ສາລະໜ້າຮູ້

5 ນິໃສທີ່ຈະພັດທະນາຕົວເຮົາໃຫ້ເກັ່ງຫຼາຍຂຶ້ນ

Posted on December 19, 2016. Filed under: ສາລະໜ້າຮູ້ | Tags: |


ການພັດທະນາຕົວເອງຖືເປັນສິ່ງທີ່ດີ ແລະ ເຮົາຄວນມີການພັດທະນາຢູ່ສະເໝີ ຖ້າເຮົາມີການພັດທະນາຫຼາຍຂຶ້ນເທົ່າໃດ ເຮົາກໍ່ຈະມີໂອກາດພົບກັບຄວາມສຳເລັດຫຼາຍຂຶ້ນເທົ່ານັ້ນ ວັນນີ້ເຮົາເລີຍມີ 5 ນິໃສທີ່ຈະຊ່ວຍເຮົາໃນການພັດທະນາໃຫ້ເກັ່ງຂຶ້ນ

1. ອ່ານໜັງສືວັນລະໜຶ່ງບົດ ແລະ ຕິດຕາມຂ່າວສານຢູ່ສະເໝີ

2. ຕັ້ງຂໍ້ສົງໃສ ຫຼື ຄວາມເຫັນຕ່າງ ນຳສະເໜີຄວາມຄິດໃໝ່ໆ ໃນທຸກວັນ

3. ຫາເລື່ອງທີ່ສົນໃຈ ສຶກສາຢ່າງຈິງຈັງ ຈົດບັນທຶກ ແລະ ແບ່ງປັນໃຫ້ຜູ້ອື່ນ

4. ກ້າວຂ້າມຄວາມຢ້ານກົວ

5. ເລືອກຢູ່ໃນສັງຄົມທີ່ດີ

ພຽງປະຕິບັດ 5 ຂໍ້ທີ່ກ່າວມາຂ້າງເທິງນີ້ເປັນປະຈຳທຸກວັນຮັບຮອງເລີຍວ່າຊີວິດຈະສົດໃສ ແລະ ປະສົບຜົນສຳເລັດໄດ້ແນ່ນອນ

thank you for   money.kapook.com/view153670.html

Read Full Post | Make a Comment ( None so far )

6 ວິທີຊ່ວຍໃຫ້ສະໝອງສະຫຼາດຂຶ້ນ

Posted on December 18, 2016. Filed under: ສາລະໜ້າຮູ້ | Tags: |


ທຸກຄົນຢາກມີສະໝອງທີ່ສະຫຼາດ ບາງຄົນກໍ່ມີມາແຕ່ກຳເນີດເຊິ່ງມັນຖືວ່າເປັນໂຊກດີຫຼາຍ ແຕ່ສຳລັບຄົນທີ່ບໍ່ໄດ້ຖືມັນມາແຕ່ເກີດກໍ່ຕ້ອງຫາຕົວຊ່ວຍກັນແນ່ ເຊິ່ງວັນນີ້ເຮົາມີ 6 ວິທີຊ່ວຍເຮັດໃຫ້ສະໝອງສະຫຼາດຂຶ້ນ ແບບງ່າຍເຊິ້ງຈະມີແນວໃດນັ້ນເຮົາໄປອ່ານກັນເລີຍ:

1.ອອກກຳລັງກາຍ

ເພື່ອການພັດທະນາສະໝອງ ເຮົາກໍ່ຕ້ອງມີການກະຕຸ້ນການເຕັ້ນຂອງຫົວໃຈ ເຊິ່ງວິທີທີ່ເຮັດໄດ້ແມ່ນການອອກກຳລັງກາຍຢ່າງສະໝ່ຳສະເໝີມັນຈະສາມາດຫລຸດຜ່ອນການສູນເສຍເນື້ອເຍື້ອໃນສະຫມອງໄດ້

2.ການໃຫ້ອາການສະໝອງ

ການກິນອາຫານທີ່ມີໂມເລກຸນທີ່ສາມາດຕ້ານອະນຸມູນອິດສະຫຼະໄດ້ ຈະຊ່ວຍໃຫ້ສານອະນຸມູນອິດສະຫຼະເປັນກາງ ແລະ ບໍ່ເປັນອັນຕະລາຍ ຜັກ, ໝາກໄມ້ທີ່ມີສີສັນຕ່າງໆເຊັ່ນ: ຖົ່ວຕ່າງໆ ທັນຍະພືດ ແລະ ເຄື່ອງເທດ ຈຳພວກນີ້ຈະເປັນສານບຳລຸງສະໝອງໄດ້ເປັນຢ່າງດີ

3.ເລັ່ງຄວາມໄວ

ໂດຍທົ່ວໄປແລ້ວສະໝອງຈະທຳງານຊ້າລົງເມື່ອອາຍຸເລີ່ມເຂົ້າເລກ 3 ແຕ່ຄົນເຮົາບໍ່ວ່າອາຍຸເທົ່າໃດກໍ່ສາມາດຝຶກສະໝອງໃຫ້ທຳງານໄວຂຶ້ນໄດ້ ໂດຍຜ່ານການຟັງ ແລະ ການເວົ້າ

4.ສະຫງົບ

ການລັບຂອງສະໝອງເປັນເລື່ອງທີ່ສຳຄັນ ແຕ່ການສະຫງົບເປັນການຄາຍຄຽດໃນລະດັບສູງ ຄວາມຄຽດໃນສະໝອງມີຜົນຮ້າຍຕໍ່ເຊລສະໝອງຫຼາຍ ດັ່ງນັ້ນທ່ານຈົ່ງລະຖິ້ມຄວາມຄຽດທັງໝົດໂດຍການນັ່ງສະມາທິ

5.ພັກຜ່ອນສະໝອງ

ພະລັງສະໝອງຈາກຄວາມສະຫງົບຄືຄວາມຄິດສ້າງສັນຈາກການນອນ ການທີ່ເຮົານອນພັກຜ່ອນເຕັມທີ່ມັນຈະຊ່ວຍໃຫ້ສຸຂະພາບສະໝອງດີຂຶ້ນ

6.ການຫົວ, ອາລົມດີ

ການຫົວແມ່ນຈະຊ່ວຍກະຕຸ້ນສ່ວນຕ່າງໆຂອງສະໝອງ ເຊິ່ງສາມາດໃຊ້ໂດປາມິນເປັນສານນຳສົ່ງຄວາມຮູ້ສຶກໃຫ້ເກີດຂຶ້ນໄດ້

ທ່ານໃດທີ່ຕ້ອງການຝຶກສະໝອງກໍ່ສາມາດນຳເອົາ 6 ວິທີຂ້າງເທິງນີ້ໄປລອງໃຊ້ເບິ່ງໄດ້ ນອກຈະສະໝອງຈະດີແລ້ວສຸຂະພາບຂອງທ່ານກໍ່ຈະດີອີກດ້ວຍ.

thakl you Facebook Comments

Read Full Post | Make a Comment ( None so far )

​ງ່າຍໆ ສັ່ງ​ຊື້ສິນ​ຄ້າ​ຈາກ​ປະ​ເທດ​ຈີນ ​ມາ​ຂາຍ​ໃນ​ລາວ

Posted on January 4, 2016. Filed under: ທຸ​ລະ​ກິດ, ສາລະໜ້າຮູ້, ເສດຖະກິດ | Tags: , , , , |


ຜ່ານ​ມາຫຼາຍ​ຄົນ​ ກັງ​ວົນ ທີ່​ຈະ​ສັ່ງ​ຊື້​ເຄື່ອງ​ຈາກ​ຕ່າງ​ປະ​ເທດ

ຍ້ອນ ​ຄວາມ​ຍ້ານ ແລະ ຍອມ​ຮັບ​ຊື້​ຈາກ​ພໍ່ຄ້າ​ຄົນ​ກາງ ​ໃນ​ລາ​ຄາ​ທີ່​ສູງ, ສິນ​ຄ້າ​ມີ​ຈຳ​ກັດ – ແຕ່​ນີ້​ໄປ ທ່ານ​ຈະ​ສາ​ມາດ​ ຊື້​ເຄື່ອງ​ໂດຍ​ຕົງ​ຈາກ ໂຮງ​ງານ ໃນ​ລາ​ຄາ​ທີ່​ ທ່ານ​ພໍ​ໃຈ ​ແລະ ມີສິນ​ຄ້າ​ຈຳ​ນວນຫຼາຍ ຢ່າງ​ມະ​ຫາ​ສານ.

ກ່ອນ​ຈະ​ເຂົ້າ​ຊື້​ໃນ​ເວບ​ຊື່​ດັງ ແລະ ເປັນ​ທີ່ ຮູ້ຈັກກັນດີຂອງຄົນທົ່ວ​ໂລກ​ນັ້ນກໍ່​ຄື ເວບ​ໄຊ້ Alibaba ແລະ ເຄືອ​ຄ່າຍ​ຂອງ​ເຂົາ, ເຮົາ​ມາ​ຮູ້​ກ່ອນ​ວ່າ ເວບ​ເລົ່າ​ນັ້ນ​ເໝາະ​ກັບ​ສິນຄ້າ ແລະ ການບໍລິການປະ​ເພດ​ໃດກ່ອນ​ທີ່​ເຮົາ​ຈະ​ລົງ​ມື​ສັ່ງ​ຊື້:

1. www.alibaba.com – ສິນ​ຄ້າ​​ທົ່ວ​ໄປ ບໍ​ລິ​ການ​ແບບ​ຂາຍ​ຍົກ

2. www.taobao.com – ​ສິນ​ຄ້າ​ທົ່ວ​ໄປ ບໍ​ລິ​ການ​ແບບ​ຂາຍ​ຍ່ອຍ

3. www.tmall.com – ສິນ​ຄ້າ​ທົ່ວ​ໄປ ແຕ່​ເປັນ​ເຄື່ອງ​ແບນ​ເນມ

ນ້ອກ ​ນີ້​ຍັງ​ມີ ອີກ​ເວບ​ທີ່ ສາ​ມາດ​ຊື້​ສິນ​ຄ້າ​ທີ່​ມີ​ລາ​ຄາ​ຖືກ​ກ່​ວາ​ເວບ​ທີ່​ກ່າວ​ມາ​ຂ້າງ​ເທິງ 20% ໂດຍປະມານ ເຊິ່ງ​ເປັນ​ເວບ​ທີ່​ຮູ້​ຈັກ​ກັນ​ດີ ຂອງ​ຄົນ​ຊາວ​ຈີນ ຫຼື​ອາດ​ເວົ້າ​ໄດ້​ວ່າ​ Alibaba ສ້າງ​ຂຶ້ນ​ເພື່ອ ການ​ບໍ​ລິ​ໂພກ​ຂອງ​ຄົນ​ພາຍ​ໃນ​ໂດຍ​ສະ​ເພາະ ແຕ່ ເວບນີ້ບໍ່​ໄດ້​ສະ​ຫງວນ​ລິ​ຂະ​ສິດ ສະ​ນັ້ນ​ໃຜ​ໆ ກໍ່​ສາ​ມາດ​ເຂົ້າສັ່ງ​ຊື້​ ແລະ ບໍລິການ ຈາກ​ເວບ​ນີ້​ໄດ້……ເວບ​ນັ້ນ​ກໍ່​ຄື:

4. www.1688.comສິນ​ຄ້າ​ທົ່ວ​ໄປ ບໍ​ລິ​ການ​ແບບ​ຂາຍ​ຍ່ອຍ

“ເມື່ອ ​ເຂົ້າ​ເວບ​ໄປ​ແລ້ວ​ເຫັນ ເປັນ​ພາ​ສາ​ຈີນກໍ່ບໍ່​ຕ້ອງ​ຕົກ​ໃຈ ເຮົາ​ສາ​ມາດ search ເປັ​ນ​ພາ​ສາ English ຫຼື ໃຊ້ Google Translate ເຂົ້າ​ມາ​ຊ່ວຍ​ໄດ້”

ການ​ສັ່ງ​ຊື້​ ແລະ​ ຄ່າໃ​ຊ້​ຈ່າຍ​ມີ​ດັ່ງ​ນີ້

ເດ​ເ

1. ເ​​ລືອກ​ສິນ​ຄ້າ

4

5

6ອັດຕາແລກປ່ຽນ 1 Yean = 1,300 Kip (ເວລາຊື້ຕ້ອງອີງຕາມອັດຕາແລກປ່ຽນຕົວຈິງ)

2. ຄ່າ​ຂົນ​ສົ່ງລະຫວ່າງປະເທດ

– ຫຼັງ​ຈາກ​ໄດ້​ລິ້ງ ສິ້ນ​ຄ້າ ພວກ​ເຮົາ​ຈະ​ຕິດ​ຕໍ່​ທາງ​ໂຮງ​ງານ ຫຼື​ ຮ້ານ ຂາຍ​ສິນ​ຄ້າ​ດັ່ງ​ກ່າວ ເພື່ອ​ຂໍ​ລາ​ຄາ​ຄ່າ​ຂົນ​ສົ່ງ​ພາຍ​ໃນ​ຈີນ ຄື ສົ່ງ​ຫາ​ສາງ​ຂອງ​ບໍ​ລິສັດ​ຂົ​ນ​ສົ່ງ​ພວກ​ເຮົາໃນ​ປະ​ເທດ​ຈີນ.

– ຄ່າ​ຂົນ​ສົ່ງ​ຈາກ ປະ​ເທດ ຈີນ ຫາ ວຽງ​ຈັນ ແມ່ນ ຂິ​ດ​ໄລ່ ກິ​ໂລ​ລະ 25,000-30,000kip ຂຶ້ນ​ກັບ​ຈຳ​ນວນ ແລະ ປະ​ເພດ​ຂອງ​ສິນ​ຄ້າ

3. ຄ່າພາສີ ແລະ ບໍລິການ

– ຄ່າພາສີ ແລະ ບໍລິການແມ່ນອີງຕາມມູນຄ່າຂອງເຄື່ອງດັ່ງນີ້:

1. 1 ລ້ານລົງມາ ແມ່ນ 12% ຂອງມູນຄ່າສິນຄ້າ

2. 1 – 10 ລ້ານ ແມ່ນ 10% ຂອງມູນຄ່າສິນຄ້າ

3. 10 ລ້ານຂຶ້ນເມືອ ແມ່ນ 8% ຂອງມູນຄ່າສິນຄ້າ

– ຈ​າກ​ນັ້ນ​ພວກ​ເຮົາ​ຈະ​ແຈ້ງ ລາ​ຄາ​ທັງ​ໝົດ (ລາຄາສິນຄ້າ+ຄ່າຂົນສົ່ງພາຍໃນຈີນ+ຄ່າຂົນສົ່ງລະຫວ່າປະເທດ+ຄ່າພາສີ ແລະ ບໍລິການ) ທີ່​ທ່ານຕ້ອງ​ຈ່າຍ, ເມື່ອ​ຊຳ​ລະ ຄ່າ​ສິນ​ຄ້າ​ທັງ​ໝົດ ແລ້ວ ແມ່ນ ລໍ​ຖ້າ​ປະ​ມານ 10- 20 ວັນ​ສິນ​ຄ້າ​ຈຶ່ງ​ຈະ​ມາ​ຮອດ

4. ຄ່າຂົນສົ່ງພາຍໃນ ແລະ ຕ່າງແຂວງ

– ພາຍ​ໃນ​ກຳ​ແພງ​ແມ່ນ​ແນະນຳໃຫ້​ເຂົ້າ​ມາ​ເອົາ​ເອງ ທີ່​ສາງ​ຂ​ອງບໍ​ລິ​ສັດ​

– ລູກ​ຄ້າ​ຕ່າງ ແຂວງ ແມ່ນ ຈ່າຍ​ຄ່າ​ຂົນ​ສົ່ງ​ປາຍ​ທາງ

– ຄ່າ​ບໍ​ລິ​ການ​ຄ່າ​ຂົນ​ສົ່ງ​ພາ​ຍ​ໃນ​ກຳ​ແພງ ຂິດໄລ່ອີງຕາມນໍ້າໜັກດັ່ງນີ້:

1 – 50 kg = 30,000kip

50 kg ຂຶ້ນເມືອ = 2000kip/kg

ອ່ານ​ເຜີ້ມ​ຕື່ມ​ ສຳ​ລັບ​ມາດ​ຕະ​ການ ການ​ຈັດ​ຊື້ ແລະ ຂົນ​ສົ່ງ

ຕົວຢ່າງ

ການຂິດໄລ່ລາຄາສິນຄ້າທີ່ທ່ານເລືອກຂ້າງເທິງ

1. ລາຄາລົດ = 305Yuan x 1300kip = 396,500 kip

2. ຄ່າຂົນສົ່ງພາຍໃນຈີນ ປະມານ 150Yuan x 1300kip = 195,000 kip

3. ຄ່າຂົນສົ່ງລະຫວ່າງປະເທດ ຖ້າລົດຖີບໜັກປະມານ 12kg = 12 x 30,000kip = 360,000kip

4. ຄ່າພາສີ ແລະ ບໍລິການ 10% = 396,5oo x 0.1 = 39,650 kip

ລວມລາຄາຄ່າສິນຄ້າ ທັງໝົດ = 991,150 kip

 ແຕຂາຍຕາມຮ້ານທົ່ວໄປທ່ານວ່າທໍ່ໃດ….. ຄັນໜຶ່ງຕໍ່າສຸດ ບໍ່ຫຼຸດ 1,500,000kip ກາ​ລັງ​ຕີ​ໄດ້​ເລີຍ

ທ່ານ​ທີ່​ຕ້ອງ​ການ​ສັ່​ງ​ຊື້​ສິນ​ຄ້າ ກະ​ລູນ​ນາ ກອບ​ປີ່​ລິ້ງ​ຂອງ​ສິນ​ຄ້າ​ດັ່ງ​ກ່າວສົ່ງ​ໃຫ້​ພວກ​ເຮົາ​ໄດ

Tel/Whatapp/line: 02022137888

[contact_bank form_id=1 show_title=true show_desc=true]

ບັນ​ຊີ​ບໍ​ລິ​ສັດ​

Bank Account

Read Full Post | Make a Comment ( None so far )

ໜ້າຕານາລິກາຫຼູ Apple Watch Edition ຫຼຸ້ນແພງທີ່ສຸດລາຄາເກືອບລ້ານບາດ

Posted on March 11, 2015. Filed under: ຄວາມຮູ້ເລື່ອງ IT, ທຸ​ລະ​ກິດ, ສະມາດ ໂຟນ, ສາລະໜ້າຮູ້, ອິນເຕີເນ໋ດ, ເສດຖະກິດ, Lao News | Tags: , , , , , , , , , , , , |


most-expensive-of-apple-watch-editionທຸກທ່ານຄົງຮູ້ກັນແລກ່ຽວກັບລາເລີ່ມຕົ້ນຂອງ Apple Watch Edition ເຊິ່ງເປັນກຸ່ມນາລິກາທີ່ເນັ້ນແພງຫຼູຫຼາລາຄາເລີ່ມຕົ້ນ $10,000  ສະຫະລັດ( ຫຼືປະມານ 3.3 ແສນບາດເຂົ້າໄປແລ້ວ ) ຄາວນີ້ຫຼາຍທ່ານຄົງຢາກຈະຮູ້ວ່າໜ້າຕາວ່າ Apple Watch Edition ໜ້າຕາແພງທີ່ສຸດຈະງາມຊຳໃດ ລາຄາເທົ່າໃດກັນແທ້

most-expensive-of-apple-watch-edition-p1

ຈາກທີສຳຫຼວດຜ່ານທາງເວບ Apple Online Store ສະຫະລັດອາເມລິກາ 2 ເຮືອນນີ້ທີ່ໄດ້ວ່າແພງທີ່ສຸດໃນນາລິກາ Apple Watch ທັງໝົດທີ່ຂາຍທາງເວບ Apple Online Store ລາຄາເທົ່າກັນຍູ່ທີ່ $17,000 ຫຼືປະມານ  5.6 ແສນບາດໂດຍລຸ້ນຊ້າຍມື ເປັນຕົວເຄື່ອງທອງສີກຸຫຼາບ  18 ກະລັດ ແລະ ສາຍນາລິກາສີແດງສະຫວ່າງທັງຄູ່ມີປະກັນຈາກ Apple ດົນ  2  ປີເລີ່ມຂາຍ 24 เมษເມສາ 2016

most-expensive-of-apple-watch-edition-p2

ແຕ່ນັ້ນບໍ່ໄດ້ໝາຍຄວາມວ່າ 2 ລຸ້ນບົນ Apple Online Store ນັ້ນແພງທີ່ສຸດແລ້ວມີແພງກວ່ານັ້ນເມື່ອ  Mervis  ບໍລິສັດເຮັດເຄື່ອງປະດັບໄດ້ເປີດຕົວ Apple Watch Edition ລຸ້ນພິເສດໃຊສາຍນາລິກາເຮັດດ້ວຍເພັດທີ່ມີນໍ້າໜັກລວມກັນ 15.14 ກະລັດໂດຍແຕ່ລະສາຍນັ້ນຈະມີເພັດວາງຈຳນວນ 8 ແຖວ ເປັນເພັດທີ່ມີຄຸນນະພາບສູງຫຼາຍຕົວສາຍເຮັດຈາກທອງສີກຸຫຼາບລາຄາຂາຍຢູ່ທີ່ $30,150 ຫຼືປະມານ 991,000 ບາດໄທ ເລີ່ມຂາຍລຸ້ນນີ້ເດືອນມິຖຸນາ  2016

ນີ້ຄື  Apple Watch Edition ລຸ້ນລາຄາແພງມະຫາໂຫດທີ່ກຸ່ມເສດຖະກິດທີ່ສົນໃຈ Apple Watch ຫຼຸ້ນຫຼູແບບນີ້ ຕຽມລໍສັ່ງຊື້ທາງອອນໄລໄດ້ເລີຍ

Read Full Post | Make a Comment ( None so far )

Intel ເປີດຕົວ Antivirus ສຳຫຼັບນາລິກາອັດສະລິຍະ ( Smartwatch )

Posted on March 9, 2015. Filed under: ທຸ​ລະ​ກິດ, ສະມາດ ໂຟນ, ສາລະໜ້າຮູ້, ອິນເຕີເນ໋ດ, ເສດຖະກິດ | Tags: , , , , , , , , , , , , |


intel-mcafee-mobile-security

The Verge ເວບຂ່າວໄອທີຈາກລາຍງານວ່າ  Intel ແບນຜູ້ພະລິດຊີບຊີພີຢູ່ໃນຄອມສະມາດໂຟນ ແລະ ແທັບເລັດຮ່ວມທັງຊອບແວ່ດ່ານຮັກສາຄວາມປອດໄພຢ່າງ Intel Security (ຫຼືທ່ານຮູ້ຈັກໃນຊື່ເກົ່າ McAfee ) ຫຼ້າສຸດ Intel ໄດ້ເປີດຕົວ McAfee Mobile Securityສຳລັບນາລິກາອັດສະລິຍະ  (Smartwatch)ແລ້ວ ທັງນີ້ຈະແອບ ຕິດກັບນາລິກາ  LG Watch Urbane LTE ເປັນລຸ້ນແລກ 

ການທີ່ Intel ໄດ້ເປີດຕົວ McAfee Mobile Security  ສຳລັບນາລິກາ Smartwatch ນີ້ Briian Krznich ຊື່ອິໂອຂອງ  Intel ກ່າວວ່າເຖິງວ່ານາລິກາ  smartwatch  ກໍ່ເບີ່ງອາດຄືເຄື່ອງປະດັບທີ່ອຳນວຍຄວາມສະດວກໃນການບັນທືກຂໍ້ມູນຕ່າງໆໂດຍສະເພາະການອອກກຳລັງກາຍ ເຊັ່ນວັດການເຕັ້ນຂອງຫົວໃຈ ນັບການກ້າວເດີນ ແຕ່ກຸ່ມແອກເກີກໍ່ມັກຈະສົນໃຈ  ຂໍ້ມູນສ່ວນບຸກຄົນຜ່ານທາງນາລິກາ Smartwatch ແລະກຸ່ມ Wearable  ເຊັ່ນກັນ ເພື່ອຫວັງຂໍ້ມູນບາງຢ່າງ ຍີ່ງອຸປະກອນທີ່ສາມາດເຊື່ອມຕໍ່ອິນເຕີເນັດໄດ້ຕ້ອງໃຫ້ຄວາມສຳຄັນໃນເລື້ອງຄວາມປອດໄພຫຼາຍຂື້ນ ປົກປ້ອງຈາກນີ້ສາມາດລົດຕົວ Antivirusໃນນາລິກາອັດສະລິຍະ ນີ້ ສາມາດກວດ ແລະ ກຳຈັດມັດແວໃນນາລິກາໄດ້ໃນຕົວ

 ແລະ ການເປີດຕົວໃນຄັ້ງນີ້ McAfee Mobile Security  ໜ້າຈະເປັນແບນແລກໆທີ່ມີຢູ່ Antivirus ສຳຫຼັບ Smartwatch ແລະອາດຈະມີແນວໂນມຈະຜະລິດ Antivirus สำหรับ Wearableຕົວອື່ນໆ 

 

Read Full Post | Make a Comment ( None so far )

ຮີດ12ຄອງ14

Posted on January 11, 2015. Filed under: ສາລະໜ້າຮູ້ | Tags: , |


Picture

ຄຳ​ວ່າ​ຮີດ 12 ຄອງ 14 ທີ່​ພວກ​ເຮົາ​ໄດ້​ຍິນ​ຜູ້​ເຖົ້າ​ເພິ່ນ​ມັກ​ເວົ້າ ​ແຕ່​ຫລາຍ​ຄົນ​ອາດ​ຈະ​ຍັງ​ບໍ່​ທັນ​ຮູ້​ຄວາມ​ໝາຍ​ທີ່​ແທ້​ຈິງ​ຂອງ​ມັນ.​ ເຊິ່ງ ຄວາມໝາຍຂອງ​ຮີດ 12 ຄອງ 14 ມີ​ຢູ່​ວ່າ: ຮີດ​ ແປ​ວ່າ: ​ແບບຢ່າງ ​ຫລື​ ປະ​ເພນີ​ທີ່​ເຄີຍ​ປະພຶດສືບ​ທອດ​ກັນ​ມາ​ແຕ່​ບູຮານ​ນະ​ການ​ ຈົນ​ເຖິງ​ປັດຈຸບັນ ​ທັງ​ພາສາ​ເວົ້າ ​ແລະ ​ພາສາ​ຂຽນ ​ເພິ່ນ​ນິຍົມ​ເວົ້າ​ ແລະ​ຂຽນ​ຄຳ​ວ່າ: ຮີດຄອງ​ປະ​ເພນີ (ຈາຮີດ​ນິຍົມ) ລວມ​ເຂົ້າກັນ​ເປັນ​ຄຳ​ດຽວ​ຄຳ​ວ່າ ຂະ​ນົບ​ທຳນຽມ ​ແປ​ເອົາ​ໃຈຄວາມ​ແລ້ວ​ກໍ​ແມ່ນ​ປະ​ເພນີ​ທີ່​ເຄີຍ​ປະຕິບັດ​ສືບ​ທອດ​ກັນ​ມານັ້ນ ​ເອງ. ຮີດ ມາ​ຈາກ​ຄຳ​ບາ​ລີ​ທີ່​ວ່າ: ຈາ​ປິດ​ຕະ ​ເປັນ​ໄດ້​ທັງ​ຄຳ​ນາມ ​ແລະ ຄຳ​ກະລິຍາ ຮີດ12 ໝາຍ​ເຖິງ​ປະ​ເພນີ​ພິທີກຳ (ຫລື​ ການ​ເຮັດບຸນ​ປະຈຳ​ເດືອນ) ຂອງ​ປະຊາຊົນ​ລາວ​ບັນດາ​ເຜົ່າ​ພາຍ​ໃນ 12​ເດືອນ ​ເພິ່ນ​ຈະ​ນັບ​ເອົາ​ຕາມ​ເດືອນ​ລາວ ​ບໍ່​ແມ່ນ​ເດືອ​ນສາກົນ ​ເປັນຕົ້ນ​ແມ່ນ:

1.    ​ເດືອນ​ຈຽງ: ຈະ​ມີ​ພິທີ​ລ້ຽງ​ຜີຟ້າ​ຜີ​ແຖນ ນິມົນ​ພະສົງ​ອົງ​ຄະ​ເຈົ້າ​ເຂົ້າປະລິວາດ​ຊະ​ກຳ.
2.    ​ເດືອນ​ຍີ່: ຈະ​ມີ​ພິທີ​ເຮັດບຸນ​ເຂົ້າຄູນ​ລານ (ບຸນ​ກິນ​ຈຽງ)​ ເຜົ່າ​ມົ້ງ, ບຸນ​ງະ ບຸນ​ລະ​ປືມ(ລາວ​ເທິງ​ພາກ​ໃຕ້) ບຸນ​ກະ​ເລີ (ລາວ​ເທິງ​ພາກ​ເໜືອ)
3.    ​ເດືອນ​ສາມ​ເພັງ: ເຮັດບຸນ​ເຂົ້າຈີ່ ບຸນ​ມາ​ຂະ​ບູຊາ ບຸນ​ວັດ​ພູ​ຈຳປາ​ສັກ
4.    ​ເດືອນ​ສີ່: ​ເຮັດບຸນ​ພະ​ເວດ ຫຼື ບຸນ​ມະຫາຊາດ
5.    ​ເດືອນ​ຫ້າ: ​ເຮັດບຸນ​ປີ​ໃໝ່ລາວ ຫຼື​ ບຸນ​ກຸດ​ສົງການ
6.    ​ເດືອນຫົກ: ​ເຮັດບຸນ​ວິສາຂະບູຊາ ​ແລະ ບຸນ​ບັ້ງ​ໄຟ
7.    ​ເດືອນ​ເຈັດ: ​ເຮັດບຸນ​ເບີກ​ຊຳລະ​ບ້ານ ​ແລະ ລ້ຽງ ປູ່ຕາ (ກຽມ​ເຮັດ​ໄຮ່​ເຮັດ​ນາ)
8.    ​ເດືອນ​ແປດ: ​ເຮັດບຸນ​ເຂົ້າພັນ​ສາ
9.    ​ເດືອນ​ເກົ້າ: ​ເຮັດບຸນ​ເຂົ້າປະດັບ​ດິນ
10.   ​ເດືອນ​ສິບ: ​ເຮັດບຸນ​ເຂົ້າສະຫຼາກ
11.   ​ເດືອນ​ສິບ​ເອັດ: ​ເຮັດບຸນ​ອອກ​ພັນ​ສາ
12.   ​ເດືອນ​ສິບ​ສອງ: ​ເຮັດບຸນ​ກະຖິນ ບຸນ​ພະທາດ​ຫຼວງ.

ວ່າ ​ດ້ວຍ​ຄອງ 14 ​ແມ່ນ​ມີ​ຄື: ຄອງ14 ຢ່າງ ​ສຳລັບ​ຄົນ​ທົ່ວ​ໄປ ​ແລະ ​ຄອງ 14 ຢ່າງ ​ຂອງ​ພະ​ລາຊາ, ສຳ​ຄົນ​ຄົນ​ທົ່ວ​ໄປ​ແມ່ນ​ໜ້າ​ທີ່​ຂອງໝົດທຸກ​ຄົນ​ຈະ​ຕ້ອງ​ປະພຶດ​ປະຕິບັດ​ຕໍ່​ ກັນ​ເຊັ່ນ: ຄູ່​ຜົວ ​ເມຍ ຊາວບ້ານ ຄອບຄົວ​ເຮືອນ​ຊານ ​ແລະ​ວັດວາອາ​ຮາມ​ສາສະໜາ ລາຍ​ລະ​ອຽດຄື​ລຸ່ມ​ນີ້:

1.    ​ເມື່ອພືດ​ໂພດ​ເຂົ້າກ້າໝາກ​ໄມ້​ເປັນ​ຮວງ​ເປັນໝາກມາ​ແລ້ວ ຕົນ​ຢ່າ​ຟ້າວ​ກິນ​ກ່ອນ​​ໃຫ້​ເອົາ​ທຳບຸນ​ໃຫ້​ທານ​ແກ່​ທ່ານ​ຜູ້​ມີ​ສິນ​ກິນ​ ກ່ອນ ​ແລ້ວ​ຕົນ​ຈິ່ງ​ກິນ​ພາຍ​ລຸນ​ ແຕ່​ປັດຈຸບັນ​ບໍ່​ຄ່ອຍ​ປະຕິບັດ​ຕາມ​ແລ້ວ.
2.    ຢ່າ​ໂລບ​ລ່າຍ​ຕາຊິງ​ຕາ​ຍ່ອຍ​ ຢ່າ​ຈ່າຍ​ເງິນ​ແດງ ​ຢ່າ​ແປງ​ເງິນ​ຄວ່າງ ​ແລະ ຢ່າ​ກ່າວ​ຄຳ​ຫຍາບຊ້າກ້າ​ແຂງ​ໃສ່​ກັນ.
3.    ​ໃຫ້​ພ້ອມ​ພາກັນ​ເຮັດຮົ້ວຕ້າຍ ​ແລະ ​ກຳ​ແພງ​ອ້ອມ​ຮອບ​ວັດວາ​ອາ​ຮາມ ​ແລະ​ເຮື​ອນ​ແຫ່ງ​ຕົນ​ດ້ວຍ​ການ​ປຸກ​ຫໍ​ບູຊາ​ເທວະ​ດາ​ໃນ​ສີ່​ແຈ​ເຮືອນ
4.    ​ເມື່ອ​ຈະ​ຂຶ້ນ​ເຮືອນນັ້ນ​ໃຫ້​ຊ່ວຍ​ລ້າ​ຕີ​ນ​ເສຍ​ກ່ອນ​ແລ້ວ​ຈິ່ງ​ຂຶ້ນ.
5.    ​ເມືອ​ເຖິງ​ວັນ​ສິນ 7-8-14-15ຄໍ່າ​ ໃຫ້ສົມ​ມາ​ກ້ອນ​ເສົ້າ​ແມ່ຄີ​ໄຟ ​ແມ່ຂັ້ນ​ໄດ ​ແລະ ປະຕູ​ທີ່​ຕົນ​ໄດ້​ອາ​ໄສ​ຢູ່​ທຸກ​ເຊົ້າຄໍ່າວັນ​ຄືນ.
6.    ​ເມື່ອ​ຈະ​ເຂົ້ານອນ​ນັ້ນ​ໃຫ້​ເອົາ​ນ້ຳສ່ວຍ​ລ້າງ​ຕີນ​ຜົວ​ແຫ່ງ​ຕົນ​ເສຍ​ກ່ອນ​ ແລ້ວ​ຈິ່ງ​ເຂົ້ານອນ ​ເຊິ່ງປັດຈຸບັນ​ບໍ່​ນິຍົມ​ໃຊ້​ແລ້ວ
7.    ​ເຖິງ​ວັນ​ສິນ​​ໃຫ້​ເອົາ​ດອກ​ໄມ້​ທູບ​ທຽນ​ສົມ​ມາ​ຜົວ​ແຫ່ງ​ຕົນ ພໍ່​ແມ່​ເຖົ້າ​ແກ່​ລຸງ​ຕາ​ຂອງ​ຕົນ ​ເຖິງ​ວັນ​ອຸ​ໂປ​ສົດ​ພະສົງ​ຂອງ ອົງຄະ​ເຈົ້າ​ ໃຫ້​ແຕ່ງ​ຂັນ​ດອກ​ໄມ້​ທູບ​ທຽນ​ໄປ​ເຄນ​ສັງຄະ​ເຈົ້າ
8.    ​ເຖິງ​ວັນ​ສິນ​ດັບ​ສີນ​ເພັງ​ມາ​ໃຫ້​ນິມົນ​ພະ​ສັງຄະ​ເຈົ້າມາ​ສູນ​ມຸງຄຸນ​ເຮືອນ ​ແລ້ວ​ທຳບຸນ​ໃສ່​ບາດ​ຖວາຍ​ທານ.
9.    ​ເມື່ອ​ພະສົງມາ​ບິນທະບາດ​ນັ້ນຢ່າ​ໃຫ້ເພິ່ນ​ຄອຍ​ຖ້າ​ເວລາ​ໃສ່​ບາດ​ກໍ​ຢ່າ​ໃຫ້ ​ຊູນ​ບາດ ຊູນ​ພິກຂຸ​ສາມະ​ເນນ ​ແລະ​ ຍາມ​ໃສ່ບາ​ດນັ້ນຢ່າ​ໄດ້​ໃສ່​ເກີບ ກັ້ງຄັນ​ຮົ່ມ​ ບໍ່​ເອົາ​ຜ້າ​ປົກ​ຫົວ ບໍ່​ອູ້ມລູກ​ຫຼານ ​ແລະ​ຖື​ສາດຕາ​ວຸດ​ຕ່າງໆ.
10.   ​ເມື່ອ​ພິກຂຸ​ເຂົ້າປະລິດວາສະ​ກຳ​ຊຳລະ​ເນື້ອຕົວ​ແລ້ວ​ເວລາ​ອອກ​ປະ​ລິ​ວາ​ສະ​ ກຳ​ໃຫ້​ມີ​ຂັນ​ດອກ​ໄມ້​ທູບ​ທຽນ ​ແລະ​ເຄື່ອງ​ອັດທະ​ປະລິຂານ​ໄປ​ຖວາຍ.
11.   ​ເມື່ອ​ພິກຂຸ​ສັງຄະ​ເຈົ້າກາຍ​ມາ ​ໃຫ້​ນັ່ງ​ລົງ​ຍໍມື​ໄຫວ້​ກ່ອນ ​ແລ້ວ​ຈິ່ງ​ຄ່ອຍ​ເຈລະຈາ.
12.   ຢ່າ​ຢຽບ​ເງົາ​ເຈົ້າພິກ​ຂຸ​ສຳມະ​ເນນ.
13.   ຢ່າ​ເອົາ​ອາຫານ​ເງື່ອນ​ຂອງ​ຕົນ​ກິນ​ແລ້ວ​ໄປ​ທານ​ໃຫ້​ສັງຄະ​ເຈົ້າ ​ແລະ​ຢ່າ​ເອົາ​ໄວ້​ຄອຍ​ໃຫ້​ຜົວ​ກິນ.
14.   ຢ່າ​ເສບ​ກາມ​ມະ​ຄຸນ​ໃນ​ວັນ​ສິນ ວັນ​ເຂົ້າວັດ​ສາ ວັນ​ອອກວັດສາ ​ແລະ ​ວັນ​ມະຫາສົງ​ການ​ຂຶ້ນປີ​ໃໝ່.

ທັງໝົດ ​ເຫຼົ່າ​ນັ້ນ​ແມ່ນ​ຮີດ 12 ຄອງ 14 ທີ່​ຄົນ​ລາວ​ເຮົາ​ນັບຖື​ມາ​ແຕ່​ດຶກ​ດຳ​ບັນ ຈົນ​ມາ​ຮອດ​ປັດຈຸ​ບັນ ​ໄດ້​​ເຄົາລົບ​ນັບຖື ​ແລະ ​ປະຕິບັດ​ໃຫ້​ຖືກ​ກັບ​ຮີດຄອງປະ​ເພນີອັນ​ດີງາມ​ຂອງ​ຊາດ​ຕະຫຼອດ​ມາ.

Read Full Post | Make a Comment ( None so far )

ລາວຖືກຈັດໃຫ້ຢູ່ ໃນອັນດັບທີ 145 ໃນຈຳນວນ 175 ປະເທດ ທີ່ມີຄວາມໂປ່ງໃສ ນ້ອຍທີ່ສຸດ ໃນປີ 2014

Posted on January 5, 2015. Filed under: ສາລະໜ້າຮູ້, ເສດຖະກິດ |


ທາງການລາວ ກວດ​ພົບ​ການ​ລັກລອບ​ຕັດ​ໄມ້​ຫວງ​ຫ້າມ ​ເຊັ່ນ​ໄມ້​ຄະ​ຍຸງ 1,400 ກວ່າ​​ແມັດ​ກ້ອນ​ ຢູ່​ໃນ​ແຂວງ​ສະຫວັນ​ນະ​ເຂດ ​ເມື່ອ​ປີ 2007 ທີ່​ມີ​ເຈົ້າໜ້າ​ທີ່​ຂອງ​ລັດຖະບານ 11 ຄົນ​ໄດ້​ຮ່ວມ​ມື​ກັບ​ບັນດາ​ນາຍທຶນ.

ທາງການລາວ ກວດ​ພົບ​ການ​ລັກລອບ​ຕັດ​ໄມ້​ຫວງ​ຫ້າມ ​ເຊັ່ນ​ໄມ້​ຄະ​ຍຸງ 1,400 ກວ່າ​​ແມັດ​ກ້ອນ​ ຢູ່​ໃນ​ແຂວງ​ສະຫວັນ​ນະ​ເຂດ ​ເມື່ອ​ປີ 2007 ທີ່​ມີ​ເຈົ້າໜ້າ​ທີ່​ຂອງ​ລັດຖະບານ 11 ຄົນ​ໄດ້​ຮ່ວມ​ມື​ກັບ​ບັນດາ​ນາຍທຶນ.

ລາວຖືກຈັດໃຫ້ຢູ່ອັນດັບທີ 145 ຈາກ 175 ປະເທດ ທີ່ມີການ

ສໍ້ລາດບັງຫລວງໃນປີ 2014 ໂດຍມີສະຖານະທີ່ຕົກຕ່ຳລົງເຖິງ 5 ອັນດັບທຽບໃສ່ປີ 2013 ເພາະມີການທຸຈະລິດ ໃນວົງການ
ລັດຖະບານຫຼາຍຂຶ້ນ.

ອົງການເພື່ອຄວາມໂປ່ງໃສສາກົດ ຫຼື Transparency
International ທີ່ໄດ້ທຳການສຳຫລວດຄວາມຄິດເຫັນ
ຂອງບັນດານັກທຸລະກິດກ່ຽວກັບສະພາບ ຂອງການສໍ້ລາດບັງຫລວງ ຢູ່ໃນ 175 ປະເທດ
ທົ່ວໂລກນັ້ນ ໄດ້ຈັດໃຫ້ລາວຢູ່ໃນອັນດັບທີ 145 ໃນປີ 2014 ນີ້ ໂດຍໄດ້ຮັບຄວາມໄວ້
ວາງໃຈ ຈາກບັນດານັກທຸລະກິດຊາວຕ່າງຊາດ ທີ່ລົງທຶນໃນລາວໃນລະດັບ 25 ຄະແນນ
ຈາກ 100 ຄະແນນເຕັມ.

ໂດຍຈາກຄະແນນດັ່ງກ່າວນີ້ ເຖິງແມ່ນວ່າຈະຖືເປັນລະດັບ ຄວາມໄວ້ວາງໃຈທີ່ດີກວ່າປີ
2012 ທີ່ລາວຖືກຈັດໃຫ້ຢູ່ໃນອັນດັບທີ 160 ຊຶ່ງໄດ້ຮັບຄວາມໄວ້ວາງໃຈ ຈາກບັນດານັກ
ທຸລະກິດຊາວຕ່າງປະເທດ ທີ່ລົງທຶນໃນລາວພຽງແຕ່ 21 ຄະແນນເທົ່ານັ້ນກໍຕາມ ຫາກແຕ່
ກໍເປັນສະຖານະ ທີ່ຕ່ຳລົງເຖິງ 5 ອັນດັບ ເມື່ອທຽບກັບປີ 2013 ຊຶ່ງລາວຢູ່ອັນດັບທີ 140
ແລະໄດ້ຮັບຄວາມໄວ້ວາງໃຈທີ່ລະດັບ 26 ຄະແນນ ນັ້ນກໍໝາຍຄວາມວ່າ ການສໍ້ລາດ
ບັງຫລວງໃນລາວ ມີທ່າອຽງເພີ້ມຂຶ້ນໃນສາຍຕາຂອງນັກລົງທຶນຕ່າງຊາດນັ້ນເອງ.

ຊຶ່ງສາເຫດທີ່ສຳຄັນປະການໜຶ່ງ ທີ່ເຮັດໃຫ້ລາວໄດ້ຮັບຄວາມໄວ້ວາງໃຈ ໃນລະດັບຕ່ຳ
ລົງນັ້ນ ກໍຍ້ອນວ່າ ການປາບປາມການສໍ້ລາດບັງຫລວງ ໃນລາວຍັງມີປະສິດທິພາບຕ່ຳ
ໂດຍໄດ້ມີການກວດພົບວ່າ ການປະຕິບັດໜ້າທີ່ ໂດຍບໍ່ສຸດຈະລິດ ຂອງບັນດາພະນັກ
ງານລັດ ໄດ້ເຮັດໃຫ້ເກີດການເສຍຫາຍ ທາງດ້ານລາຍຮັບງົບປະມານ ຂອງລັດຖະບານ
ລາວຫຼາຍຂຶ້ນຢ່າງຕໍ່ເນື່ອງ.

Read Full Post | Make a Comment ( None so far )

ເຂົ້າໜົມຝຮັ່ງກຸດຈີ ຂອງຫວ້າງກິນຫຼິ້ນເຂົ້າໜົມປະສົມລະຫວ່າງຈີນກັບຝຮັ່ງ

Posted on January 3, 2015. Filed under: ຄວາມຮູ້ເລື່ອງສຸຂະພາບ, ທຸ​ລະ​ກິດ, ສາລະໜ້າຮູ້ |


ເຂົ້າໜົມຝຮັ່ງກຸດຈີນ ເຂົ້າໜົມບູຮານແຕ່ບໍ່ບູຮານເປັນທີ່ຮູ້ຈັກກັນດີໃນສະໄໝອາຍຸດທະຍາ ແລະ ໄດ້ສືບທອດກັນມາຈົນຮອດທຸກມື້ນີ້ ຕົວເຂົ້າໜົມເປັນຕົ້ນຕຳລັບແບບໂປຕຸເກັດເຂົ້າມາໄທທີ່ແຄມນໍ້າເຈົ້າພະຍາຝັ່ງລົນທະບູລີ ເປັນຂອງຫວ້າງກິນງ່າຍ

ເຊີ່ງສືບທອດເຮັດເຂົ້າໜົມຝຮັ່ງກຸດຈີນເປັນລຸ້ນທີ່ 5 ເລົ່າໃຫ້ຟັງວ່າແຕ່ເດີມເຂົ້າໜົມກຸດຈີນຝຮັ່ງບໍ່ໄດ້ເຮັດຄ້າຂາຍທົ່ວໄປ ເຊີ່ງຈະເຮັດສະເພາະຕອນມີງານ ສຳຫຼັບກິນກັບຊາກາເຟລະຫວ່າງຄົນທີ່ເຂົ້າມາໂບດໃນວັນຄີດສະມາດ ຫຼື ວັນເທດສະການຕ່າງໆ ເຮັດແຈກໃນຊ່ວງເທດສະການ ແຕ່ເມື່ອມີຄວາມຕ້ອງການເພີ່ມຫຼາຍຂື້ນ ກໍ່ຕ້ອງເຮັດເພື່ອຄ້າຂາຍ ແລະ ຈາກອັນນ້ອຍໆ ລັກສະນະຄ້າຍຄືຂະໜົມໄຂ່ ກໍ່ມີການພັດທະນາປັບປຸງໃຫ້ເປັນເຂົ້າກັບຄວາມຕ້ອງການຄົນກິນດ້ວຍການແຕ່ງໜ້າດ້ວຍໝາກໄມ້ອົບແຫ້ງ

ການເຮັດເຂົ້າໜົມຝຮັ່ງກຸດຈີນ

ขนมฝรั่งกุฎีจีนการทำขนมฝรั่งกุฎีจีน

ຕ້ອງອາໄສຄວາມຊຳນານເລະເອົາໃຈໃສ່ເປັນພິເສດ ແມ້ແຕ່ເຄື່ອງເຄື່ອງມືທີ່ໃຊ້ກໍ່ຍັງເປັນຂອງເກົ່າດັ່ງເດີມ ບາງສ່ວນຫຼຸດກໍ່ນຳມາດັດແປງປະຍຸດໃຊ້ເພື່ອຄວາມສະດວກ ຢ່າງເຕົາອົບທີ່ໃຊ້ເປັນແບບບູຮານ ຕ້ອງອາໄສຄວາມຊຳນານ ໃນການຄວບຄຸມຄວາມຮ້ອນ ໜ້າຕາເຂົ້າໜົມຈະຄ້າຍຄືເຂົ້າໜົມເຄັກ ແຕ່ດ້ວຍສູດພິເສດທີ່ສືບທອດກັນມາແຕ່ບູຮານຈະໃຊ້ພຽງໄຂ່ ແປງສາລີ ແລະ ນໍ້າຕານຊາຍເທົ່ານັ້ນ ຈະບໍ່ມີສ່ວນປະສົມຂອງເນີຍນົມ ໂຢເກິດ ຝົງຟູ ສານກັນບູດ ເມື່ອຜ່ານຮອບດ້ວຍຄວາມຮ້ອນທີ່ພໍເໝາະຈະໄດ້ເຂົ້າໜົມທີ່ອອກມາລອບນອກ ນູ້ມແໜ້ນໃນພໍດິບພໍດີ

Read Full Post | Make a Comment ( None so far )

ມາກວ​ດ​ກາ​ກັນ​ເບິ່ງວ່າ​ທ່ານ​ເປັນ​ຜ​ູ້​ໜຶ່ງ​ທີ່​ຕິດ​ມື​ຖືຫຼາຍ​ໜ້ອຍ​ທໍ​ໄດ?

Posted on December 29, 2014. Filed under: ຄວາມຮູ້ເລື່ອງ IT, ສາລະໜ້າຮູ້ |


smartphone-addict

ເຊື່ອ​ວ່າ​ຕອນ​ນີ້ ເກືອບ​ຈະ​ທຸກ​ຄົ​ນ​ທີ່​ໃຊ້​ສະ​ມາດ​ໂຟ ນອກ​ຈາກ​ຈະ​ມີ​ໄວ້​ໂທ​ລະ​ສັບ​ ແລະ ເຊັດ​ຂໍ້​ຄວາມ​ທາງ SMS ແລ້ວ ໃນ​ການ​ເຊັກ Social Network ຖ່າຍ​ຮ​ູບ ເບິ່ງ​ໜັງ ຟັງ​ເພງ ຫຼິ້ນ​ເກມ​ກັບ​ເພື່ອນ ປະ​ກອບ​ກັບ ໄວ້​ຈົດ​ງານ​ເອ​ກະ​ສານ​ຕ່າງໆ ອີກ ເຊິ່ງ​ມື​ຖື ປຽບ​ສະ​ເໝືອນ ຄອມ​ພິວ​ເຕີ ຂະ​ໜາດ ນ້ອຍ​ທີ່​ທ່ານ​ສາ​ມາດ​ໃຊ້​ງານ​ໄດ້ ຕະຫຼອດ​ເວ​ລາ ພົກ​ພາ​ງ່າຍ ທ່ອງ​ແນດ​ໄດ້​ທຸກ​ທີ່ ເຊັກ​ມື​ຖືຫຼາຍ​ເກີນ​ໄປ ຈົນ​ລືມ​ຄົນ​ຮອບ​ຂ້າງຫຼືບໍ່? ລອງ​ມາ​ກວດ​ສອ​ບ​ກັນ​ເບິ່ງ….

checky-track-your-phone-habit-01

ເຊິ່ງວິ​ທີ​ການກວດ​ສອບ​ວ່າ​ທ່ານ​ຕິດ​ມື​ຖື ໜ້ອຍ ຫຼາຍ​ປານ​ໃດ ນັ້ນ​ສາ​ມາດ​ຮູ້​ໄດ້​ດ້ວຍ ແອບ Checky ເປັ​ນ​ແອບ ຕິດ​ຕາມ​ການ​ເປີດ​ຈໍ​ໃຊ້​ມ​ື​ຖ​ື ໃຊ້​ໄດ້ ກັບ iOS ແລະ Android ໂດຍ​ສາ​ມາດ​ໂຫຼດ​ໄດ້​ຈາກ​ທາງ App Store ແລະ Play Store ຟ​ຼີ ແລ້ວ ລອງ​ເປີດ ແອບ​ເບິ່ງ​ໂດຍ ແອບ Checky ກໍ່​ຈະ​ເລີ້ມ​ນັບ​ຄັ້ງ​ແລກຫຼັງ​ຈາກ​ເປີດ​ແອບ ແຕ່​ພໍ​ວັນ​ຕໍ່​ໄປ​ກໍ່​ຈະ​ເລີ້ມ​ນັບ​ໃໝ່ ເຖິງ​ການ​ໃຊ້​ມື​ຖື ແລະ ສະ​ແດງກຼາບ ຈຳ​ນວນ​ຄັ້ງ ເປີດ​ຈໍ​ແຕ່​ລະ​ວັນ​ປຽບ​ທຽບ​ໃຫ້​ເຫັນ​ກັນ

ຂໍ້​ຄວາມ​ດີໆ​ຈາກ www. it24hrs.com

Read Full Post | Make a Comment ( None so far )

ກັນຖືກແຮັກ! 3 ສິ່ງທີ່ຄວນໃສ່ໃຈກັບບັນຊີອອນໄລ

Posted on September 20, 2014. Filed under: ຄວາມຮູ້ເລື່ອງ IT, ສະມາດ ໂຟນ, ສາລະໜ້າຮູ້, ອິນເຕີເນ໋ດ |


f201

ຊ່ວງນີ້ປະເດັ່ນເຫຼືອງພາບຫຼຸດຈາກ  iCloud  ຖືວ່າເປັນໜື່ງໃນສິ່ງທີ່ທຸກໆທ່ານບໍ່ຄວນເບິ່ງຂ້າມ ເນື່ອງຈາກບັນຫານີ້  Apple ໄດ້ອອກມາເຜີຍວ່າແທ້ຈິງແລ້ວ ບັນຫານີ້ອາດເກີດຂື້ນມາຈາກການຕັ້ງ  Password ໃຫ້ສາມາດເດົາໄດ້ງ່າຍຈົນເກີນໄປ ເຮັດໃຫ້ພວກ  Hacker ທົ່ວໄປສາມາດລັກເອົາຂໍ້ມູນອອກມາໄດ້ງ່າຍ

ເຊິ່ງເລື້ອງນີ້ເບິ່ງໄປ ທ່ານອາດຈະຄິດວ່າບໍ່ກ່ຽວຂ້ອງກັບໂຕເຮົາເທົ່າໃດ ແຕ່ທີ່ຈິງແລ້ວ ຕໍ່ໃຫ້ບໍ່ແມ່ນດາລາ ແຕ່ຖ້າບັນຊີອອນໄລຕ່າງໆເຊັ່ນ :  E-mail ຫຼື  User ຕາມ  Website ທີ່ເຮົາໄດ້ເຂົ້າໄປໃຊ້ງານຖືກລັກໄປ ເຮົາອາດຈະກາຍເປັນເຫຍື່ອໂດຍບໍ່ຮູ້ໂຕໄດ້ ຖ້າເຮົາຖືກລັກ  E-mail ແລ້ວເອົາໄປໃຊ້ໃນການສ້າງ  E-mail Scam ຕ່າງໆ ເຜີຍແຜ່ອອກໄປທ່ານອາດຈະຖືກແບນ  E-mail ແບບງົງໆກໍ່ເປັນໄດ້ !!

f202

ພາບຈາກ: markosun.wordpress.com

ດັ່ງນັ້ນ ພວກເຮົາຈື່ງມີວິທີປ້ອງກັນການສ້າງ  Password ບໍ່ໃຫ້ຖືກ  Hack ແລະ ສາມາດຈົດຈຳໄດ້ຢ່າງບໍ່ຍາກຫຼາຍໃຫ້ທ່ານ  3 ວິທີນຳກັນ

  1. ຕັ້ງລະຫັດຜ່ານບໍ່ໃຫ້ງ່າຍເກີນໄປ ແລະ ບໍ່ເປັນຄຳໃນ Dictionary ເພາະພວກ Hacker ຈະມີຂໍ້ມູນເຫຼົ່ານີ້ທັງໝົດຢູ່ແລ້ວ ເຊິ່ງເຂົາເຈົ້າຈະໃຊ້ເວລາບໍ່ຮອດ  10 ວິນາທີໃນການ  Hack ຂໍ້ມູນຂອງທ່ານ ດັ່ງນັ້ນຈະຕັ້ງລະຫັດຜ່ານທີ່ອາດຈະຟັງເບີ່ງງ່າຍສຳລັບເຮົາ ແຕ່ໂອກາດ  Hack ໄດ້ໜ້ອຍເຊັ່ນ ສົມມຸດຢູ່ບ້ານເຮົາມີໝາ  1 ໂຕ ແມວ 1 ໂຕ ເຮົາກໍ່ອາດຈະຊ່ວຍໃຊ້ອັກສອນໂຕໜ້າຂອງສັດລ້ຽງທັງ   2 ໂຕປະສົມກັນກັບໂຕເລກ (ອາດຈະວັນເດືອນປີເກີດ) ແລະ ອັກສອນໂຕນ້ອຍປະສົມກັບໂຕໃຫຍ່ເຊັ່ນ:  Dog01012530cat2 ຫຼື  cat2Dog1 ແລະ ເຮົາຍັງສາມາດໃຊ້ຊື່ລາວພິມແປ້ນພາສາອັ່ງກິດ ເພື່ອໃຫ້ການເດົາລະຫັດຜ່ານໄດ້ຍາກ ແລະ ທີ່ສຳຄັນ!! ແຕ່ລະເວັບໄຊຄວນຕັ້ງລະຫັດຜ່ານບໍ່ໃຫ້ຊ້ຳກັນ ເພື່ອປ້ອງກັນການລັກຂໍ້ມູນທັງໝົດໃນບ່ອນດຽວ ໂດຍເຮົາອາດຈະໃຊ້ບໍລິການເວັບ  LastPass ເພື່ອຊ່ວຍໃນການຈື່ຈຳສ່ວນທີ່ເຫຼືອ ກໍ່ສາມາດເຮັດໄດ້ເຊັ່ນກັນ

f203

ພາບຈາກ: lastpass.com

  1. ໃສ່ໃຈເລື້ອງລະບົບຣີເຊັດລະຫັດຜ່ານ ກວດສອບເບິ່ງຂໍ້ມູນເມລສຳລັບ reset ລະຫັດວ່າຖືກຕ້ອງ ກວດສອບຄຳຖາມ-ຄຳຕອບສຳລັບຣີເຊັດໄວ້ບໍ່ງ່າຍເກີນໄປ ເພາະທ່ານອາດຈະຖືກ Hack ຈາກການໃຊ້ລະບົບຣີເຊັດລະຫັດຜ່ານນີ້ໄດ້ເຊັ່ນກັນ **ສິ່ງສຳຄັນເຂົາຈະສາມາດເຂົ້າໄປແກ້ໄຂລະຫັດຜ່ານຂອງທ່ານເຮັດໃຫ້ທ່ານບໍ່ສາມາດເຂົ້າບັນຊີອອນໄລຂອງທ່ານໄດ້ອີກຕະຫຼອດການ !!

f204

ພາບຈາກ: confidenttechnologies.com

  1. ເລີ່ມໃຊ້ 2-Factor Authentication ຫຼື ການສ້າງລະຫັດຜ່ານ 2 ຊັ້ນ ໂດຍຈະເປັນການປ້ອງກັນ 2 ຊັ້ນຕາມຊື່ ຄື

f205

ພາບຈາກ: www.hkma.gov.hk

  • ຊັ້ນທຳອິດຄື Password ປົກກະຕິຂອງເຮົາທີ່ໃຊ້ຢູ່ເປັນປະຈຳf206
  • ສ່ວນຊັ້ນທີ່ 2 ຈະເປັນສິ່ງທີ່ເຮົາຕ້ອງພົກຕິດໂຕມານຳເພື່ອຢືນຢັນຕົວຕົນ ເຊິ່ງປະຈຸບັນ  Website ຫຼາຍໆ ເວັບມັກຈະໃຊ້ການຢືນຢັນຜ່ານລະບົບມືຖືຂອງທ່ານ ເພື່ອປ້ອງກັນການລັກລອບເອົາຂໍ້ມູນອີກຊັ້ນໜື່ງ  (ແລະ ປ້ອງກັນໃຫ້ເຮົາບໍ່ລືມມືຖືຖີ້ມໄວ້ນຳ !!)

f207

ພາບຈາກ: google.com

***ແລະ ສິ່ງສຳຄັນ !! ຂໍເນັ້ນວ່າຫ້າມຈົດລົງໃນເຈ້ຍ  Post-it ແລ້ວຕິດໄວ້ໜ້າຈໍຂອງທ່ານ ເພາະຕໍ່ໃຫ້ທ່ານຕັ້ງ  Password ຍາວຫຼາຍກວ່າ  50 ອັກສອນ ທ່ານກໍ່ຈະຖືກ  Hack ໄດ້ ດ້ວຍການຖ່າຍຮູບພຽງຄັ້ງດຽວເທົ່ານັ້ນ !!

f208

ພາບຈາກ: blogs.independent.co.uk

ສິ່ງທີ່ເຮົາໄດ້ແນະນຳນັ້ນ ທ່ານສາມາດນຳໄປປະຍຸກໃຊ້ກັບ  Password ຂອງທ່ານເພື່ອປ້ອງກັນບໍ່ໃຫ້ເກັບຮັກສາໄວ້ ຫຼື ຂໍ້ມູນສ່ວນຕົວຕ່າງໆເຊັ່ນ ພາບ ຫຼື ຄຣິບ ຫຼຸດໄປສູ່ສາຍຕາຄົນທົ່ວໂລກ ເພາະສະໄໝນີ້ຖ້າຫາກມີຫຍັງຫຼຸດອອກມາແລ້ວ ບອກໄດ້ເລີຍວ່າທ່ານຈະບໍ່ມີໂອກາດໄດ້ລຶບຖີ້ມທັງໝົດໄດ້ອີກເລີຍ ສະນັ້ນ ເຮົາຄວນປ້ອງກັນໄວ້ດີກວ່າ

ຂໍ້ມູນຈາກ: beartai

Read Full Post | Make a Comment ( None so far )

Apple ເພີ່ມຄວາມປອດໄພອີກຂັ້ນ ເລີ່ມສົ່ງ  E-mail ເຕື່ອນທຸກຄງທີ່ມີການລັອກອິນ  iCloud

Posted on September 19, 2014. Filed under: ຄວາມຮູ້ເລື່ອງ IT, ສາລະໜ້າຮູ້, ອິນເຕີເນ໋ດ |


ຂ່າວການຖືກລັກຂໍ້ມູນໃນ  iCloud ໜ້າຈະເປັນໂຕຊ່ວຍກະຕຸ້ນມາດຕະການຄວາມປອດໄພຂອງ Apple ຫຼາຍ ໂດຍຫຼ້າສຸດໄດ້ມີການສົ່ງ  E-mail ບອກທຸກຄັ້ງທີ່ມີການລັອກອິນເຂົ້າໃຊ້ງານ  iCloud ຜ່ານ  Web Browser ເພື່ອເປັນການແຈ້ງເຕືອນຜູ້ໃຊ້ງານອີກທາງໜື່ງ

ເວັບໄຊ MacRumors ໄດ້ລາຍງານວ່າ Apple ເລີ່ມທຳການສົ່ງ  E-mail ແຈ້ງກັບໄປຫາເຈົ້າຂອງ  iCloud ທຸກຄັ້ງທີ່ມີການໃຊ້ງານຜ່ານ Web Browser ເຊິ່ງຜູ້ໃຊ້ຈະໄດ້ຮັບ  E-mail ລັກສະນະຕາມໃນຮູບ ໂດຍມາດຕະການດັ່ງກ່າວ ອາດຈະບໍ່ໄດ້ເປັນການປ້ອງກັນການຖືກໂຈນລະກຳຂໍ້ມູນຫຼາຍເທົ່າໃດ ພຽງແຕ່ວ່າອາດຈະຊ່ວຍໃຫ້ເຈົ້າຂອງ ໄດ້ຮູ້ທັນທ່າທີຜູ້ບຸກລຸກ ແລະ ລະງັບໄດ້ກ່ອນທີ່ຈະເສຍຫາຍ ລວມເຖິງຕິດຕາມຮອງຮອຍຜູ້ບຸກລຸກໄດ້

f200

ເຊີ່ງຫຼາຍຄງທີ່ມີການລັກເອົາຂໍ້ມູນໃນອິນເຕີເນັດ ສາເຫດນັ້ນບໍ່ໄດ້ຈາກການບຸກລຸກໂດຍກົງ ແຕ່ເກີດມາຈາກລະຫັດຜ່ານທີ່ສາມາດຄາດເດົາງ່າຍ ຫຼື ການກະທຳທີ່ເອີ້ນວ່າ Social Engineering ເຊິ່ງເປັນເທັກນິກການລັກຂໍ້ມູນຈາກຜູ້ໃຊ້ໂດຍບໍ່ຮູ້ໂຕເຊັ່ນ ຕົວະສົ່ງ E-mail ໃຫ້ຜູ້ໃຊ້ ໂດຍອ້າງວ່າມາຈາກຜູ້ບໍລິການ ເພື່ອໃຫ້ຕື່ມຂໍ້ມູນລະຫັດຜ່ານສົ່ງຄືນເປັນຕົ້ນ ນີ້ຄືສິ່ງທີ່ຜູ້ໃຊ້ຄວນຮູ້ທັນ ກ່ອນຈະຕົກເປັນເຫຍື່ອຈົນເກີດຄວາມເສຍຫາຍ

ຂໍ້ມູນຈາກ: The Verge, arip

Read Full Post | Make a Comment ( None so far )

ວິທີການຖະໜອມດວງຕາຈາກການເບິ່ງ Computer ມີ 7 ທ່ານຳກັນ

Posted on September 6, 2014. Filed under: ຄວາມຮູ້ເລື່ອງ IT, ຄວາມຮູ້ເລື່ອງສຸຂະພາບ, ສາລະໜ້າຮູ້ |


f182

ທ່າທີ່ 1 ປົກດວງຕາ ໂຄ້ງອົ້ງມືທັງສອງປົກດວງຕາໄວ້ທຳມະດາ ລະຫວັງຢ່າໃຫ້ອົ້ງມືກົດທັບດວງຕາ ຄິດເຖິງບັນຍາກາດທີ່ຜ່ອນຄາຍເຊັ່ນ ວັນພັກຜ່ອນ ຢູ່ໃນທ່ານີ້ປະມານ 10 ນາທີ

ທ່າທີ່ 2 ສ້າງຈິນຕະນາການ ຕໍ່ຈາກທ່າທີ່ 1 ຍັງຄົງປົກດວງຕາໄວ້ ສ້າງຈິນຕະນາການ ວ່າຕົນເອງກຳລັງເບີ່ງວັດຖຸໃດໜື່ງທີ່ມີສີສັນສົດໃສ ມີລາຍລະອຽດຕ່າງໆທີ່ຈະແຈ້ງເຊັ່ນ ເບີ່ງເຫັນດອກໄມ້ສີເຫຼືອງ ເຫັນກີບດອກແຕ່ລະກີບລະອຽດຊັດເຈນ ສາຍຕາທີ່ຄົມຊັດຈາກຈິນຕະນາການຂອງເຮົາເອງຈະຊ່ວຍປັບປຸງສາຍຕາແທ້ໆຂອງເຮົາໄດ້ເປັນຢ່າງດີ

ທ່າທີ່ 3 ກວາດສາຍຕາ ເບີ່ງແບບບໍ່ຕ້ອງຈ້ອງ (ຄົນສາຍຕາສັ້ນມັກຈະຈ້ອງເບີ່ງສິ່ງໃດໜື່ງເປັນເວລາດົນ) ກວາດສາຍຕາໄປຕາມວັດຖຸທີ່ຢູ່ໄກໆ ທາງນັ້ນ ທາງນີ້ໃຫ້ສາຍຕາເຮົາໄດ້ຜ່ອນຄາຍ

ທ່າທີ່ 4 ພັບຕາເຝິກນິໄສພັບຕາ 1-2 ເທື່ອທຸກໆ 10 ວິນາທີ ຊ່ວຍໃຫ້ແກ້ວຕາສະອາດ ແລະ ມີນ້ຳຫຼໍ່ລ້ຽງ ໂດຍສະເພາະຄົນທີ່ໃສ່ແວ່ນ ຫຼື ຄອນເທັກເລນເປັນສິ່ງຈຳເປັນຫຼາຍ

ທ່າທີ່ 5 ໂຟກັສພາບໃກ້ ແລະ ໄກ ຢຽດແຂນຊ້າຍໄປໃຫ້ໄກສຸດ ຕັ້ງນີ້ວຊີມືຊ້າຍຂື້ນ ເພື່ອເປັນຈຸດໂຟກັສ ໃນຂະນະດຽວກັນ ຕັ້ງນີ້ວຊີມືຂວາໃຫ້ຫ່າງຈາກໃບໜ້າປະມານ  3 ນີ້ວ  (7.5 ຊມ.) ໂຟກັສພາບທີ່ແຕ່ລະນີ້ວສະລັບກັນໄປມາ ເຮັດເປັນປະຈຳເມື່ອມີໂອກາດ

ທ່າທີ່ 6 ລູບດວງຕາ ຕື່ນນອນທຸກເຊົ້າເອົານ້ຳອຸ່ນມາລູບດວງຕາປະມານ  20 ຄັ້ງ ສະລັບກັບນ້ຳເຢັນອີກປະມານ  20 ຄັ້ງ ເພື່ອຊ່ວຍໃຫ້ເລືອດໝູນວຽນມາລ້ຽງດວງຕາດີຂື້ນ ການຈົບດ້ວຍນ້ຳເຢັນ ເຮັດໃຫ້ກ້າມເນື້ອຕາ ແລະ ໜັງຕາກະຊັບບໍ່ຍານ ກ່ອນເຂົ້ານອນໃຫ້ເອົານ້ຳມາລູບດວງຕາອີກຄັ້ງໜື່ງ ແຕ່ເທື່ອນີ້ລູບດ້ວຍນ້ຳເຢັນກ່ອນແລ້ວຈື່ງເອົານ້ຳອຸ່ນມນລູບອີກ ຈະເຮັດໃຫ້ກ້າມເນື້ອຕາ ແລະ ໜັງຕາໄດ້ຜ່ອນຄາຍ ກ່ອນເຂົ້ານອນ

ທ່າທີ່ 7 ແກວ່ງໂຕ ຢືນແຍກຂາເທົ່າກັບຊ່ວງບາໄຫຼ່ ແກວ່ງໂຕໄປມາຈາກຊ້າຍຫາຂວາ ເທນ້ຳໜັກໂຕລົງໃສ່ຂາແຕ່ລະຂ້າງສະລັບກັນໄປມາ ສາຍຕາເບິ່ງໄປໄກໆ ແຕ່ບໍ່ຕ້ອງຈ້ອງເບິ່ງປ່ອຍໃຫ້ຈຸດທີ່ເຮົາເບີ່ງແກວ່ງໄປມາຊ້າຍຫາຂວາຕາມການແກວ່ງໂຕ ທ່ານີ້ຈະເຮັດໃຫ້ດວງຕາໄດ້ພັກ ແລະ ມີການປັບໂຕດີຂື້ນ ເຮັດເປັນປະຈຳເລື່ອຍໆ ແລະ ເປີດເພງໄປນຳຍິ່ງເປັນການດີ 

ວິທີນີ້ ໄດ້ຮັບການຢືນຢັນຈາກແພດຈຳນວນຫຼາຍວ່າເປັນການເຝິກດວງຕາທີ່ເປັນລະບົບຊ່ວຍຮັກສາ ສາຍຕາໄດ້…

ຂໍ້ມູນຈາກ: yenta4

Read Full Post | Make a Comment ( None so far )

[Review] – BitDefender Total Security – ຄວບຄຸມຄວາມປອດໄພ ບໍ່ມີແຕ່ສະເພາະມັລແວຣ໌

Posted on August 30, 2014. Filed under: ຄວາມຮູ້ເລື່ອງ IT, ສາລະໜ້າຮູ້, ອິນເຕີເນ໋ດ |


ເຂົ້າສູ່ຊ່ວງນີ້ເຮົາຈະເຫັນບັນດາຜູ້ພັດທະນາແອນຕີໄວຣັສຕ່າງໆ ເລີ່ມອອກເວີຣ໌ຊັ່ນໃໝ່ຂອງຊອຟແວຣ໌ຕົວເອງ ເພາະຮອງຮັບກັບມັລແວຣ໌ ຫຼື ໄພຄຸກຄາມຊະນິດຕ່າງ ທີ່ຈະເກີດຂື້ນໃນປີໜ້າ ແຕ່ໄດ້ໃຊ້ປີນີ້ ເພາະເຮົາຈະເຫັນແອນຕີໄວຣັສເວີຣ໌ຊັ່ນ 2015 ເລີ່ມອອກມາໃຫ້ເຮົາໄດ້ສຳຜັດ ເຊິ່ງເຮົາມາສຳຜັດກັນກ່ອນກັບ  BitDefender

f167

BitDefender  ຖືວ່າເປັນແອນຕີໄວຣັສເວີຣ໌ທີ່ເປັນທີ່ຮູ້ຈັກກັນດີ ແລະ ມີການພັດທະນາຢ່າງຕໍ່ເນື່ອງ ໂດຍຫຼຸ້ນໃໝ່ທີ່ເຮົາຈະມາທົດສອບນັ້ນ ຈະມີການແບ່ງລະດັບອອກເປັນ  3 ຫຼຸ້ນຄື  Antivirus ເຊິ່ງມີຟັງຊັ່ນທີ່ເນັ້ນສ່ວນປ້ອງກັນມັລແວຣ໌ຢ່າງດຽວ ແລະ ນຳມາດ້ວຍ  Internet Security ເຊິ່ງເພີ່ມສ່ວນຂອງ  Firewall ແລະ ການປ້ອງກັນໄພທີ່ມາຈາກການເຊື່ອມຕໍ່ເນັດເວີກ ແລະ ອິນເຕີເນັດ ແລະ ສຸດທ້າຍຄື  Total Security ທີ່ມີການເພີ່ມເຕີ່ມສ່ວນຂອງ  Tune-Up ແລະ ໂປແກຣມໃນການປັບແຕ່ງ ຫຼື ຢູທິລິຕີ້ເຂົ້າມານັ້ນເອງ

f168

ແນ່ນອນເຮົາກໍ່ຈະຕ້ອງເລືອກທົດສອບ  Total Security ຢູ່ແລ້ວ
ສຳລັບຟັງຊັ່ນຂອງ  BitDefender Total Security ນັ້ນ ຈະມາເປັນແພັກແບບສາມາດລົງໄດ້  3 ເຄື່ອງເຊິ່ງແນານອນວ່າລາຄາຄ່ອນຂ້າງແພງກວ່າ ແຕ່ຄຸມຄ່າກວ່າແນ່ນອນ ໂດຍທັງ  3 ເຄື່ອງຈະໄດ້ຮັບການປົກປ້ອງຈາກມັລແວຣ໌ ແລະ ການປ້ອງກັນໄພຄຸກຄາມຈາກອິນເຕີເນັດຕ່າງໆ ແລະ ຍັງລວມໄປເຖິງພວກຢູ່ທິລິຕີ້ໃນການປັບແຕ່ງເຄື່ອງ ແລະ ໃຊ້ງານດ້ານຕ່າງໆ ທີ່ກ່ຽວຂ້ອງກັບຄວາມປອດໄພນັ້ນເອງ

ມາເບິ່ງສ່ວນແອນຕີໄວຣັສກັນກ່ອນ ເພາະຖືວ່າເປັນສ່ວນຫຼັກໆທີ່ຜູ້ໃຊ້ຄາດຫວັງວ່າຈະໃຫ້ມັນເຮັດວຽກໄດ້ດີທີ່ສຸດ ເທື່ອນີ້ໄດ້ພັດທະນາເອັນຈີ້ນການເຮັດວຽກທີ່ເອີ້ນວ່າ  Photon ເຊິ່ງບອກວ່າສາມາດເຮັດວຽກໄດ້ໄວ ແລະ ບໍ່ຖ່ວງປະສິດທິພາບຂອງເຄື່ອງ ເຊິ່ງນັ້ນເປັນສິ່ງທີ່ຜູ້ພັດທະນາແອນຕີໄວຣັສທຸກຄົນພະຍາຍາມຈະເຮັດເພື່ອສ້າງປະສົບການທີ່ດີໃຫ້ກັບຜູ້ໃຊ້

ການປ້ອງກັນໄພຄຸກຄາມຈາກອິນເຕີເນັດເປັນສ່ວນທີ່ 2 ທີ່ເຮົາຝາກ ເພາະມັນລັກລອບເຮັດວຽກແບບມິດໆ ທັງ  Firewall ຫຼື ພວກ  Anti-Spam ແລະ  Anti-Phishing ເຊິ່ງຈະເນັ້ນໄປຫາການເຊື່ອມຕໍ່ກັບ  Cloud ຫຼາຍຂື້ນ ໂດຍມີການກວດສອບຄວາມປອດໄພເຊິຣ໌ຟເວີຣ໌ກາງຂອງ  BitDefender ເຮັດໃຫ້ເກີດຄວາມປອດໄພຫຼາຍຂື້ນ

ສ່ວນສຸດທ້າຍທີ່ມີສະເພາະໃນ  Total Security ຫຼື ຫຼຸ້ນທ໊ອປຂອງເຈົ້າອື່ນໆເຊັ່ນດຽວ ໂດຍການພ່ວງເອົາຢູທິລິຕີ້ທີ່ມີປະໂຫຍດແຕກຕ່າງກັນໄປ ໂດຍ  BitDefender ນັ້ນ ຈະມາພ້ອມກັບ  Tune-Up ເຊິ່ງກໍ່ຄືການລ້າງໄຟລຂີ້ເຫຍື້ອ ຈັດລຽງຂໍ້ມູນ ກູ້ຄືນລິຈິສຕຣີ ແລະ ການປັບແຕ່ງທີ່ສົ່ງຜົນໃຫ້ເຄື່ອງເຮັດວຽກໄວຂື້ນ ນອກນັ້ນກໍ່ຈະເປັນການລຶບໄຟລແບບແນ່ໃຈໄດ້ວ່າບໍ່ສາມາດກູ້ຄືນ ຫຼື ເຂົ້າລະຫັດໄຟລທີ່ເປັນຄວາມລັບ ເຊິ່ງອຳນວຍຄວາມສະດວກໃຫ້ແກ່ຜູ້ໃຊ້ໃນໂປຣແກຣມດຽວ

f169f170

ນອກຈາກນີ້ຍັງມີບໍລິການ  Cloud ທີ່ເສີມມານຳ ນຄື SafeBox ເຊິ່ງເປັນພື້ນທີ່ເກັບຂໍ້ມູນທີ່ອ້າງວ່າປອດໄພ  (ກວ່າໃນເຄື່ອງຂອງເຮົາ) ອີກ  2GB ແລະ ທ່ານຍັງສາມາດຕັ້ງຄ່າເພື່ອກຳນົດໃຫ້ເກັບຄວາມລັບຕ່າງໆຂອງທ່ານໄວ້ ເຊັ່ນຂໍ້ມູນສ່ວນຕົວ ຫຼື ຂໍ້ມູນບັດເຄດິດ ກໍລະນີທີ່ມີໄວຣັສລັກສົ່ງຂໍ້ມູນເຫຼົ່ານີ້ອອໄປໂດຍທີ່ບໍ່ຮູ້ຕົວອີກ

ທົດສອບການໃຊ້ງານ

ຈາກການໃຊ້ງານ ຕັ້ງແຕ່ການຕິດຕັ້ງຈົນເຖິງການເຮັດວຽກລວມໆແລ້ວຖືວ່າຢູ່ໃນລະດັບກາງໆ  ບໍ່ຕ່າງກັບແອນຕີ້ໄວຣັສທົ່ວໄປໃນທ້ອງຕະຫຼາດ ແຕ່ດ້ວຍຄວາມທີ່ເປັນ Total Security ດັ່ງນັ້ນໂປຣແກຣມກໍ່ຈະໃຫຍ່ໜ້ອຍເພາະມີຟັງຊັ່ນຫຼາຍ

ໜ້າຕາໂປຣແກຣມເປັນ  Dashboard ທີ່ເບີ່ງງ່າຍໃຊ້ງ່າຍດີ ມີການແຍກຟັງຊັ່ນໃນການເຮັດວຽກຊັດເຈນ ແລະ ມີການແຈ້ງເຕືອນທີ່ເຂົ້າໃຈງ່າຍດີ ຫຼື ທີ່ຈິງແລ້ວພຽງແຕ່ຕິດຕັ້ງແລ້ວປ່ອຍໃຫ້ມັນເຮັດວຽກເອງໄປກໍ່ຈົບແລ້ວ

ສິ່ງທີ່ໜ້າຊື່ນຊົມຄືລະບົບ Auto Pilot ທີ່ຊ່ວຍຮຽນຮູ້ການໃຊ້ງານ ແລະ ຕັ້ງຄ່າໃຫ້ເໝາະສົມກັບຜູ້ໃຊ້ງານໂດຍອັດຕະໂນມັດບໍ່ຕ້ອງຖາມນັ້ນຖາມນີ້ໃຫ້ປວດຫົວ ແຕ່ກໍ່ຈະເປັນຄ່າກາງໆ ເຊິ່ງຖ້າຢາກໃຫ້ດີທີ່ສຸດກໍ່ຕ້ອງສຶກສາ ແລະ ຕັ້ງຄ່າເອງຈະດີກວ່າ

ເລື້ອງຄວາມສາມາດໃນການກວດຈັບຄືຈະບໍ່ສາມາດບອກໄດ້ຊັດເຈນແຕ່ທີ່ຜ່ານມາ  BitDefender ເອງ ກໍ່ສາມາດກວດຈັບ ແລະ ປ້ອງກັນຢູ່ໃນລະດັບດີໃຊ້ໄດ້ຄືກັນ ແຖມສິ່ງທີ່ທ່ານຈະໄດ້ໃຊ້ປະຈຳ ກໍ່ຄືຈະເປັນຢູທິລິຕີ້ຕ່າງໆ ນີ້ແລະໄດ້ຜົນດີ!!!

ຂໍ້ມູນຈາກ: arip

Read Full Post | Make a Comment ( None so far )

5 ສິ່ງທີ່ຕ້ອງລະວັງ ບໍ່ໃຫ້ສາຍຊາຣ໌ຈ iPhone ຂາດ, ເພໄວເກີນໄປ

Posted on August 22, 2014. Filed under: ຄວາມຮູ້ເລື່ອງ IT, ສະມາດ ໂຟນ, ສາລະໜ້າຮູ້ |


ເຊື່ອວ່າເລື້ອງອາການສາຍຊາຣ໌ຈຂອງອຸປະກອນໄອໂຟນ ໄອແພດ ຂາດ ແຕກ ຫຼື ເພ ໜ້າຈະເປັນສິ່ງທີ່ຫຼາຍຄົນປະສົບຢູ່ ໂດຍສ່ວນໃຫຍ່ທີ່ພົບເຫັນຄື ອາການແຕກບໍລິເວນຂໍ້ຕໍ່ລະຫວ່າງສາຍກັບຫົວຊາຣ໌ຈ ເຖິງວ່າຈະຍັງພໍໃຊ້ງານໄດ້ອີກໄລຍະໜື່ງ ແຕ່ເມື່ອເສຍຫາຍຫຼາຍເຂົ້າ ກໍ່ບໍ່ອາດນຳມາຊາຣ໌ຈຕໍ່ໄດ້ ຫຼື ມີຄວາມສ່ຽງທີ່ເຮັດໃຫ້ເກີດຄວາມເສຍຫາຍຕໍ່ໂຕເຄື່ອງ

f152 ແຕ່ປະເດັນກໍ່ຄື ການປ້ອງກັນ ຫຼື ການໃຊ້ຢ່າງລະມັດລະວັງ ຖືເປັນສິ່ງຈຳເປັນໃນການທີ່ຈະເຮັດໃຫ້ສາຍຊາຣ໌ຈໄອໂຟນນັ້ນ ຢືດອາຍຸການໃຊ້ງານໄດ້ຫຼາຍຂື້ນ ເພາະລາຄາຂອງສາຍທີ່ຂາຍໃນຮ້ານ ທັງຂອງແທ້  iPhone ເອງ ຫຼື ຈະເປັນຂອງ  3rd Party ທີ່ຄຸນນະພາບໃກ້ຄຽງກັນ ລາຄາກໍ່ບໍ່ແພງຫຼາຍ ແຕ່ຖ້າບໍ່ຢາກເສຍເງີນ ກໍ່ຕ້ອງຊອກທາງຮັກສາ ແລະ ປ້ອງກັນໃນການໃຊ້ງານ ແຕ່ຈະເຮັດໄດ້ແນວໃດແດ່

f153

1 ເລີ່ມຈາກການໃຊ້ງານ ລະຫວ່າງການຊາຣ໌ຈຄວນປ່ອຍໃຫ້ສາຍໄດ້ມີການເຊື່ອມຕໍ່ປົກກະຕິ ຫຼື ທາງທີ່ດີວາງໄວ້ທຳມະດາ ງົດການໃຊ້ງານ ເພາະລະຫວ່າງການຊາຣ໌ຈໄປຫຼີ້ນໄປ ການຍ້າຍສາຍໄປມາ ຫຼື ການດືງບາງຄັ້ງ ກໍ່ອາດຈະເຮັດໃຫ້ຂໍ້ຕໍ່ຂອງສາຍມີໂອກາດເພໄດ້

f154

2 ການໃຊ້ມືຖືດືງສາຍໂດຍກົງ ໂດຍທີ່ບໍ່ໄປດືງບ່ອນຫົວຊາຣ໌ຈ ກໍ່ມີສ່ວນເຮັດໃຫ້ເກີດຄວາມເສຍຫາຍໄດ້ ເພາະໂຕສາຍ ຫຼື ສາຍສັນຍານຂອງອຸປະກອນໃດໆກໍ່ຕາມ ບໍ່ໄດ້ອອກແບບໃຫ້ມີແຮງກະທົບສາຍ ການດືງຫົວຊາຣ໌ຈຈາກປັ້ກຈື່ງເປັນການກະທຳທີ່ບໍ່ຖືກຕ້ອງ

f155

3 ຈັດເກັສາຍໃຫ້ເໝາະສົມ ຂໍ້ນີ້ຄ່ອນຂ້າງສຳຄັນ ໂດຍສະເພາະການຈັດເກັບບໍ່ເປັນລະບຽບໃນກະເປົາ ຫຼື ບາງຄັ້ງສາຍໄປພັນກັບສິ່ງຂອງອື່ນໆໃນກະເປົາ ແຕ່ເຮົາໃຊ້ວິທີດືງສາຍອອກມາ ສິ່ງທີ່ເກີດອາດຈະເຮັດໃຫ້ສາຍເກີດຄວາມເສຍຫາຍໄດ້ເຊັ່ນກັນ

f156 4 ການຮັກສາ ແລະ ການຈັດເກັບໄວ້ໃນບ່ອນທີ່ເໝາະສົມ ກໍ່ຊ່ວຍຢືດອາຍຸຂອງສາຍຊາຣ໌ຈໃຫ້ຢູ່ໄດ້ດົນນານຍິ່ງຂື້ນ ຫຼີກລ້ຽງຄວາມຮ້ອນ ສາຍເຄມີບາງຢ່າງ ໂດຍສະເພາະບາງຄົນຖີ້ມສາຍໄວ້ກັບພອຣ໌ດຊາຣ໌ຈ ຫຼື  USB ໃນລົດ ອຸນຫະພູມທີ່ເກີດຂື້ນກາງແດດ ພາຍໃນລົດສົ່ງຜົນຮ້າຍຕໍ່ສາຍຊາຣ໌ຈໄດ້ຢ່າງຫຼວງຫຼາຍ
f157 5 ໃຊ້ສາຍຊາຣ໌ຈໃຫ້ຖືກກັບງານ ແລະ ເໝາະສົມເປັນສິ່ງສຳຄັນ ບາງຄົນເອົາສາຍຊາຣ໌ຈໄວ້ຄ້າງກັບມືຖື ໂດຍຖີ້ມນ້ຳໜັກຂອງອຸປະກອນ ຫຼື ຫ້ອຍເອົາໄວ້ ຈົນເຮັດໃຫ້ສາຍຕ້ອງມາຮັບນ້ຳໜັກຫຼາຍເກີນໄປ ຫຼື ບາງທີ່ມີເຄື່ອງໜັກໆທັບໄວ້ລະຫວ່າງທີ່ໃຊ້ງານ ເຮັດໃຫ້ເກີດຄວາມເສຍຫາຍ ສິ່ງນີ້ກໍ່ຕ້ອງລະວັງຫາກຕ້ອງການໃຊ້ສາຍຊາຣ໌ຈໄປດົນນານ

ສິ່ງເຫຼົ່ານີ້ເປັນເລື້ອງງ່າຍໆ ທີ່ຜູ້ໃຊ້ຕ້ອງລະມັດລະວັງໃນການໃຊ້ສາຍຊາຣ໌ຈໄອໂຟນ ເພາະບາງຄັ້ງເຮົາໃຊ້ງານໄປດ້ວຍຄວາມຊິນເຄີຍ ສັງເກດໄດ້ວ່າກະແສໃນເລື້ອງຂອງສາຍຊາຣ໌ຈທີ່ເພງ່າຍມັນເກີດຂື້ນກັບບາງຄົນ ບາງຄົນກໍ່ປ່ຽນເລື່ອຍໆ ແຕ່ບາງຄົນກັບໃຊ້ຍາວນານເປັນປີ ສະແດງວ່າອາດຈະມີການໃຊ້ງານ ແລະ ເກັບມ້ຽນຕ່າງກັນ ດັ່ງນັ້ນ ຖ້າບໍ່ຢາກເສຍເງີນຊື້ສາຍຊາຣ໌ຈເລື່ອຍໆ ກໍ່ອາດຈະຕ້ອງລະວັງໃນການໃຊ້ງານແດ່ເລັກນ້ອຍ

ຂໍ້ມູນຈາກ: sanook

Read Full Post | Make a Comment ( None so far )

Silk Leaf ໂຄງການຜະລິດໃບໄມ້ທຽມທີ່ສາມາດຜະລິດອອກຊິເຈນໄດ້

Posted on August 20, 2014. Filed under: ຄວາມຮູ້ເລື່ອງ IT, ສາລະໜ້າຮູ້ |


f148

ເປັນໂຄງການທີ່ໜ້າອັດສະຈັນຂອງ  Julian Melchiorri ນັກສຶກສາຈາກ  RCA (Royal College of Art) ທີ່ຕ້ອງການພັດທະນາແຜ່ນໃຍສັງເຄາະທີ່ຊື່ວ່າ “Silk Leaf” ທີ່ມີຄວາມສາມາດໃນການດູູດຊັບນ້ຳ ແລະ ກ໊າຊຄາຣ໌ບອນໄດອອກໄຊ ແລະ ຜະລິດອອກຊິເຈນອອກມາໄດ້ຄືກັບໃບໄມ້ແທ້ໆ ເຊິ່ງແນວຄິດນີ້ຖ້າສຳເລັດຈະສາມາດນຳໄປໃຊ້ປະໂຫຍດໃນການເດີນທາງທີ່ເປັນໄລຍະທາງໄກໃນອາວະກາດ ຫຼື ການສ້າງໂຄໂລນີ່ເພື່ອໃຫ້ມະນຸດອາໄສນອກໂລກໄດ້

f149

 

f150

ແຜ່ນໃຍສັງເຄາະນີ້ເກີດຈາກການນຳເອົາສານສະກັດ  Chloroplasts ທີ່ຢູ່ໃນພືດມາປະສົມກັບໂປຣຕິນຈາກເສັ້ນໃຍໄໝ ເມື່ອນຳມາຂື້ນຮູບເປັນແຜ່ນແລ້ວຈະມີນ້ຳໜັກເບົາ Juliean ມີແນວຄິດວ່າໂຕ  Silk Leaf ຈະສາມາດນຳໄປໃຊ້ເພື່ອເພີ່ມອອກຊິເຈນໃຫ້ກັບພາຍໃນອາຄານ ໂດຍຕິດຕັ້ງໂຄມໄຟໃນບ້ານ ຫຼື ໃຊ້ແຜ່ນປິດຮອບອາຄານ ເພື່ອໃຫ້ດູດຊັບກ໊າຊຄາຣ໌ບອນໄດອອກໄຊໄດ້ນຳ

ນອກຈາກນີ້ ແນວຄິດການນຳໄປໃຊ້ໃນອາວະກາດກໍ່ເປັນສິ່ງທີ່ເກີດຂື້ນໄດ້ ເພາະວ່າອາວະກາດທີ່ເປັນພາວະໄຮ້ແຮງໂນມທ່ວງ ເຮັດໃຫ້ບໍ່ສາມາດປູກຕົ້ນໄມ້ໄດ້ ແຕ່ຖ້າໃຊ້  Silk Leaf ແລ້ວກໍ່ຈະຊ່ວຍປ່ຽນຊັບກ໊າຊຄາຣ໌ບອນໄດອອກໄຊໃຫ້ກາຍເປັນອອກຊິເຈນໄດ້ ແນວຄິດເລື້ອງເດີນທາງໃນອາວະກາດ ຫຼື ສ້າງທີ່ຢູ່ອາໄສໃນອາວະກາດກໍ່ມີຄວາມເປັນໄປໄດ້ຫຼາຍຍິ່ງຂື້ນ

ຂໍ້ມູນຈາກ : Dezeen, beartai

Read Full Post | Make a Comment ( None so far )

ເຂົ້າມາຊ໊ອດ! ສາຍຫັດຂໍ້ມືສຳລັບຄົນຂີ້ຄານ

Posted on August 19, 2014. Filed under: ຄວາມຮູ້ເລື່ອງ IT, ສາລະໜ້າຮູ້, ອິນເຕີເນ໋ດ |


ວ່າກັນສິ່ງທີ່ຍາກທີ່ສຸດໃນການອອກກຳລັງກາຍຄືການພາຕົວເອງໄປອອກກຳລັງກາຍນີ້ແລະ!  ເຊື່ອວ່າທຸກຄົນຕ້ອງເຄີຍປະສົບປັນຫາ “ຂີ້ຄານ” ໄປອອກກຳລັງກາຍ ຫຼື “ຂີ້ຄານ” ຕື່ນນອນ ຖ້າຫາກທ່ານພົບກັບບັນຫານີ້ຢູ່ເຮົາຂໍແນະນຳ ສາຍຫັດຂໍ້ມືສຸດໄຮເທັກທີ່ສາມາດ “ຊ໊ອດ” ຜູ້ສວມໃສ່ໄດ້ຖ້າຫາກຂີ້ຄານ!!  O_O?!

f146

ສາຍຫັດຂໍ້ມື  Pavlok ນີ້ບໍ່ໄດ້ເປັນພຽງອຸປະກອນສວມໃສ່ເພື່ອສຸຂະພາບທຳມະດາ ແ່ມາພ້ອມຄອນເຊັບທີ່ແປກກວ່າ Wearable Devices ໂຕອື່ນ ທີ່ມັນສາມາດປ່ອຍກະແສໄຟຟ້າອອກມາຊ໊ອດຜູ້ໃສ່ໄດ້ເມື່ອບໍ່ຍອມປະຕິບັດຕາມແຜນທີ່ກຳໜົດໄວ້ໄດ້ເຊັ່ນ: ເຖິງວ່າມັນຈະປຸກໃຫ້ທ່ານຕື່ນ ແຕ່ເຖິງຢ່າງໃດທ່ານກໍ່ບໍ່ຍອມຕື່ນຈັກເທື່ອ ໂຕ Pavlok ຈະປ່ອຍກະແສໄຟຟ້າອ່ອນໆມາຊ໊ອດໃຫ້ທ່ານຕື່ນ

ນອກຈາກຄຸນສົມບັດທີ່ສາມາດລົງໂທດຜູ້ສວມໃສ່ທີ່ບໍ່ເຮັດຕາມເປົ້າໝາຍແລ້ວ  Pavlok ກໍ່ສາມາດເຮັດໜ້າທີ່ຄ້າຍຄື Wearable Devices ເພື່ອສຸຂະພາບທົ່ວໆໄປ ຄືໃຊ້ສຳລັບຕາມ  Track ພຶດຕິກຳຕ່າງໆໃນແຕ່ລະວັນທ່ານ ໂດຍສະແດງຜົນຜ່ານແອພພລິເຄຊັ່ນເທິງມືຖື

f147

ຫຼາຍຄົນທີ່ອ່ານມາຮອດນີ້ອາດຈະຮູ້ສຶກວ່າ Pavlok ເປັນເຄື່ອງມືທີ່ເບີ່ງແລ້ວເປັນຕາຢ້ານ ແລະ ຮຸນແຮງ ແຕ່ຄວາມຈິງຫຼັກການດັ່ງກ່າວນີ້ມີປາກົດຢູ່ວິຊາຈິດວິທະຍາມາດົນນານແລ້ວ ເຮົາເອີ້ນວ່າການເສີມແຮງທາງລົບ (Negative Reinforcemnet ) ເພື່ອກໍ່ໃຫ້ເກີດການຮຽນຮູ້ນັ້ນເອງ ອະທິບາຍງ່າຍໆກໍ່ຄື ການທີ່ເຮົາຖືກລົງໂທດຈາກການຖືກຖືກໄຟຊ໊ອດໄປໄລຍະໜື່ງ ໃນທີ່ສຸດເຮົາກໍ່ຈະຮຽນຮູ້ທີ່ຈະເຊົາພຶດຕິກຳທີ່ບໍ່ດີ (ຕື່ນສວາຍ, ບໍ່ຍອມອອກກຳລັງກາຍ) ໃນທີ່ສຸດ ເພາະສະນັ້ນບໍ່ຕ້ອງຕົກໃຈໄປກັບແນວຄິດຂອງສາຍຫັດຂໍ້ມື Pavlok ນີ້ເລີຍ

ສຳລັບໃຜທີ່ສົນໃຈ  Pavlok ນີ້ ສາມາດ  Pre-order ໄດ້ຈາກເວັບໄຊຂອງຜູ້ຜະລິດ ເຊິ່ງທາງຜູ້ຜະລິດຄາດການວ່າ  Pavlok ນີ້ຈະສາມາດວາງຈຳໜ່າຍທົ່ວໄປໄດ້ໃນຊ່ວງທ້າຍປີ  2014 ນີ້ 

 

ຂໍ້ມູນຈາກ: DesignTaxi, arip

Read Full Post | Make a Comment ( None so far )

10 ວິທີເລືອກ  Ultrabook

Posted on August 16, 2014. Filed under: ຄວາມຮູ້ເລື່ອງ IT, ສາລະໜ້າຮູ້ |


ສຳລັບໃຜທີ່ກຳລັງຊອກຫາ  Ultrabook ໄວ້ໃຊ້້ ແຕ່ດ້ວຍຮູບຮ່າງ ຟັງຊັ່ນ ແລະ ຍີ່ຫໍ້ທີ່ອອກມາຫຼາຍ ເຮັດໃຫ້ກາຍເປັນອຸປະສັກໃນການເລືອກຊື້ ເພາະບໍ່ຮູ້ຈະເລືອກແບບໃດ ຍີ່ຫໍ້ໃດດີ ຈື່ງຈະຄຸ້ມກັບເງິນທີ່ເສຍໄປ ມື້ນີ້ເຮົາຈື່ງມີ  10 ວິທີໃນການເລືອກຊື້  Ultrabook ມາຝາກກັນ

  1. Screen size: ຈໍຈະໃຫຍ່ຂະໜາດໃດດີ?

f134

ຂະໜາດໜ້າຈໍຄວນເລືອກຕາມຄວາມເໝາະສົມ ແລະ ລັກສະນະການໃຊ້ວຽກ ໜ້າຈໍໃຫຍ່ກວ່າກໍ່ບໍ່ແມ່ນວ່າຈະດີສະເໝີໄປ ໂດຍປົກກະຕິທີ່ນິຍົມໃຊ້ຂະໜາດໜ້າຈໍຈະຢູ່ປະມານ 14 ນີ້ ຮອງລົງມາ  13.3 ນີ້ວ ແລະ ໜ້າຈໍໃຫຍ່ທີ່ສຸດຄື  15.6 ນີ້ວ , ສຳລັບໂຕ Ultrabook ນັ້ນທາງ  Intel ໄດ້ມີການກຳນົດຂະໜາດໂຕເຄື່ອງໄວ້ ໂດຍມີດັ່ງນີ້

– ດ້ານຄວາມເບົາບາງ ຈະຕ້ອງບາງກວ່າໂນດບຸກທົ່ວໄປ ໂດຍສຳລັບໜ້າຈໍຂະໜາດບໍ່ເກີນ  13 ນີ້ວຈະຕ້ອງໜາບໍ່ເກີນ  18 ມິລລີແມັດ ແລະ ຈະຕ້ອງໜາບໍ່ເກີນ  21 ມິລລີແມັດ ສຳລັບໜ້າຈໍຂະໜາດ 14 ນີ້ວ

– ແບັດເຕີລີໃຊ້ໄດ້ດົນຢ່າງໜ້ອຍບໍ່ຕ່ຳກວ່າ  5 ຊົ່ວໂມງ ເຊິ່ງຍັງບໍ່ນັບລວມໂໝດສະແຕນບາຍທີ່ຕ້ອງສາມາດສະແຕນບາຍໄດ້ບໍ່ຕ່ຳກວ່າໜື່ງອາທິດໂດຍແບັດເຕີລີຕ້ອງບໍ່ໝົດ

– ສາມາດເປີດໃຊ້ງານ (ບູທເຄື່ອງ) ໄດ້ຢ່າງໄວວາຈາກ  sleep mode ໂດຍຕ້ອງບໍ່ເກີນໜ່ວຍວິນາທີ

– ມີການອອກແບບໜ່ວຍສຳຮອງຂໍ້ມູນໃໝ່ໂດຍໃຊ້ແບບ  SSD ແທນ  HDD ແບບແຜ່ນແມ່ເຫຼັກທົ່ວໄປ

 2 CPU: ໄວ ແຮງ ປະຢັດໄຟ?

f135

Core-i3   ເໝາະສຳລັບເຮັດວຽກກ່ຽວກັບເອກະສານທົ່ວໄປ ເບິ່ງໜັງ ຟັງເພງ ຫຼີ້ນອິນເຕີເນັດ ແລະ ເກມທົ່ວໄປທີ່ກຣາຟິກບໍ່ສູງຫຼາຍ

Core-i5   ເໝາະສຳລັບຫຼີ້ນເກມທີ່ໃຊ້ກຣາຟິກປານກາງເຖິງສູງ ເຮັດວຽກກ່ຽວກັບພວກແປງໄຟລ ປະກອບງານສາມມິຕິ ແລະ ຂຽນໂປຣແກຣມ

Core-i7   ສຳລັບເກມເມີຣ໌ ວິສະວະກອນສາຍ  IT ອອກແບບເຮັດວຽກສາມມິຕິ ແລະ ວຽກກຣາຟິກໜັກໆ

ສຳລັບຊິປຕະກຸນ  Core-i ຈະແບ່ງອອກໄດ້ອີກ  2 ປະເພດຄື ແບບປະຢັດພະລັງງານ ແລະ ແບບປົກກະຕິ

ແບບປະຢັດພະລັງງານ ເຊັ່ນ: Intel Core i5-3317U  (ລົງທ້າຍດ້ວຍ  U)
ແບບປົກກະຕິ ເຊັ່ນ:  Intel Core i5-3210M (ລົງທ້າຍດ້ວຍ  M)

ໃນປະຈຸບັນ  Core-i ພັດທະນາມາເຖິງຫຼຸ້ນທີ່  4 (Haswell) ແລ້ວ ຈະເຫັນໂຕເລກ  4 ນຳໜ້າ ຖ້າໃຜພົບເຫັນ  i5-3210 ແບບນີ້ຄືຫຼຸ້ນທີ່  3 ສຳລັບຄວາມແຕກຕ່າງລະຫວ່າງ  GEN 3 ກັບ  GEN 4 ຕ່າງກັນແຕ່ເລື້ອງປະຢັດພະລັງງານ ແລະ ເລື້ອງການລະບາຍຄວາມຮ້ອນ ໃນສ່ວນການປະມວນຜົັນ ແລະ ຄວາມໄວໃນການເຮັດວຽກແມ່ບໍ່ແຕກຕ່າງກັນຫຼາຍ

 

  1. GPU/VGA: ຫຼີ້ນເກມໄດ້ ເຮັດວຽກໄດ້ ຫຼີ້ນເນັດໄດ້ກາຣ໌ດຈໍປະມານໃດດີ?

f136

ໂດຍປົກກະຕິ  CPU ຈະມີກາຣ໌ດຈໍໃນຕົວຢູ່ແລ້່ວ ທີ່ເຮົາເອີ້ນວ່າກາຣ໌ດຈໍ  On board ເຊັ່ນ Intel HD Graphics 4000 ເຊິ່ງກໍ່ພຽງພໍສຳລັບການໃຊ້ງານທົ່ວໄປ ພວກເອກະສານ ແລະ ການຫຼີ້ນເກມອອນໄລບາງເກມ

ສຳລັບ  VGA (ກາຣ໌ດຈໍແຍກ) ຈະມີຢູ່  2 ບໍລິສັດຫຼັກ ຄື  AMD ກັບ  NVidia

AMD serial ປະຈຸບັນຈະເປັນ  AMD Radeon HD 7xxx ຍິ່ງມີໂຕເລກຫຼາຍກໍ່ຍິງປະມວນຜົນກຣາຟິກໜັກໆໄດ້ດີ

nVidia  serial ປະຈຸບັນເປັນ  nvidia GeForce GT 7xx ຍິ່ງມີໂຕເລກຫຼາຍກໍ່ຍິງປະມວນຜົນກຣາຟິກໜັກໆໄດ້ດີ

ສຳລັບ  Ultrabook ໃນບາງຫຼຸ້ນກໍ່ອາດຈະມີການໃສ່ກາຣ໌ດຈໍແຍກທີ່ເປັນຂອງ  AMD ຫຼື  nVidia ມາໃຫ້ເລີຍແຕ່ລາຄາຈະຄ່ອນຂ້າງສູງ

 

  1. Ram: ຍິ່ງຫຼາຍ ຍິ່ງປະມວນຜົນໄດ້ໄວ

f137

ໃນ Ultrabook ທີ່ໃຊ້ໃນລະບົບປະຕິບັດການ ຕັ້ງແຕ່  Windows 7 ຂື້ນໄປຄວນໃຊ້  RAM 4 GB ເປັນຢ່າງໜ້ອຍ ຖ້າຫາກໃຊ້ງານໜັກໆ ຫຼື ຫຼີ້ນເກມຫຼາຍໆອາດໃສ່ເພີ່ມນຳຫຼັງເປັນ  8 GB ໄດ້ ແຕ່ 4 GB ກໍ່ພຽງພໍສຳລັບການໃຊ້ງານທົ່ວໄປຢູ່ແລ້ວ

 

  1. Harddisk: ຍິ່ງຫຼາຍ ຍິ່ງເກັບໄດ້ຫຼາຍ

ປະຈຸບັນແບ່ງເປັນ  2 ປະເພດຄື HDD (Hard Disk Drive) ແລະ SDD (Solid State Drive)

Ultrabook ໃນປະຈຸບັນຈະນຳທັງສອງແບບມາໃຊ້ຄວບຄູ່ກັນ ຕົວຢ່າງບາງສະເປັກຈະເປັນ  320GB 5400RPM 24GB SSD Cache ທີ່ນຳມາໃຊ້ປະສົມກັນເປັນເພາະ  HDD ນັ້ນບັນຈຸໄດ້ຫຼາຍແຕ່ຊ້າ ສ່ວນ SDD ນັ້ນອ່ານໄດ້ໄວຫວ່າ ສຽງເບົາກວ່າ ກິນໄຟນ້ອຍກວ່າ ບູທເຄື່ອງໄວ ທົນຕໍ່ແຮງກະທົບ ແຕ່ລາຄາແພງ ແລະ ບັນຈຸໄດ້ໜ້ອຍ ຈື່ງນຳມາໃຊ້ປະສົມກັນເພື່ອຄວາມສົມດຸນ ສຳລັບຄວາມໄວໃນການອ່ານ ຈະມີໂຕເລກສອງຊຸດຄື  5400RPM ກັບ 7200RPM ໂດຍ 7200RPM ຈະອ່ານໄດ້ໄວກວ່າເຫຼັກນ້ອຍປະມານ 8% ແຕ່ຂໍ້ເສຍຄືຄວາມຮ້ອນສູງ

 

  1. Display resolution: ເຮັດວຽກ ແຕ່ກໍ່ມັກເບິ່ງໜັງ ຫຼີ້ນເກມ ຄວາມລະອຽດປະມານໃດ ?

f138

ຄວາມລະອຽດຂອງໜ້າຈໍຂອງ Ultrabook ໃນປະຈຸບັນກໍ່ມີຜົນຕໍ່ການໃຊ້ງານຂອງຜູ້ໃຊ້ບໍ່ນ້ອຍ ເຮົາຈື່ງຄວນຮູ້ກ່ອນວ່າລັກສະນະວຽກທີ່ເຮົາຈະນຳໄປໃຊ້ນັ້ນເປັນແນວໃດ ຕໍ່ໄປນີ້ຄືຄວາມລະອຽດໜ້າຈໍທີ່ເໝາະກັບວຽກລັກສະນະຕ່າງໆ

– HD 720 (1280 x 720): ຄວາມລະອຽດຂອງໜັງ  High definition (HD) ຂະໜາດ  720 ເສັ້ນ ແລະ ເປັນຄວາມລະອຽດທີ່ເກມ  console ຄື  Xbox 360 ແລະ  PS3 ໃຊ້ເໝາະສຳລັບການເຮັດວຽກທີ່ຫຼາກຫຼາຍເຊັ່ນ: ເບິ່ງໜັງ ຟັງເພງ ຫຼີ້ນເກມ ໂດຍສະເພາະເບິ່ງໜັງເຊິ່ງສາມາດຮອງຮັບຄວາມລະອຽດແບບ  HD ໄດ້

– WXGA (1280 x 768, 1280 x 800): ເປັົນຄວາມລະອຽດທີ່ພົບເຫັນໄດ້ຫຼາຍທີ່ສຸດໃນບັນດາ  notebook ແລະ  Ultrabook ທີ່ມີຂະໜາດໜ້າຈໍຕັ້ງແຕ່  10 ນີ້ວເປັນຕົ້ນໄປ ຂະໜາດທີ່ເໝາະສົມກັບຄວາມລະອຽດລະດັບນີ້ຄວນມີຂະໜາດໜ້າຈໍປະມານ 13 – 14 ນີ້ວ ເຊິ່ງພໍດີກັບການເບິ່ງ ໂຕອັກສອນໃນ  Windows ເໝາະກັບການໃຊ້ງານຫຼາກຫຼາຍ ສາມາດຕັດຕໍ່ພາບ ແລະ ສຽງໄດ້
– 1366 x 768: ຄວາມລະອຽດຂອງຈໍ  LCD ແບບ  HD-Ready ເປັນຄວາມລະອຽດລະດັບ  HD ທີ່ເໝາະກັບການໃຊ້ງານທີ່ຫຼາກຫຼາຍເຊັ່ນ ທັງວຽກເອກະສານ ເບິ່ງໜັງ ຟັງເພງ ຫຼີ້ນເກມ ແລະ ວຽກງານປະເພດຕັດຕໍ່ພາບ ແລະ ສຽງໄດ້

– Full HD 1080 (1920 x 1080): ຄວາມລະອຽດມາດຕະຖານຂອງໜັງ  HD ແບບ  1080 ເສັ້ນ (ຈັດຢູ່ໃນລະດັບ  Full HD) ແລະ ຍັງເປັນຄວາມລະອຽດທີ່ພົບເຫັນໃນ  notebook ຫຼື  Ultrabook ລະດັບໄຮເອນທີ່ຕ້ອງການໂປຣໂມດຄວາມສາມາດໃນການຫຼີ້ນໜັງ  Hi-definition ເໝາະສຳລັບການໃຊ້ງານທີ່ເນັ້ນໜັກໄປທາງດ້ານການຕັດຕໍ່ພາບ ວຽກກຣາຟິກ ລວມໄປເຖິງຄວາມບັນເທີງພວກເບິ່ງໜັງ ແລະ ຫຼີ້ນເກມໜັກໆ
**ຄວາມລະອຽດຂອງໜ້າຈໍປະຈຸບັນບໍ່ຕ່າງກັນຫຼາຍ ສ່ວນໃຫຍ່ຈະສາມາດສະແດງຜົນແບບ HD ໄດ້ພື້ນຖານ**

  1. Weight: ໜັກໄປກໍ່ບໍ່ແມ່ນ Ultra

f139

ເມື່ອເວົ້າເຖິງ  Ultrabook ຈຸດເດັ່ນທີ່ສຸດຄື ນ້ຳໜັກເບົາເໝາະສຳລັບພົກພາ ແຕ່ກໍ່ຄືກັບສິນຄ້າອື່ນໆ  Ultrabook ກໍ່ມີນ້ຳໜັກໃຫ້ເລືອກຫຼາກຫຼາຍ ດັ່ງນັ້ນ ສິ່ງທີ່ຄວນຮູ້ກ່ຽວກັບຄວາມເບົາຂອງ  Ultrabook ຄື ຍິ່ງເບົາຫຼາຍປະສິດທິພາບການເຮັດວຽກກໍ່ອາດຈະຫຼຸດລົງ ເພາະສິ່ງໜື່ງທີ່ມີຜົນຕໍ່ປະສິດທິພາບການເຮັດວຽກຄື ລະບາຍຄວາມຮ້ອນ ແລະ  Ultrabook ມີການລະບາຍຄວາມຮ້ອນທີ່ຄ່ອນຂ້າງຕ່ຳເມື່ອທຽບກັບ  Notebook ທົ່ວໆໄປ ເນື່ອງຈາກຕ້ອງເຮັດໃຫ້ບາງ ຈື່ງຈຳເປັນຕ້ອງລົດຂະໜາດໂຕລະບາຍຄວາມຮ້ອນລົງ ດັ່ງນັ້ນສ່ວນໃຫຍ່ຈື່ງສາມາດອັພເກຣດປະສິດທິພາບດ້ານຕ່າງໆເພີ່ມເຊັ່ນ ກາຣ໌ດຈໍເພາະຈະເຮັດໃຫ້ເຄື່ອງເຮັດວຽຫຼາຍ ຄວາມຮ້ອນສູງ

ດັ່ງນັ້ນ ຖ້າຫາກຕ້ອງການ  Ultrabook ທີ່ບາງ ແລະ ນ້ຳໜັກເບົາ ກໍ່ຕ້ອງແລກກັບປະສິດທິພາບທີ່ອາດຈະສູງຫຼາຍ

  1. Brand & After sale service: ເຄື່ອງເພ ມີບ່ອນແປງໃຫ້

f140

ການຄຳນື່ງເຖິງຍີ່ຫໍ້ສິນຄ້າເປັນສ່ວນໜື່ງທີ່ຄວນຄິດເຖິງ ເພາະຖ້າຫາກສິນຄ້າຍີ່ຫໍ້ນັ້ນໆເປັນທີ່ຮູ້ຈັກມີມາດຕະຖານ ຍ່ອມໝາຍເຖິງສູນບໍລິການທີ່ດີ ແລະ ມີພໍທີ່ຈະໃຫ້ບໍລິການ ອີກມຸມໜື່ງການເລືອກຊື້ສິນຄ້າທີ່ຍີ່ຫໍ້ໄດ້ມາດຕະຖານ ຫຼື ຍີ່ຫໍ້ທີ່ມີຊື່ສຽງ ກໍ່ເປັນການກາລັນຕີຂັ້ນຕົ້ນໄດ້ວ່າ ສິນຄ້າທີ່ເຮົາຊື້ມາຈະໄດ້ທັງມາດຕະຖານ ແລະ ຄຸນນະພາບ ລວມໄປເຖິງບໍລິການຫຼັງການຂາຍທີ່ເຮົາຄວນຈະໄດ້ຮັບພ້ອມ

  1. Prices: ລາຄາ

ກ່ອນທີ່ເຮົາຈະຕັດສິນໃຈຊື້  Ultrabook ເຄື່ອງໜື່ງ ເຮົາຄວນຄິດເຖິງປະສິດທິພາບ ຫຼື ປະໂຫຍດທີ່ໄດ້ຮັບວ່າເໝາະສົມ ແລະ ຄຸ້ມຄ່າກັບລາຄາທີ່ເຮົາຕ້ອງຈ່າຍໄປ ຫຼື ບໍ່ ເພາະຢ່າລືມວ່າ Ultrabook ນັ້ນຖ້າຈະເວົ້າກັນຕາມຈິງ ມີລາຄາສູງກວ່າ  Notebook ທົ່ວໆໄປຫຼາຍ ເນື່ອງຈາກເນັ້ນດີໄຊ ວັດສະດຸທີ່ໃຊ້ລວມເຖິງຄວາມສວຍງາມ ເໝາະແກ່ການພົກພາເປັນຫຼັກ 

10. Warranty: ປະກັນສິນຄ້າ

f141

ໃນປະຈຸບັນອາຍຸການປະກັນສິນຄ້າບໍ່ໄດ້ເທົ່າກັນທຸກຍີ່ຫໍ້ ຫຼື ຕົວແທນຈຳໜ່າຍ ດັ່ງນັ້ນ ກ່ອນຕັດສິນໃຈຊື້ຄວນສອບຖາມກັບທາງຜູ້ຈຳໜ່າຍໃຫ້ຮຽບຮ້ອຍ ກ່ອນວ່າ  Ultrabook ໂຕນັ້ນໆມີການປະກັນສິນຄ້າຈັກປີ? ແລະ ມີປະກັນໄພໃຫ້ມາພ້ອມບໍ່? ໃນສ່ວນທີ່ມີປະກັນຄວນສອບຖາມອີກວ່າ ຄວບຄຸມເລື້ອງໃດແດ່ ມີເງື່ອນໄຂແບບໃດ ແລະ ມີການລົງທະບຽນເອົາປະກັນຢູ່ໃສ? ເພື່ອສິ ແລະ ຜົນປະໂຫຍດຂອງຜູ້ຊື້ເອງ

ຂໍ້ມູນຈາກ: arip

 

Read Full Post | Make a Comment ( None so far )

ວິທີເລືອກ  Printer ແນວໃດໃຫ້ຄຸ້ມ?

Posted on July 19, 2014. Filed under: ຄວາມຮູ້ເລື່ອງ IT, ສາລະໜ້າຮູ້ |


Printer ອີກໜື່ງອຸປະກອນທີ່ຕ້ອງມີຕິດເຮືອນໄວ້ ແຕ່ເພາມີການອອກມາຫຼາກຫຼາຍຂະໜາດ, ຫຼາຍຍີ່ຫໍ້ ກໍ່ເລີຍບໍ່ຮູ້ວ່າຈະເລືອກແນວໃດໃຫ້ເອົາມາໃຊ້ແລ້ວຄຸ້ມ? ພວກເຮົາກໍ່ໄດ້ລວມວິທີເລືອກຊື້ມາໃຫ້ທ່ານ ຈະເລືອກຊື້Printer ແນວໃດມາເບີ່ງເລີຍ

1. Usability: ຊື້ມາໃຊ້ແບບໃດ

f094

ກ່ອນອື່ນເຮົາຕ້ອງຮູ້ກ່ອນວ່າລັກສະນະການໃຊ້ງານເຄື່ອງປຣິນເຕີຂອງເຮົາເປັນແບບໃດ ພິມສີເປັນຫຼັກ, ພິມຂາວດຳ ຫຼື ພິມຮູບ ຖ້າຫາກບໍ່ຈຳເປັນຕ້ອງພິມສີ ເຄື່ອງພິມເລເຊີຣ໌ ຫຼື ອິງເຈັທຂາວດຳກໍ່ອາດຈະເປັນທາງເລືອກທີ່ເໝາະສົມກວ່າ ເພາະນອກຈາກຈະໃຫ້ຄວາມໄວຫຼາຍກວ່າແບບພິມສີແລ້ວ ຍັງໃຫ້ຄຸນນະພາບການພິມຈຳນວນເອກະສານ ແລະ ກຟິກທີ່ດີກວ່າ ລວມໄປເຖິງການພິມທີ່ມີຈຳນວນຫຼາຍໆກໍ່ສາມາດເຮັດໄດ້ໄວ ແລະ ແນ່ນອນກວ່າ

2. Network: ເຄື່ອງດຽວໃຊ້ໄດ້ຫຼາຍຄົນ

f095

ສິ່ງທີ່ຄວນຄຳນືງເຖິງນອກຈາກລັກສະນະການໃຊ້ງານແລ້ວ ຄວນຄຳນືງເຖິງຈຳນວນຄອມພິວເຕີທີ່ຈະຕ້ອງພິມ ຖ້າຫາກໃຊ້ເຄື່ອງພິມດຽວ ແຕ່ຕໍ່ກັບຄອມພິວເຕີຫຼາຍເຄື່ອງ ເຄື່ອງພິມທີ່ໃຊ້ຮ່ວມກັນກໍ່ຕ້ອງເລືອກເຄື່ອງທີ່ຕໍ່ເຂົ້າເນັດເວີກໄດ້ ເຊິ່ງຄວນກວດສອບວິທີ່ການເຊື່ອມຕໍ່ ລວມໄປເຖິງຊອຟແວຣ໌ທີ່ຕ້ອງໃຊ້ໃນການຄວບຄຸມສະຖານະເຄື່ອງພິມທີ່ໃຫ້ມານຳ ວ່າສາມາດໃຊ້ງານຮ່ວມກັບເນັດເວີກທີ່ຈະນຳໄປໃຊ້ໄດ້ ຫຼື ບໍ່

3. Printer memory: ປຣິ້ນໄປ ຈື່ໄປ

ເຄື່ອງພິມບາງຫຼຸ້ນມີໜ່ວຍຄວາມຈຳພາຍໃນເຄື່ອງ ເຊິ່ງບາງຫຼຸ້ນກໍ່ສາມາດເພິ່ມໜ່ວຍຄວາມຈຳໄດ້, ບາງຫຼຸ້ນກໍ່ເພີ່ມບໍ່ໄດ້ ແລະ ບາງຫຼຸ້ນກໍ່ບໍ່ມີໜ່ວຍຄວາມຈຳເລີຍ ຫຼື ມີພຽງເລັກນ້ອຍ ເພາະການເຮັດວຽກທັງໝົດໃຊ້ໜ່ວຍຄວາມຈຳຂອງຄອມພິວເຕີ ດັ່ງນັ້ນໃນກໍລະນີທີ່ເຮົາຕ້ອງການເລືອກຊື້ເຄື່ອງພິມແບບທີ່ມີໜ່ວຍຄວາມຈຳໃນຕົວ ຈື່ງຄວນກວດກ່ອນວ່າໜ່ວຍຄວາມຈຳທີ່ມີມາໃຫ້ພຽງພໍຕໍ່ການໃຊ້ ຫຼື ບໍ່ ຖ້າຫາກບໍ່ແນ່ໃຈຄວນເລືອກແບບທີ່ເພີ່ມໜ່ວຍຄວາມຈຳໄດ້

4. Comparison: ຍີ່ຫໍ້ໃດ ຫຼຸ້ນໃດດີຕ້ອງປຽບທຽບເບີ່ງ

f096

ກ່ຶນຊື້ເຄື່ອງພິມຄວນມີການສຶກສາປຽບທຽບເຄື່ອງພິມແຕ່ລະຫຼຸ້ນ ດ້ວຍການເບີ່ງງານພິມແບບທີ່ເຮົາຕ້ອງການນຳໄປໃຊ້ງານ ເພາະການພິມດ້ານເອກະສານ, ກຣາຟຣິກ ແລະ ຮູບຖ່າຍນັ້ນ ຈະໃຊ້ເຄື່ອງພິມທີ່ແຕກຕ່າງກັນໄປ ໂດຍປົກກະຕິແລ້ວເຄື່ອງພິມແບບເລເຊີຣ໌ຈະພິມພວກເອກະສານໄດ້ດີກວ່າເຄື່ອງພິມແບບອິງເຈັທ ທີ່ເໝາະແກ່ການພິມປະເພດຮູບພາບ ແລະ ກຣາຟຣິກ ສິ່ງທີ່ຄວນກວດສອບ ແລະ ປຽບທຽບກ່ອນການຊື້ປະກອບໄປດ້ວຍ ຄວາມລະອຽດ, ຂະໜາດຂອງຢົດເມິກ  (ໜ່ວຍເປັນ  pl), ຄວາມໄວໃນການພິມ, ຂະໜາດເຈ້ຍທີ່ຮອງຮັບ, ເມິກພິມທີ່ໃຊ້, ການເຊື່ອມຕໍ່, ການສັ່ງພິມ, ຟັງຊັ່ນເສີມອື່ນໆ ແລະ ເທັກໂນໂລຢີທີ່ເສີມເຂົ້າມາ

5. Expense comparison: ຊື້ມາຖືກ ເຕີມເມິກແພງ ມັນຈະດີບໍ່?

f097

ການໃຊ້ງານເຄື່ອງພິມ ສິ່ງພິມທີ່ຫຼີກລ່ຽງບໍ່ໄດ້ທີ່ຈະຕາມມາຄື ຄ່າໃຊ້ຈ່າຍເພີ່ມເຕີມ ບໍ່ວ່າຈະເປັນສາຍໄຟ, ສາຍສັນຍານ ຫຼື ກ໋ອງເມິກ ສິ່ງທີ່ເຮົາຄວນຄຳນືງເຖິງບໍ່ແມ່ນພຽງແຕ່ລາຄາເຄື່ອງທີ່ແຕກຕ່າງກັນເທົ່ານັ້ນ ແຕ່ຄວນຄຳນືງເຖິງການໃຊ້ງານໄລຍະຍາວ ວ່າການໃຊ້ງານເຄື່ອງພິມຍີ່ຫໍ້ນີ້ ຫາກວ່າປ່ຽນກ໋ອງເມິກ ຈະມີຄ່າໃຊ້ຈ່າຍເທົ່າໃດເປັນຕົ້ນ

6. Software update: ອັພຄອມໃໝ່ ປຣີ້ນເຕີເກົ່າ ເອົາແນວໃດດີ?

ການເລືອກຊື້ເຄື່ອງພິມ ກ່ອນອື່ນຄວນກວດສອບເວັບໄຊຂອງຜູ້ຜະລິດນຳ ຫຼຸ້ນຂອງເຄື່ອງພິມທີ່ເຮົາກຳລັງຈະຊື້ ທາງບໍລິສັດຜູ້ຜະລິດມີການອັພເດດຊອຟແວຣ໌ໃນການໃຊ້ງານກັບຄອມພິວເຕີທີ່ ຫຼື ບໍ່ ລວມເຖິງຂໍ້ມູນທາງເທັກນິກໄວ້ໃຫ້ບໍລິການນຳ ຫຼື ບໍ່ ເພາະຊອຟແວຣ໌ຂອງເຄື່ອງພິມຖ້າວ່າເກົ່າເກີນໄປ ບາງຄັ້ງກໍ່ບໍ່ສາມາດໃຊ້ງານຮ່ວມກັບຄອມພິວເຕີທີ່ມີລະບົບປະຕິບັດການໃໝ່ໆໄດ້ ຈື່ງຄວນກວດສອບໃຫ້ດີກ່ອນຊື້

7. Easy to get the supply: ເມິກໝົດຫາໄດ້ງ່າຍ ປ່ຽນໄດ້ສະດວກ

ໃນການພິມງານເຄື່ອງພິມ ມັກຈະມີການປ່ຽນອຸປະກອນຕ່າງໆ ລະຫວ່າງອະຍຸການໃຊ້ງານ ສິ່ງໜື່ງທີ່ຕ້ອງຈຳເປັນໄດ້ປ່ຽນຄື ກ໋ອງເມິກ ດັ່ງນັ້ນຄວນເລືອກຍີ່ຫໍ້ ຫຼື ເຄື່ອງພິມ ທີ່ສາມາດຫາກ໋ອງເມິກປ່ຽນໄດ້ງ່າຍ ລວມໄປເຖິງອາໄຫຼ່ເມື່ອຕ້ອງໄດ້ຊ້ອມແປງ ເພາະເຄື່ອງພິມບາງຍີ່ຫໍ້ເຖິງວ່າລາຄາຈະຖືກ ແຕ່ຖ້າຫາກເມິກປ່ຽນຍາກ ແລະ ແພງກໍ່ຄົງບໍ່ເປັນຕາໃຊ້ເທົ່າໃດ

8. Brand & Retailer: ຊື້ກັບໃຜ ຕ້ອງຫາໃຫ້ພົບເຫັນ

f098

ສິ່ງສຳຄັນທີ່ຄວນຄຳນືງເຖິງຄື ຄວນເລືອກຜູ້ຂາຍ ຫຼື ຍີ່ຫໍ້ທີ່ໜ້າເຊື່ອຖື ໃນສ່ວນຂອງຕົວແທນຈຳໜ່າຍ ຄວນຈະໃຫ້ຂໍ້ມູນແກ່ລູກຄ້າຢ່າງລະອຽດ ຄົບຖ້ວນ ແລະ ຖືກຕ້ອງ ແລະ ຄວນມີຊ່ອງທາງການໃຫ້ບໍລິການທີ່ຕິດຕໍ່ໄດ້ ລວມໄປເຖິງສູນບໍລິການທີ່ສາມາດນຳສິນຄ້າໄປໃຊ້ບໍລິການຖ້າຫາກວ່າມີບັນຫາເກີດຂື້ນ

9. Prices: ລາຄາ

f099

ຖ້າຫາກວ່າມີຫງົບປະມານຢູ່ໃນໃຈແລ້ວ ກໍ່ສາມາດຕັດໂຕເລືອກ ແລະ ຄຳນວນໄດ້ວ່າ  printer ຫຼຸ້ນໃດທີ່ສາມາດຊື້ໄດ້ ແລະ ຄວນມີຟັງຊັ່ນຫຍັງທີ່ພຽງພໍຕໍ່ການໃຊ້ງານໃນລາຄາລະດັບນີ້ ນອກຈາກນັ້ນຍັງໃຊ້ລາຄາ ແລະ ຟັງຊັ່ນເຫຼົ່ານີ້ປຽບທຽບແຕ່ລະຫຼຸ້ນແຕ່ລະຍີ່ຫໍ້ໄດ້ອີກ ເຊິ່ງຈະຊ່ວຍໃຫ້ເຮົາປະຢັດ ແລະ ຫງົບກໍ່ພຽງພໍໃນການຊື້ເຄື່ອງພິມ

10. Warranty & After sale service: ເພປຸບ ຊ້ອມແປງໄດ້ປັບ

f100

ກ່ອນຈະຕັດສິນໃຈຊື້ ຄວນກວດສອບເລື້ອງການຮັບປະກັນສິນຄ້ານຳ ວ່າມີການປະກັນແບບໃດ ລັກສະນະແນວໃດ ແລະ ມີເງືອນໄຂຫຍັງແດ່ ຫຼື ມີການບໍລິການອື່ນໆເຊັ່ນ ຈັດສົ່ງຟຣີ ຫຼື ມີຊ່ອງທາງການຕິດຕໍ່ສຳລັບລູກຄ້າເມື່ອສິນຄ້າມີບັນຫາ

ຂໍ້ມູນຈາກ: arip

Read Full Post | Make a Comment ( None so far )

10 ເປິເປືອນທີ່ທ່ານສຳຜັດໃນທຸກວັນ!

Posted on July 15, 2014. Filed under: ຄວາມຮູ້ເລື່ອງ IT, ຄວາມຮູ້ເລື່ອງສຸຂະພາບ, ສາລະໜ້າຮູ້ |


ຫຼາຍທ່ານອາດຈະເຄີຍໄດ້ອ່ານກ່ຽວກັບງານວິໄຈທີ່ເວົ້າວ່າຄີບອດຄອມພິວເຕີມີເຊື້ອໂລກຫຼາຍກວ່າຝາຊັກໂຄກ… ມື້ນີ້ ເຮົາຈະພາໄປເບີ່ງ  10 ສິ່ງເປິເປືອນທີ່ທ່ານຕ້ອງສຳຜັດມັນທຸກໆມື້

germs-info

10 ອັນດັບສິ່ງເປິເປືອນທີ່ທ່ານຕ້ອງສຳຜັດມັນທຸກວັນ

1. ເງິນ
2.ສະວິທໄຟ
3.ຄີບຣ໌ອດຄອມພິວເຕີ
4.ໂທລະສັບມືຖື
5.ຝາບ່ອນນັ່ງຊັກໂຄກ
6.ລໍ້ຍູ້ໃນຊຸບເປີມາຣ໌ເກັດ
7.ລີໂມທໂທລະພາບ
8.ອ່າງອາບນ້ຳ
9.ບ່ອນລ້າງຖ້ວຍ
10.ຝ້ອຍລ້າງຖ້ວຍ

ຮູ້ແບບນີ້ແລ້ວກໍ່ຢ່າລືມໝັ່ນທຳຄວາມສະອາດເຄື່ອງຂອງເຫຼົ່ານີ້ ສ່ວນເຄື່ອງຂອງບາງຢ່າງທີ່ເປັນຂອງສາທາລະນະອາດຈະຍາກແກ່ການທຳຄວາມສະອາດ ແຕ່ຖ້າຫາກສຳຜັດແລ້ວກໍ່ຄວນລ້າງມື ຢ່ານຳໄປສຳຜັດບໍລິເວນໃບໜ້າ ຫຼື ຈັບຂອງກິນ

 

ຂໍ້ມູນຈາກ: HolyKaw, arip

Read Full Post | Make a Comment ( None so far )

9 ວິທີເລືອກ Power Bank!

Posted on July 8, 2014. Filed under: ຄວາມຮູ້ເລື່ອງ IT, ສະມາດ ໂຟນ, ສາລະໜ້າຮູ້ |


ແບັດ ສຳຮອງ ຫຼື  Power Bank ຄືອຸປະກອນທີ່ໄວ້ຈ່າຍໄຟໃຫ້ກັບ ອຸປະກ່ອນອື່ນໆເຊັ່ນ ສະມາສ໌ໂຟນ ແທັບເລັດ ຫຼື ອຸປະກອນອື່ນໆ ທີ່ຮອງຮັບ ຜ່ານທາງພອຮ໌ດ  USB ເພື່ອຄວາມສະດວກ  Power Bank ຈະເຮັດໜ້າທີ່ເກັບພະລັງງານໄຟຟ້າໄວ້ ຈາກນັ້ນເມື່ອໃຊ້ງານມັນຈະຈ່າຍກະແສໄຟໃຫ້ກັບອຸປະກອນຕ່າງໆ ທີ່ທ່ານນຳມາເຊື່ອມຕໍ່ ຄືກັບກຳລັງສຽບອະແດປເຕີຣ໌ຊາຣ໌ຈໄຟ ຫຼື ສຽບສາຍຊາຣ໌ຈເຈົ້າກັບ USB ຂອງຄອມພິວເຕີ

1. Choose your Power Bank: Power Bank ຊື້ດີບໍ່?

f071

ຖ້າລອງໄປຍ່າງຕາມທ້ອງຕະຫຼາດ ທີ່ຂາຍອຸປະກອນເສີມສຳລັບໂທລະສັບມືຖື ຈະເຫັນວ່າສິນຄ້າ  Power Bank ມີຂາຍຢ່າງຫຼວງຫຼາຍ, ຫຼາຍລະດັບ, ຫຼາຍລາຄາ ແລະ ຫຼາຍຮູບແບບ ທັງລຽບໆ ແລບລາຍກາຕູນ, ແບບມີສີສັນ ຫຼື ຖ້າເບິ່ງໃນເລື້ອງຂອງຂະໜາດ  Power Bank ກໍ່ມີຢູ່ຫຼາຍຂະໜາດເຊັ່ນກັນ ຖ້າຫາກໃຜກຳລັງພົບເຈີກັບບັນຫາສະມາສ໌ໂຟນກີນແບັດຫຼາຍ ແລະ ກຳລັງເບິ່ງຫາ  Power Bank ເຊື່ອໄດ້ເລີຍວ່າຈະຕ້ອງສັບສົນບໍ່ຮູ້ວ່າຈະເລືອກ  Power Bank ແບບໃດ,​ຫຼຸ້ນໃດ, ຍີ່ຫໍ້ໃດ ຄຳຕອບແມ່ນຢູ່ທີ່ທ່ານຕ້ອງຖາມຄວາມຕ້ອງການຂອງ ຕົວທ່ານເອງກ່ອນວ່າຕ້ອງການPower Bank ມາເພື່ອຫຍັງ ເອກະສານສຳຄັນ ຂໍ້ມູນສຳຄັນ, ທຸລະກຳການເງີນທັງຫຼາຍຂອງທ່ານຖືກບັນຈຸເກັບໄວ້ໃນສະມາສ໌ໂຟນ ແລະ ຈຳເປັນຕ້ອງເຮັດວຽກບາງສ່ວນໃນສະມາສ໌ໂຟນບໍ່? ການມີແບັດສຳຮອງໄວ້ກໍ່ຄືເປັນທາງເລືອກທີ່ດີທາງໜື່ງ

2. Capacities: ບັນຈຸໄຟເທົ່າໃດດີ?

Power Bank ກໍ່ເປັນແບັດຊະນິດໜື່ງ ເຊິ່ງແນ່ນອນວ່າໂຕແບັດ ບໍ່ວ່າຈະເປັນແບັດໃນອຸປະກອນໃດໆ ຈະຕ້ອງມີຄ່າຄວາມຈຸ ເຊິ່ງບອກເຖິງປະລິມານໄຟຟ້າທີ່ມັນສາມາດກັກເກັບໄວ້ໃຫ້ເຮົາພົກພາໄປໃຊ້ງານບ່ອນອື່ນໆໄດ້  Power Bank ທີ່ຂາຍຢູ່ໃນທ້ອງຕະຫຼາດກໍ່ມີຫຼາຍຫຼຸ້ນຫຼາຍຂະໜາດ ແລະ ຫຼາຍຄວາມຈຸໂດຍຄວາມຈຸໄຟຟ້ານັ້ນຈະນັບໜ່ວຍເປັນmAh (ອ່ານວ່າ ມິລລິແອມອາວເອີຣ໌) ໂດຍຄ່າຄວາມຈຸນີ້ຈະຖືກລະບຸ ຢູ່ໃນສະເປັກຂອງ  Power Bank ການເລືອກຄວາມຈຸຂອງ  Power Bank ນັ້ນສາມາດຄຳນວນໄດ້ງ່າຍໆເຊັ່ນ: ສະມາສ໌ໂຟນທີ່ໃຊ້ງານອາດຈະມີແບັດ ຂະໜາດ  2000mAh ໂດຍມີການໃຊ້ງານແບບຂແງທ່ານອາດຈະໃຊ້ງານໄດ້ປະມານ  7 ຊົ່ວໂມງ

3. The prices: ລາຄາຕ່າງກັນໜ້ອຍດຽວຊື້ຄວາມຈຸສູງໆເລີຍດີກວ່າ?

f072

ຖ້າຫາກທ່ານໄປງານ  Commart ທີ່ຜ່ານມາ ຈະເຫັນວ່າໂປຣໂມຊັ່ນຂອງPower Bank ນັ້ນ ຫຼຸດກັນແບບສຸດໆ ທ່ານສາມາດຫາຊື້  Power Bank ຄວາມຈຸລະດັບ  10000+mAh ໄດ້ໃນລາຄາບໍ່ແພງ ໃນຂະນະທີ່ຫຼຸ້ນນ້ອຍຄວາມຈຸປະມານ  2200mAh ມີລາຄາຖືກໆ ເບິ່ງແນວໃດຫຼຸ້ນທີ່ມີຄວາຈຸສູງກໍ່ຄຸ້ມກວ່າແນ່ນອນ ຂໍ້ດີຂອງ  Power Bank ຫຼຸ້ນທີ່ມີຄວາມຈຸສູງກໍ່ຄືສາມາດຊາຣຼຈອຸປະກອນໄດ້ຫຼາຍໂຕ ຫຼື ຖ້າມີສະມາສ໌ໂຟນໂຕດຽວ ກໍ່ສາມາດຊາຣ໌ຈໄດ້ຫຼາຍເທື່ອ ໂດຍທີ່ບໍ່ຕ້ອງຊາຣ໌ຈ  Power Bank ທຸກມື້ ຫຼື ສາມາດແບ່ງໃຫ້ໝູ່ເພື່ອນຊາຣ໌ຈກໍ່ໄດ້ ສ່ວນຂໍ້ເສຍຄື ຄວາມຈຸທີ່ເພີ່ມຂື້ນມາ ເຮັດໃຫ້ຂະໜາດ ແລະ ນ້ຳໜັກຂອງ  Power Bank ຫຼາຍຂື້ນ ເຊິ່ງກໍ່ແລ້ວແຕ່ການອອກແບບຂອງຜູ້ຜະລິດ ພຽງແຕ່ມີຂະໜາດໃຫຍ່ຂື້ນ ແຕ່ອອກແບບໃຫ້ພົກພາໄດ້ສະດວກກໍ່ເປັນໂຕເລືອກທີ່ດີ

4. Choosing: ເລືອກຄວາມຈຸຢ່າງດຽວຈະພໍບໍ່?

f073

ຖ້າຈະເວົ້າເຖິງປັດໃຈອີກໂຕໜື່ງທີ່ສຳຄັນກໍ່ຄືປະລິມານກະແສໄຟ ເຊິ່ງຈະແທນທີ່ໜ່ວຍດ້ວຍໂຕອັກສອນ  A (ອ່ານວ່າແອມ) ເຊິ່ງໝານເຖິງປະລິມານໄຟຟ້າ ອຸປະກອນທີ່ຈຳເປັນຕ້ອງໃຊ້ເພື່ອເຮັດວຽກໃນຊ່ວງທີ່ອຸປະກອນເປີດຢູ່ເຊິ່ງໃນທີ່ນີ້ໝາຍເຖິງລະບົບຊາຣ໌ຈໄຟເຂົ້າສູ່ແບັດເຕີຣ໌ລີຂອງອຸປະກອນໃນແງ່ຂອງ  Power Bank ກໍ່ເຊັ່ນກັນ ຖ້າຫາກ  Power Bank ບໍ່ສາມາດຈ່າຍພະລັງງານໃຫ້ໄດ້ປະລິມານກະແສຕາມທີ່ອຸປະກອນນັ້ນໆຕ້ອງການ ກໍ່ຈະບໍ່ສາມາດຊາຣ໌ຈໄດ້ ຫຼື ອາດຈະຊາຣ໌ຈຊ້າຈົນເກືອບບໍ່ເຫັນວ່າມີການຊາຣ໌ຈອຸປະກອນທີ່ນ້ອຍໆ ຄືກັບສະມາສ໌ໂຟນ ມີເດຍເພລເຢີຣ໌ແບບພົກພາຈະກິນກະແສໄຟປະມານ  0.5-1A ໃນຂະນະທີ່ອຸປະກອນແທັບເລັດຈະກິນກະແສໄຟຢູ່ປະມານ1-2.1A ແຕ່ຕ້ອງໄປເບິ່ງຢູ່ອຸປະກອນວ່າກິນກະແສໄຟເທົ່າໃດ ແລ້ວເລືອກ  Power Bank ທີ່ຈ່າຍກະແສໄຟເທົ່າໆກັບອຸປະກອນໂຕນັ້ນໆ

5. Over Power distribution: ຈ່າຍໄຟແຮງເກີນເຄື່ອງຈະເພບໍ່?

ນີ້ກໍ່ເປັນອີກເລື້ອງໜື່ງທີ່ຫຼາຍໆຄົນກັງວົນ ຄືທີ່ບອກໄວ້ຂ້າງເທິງວ່າການເລືອກຊື້  Power Bank ນັ້ນຕ້ອງເບິ່ງຄວາມສາມາດໃນການຈ່າຍກະແສໄຟຂອງ  Power Bank ວ່າມີພຽງພໍຕໍ່ການຊາຣ໌ຈອຸປະກອນຂອງທ່ານ ຫຼື ບໍ່ ໃນກໍລະນີທີ່ Power Bank ຈ່າຍກະແສໄຟໃຫ້ ເກີນທີ່ອຸປະກອນຕ້ອງການເຊັ່ນ:  Power Bank ຫຼຸ້ນໃຫຍ່ ທີ່ສາມາດຊາຣ໌ຈ  iPad  ໄດ້ ຈະມີການລະບຸວ່າສາມາດຈ່າຍກະແສໄຟໄດ້ຫຼາຍເຖິງ  2.1A ຫາກເຮົານຳມາຊາຣ໌ຈໂທລະສັບ ມືຖືທີ່ຕ້ອງການພຽງແຕ່  0.75A ຫຼາຍໆຄົນກັງວົນວ່າ ອຸປະກອນຈະມີບັນຫາຫຍັງບໍ່ ຄຳຕອບຄືສາມາດຊາຣ໌ຈໄດ້ບໍ່ມີບັນຫາ ແລະ ໃນຫຼາຍໆກໍລະນີມັນເຮັດໃຫ້ສາມາດຊາຣ໌ໄຟໄດ້ໄວຂື້ນອີກດ້ວຍ

6. Power Bank battery type: ແບັດຊະນິດໃດ ເປັນແນວໃດ

f074

ເປັນແບັດ ທີ່ໃຊ້ເກັບພະລັງງານສຳຮອງ ເຊິ່ງຖ້າຫາກເວົ້າງ່າຍໆ ມັນກໍ່ຄືກັບຖ່ານຊາຣ໌ຈທີ່ເຮົາໃຊ້ງານກັບອຸປະກອນອື່ນໆ ບໍ່ວ່າຈະເປັນແບັດເຕີຣ໌ລີຂອງໂທລະສັບ ຫຼື ຖ່ານຊາຣ໌ຈ ຈະເຫັນວ່າມີການແບ່ງຊະນິດ ຫຼື ເທັກໂນໂລຢີອອກເຊັ່ນ: ແບັດ ທີ່ນິຍົມໃຊ້ໃນຕອນນີ້ກໍ່ຄົງຈະເປັນ  Li-Ion (ລິທຽມ ໄອອອນ) ຫຼື ແບັດຫຼຸ້ນເກົ່າທີ່ມີລາຄາຖືກ ກໍ່ຄື  Ni-MH (ນິກເກິລ ເມທັລໄຮດຣາຍ) ມີພຽງແຕ່  2 ຊະນິດ ທີ່ຜູ້ຜະລິດPower Bank ນິຍົມນຳມາໃຊ້ ຊະນິດທຳອິດຄື  Ni-HM ຊະນິດນີ້ລາຄາຄ່ອນຂ້າງຖືກ ແຕ່ພໍມາເຮັດເປັນPower Bank ແລ້ວກໍ່ບໍ່ໄດ້ຖືກຫຼາຍ ໂດຍແບັດຊະນິດນີ້ຈະມີນ້ຳໜັກຫຼາຍ ຍິ່ງເປັນຫຼຸ້ນທີ່ມີຄວາມຈຸພະລັງງານສູງ ຈະຍິ່ງມີນ້ຳໜັກຂື້ນແບບເຫັນໄດ້ຊັດ ແບັດຊະນິດນີ້ເວລາໃຊ້ງານຄວນຈະຕ້ອງໃຊ້ໃຫ້ແບັດໝົດ ແລ້ວຈື່ງຊາຣ໌ຈ ຈະເຮັດໃຫ້ແບັດເຊື່ອມຊ້າລົງ ແບັດອີກຊະນິດ ທີ່ນິຍົມກັນຫຼາຍຄືLi- Ion ເຊິ່ງເປັນແບັດ ຫຼຸ້ນໃໝ່ມີຄວາມເບົາ ແລະ ທີ່ສຳຄັຍຄືສາມາດຊາຣ໌ຈໄດ້ຕະຫຼອດເວລາ ບໍ່ຕ້ອງລໍຖ້າໃຫ້ໝົດກ່ອນ ທີ່ຈິງແລ້ວບໍ່ຄວນປ່ອຍໃຫ້ມັນໝົດຊ້ຳ ຖ້າບໍ່ດັ່ງນັ້ນແບັດຈະເຊື່ອມໄວ ແບັດຊະນິດ  Li-Ion ມີດີຢູ່ທີ່ນ້ຳໜັກເບົາ ເຮັດໃຫ້ພົກພາສະດວກ ແຕ່ກໍ່ມາພ້ອມກັບລາຄາທີ່ແພງ

7. Port connectors: ມີຫົວຊາຣ໌ຈແບບໃດແດ່?

f075

ສ່ວນຫຼາຍມັກຈະອອກແບບມາເພື່ອອຸປະກອນ  USB ໃນແງ່ຂອງແຮງດັນໄຟ ແລະ ກະແສໄຟ ແຕ່ເນື່ອງຈາກອຸປະກອນທີ່ສາມາດຊາຣ໌ຈຜ່ານພອຣ໌ດ  USB ນັ້ນມີຫຼາກຫຼາຍ ແລະ ແຕ່ລະຊະນິດກໍ່ມີຫົວຕໍ່ທີ່ຫຼາກຫຼາຍເຊັ່ນກັນ ການອອກແບບ  Power Bank ຈື່ງມີຫຼາກຫຼາຍຕາມໄປ ປະເພດທຳອິດນັ້ນເປັນ  Power Bank ທີ່ມີຫົວຕາຍຕົວ ຄືບໍ່ມີພອຣ໌ດ USB ແຕ່ຈະເປັນຫົວຕໍ່ເຂົ້າກັບອຸປະກອນທີ່ໄດ້ຮັບການອອກແບບມາສະເພາະເຊັ່ນ  Power Bank ສຳລັບ iPhone ທີ່ຕໍ່ເຂົ້າກັບຕົວເຄື່ອງໄດ້ທັນທີ ຫຼື ອອກແບບມາເປັນເຄສສວມກັບ iPhone ເຊິ່ງແປວ່າໃຊ້ງານໄດ້ກັບ iPhone ເທົ່ານັ້ນ ປະເພດທີ່ມີພອຣ໌ດ  USB ມາໃຫ້ພ້ອມສາຍ ແລະ ຫົວຕໍ່ແຍກຕ່າງຫາກເຮັດໃຫ້ສາມາດຊາຣ໌ຈກັບອຸປະກອນໄດ້ຫຼາຍ ໂດຍສາຍພ່ວງທີ່ມີຫົວໃຫ້ຫຼາຍຊະນິດ ຊະນິດນັ້ນເປັນພຽງສາຍທີ່ຊ່ວຍອຳນວຍຄວາມສະດວກເສີຍໆ ເພາະຫາກທ່ານມີສາຍຊາຣ໌ຈ ຫຼື  Data Link ຂອງໂຕເຄື່ອງຢູ່ເປັນປະຈຳຢູ່ແລ້ວກໍ່ສາມາດນຳມາໃຊ້ໄດ້ເລີຍ

8. What’s the best?: ຍີ່ຫໍ້ມາຈາກໃສດີທີ່ສຸດ?

f076

ຄືທີ່ບອກວ່າ  Power Bank ເປັນທີ່ນິຍົມກັນຫຼາຍ ເຮັດໃຫ້ປະຈຸບັນມີຜູ້ຜະລິດ  Power Bank ອອກມາຈຳໜ່າຍຫຼາຍ ທັງຄຸ້ນຊື່ ບໍ່ຄຸ້ນຊື່ ຖ້າໃຫ້ໄລ່ວິຈານແຕ່ລະຍີ່ຫໍ້ຄົງຈະຍາວເກີນໄປ ເອົາເປັນວ່າແບ່ງ  Power Bank ອອກເປັນ  3 ປະເພດດັ່ງນີ້1. ຍີ່ຫໍ້ຈາກຍີ່ປຸ່ນ ລະດັບຄວາມໜ້າເຊື່ອຖືດີທີ່ສຸດ ທັງໂຕອຸປະກອນ ວັດສະດຸ ນ້ຳໜັກເບົາເມື່ອທຽບກັບຄວາມຈຸ ແລະ ໜ້າຈະມີລະບົບ  QC ທີ່ດີກວ່າ ແຕ່ກໍ່ແລກມາດ້ວຍລາຄາແພງທີ່ສຸດເຊັ່ນກັນ  2. ຍີ່ຫໍ້ຈາກໄຕ້ຫວັນ ເທົ່າທີ່ເຫັນມີພຽງ  1 ຫຼື  2 ຍີ່ຫໍ້ເທົ່ານັ້ນ ແຕ່ທີ່ໜ້າສົນໃຈຄື ຍີ່ຫໍ້ນີ້ຂຽນໃສ່ໜ້າກ່ອງວ່າ ໃຊ້  Battery ຂອງຍີ່ປຸ່ນ ແລະ ຍັງອອກແບບໃຫ້ມີພອຣ໌ດ  2 ຊ່ອງ ທີ່ຈ່າຍໄຟໄດ້ສູງເຖິງ  1.2 A ແລະ  2.1 A  3. ຍີ່ຫໍ້ຈາກຈີນ ຖືເປັນຍີ່ຫໍ້ທີ່ມີຮູບແບບ ແລະ ຄວາມຈຸໃຫ້ເລືອກຫຼາຍທີ່ສຸດ ລວມໄປເຖິງລາຄາທີ່ຖືກກວ່າອີກ  2 ຍີ່ຫໍ້ແບບເຫັນໄດ້ຊັດເຈນ ແຕ່ຂະໜາດ ແລະ ນ້ຳໜັກຍັງເຮັດໄດ້ບໍ່ດີ ລວມໄປເຖິງຄວາມໜ້າເຊື່ອຖືຂອງລະບົບ  QC ທີ່ຍັງດ້ອຍກວ່າຫຼາຍ

9. Alternative choice: ທາງເລືອກອື່ນກໍ່ມີ

f077

ສຳລັບຜູ້ທີ່ໃຊ້ສະມາສ໌ໂຟນແລ້ວ  Power Bank ກາຍເປັນອຸປະກອນທີ່ຈຳເປັນຂື້ນມາທັນທີ ໂດຍສະເພາະກັບຄົນທີ່ຕິດໂຊຊຽວເນັດເວີກທຸກລົມຫາຍໃຈ ແລະ ແບັດກໍ່ມັກໝົດກ່ອນກຳໜົດ ແຕ່ຄຳຖາມຄືຖ້າຮູສຶກວ່າPower Bank ຍັງບໍ່ຕອບໂຈດ ຫຼື ແພງເກີນກວ່າຈະຊື້ ຈະມີທາງເລືອກອື່ນບໍ່? ຄຳຕອບຄື“ມີ” ພຽງແຕ່ທ່ານຈະສົນໃຈບໍ່ ເທົ່ານັ້ນເອງເຊັ່ນ: ຊາຣ໌ຈມືຖື ໄອເດຍເລີດຕັ້ງແຕ່ຍຸກທີ່  Power Bank ບໍ່ເປັນທີ່ຍິຍົມ ໂດຍຮັງຖ່ານນີ້ຈະມີແຜງວົງຈອນທີ່ແປງກະແສໄຟຈາກຖ່ານ  AA ຫຼາຍໆ ກ່ອນທີ່ໃສ່ໄວ້ໄປເປັນໄຟ  5V ເພື່ອຊາຣ໌ຈກັບອຸປະກອນທີ່ທ່ານຕ້ອງໃຊ້

ຂໍ້ມູນຈາກ: arip

Read Full Post | Make a Comment ( None so far )

ເທັກນິກການແປງໄຟລແບບມືອາຊີບ!

Posted on June 28, 2014. Filed under: ຄວາມຮູ້ເລື່ອງ IT, ສາລະໜ້າຮູ້, ອິນເຕີເນ໋ດ |


ເຄີຍເປັນບໍ່ເວລາໂຫຼດໄຟລມາແລ້ວ ໃຊ້ງານບໍ່ໄດ້ ລໍຖ້າໃນການໂຫຼດກໍ່ໜ້າເບື່ອແລ້ວ ມື້ນີ້ເຮົາຈະມາເບີ່ງ  5 ວິທີແກ້ໄຂໄຟລ

  1. ໂຫຼດໄຟລແບບແບ່ງສ່ວນມາແລ້ວໃຊ້ບໍ່ໄດ້ ແກ້ໄຂດ້ວຍWinRAR

ເນື່ອງຈາກເວັບໄຊສຳລັບຝາກໄຟລບາງແຫ່ງມີຂໍ້ຈຳກັດສຳຫຼັບໄຟລ ແຕ່ລະໄຟລຈະມີຂະໜາດບໍ່ເກີນຂໍ້ຈຳກັດຂອງທາງເວັບໄຊ ເຮັດໃຫ້ຜູ້ອພໂຫຼດຕ້ອງໃຊ້ການແບ່ງໄຟລທີ່ຕ້ອງການອັພໂຫຼດອອກເປັນສ່ວນໆ ດ້ວຍໂປຼແກຼມຕ່າງໆ ທີ່ເຮົາເຫັນເປັນປະຈຳ ຄືໂປຼແກຼມ  WinRAR ແບ່ງອອກເປັນຫຼາຍໆສ່ວນ  (part) ເຊິ່ງຜູ້ທີ່ຈະດາວໂຫຼດໄຟລຕົ້ນສະບັບດັ່ງກ່າວ ກໍ່ຈຳເປັນທີ່ຈະຕ້ອງດາວໂຫຼດທຸກໆສ່ວນໃຫ້ຄົບຖ້ວນ ແລະ ສົມບູນ ເພື່ອຈະໄດ້ໃຊ້ໂປຼແກຼມ  WinRAR (ຫຼື ໂປຼແກຼມສຳລັບລວມໄຟລປະເພດນັ້ນໆ) ລວມໄຟລທັງໝົດເຂົ້າເປັນໄຟລດຽວກັນ

ແຕ່ໃນບາງຄັ້ງ ເມື່ອເຮົາດາວໂຫຼດໄຟລທັງໝົດມາ ແລະ ຈັດການລວມໄຟລອາດພົບກັບຂໍ້ຄວາມແຈ້ງຂໍ່ຜິດພາດ ວ່າບໍ່ສາມາດລວມໄຟລໄດ້ ເນື່ອງຈາກໄຟລທີ່ດາວໂຫຼດມາບໍ່ສົມບູນ ຫຼື ໄດ້ຮັບຄວາມເສຍຫາຍຈາກການດາວໂຫຼດ ເຊິ່ງວິທີແກ້ແບບງ່າຍໆຄື ໄປດາວໂຫຼດໄຟລໃໝ່ເລີຍ ແຕ່…….ບໍ່ຈຳເປັນວ່າຈະຕ້ອງໂຫຼດໃໝ່ທັງໝົດ ເພາະເອົາແທ້ໆ ໄຟລທີ່ເສຍຫາຍມັກຈພ/ະມີບໍ່ເທົ່າໃດສ່ວນ
ເຊິ່ງເຮົາກໍ່ສາມາດກວດສອບໄດ້ງ່າຍໆ ຈາກຂັ້ນຕອນການລວມໄຟລ ເນື່ອງຈາກວ່າ  WinRAR ຈະມີແຈ້ງເຕືອນໃຫ້ຮູ້ວ່າ ໄຟລສ່ວນໃດມີບັນຫາ ແລ້ວຈາກນັ້ນເຮົາກໍ່ໄປດາວໂຫຼດໄຟລສ່ວນນັ້ນມາໃໝ່ເທົ່ານັ້ນເອງ ບໍ່ຕ້ອງໄປເສຍເວລາໂຫຼດໃໝ່ທັງໝົດກໍ່ໄດ້

f069

2. WinRAR ເອງກໍ່ແກ້ໄຂໄຟລໄດ້

ໃນບາງຄັ້ງທາງຜູ້ອັພໂຫຼດໄຟລກໍ່ຈະສ້າງ  Recovery Record ເກັບໄວ້ໃນໄຟລແຕ່ລະສ່ວນກ່ອນອັບໂຫຼດຂື້ນເທິງເວັບຝາກໄຟລ ເຊິ່ງສ່ວນຂອງ  Recovery Record ນີ້ເປັນຊຸດຂໍ້ມູນທີ່ຖືກສ້າງໂດຍ  WinRAR ເອງ ເພື່ອເອົາໄວ້ສຳລັບແກ້ໄຂໄຟລເສຍຫາຍ ແຕ່ກໍ່ຕ້ອງແລ້ວແຕ່ທາງຜູ້ອັພໂຫຼດໄຟລນຳ ວ່າຈະໃຈດີສ້າງRecovery Record ໄວ້ ຫຼື ບໍ່ ເພາະການສ້າງ  Recovery Record ຈະມີການເພີ່ມຊຸດຂໍ້ມູນລົງໄປໃນໄຟລແຕ່ລະສ່ວນ ສ່ວນລະໜ້ອຍອາດຕ້ອງໃຊ້ເວລາໃນການອັພໂຫຼດໄຟລນັ້ນໆ ດົນຂື້ນໜ້ອຍໜື່ງ ແຕ່ສ່ວນທີ່ຈະໃຊ້ເວລາເພີ່ມກວ່າເກົ່າກໍ່ຄືຂັ້ນຕອນການແຍກໄຟລອອກເປັນສ່ວນໆ ຂອງຜູ້ອັພໂຫຼດ ໂດຍສາມາດກວດສອບໄດ້ຈາກການຄຣິກຂວາໃສ່ໄຟລສ່ວນຍ່ອຍໆ ແລ້ວເລືອກຫົວຂໍ້  Properties (ໃນກໍລະນີທີ່ໃຊ້  WinRAR ເປັນໂປຼແກຼມຫຼັກໃນການເປີດໄຟລ .rar) ຈາກນັ້ນກໍ່ເບີ່ງຫົວຂໍ້  Recovery record ວ່າມີລະບຸໄວ້ວ່າແນວໃດ ຖ້າເປັນຄຳວ່າ  Absent ກໍ່ສະແດງວ່າບໍ່ມີຊຸດຂໍ້ມູນ  Recovery Record ສຳລັລແກ້ໄຂໄຟລ

ເຊິ້ງຖ້າວ່າໄຟລຊຸດນັ້ນມີການສ້າງ  Recovery Record ມາ ເຮົາກໍ່ສາມາດແກ້ໄຂໄຟລດັ່ງກ່າວໄດ້ ຖ້າຫາກໄຟລນັ້ນເສຍຫາຍ ໂດຍຂັ້ນຕອນການແກ້ໄຂກໍ່ບໍ່ຍາກ ພຽງແຕ່ເປີດໄຟລດັ່ງກ່າວດ້ວຍ  WinRAR ຈາກນັ້ນເລືອກແທັບ  Tools ເບື້ອງເທິງ ແລ້ວເລືອກໃສ່ຫົວຂໍ້  Repair archive ຈາກນັ້ນກໍ່ລໍຖ້າ ເມື່ອໂປຼແກຼມຈັດການແກ້ໄຂໄຟລຮຽບຮ້ອຍແລ້ວ ກໍ່ທົດລອງລວມໄຟລທັງໝົດເຂົ້າກັນອີກຄັ້ງໜື່ງ ຖ້າຍັງບໍ່ໄດ້ກໍ່ລອງໂຫຼດໄຟລດັ່ງກ່າວໃໝ່

ໝາຍເຫດ ເລືອກແກ້ໄຂສະເພາະແຕ່ໄຟລທີ່ໂປຼແກຼມແຈ້ງວ່າມີບັນຫາກໍ່ພໍ  (ວິທີກວດສອບໄຟລຕາມຂໍ້1) ເພາະໄຟລໃດທີ່ສົມບູນແລ້ວ ຄຣິກແກ້ໄຂໄປກໍ່ບໍ່ມີຫຍັງຕ່າງຈາກເກົ່າແນ່ນອນ

3. Recovery Toolbox for RAR ກໍ່ໃຊ້ແກ້ໄຂໄຟລໄດ້ຄືWinRAR

ສຳລັບໃຜທີ່ບໍ່ນິຍົມໃຊ້  WinRAR ແຕ່ມີຄວາມຈຳເປັນຕ້ອງດາວໂຫຼດໄຟລທີ່ຖືກແຍກສ່ວນໄຟລດ້ວຍໂປຼແກຼມ  WinRAR ແລ້ວເຫັນວ່າ ໄຟລມີບັນຫາ ແຕ່ຈະໄປດາວໂຫຼດ  WinRAR ມາແກ້ໄຂກໍ່ບໍ່ສະດວກ ເພາະບໍ່ຢາກຕິດຕັ້ງໃຫ້ຊ້ຳຊ້ອນກັບໂປຼແກຼມໃນເຄື່ອງ ມາເບີ່ງຂໍ້ນີ້ເລີຍ ເພາະເຮົາມີທາງເລືອກມານຳສະເໜີ

ກໍ່ຄືໂປຼແກຼມທີ່ມີຊື່ວ່າ  Recovery Toolbox for RAR ເຊິ່ງສາມາດດາວໂຫຼດໄດ້ຟຣີໆ ການໃຊ້ງານກໍ່ບໍ່ຍາກ ຫຼັງຈາກການຕິດຕັ້ງໂປຼແກຼມ ກໍ່ເປີດໂປຼແກຼມຂື້ນມາໃຊ້ໄດ້ເລີຍ ຈາກນັ້ນກໍ່ເລືອກວ່າຈະແກ້ໄຂໄຟລໃດ (ກວດສອບໄຟລທີ່ມີບັນຫາໄດ້ຈາກຂໍ້1) ເຊິ່ງຖ້າວ່າໄຟລດັ່ງກ່າວມີການສ້າງ  Recovery Record ໄວ້ ໂປຼແກຼມRecovery Toolbox for RAR ກໍ່ຈະແກ້ໄຂຊ້ອມແຊມໄຟລໃຫ້ສົມບູນດ້ວຍຂັ້ນຕອນດຽວກັບໃຊ້  WinRAR ແກ້ໄຂເລີຍ

ເຊິ່ງໂປຼແກຼມ  Recovery Toolbox for RAR ນີ້ ເໝາະສຳລັບຄົນທີ່ບໍ່ຕ້ອງການຕິດຕັ້ງໂປຼແກຼມ  WinRAR ຄືທີ່ກ່າວໄວ້ຕອນຕົ້ນ ແຕ່ສຳລັບໃຜທີ່ໃຊ້ງານ  WinRAR ຢູ່ແລ້ວ ກໍ່ບໍ່ຈຳເປັນຕ້ອງຕິດຕັ້ງໂປຼແກຼມນີ້ກໍ່ໄດ້ ດຽວຈະຊ້ຳຊ້ອນກັນລ້າໆ
4. ໄຟລ  Word ເສຍຫາຍ ແກ້ໄຂໄດ້ດ້ວຍ  Kernel for Word

ສຳລັບຜູ້ທີ່ເຮັດວຽກກ່ຽວກັບເອກະສານໂດຍໃຊ້ໂປຼແກຼມ Microsoft Word (ຫຼ ໂປຼແກຼມທົດແທນອື່ນໆ)  ມັກຈະປະສົບພົບເຫັນກັບບັນຫາໄຟລເສຍຫາຍ ຍ້ອນມາຈາກສາເຫດຕ່າງໆ ບໍ່ວ່າຈະເປັນການດາວໂຫຼດໄຟລມາບໍ່ສົມບູນ ໂປຼແກຼມປິດລົງໃນຂະນະທີ່ພິມຢູ່ ຫຼື ຢູ່ດີໆເຄື່ອງຄອມພິວເຕີກໍ່ດັບແບບບໍ່ຮູ້ສາເຫດ ອາດເຮັດໃຫ້ໄຟລດສຍຫາຍໄດ້ ແລະ ແນ່ນອນວ່າທຸກໆທ່ານກໍ່ຄົງບໍ່ຢາກຈະຕ້ອງມານັ່ງພິມໃໝ່ທັງໝົດ

ໃນເລື້ອງນີ້ ຍັງມີໂປຼແກຼມຊ່ວຍທ່ານໄດ້ ຄືໂປຼແກຼມທີ່ມີຊື່ວ່າ Kernel for Word ທີ່ສາມາດດາວໂຫຼດມາທົດລອງໃຊ້ງານໃນເບື້ອງຕົ້ນໄດ້ຟຣີ  (ເວີຣ໌ຊັ່ນເຕັມລາຄ  $49) ແຕ່ຍ້ອນວ່າເປັນເວີຣ໌ຊັ່ນສຳລັບທົດລອງໃຊ້ງານ ດັ່ງນັ້ນຟີເຈີຣ໌ຕ່າງໆ ອາດບໍ່ສາມາດໃຊ້ງານໄດ້ເຕັມທີ່ ຍ້ອນຂໍ້ຈຳກັດຂອງໂປຼແກຼມ
ໂດຍການໃຊ້ງານໂປຼແກຼມ  Kernel for Word ນັ້ນກໍ່ບໍ່ຍາກ ຂັ້ນທຳອິດກໍ່ຄືໃຫ້ຜູ້ໃຊ້ງານເພີ່ມໄຟລທີ່ຕ້ອງການແກ້ໄຂລົງໄປໃນໜ້າຕ່າງໂປຼແກຼມ ດ້ວຍການກົດປຸ່ມ  Add File(s) ເມື່ອເລືອກມາຄົຍຖ້ວນແລ້ວ ກໍ່ກົດປຸ່ມ  Repair File(s) ເພື່ອເລີ່ມຂະບວນການແກ້ໄຂໄຟລ
ນອກຈາກໂປຼແກຼມ  Kernel for Word ແລ້ວ ຜູ້ຜະລິດໂປຼແກຼມນີ້ຍັງມີໂປຼແກຼມສຳລັບແກ້ໄຂ ແລະ ກູ້ໄຟລອີກຫຼາຍປະເພດໃຫ້ໄດ້ເລືອກໃຊ້ງານອີກດ້ວຍ ໃຜທີ່ສົນໃຈລອງຄົ້ນຫາຈາກເວັບໄຊ  kerneldatarecovery.com ແນ່ນອນວ່າແຕ່ລະໂປຼແກຼມ ຖ້າຢາກໃຊ້ງານແບບເຕັມໆ ກໍ່ຕ້ອງເສຍເງີນຊື້ເທົ່ານັ້ນ

f070

5. Word Repair : ອີກໜື່ງໂປຼແກຼມທີ່ໜ້າສົນໃຈສຳລັບການແກ້ໄຂເອກະສານ

ບາງເທື່ອ ຫຼາຍໆທ່ານອາດຈະຕ້ອງການພຽງແຕ່ກູ້ຂໍ້ມູນຈາກໄຟລເອກະສານ  Word ອອກມາ ເພື່ອຈະນຳເອົາຂໍ້ຄວາມເຫຼົ່ານັ້ນໄປໃຊ້ງານຕໍ່ ບໍ່ຈຳເປັນຕ້ອງນຳໄຟລເກົ່າກັບມາທັງໄຟລ ຫຼື ອາດເປັນໃນກໍລະນີທີ່ໂປຼແກຼມທັງຫຼາຍບໍ່ສາມດແກ້ໄຂໄຟລໄດ້ ແນ່ນອນວ່າມີໂປຼແກຼມສຳລັບຕອບສະໜອງຄວາມຕ້ອງການນີ້ເຊັ່ນກັນ ຄືໂປຼແກຼມທີ່ມີຊື່ວ່າ  WordRepair

ໂຕຂອງ  WordRepair ການເຮັດວຽກຂອງມັນກໍ່ຄືຈະສະແກນໄຟລ  Word ທີ່ຜູ້ໃຊ້ເລືອກ ຈາກນັ້ນຈະພະຍາຍາມດືງເອົາຂໍ້ຄວາມອອກມາເກັບເປັນໄຟລເອກະສານ .rtf ທີ່ຜູ້ໃຊ້ສາມາດນຳເອົາຂໍ້ຄວາມໄປໃຊ້ຕໍ່ໄດ້ ຂັ້ນຕອນການໃຊ້ງານໂປຼແກຼມກໍ່ບໍ່ຍາກ ພຽງແຕ່ດາວໂຫຼດມາ ຈາກນັ້ນກໍ່ຕິດຕັ້ງໂປຼແກຼມ  Word Repair ຕາມຂັ້ນຕອນປົກກະຕິ ເມື່ອເລີ່ມເປີດໃຊ້ງານໂປຼແກຼມກໍ່ໃຫ້ກົດໃສ່ປຸ່ມ  Repair/Open ເພື່ອເລືອກໄຟລທີ່ຈະສັ່ງກູ້ຄືນຂໍ້ຄວາມ ຈາກນັ້ນໃຫ້ກົດໃສ່ປຸ່ມ  Save ເພື່ອນຳເອົາຂໍ້ຄວາມດັ່ງກ່າວມາບັນທຶກເກັບເປັນໄຟລນາມສະກຸນrtf ເຊິ່ງໄຟລດັ່ງກ່າວສາມາດເປີດອ່ານໄດ້ຫຼາຍໆ ໂປຼແກຼມ ບໍ່ວ່າຈະເປັນ  Microsoft Word, WordPad ຫຼື ແມ້ແຕ່  Notepad ກໍ່ຍັງສາມາດໃຊ້ເປີດອ່ານຂໍ້ຄວາມໄດ້ເຊັ່ນກັນ

ຫຼັງຈາກກູ້ຂໍ້ຄວາມໄດ້ແລ້ວ ກໍ່ມາເຖິງໜ້າທີ່ຂອງເຮົາໃນການສ້າງໄຟລເອກະສານໃໝ່ ອາດຈະເໝື່ອຍແຕ່ກໍ່ຍັງດີກວ່າຕ້ອງນັ່ງພິມຂໍ້ຄວາມໃໝ່ທັງໝົດ

ຂໍ້ມູນຈາກ: arip

Read Full Post | Make a Comment ( None so far )

ເຄັດລັບຄອມສະອາດ…ບໍ່ມີເຊື້ອໂລກ

Posted on June 14, 2014. Filed under: ຄວາມຮູ້ເລື່ອງ IT, ຄວາມຮູ້ເລື່ອງສຸຂະພາບ, ສາລະໜ້າຮູ້ |


ຫຼາຍຄົນອາດບໍ່ເຄີຍຮູ້ວ່າອຸປະກອນໃກ້ຕົວເຮົາຄືກັບຄອມພິວເຕີ ເປີ້ເປື່ອນເທົ່າໃດ ເຊື່ອບໍ່ວ່າເຊື້ອໂລກທີ່ມີຢູ່ຕາມອຸປະກອນຕ່າງໆນັ້ນມີຫຼາຍກວ່າຢູ່ໃນຫ້ອງນ້ຳອີກ ດັ່ງນັ້ນເຮົາມາເບີ່ງເຄັດລັບການອະນາໄມເຄື່ອງຄອມພິວເຕີຂອງເຮົາດີກວ່າ

ໜ້າຈໍ ຖ້າຕ້ອງອະນາໄມລະຫວ່າງວັນ ອາດໃຊ້ລູກກີ້ງທີ່ໃຊ້ເປັນແຖບກາວສຳລັບກຳຈັດຂົນນ້ອຍໆ ເທິງເສື້ອ ມາກີ້ງໄປກີ້ງມາໃສ່ໜ້າຈໍເພື່ອກຳຈັດຝຸ່ນກໍ່ໄດ້ ຫຼື ບ້ານໃຜມີໂຕທີ່ໃຊ້ປັດຝຸ່ນລົດທີ່ເປັນແບບໄມໂຄຣໄຟເບີຣ໌ ກໍ່ນຳມາປັດໄດ້ຄືກັນ ແຕ່ຕ້ອງໝັ້ນໃຈວ່າໄມໂຄຣໄຟເບີຣ໌ແຫ້ງພໍ ແລະ ຈະບໍ່ມີນ້ຳຢາມາເກາະໜ້າຈໍ ຫຼັງການເຊັດແລ້ວ

ສຳລັບຂອບພາສຕິກຂອງຈໍ ບາງຫຼຸ້ນອາດຈະເຮັດປະຕິກິລິຍາກັບສານເຄມີໄດ້ ສະນັ້ນຄວນຈະເລືອກນ້ຳຢາອະນາໄມໃຫ້ດີ ແຕ່ໂດຍປົກກະຕິໃຫ້ໃຊ້ນ້ຳອຸ່ນບິດແຫ້ງມາເຊັດກໍ່ພຽງພໍແລ້ວ ຖ້າຕ້ອງການໃຊ້ນ້ຳຢາທີ່ມີຈຳໜ່າຍຢູ່ທົ່ວໄປ ກໍ່ລອງໃຊ້ກັບພື້ນທີ່ນ້ອຍໆເບີ່ງກ່ອນວ່າມີຜົນຫຍັງ ຫຼື ບໍ່ ຄືກັບລົດທີ່ກ່ອນຈະລົງນ້ຳຢາກໍ່ໃຫ້ລອງເບີ່ງກັບພື້ນທີ່ນ້ອຍໆ ວ່າມີຜົນຕໍ່ພື້ນທີ່ຫຼາຍໜ້ອຍເທົ່າໃດ ສ່ວນການເຊັດໃຫ້ໃຊ້ຜ້າ ຫຼື ເສື້ອເກົ່າໆ ມາໃສ່ນ້ຳຢາແລ້ວເຊັດ ສ່ວນທີ່ເປັນສອກຫຼືບນ້ອຍໆ ກໍ່ໃຊ້ແປງສີແຂ້ວຄ່ອຍໆເຊາະເຂົ້າໄປກໍ່ພໍ ຫຼັງຈາກໃຊ້ນ້ຳຢາເຊັດແລ້ວ ໃຫ້ໃຊ້ຜ້າແຫ້ງສະອາດເຊັດອີກເທື່ອໜື່ງ ເພື່ອເຊັດຄາບນ້ຳຢາອອກ ອາດຈະເລືອກຄີມຫຼືນ້ຳຢາບາງໂຕຈະມີສ່ວນໃນການຮັກສາຄວາມຊຸມຊື່ນຂອງພາສຕິກໄວ້ ກໍ່ຈະຢືດອາຍຸການໃຊ້ງານໄດ້

ຖ້າຫາກເປັນເຄສຄອມພິວເຕີ ຄວນຖອດສາຍໄຟອອກກ່ອນ ແລ້ວຈື່ງໃຊ້ຜ້າຊຸບນ້ຳບໍ່ໝາດໆ ເຊັດກ່ອນ ສ່ວນບ່ອນທີ່ເປື່ອນຫຼາຍໃຫ້ໃຊ້ຄີມອະນາໄມເຊັດເປັນຈຸດໄປ ບໍ່ຈຳເປັນຕ້ອງຖູໃຫ້ທົ່ວເຄສ ສ່ວນທີ່ເປັນພາສຕິກກໍ່ບໍ່ຕ່າງຫຍັງກັບຂອບຈໍພາບ ແຕ່ສ່ວນທີ່ເປັນໂລຫະ ກໍ່ອາດຈະຕ້ອງເບີ່ງເປັນສ່ວນວ່າມີຄາບ ຫຼື ຄວາມເປື້ອນຫຼາຍໜ້ອຍເທົ່າໃດ ລວມເຖິງເປັນຄາບຝັງແໜ້ນ ຫຼື ບໍ່ ຈະໄດ້ແຍກຮູບແບບອະນາໄມອອກຈາກກັນ

ເມົ້າ ແລະ ຄີບອຣ໌ດ ວິທີງາຍໆທີ່ສາມາດເຮັດໄດ້ແບບໄວວາກໍ່ຄື ຄວ່ຳຄີບອຣ໌ດລົງໄປ ແລ້ວໃຊ້ມືຕົບເບົາໆ ດ້ານຫຼັງ ໃຫ້ເສດສິ່ງເປີ້ເປື້ອນທີ່ຢູ່ຕາມສອກດ້ານໃນຫຼຸດອອກມາ ຈາກນັ້ນໃຊ້ຜ້າຊຸບນ້ຳໝາດໆ ເຊັດໃຫ້ທົ່ວ ຫຼື ຖ້າຢາກໃຫ້ສະອາດ ແລະ ປາສະຈາກເຊື້ອໂລກປະສົມນ້ຳແລ້ວເຊັດ ວິທີນີ້ບໍ່ແນະນຳສຳລັບຄີບອຣ໌ດເລືອງແສງ ຫຼື ຈຸດທີ່ມີຄວາມອ່ອນໄຫວເປັນພິເສດ

ແຕ່ໃນລະຫວ່າງວັນເຊັ່ນ: ໃນຕອນເຊົ້າທີ່ຈະໃຊ້ຄີບອຣ໌ດ ອາດເລືອກໃຊ້ເຄື່ອງມືອະນາໄມທີ່ມີລັກສະນະຄ້າຍຊິລີໂຄນອ່ອນໆ ກີ້ງໄປມາເທິງຄີບອຣ໌ດໃຫ້ທົ່ວ ເພື່ອເປັນການອະນາໄມ ແລະ ເກັບຊີ້ນສ່ວນເປື້ອນນ້ອຍໆ ທີ່ຢູ່ຕາມສອກອອກໄປ

ແຕ່ຖ້າມີເວລາສົມຄວນ ຫຼື ການອະນາໄມປະຈຳປີ ອາດຈະເລືອກວິທີລ້າງຄີບອຣ໌ດ ດ້ວຍການຖອດປຸ່ມຄີບອຣ໌ດອອກມາໃຫ້ໝົດ ຈາກນັ້ນອະນາໄມໂຕຄີບອຣ໌ດດ້ວຍຜ້າຊຸບນ້ຳ ຫຼື ການໃຊ້ແປງກຳຈັດຝຸ່ນ ທີ່ຫຼົນລົງໄປໃນຊ່ອງລະຫວ່າງປຸ່ມ ຈາກນັ້ນຖ້າມີນ້ຳຢາກໍ່ໃຊ້ຕາມຫຼັງໄດ້ ຂໍ້ຄວນລະວັງກໍ່ຄື ລະວັງຢ່າໃຫ້ຖືກໜ້າສຳຜັດຂອງຄີບອຣ໌ດແຮງເກີນໄປ ລວມເຖິງບັນດາຂາລັອກຂອງປຸ່ມແຕ່ລະໂຕ ຈະໄດ້ບໍ່ມີບັນຫາເມື່ອຕິດຕັ້ງກັບຄືນ ສ່ວນປຸ່ມທີ່ແກະອອກມາ ກໍ່ໃຫ້ແຊ່ນ້ຳໄວ້ ແລ້ວຄ່ອຍນຳມາຕາກແດດໃຫ້ແຫ້ງ ແລ້ວນຳມາປະກອບເຂົ້າຄືນບ່ອນເກົ່າ

ຂໍ້ມູນຈາກ: arip

Read Full Post | Make a Comment ( None so far )

5 ນະວັດຕະກຳປ່ຽນໂລກ

Posted on May 12, 2014. Filed under: ສາລະໜ້າຮູ້ |


ຖ້າເວົ້າເຖິງສິ່ງປະດິດຕ່າງໆເທິງໂລກນີ້ ຄືຈະມີຫຼາຍຈົນເວົ້າບໍ່ໝົດ ແຕ່ຖ້າເຮົາລອງເບີ່ງສະເພາະສິ່ງທີ່ສ້າງຄວາມປ່ຽນແປງໃຫ້ເກີດຂື້ນກັບໂລກໄດ້ ຄົງຈະເຫຼືອໜ້ອຍລົງ ແລ້ວມີຫຍັງແດ່ທີ່ເຮັດໃຫ້ເກີດຄວາມປ່ຽນແປງເກີດຂື້ນໄດ້ແທ້ໆ ມື້ນີ້ເຮົາຈະມາຂັດໃຫ້ເບີ່ງກັບ  5 ນະວັດຕະກຳປ່ຽນໂລກ ລອງມາເບີ່ງວ່າມີຫຍັງແດ່

5. Steam Engine ເຄື່ອງຈັກອາຍນ້ຳ

ຖືໄດ້ວ່າເປັນການປ່ຽນແປງຄັ້ງໃຫຍ່ຂອງອຸດສາຫະກຳເຄື່ອງຍົນກໍ່ວ່າໄດ້ ແມ້ວ່າຈະມີຂໍ້ຈຳກັດໃນການໃຊ້ ແຕ່ກໍ່ໄດ້ຮັບຄວາມນິຍົມຢ່າງກວ້າງຂວາງ ໃນວົງການ ອຸດສາຫະກຳ ເລີ່ມຜະລິດຄັ້ງທຳອິດເມື່ອປີ ຄສ  1712

Historic steam engine from White Pass Yukon Route Railroad Skagway, Alaska.

4. Automobile ລົດ

ຄົງບໍ່ຕ້ອງບອກວ່ານະວັດຕະກຳນີ້ປ່ຽນແປງໂລກໄປຊ້ຳໃດ ເພາະທຸກວັນນີ້ຄືຕ້ອງຫາຖະໜົນທີ່ບໍ່ມີລົດແລ່ນ ຄົງຈະເປັນໄປບໍ່ໄດ້ແລ້ວ ຖືໄດ້ວ່າ ເປັນອີກໜື່ງ ນະວັດຕະກຳ ທີ່ປ່ຽນແປງ ໂສມໜ້າວົງການເຄື່ອງຍົນໄປຕະຫຼອດການ

f682

3. Light bulb ຫຼອດໄຟ

ສິ່ງປະດິດໃຫ້ແສງສະຫວ່າງທີ່ບໍ່ຕ້ອງບອກວ່າໄດ້ກາຍມາເປັນສິ່ງຈຳເປັນໃນຊີວິດມະນຸດຊຳໃດ ປ່ຽນຈາກກາງຄືນໃຫ້ກາຍມາເປັນເມືອງແຫ່ງແສງໄຟໄດ້ໃນພິບຕາ

f683

2. Computer

ນະວັດຕະກຳທີ່ໃຫຍ່ທີ່ສຸດອີກໜື່ງຢ່າງ ທີ່ປ່ຽນໂລກນີ້ໃຫ້ທຸກຢ່າງງ່າຍຂື້ນ ຄົງບໍ່ມີໃຜປະຕິເສດເຖິງຄວາມສະດວກສະບາຍທີ່ໄດ້ຮັບຈາກມັນ ແລະ ຄົງບໍ່ມີໃຜທີ່ບໍ່ຮູ້ຈັກສິ່ງນີ້ ເຄື່ອງຄອມພິວເຕີ

f684

1. Internet

ທີ່ສຸດແຫ່ງນະວັດຕະກຳທີ່ປ່ຽນໂລກທີ່ແທ້ຈິງ ເຊື່ອມຄົນທີ່ຢູ່ຄົນລະຊີກໂລກໃຫ້ຢູ່ໃກ້ກັນໄດ້ ພາຍໃນບໍ່ເທົ່າໃດນາທີ ນະວັດຕະກຳ ທີ່ກາຍເປັນສ່ວນໜື່ງ ໃນຊີວິດຂອງຄົນເມືອງ

f685

ກໍ່ຕ້ອງລໍຖ້າເບີ່ງໃນອະນາຄົດຈະມີນະວັດຕະກຳຫຍັງໃໝ່ໆ ຖືກສ້າງຂື້ນມາອີກ

ຂໍ້ມູນຈາກ: arip

Read Full Post | Make a Comment ( None so far )

ວິທີເລືອກຊື້ ແທັບເລັດ

Posted on March 27, 2014. Filed under: ຄວາມຮູ້ເລື່ອງ IT, ສາລະໜ້າຮູ້ |


ມື້ນີ້ມີເຄັດລັລແນະນຳ ການເລືອກຊື້ແທັບເລັດ ເພື່ອເປັນແນວທາง ກ່ອນທີ່ຜູ້ໃຊ້ຈະຕັດສີນໃຈຊື້ແທັບເລັດ.

f524

1. ຖາມໂຕເອງກ່ອນວ່າຈະຊື້ແທັບເລັດ ສຳລັບການໃຊ້ງານແບບໃດ

ຕ້ອງຍອມຮັບເລີຍວ່າ ແທັບເລັດໃນຕະຫຼາດມີຫຼາຍຫຼຸ້ນ, ຫຼາຍຂະໜາດ ແຕ່ຈຸດປະສົງຫຼັກໆຂອງແທັບເລັດເຊັ່ນ: ເອົາໄວ້ເບີ່ງເວັບໄຊ, ແຊັດ, ຫຼີ້ນເກມ, ເບີ່ງໜັງ, ອ່ານ e-book ຫຼື ຮັບ-ສົ່ງອີເມລເປັນຕົ້ນ ເຖິງວ່າແທັບເລັດບາງຍີ່ຫໍ້ຈະອອກແບບມາ ເພື່ອພົກພາງ່າຍ ແຕ່ມັນອາດບໍ່ເໝາະສົມສຳລັບ ການໃຊ້ງານດ້ານເອກະສານ.

2. ຂະໜາດໜ້າຈໍ ແລະ ນ້ຳໜັກ

ເມື່ອຄິດໄດ້ແລ້ວວ່າຕ້ອງການຊື້ແທັບເລັດໄປເພື່ອຫຍັງ ຂັ້ນຕອນຕໍ່ມາທີ່ຄວນພິຈາລະນາຄືຂະໜາດໜ້າຈໍ ແລະ ນ້ຳໜັກ ເຊິ່ງໃນປະຈຸບັນແທັບເລັດ ມີຂະໜາດຕັ້ງແຕ່ 7 ເຖິງ 10.1 ນີ້ວ ຈໍໃຫຍ່ ນ້ຳໜັກກໍ່ຫຼາຍ ແລະ ສຳຄັນຄວນພິຈາລະນາ ດ້ວຍການຈັບຂື້ນມາລອງດ້ວຍໂຕເອງ (ແຕ່ລະບ່ອນມີເຄື່ອງຕົວຢ່າງໃຫ້ທົດສອບຢູ່ແລ້ວ) ເພື່ອໃຫ້ຮູ້ໄປເລີຍວ່າຮູ້ສຶກເມື່ອເຮົາຈັບ ແລະ ໃຊ້ງານເບື້ອງຕົ້ນເປັນແນວໃດ

3. ການເຊື່ອມຕໍ່ອິນເຕີເນັດ

ແທັບເລັດຫຼາຍຫຼຸ້ນ ສາມາດຮອງຮັບໄດ້ທັງ 3G ແລະ Wi-Fi ໄດ້ໃນໂຕ ເຊິ່ງຈະເໝາະກັບຜູ້ໃຊ້ ທີ່ມີຄວາມຈຳເປັນຕ້ອງພົກພາແທັບເລັດ ໄປໃຊ້ງານນອກບ້ານຢູ່ເປັນປະຈຳ ແຕ່ລາຄາກໍ່ຈະແພງຂື້ນໄປອີກ ສ່ວນຜູ້ທີ່ໃຊ້ງານຢູ່ແຕ່ບ້ານເຊັ່ນ: ແມ່ບ້ານທີ່ຮອງຮັບໄດ້ສະເພາະ Wi-Fi ໜ້າຈະເໝາະກວ່າຫຼຸ້ນ 3G + Wi-Fi ແຖມລາຄາຍັງຖືກກວ່າ

4. ພື້ນທີ່ຄວາມຈຳ

ປະຈຸບັນແທັບເລັດແບ່ງຄວາມຈຳພາຍໃນອອກເປັນ3 ຄວາມຈຳ ໄດ້ແກ່ 16, 32 ແລະ 64GB ແຕ່ຈະມີບາງຫຼຸ້ນ ທີ່ສາມາດເພີ່ມຄວາມຈຳໄດ້ດ້ວຍ microSD Card ສະນັ້ນ ຜູ້ໃຊ້ງານຄວນຮູ້ຕົວເອງກ່ອນວ່າເປັນຄົນມັກລົງແອພຫຼາຍ ຫຼື ສະສົມຮູບເງົາໄວ້ເບີ່ງຍາມວາງ ຫຼື ບໍ່ ຖ້າຫາກເປັນຜູ້ທີ່ບໍ່ມັກລົງແອພຫຼາຍ ບໍ່ຄ່ອຍຫຼີ້ນເກມ ຄວາມຈຳ 16GB ໜ້າຈະກຳລັງພໍດີ ແຕ່ຖ້າຫາກເປັນຄົນມັກລົງແອພຫຼາຍໆ ຄວາມຈຳ 32 ແລະ 64GB ຖືວ່າເໝາະສົມສຳລັບທ່ານ ຖ້າເພີ່ມຄວາມຈຳດ້ວຍ micro SD Card ໄດ້ອີກຍິ່ງໜ້າຈະຖືກໃຈເພີ່ມຂື້ນອີກ

5. ພອຣ໌ດການເຊື່ອຕໍ່

ສຳລັບແທັບເລັດ ທີ່ມີການເຊື່ອມຕໍ່ຜ່ານ USB ຈະຊ່ວຍໃຫ້ການໂອນຂໍ້ມູນໄດ້ງ່າຍກວ່າ ທັງໂອນໄຟລ໌ລົງໃນເຄື່ອງຄອມພິວເຕີ ຫຼື ນຳໄຟລ໌ເພງ ຫຼື ວິດີໂອໄວ້ໃນແທັບເລັດ ເຊິ່ງແທັບເລັດປະເພດ Android ມີຄຸນສົມບັດປະເພດນີ້ຢູ່ຄົບ ແຕ່ສຳລັບ iPad ຂອງ Apple ຈະມີຄວາມຫຍຸ້ງຍາກຫຼາຍກວ່າ

6. ລາຄາ

ປັດໄຈສຳຄັນທີ່ບໍ່ສາມາດເບີ່ງຂ້າມໄດ້ ເຖິງວ່າແທັບເລັດຈະມີຫຼາກຫຼາຍຫຼຸ້ນ ຫຼາຍຍີ່ຫໍ້ ແຕ່ຄຸນສົມບັດ ແລະ ລາຄາຕ້ອງມີຄວາມແຕກຕ່າງກັນ ສະນັ້ນແລ້ວເຖິງວ່າຈະເລືອກແທັບເລັດ ທີ່ຖືກໃຈໄດ້ແລ້ວ ແຕ່ກໍ່ຄວນຄຳນື່ງເຖິງເງີນໃນກະເປົາຂອງເຮົານຳ

ຂໍ້ມູນຈາກ: arip

Read Full Post | Make a Comment ( None so far )

ບ່ອນວາງໂທລະສັບມືຖື / Tablet ງ່າຍໆດ້ວຍເຈ້ຍແຜ່ນດຽວ!

Posted on February 19, 2014. Filed under: ສາລະໜ້າຮູ້ |


ສຳລັບໃຜທີ່ຊອກຫາບ່ອນວາງ Tablet  ຫຼື Smartphone ສຳລັບໄວ້ຕັ້ງວາງເວລາເບີ່ງໜັງ ມື້ນີ້ພວກເຮົາຂໍແນະນຳວິທີເຮັດບ່ອນວາງໂທລະສັບ / Tablet ງ່າຍໆໂດຍເຈ້ຍແຂງພຽງແຜ່ນດຽວ ບໍ່ຕ້ອງຊື້ໃຫ້ສີ້ນເປືອງ.
f242

f243

 

1.   ກຽມເຈ້ຍແຂງ (ຕ້ອງແຂງພໍສົມຄວນເດີ້) ຂະໜາດ 12*15 cm

f244

2.   ພັບເຈ້ຍເຄີ່ງໝື່ງ

f2453.   ຕັດເຈ້ຍແຂງໃຫ້ໄດ້ຕາມຮູບ (ອາດຈະແຕ້ມດ້ວຍສໍໄວ້ກ່ອນ ສຳລັບຄົນທີ່ບໍ່ເກັ່ງໃນການຕັດ)

f246

4.    ແຜ່ອອກມາ ເທົ່ານີ້ກໍ່ໄດ້ບອ່ນວາງ Tablet ງ່າຍໆແລ້ວ

ສຳລັບໃຜທີ່ຢາກຈະເຮັດບ່ອນວາງໂທລະສັບມືຖືໃຫ້ໃຊ້ວິທີດຽວກັນນີ້ ແຕ່ໃຊ້ຂະໜາດເທົ່າກັບນາມບັດກໍ່ພໍ ແລະ ຖ້າຕ້ອງການຄວາມສວຍງາມເພີ່ມກໍ່ສາມາດຕົກແຕ່ງໄດ້ດ້ວຍ Masking Tape ລວດລາຍງາມໆໄດ້  …

ຂໍ້ມູນຈາກ: arip

Read Full Post | Make a Comment ( None so far )

5 ຂັ້ນຕອນເຮັດ Digital Detox ບໍາບັດໂລກຕິດເທັກໂນໂລຢີ

Posted on January 29, 2014. Filed under: ຄວາມຮູ້ເລື່ອງສຸຂະພາບ, ສາລະໜ້າຮູ້ |


ຈາກສະຖິຕິ ເບິ່ງຄືວ່າຄົນອາເມລິກາຈະຕິດໂທລະສັບມືຖືຫຼາຍ ເຖິງຂັ້ນບັນຍັດຄຳສັບໃໝ່ທີ່ເອີ້ນວ່າ “Digital Detox” ເຊິ່ງໝາຍເຖິງ “ຊ່ວງເວລາທີ່ງົດເວັ້ນຈາກອຸປະກອນອີເລັກໂທນິກທັງຫຼາຍ ເຊັ່ນ: Smartphone, Tablet, PC ໆລໆ”, ຖ້າຫາກວ່າໃຜທີ່ຮູ້ຕົວວ່າຊ່ວງນີ້ກໍາລັງເໝື່ອຍໆ ບໍ່ຄ່ອຍມີສະມາທິ, ຈິດໃຈບໍ່ຢູ່ກັບເນື້ອກັບຕົວ ເພາະນັ່ງກວດເບິ່ງໂທລະສັບມືຖືໝົດມື ແລ້ວລອງເຮັດຕາມ 5 ຂັ້ນຕອນງ່າຍໆຕໍ່ໄປນີ້ເບິ່ງ.

 f99

1.ບອກໃຫ້ໝູ່ເພື່ອນໄວ້ກ່ອນວ່າທ່ານຈະເຮັດ Digital Detox

ຖ້າຫາກວ່າມື້ໃດມື້ໜື່ງ ທ່ານຈະປິດມືຖືຫຼືງົດຫຼີ້ນ Internet ກໍ່ຄວນທີ່ຈະແຈ້ງໃຫ້ໝູ່ເພື່ອນໄດ້ຮູ້ໄວ້ລວງໜ້າ ເພາະເຂົາເຈົ້າອາດຈະຕົກໃຈໄດ້ແບບຢູ່ໆກໍ່ຕິດຕໍ່ທ່ານບໍ່ໄດ້ເລີຍ ໂດຍສະເພາະ ສຳລັບບຸກຄົນທີ່ມີທຸລະກິດສ່ວນຕົວ ທ່ານອາດຈະໃຂ້ຊ່ອງທາງສຳລັບການຕິດຕໍ່ໃນກໍລະນີ້ສຸກເສີນກັບໝູ່ເພື່ອນໄວ້ ເຊັ່ນ: ໂທລະສັບບ້ານ ການບອກຄົນອ້ອມຂ້າງໄວກ່ອນລວງໜ້າ ຈະເຮັດໃຫ້ທ່ານບໍ່ຕ້ອງມານັ່ງກະວົນກະວາຍວ່າໃຜຈະມີເລື້ອງສຳຄັນຫຍັງຕ້ອງຕິດຕໍ່ທ່ານ ຫຼື ບໍ່ໃນຊ່ວງນີ້ທີ່ທ່ານງົດການເສບເທັກໂນໂລຢີ, ນອກຈາກນີ້ ຍັງເປັນການຈັດຂໍ້ອ້າງ ທີ່ທ່ານຈະລັກເຂົ້າໄປກວດ Social Networks ຫຼື ອີເມລເພາະຫ່ວງວຽກໄດ້ອີກ

 f100

2.ລົງທຶນຊື່ໂມງປຸກ

ຈາກຜົນສຳຫຼວດ ການໃຊ້ໂທລະສັບມືຖືຂອງຄົນອາເມລິກາພົບວ່າ 68%  ຂອງຄົນອາເມລິກາວາງໂທລະສັບມືຖື ໄວ້ຂ້າງໂຕໃນເວລານອນ ເຫດຜົນກໍ່ຄື ພວກເຂົາເຈົ້າໃຊ້ໂທລະສັບມືຖືແທນໂມງປຸກ, ເຖິງງແນວໃດກໍ່ຕາມ ການວາງໂທລະສັບມືຖືໄວ້ໃກ້ໆຫົວຕຽງຈະເປັນການກະຕຸ້ນໃຫ້ຢາກຈັບໂທລະສັບມືຖືມາກວດເບິ່ງຂ່າວສານຕັ້ງແຕ່ຍັງບໍ່ໄດ້ໂງຫົວຈາກໝອນ ເຊິ່ງເປັນເລື້ອງບໍ່ດີຕໍ່ສຸຂະພາບຂອງທ່ານເລີຍ ຕອນເຊົ້າຄວນຈະເລີ່ມຕົ້ນດ້ວຍຄວາມສົດຊື່ນຫຼາຍກວ່າ ພ້ອມກັບກີນເຂົ້າເຊົ້າທີ່ມີປະໂຫຍດ ຫຼາຍກວ່າຈະເສຍເວລາໄປກັບການຕິດຕາມຂ່າງສານຈາກໂທລະສັບມືຖືຈົນບໍ່ມີເວລາເຮັດຢ່າງອື່ນ (ແລະໄປເຮັດວຽກສວາຍ!)

 f101

3.ງົດຫຼີ້ນອຸປະກອນອີເລັກໂທນິກທຸກຊະນິດ ໃນຕອນກີນເຂົ້າ

ຊ່ວງເວລາກີນເຂົ້າ ຄວນຈະເປັນຊ່ວງເວລາທີ່ປອດຈາກອຸປະກອນອີເລັກໂທນິກທຸກຢ່າງ ໂດຍສະເພາະສຳລັບພະນັກງານບໍລິສັດແບບເຮົາ, ເວລາພັກຕອນສວາຍເປັນເວລາທີ່ດີໃນການພັກຜ່ອນຄາຍຄຽດຈາກການເຮັດວຽກຢ່າງເຄັງຄັດມາຕະຫຼອດ ໃນຕອນເຊົ້າ ການປ່ອຍໃຫ້ສະໝອງໄດ້ພັກຜ່ອນ ແລະ ກີນອາຫານທີ່ມີລົດຊາດດີທີ່ມຢູ່ຕໍ່ໜ້າ ຈະຊ່ວຍໃຫ້ລະບົບການຍ່ອຍອາຫານເຮັດວຽກໄດ້ດີຂື້ນ ສົ່ງຜົນດີຕໍ່ສຸຂະພາບໂດຍລວມທັງໝົດ.

4.ປິດ Push notifications ຖີ້ມຊະ

ການເປີດ Push Notifications ທັງຫຼາຍຈະຍິ່ງກະຕຸ້ນໃຫ້ເຮົາຕ້ອງຈັບໂທລະສັບມືຖືຂື້ນມາເບິ່ງຕະຫຼອດຫຼາຍຂື້ນ ເຊິ່ງຈະຂັດຈັງຫວະໃນການເຮັດວຽກໝົດມື້ ແທນທີ່ຈະເປີດ Push Notifications ໄວ້ຕະຫຼອດ ທ່ານຄວນປິດຖີ້ມໃຫ້ໝົດ ແລະ ເລືອກເວລາທີ່ຈະເຂົ້າມາກວດເບິ່ງຂໍ້ຄວາມຕ່າງໆເລົ່ານັ້ນພາຍຫຼັງຫຼາຍກວ່າ ເພື່ອທີ່ຈະຈັດການກັບວຽກອຕ່ລະຢ່າງໄດ້ແບບມີປະສິດທິພາບ.

 f102

5.ຫາຊ່ວງເວລາສະຫງົບໃນແຕ່ລະມື້

ກຳໜົດຊ່ວງເວລາສະຫງົລ ເຊິ່ງທ່ານຈະງົດເວັ້ນຈາກການໃຊ້ອຸປະກອນອີເລັກໂທນິກທຸກສະນິດ ອາດຈະໃຊ້ເວລາບໍ່ເທົ່າໃດຊຢ່ວໂມງຕໍ່ມື້ ຫຼື ຖ້າຈະໃຫ້ດີກວ່ານັ້ນ ທ່ານອາດຈະກຳນົດໄປເລີຍວ່າໃນ 1ອາທິດ ຢ່າງນ້ອຍ 1 ມື້ທີ່ທ່ານຈະບໍ່ຫຍຸ້ງກ່ຽວກັບອຸປະກອນໄຮເທັກທັງຫຼາຍ.

ຫວັງວ່າ ຂັ້ນຕອນງ່າຍໆເລົານີ້ ຈະເປັນແນວທາງໃຫ້ທ່ານຫຼຸດອາການຕິດເທັກໂນໂລຢີໄດ້, ແນ່ນອນວ່າເຮົາຢູ່ໃນຍຸກສະໄໝທີ່ບໍ່ສາມາດປະຕິເສດເທັກໂນໂລຢີໄດ້ ແຕ່ທຸກຢ່າງມີຂໍ້ດີກໍ່ຕ້ອງມີຂໍ້ເສຍ ການເສບຕິດເທັກໂນໂລຢີ ຫຼາຍເກີນໄປຕ້ອງສົ່ງຜົນຮ້າຍຕໍ່ສຸຂະພາບເຮົາ ປີໃໝ່ນີ້ເລີ່ມຢ່າງທາງເສັ້ນກາງ ໃຊ້ເທັກໂນໂລຢີຢ່າງເໝາະສົມດີກວ່າ

ຂໍ້ມູນຈາກ: ENTREPRENEUR, arip

Read Full Post | Make a Comment ( None so far )

5 ເທັກໂນໂລຢີທີ່ຈະລາໂລກໄປໃນອີກ 5 ປີຂ້າງໜ້າ

Posted on January 6, 2014. Filed under: ຄວາມຮູ້ເລື່ອງ IT, ສາລະໜ້າຮູ້ |


ທຸກມື້ນີ້ໃນໂລກເທັກໂນໂລຢີ ແລະນະວັດຕະກຳຕ່າງໆມີການພັດທະນາຢ່າງໄວວາ ເວັບບ ລອກ Techlicious ໄດ້ສະເໜີບົດຄວາມທີ່ກ່ຽວກັບ  5 ເທັກໂນໂລຢີທີ່່ຄາດວ່າໃນອີກ  5 ປີມັນຈະຫາຍຈາກໂລກນີ້ໄປ.

1. ເຄື່ອງຫຼີ້ນ DVD, Blu-ray

22

Netflix ແລະ iTunes ຄືສິ່ງທີ່ຈະເຮັດໃຫ້ເຄື່ອງຫຼີ້ນດີວີດີ ແລະບລູເຣກາຍ ເປັນເຄື່ອງທີ່ຕົກຍຸກໄປ, ດ້ວຍຄວາມໄວ ແລະຄຸນນະພາບ ໃນການສະຕຣີມມິງ ໜັງທີ່ ພັດທະ ນາຂື້ນຢ່າງໄວວາ ແລະອີກບໍ່ດົນນີ້ສະຕຣີມມິງໜັງລະດັບ  4K ກໍ່ບໍ່ແມ່ນເລື້ອງ ທີ່ຫ່າງໄກ ຄວາມ ເປັນຈິງ

2. ອຸປະກອນ GPS ໃນລົດແບບ Stand alone

33

 6 ປີທີ່ຜ່ານມາມີສະມາສ໌ໂຟນທັງ iPhone ແລະ  Android ປະມານ 1,300 ລ້ານເຄື່ອງທົ່ງໂລກ ແລະທັງໝົດກໍ່ລ້ວນມີທັງຊອຟແວ ແລະຄວາມສາມາດ ໃນການຮອງຮັບ ເລື່ອງແຜນທີ່ ລວມໄປເຖິງການເຕີບໂຕຂອງລະບົບ GPS ພາຍໃນລົດທີ່ແຕ່ ລະຜູ້ ຜະລິດ ເລີມຫັນ ໄປພັດທະນາການເຂື່ອມຕໍ່ລະບົບ ຂອງລົດເຂົ້າກັບລະບົບປະຕິບັດ ການເທິງ ສະມາສ໌ ໂຟນເພີ່ມ ຂື້ນຢ່າງຫຼວງຫຼາຍ.
ດັ່ງນັ້ນ ບັນດາ GPS ນໍາທາງແບບ  Stand Alone ຈື່ງໄດ້ຮັບຜົນກະທົບ ໄປ ເຕັ້ມໆ ບໍ່ວ່າ ຈະເປັນ Garmin ຫຼືວ່າ TomTom(ແຕ່ ປະຈຸບັນບໍລິສັດເລົ່າ ນີ້ກໍ່ຍັງ ປະຄັບປະຄອງ ຕົວເອງໄປໄດ້ກັບ GPS ສຳລັບການໃຊ້ເຮືອ ແລະກິດຈະກຳບ່ອນແຈ້ງຍັງໄດ້ຢູ່) ແລະຄາດ ວ່າບໍ່ເກີນ  5 ປີມັນກໍ່ຄົງຈະສູນພັນໄປຈາກລົດທຸກຄັນທີ່ຢູ່ຕາມຖະໜົນຫົນທາງ.

3. ການເຊື່ອມຕໍ່ອິນເຕີເນັດແບບ Dial Up

44

ທ່ານບໍ່ໄດ້ອ່ານຜິດແຕ່ປະການໃດ ອິນເຕີເນັດແບບ  Dial Up ທີ່ຕ້ອງໝຸນໂມເດັມດັງປີີ້ປໍ່ໆໆໆ ແລະ ເຊື່ອມຕໍ່ໄດ້ດ້ວຍຄວາມໄວ  52 Kps ນັ້ນຍັງມີຫຼົງເຫຼືອຢູ່ທີ່ສະຫະລັດອາເມລິກາ ຍັງມີ ຄົນໃຊ້ອິນເຕີເນັດແບບນີ້ຢູ່ອີກເຖິງ  9 ລ້ານຄົນທຽບ ເທົ່າກັບປະຊາ ກອນຂອງ ລັດນິວ ເຈີຊີເລີຍ, ແຕ່ແນວໃດກໍ່ແລ້ວແຕ່ພາຍໃນ  5 ປີຕໍ່ຈາກນີ້ອິນ ເຕີເນັດຄວາມ ໄວສູງ ແບບ Broadband ແລ້ວກໍ່ຍັງຈະມີທາງເລືອກອື່ນໆ ທີ່ຈະມາທົດແທນ  Dial Up ໄດ້ເຊັ່ນ: ອິນເຕີເນັດດາວທຽມ  (ໃນຕອນນີ້ມີຄວາມໄວສູງສຸດຢູ່ 15 Mps) ແລະ ອິນເຕີເນັດ ເຄື່ອຂ່າຍໂທລະສັບມືຖື.

4. ກ້ອງດິຈິຕອລຄອມແພັກ

55

ເພາະວ່າການມາຂອງ  iPhone4 ໃນປີ  2010 ຄືສິ່ງທີ່ເຮັດໃຫ້ອຸດສາ ຫະກຳສະມາສ໌ໂຟນ ຫັນ ມາພັດທະນາ ກ້ອງໃນໂທລະສັບມືຖືໃຫ້ມີຄຸນນະພາບດີຫຼາຍຂື້ນ, ໄດ້ກາຍເປັນວ່າ ໃນ ປະ ຈຸບັນ ກ້ອງ ດິຈິຕອລຄອມແພັກກາຍ ເປັນຝ່າຍ ທີ່ໄລ່ນຳເທັກ ໂນໂລຢີ ກ້ອງເທິງ ສະມາສ໌ ໂຟນ ແທນ ແລະຍອດຂາຍຂອງກ້ອງຄອມແພັກນັບມື້ນັບລຸດລົງ ຜູ້ຜະລິດທັງລາຍຄື Nikon, Canon ແລະ Sony ກໍ່ເລີມຫັນໄປເນັ້ນຕະຫຼາດກ້ອງລະດັບ  Hi-end ແທນ ແລະ ແນ່ ນອນ ວ່າອີກບໍ່ດົນສະມາສ໌ໂຟນກໍ່ຈະເຂົ້າມາທົດແທນກ້ອງດິຈິຕອລຄອມແພັກຢ່າງສົມບູນ.

5. ກະແຈລີໂມທລົດໃຫຍ່

66

ລົດໃຫຍ່ໃນ ປະຈຸບັນປ່ຽນລະບົບ ລ໋ອກກະແຈໄຂມາເປັນກະແຈລີໂມທ ແລະກຳລັງຈະເປັນລະບົບ Smart Key ແຕ່ວ່າຕອນນີ້ລົດກັບຜູ້ໃຊ້ເລີມ ມີການເຊື່ອມຕໍ່ກັນຫຼາຍຂື້ນກວ່າເກົ່າ ແລະ ກະແຈ ລີໂມທທີ່ຄິດວ່າດຽວນີ້ທັນສະໄໝທີ່ສຸດແລ້ວ, ອີກບໍ່ດົນມັນ ກໍ່ກຳລັງ ຈະຫາຍ ໄປໂດຍສິ່ງ ທີ່ຈະ ມາແທນ ກໍ່ຄືສະມາສ໌ໂຟນ (ອີກແລ້ວ) ຍ້ອນສາເຫດນີ້ທີ່ລົດໃຫຍ່ ກຳລັງພັດທະນາ ລະ ບົບ ໃຫ້ເຊື່ອມ ຕໍ່ກັບສະມາສ໌ໂຟນຫຼາຍຂືນ, ອະນາຄົດທ່ານສາມາດສັ່ງ ລ໋ອກ ລົດຂອງ ທ່ານ ຜ່ານ ແອພໃນໂທລະສັບມືຖື ຫຼລົດຈະສາມາດມອດເຄື່ອງ ແລະລ໋ອກຫຼັງຈາກ ທີ່ທ່ານ ຍ່າງອອກຈາກລົດ.

ຂໍ້ມູນຈາກ : Techlicious

Read Full Post | Make a Comment ( None so far )

Facebook ກຽມ​ຂາຍ​ຫຸ້ນຄັ້ງ​ໃຫຍ່​ອີກ​ຄັ້ງ ມີ​ຂອງ​ມາຣ໌ກ ຊັກ​ເກີຣ໌​ເບີຣ໌ກ​ເຖິງ 41 ລ້ານ​ຫຸ້ນ

Posted on December 26, 2013. Filed under: ຄວາມຮູ້ເລື່ອງ IT, ສາລະໜ້າຮູ້ |


face

ປັນ​ການ​ຂາຍ​ຫຸ້ນ​ຄັ້ງ​ໃຫຍ່​ອີກ​ຄັ້ງ​ຂອງ Facebook ທີ່​ມີ​ປະລິມານ​ເຖິງ 70 ລ້ານ​ຫຸ້ນ ​ເຊິ່ງ​ໃນ​ຈຳນວນ​ນັ້ນ​ມີ​ຂອງ CEO ມາຣ໌ກ ຊັກ​ເກີຣ໌​ເບີຣ໌ກ ຢູ່​ນຳ​ເຖິງ 41 ລ້ານ​ຫຸ້ນ ຄິດ​ເປັນ​ມູນ​ຄ່າ 2,300 ​ລ້ານ​ຫຼຽນ​ສະຫະລັດ

ກ່ອນ​ໜ້າ​ນີ້ Facebook​ ​ເຄີຍ​ສະ​ເໜີ​ຂາຍ​ຫຸ້ນຄັ້ງ​ໃຫຍ່​ມາ​ແລ້ວ​ໃນ​ເດືອນ​ພຶດສະພາ​ປີ 2012 ​ແລະ​ສຳ​ຫຼັບ​ເທື່ອ​ນີ້​ເຖິງ​ວ່າ​ປະລິມານ​ການ​ຂາຍ​ຫຸ້ນ​ຂອງ ມາຣ໌ກ ​ແອນ​ເດຣສ​ເຊນ ນັກ​ລົງທຶນ​ທີ່​ມີ​ຫຸ້ນ​ຢູ່​ໃນ Facebook ກໍ່​ເທ​ຂາຍ​ຫຸ້ນ​ຂອງ​ລາວ​ອີກ 1.6 ລ້ານ​ຫຸ້ນ

​ເຖິງ​ຢ່າງ​ໃດ​ກໍ່​ແລ້ວ​ແຕ່ ​ໃນ​ເອກະສານ​ຂອງ Facebook ລະບຸ​ໄວ້​ວ່າຊັກ​ເກີຣ໌​ເບີຣ໌ກ ມີ​ແຜນ​ທີ່ຈະ​ບໍລິຈາກ​ຫຸ້ນ​ຈຳນວນ 18 ລ້ານ​ຫຸ້ນ ​ໃຫ້​ແກ່​ຜູ້​ທີ່​ໄດ້​ຮັບ​ຜົນ​ປະ​ໂຫຍ​ດທີ່​ຍັງ​ບໍ່​ໄດ້​ລະບຸ​ໄວ້​ວ່າ​ແມ່ນ​ໃຜ ຖ້າ​ເບີ່​ງກັບ​ຄືນ​ໄປ​ປີ​ທີ່​ຜ່ານ​ມາ ຊັກ​ເກີຣ໌​ເບີຣ໌ກກັບ​ພັນ​ລະ​ຍາ​ກໍ່ບໍລິຈາກ​ຫຸ້ນ​ 18 ລ້ານ​ ​ໃຫ້​ແກ່​ມູນ​ນິທິຊີ​ລິ​ຄອນ​​ແວລລີມາ​ແລ້ວ.

ຂໍ້​ມູນ​ຈາກ: beartai.com

Read Full Post | Make a Comment ( None so far )

Adidas ເປີດຕົວ Brazuca ລູກບານ ທີ່ຈະໃຊ້ໃນການແຂ່ງຂັນ ບານໂລກ ປີ 2014 ເພື່ອຮອງຮັບເທັກໂນ່ໂລຢີ່ Goal Line

Posted on December 15, 2013. Filed under: ສາລະໜ້າຮູ້ |


brazuca-ball-fifaworldcup2014-b

ວັນທີ່ 3 ທັນວາທີ່ຜ່ານມາ Adidas ຜະລິດຕະພັນລະດັບໂລກໄດ້ເປີດຕົວ ໝາກບານ ທີ່ຈະໃຊ້ໃນການແຂ່ງຂັນ ບານໂລກ ປີ 2014 ( Fifa World Cup 2014 ) ທີ່ປະເທດ ບາຊິວ ເປັນເຈົ້າພາບແລ້ວ ຊຶ່ງຈະໄດ້ເຫັນການອອກແບບ ດີຊາຍ ລູກບານ ທີ່ແປກໃໝ່ ຂຶ້ນ ໂດຍຕັ້ງຊື່ລູກບານ ທີ່ທ່ານເຫັນນິ້ວ່າ Brazuca

brazuca-ball-fifaworldcup2014-c

ທີ່ຊື່  Brazuca ຄືມາຈາກຊື່ປະເທດ ບາຊິວ ຊຶ່ງເປັນ ເຈົ້າພາບ ກິລາບານ ໂລກ ປີ 2014 ນີ້ ເອງ ສະແດງເຖິງ ຄວາມພາກພູມໃຈຂອງ ຊາວບາຊິວ ແລະ ສະທ້ອນເຖິງ ຄວາມ ຄັ່ງໄຄ້ ໃນເກຼມ ລູກໜັງ ແລະ ຄວາມເປັນມິດ ຂອງຊາວບາຊິວດ້ວຍ ການອອກແບບ ຈະເໝືອນລູກ ບາລູນ ທີ່ມີນໍ້າ​ໜັກເບົາ ລອຍໃນອາກາດ ໄດ້ດີຂຶ້ນ ແນ່ນອນການເຕະບານ ຜູ້ທີ່ລຳບາກທີ່ຈະຮັບມັນ ຄື ຜູ້ຮັກສາປະຕູ ທີ່ຈະຕ້ອງປັດລູກບານນີ້ ບໍ່ໃຫ້ຜ່ານເສັ້ນ ປະຕູໃຫ້ໄດ້

ແລະ ຢ່າລືມວ່າ ຄັ້ງນີ້ ເປັນຄັ້ງແລກ ທີ່ຈະໃຊ້ ເທັກໂນໂລຢີ່ Goal Line ມາຊ່ວຍໃນການຕັດສິນດ້ວຍ ດັ່ງນັ້ນ ລູກບານ ຢ່າງ Brazuca ລູກນີ້ ຈະມີການຕິດຊິບ ພາຍໃນລູກບານ ຖ້າຢາກເຫັນປະສິທິພາບ ຂອງໝາກບານລູກນີ້ ກໍ່ລໍເບິ່ງໄດ້ ໃນບານໂລກ 2014

ຂໍ້ມູນຈາກ Yahoo

Read Full Post | Make a Comment ( None so far )

ໃກ້​ແລ້ວ! FAA ຈະ​ອະນຸຍາດ​ໃຫ້​ຜູ້​ໂດຍ​ສານ​ໃຊ້​ອຸປະກອນ​ໄອ​ທີ​ເທີ​ງ​ເຄື່ອງ​ບີນ​ໄດ້​ໂດຍ​ບໍ່​ຕ້ອງ​ປິດ​ເຄື່ອງ

Posted on November 24, 2013. Filed under: ຄວາມຮູ້ເລື່ອງ IT, ສະມາດ ໂຟນ, ສາລະໜ້າຮູ້ |


ຢ​​​​ເມື່ອ​ວັນ​ທີ  1 ພະ​ຈີກ​ທີ່​ຜ່ານ​ມາ​ສຳລັບ​ງານ​ບໍ່​ລິ​ຫານ​ການ​ບີນ​ແຫ່ງ​ຊາດ FAA  ສະ​ຫາ​ລັດຕຽມປະກາດ​ກົດ​ໃຫມ່​ໃຫ້​ອະນຸຍາດຜູ້​ໂດຍສານ​ຂື້ນ​ເຄື່ອງ​ບີນ​ ແລະ​ ໃຊ້​ງານ​ອຸປະກອນ​ໄອ​ທີ​ບົນ​ເຄື່ອງ​ບີນ​ໄດ້​ຕະຫລອດ​ໂດຍ​ບໍ່​ຕ້ອງ​ປີດ​ເຄື່ອງ​ຕາມ​ກົດ​ໜາຍນີ້​ລວມ​ເຖີງ​ໃນ​ລະຫວ່າງ​ເຄື່ອງ​ຂື້ນ​ແລະ​ເຄື່ອງ​ລົງ​ຈອດ​ດ້ວຍ

ທັງ​ນີ້​ທ່ານ​ຜູ້ອຳນວຍການ FAA  ​ໄດ້​ບອກ​ເຫດຜົນ​ການ​ອະນຸຍາດ​ນີ້​ວ່າ: ​ເຄື່ອງ​ບີນທີ່​ຜ່ານການ​ທົດ​ສອບ​ເຮື່ອ​ງຄວາມ​ປອດ​​ໄພ​ຈາກ​ການ​ລົບ​ກວນ​ຂອງ​ຄື້ນຈາກ​ອຸປະກອນ​ອີ​ເລັກ​ໂທ​ນີກຫລືອຸປະກອນ​ໄອ​ທີ​ກໍ່​ຈະ​ສາມາດ​ໃຊ້​ງານ​ອຸປະກອນ​ອີ​ເລັກ​ໂທ​ນີກ​ໄດ້​ຢ່າງ​ປອດ​ໄພ​ດ້ວຍ​ແຕ່​ທັງ​ນີ້​ໃນ​ເລື່ອງ​ການ​ໃຊ້​ງານ​ໂທລະສັບ​ມື​ຖື​ຍັງ​ຄົງ​ຫ້າມ​ໃຊ້​ໂທ​ບົນ​ເຄື່ອງ​ບີນ​ແຕ່​ຢ່າງ​ນ້ອຍ​ກໍ່​ບໍ​ຕ້ອງ​ກົດ​ປຸ່ມ Power ອຸປະກອນ​ອີ​ເລັກ​​ໂທ​ນີກ​ແລ້ວ​ເ​ຊິ່ງລວມທັງ​ອຸປະກອນ​ອື່ນໆ​ເຊັ່ນ​: ແລັບ​ທອບ,​ແທບ​ເລັດ​, ອີ​ບຸກ​ເຄື່ອງ​ເລັ້ນ​ເກ​ມພົກ​ພາ​ດ້ວຍ

​ຟ

​​ແຕ່ການດາວໂຫລດຫລືໃຊ້ງານເນັດນີ້ສະເພາະບໍລິການໃນສ່ວນ wifi ພາຍ​ໃນ​ເຄື່ອງ​ບີນ ​ແລະ ​ຄົງ​ຍັງ​ບໍ່​ໃຫ້​ໂຫຼດ 3G 4G ບົນ​ຕົວ​ມື​ຖື​ ແລະ​ ແທບ​ເລັດ​ຕໍ່​ເນັດ​ລະ​ຫວ່າງ​ຢູ່​ບົນ​ເຄື່ອງ​ບີນຮວມ​ເຖີງຊ່ວງ​ບີນຂື້ນ​ແລະ​ການ​ລົງ​ຈອດຂອງ​ເຄື່ອງ​ບີ​ນອຸປະກອນ​ໄອ​ທີ​ຕ່າງໆ​ເຊັ່ນ​ສະມາດ​ໂຟນຍັງ​ຕ້ອງ​ເປີດ​ໂຫມດ  Airplane Mode ​ໄວ​ເພື່ອ​ບໍ່​ໃຫ້​ຄື້ນ​ມື​ຖື​ນີ້​ກະທົບ​ກັບ​ການ​ບີນ ​ແລະ​ຕ້ອງ​ເກັບ ​ໂນ​ດບຸກລົງ​ໃສ່​ກະ​ເປົ໋າ​ໃນ​ກໍລະນີ​ເຄື່ອງ​ບີນຈະ​ລົງ​ຈອດ​ດ້ວຍ

ກົດ​ໃຫມ່​ນີ້​ຍັງ​ບໍ່​ມີ​ຜົນ​ທັນທີ​ທັງນີ້​ຂື້ນ​ຢູ່​ກັບ​ສາຍ​ການ​ບີນທີ່​ສຳ​ເ​ລັດ​ທົດ​ສອບ​ຄວາມ​ປອດ​​ໄພຮຽບຮ້ອຍ​ແລະ​ປະກາດ​ທາງ​ການຈາກ FAA ອີກ​ຄັ້ງ​ທັງ​ນີ້​ຜູ້​ໂດຍ​ສານ​ຍັງ​ຕ້ອງ​ປະຕິ​ບັດ​ຕາມ​ຂໍ້​ບັງຄັບ​ຂອງ​ສາຍ​ການ​ບີນ​ແລະ​ ລູກ​ເຮືອ​ຢູ່​ເພຶ່ອຄວາມ​ປອດ​ໄພ​ຂອງ​ຊີວິດ​ຕົວ​ເອງ ​ແລະ ​ຄົນ​ອື່ນໆ​ທີ່​ໂດຍສານ​ບົນ​ເຄື່ອງ​ບີນ​ໂດຍສານ​ລຳ​ດຽວ​ກັນ

 

 

 

 

 

 

 

 

 

 

 

 

 

 

 

 

 

 


​​ແຕ່ການດາວໂຫລດຫລືໃຊ້ງານເນັດນີ້ສະເພາະບໍລິການໃນສ່ວນ wifi ພາຍ​ໃນ​ເຄື່ອງ​ບີນ ​ແລະ ​ຄົງ​ຍັງ​ບໍ່​ໃຫ້​ໂຫຼດ 3G 4G ບົນ​ຕົວ​ມື​ຖື​ ແລະ​ ແທບ​ເລັດ​ຕໍ່​ເນັດ​ລະ​ຫວ່າງ​ຢູ່​ບົນ​ເຄື່ອງ​ບີນຮວມ​ເຖີງຊ່ວງ​ບີນຂື້ນ​ແລະ​ການ​ລົງ​ຈອດຂອງ​ເຄື່ອງ​ບີ​ນອຸປະກອນ​ໄອ​ທີ​ຕ່າງໆ​ເຊັ່ນ​ສະມາດ​ໂຟນຍັງ​ຕ້ອງ​ເປີດ​ໂຫມດ  Airplane Mode ​ໄວ​ເພື່ອ​ບໍ່​ໃຫ້​ຄື້ນ​ມື​ຖື​ນີ້​ກະທົບ​ກັບ​ການ​ບີນ ​ແລະ​ຕ້ອງ​ເກັບ ​ໂນ​ດບຸກລົງ​ໃສ່​ກະ​ເປົ໋າ​ໃນ​ກໍລະນີ​ເຄື່ອງ​ບີນຈະ​ລົງ​ຈອດ​ດ້ວຍ

ກົດ​ໃຫມ່​ນີ້​ຍັງ​ບໍ່​ມີ​ຜົນ​ທັນທີ​ທັງນີ້​ຂື້ນ​ຢູ່​ກັບ​ສາຍ​ການ​ບີນທີ່​ສຳ​ເ​ລັດ​ທົດ​ສອບ​ຄວາມ​ປອດ​​ໄພຮຽບຮ້ອຍ​ແລະ​ປະກາດ​ທາງ​ການຈາກ FAA ອີກ​ຄັ້ງ​ທັງ​ນີ້​ຜູ້​ໂດຍ​ສານ​ຍັງ​ຕ້ອງ​ປະຕິ​ບັດ​ຕາມ​ຂໍ້​ບັງຄັບ​ຂອງ​ສາຍ​ການ​ບີນ​ແລະ​ ລູກ​ເຮືອ​ຢູ່​ເພຶ່ອຄວາມ​ປອດ​ໄພ​ຂອງ​ຊີວິດ​ຕົວ​ເອງ ​ແລະ ​ຄົນ​ອື່ນໆ​ທີ່​ໂດຍສານ​ບົນ​ເຄື່ອງ​ບີນ​ໂດຍສານ​ລຳ​ດຽວ​ກັນ

Read Full Post | Make a Comment ( None so far )

ຈີນ ທົດລອງ ເຮືອບິນ ບໍ່ມີຄົນຂັບ ທີ່ເຣດ້າ ຈັບບໍ່ໄດ້

Posted on November 24, 2013. Filed under: ສາລະໜ້າຮູ້ |


B5BE7455-EC29-478A-BBC8-DDCCE92BCB59_mw1024_n_s

ຮູບເຮືອບິນບໍ່ມີຄົນຂັບລຳນຶ່ງ ທີ່ພວມບິນຢູ່ໃກ້ໆ ກັບໝູ່ເກາະ ທີ່ຍີ່ປຸ່ນເອີ້ນວ່າ Senkaku ແລະຈີນເອີ້ນວ່າ Diaoyu ໃນເຂດທະເລຈີນຕາເວັນອອກ ທີ່ຖ່າຍໂດຍກອງກຳລັງປ້ອງກັນໂຕ ທາງອາກາດ ຂອງຍີ່ປຸ່ນ ຊຶ່ງນຳອອກເຜີຍແຜ່ ໂດຍກະຊວງປ້ອງກັນປະເທດ (9 ກັນຍາ 2013)

ຈີນກ່າວວ່າ ຕົນໄດ້ປະສົບກັບຄວາມສຳເລັດ ໃນການທົດລອງບິນ ເປັນເທື່ອທຳອິດ ຂອງເຮືອບິນບໍ່ມີຄົນຂັບ ທີ່ເຣດ້າຈັບບໍ່ໄດ້.
ໃນມື້ວັນສຸກວານນີ້ ສື່ມວນຊົນຂອງທາງການຈີນ ໄດ້ນຳອອກເຜີຍ ແຜ່ຮູບພາບແລະວີດີໂອຂອງເຮືອບິນບໍ່ມີຄົນຂັບທີ່ຮູບຮ່າງພຽວລົມ ປີກສາມຫຼ່ຽມ ທີ່ເອີ້ນວ່າ “ດາບຄົມ” ຫຼື “Sharp Sword”.
ສື່ມວນຊົນລາຍງານວ່າ ການທົດລອງບິນ ເປັນເວລາ 20 ນາທີມີ ຂຶ້ນໃນຕອນບ່າຍ ຂອງວັນພະຫັດຜ່ານມາ ໃນເຂດພາກຕາເວັນ ຕົກສຽງໃຕ້ຂອງຈີນ.
ນອກນັ້ນແລ້ວ ປັກກິ່ງຍັງໄດ້ພັດທະນາເຮືອບິນລົບເຣດ້າຈັບບໍ່ໄດ້ທີ່ມີຄົນຂັບ 2 ຊະນິດແລະ ໃນປີກາຍ ຈີນໄດ້ນຳເອົາກຳປັ່ນບັນທຸກເຮືອບິນລຳນຶ່ງ ເຂົ້າປະຈຳການ.
ໃນເດືອນກັນຍາຜ່ານມາ ເຮືອບິນບໍ່ມີຄົນຂັບລຳນຶ່ງ ໄດ້ຕົກເປັນຈຸດໃຈກາງຂອງຂອງໂຕ້ຖຽງ ລະຫວ່າງຈີນແລະຍີ່ປຸ່ນ ເວລາເຮືອບິນບໍ່ມີຄົນຂັບລຶກລັບລຳນີ້ ໄດ້ບິນເຂົ້າໄປໃກ້ໆໝູ່ເກາະ ທີ່ຍັງມີການຂັດແຍ້ງ ທີ່ຍີ່ປຸ່ນເອີ້ນວ່າ Senkaku ແລະເອີ້ນກັນວ່າໝູ່ເກາະ Diaoyu ໃນຈີນ.
ລຸນຫຼັງທີ່ໄດ້ເກີດເຫດການດັ່ງກ່າວ ຍີ່ປຸ່ນໄດ້ໃຫ້ການອະນຸມັດ ຕໍ່ແຜນການທີ່ຈະຍິງທຳລາຍ ເຮືອບິນບໍ່ມີຄົນຂັບຂອງຕ່າງປະເທດໃດໆກໍຕາມທີ່ໄດ້ບິນເຂົ້າໄປໃນເຂດອາກາດຂອງຍີ່ປຸ່ນ. ຈີນໄດ້ຖະແຫຼງຕອບ ໂດຍກ່າວວ່າ ການໂຈມຕີຕໍ່ເຮືອບິນຂອງຕົນ ແມ່ນຈະຖືວ່າເປັນການກໍ່ ສົງຄາມແລະຕົນກໍຈະຕອບໂຕ້ຄືນ.
ຈີນໄດ້ເພີ້ມການໃຊ້ຈ່າຍທາງດ້ານທະຫານຂອງຕົນຂຶ້ນເປັນລຳດັບ ໃນໄລຍະສອງສາມທົດ ສະວັດຜ່ານມານີ້ ແຕ່ເຖິງຢ່າງໃດກໍຕາມຈີນ ແມ່ນຍັງຫ່າງໄກສະຫະລັດຢູ່ ກ່ຽວກັບການໃຊ້ ຈ່າຍໃນດ້ານປ້ອງກັນປະເທດ.
From VOA
Read Full Post | Make a Comment ( None so far )

ໃຊ້​ບັດ ວິ​ຊາ ດີ​ບິດ ຂອງ​ທະ​ນາ​ຄານ​ການ​ຄ້າ ສັ່ງ​ສິນ​ຄ້າ ອອນລາຍ ໄດ​້

Posted on November 3, 2013. Filed under: ​ຫຸ້​ນ FOREX, ຄວາມຮູ້ເລື່ອງ IT, ທຸ​ລະ​ກິດ, ສາລະໜ້າຮູ້ |


ສະ​ບາຍ​ດີ​ເພື່ອ​ນໆ

ມີ​ຂ່າວ​ດີ​ມາ​ຝາກ ແຕ່ຫຼາຍ​ທ່ານ​ອາດ​ຈະ​ຮູ້ ແລະ ນຳ​ໃຊ້​ກັນ​ແລ້ວ ແຕ່​ມັນ​ເປັນ​ຂ່າວ​ໃໝ່​ຂອງ​ຂ້າ​ພະ​ເຈົ້າ ເຊິ່ງ​ເຂົາ​ເຈົ້າ​ເລີ້ມ​ໃຊ້​ມາ​ໄດ້ 3ປີ ແລວ ນັ້ນ​ກໍ່​ຄື ບັດ ວິ​ຊາ ດີ​ບິດ ຂອງ​ທະ​ນາ​ຄານ ການ​ຄ້າ ແລະ ຜ່ານ​ມາ​ສາມ​ເດືອນ​ແລ້ວ ສຳ​ລັບ ການ​ບໍ​ລິ​ຫານ​ບັນ​ຊີ ທາງ ອອນ​ລາຍ ຂອງ BCEL ONE ເຊິ່​ງ​ພວກ​ມັນ​ມີ​ຄ​ວາມ​ສະ​ດວກ​ດັ່ງ​ນີ້:

1. ບັດ​ວິ​ຊາເດ​ບິດ:

– ທ່ານ​ສາມາດຊໍາລະ​ສະ​ສາງ ​ໂດ​ຍບັດ VISA ທຄຕລ ​ແທນ​ເງິນ​ສົດ ​ແລະ ​​ແຊັ​ກ ຢ່າງ​ສະດວກ​   ສະບາຍ ​ແລະ ປອດ​ໄພ ​ໃນ​ການ​ຊື້​ສິນຄ້າ ​ແລະ ທ່ອງ​ທ່ຽວ​ໄປ​ສະຖານ​ທີ່​ຕ່າງໆ​ທົວ​ໂລກ ​ໂດຍ​ບໍ່​ຈໍາ​ເປັນ​ ຕ້ອງ​ຖື​ເງິນສົດ​ເປັນ​ຈໍານວນ​ຫຼາຍ.

– ສາມາດຊື້​ສິນຄ້າ ຫຼື ຊໍາລະ​ຄ່າ​ບໍລິການ ຜ່ານ Internet ໄດ້.

– ສາມາດ​ໃຊ້​ບໍລິການ​ຊໍາລະ​ສະ​ສາງ ຕາມ​ຫ້າງ​ຮ້ານ ​ແລະ ຈຸດ​ບໍລິການຕ່າງໆ ຜ່ານ​ເຄື່ອງ EDC/POS  ໄດ້​ທົ່ວ​ໂລກ ທີ່​ມີເຄື່ອງ ໝາຍ VISA.

– ສາມາດ​ໃຊ້ບໍລິການຕູ້ ATM ໄດ້ທຸກຈຸດທົ່ວ​ໂລກ ທີ່​ມີ​ເຄື່ອງໝາຍ VISA ໄດ້ຕະຫຼອດ 24 ຊົ່ວໂມງ.

– ສາມາດ​ໃຊ້​ບໍລິການຊໍາລະ​ສະ​ສາງ​ຜ່ານ​ເຄື່ອງ​ຮູດ​ບັດ EDC/POS ທຄຕລ ​ແລະ ຖອນ​ເງິນສົດ​ຈາກຕູ້   ATM ທຄຕລ ​ໂດຍ​ບໍ​ເສຍ​ຄ່າ​ບໍລິການ​ໃດໆ.

bcel_visa_Debit

2.    BCEL ONE:  ທ່ານ​ສາ​ມາດດ​ຳ​ເນີນ​ການ​ຕ່າງ​ໆ​ຜ່ານ​ທາງອິນ​ເຕີ​ແນດ ຫຼື ທາງ​ມື​ຖື​ຂອງ​ທ່ານເຊັ່ນ

       ເບິ່ງ​ການ​ເຄື່ອນ​ໄຫວ​ໃນ​ບັນ​ຊີ

       ຈ່າຍ​ຄ່າ​ໄຟ​ຟ້າ

       ຈ່າຍ​ຄ່າ​ນຳ​ປະ​ປາ

       ຈ່າຍ​ຄ່າ​ໂທ​ລະ​ສັບ

       ບໍ​ລິ​ການ​ໂອນ​ເງິນ

BPay

ການ​ສະ​ໝັກ​ກໍ່​ງ່າຍ​ນ້ອຍ​ດຽວ ແລະ ບໍ່​ເສຍ​ຄ່າ​ຫ​ຍັງ​ຈັກ​ກີ​ບ ພຽງ​ແຕ່​ເຂົ້າ​ໄປ​ຫາ​ສູນ​ບໍ​ລິ​ການ​ຂອງ BCEL ແລະ​ ບອກ​ຄ​ວາມ​ຕ້ອງ​ການ ນັ່ງ​ຖ້າ​ພຽງ 5 ນາ​ທີກໍ່​ສຳ​ເລັດ​ແລ້ວ,

​ນອກ​ນີ້​ເຮົາ​ຍັງ​ສາ​ມາດ​ເປີດ​ບັນ​ຊີ ຕ​ະ​ກູນ​ເງິນ ກີ​ບ ບາດ ດອນ​ລາ ໂດຍ​ໃຊ້​ບັດ ATM ໃບ​ດຽວ ສະ​ດ​ວກ​ສະ​ບາຍ​ແທ້ໆ “ບໍ່​ສະ​ບາຍກໍ່​ຕອນ ເງິນໝົດ​ນີ້ ແລະ 555”

            ຂໍ​ບອກ​ອີກ​ຢ່າງ ເປີດບ​ັນ​ຊີ​ເງິນ​ຂັ້ນ​ຕ່ຳ: ເງິນ​ບາດ 500ບາດ, ເງິນດອນ​ລາ 100$

ຮູ້​ຊີ້​ແລ້ວກໍ່​ໄປ​ເປີດ​ໄດ້​ເລີຍ​ເນີ

Read Full Post | Make a Comment ( None so far )

ໜັງທ້ອງລາຍ ບໍ່ເປັນຕາຢ້ານ ປ້ອງກັນໄດ້

Posted on October 16, 2013. Filed under: ຄວາມຮູ້ເລື່ອງສຸຂະພາບ, ສາລະໜ້າຮູ້ |


1. ຜິວໜັງຂະຫຍາຍໂຕກັບການຂະຫຍາຍໂຕຂອງມົດລູກ ໂດຍສະເພາະ ຜູ້ທີ່ມີຜິວແຫ້ງຈະເປັນງ່າຍ. 2. ນໍ້າໜັກໂຕແມ່ມານເພີ່ມຂຶ້ນໄວເກີນໄປ ຈະເຮັດໃຫ້ຜິວແຕກລາຍເພີ່ມຂຶ້ນ. 3. ການເກົາເມື່ອຮູ້ສຶກຄັນຜິວໜັງທີ່ພວມແຕກລາຍ ຈະເພີ່ມການເກີດ ທ້ອງລາຍຫລາຍຂຶ້ນ. 4. ການນອນສະແຄງ ເຮັດໃຫ້ທ້ອງອຽງຫລາຍ ຜິວໜັງດ້ານກົງກັນຂວ້າມ ຈະຖືກຈ່ອງເຮັດໃຫ້ທ້ອງລາຍຫລາຍຂຶ້ນ.

ມາພາກັນລືມເລື່ອງທ້ອງລາຍ ຊຶ່ງເປັນສິ່ງທີ່ເປັນຕາຢ້ານສຳລັບແມ່ໃໝ່ກັນເຖາະ

1. ເບິ່ງແຍງນໍ້າໜັກໂຕໃຫ້ຂຶ້ນຕາມເກນທີ່ເໝາະສົມ ເດືອນລະປະມານ 2 ກ.ກ ຢ່າໃຫ້ຂຶ້ນໄວເກີນໄປ ຜິວໜັງຈະໄດ້ຍຶດໂຕຊ້າໆ ຕໍ່ເນື່ອງ ແລະ ປັບສະພາບຜິວ ບໍ່ໃຫ້ແຕກລາຍໄດ້. 2. ຫລີກເວັ້ນການອາບນໍ້າຮ້ອນ ເພາະຈະເຮັດໃຫ້ຜິວໜັງແຫ້ງຫລາຍ ຄັນຫລາຍ ເຮັດໃຫ້ຜິວແຕກລາຍຫລາຍຂຶ້ນ. 3. ເມື່ອຄັນຕາມຜິວໜັງບໍ່ຄວນເກົາ ຄວນໃຊ້ວິທີລູບທ້ອງແບບຄ່ອຍໆ ໝັ່ນຕັດເລັບໃຫ້ສັ້ນ ເພື່ອປ້ອງກັນການຫລົງເກົາໃນເວລານອນຫລັບ. 4. ຫລຸດຜ່ອນອາການຄັນດ້ວຍການທານໍ້າມັນໝາກກອກ ຄຣີມ ໂລຊັ້ນ ເພື່ອເພີ່ມຄວາມຊຸ່ມຊື່ນໃຫ້ຜິວໜັງ. 5. ສ້າງຄວາມຊຸ່ມຊື່ນໃຫ້ຜິວໜັງ ດ້ວຍການດື່ມນໍ້າໃຫ້ພຽງພໍ. 6. ກິນຜັກ ແລະ ໝາກໄມ້ສົດໃຫ້ຫລາຍເພື່ອບໍາລຸງຜິວໃຫ້ນຸ້ມນວນ ຊຸ່ມຊື່ນ. 7. ໝັ່ນອອກກໍາລັງກາຍຄ່ອຍໆ ໃຫ້ຜິວໜັງແຂງແຮງເຊັ່ນ: ຍ່າງ ລອຍນໍ້າ ເພື່ອຫລຸດໂອກາດເກີດຮອຍແຕກລາຍ. 8. ຫາໝອນມາຮອງທ້ອງຂະນະນອນສະແຄງ ເພື່ອຊ່ວຍໃຫ້ຮູ້ສຶກສະບາຍ ແລະ ຫລຸດການຈ່ອງດຶງຂອງຜິວໜັງດ້ານກົງກັນຂວ້າມ. 9. ໃສ່ຊຸດຊັ້ນໃນ ຊ່ວຍຊູນໍ້າໜັກ ບໍ່ໃຫ່ຖ່ວງນໍ້າໜັກຜິວໜັງບໍລິເວນ ໜ້າທ້ອງຫລາຍເກີນໄປ 10. ຖ້າຄິດຈະໃຊ້ຢາທາ ໃຊ້ ເລເຊີປົວທ້ອງລາຍ ຕ້ອງປຶກສາແພດໝໍ ເພື່ອຄວາມປອດໄພຕໍ່ລູກໃນທ້ອງ.

ໂດຍ: ນໍ້າຫວານ

Read Full Post | Make a Comment ( None so far )

ຄວາມຮູ້ກ່ຽວກັບພະຍາດ ມື ຕີນ ປາກເປື່ອຍ ແລະ ສິ່ງທີ່ຄວນປະຕິບັດ

Posted on October 16, 2013. Filed under: ຄວາມຮູ້ເລື່ອງສຸຂະພາບ, ສາລະໜ້າຮູ້ |



I. ຄວາມຮູ້ກ່ຽວກັບພະຍາດ ມື ຕີນ ປາກເປື່ອຍ :
ພະຍາດ ມື ຕີນ ປາກເປື່ອຍ ແມ່ນພະຍາດຕິດຕໍ່ຊະນິດໜຶ່ງທີ່ເກີດຍ້ອນເຊື້ອຈຸລະໂລກລຳໄສ້ (EV71) ພະຍາດນີ້ແຕກຕ່າງ
ແລະ ບໍ່ຄືກັນກັບພະຍາດປາກ ຕີນເປື່ອຍໃນສັດລ້ຽງເຊັ່ນ ງົວ ຄວາຍ ແກະ ແລະ ໝູ. ພະຍາດ ມື ຕີນ ປາກເປື່ອຍ ບໍ່ແມ່ນ
ພະຍາດຕິດຕໍ່ທີ່ເກີດຂຶ້ນມາໃໝ່ ແຕ່ພະຍາດນີ້ເຄີຍມີການລະບາດຢູ່ບັນດາປະເທດຕ່າງໆໃນພາກພື້ນແຕ່ປີ 1997 ເປັນຕົ້ນມາເຊັ່ນ:
ປີ 1997 ມີລາຍງານການລະບາດຢູ່ປະເທດມາເລເຊັຍ, ປີ 1998 ມີການລະບາດຢູ່ໄຕ້ຫວັນ, ປີ 2007 ມີການລະບາດຢູ່
ປະເທດອິນເດັຍ, ປີ 2008 ລະບາດຢູ່ປະເທດຈີນ ສິງຄະໂປ ຫວຽດນາມ ມົງໂກລີ ແລະ ປະເທດບຣູໄນ, ປີ 2009 ມີການ
ລະບາດຢູ່ແຂວງຊານຕົງ (Shandong) ແລະ ເຫີໜານ(Henan) ຂອງປະເທດຈີນ, ປີ 2010 ລະບາດຢູ່ກວງຊີ (Guangxi)
ຂອງປະເທດຈີນ, ປີ 2011 ມີການລະບາດຢູ່ຫວຽດນາມ ແລະ ຢູ່ປະເທດຈີນ, ປີ 2012 ມີການລະບາດຢູ່ ອາລາບາມາ
ສະຫະລັດອະເມຣິກາ ແລະ ລະບາດຢູ່ປະເທດ ກຳປູເຈັຍ.

II. ອາການ :
ອາການເລີ່ມຕົ້ນຂອງພະຍາດ ມື ຕີນ ປາກເປື່ອຍທີ່ມັກພົບເຫັນເລື້ອຍໆແມ່ນປະກອບດ້ວຍ ໄຂ້ ເຈັບຄໍ ກິນເຂົ້າບໍ່ແຊບ
ນອກຈາກນັ້ນຍັງມີອາການອື່ນໆເຊັ່ນ: ເຈັບຫົວ ຮາກ ເມື່ອຍ ຖອກທ້ອງ ພ້ອມກັນນັ້ນຍັງມີຕຸ່ມແດງຢູ່ຝາມື ຝາຕີນ ຕຸ່ມຢູ່ແກ້ມດ້ານໃນ
ແລະ ຕຸ່ມຢູ່ລີ້ນ.  ພະຍາດ ມື ຕີນ ປາກເປື່ອຍ ສ່ວນໃຫຍ່ມັກເກີດນຳເດັກນ້ອຍ ພະຍາດນີ້ບໍ່ຄ່ອຍພົບເຫັນໃນຜູ້ໃຫຍ່
10-30% ຂອງຄົນເຈັບທີ່ເປັນພະຍາດ ມື ຕີນ ປາກເປື່ອຍຈະຂະຫຍາຍໄປສູ່ອາການໜັກ.
ອາການສົນ : ສ່ວນໃຫຍ່ບໍ່ສູ້ເຫັນມີອາການສົນຍ້ອນພະຍາດ ມື ຕີນ ປາກເປື່ອຍ ຢ່າງໃດກໍຕາມ ຖ້າມີອາການສົນ ຄົນເຈັບຕ້ອງ
ຢູ່ໃກ້ແພດເພື່ອປິ່ນປົວຢ່າງໃກ້ຊິດ  ອາການສົນທີ່ຮ້າຍແຮງແມ່ນ ອາການສົນທາງດ້ານສະໝອງເຊັ່ນ ອັກເສບສະໝອງ
(ອາການບວມຂອງສະໝອງ) ຫົວໃຈເຕັ້ນໄວ ມີນ້ຳຊຶມອອກຈາກເຍື່ອຫຸ້ມປອດ ເຮັດໃຫ້ຫາຍໃຈຫອບ ເມື່ອຫົວໃຈເຕັ້ນໄວເຮັດ
ໃຫ້ມີອາການນ້ຳຖ້ວມປອດ ຄົນເຈັບອາດເສັຍຊີວິດໄດ້ ຖ້າປິ່ນປົວບໍ່ທັນ.

III. ການປິ່ນປົວ :
ບໍ່ມີການປິ່ນປົວສະເພາະສຳລັບພະຍາດ ມື ຕີນ ປາກເປື່ອຍ  ຖ້າມີອາການໄຂ້ກໍກິນຢາແກ້ໄຂ້ (ປາຣາເຊຕາໂມນ)
ໝັ່ນໃຫ້ຄົນເຈັບກິນນ້ຳ ເພາະອາການເຈັບຄໍ ເຈັບປາກ ຈະເຮັດໃຫ້ຄົນເຈັບບໍ່ຢາກເຂົ້າຢາກນ້ຳ. ການຕິດເຊື້ອໃນເດັກສ່ວນໃຫຍ່
ຈະມີອາການເບົາບາງ ແລະ ຈະຫາຍດີພາຍໃນ 1 ອາທິດ ມີພຽງສ່ວນນ້ອຍເທົ່ານັ້ນທີ່ເຫັນຄົນເຈັບຕ້ອງການການປິ່ນປົວໃນໂຮງໝໍ
ໂດຍສະເພາະຖ້າມີອາການສົນທາງດ້ານສະໝອງ (ອັກເສບສະໝອງ ອັກເສບເຫຍື່ອຫຸ້ມສະໝອງ) ຫຼື ມີອາການບວມຂອງປອດ/
ເລືອດໄຫລໃນປອດ.
IV. ການຕິດເຊື້ອ :
ການຕິດເຊື້ອແມ່ນຍ້ອນການສຳພັດໂດຍກົງກັບຄົນເຈັບເຊັ່ນ ການຈັບບາຍ ການສຳພັດເຄື່ອງຫລິ້ນຂອງເດັກທີ່ຕິດເຊື້ອ ການກອດຈູບ
ຄົນເຈັບທີ່ຕິດເຊື້ອ.
ສິ່ງທີ່ບໍ່ຄວນປົນ :  ບໍ່ຄວນປົນກັບພະຍາດປາກເປື່ອຍ ຕີນເປື່ອຍຂອງສັດລ້ຽງເຊັ່ນ ງົວ ຄວາມ ແບ້ ໝູ ຊຶ່ງເກີດຍ້ອນເຊື້ອ
Picornaviridae Family ທີ່ບໍ່ມີການຕິດເຊື້ອຈາກສັດສູ່ຄົນ.
ພະຍາດ ມື ຕີນ ປາກເປື່ອຍ ແມ່ນພະຍາດທີ່ຕິດຕໍ່ກັນງ່າຍ : ໃນນັ້ນ ເຊື້ອພະຍາດສາມາດແຜ່ໄປຈາກຜູ້ໜຶ່ງໄປຫາອີກຜູ້ໜຶ່ງ
ຍ້ອນການສຳພັດ ຈັບບາຍ ນ້ຳຢາງເຫລືອງຂອງບາດແຜ ຫຼື ອາຈົມຂອງຄົນເຈັບ.
V. ມາດຕະການທີ່ຄວນປະຕິບັດ :
ສຳລັບຕານ່າງສາທາລະນະສຸກແຕ່ລະຂັ້ນ :
1. ຍົກລະດັບມາດຕະການເຝົ້າລະວັງ ຊອກຮູ້ພະຍາດລະບາດແຕ່ຫົວທີເພື່ອວາງມາດຕະການຄວບຄຸມຢ່າງທັນການ.
2. ປັບປຸງໜ່ວຍງານຕອບໂຕ້ດ່ວນຂອງສາທາລະນະສຸກເມືອງ ສາທາລະນະສຸກແຂວງ ໃຫ້ສາມາດເຄື່ອນໄຫວຕອບໂຕ້ການລະບາດ
ຢ່າງທັນການ.
3. ປັບປຸງວຽກງານວິເຄາະດ້ວຍການອົບຮົມວິທີເກັບກຳຕົວຢ່າງໃນກໍລະນີສົງໄສມີຄົນເປັນພະຍາດ ມື ຕີນ ປາກເປື່ອຍໃນທ້ອງຖິ່ນ.
4. ຮັບປະກັນໃຫ້ລະບົບສົ່ງຂ່າວ-ລາຍງານກໍລະນີລະຫວ່າງສູນກາງ ແລະ ທ້ອງຖິ່ນໃຫ້ມີປະສິດທິຜົນ.
5. ປັບປຸງການບົ່ງມະຕິ ແລະ ການປິ່ນປົວໃຫ້ມີປະສິດທິຜົນ ແນໃສ່ຫລຸດຜ່ອນການເຈັບ ແລະ ການຕາຍ ດ້ວຍການເຝິກອົບຮົມ
ໃຫ້ແພດໝໍມີຄວາມສາມາດໃນການບົ່ງມະຕິ ຊອກຮູ້ພະຍາດແຕ່ຫົວທີ ເພື່ອບໍ່ໃຫ້ພະຍາດຕິດຕໍ່ໃສ່ຜູ້ອື່ນ.
6. ໂຄສະນາໃຫ້ພໍ່ແມ່ປະຊາຊົນປະຕິບັດຫລັກການອະນາໄມ 3 ສະອາດຢ່າງເຂັ້ມງວດ ໂດຍສະເພາະໃນສະຖານທີ່ລ້ຽງເດັກ
ໂຮງຮຽນອະນຸບານ ໂຮງຮຽນປະຖົມ ໃຫ້ເອົາໃຈໃສ່ດູແລເບິ່ງແຍງເດັກຢ່າງໃກ້ຊິດ ຖ້າສົງໄສມີເດັກເປັນພະຍາດນີ້ໃຫ້ລາຍງານແພດ
ເພື່ອບົ່ງມະຕິໃຫ້ທັນເວລາ.
7. ສຳລັບໂຮງຝາກເດັກ ໂຮງຮຽນອະນຸບານທີ່ມີການດູແລເດັກແຕ່ເຊົ້າຮອດແລງ ພ້ອມທັງມີໂຮງອາຫານທ່ຽງສຳລັບເດັກ
ຄວນປະຕິບັດຫລັກການອະນາໄມຢ່າງເຂັ້ມງວດເຊັ່ນ ໃຫ້ເດັກລ້າງມືທຸກຄັ້ງກ່ອນກິນເຂົ້າ ສອນໃຫ້ເດັກລ້າງມືພາຍຫລັງໃຊ້ຫ້ອງນ້ຳາ
ສ້າງລະບົບຕິດຕາມຢ່າງເຂັ້ມງວດ.
8. ສຳລັບໂຮງຮຽນປະຖົມແຕ່ ປ.1 ຮອດ ປ.5 ຮັບປະກັນໃຫ້ມີນ້ຳສະອາດໄວ້ສຳລັບໃຫ້ເດັກນັກຮຽນລ້າງມືໃຫ້ສະອາດພາຍຫລັງທີ່ໃຊ້
ຫ້ອງນ້ຳາ ຫຼືລ ຈັບບາຍສິ່ງຂອງຕ່າງໆພາຍໃນໂຮງຮຽນນ ເພື່ອຫລີກເວັ້ນຈາກຄວາມສ່ຽງໃນການຕິດເຊຶ້ອພະຍາດນີ້.
9. ຄວນຈັດໃຫ້ມີການສຳມະນາ ນຳເອົາຄວາມຮູ້ໃຫ້ຜູ້ອຳນວຍການໂຮງຝາກເດັກ ໃຫ້ຄູ ອາຈານໂຮງຮຽນອະນຸບານ
ໂຮງຮຽນປະຖົມທັງພາກລັດ ແລະ ເອກະຊົນ ເພື່ອໃຫ້ຮູ້ກັນຢ່າງທົ່ວເຖິງ ເພື່ອຊ່ວຍກັນປ້ອງກັນການລະບາດທີ່ອາດຈະເກີດຂຶ້ນໄດ້ທຸກຍາມ.
VI. ສະຫລຸບ :
1. ພະຍາດ ມື ຕີນ ປາກເປື່ອຍສາມາດປ້ອງກັນໄດ້ ຖ້າມີການຮັກສາອະນາໄມຢ່າງເຂັ້ມງວດ ໂດຍສະເພາະຢູ່ບັນດາສະຖານທີ່ຝາກເດັກ
ໂຮງຮຽນອະນຸບານ ຊຸມຊົນແອອັດ ບ່ອນທີ່ມີເດັກນ້ອຍຫລິ້ນນຳກັນຫລາຍຄົນ.
2. ອຳນວຍການໂຮງຝາກເດັກ ໂຮງຮຽນປະຖົມທັງພາກລັດ ແລະ ເອກະຊົນເປັນຂໍກຸນແຈໃນການຜັນຂະຫຍາຍວຽກງານປ້ອງກັນ
ພະຍາດ ມື ຕີນ ປາກເປື່ອຍໃນໂຮງຮຽນໄດ້ເປັນຢ່າງດີ ບັນດາອຳນວຍການໂຮງຮຽນທີ່ກ່າວມານັ້ນມີໜ້າທີ່ນຳພາຄູ ອາຈານ ແນະນຳ
ໃຫ້ນັກຮຽນລ້າງມືໃຫ້ສະອາດທຸກຄັ້ງກ່ອນກິນເຂົ້າ ຫຼື ພາຍຫລັງໃຊ້ຫ້ອງນ້ຳ.
3. ສຳຄັນທີ່ສຸດແມ່ນບໍ່ຄວນແຕກຕື່ນຈົນເກີນໄປ ແຕ່ບໍ່ຄວນປະໝາດ ຄວນປັບປຸງຂອດປະສານງານ ລະຫວ່າງຂະແໜງການກ່ຽວຂ້ອງຕ່າງໆ
ຄວນມີການປະສານ ແລະ ແລກປ່ຽນຂ່າວສານ-ຂໍ້ມູນ ຖ້າສົງໄສພົບກໍລະນີພະຍາດ ມື ຕີນ ປາກເປື່ອຍ ໃຫ້ລາຍງານສາທາລະນະສຸກເມືອງ
ໂຮງໝໍແຫ່ງຕ່າງໆ  ສະຖານທີ່ບໍລິບານສາທາລະນະສຸກຢູ່ໃກ້ບ້ານທ່ານ.

from Vientiane today

Read Full Post | Make a Comment ( None so far )

ອາຫານທີ່ຊ່ວຍຫລຸດຜ່ອນຄວາມຕຶງຄຽດ

Posted on October 16, 2013. Filed under: ຄວາມຮູ້ເລື່ອງສຸຂະພາບ, ສາລະໜ້າຮູ້ |


ອາຫານບາງຈຳພວກເມື່ອກິນເຂົ້າໄປແລ້ວຈະຊ່ວຍໃຫ້ຫລຸດຜ່ອນຄວາມຕຶງຄຽດ ແລະ ຊ່ວຍໃຫ້ອາລົມດີ ທີ່ຢູ່ບໍ່ໄກໂຕເຮົາໄດ້ແກ່ :

– ໝາກໂມ ມີທາດເຢັນຈາກນ້ຳາ ແລະະ ມ ມີມ “ ອາຈິນິນ ” ເປັນສານທີ່ຊ່ວຍໃຫ້ຫລອດເລືອດຂະຫຍາຍ ເຮັດໃຫ້ຮ່າງກາຍສົດຊື່ນ
ມີ “ ໄລໂຄປິນ ” ຊ່ວຍຜ່ອນຄວາມຕຶງຄຽດໃນໂຕໄດ້ດີ ນອກນັ້ນ ຈຳພວກໝາກແຕງກວາ ໝາກແຄນຕາລູບ ແລະ ໝາກແຕງ
ອື່ນໆຈຳນວນໜຶ່ງກໍມີຄຸນສົມບັດຄ້າຍຄືກັນ.

– ຕຳສົ້ມຕ່າງໆ ມີກົດເຜັດທີ່ຢູ່ມາກມາຍໃນໜ່ວຍໝາກເຜັດ ກົດເຜັດນີ້ເອງທີ່ຊ່ວຍຊັກນຳໃຫ້ “ ສານແຫ່ງຄວາມສຸກ ” ໃນສະໝອງ
ໃຫ້ຫລັ່ງຈົນເປັນທີ່ເພີງພໍໃຈ.

– ໃບຂີ້ເຫລັກ ຜັກກະເດົາ ໝາກໄສ້ ຈະຊ່ວຍລະງັບອາການຊຶມເສົ້າ ໂດຍສະເພາະ ສານ “ ບາຣາຄອນ ” ໃນໃບຂີ້ເຫລັກ.
– ນ້ຳເຜິ້ງງ  ເປັນສານອາຫານອາລົມດີ   ເມື່ອກິນແລ້ວສານນ້ຳຕານ“ ຟຣຸກໂຕສ ” ໃນນ້ຳເຜິ້ງຈະຊ່ວຍກ່ອມອາລົມໃຫ້ສະບາຍໃຈ
ແລະ ມີພລັງ.
– ສາລີ, ຂະໜົມທີ່ເຮັດດ້ວຍ ຖົ່ວ ງາ ຫຼື ເຂົ້າ ແລະ ທັນຍະພືດມີທາດອາລົມດີທີ່ມີຊື່ວ່າ “ ທຣິປໂຕແຟນ ” ຢ່າງມາກມາຍ ແລະ
ຈະປ່ຽນໄປເປັນເຄມີອາລົມດີຊື່ “ ຊີໂຣໂທນິນ ” ແລະ ໃຜມີເຄມີດີໆແບບນີ້ຫລາຍໆ ກໍເຮັດໃຫ້ເປັນສຸກໃຈ ແກ້ເຈັບຫົວ ປົວລຳໄສ້
ຜິດປົກກະຕິ ຊ່ວຍຕ້ານອາການຊຶມເສົ້າ ແລະ ຊ່ວຍແກ່ຍາວຄວາມຊຸດໂຊມຂອງສັງຂານຕາມໄວອາຍຸ.

from Vientiane today

Read Full Post | Make a Comment ( None so far )

10 ຂໍ້ປະຕິບັດ ສຳລັບສິງອົມຄວັນ ເພື່ອອອກຢາສູບ

Posted on October 16, 2013. Filed under: ຄວາມຮູ້ເລື່ອງສຸຂະພາບ, ສາລະໜ້າຮູ້ |


10 ຂໍ້ປະຕິບັດ ສຳລັບສິງອົມຄວັນ ເພື່ອອອກຢາສູບ ຜູ້ທີ່ສູບຢາເປັນກິດຈະວັດ ຈະດ້ວຍເພື່ອ…ເຫດຜົນຫຍັງກໍແລ້ວແຕ່…ມາເຖິງປັດຈຸບັນເຫັນວ່າເນື້ອທີ່ສຳລັບຜູ້ສູບຢາຢູ່ໃນສັງຄົມເລີ່ມ ແຄບເຂົ້າໄປຊັກໄຊ້. ແຕ່ເມື່ອທ່ານເລີ່ມຮູ້ສຶກວ່າໂຕເອງ ມີພາລະໜັກ ມີກິດຈະກຳທີ່ຕ້ອງໄປເຮັດເປັນການສ່ວນໂຕຊຶ່ງຕ້ອງກະທຳ ຫ່າງໄກຈາກກຸ່ມຄົນເປັນປະຈຳ ມີຄວາມສິ້ນເປືອງ ເຮັດໃຫ້ໂຕເອງມີກິ່ນທີ່ໝູ່ຄູ່ບໍ່ເພິງປະສົງ ແລະ ຫລາຍໆຜົນສະທ້ອນອື່ນໆ. ເມື່ອທ່ານເລີ່ມຮູ້ສຶກເຊັ່ນນັ້ນ ແຕ່ຍັງຊັ່ງຊາໃຈໂຕເອງຢູ່ ຈົ່ງຢ່າລັງເລເລີຍ ຈົ່ງພາໂຕເອງອອກຈາກພັນທະນາການດັ່ງກ່າວໄດ້ແລ້ວ ມັນຍັງບໍ່ສວາຍເກີນໄປທີ່ເຮົາຈະກອບກູ້ສຸຂະພາບ ພະລານາໄມໃຫ້ກັບຄືນສູ່ສົມບູນພູນສຸກອີກ. ມື້ນີ້ ພວກເຮົາມີ 10 ຂໍ້ປະຕິບັດເພື່ອຊ່ວຍເປັນແນວຄວາມຄິດເບື້ອງຕົ້ນ ຫຼື ເປັນແນວທາງປະພຶດຕົນ ເພື່ອຂັບໄລ່ມັດຈຸຣາດໃຫ້ ໜີຫ່າງພວກເຮົາ ຊຶ່ງຫວັງວ່າ 10 ຂໍ້ປະຕິບັດນີ້ຈະເປັນປະໂຫຍດອັນສູງສົ່ງ   ແລະ ເປັນກຳລັງໃຈໃຫ້ແກ່ທ່ານທີ່ຈະຝ່າຟັນ ໄປສູ່ເປົ້າໝາຍຢ່າງມີໄຊ.

ພາບປະກອບ(ພາບແຕ້ມ)

10 ຂໍ້ປະຕິບັດນີ້ ເປັນວິທີທີ່ງ່າຍດາຍ  ງ່າຍກວ່າການອອກຢາຫລາຍເທົ່າ ຫາກທ່ານຍັງບໍ່ໝັ້ນໃຈໂຕເອງວ່າຈະປະສົບຜົນສຳເລັດ ຫຼືບໍ່ນັ້ນ ທ່ານບໍ່ຕ້ອງຫວ່ງ ເຮົາຢ່າໄປນຶກເຖິງວ່າເຮົາຈະອອກຢາສູບເທື່ອ ເຮົາພຽງແຕ່ລອງປະຕິບັດຂໍ້ແນະນຳນີ້ຢ່າງເຄັ່ງຄັດ ແລ້ວເຮົາຈະເຫັນເສັ້ນທາງທີ່ຄາດຫວັງຂອງເຮົາ 10 ຂໍ້ປະຕິບັດນີ້ເປັນວິທີງ່າຍດາຍທີ່ບໍ່ສິ້ນເປືອງ ຫຼື ເໜືອບ່າກວ່າແຮງຫຍັງ ຂໍໃຫ້ທ່ານມ່ວນຊື່ນກັບການປະຕິບັດໂຕໄດ້ ນະບັດນີ້:

ພາບປະກອບ (ພາບແຕ້ມ)

ຂໍ້ປະຕິບັດທີ 1:   ຂໍຄຳປຶກສາ. ເພື່ອໃຫ້ເປັນແນວທາງ ແລະ ວິທີປະຕິບັດໂຕ ເຮົາອາດຈະປຶກສາກັບຜູ້ທີ່ເພິ່ນປະສົບຜົນສຳເລັດມາແລ້ວ ວ່າເພິ່ນມີວິທີທີ່ງ່າຍດາຍ ຫຼື ພິດສະດານແນວໃດ ຈິ່ງປະສົບຜົນສຳເລັດ. ອີກວິທີນຶ່ງແມ່ນ ຂໍຄຳປຶກສາຈາກແພດໝໍທີ່ປິ່ນປົວກ່ຽວກັບບັນຫາສະເພາະທາງດ້ານນີ້ ເພາະເພິ່ນຈະເປັນຜູ້ສັນທັດກໍລະນີ ແລະ ຮູ້ເລິກຕື້ນໜາບາງກ່ຽວກັບເລື່ອງນີ້. ຂໍ້ປະຕິບັດທີ 2:   ຫາກຳລັງໃຈ. ທ່ານຈົ່ງບອກຄົນໃກ້ຊິດໃຫ້ຮູ້ເຖິງຄວາມຕັ້ງໃຈຂອງທ່ານທີ່ຈະກະທຳການສິ່ງນີ້ ເພື່ອໃຫ້ເຂົາເຈົ້າເຂົ້າໃຈ ແລະ ເປັນກຳລັງໃຈໃຫ້ ບອກໃຫ້ຄົນອອ້ມຂ້າງຢ່າພະຍາຍາມຖືສາຫາຄວາມໃນບາງອະລິຍະບົດ ຫຼື ບາງອາລົມຂຸ້ນມົວທີ່ບໍ່ແມ່ນເລື່ອງໃຫຍ່ໃນບາງໄລຍະເທົ່ານັ້ນ.

ຂໍ້ປະຕິບັດທີ 3:  ເປົ້າໝາຍຢູ່ຂ້າງໜ້າ. ທ່ານຄວນວາງກຳນົດການໄວ້ວ່າ ທ່ານຈະເຂົ້າສູ່ສະໝໍລະພູມມື້ໃດ(ເອີ້ຍ..ເວົ້າໃຫຍ່ໂພດແລ້ວ)…ທ່ານຈະກຳນົດວັນເລີ່ມຕົ້ນຊີວິດໃໝ່ ທີ່ສົດໃສຮ່ວມກັບຄອບຄົວທີ່ອົບອຸ່ນ ແລະ ຄົນທີ່ທ່ານຮັກ-ຄົນທີ່ຮັກທ່ານໃນມື້ໃດເຊັ່ນ: ເລືອກເອົາວັນສຳຄັນຕ່າງໆທີ່ມີຄວາມໝາຍ ແລະ ສ້າງຄວາມພູມໃຈໃຫ້ທ່ານໄດ້ເປັນຕົ້ນແມ່ນ ວັນຢຸດຢາສູບໂລກ (ວັນທີ 31 ພຶດສະພາ), ວັນຄ້າຍເກີດຕົນເອງ, ວັນຄ້າຍ ວັນເກີດຂອງເມຍຫຼືຜົວສຸດທີ່ຮັກ, ວັນຄ້າຍວັນເກີດລູກທີ່ແສນແພງປານແກ້ວຕາດວງໃຈ, ວັນຄົບຮອບມື້ແຕ່ງດອງ ຫຼື ວັນອື່ນໆ ທີ່ທ່ານເຫັນວ່າເໝາະສົມສຳລັບທ່ານ ແຕ່ບໍ່ຄວນເລືອກມື້ທີ່ຍັງດົນຫຼືຫ່າງໄກເກີນໄປ ເພາະມັນຈະເຮັດໃຫ້ເຮົາໝົດຄວາມຕັ້ງໃຈກ່ອນ (ໃຫ້ເລືອກເອົາມື້ໃດມື້ນຶ່ງພຽງມື້ດຽວເທົ່ານັ້ນ).

ຂໍ້ປະຕິບັດທີ 4:   ບໍ່ຄອງຄອຍ…ລົງມືໂລດ. ທ່ານຄວນກຽມໂຕໃຫ້ພ້ອມດ້ວຍການປະຖິ້ມອຸປະກອນຕ່າງໆເຊັ່ນ: ກັບໄຟລາຄາແພງປະຈຳໂຕທີ່ທ່ານເຄີຍຖາມເອົາຄືນເວລາໝູ່ທຳທ່າ ລືມແລ້ວຍັດໃສ່ຖົງໄປເລີຍ, ຂອງຂຸຂີ້ຢາ ແລະ ອື່ນໆທີ່ກ່ຽວຂ້ອງ ຈາກນັ້ນ ທ່ານຈົ່ງປ່ຽນແທນດ້ວຍວັດຖຸສິ່ງອື່ນເຊັ່ນ: ເຮົາກຽມໝາກໄມ້ ຫຼື ເຂົ້າໜົມທີ່ບໍ່ຫວານແລະໄຂມັນຕໍ່າໄວ້ກິນໃນເວລາທີ່ບໍ່ໄດ້ເຮັດຫຍັງ ຫຼື ເອີ້ນວ່າເຮັດກິດຈະກຳອື່ນແທນກິດຈະກຳເກົ່າໆນັ້ນ. ບາງທ່ານອາດມັກເຮັດກິດຈະກຳເວລາເຂົ້າຫ້ອງນໍ້າ ເຮົາອາດຖືປຶ້ມເຂົ້າໄປອ່ານເພື່ອສັງຫານເວລາແລະເພື່ອບໍ່ໃຫ້ຄຶດເຖິງເລື່ອງເກົ່າໆ, ດື່ມນໍ້າ, ກິນໝາກໄມ້ ຫຼື ອົມໝາກນາວຝານບາງໆ, ອົມເຂົ້າໜົມທີ່ມີລົດເຜັດ-ຮຶນ ແລະ ລຸກອອກຈາກພາເຂົ້າທັນທີທີ່ອີ່ມ ຫຼື ຖູແຂ້ວຫລັງກິນເຂົ້າເພື່ອຫລີກເວັ້ນຄວາມຊິນເຄີຍໃນການເຮັດກິດຈະກຳຫລັງກິນເຂົ້າ.

ຂໍ້ປະຕິບັດທີ 5:   ຍຶດໝັ້ນ…ບໍ່ຫວັ່ນໄຫວຄອນແຄນ. ເມື່ອເຖິງວັນກຳນົດ ຂໍໃຫ້ທ່ານຕື່ນນອນດ້ວຍຄວາມສົດຊື່ນ ບອກກັບຕົນເອງວ່າ ທ່ານພວມເຮັດໃນສິ່ງທີ່ດີທີ່ສຸດສຳລັບຕົນເອງ ແລະ ຄົນອ້ອມໂຕທີ່ທ່ານຫ່ວງໃຍ. ເມື່ອທ່ານຮູ້ສຶກຫງຸດຫງິດ ຫຼື ຄຶດເຖິງເພື່ອນຜູ້ທີ່ເຮົາກຳລັງຈະຈາກໄປ ໃຫ້ຢຸດ ເພື່ອທົບທວນເຖິງເຫດຜົນ ແລະ ຄວາມຕັ້ງໃຈທີ່ທ່ານໄດ້ຕັດສິນໃຈໄປແລ້ວ ແລະ ທ່ານຈະບໍ່ມີວັນທໍລະຍົດຕໍ່ໂຕເອງ-ຕໍ່ຄົນອ້ອມຂ້າງທີ່ພວມເປັນກຳລັງໃຈໃຫ້ຢູ່ ຄຶດຫາສິ່ງໃໝ່ເພື່ອປ່ຽນແປງພຶດຕິກຳເຊັ່ນ:ລ້າງໜ້າ, ດື່ມນໍ້າ, ຢູ່ໃກ້ຊິດກັບຜູ້ບໍ່ກະທຳກິດຈະກຳດັ່ງກ່າວຫຼືຫລິ້ນກັບລູກໆໃຫ້ຫລາຍຂຶ້ນ.

ຂໍ້ປະຕິບັດທີ 6:   ຫ່າງໄກສິ່ງກະຕຸ້ນ. ໃນລະຫວ່າງນີ້ ທ່ານຄວນຫລີກເວັ້ນທຸກກິດຈະກຳທີ່ຈະນຳພາໄປສູ່ວົງຈອນເດີມເຊັ່ນ: ຖ້າທ່ານເຄີຍດື່ມກາເຟ ຫຼື ດື່ມເຫລົ້າແລ້ວ ຈະມີກິດຈະກຳເສີມຕໍ່ທ້າຍ ທ່ານຄວນງົດການດື່ມສິ່ງດັ່ງກ່າວໄປໄລຍະນຶ່ງກ່ອນ ຮວມທັງພະຍາຍາມຫລີກເວັ້ນ ແລະ ຢູ່ຫ່າງຈາກຄົນ ຜູ້ທີ່ມັກເຮັດກິດຈະກຳດັ່ງກ່າວ.

ຂໍ້ປະຕິບັດທີ 7:   ບໍ່ກະວົນກະວາຍ. ເມື່ອຮູ້ສຶກຫງຸດຫງິດ ຫຼື ກະວົນກະວາຍ ໃຫ້ຢຸດພັກສະໝອງ ພະຍາຍາມສະຫງົບສະຕິອາລົມ ຜ່ອນຄາຍດ້ວຍການໂອ້ລົມກັບຜູ້ຄົນ, ຊອກຫາປຶ້ມອ່ານມ່ວນໆ ຈະເປັນກາຕູນ ປຶ້ມຕະຫລົກມາໄວ້ອ່ານ ຄຶດສະເໝີວ່າ ການຜ່ອນຄາຍສະໝອງເຮັດໄດ້ດ້ວຍຫລາຍວິທີ ແມ່ນແຕ່ຜູ້ບໍ່ເຮັດກິດຈະກຳດັ່ງກ່າວ ເພິ່ນກໍຍັງມີວິທີຜ່ອນຄາຍສະໝອງໄດ້ເຊັ່ນກັນ.

ຂໍ້ປະຕິບັດທີ 8:   ຊອກເວລາອອກກຳລັງກາຍ. ທ່ານອາດຈະຈັດແບ່ງເວລາເພື່ອໄປອອກກຳລັງກາຍຢ່າງໜ້ອຍມື້ລະ 15-20 ນາທີ ເພາະນອກຈາກຈະເປັນການຄວບຄຸມນໍ້າໜັກ ທີ່ອາດຈະເພີ່ມຂຶ້ນແລ້ວ ຍັງເຮັດໃຫ້ສະໝອງປອດໂປ່ງ ເພີ່ມປະສິດທິພາບໃນການເຮັດວຽກຂອງໝາກຫົວໃຈ ແລະ ປອດ.

ຂໍ້ປະຕິບັດທີ 9:   ບໍ່ທ້າທາຍ. ຢ່າຄິດວ່າ ການກັບໄປກະທຳພຽງບາງຄັ້ງຄາວອາດບໍ່ເປັນຫຍັງ ເພາະການທົດລອງພຽງອົມສອງອົມ ນັ້ນ ກໍໝາຍເຖິງການກັບຄືນ ໄປສູ່ພຶດຕິກຳເດີມອີກ   ມີນຶ່ງແລ້ວຕ້ອງມີສອງແນ່ນອນ ຄວນຄຶດວ່າທ່ານໄດ້ມາໄກແລ້ວ ຈະປ່ອຍໃຫ້ຕົນເອງຖອຍຫລັງກັບໄປ ສູ່ອະດີດໄດ້ແນວໃດ .

ຂໍ້ປະຕິບັດທີ 10:   ຫາກຕ້ອງເລີ່ມຕົ້ນໃໝ່ອີກ…ຢ່າທໍ້ຖອຍ. ຫາກມີເຫດໃຫ້ທ່ານຕ້ອງໄດ້ຕັ້ງສູນໃໝ່ອີກຄັ້ງນຶ່ງ ກໍຢ່າຟ້າວທໍ້ຖອຍ  ການຫລົງກັບໄປສູ່ຈຸດເດີມນັ້ນ ຍັງບໍ່ໝາຍຄວາມວ່າທ່ານປະລາໄຊ ຢ່າງໜ້ອຍ ທ່ານກໍໄດ້ຮຽນຮູ້ທີ່ຈະປັບປຸງໂຕເອງໃນເທື່ອຕໍ່ໄປ ຂໍໃຫ້ຖືວ່າທ່ານຍັງບໍ່ທັນໄດ້ໃຊ້ຄວາມພະຍາຍາມຢ່າງເຕັມທີ່  ເຊື່ອວ່າ ໃນທີ່ສຸດ ທ່ານຈະຊະນະ  ຂໍພຽງມີຄວາມພະຍາຍາມ ແລະ ຄວາມຕັ້ງໃຈ. ຫຼື ອີກວິທີນຶ່ງທີ່ບໍ່ຂໍແນະນຳຄື ການໄປສາບານຕໍ່ໜ້າສິ່ງສັກສິດທີ່ເຮົາເຄົາລົບບູຊາ…. ຂໍໃຫ້ທ່ານຈົ່ງເອົາຊະນະໃຫ້ໄດ້…ຂໍເປັນກຳລັງໃຈ.

ຮຽບຮຽງໂດຍ: ຈັນຖະຫວິນ.

Read Full Post | Make a Comment ( None so far )

ມາຮູ້ຈັກກັບ ພະຍາດໝາວໍ້

Posted on October 15, 2013. Filed under: ສາລະໜ້າຮູ້ |


ໃນລະດູຮ້ອນນີ້ ອາດມີການລະບາດຂອງພະຍາດວໍ້ ຊຶ່ງເປັນພະຍາດທີ່ ຮ້າຍແຮງ ຍັງຫາຢາປົວບໍ່ທັນໄດ້ ຈິ່ງຕ້ອງມີການຕິດຕາມ ແລະ ລະວັງ ເປັນພິເສດ ມື້ນີ້ ພວກເຮົາມາຮູ້ຈັກກັບພະຍາດວໍ້ ເພື່ອເປັນຄວາມຮູ້ ປະດັບໂຕ  ປ້ອງກັນໂຕ ແລະ ປະຕິບັດໂຕ ເມື່ອມີບັນຫາ.

ພະຍາດໝາວໍ້ ຫຼື ພະຍາດຢ້ານນໍ້າ ເປັນພະຍາດຕິດຕໍ່ຮ້າຍແຮງຊະນິດໜຶ່ງ ເກີດຈາກເຊື້ອໄວຣັດສ໌ທີ່ຊື່ ເຣບີສ໌ (Rabies) ເຮັດໃຫ້ເກີດພະຍາດໃນສັດ ລ້ຽງລູກດ້ວຍນົມທຸກຊະນິດ ຮວມທັງ ຄົນ ໝາ ແມວ ລີງ ທະນີ ກະຮອກ ເຈັຍ ໆລໆ ພະຍາດນີ້ ເມື່ອເປັນແລ້ວຈະເຮັດໃຫ້ມີອາການທາງປະສາດ ໂດຍສະເພາະລະບົບປະສາດສ່ວນກາງ ເເລະ ຖ້າເປັນແລ້ວເສັຍຊີວິດທຸກລາຍ ໃນປັດຈຸບັນຍັງບໍ່ມີຢາປິ່ນປົວພະຍາດນີ້ໄດ້ເທື່ອ.

ຄົນຕິດພະຍາດໝາວໍ້ຈາກທາງໃດແດ່?

ຄົນເປັນພະຍາດໝາວໍ້ ເນື່ອງຈາກໄດ້ຮັບເຊື້ອພະຍາດຈາກສັດທີ່ເປັນວໍ້ ຄົນສາມາດຕິດພະຍາດຈາກສັດເຫລົ່ານີ້ໄດ້ 2 ທາງຄື: 1. ຖືກສັດທີ່ເປັນວໍ້ກັດ ເຊື້ອໄວຣັດສ໌ຈາກນໍ້າລາຍຂອງສັດທີ່ເປັນວໍ້ຈະເຂົ້າ ສູ່ຮ່າງກາຍທາງປາກບາດທີ່ຖືກກັດ. 2. ຖູກສັດທີ່ເປັນວໍ້ເລັຍ ຕາມປົກກະຕິ ຄົນທີ່ຖືກສັດເປັນວໍ້ເລັຍ ຈະບໍ່ຕິດ ເຊື້ອພະຍາດ ນອກຈາກວ່າ ບໍລິເວນທີ່ຖືກເລັຍຈະມີບາດ ຫຼື ຮອຍເຫລີ້ນ ຫຼື ຮອຍຄູດ ໂດຍທີ່ເຈົ້າຂອງເອງບໍ່ໄດ້ສັງເກດເຫັນ ໃນກໍລະນີນີ້ ຈະສາມາດຕິດເຊື້ອໄດ້ ຮວມທັງຖືກເລັຍທີ່ຮີມສົບ ຫຼື ແກ່ນຕາ.

ຄົນທີ່ເປັນພະຍາດວໍ້ ມີອາການຢ່າງໃດ?

ໃນໄລຍະ 2-3 ມື້ທໍາອິດ ອາດເປັນໄຂ້ບໍ່ແຮງປານໃດ ຕໍ່ໄປຈະມີອາການເຈັບຄໍ ບໍ່ຢາກເຂົ້າຢາກແກງ ອ່ອນເພັຍ ຄັນ ຫຼື ເຈັບແສບເຈັບຮ້ອນໃນບໍລິເວນທີ່ຖືກກັດ ທັງໆທີ່ບາດອາດຈະດີເປັນປົກກະຕິແລ້ວ ຕໍ່ໄປຈະມີອາການຕື່ນເຕັ້ນງ່າຍ ຢູ່ບໍ່ເປັນສຸກ ບໍ່ມັກແສງສະຫວ່າງ ບໍ່ມັກລົມ ແລະ ບໍ່ມັກສຽງດັງ ກືນລໍາບາກ ເຖິງຈະເປັນຂອງແຫລວ ຫຼື ນໍ້າ ເວລາກືນມີອາການເຈັບຫລາຍ ເພາະກ້າມເນື້ອ ທີ່ໃຊ້ໃນການກືນມີອາການກຶງ ຫຼື ຈັງ ແຕ່ຍັງມີສະຕິເວົ້າຈາເຂົ້າໃຈ ແຕ່ຕໍ່ໄປ ຈະມີການໂວຍວາຍຫລາຍຂຶ້ນ ແລະ ສຸດທ້າຍອາດມີອາການຊັກ ເປັນອໍາມະພາດ ໝົດສະຕິ ແລະ ເສັຍຊີວິດ ເນື່ອງຈາກສ່ວນທີ່ສໍາຄັນຂອງ ສະໝອງຖືກທໍາລາຍໄປໝົດ.

ສິ່ງທີ່ຄວນປະຕິບັດພາຍຫລັງຖືກໝາວໍ້ ຫຼື ສັດທີ່ສົງໄສວ່າເປັນວໍ້ກັດ

1. ລ້າງບາດທັນທີດ້ວຍນໍ້າສະອາດ ແລະ ສະບູ 2-3 ເທື່ອ ແລ້ວທາບາດ ດ້ວຍນໍ້າຢາພິວິດິນ (ເບຕາດິນ) ຫຼື ເຫລົ້າເກົ້າສິບ ຫຼື ທິງເຈີ ໄອໂອດິນ ແລ້ວຮີບໄປປຶກສາແພດທັນທີ. 2. ຖ້າໝາຕາຍ ໃຫ້ນໍາໝາໄປກວດ ຖ້າຫາກໝາບໍ່ຕາຍໃຫ້ຂັງໄວ້ເບິ່ງອາການ 10 ມື້ ຂະນະດຽວກັນໃຫ້ຮີບໄປສັກ ວັກຊິນປ້ອງກັນພະຍາດໝາວໍ້ ສ່ວນການປິ່ນປົວດ້ວຍຢາພື້ນເມືອງ ຫຼື ດ້ວຍໝໍຢາພື້ນເມືອງ ຈະບໍ່ສາມາດ ປ້ອງກັນພະຍາດໄດ້ ບໍ່ຄວນຖ້າເບິ່ງອາການຂອງໝາ ເພາະອາດຈະຊ້າເກີນໄປ ທີ່ຈະສັກຢາວັກຊິນ. 3. ໃນກໍລະນີທີ່ຕິດຕາມສັດທີ່ກັດບໍ່ໄດ້ເຊັ່ນ ສັດປ່າ ສັດໄປທົ່ວທີບ ສັດກັດ ແລ້ວໜີໄປ ຫຼື ບໍ່ຈື່ໂຕທີ່ກັດ ຈໍາເປັນຕ້ອງສັກວັກຊິນ.

ວັກຊິນທີ່ໃຊ້ປ້ອງກັນພະຍາດໝາວໍ້

ເນື່ອງຈາກໃນປັດຈຸບັນ ເຮົາໃຊ້ວັກຊິນ ຫຼື ວັກແຊັງ ປ້ອງກັນພະຍາດວໍ້ ຊະນິດ ທີ່ເຮັດຈາກແຊນເພາະລ້ຽງ (ສັກ 5 ເທື່ອທໍ່ນັ້ນ) ເພາະມີປະສິດທິພາບສູງ ບໍ່ເຮັດໃຫ້ເກີດອາການຢາກຸມລະບົບປະສາດ ແລະ ຄວນສັກເຊໂຣມຮ່ວມນໍາ ຖ້າປາກບາດມີເລືອດອອກ ຖູກເລັຍຮີມສົບ ນໍ້າລາຍຟົ້ງເຂົ້າຕາ.

ເຊໂຣມປ້ອງກັນພະຍາດວໍ້ເປັນແນວໃດ?

ເຊໂຣມປ້ອງກັນພະຍາດໝາວໍ້ ເປັນເຊໂຣມສ່ວນຂອງນໍ້າໃສຂອງເລືອດທີ່ໄດ້ ຈາກໝາວໍ້ ຫຼື ຄົນທີ່ໄດ້ສັກວັກແຊັງພະຍາດໝາວໍ້ ໃນເຊໂຣມຈະມີໂປຣຕີນ ທີ່ເຮັດໜ້າທີ່ເປັນພູມຄຸ້ມກັນຕໍ່ໄວຣັດສ໌ພະຍາດໝາວໍ້ໃນປະລິມານຫລາຍ ເຊໂຣມຈະໄປທໍາລາຍເຊື້ອໄວຣັດສ໌ໃນຮ່າງກາຍຂອງຜູ້ຖືກໝາວໍ້ກັດ ໂດຍການສັກຮອບໆບາດກ່ອນທີ່ຈະກໍ່ພະຍາດ ແລະ ກ່ອນທີ່ພູມຕ້ານທານ ຂອງຮ່າງກາຍຈະສ້າງຂຶ້ນ ດ້ວຍເຫດນີ້ ການໃຫ້ເຊໂຣມປ້ອງກັນພະຍາດ ໝາວໍ້ຮ່ວມກັບການສັກວັກແຊັງເຂັມທໍາອິດ ຈິ່ງເປັນວິທີທີ່ຈະປ້ອງກັນ ພະຍາດໝາວໍ້ໄດ້ຜົນດີທີ່ສຸດ ແຕ່ເຊໂຣມປ້ອງກັນພະຍາດໝາວໍ້ມີລາຄາ ແພງຫລາຍ ໂດຍສະເພາະທີ່ເຮັດມາຈາກເລືອດຄົນ.

ການສັກວັກແຊັງປ້ອງກັນພະຍາດວໍ້ແບບປ້ອງກັນລ່ວງໜ້າ

ເຮົາສາມາດສັກຢາປ້ອງກັນລ່ວງໜ້າ ເປັນການກຽມຮ່າງກາຍໃຫ້ພ້ອມ ເພື່ອຕໍ່ຕ້ານພະຍາດວໍ້ ໂດຍສັກພຽງ 3 ເຂັມ ພາຍໃນ 1 ເດືອນ ຊຶ່ງວັກແຊັງນີ້ສາມາດສັກໄດ້ໂດຍບໍ່ຈໍາກັດອາຍຸ ໂດຍສະເພາະເດັກ ທີ່ມັກຫລິ້ນກັບສັດ ແລະ ມີໂອກາດຖືກສັດກັດ ມັກມີບາດທີ່ຮຸນແຮງ ບໍລິເວນໃບໜ້າ ຫົວ ຫຼື ຖືກເລັຍມືທີ່ມີບາດ ຫຼື ປາກ ໂດຍບໍ່ບອກ ໃຫ້ຜູ້ໃຫຍ່ຮູ້ ຫຼື ບຸກຄົນທົ່ວໄປທີ່ລ້ຽງສັດທີ່ລ້ຽງລູກດ້ວຍນໍ້ານົມເຊັ່ນ ໝາ ແມວ ເປັນຕົ້ນ.

ປະໂຫຍດຂອງການສັກວັກແຊັງປ້ອງກັນລ່ວງໜ້າ

1. ເມື່ອຖືກສັດກັດ ການສັກວັກແຊັງກະຕຸ້ນພຽງ 1-2 ເຂັມ ຮ່າງກາຍ ກໍຈະໄດ້ພູມຕ້ານທານທີ່ສູງພໍທີ່ຈະປ້ອງກັນພະຍາດຢ່າງໄດ້ຜົນ.

ສັດທີ່ເປັນວໍ້ຈະມີອາການຢ່າງໃດ?

ພົບມີຢູ່ 2 ແບບຄື: 1. ແບບຮ້າຍ ມີອາການຫງຸດຫງິດ ໄລ່ກັດຄົນ ແລະ ສັດອື່ນໆ ຖ້າຜູກໂສ້ ຫຼື ກັກຂັງໄວ້ໃນຄອກ ຈະກັດໂສ້ ກັດຄອກຫຼື ສິ່ງຂອງທີ່ຢູ່ໃກ້ຢ່າງຮ້າຍແຮງ ບາງເທື່ອໝາຊິກັດຈົນແຂ້ວຫັກ ຫຼື ລີ້ນເປັນບາດ ມີເລືອດອອກ ເມື່ອສະແດງ ອາການຮ້າຍໄດ້ 2-3 ມື້ ກໍຈະອ່ອນແຮງລົງ ຂາຫລັງບໍ່ມີແຮງ ຍ່າງໂຊເຊ ແລະ ໃນທີ່ສຸດກໍຕາຍ. 2. ແບບຄໍາຮູ້ ມີອາການປາກອ້າຫຸບບໍ່ໄດ້ ລີ້ນມີສີແດງຊໍ້າ ບາງເທື່ອມີສິ່ງ ສົກກະປົກຕິດຢູ່ ແລະ ລີ້ນຫ້ອຍອອກມານອກປາກ  ມີອາການຄື ກ້າງຄາຄໍ ໂດຍເຈົ້າຂອງມັກເອົາມືຈົກແຕ່ບໍ່ພໍ້ກ້າງ  ໝາຈະເອົາຂາໜ້າຄວັດເຂວັ່ຍ ບໍລິເວນແກ້ມ ປາກ ແລະ ຄໍ ໝາຈະລຸກ ນັ່ງ ຢືນ ແລະ ຍ່າງໄປມາເລື້ອຍໆ ກິນແຕ່ແນວແປກໆເຊັ່ນ ໃບໄມ້ ກ້ອນຫີນ ຫຼື ບາງໂຕຈະກິນຍ່ຽວຂອງໂຕເອງ ບໍ່ກັດຖ້າບໍ່ຖືກລົບກວນ ໝາແບບຫລັງນີ້ຈະສັງເກດອາການຍາກຫລາຍ ດັ່ງນັ້ນ ຫາກໝາຕາຍໂດຍບໍ່ຮູ້ສາເຫດ ຄວນຕັດຫົວໄປພິສູດກ່ອນ ເພື່ອຄວາມແນ່ໃຈ.

ຮຽບຮຽງໂດຍ: ນໍ້າຫວານ

Read Full Post | Make a Comment ( None so far )

ລາວຢືນຢັນວ່າ ເຂື່ອນດອນສະຫົງ ຈະບໍ່ສົ່ງຜົນກະທົບ ຕໍ່ແມ່ນໍ້າຂອງ

Posted on October 14, 2013. Filed under: ສາລະໜ້າຮູ້ |


ແຜນທີ່ ສະແດງສະຖານທີ່ກໍ່ສ້າງເຂື່ອນໄຟຟ້າພະລັງນໍ້າ ດອນສະຫົງ
ຢູ່ເຂດແຂວງຈໍາປາສັກ ພາກໃຕ້ຂອງລາວ.

ແຜນທີ່ ສະແດງສະຖານທີ່ກໍ່ສ້າງເຂື່ອນໄຟຟ້າພະລັງນໍ້າ ດອນສະຫົງ ຢູ່ເຂດແຂວງຈໍາປາສັກ ພາກໃຕ້ຂອງລາວ.
   ລັດຖະມົນຕີ​ລາວຢືນຢັນ​ວ່າ ​ໂຄງການ​ກໍ່ສ້າງ​ເຂື່ອນ​ດອນ​ສະ​ຫົງ ຈະ​ບໍ່​ສົ່ງ​ຜົນ​ກະທົບ​ຕໍ່​ສະພາບ​ແວດ​ລ້ອມ​ທໍ​າມະ​ຊາດ​ໃນ​ເຂດ​ຕອນ​ ລຸ່ມ​ແມ່​ນໍ້າຂອງ ​ໂດຍ​ໄດ້​ສຶກສາ​ຢ່າງ​ໄດ້​ມາດ​ຕະຖານ​ສາກົນ​ແລ້ວ.
ທ່ານ ວີລະ​ພົນ ວີລະ​ວົງ ລັດຖະມົນຕີ​ຊ່ວຍ​ວ່າການ​ກະຊວງ​ພະລັງ ງານ​ ແລະ​ບໍ່​ແຮ່ ​ໃຫ້ການ​ຢືນຢັນ​ກັບ VOA ວ່າ​ ໂຄງ​ກາ​ນກໍ່ສ້າງ​ ເຂື່ອນ​ດອນ​ສະ​ຫົງ​ເທິງ​ແນວ​ແມ່​ນໍ້າຂອງ ຢູ່​ເຂດ​ຄອນ​ພະ​ເພັງ​ ໃນ ​ແຂວງ​ຈໍາປາ​ສັກ​ຂອງ​ລາວ​ນັ້ນ ​ໄດ້​ຜ່ານ​ການ​ສຶກສາ​ ແລະອອກແບບ​ກໍ່ສ້າງ​ຢ່າງ​ໄດ້​ມາດຕະ ຖານໃນ​ລະດັບ​ສາກົນ​ ໃນ​ທຸກໆ​ດ້ານ​ແລ້ວ ​ເພາະສະ​ນັ້ນຈຶ່ງ​ເຊື່ອ​ໝັ້ນ​ວ່າ ການ​ກໍ່ສ້າງເຂື່ອນ​ ດອນ​ສະ​ຫົງ​ໃນ​ລະຍະ​ຕໍ່​ໄປ​ນີ້ ຈະ​ບໍ່​ສົ່ງ​ຜົນ​ກະທົບ​ຕໍ່ສະພາ​ບ​ແວດ​ລ້ອມ​ທໍາ​ມະຊາດ​ ໃນ​ພື້ນທີ່ ​ຕອນ​ລຸ່ມ​ແມ່​ນໍ້າຂອງຢ່າງ​ແນ່ນອນ ດັ່ງທີ່​ທ່ານ​ວີ​ລະພົນ ​ໄດ້​ໃຫ້ການ​ຊີ້​ແຈງ​ວ່າ:
ທ່ານ ວີລະພົນ ວີລະວົງ ລມຕ ຊ່ວຍກະຊວງພະລັງງານ ແລະບໍ່ແຮ່

ທ່ານ ວີລະພົນ ວີລະວົງ ລມຕ ຊ່ວຍກະຊວງພະລັງງານ ແລະບໍ່ແຮ່

“ດອນ​ສະ​ຫົງ​ນີ້ ​ໃຊ້​ແຕ່​ຮູ​ນໍ້າ​ຮູ​ດຽວ​ນ້ອຍໆ ມີ​ແຕ່ 15% ຂອງ​ ໝົດ​ນໍ້າຂອງ​ໄຫຼ​ບໍ່​ແມ່ນ​ໃຊ້ 100% ຄື​ໄຊ​ຍະ​ບຸລີ ສະ​ນັ້ນການ​ ຕັນ​ນໍ້າ​ບໍ່​ມີ​ຜົນ​ກະທົບ​ຫຍັງ​ໝົດ​ເລີຍ ​ແລ້ວກະ​ຕາມຕົວ​ເລກ​ທີ່​ ຈື່​ໄດ້​ນີ້ຂີ້​ດິນ​ຕະກອນໃນ​ປີ​ນຶ່ງ​ ຜ່ານ​ເຂດ​ໃຕ້​ລົງ​ໄປ​ຮອດ​ແມ່​ ຂອງ​ເດລຕ້າ ມັນ​ຮອດ 160 ກວ່າ​ລ້ານ​ໂຕນ ​ແຕ່​ຢູ່​ດອນ​ສະ​ ຫົງ​ ໃນ 29 ປີ​ນີ້ ​ເຂົາ​ຄິດ​ເບິ່ງ​ຂີ້ດິນ​ສິ deposit  ບໍ່​ຮອດ 5 ລ້ານ ​ແລ້ວ​ກໍ​ບໍ່​ໄດ້​ກັກ​ນໍ້າ ​ໄດ້​ເອົາ​ນໍ້າມາ​ເທົ່າ​ໃດ​ກໍ​ໄປ​ເທົ່າ​ ນັ້ນ.” ຍິ່ງ​ໄປ​ກວ່າ​ນັ້ນ ທ່ານ ວີລະ​ພົນ ຍັງ​ໄດ້​ໃຫ້ການ​ຢືນຢັນ​ດັ່ງກ່າວ​ກັບ​ຄະນະ​ຜູ້ຕາງໜ້າ​ຂອງ​ ລັດຖະບານໄທ ​ແລະ​ຫວຽດນາມທີ່​ເຂົ້າຮ່ວມ​ ໃນ​ກອງ​ປະຊຸມ​ລັດຖະມົນຕີ​ ດ້ານພະລັງ ງານຂອງ​ອາ​ຊ່ຽນ​ຄັ້ງ​ທີ 31 ຢູ່​ບາ​ຫຼີ ປະ​ເທດ​ອິນໂດ​ເນ​ເຊຍ ​ໃນ​ຕົ້ນ​ເດືອນ​ຕຸລາ​ນີ້ ​ອີກ​ດ້ວຍ. ທັງນີ້​ທ່ານ​ ວີລະ​ພົນ ​ໄດ້​ພະຍາຍາມ​ເນັ້ນ​ໜັກ​ໃຫ້​ເຫັນ ​ເຖິງ​ຄວາມ​ສໍາຄັນ​ຂອງ​ການ​ສ້າງ​ ເຂື່ອນ​ທີ່​ຈະ​ເປັນ​ທ່າ​ແຮງ​ສໍາຄັນໃນ​ການ​ພັດທະນາ​ທາງ​ເສ​ດຖະກິດ ​ເພື່ອ​ລົບ​ລ້າງບັນຫາ ​ຄວາມທຸກ​ຈົນ​ຂອງ​ປະຊາຊົນ​ລາວ​ບັນດາ​ເຜົ່າ ​ໂດຍ​ລັດຖະບານ​ຈະ​ນໍາ​ເອົາ​ລາຍ​ຮັບ​ທີ່​ໄດ້​ ຈາກ​ການ​ຂາຍ​ກະ​ແສ​ໄຟຟ້າ ​ໃຫ້​ກັບປະ​ເທດ​ເພື່ອ​ນບ້ານ ​ເຊັ່ນ ​ໄທ ກໍາປູເຈຍ ​ແລະ​ຫວຽດ ນາມ ມາ​ໃຊ້​ໃນ​ໂຄງການ​ພັດທະນາ​ ເພື່ອ​ຍົກ​ລະດັບ​ຄຸນ​ນະພາ​ບຊີວິດ ຄວາມ​ເປັນ​ຢູ່ຂອງ ປະຊາຊົນ​ ໃຫ້​ດີ​ຂຶ້ນ ​ໃນ​ລະຍະ​ຕໍ່​ໄປ​ນັ້ນ​ເອງ. ທາງ​ດ້ານ​ບໍລິສັດ Mega First Corporation Berhad ຈາກ​ມາ​ເລ​ເຊຍ ຜູ້​ລົງທຶນ​ໃນໂຄງ ການ ກໍ​ໄດ້​ຖະ​ແຫຼ​ງຢືນຢັນ​ວ່າ​ ​ໄດ້​ທໍາ​ການ​ສຶກສາ​ເພື່ອ​ປ້ອງ​ກັນ​ຜົນ​ກະທົບ​ຕໍ່​ສິ່ງ​ແວດລ້ອມ ​ທໍາ​ມະ​ຊາດ ​ແລະສັດ​ນໍ້າ​ຢ່າງ​ຮອບດ້ານ​ແລ້ວ ຈຶ່ງ​ເຮັດ​ໃຫ້​ບໍລິສັດ​ໄດ້​ຕັດສິນ​ໃຈ​ລົງທຶນເຖິງ 600 ລ້ານ​ໂດ​ລ່າ ​ເພື່ອ​ດໍາ​ເນີນ​ການ​ກໍ່ສ້າງ ​ເຂື່ອນ​ດອນ​ສະ​ຫົງ​ ຂະໜາດ 260 ​MW ​ໃຫ້​ ສໍາ​ເລັດ​ພາຍ​ໃນ ປີ 2016 ຕໍ່​ໄປ.
ລັດ​ບານ​ລາວ​ມີ​ແຜນການ​ກໍ່ສ້າງ​ເຂື່ອນ​ເທິງ​ແນວ​ແມ່​ນໍ້າຂອງ​ເຖິງ 8 ​ໂຄງການ ຕໍ່​ເນື່ອງກັນ ​ກັບ​ໂຄງການ​ເຂື່ອນ​ໄຊ​ຍະ​ບຸລີ ​ໂດຍ​ປະກອບ​ດ້ວຍ 5 ​ໂຄງການ​ໃນ​ເຂດ​ພາກ​ເໜືອ ກັບ 3 ​ໂຄງການ​ໃນ​ເຂດ​ພາກ​ໃຕ້ ຊຶ່ງ​ໃນ​ນີ້​ກໍ​ມີ​ພຽງ​ໂຄງການ​ເຂື່ອນ​ບ້ານ​ກຸ່ມ​ເທົ່າ​ນັ້ນ ທີ່​ມີ​ທີ່​ຕັ້ງ​ຢູ່​ ໃນ​ເຂດ​ຊາຍ​ແດນ​ໃນ​ແນວ​ແມ່​ນໍ້າຂອງ ລະຫວ່າງ​ລາວ​ກັບ​ໄທ ສ່ວນ​ນອກ​ນັ້ນ ກໍມີ​ທີ່​ຕັ້ງ​ຢູ່ ເຂດອະທິປະ​ໄຕ​ຂອງ​ລາວ ພຽງ​ຝ່າຍ​ດຽວ.

ການປະທ້ວງຄັດຄ້ານ ໂຄງການກໍ່ສ້າງເຂື່ອນໄຊຍະບຸລີ

ການປະທ້ວງຄັດຄ້ານ ໂຄງການກໍ່ສ້າງເຂື່ອນໄຊຍະບຸລີ

ສ່ວນ​ທີ່​ກ່ຽວ​ກັບ​ຄວາມ​ຄືບ​ໜ້າ​ຂອງ ການ​ກໍ່ສ້າງ​ເຂື່ອນ​ໄຊ​ຍະ​ບຸລີ ​ເທິງ​ແນວ​ແມ່ນໍ້າຂອງ​ໃນ​ແຂວງ​ໄຊ​ຍະ​ບຸລີ​ນັ້ນ ທ່ານ​ວີລະ​ພົນ ກໍ​ ຢືນຢັນ​ວ່າ​ເຂື່ອນ​ໄຊ​ຍະ​ບຸລີ ​ເປັນ​ໂຄງການ​ນຶ່ງ​ທີ່​ມີ​ຄວາມ​ທັນ​ສະ ​ໄໝ​ທີ່​ສຸດ​ ​ເນື່ອງຈາກ​ໄດ້​ມີ​ການ​ນໍາ​ໃຊ້​ເທັກ​ໂນ​ໂລ​ຈີ່​ສະ​ໄໝໃໝ່ ທີ່​ມີ​ການ​ນໍາ​ໃຊ້​ທັງ​ໃນ​ສະຫະລັດ​ອາ​ເມຣິກາ ​ແລະ​ບັນດາ​ປະ​ເທດ ​ໃນ​ສະຫະພາບ​ຢູ​ໂຣບ.
ຍິ່ງ​ໄປ​ກວ່າ​ນັ້ນ ​ການທີ່ເທັກ​ໂນ​ໂລ​ຈີ່​ສະ​ໄໝ​ໃໝ່​ດັ່ງກ່າວ​ນີ້ ຍັງ ​ເປັນ​ເທັກ​ໂນ​ໂລ​ຈີ່​ ທີ່ພັດທະນາ​ຂຶ້ນມາ ​ເພື່ອ​ການ​ຜະລິດ​ພະລັງ ງານ​ທົດ​ແທນ​ ແລະເປັນ​ພະລັງງານ​ທີ່​ສະອາດ​ດ້ວຍ​ນັ້ນ ຈຶ່ງ​ເຮັດ​ໃຫ້ທາງ​ການ​ລາວ​ມີຄວາມ​ ເຊື່ອ​ໝັ້ນ​ວ່າ​ ເຂື່ອນ​ໄຊ​ຍະ​ບຸລີ ຈະ​ເປັນ​ເຂື່ອນທີ່​ເປັນ​ມິດ​ຕໍ່​ສະພາບ​ແວດ​ລ້ອມ​ທໍາ​ມະ​ຊາດ ທັງ​ຍັງຈະ​ມີ​ສ່ວນ​ຢ່າງ​ສໍາຄັນ​ຕໍ່​ການ​ພັດທະນາ​ທາງ​ເສດຖະກິດ ​ເພື່ອ​ລົບ​ລ້າງ​ບັນຫາຄວາມ ຍາກ​ຈົນຂອງ​ປະຊາຊົນ​ລາວ​ອີກ​ດ້ວຍ.
​ໂຄງການ​ເຂື່ອນ​ໄຊ​ຍະ​ບຸລີ ມີ​ກໍານົດ​ການ​ກໍ່ສ້າງ​ໃຫ້​ສໍາ​ເລັດ ​ແລະ​ເລີ່​ມສົ່ງ​ກະ​ແສ​ໄຟຟ້າ​ ຂາຍ​ໃຫ້​ກັບ​ການ​ໄຟຟ້າ​ຝ່າຍ​ຜະລິດ​ແຫ່ງປະ​ເທດ​ໄທ ນັບ​ແຕ່​ປີ 2019 ​ເປັນ​ຕົ້ນ​ໄປ ຊຶ່ງ​ກໍ ຈະ​ເຮັດ​ໃຫ້​ກຸ່ມ​ລົງທຶນ​ມີ​ລາຍ​ຮັບ​ຈາກ​ການ​ຂາຍພະລັງງານ​ໄຟຟ້າ ສ່ວນ​ທີ່​ຜະລິດ​ໄດ້​ເຖິງ 1,285 MW ນັ້ນ ຄິດເປັນມູນຄ່າລວມກວ່າ 13,000 ລ້ານໂດລ່າ ໃນຕະຫຼອດໄລຍະ ສໍາປະທານ 29 ປີ ໂດຍລັດຖະບານລາວກໍຈະໄດ້ສ່ວນແບ່ງ ຄິດເປັນມູນຄ່າລວມເຖິງ 3,900 ລ້ານໂດລ່າ ໃນຕະຫຼອດໄລຍະສໍາປະທານດັ່ງກ່າວ.

Read Full Post | Make a Comment ( None so far )

ເຕືອນໄພຈາກຕ່າງແດນ…!!! ນາມບັດກໍ່ມີໄພເສຍຊັບສິນ ຫລື ຮ້າຍແຮງອາດຈະຖືກຂົ່ມຂືນ ຫລື ເສຍຊີວິດໄດ້

Posted on October 13, 2013. Filed under: ສາລະໜ້າຮູ້ |


1383408_433495613422931_1618461886_n

ໄພຈາກນາມບັດ ຍິງຄົນໜຶ່ງ ໄປເຕີມແກັດທີ່ປຳ້ແກັດແຫ່ງໜຶ່ງ ມີຊາຍຄົນໜຶ່ງມາສະເໜີບໍລິການທາສີ ໂດຍຍື່ນນາມບັດໃຫ້ ຍິງຄົນນັ້ນກໍ່ຮັບມາອ່ານ ແລ້ວຈັບເຂົ້າມາໃນລົດ ແລ້ວກໍ່ຂັບລົດອອກຈາກປຳ້ແກັດ ກໍ່ສັງເກດໄດ້ວ່າຊາຍຄົນນັ້ນກໍ່ຂັບລົດຕາມມາ ແລະລາວກໍ່ຮູ້ສຶກວ່າຫາຍໃຈບໍ່ອອກລາວຟ້າວເປີດປະຕູລົດອອກ ແລະໄດ້ກີ່ນນັ້ນມາຈາກມື ແລະ ເປັນມືທີ່ລາວໄດ້ຮັບນາມບັດມາຈາກຊາຍຄົນນັ້ນ ລາວຕັດສິນໃຈຂັບລົດ ແລະ ກົດແກໄປຕະຫລອດທາງເພື່ອຂໍຄວາມຊ່ວຍເຫລືອ ຊາຍຄົນນັ້ນຈິ່ງຂັບລົດໜີໄປ ຢາທີ່ປ້າຍໃສ່ນາມບັດນັ້ນ ເປັນຢາ BURUNDANGA ເພື່ອໃຫ້ເຮົາໝົດສະຕິ ແລະ ຄວບຄຸມໂຕເອງບໍ່ໄດ້ ແລ້ວຈາດຈະເສຍຊັບສິນ ຫລື ຮ້າຍແຮງອາດຈະຖືກຂົ່ມຂືນ ຫລື ເສຍຊີວິດໄດ້ ດັ່ງນັ້ນເວລາເຮົາໄປໃສຄົນດຽວ ຫລື ໄປໃນທີ່ຕ່າງຖິ່ນບໍ່ຄວນຮັບນາມບັດ ແຜ່ນພັບ ໂຄສະນາຕ່າງໆ ຈາກຄົນທີ່ແປກໜ້າ ບໍ່ສະນັ້ນ ໄພອາດຈະຕົກເຖິງທ່ານໄດ້ ຈັ່ງໃດກໍ່ຝາກສົ່ງຕໍ່ກັນແນ່ເດີ້…. ຂໍ້ມູນດີດີຈາກ Lao-DD

Read Full Post | Make a Comment ( None so far )

ຮູ້ນທັນການເສຍອາກອນ ຈະບໍ່ຖືກເອົາປຽບ ໃນການດຳເນີນ ທຸລະກິດ ຂອງທ່ານ

Posted on October 12, 2013. Filed under: ສາລະໜ້າຮູ້ |


ມີປະໂຫຍດສຳລັບທ່ານ ຖ້າອ່ານຈົບ

29. Tax Law (2005) Lao

Read Full Post | Make a Comment ( None so far )

« Previous Entries

Liked it here?
Why not try sites on the blogroll...

%d bloggers like this: