Make a Comment

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Liked it here?
Why not try sites on the blogroll...

%d bloggers like this: