Lao News

ວິທີເປີດໂປແກຼມທີ່ທ່ານໃຊ້ເລີ້ອຍໆ ໃນ Windows ຢ່າງວ່ອງໄວດ້ວຍKeyboard Shortcut

Posted on July 26, 2015. Filed under: ຄວາມຮູ້ເລື່ອງ IT, ທຸ​ລະ​ກິດ, ສະມາດ ໂຟນ, ອິນເຕີເນ໋ດ, Lao News | Tags: , , , , , , , , , , , , |


run-windows-program-keyboard-shortcut-02

ຫາກທ່ານເປັນຄົນທີ່ໃຊ້ງານຄອມພິວເຕີລະບົບປະຕິບັດການ Windows ເປັນປະຈຳ ເວລາເຂົ້າໂປແກມໃຊ້ງານຕ່າງໆກໍ່ມັກຈະພິກທາງໜ້າຈໍ Desktop ຫຼືຜ່ານທາງ Start Menu ແຕ່ມື້ນີ້ຈະນຳສະເໜີວິທີເຂົ້າໂປແກມແບບໄວຂື້ນດ້ວຍ Keyboard Shortcut ທີ່ທ່ານສາມາດສ້າງປຸ່ມຂື້ນດ່ວນເພື່ອຮຽກໃຊ້ງານໂປແກມທັນທີແບບບໍ່ຕ້ອງຄິກບໍ່ຕ້ອງຈີ້ມພຽງແຕ່ຄຳສັ່ງບົນຄີບອດທີ່ທ່ານສ້າງເທົ່ານັ້ນ

ສົມມຸດວ່າທ່ານຕ້ອງການເຂົ້າໂປແກມ Line บน PC ຢ່າງວ່ອງໄວ ເລີຍຈະສ້າງປຸ່ມໄປລັດແອັບ Line

run-windows-program-keyboard-shortcut-03

ກົດຄິກຂວາທີ່ໄອຄອນ Shortcut ໂປແກມ Line ເທິງ Desktop ແລ້ວເລືອກທີ່Properties

run-windows-program-keyboard-shortcut-04ຈາກນັ້ນກໍ່ສັງເກດໜ້າຕ່າງProperties ວ່າເລືອກທີ່ແທບ Shortcut ຄ່າໃຊ້ກໍ່ເບີ່ງໃນສ່ວນ Shortcut key ກໍ່ກຳໜົດປຸມລັດເພື່ອແອບ Line ໄດ້ເລີຍ ທີມງານກໍ່ເລີຍກົດ L ກໍ່ປະກົດເປັນ ctrl + alt + L  ເປັນການສ້າງປຸ່ມລັດເພື່ອຮັບໂປແກມ Line ບົນ Windows ໄວ້ໃຫ້ ຖ້າພໍໃຈກໍ່ຄິກທີ່ ok ຫຼື apply ໄດ້ເລີຍ

ເສັດແລ້ວກໍ່ລອງທົດສອບ Keyboard Shortcut ໂດຍກົດປຸ່ມ ປຸ່ມລັດທີ່ສ້າງໄວ້ ຢ່າງຕົວຢ່າງນີ້ ກົດ ctrl + alt + L ເບີ່ງວ່າແອັບ Line ຈະທັນບໍ່ ປະກົດເຂົ້າສູ່ໂປແກມ Line For PC ແທ້ໆ ຖືວ່າການຕັ້ງຄ່າເສັດສົມບູນ ວິທີນີ້ໃຊ້ໄດ້ກັບ  Windows ທຸກເວີຊັ້ນ ແຕ່ຕ້ອງ login ດ້ວຍບັນຊີທີ່ໄດ້ເປັນສິດເປັນເຈົ້າຂອງເຄື່ອງ ຫຼື Admin ເທົ່ານັ້ນ

Read Full Post | Make a Comment ( None so far )

ໜ້າຕານາລິກາຫຼູ Apple Watch Edition ຫຼຸ້ນແພງທີ່ສຸດລາຄາເກືອບລ້ານບາດ

Posted on March 11, 2015. Filed under: ຄວາມຮູ້ເລື່ອງ IT, ທຸ​ລະ​ກິດ, ສະມາດ ໂຟນ, ສາລະໜ້າຮູ້, ອິນເຕີເນ໋ດ, ເສດຖະກິດ, Lao News | Tags: , , , , , , , , , , , , |


most-expensive-of-apple-watch-editionທຸກທ່ານຄົງຮູ້ກັນແລກ່ຽວກັບລາເລີ່ມຕົ້ນຂອງ Apple Watch Edition ເຊິ່ງເປັນກຸ່ມນາລິກາທີ່ເນັ້ນແພງຫຼູຫຼາລາຄາເລີ່ມຕົ້ນ $10,000  ສະຫະລັດ( ຫຼືປະມານ 3.3 ແສນບາດເຂົ້າໄປແລ້ວ ) ຄາວນີ້ຫຼາຍທ່ານຄົງຢາກຈະຮູ້ວ່າໜ້າຕາວ່າ Apple Watch Edition ໜ້າຕາແພງທີ່ສຸດຈະງາມຊຳໃດ ລາຄາເທົ່າໃດກັນແທ້

most-expensive-of-apple-watch-edition-p1

ຈາກທີສຳຫຼວດຜ່ານທາງເວບ Apple Online Store ສະຫະລັດອາເມລິກາ 2 ເຮືອນນີ້ທີ່ໄດ້ວ່າແພງທີ່ສຸດໃນນາລິກາ Apple Watch ທັງໝົດທີ່ຂາຍທາງເວບ Apple Online Store ລາຄາເທົ່າກັນຍູ່ທີ່ $17,000 ຫຼືປະມານ  5.6 ແສນບາດໂດຍລຸ້ນຊ້າຍມື ເປັນຕົວເຄື່ອງທອງສີກຸຫຼາບ  18 ກະລັດ ແລະ ສາຍນາລິກາສີແດງສະຫວ່າງທັງຄູ່ມີປະກັນຈາກ Apple ດົນ  2  ປີເລີ່ມຂາຍ 24 เมษເມສາ 2016

most-expensive-of-apple-watch-edition-p2

ແຕ່ນັ້ນບໍ່ໄດ້ໝາຍຄວາມວ່າ 2 ລຸ້ນບົນ Apple Online Store ນັ້ນແພງທີ່ສຸດແລ້ວມີແພງກວ່ານັ້ນເມື່ອ  Mervis  ບໍລິສັດເຮັດເຄື່ອງປະດັບໄດ້ເປີດຕົວ Apple Watch Edition ລຸ້ນພິເສດໃຊສາຍນາລິກາເຮັດດ້ວຍເພັດທີ່ມີນໍ້າໜັກລວມກັນ 15.14 ກະລັດໂດຍແຕ່ລະສາຍນັ້ນຈະມີເພັດວາງຈຳນວນ 8 ແຖວ ເປັນເພັດທີ່ມີຄຸນນະພາບສູງຫຼາຍຕົວສາຍເຮັດຈາກທອງສີກຸຫຼາບລາຄາຂາຍຢູ່ທີ່ $30,150 ຫຼືປະມານ 991,000 ບາດໄທ ເລີ່ມຂາຍລຸ້ນນີ້ເດືອນມິຖຸນາ  2016

ນີ້ຄື  Apple Watch Edition ລຸ້ນລາຄາແພງມະຫາໂຫດທີ່ກຸ່ມເສດຖະກິດທີ່ສົນໃຈ Apple Watch ຫຼຸ້ນຫຼູແບບນີ້ ຕຽມລໍສັ່ງຊື້ທາງອອນໄລໄດ້ເລີຍ

Read Full Post | Make a Comment ( None so far )

ລາວ-ໄທ ເປີດນໍາໃຊ້ ຂົວມິດຕະພາບ ແຫ່ງທີ່ 4 ຢ່າງເປັນທາງການ

Posted on December 15, 2013. Filed under: ເສດຖະກິດ, Lao News |


111

ລາວ-​ໄທ ​ເປີດ​ນໍາ​ໃຊ້​ຂົວ​ມິດຕະພາບ​ຂ້າມ​ແມ່​ນໍ້າຂອງ​ແຫ່ງ​ທີ່ 4 ຢ່າງ​ເປັນ​ທາງ​ການ ​ເພື່ອ​ເຊື່ອມ​ຕໍ່​ໄປ​ຍັງ​ຈີນ ​ແລະ​ຂະຫຍາຍ​ໄປ​ ຍັງ​ບັນດາ​ປະ​ເທດ​ສະມາ​ຊີກ​ໃນ​ກຸ່ມ​ອາຊ່ຽນ​ດ້ວຍ​ກັນ.

ພິທີ​ເປີດ​ການ​ນໍາ​ໃຊ້​ຂົວ​ມິດຕະພາບ​ຂ້າ​ມ​ແມ່​ນໍ້າຂອງ​ແຫ່ງ​ທີ່ 4 ​ເຊື່ອມ​ຕໍ່​ລະຫວ່າງ​ເມືອງ​ຫ້ວຍ​ຊາຍ​ໃນ​ແຂວງ​ບໍ່​ແກ້ວຂອງ​ລາວ ກັບ​ອໍາ​ເພີ​ຊຽງ​ຂອງ ຈັງຫວັດ​ຊຽງ​ລາຍ​ ຂອງ​ໄທ ​ໄດ້​ມີ​ຂຶ້ນຢ່າງ​ເປັນ​ທາງ​ການ​ໃນ​ວັນ​ທີ 11 ທັນວາ​ນີ້​ໂດຍ​ມີ​ທ່ານ ບຸນ​ຍັງ ວໍລະ​ຈິດ ຮອງ​ປະທານ​ປະ​ເທດ ​ກັບ​ສົມ​ເດັດພະ​ເທບ​ລັດຕະນະ​ລາດຊະ​ສຸດາ ສະ​ຢາມ​ບໍລົມມະ​ລາດ ຊະ​ກຸ​ມາ​ລີ ​ເປັນ​ປະທານ​ໃນ​ພິທີ​ຮ່ວມ​ກັນ. ​

ໂດຍ​ຂົວ​ຂ້າມ​ແມ່​ນໍ້າຂອງ​ແຫ່ງ​ທີ 4 ລະຫວ່າງ​ລາວ-​ໄທ ດັ່ງກ່າວນີ້ ​ໄດ້​ໃຊ້​ທຶນ​ກໍ່ສ້າງ​ໃນ​ມູນ​ຄ່າ ລວມ​ເກີນ​ກວ່າ 48 ລ້ານ​ໂດ​ລ່າ ​ໂດຍ​ມີ​ລັດຖະບານ​ໄທ ​ແລະ​ຈີນ ​ເປັນ​ຜູ້​ອອກ​ເງິນ​ທຶນ
​ຝ່າຍລະ 50% ​ເລີ່​ມລົງມືກໍ່ສ້າງ​ນັບ​ແຕ່​ປີ 2010 ​ເປັນ​ຕົ້ນ​ມາ ​ໂດຍ​ເມື່ອ​ໃດ​ມີ​ການ​ເປີດໃຊ້ ​ຢ່າງເປັນ​ທາງ​ການ​ແລ້ວນີ້ ກໍ​ຄາດ​ຫວັງວ່າ​ຈະ​ປະກອບສ່ວນ​ຢ່າງ​ສໍາຄັນ​ໃນການ​ເຊື່ອມ​ຕໍ່
ການຄົມມະນາຄົມ-ຂົນ​ສົ່ງ​ຈາກ​ມົນທົນ​ຢຸນໜານ​ຂອງ​ຈີນ ຜ່ານ​ຖະໜົນ​ເລກ 3 ​ໃນ​ແຂວງ​ ຫຼວງ​ນໍ້າທາຕໍ່​ໄປ​ຈັງຫວັດຊຽງ​ລາຍ ​ໃນ​ໄທ ຈຶ່ງ​ເຊື່ອ​ວ່າ​ຈະ​ສົ່ງ​ຜົນ​ດີຕໍ່​ການຂະຫຍາຍ​ການຄ້າ

ການລົງທຶນແລະ​ການທ່ອງທ່ຽວ​ລະຫວ່າງ 3 ປະ​ເທດ ທັງ​ຍັງ​ສາມາດ​ເຊື່ອມ​ຕໍ່ ​ໄປ​ຍັງ​ປະ​ເທດ ​ສະມາຊິກໃນ​ກຸ່ມ​ອາ​ຊ່ຽນ​ໄດ້​ອີກ​ດ້ວຍ ດັ່ງ​ທີ່​ທ່ານ​ສົມ​ສະຫວາດ ​ເລັ່ງສະຫວັດ ຮອງນາຍົກ

ລັດຖະມົນຕີ ຜູ້​ຊີ້ນໍາວຽກ​ງານ​ດ້ານ​ເສດຖະກິດ​ຂອງ ລັດຖະບານ​ລາວ ​ໄດ້​ຢືນຢັນ​ວ່າ:

222

“ຂົວ​ມິດຕະພາບ​ ລາວ-​ໄທ ​ແຫ່ງ​ທີ 4 ​ເປັນ​ການ​ຕອບ​ສະໜອງກັບ​ທ່າ​ອຽງ ​ແຫ່​ງການ​ສ່ົງ​ເສີມ​ການ​ຮ່ວມ​ມື​ເພື່ອ​ການ​ພັດທະນາ​ໃນ​ພາກ​ພື້ນ​ອາຊີ​ອາຄະ​ເນ ​ໂດຍ​ສະ​ເພາະ​ຢ່າງ​ຍິ່ງ​ ກໍແມ່ນ​ເປັນ​ສ່ວນ​ສໍາຄັນ​ອັນ​ນຶ່ງຂອງ​ໂຄງການ​ເຊື່ອມ​ໂຍງອະນຸ​ພາກ​ພື້ນ​ແມ່​ນໍ້າຂອງ GMS ​ແລ້ວ ​ເສດຖະກິດ​ເໜືອ-​ໃຕ້ ​ແລະ​ການ ​ເຊື່ອມ​ໂຍງດ້ານ​ຄົມມະນາຄົມ​ລະຫວ່າງ​ອາ​ຊ່ຽນ​ກັບ ສປ​.ຈີນ.”

ລາ​ວ-​ໄທ​ ມີ​ຂົວ​ມິດ​ຕະພາບ​ແຫ່ງ​ທໍາ​ອິດ​ທີ່​ເຊື່ອມ​ຕໍ່​ນະຄອນ​ວຽງ​ ຈັນ ກັບ​ຈັງຫວັດ​ໜອງ​ຄາຍ ​ເມື່ອ​ປີ 1994 ​ໂດຍ​ເປັນ​ການ​ອອກ​

ທືນຮ່ວມ​ກັນ​ລະຫວ່າງ​ລັດຖະບານ​ໄທ​ກັບ​ອອສເຕຣ ສ່ວນ​ແຫ່ງ​ ທີ່ 2 ທີ່​ແຂວງ​ສະຫວັນ​ນະ​ເຂດ​ກັບ​ຈັງ​ຫວັດ​ມຸກດາ​ຫານ​ກໍ​ໄດ້​ກໍ່ ສ້າງ​ສໍາ​ເລັດ​ໃນ​ທ້າ​ຍປີ 2006 ​ແລະ​ເປີດ​ໃຊ້​ຢ່າງ​ເປັນ​ທາງ​ການ​
ເມື່ອ​ຕົ້ນ​ປີ 2007 ​ໂດຍ​ລັດຖະບາ​ນລາ​ວ-​ໄທ ​ໄດ້​ຮ່ວມ​ກັນ​ກູ້ຢືມ​ ເງິນ​ທຶນ​ສໍາລັບນໍາ​ໃຊ້​ໃນ​ການ​ກໍ່ສ້າງ​ຈາກ​ລັດຖະບານ​ຍີ່ ປຸ່ນ​ໃນ​ ມູນ​ຄ່າ​ລວມທັງ​ໝົດ 84 ລ້ານ​ໂດ​ລ່າ ສ່ວນ​ຂົວ​ມິດຕະພາບ​ແຫ່​ງ
ທີ່ 3 ທີ່​ເຊື່ອມ​ຕໍ່ ລະຫວ່າງ​ແຂວງ​ຄໍາ​ມ່ວນ ກັບ​ຈັງຫວັດ​ນະຄອນ​ ພະ​ນົມ ທີ່​ກໍ່ສ້າງ​ສໍາ​ເລັດ​ແລ້ວ ​ແລະ​ເປີດ ​ໃຊ້ຢ່າງ​ເປັນ​ທາງ​ການນັບ​ຕັ້ງ​ແຕ່​ທ້າຍປີ 2011 ​ເປັນ​ຕົ້ນ​ມາ​ນັ້ນ ກໍ​ອອກທຶນ​ໂດຍ​ລັດຖະ ບານ​ໄທ.

ນອກຈາກ​ນີ້ ທາງ​ການ​ລາວ-​ໄທ​ ຍັງ​ມີ​ແຜນການ​ຈະ​ກໍ່ສ້າງ​ຂົວ​ມິດ​ຕະພາບ​ ແຫ່ງ​ທີ່ 5 ​ເພື່ອ​ ເຊື່ອມ​ຕໍ່​ລະຫວ່າງ​ແຂວງ​ບໍລິ​ຄໍາ​ໄຊ ກັບ​ຈັງຫວັດ​ບຶງ​ການ ​ໂດຍ​ລັດຖະບານ​ໄທ ຈະ​ອອກ
ທຶນ​ກໍ່ສ້າງ​ຄື​ກັບ​ຂົວ​ມິດຕະພາບ​ແຫ່ງ​ທີ່ 3 ອີກ​ດ້ວຍ ຊຶ່ງ​ຕໍ່​ກໍລະນີ​ດ່ັງ ກ່າວ​ນີ້ ທ່ານ​ສຸລະ​ພົງ ​ໂຕ​ຈັກໄຊ​ກຸນ ຮອງ​ນາຍົກລັດຖະມົນ​ຕີ ​ແລະ​ລັດຖະມົນຕີ​ວ່າການຕ່າງປະ​ເທດ​ຂອງ​ໄທ ກໍ​
ໄດ້​ຖະແຫຼງຢືນຢັນ​ວ່າ ລັດຖະບານ​ລາວແລະ​ໄທ​ ໄດ້​ຕົກລົງ​ໃນຫຼັກການ ຮ່ວມກັນແລ້ວ. ​

ແຕ່​ຢ່າງ​ໃດ​ກໍ​ຕາມ ທ່ານ​ສຸລະ​ພົງ ກໍ​ຍອມຮັບ​ວ່າ​ຈົນ​ເຖິງ​ຂະນະ​ນີ້ ກໍ​ຍັຄົງ​ບໍ່​ສາມາດ​ທີ່​ຈະ​ ກໍານົດ​ໄດ້​ວ່າການ​ກໍ່ສ້າງ​ຂົວ​ມິດ​ຕະພາບ​ຂ້າມ​ແມ່ນໍ້າຂອງ ​ແຫ່ງ​ທີ່ 5 ລະຫວ່າງ ​ລາວ-​ໄທ
ເລີ່​ມລົງມື​ກໍ່ສ້າງ​ໃນ​ພາກ​ຕົວ​ຈິງ​ໄດ້​ເມື່ອ​ໃດ ​ເນື່ອງ​ຈາກຈະ​ຕ້ອງລໍຖ້າ​ການ​ອະນຸມັດ​ແຜນ ງົບປະມານ​ລາຍ​ຈ່າຍ​ຈາກ​ລັດຖະສະພາໄທ​ ຢ່າງ​ເປັນ​ທາງ​ການ​ເສຍ​ກ່ອນ.

ທາງດ້ານ​ທ່ານຄໍາ​ບຸນ ດວງ​ປັນຍາ ​ເຈົ້າ​ແຂວງແລະ​ເລຂາ​ພັກແຂວງ​ສາລະ​ວັນ ຖະ​ແຫຼ​ງ ຢືນຢັນ​ວ່າ ​ໄດ້​ສະ​ເໜີ​ແຜນການ​ກໍ່ສ້າງ​ຂົວ​ມິ​ດຕະພາບ​ແຫ່ງ​ທີ່ 6 ​ເພື່ອ​ເຊື່ອມ​ຕໍ່​ລະຫວ່າງ​
ແຂວງ​ສາລະ​ວັນ ກັບ​ຈັງຫວັດ​ອຸບົນ​ລາດຊະ​ທາ​ນີຕໍ່ລັດຖະບານ​ລາວແລະ​ໄທ ​ເພື່ອ​ຂໍ​ໃຫ້ ພິ​ຈາລະ​ນາ​ອະນຸມັດ​ແຜນການ​ດັ່ງກ່າວ​ເມື່ອ​ບໍ່​ດົນ​ມາ​ນີ້ ​ໂດຍ​ຖ້າ​ຫາກ​ວ່າ​ໄດ້​ຮັບ​ການ​
ສະໜັບສະໜຸນຈາກ​ລັດຖະບານ​ຂອງ​ທັງ 2 ປະ​ເທດ​ພາ​ຍ​ໃນ​ປີ 2014 ກໍ​ຈະ​ເຮັດ​ໃຫ້​ສາ ມາດ​ລົງມືກໍ່ສ້າງ​ໄດ້​ໃນ​ປີ 2015 ​ໃຫ້​ສໍາ​ເລັດ​ພາຍ​ໃນ​ປີ 2018.

​ໂດຍ​ຂົວ​ຂ້າມ​ແມ່​ນໍ້າຂອງດັ່ງກ່າວ​ນີ້ ຈະ​ກໍ່ສ້າງ​ຢູ່​ທີ່​ເຂດ​ບ້ານ​ຫົວ​ຕະພານ​ ​ເມືອງລະຄອນ ເພັງ ​ເຊື່ອມ​ຕໍ່​ກັບ​ອໍາ​ເພີ​ປາກ​ແຊງ ຈັງຫວັດ​ອຸບົນ​ລາດຊະ​ທານີ​ຂອງ​ໄທ ຊຶ່ງ​ຈາກ​ການ​ສຶກ
ສາ​ຄວາມ​ເປັນ​ໄປ​ໄດ້​ຂອງ​ແຜນການ​ໃນ​ລະຍະ​ທີ່​ຜ່ານ​ມາ ກໍ​ພົບ​ວ່າການ​ກໍ່​ສ້າງ​ຂົວດັ່ງ ກ່າວ ນີ້​ຈະ​ສົ່ງ​ຜົນ​ດີ​ຕໍ່​ການ​ຄ້າ ການ​ບໍລິການ​ ແລະ​ທ່ອງ​ທ່ຽວ​ ລະຫວ່າງ​ລາວ-​ໄທ ​ແລະ
ຫວຽດນາມ ໃນ​ລະຍະ​ຕໍ່​ໄປ.

Read Full Post | Make a Comment ( 1 so far )

100 ກວ່າອົງການ ຂໍຮ້ອງໄທ ໃຊ້ສິດຍັບຢັ້ງ ການສ້າງເຂື່ອນ ດອນສະຫົງ

Posted on November 24, 2013. Filed under: ເສດຖະກິດ, Lao News |


1

ອົງການ​ອະນຸ​ລັກສິ່ງ​ແວດ​ລ້ອມທໍາ​ມະ​ຊາດ​ໃນ​ລຸ່ມ​ແມ່​ນໍ້າຂອງ 103 ອົງການ ສົ່ງຈົດໝາຍ​ເພື່ອ​ຮຽກຮ້ອງ​ຂໍ​ໃຫ້​ລັດຖະບານ​ໄທ ​ໃຊ້​ສິດ​ຍັບຢັ້ງ​ການ​ສ້າງ​ເຂື່ອນ​ດອນ​ສະ​ຫົງ​ເທິງ​ແມ່​ນໍ້າຂອງ​ໃນ​ ລາວ.

ອົງການ​ອະນຸລັກ​ສິ່ງ​ແວດ​ລ້ອມ ທໍາ​ມະ​ຊາດ​ໃນ​ລຸ່ມ​ແມ່​ນໍ້າຂອງ 103 ອົງການ​ໃນ​ປະ​ເທດໄທ ​ໄດ້​ຮ່ວມ​ກັນ​ສົ່ງ​ຈົດ​ໝາຍ​ເຖິງ​ທ່ານ ວິ​ເສດ ກະ​ເສມທອງ​ສີ ລັດຖະມົນຕີ​ວ່າການ​ກະຊວງ​ຊັບພະຍາກອນ​ທໍາ​ມະ​ຊາດ ​ແລະ​ສິ່ງ​ແວດ​ລ້ອມ​ ຂອງ​ໄທ ​ໃນ​ວັນ​ທີ 18 ພະ​ຈິກ ທີ່​ຜ່ານ​ມາ​ນີ້ ​ເພື່ອ​ຮຽກຮ້ອງ​ຂໍ​ໃຫ້ໃຊ້​ສິດ​ໃນ​ຖານະ​ຜູ້​ແທນ​ຂອງ​ລັດ ຖະບານ​ໄທ​ໃນ​ຄະນະ​ກໍາມາ​ທິການ​ແມ່​ນໍ້າຂອງ ຫຼື MRC ​ເພື່ອ​ຍັບ​ຢັ້ງ ​ໂຄງ​ການ​ກໍ່ສ້າງ​ເຂື່ອນ​ດອນ​ສະຫົງໃນ​ເຂດ​ສີ​ພັນ​ດອນ​ຂອງ​ລາວ​ຢ່າງ​ຮີບ​ດ່ວນ​ທີ່​ສຸດ. ທັງ​ນີ້​ໂດຍ​ບັນດາ​ອົງການ​ອະນຸລັກ ​ໄດ້​ໃຫ້​ເຫດຜົນ​ວ່າການ​ກໍ່ສ້າງ​ເຂື່ອນ​ດອນ​ສະ​ຫົງ​ຈະ​ສົ່ງ​ຜົນ​ກະທົບ​ຕໍ່​ການ​ປະມົງ​ໃນ​ເຂດ​ຕອນ​ລຸ່ມ​ຂອງ​ແມ່​ນໍ້າຂອງ​ຢ່າງ​ກວ້າງຂວາງ ​ເນື່ອງ​ຈາກ​ວ່າ​ເຂື່ອນ​ຈະ​ປິດ​ຮູ​ນໍ້າ​ສະ​ຫົງ ອັນເປັນ​ເສັ້ນທາງ​ສັນຈອນ​ໄປ-ມາ​ທີ່​ສໍາຄັນ​ທີ່​ສຸດ​ຂອງ​ປາ ລະຫວ່າງ​ເຂດ​ສີ​ພັນ​ດອນຂອງ​ລາວ ກັບ​ທະ​ເລ​ສາບ​ໃຫຍ່​ໃນ​ພາກ​ເໜືອ​ຂອງ​ກໍາປູ ​ເຈຍ ທີ່​ຖື​ເປັນແຫຼ່ງປະມົງ​ນໍ້າ​ຈືດ ທີ່​ມີ​ຂະໜາດ​ໃຫຍ່​ທີ່​ສຸດ​ໃນ​ໂລກ. ຍິ່ງ​ໄປ​ກວ່າ​ນັ້ນ ການສ້າງ​ເຂື່ອນ​ດອນ​ສະ​ຫົງ ກໍ​ຍັງ​ຈະ​ທໍາລາຍ​ອາຊີບ​ປະ​ມົງ ແລະ​ກະ​ເສດ ຕະກໍາ​ຂອງ​ປະຊາຊົນ​ທັງ​ໃນ​ລາວ ກໍາປູ​ເຈຍ ​ແລະ​ຫວຽດນາມ ທີ່​ຈະ​ສົ່ງ​ຜົນ​ກະທົບ​ຕໍ່​ເນື່ອງ​ເຖິງ​ຄວາມ​ໝັ້ນຄົງ​ດ້ານ​ສະບຽງ​ອາຫານ​ຂອງ​ປະຊາຊົນ ຫຼາຍ​ສິບ​ລ້ານ​ຄົນ​ອີກ​ດ້ວຍ ເພາະສະ​ນັ້ນ ຈຶ່ງ​ມີ​ຄວາມ​ຈໍາ​ເປັນ​ຢ່າງ​ຍິ່ງ​ທີ່​ລັດຖະບານ​ໄທ​ຈະຕ້ອງ​ໃຊ້​ສິດ​ຍັບ​ຢັ້ງ​ດັ່ງກ່າວ ລວມທັງ​ຈະ​ຕ້ອງ​ກົດ​ດັນ​ ລັດຖະບານ​ລາວ​ ​ເພື່ອ​ໃຫ້​ນໍາ​ເອົາ​ໂຄງການ​ ເຂື່ອນ​ດອນ​ສະ​ຫົງ ​ເຂົ້າ​ສູ່​ກະບວນ​ການ​ປຶກສາ​ຫາລື​ໃນ MRC ດ້ວຍ ​ເນື່ອງ​ຈາກ​ວ່າ ​ໃນ​ໄລຍະ​ທີ່​ຜ່ານ​ມາ ລັດຖະບານ​ລາວ​ ​ໄດ້​ດໍາ​ເນີນ​ການພຽງ​ແຕ່​ແຈ້ງ​ໃຫ້ປະ​ເທດສະມາຊິກ MRC ດ້ວຍ​ກັນໄດ້ຮັບ​ຊາບ​ເທົ່າ​ນັ້ນ.
2

ປະຊາຊົນ ກໍາລັງຫາປາ ຢູ່ຕາມແມ່ນໍ້າຂອງ

ກ່ອນ​ໜ້າ​ນີ້ 19 ອົງການ​ພັນທະ​ມິດ ​ເພື່ອ​ປົກ​ປ້ອງ​ແມ່​ນໍ້າຂອງ ຫຼື Save the Mekong River ກໍ​ໄດ້​ຮ່ວມ​ກັນ​ສົ່ງ​ຈົດໝາຍ​ເຖິງ​ນາ ຍົກລັດຖະມົນຕີລາວ ​ໄທ ກໍາປູ​ເຈຍ ລະ​ຫວຽດ ນາມ ​ເພື່ອ​ຮຽກ ຮ້ອງ​ຂໍ​ໃຫ້​ຍົກ​ເລີກ​ໂຄງການ​ເຂື່ອນ​ດອນ​ສະ​ຫົງ​ທີ່​ຈະ​ກໍ່ສ້າງ​ເທິງ ​ແນວ​ແມ່​ນໍ້າຂອງໃນແຂວງ​ຈໍາປາ​ສັກຂອງ​ລາວ ​ເມື່ອ​ວັນ​ທີ 1 ພະ ຈິກ​ທີ່​ຜ່ານ​ມາ ​ໂດຍໄດ້​ໃຫ້​ເຫດ ຜົນ​ຢ່າງ​ດຽວ​ກັນ​ນີ້. ​ ແຕ່​ຢ່າງ​ໃດ​ກໍ​ຕາມ ທ່ານ ວີລະ​ພົນ ວີລະ​ວົງ ລັດຖະມົນຕີ​ຊ່ວຍ​ວ່າ ການ​ກະຊວງ​ພະລັງງານ ​ແລະ​ບໍ່​ແຮ່ ກໍ​ໄດ້​ໃຫ້ການ​ຢືນຢັນ​ ກັບ VOA ວ່າ ​ໂຄງການ​ເຂື່ອນ​ ດອນ​ສະ​ຫົງ ​ໄດ້​ຜ່ານ​ການ​ສຶກສາ​ ອອກ​ແບບ​ກໍ່ສ້າງ​ຢ່າງໄດ້​ມາດຕະຖານ​ສາກົນ​ໃນ​ທຸກ​ດ້ານ​ແລ້ວ ຈຶ່ງ​ເຊື່ອ​ໝັ້ນ​ວ່າ​ເຂື່ອນ ດອນ​ສະ​ຫົງ​ຈະ​ບໍ່​ສົ່ງ​ຜົນ​ກະທົບ​ຕໍ່​ສິ່ງ​ແວດ​ລ້ອມໃນ​ເຂດ​ຕອນ​ລຸ່ມ​ຢ່າງແນ່ ນອນ ດັ່ງ​ທີ່​ທ່ານ​ໄດ້​ໃຫ້ການ​ຊີ້​ແຈງ​ວ່າ:

3

ທ່ານ ວີລະ​ພົນ ວີລະ​ວົງ ລມຕ ຊ່ວຍ​ວ່າການ​ກະຊວງ​ພະລັງງານ ​ແລະ​ບໍ່​ແຮ່

“ດອນ​ສະ​ຫົງ​ນີ້ ​ໃຊ້​ແຕ່​ຮູ​ນໍ້າ​ຮູ​ດຽວ​ນ້ອຍໆ ມີ​ແຕ່ 15% ຂອງ​ໝົດ​ນໍ້າຂອງ​ໄຫຼ​ບໍ່​ແມ່ນ​ໃຊ້ 100% ຄື​ ໄຊ​ຍະ​ບຸລີ ສະ​ນັ້ນ ການ​ຕັນ​ນໍ້າ​ບໍ່​ມີ​ຜົນ​ກະທົບ​ຫຍັງ​ໝົດ​ເລີຍ ​ແລ້ວ ກະ​ຕາມຕົວ​ເລກ​ທີ່​ຈື່​ໄດ້​ນີ້ ຂີ້​ດິນ​ຕະກອນໃນ​ປີ​ນຶ່ງ​ຜ່ານ​ ເຂດ​ໃຕ້​ລົງ​ໄປ​ ຮອດ​ແມ່​ຂອງ​ເດລຕ້າ ມັນ​ຮອດ 160 ກວ່າ​ລ້ານ​ໂຕນ ​ແຕ່​ຢູ່​ດອນ​ສະ​ຫົງ​ໃນ 29 ປີ​ນີ້​ເຂົາ​ຄິດ​ ເບິ່ງ​ຂີ້ດິນ​ສິ deposit ບໍ່​ຮອດ 5 ລ້ານ ​ແລ້ວ​ກໍ​ບໍ່​ໄດ້​ກັກ​ ນໍ້າ ​ໄດ້​ເອົາ​ນໍ້າມາ​ເທົ່າ​ໃດ​ກໍ​ໄປ​ເທົ່າ​ນັ້ນ.” ຍິ່ງ​ໄປ​ກວ່າ​ນັ້ນ ທ່ານ ວີລະ​ພົນ ຍັງ​ໄດ້​ໃຫ້ການ​ຢືນຢັນ​ດັ່ງກ່າວ​ ກັບ​ຄະນະ​ຜູ້ຕາງໜ້າ​ຂອງ ລັດຖະບານ​ໄທ ​ແລະ​ຫວຽດນາມ ທີ່​ເຂົ້າຮ່ວມ​ ໃນ​ກອງະ​ຊຸມ​ລັດຖະມົນຕີ​ ດ້ານ​ພະລັງງານ ຂອງ​ອາ​ຊ່ຽນ ຄັ້ງ​ທີ່ 31 ຢູ່​ບາ​ຫຼີ ປະ​ເທດ​ອິນໂດ​ເນ​ເຊຍ ​ໃນ​ຕົ້ນ​ເດືອນ​ຕຸລາ​ທີ່​ຜ່ານ​ມາ​ອີກ ດ້ວຍ. ທາງ​ດ້ານ​ບໍລິສັດ Mega First Corporation Berhad ຈາກ​ມາ​ເລ​ເຊຍ ຜູ້​ລົງທຶນ​ໃນ​ໂຄງການ​ ກໍ​ໄດ້​ຖະ​ແຫຼ​ງຢືນຢັນ​ວ່າ ​ໄດ້​ທໍາ​ການ​ສຶກສາ​ ເພື່ອ​ປ້ອງ​ກັນ​ຜົນ​ກະທົບ​ ຕໍ່​ສິ່ງ ​ແວດ​ລ້ອມ​ທໍາ​ມະ​ຊາດ​ຢ່າງຮອບດ້ານ​ແລ້ວ ຈຶ່ງ​ເຮັດ​ໃຫ້​ບໍລິສັດ​ໄດ້​ຕັດສິນ​ໃຈ​ລົງທຶນ​ເຖິງ 600 ລ້ານ​ໂດ​ລ່າ ​ເພື່ອ​ດໍາ​ເນີນ​ການ​ກໍ່ສ້າງ​ເຂື່ອນ​ດອນ​ສະ​ຫົງ​ຂະໜາດ 260 MW ​ໃຫ້​ ສໍາ​ເລັດ​ພາຍ​ໃນ​ປີ 2016 ຕໍ່​ໄປ.

Read Full Post | Make a Comment ( None so far )

ລາວ ຈະຍົກເວັ້ນ ພາສີ ໃຫ້ແກ່ ​ວິ​ສາ​ຫະກິດ​ ຂະໜາດ​ນ້ອຍ ​ແລະ​ກາງ​

Posted on November 24, 2013. Filed under: ເສດຖະກິດ, Lao News |


B8BCE093-67D6-4542-A52B-E644E6AEF8D2_w640_r1_s

ກະຊວງ​ອຸດສາຫະກໍາ ​ແລະ​ການ​ຄ້າ ຈະ​ໃຫ້ການ​ສົ່ງ​ເສີມ​ວິ​ສາ ​ຫະກິດ​ຂະໜາດ​ນ້ອຍ ​ແລະ​ຂະໜາດ​ກາງ​ໃນ​ລາວ​ດ້ວຍ​ການ ຍົກ​ເວັ້ນພາສີແລະ​ອາກອນ​ການ​ຄ້າ ​ໂດຍ​ຫວັງ​ຈະ​ເຮັດ​ໃຫ້​ຜູ້​ ປະກອບ​ການ​ມີ​ລາຍ​ໄດ້​ເພີ່ມ​ຂຶ້ນ

ທ່ານ​ນາມ ວີ​ຍະ​ເກດ ລັດຖະມົນຕີວ່າການ​ກະຊວງ​ອຸດສາຫະກໍາ​ແລະ​ການ​ຄ້າ ​ໄດ້ຍອມຮັບ​ວ່າ​ ສາ​ເຫດ​ທີ່​ສໍາຄັນ​ຢາງ​ນຶ່ງ ທີ່​ເຮັດ​ໃຫ້​ບັນດາ​ຜູ້​ປະກອບ​ການ​ຂອງ​ວິ​ສາ​ຫະກິດ​ ຂະໜາດນ້ອຍ ​ ແລະ​ຂະໜາດ​ກາງ​ໃນ​ລາວ ບໍ່​ມີ​ເງິນ​ທຶນ​ເພື່ອ​ນໍາ​ໃຊ້​ໃນ​ການ​ພັດທະນາ​ປັບປຸງກິດຈະການ ​ ໃຫ້​ດີ​ຂຶ້ນ​ໄດ້​ນັ້ນ ກໍ​ຍ້ອນ​ວ່າ ການຈັດ​ເກັບ​ພາສີ​ແລະ​ອາກອນ​ການ​ຄ້າ​ໃນ​ລາວ ບໍ່​ເອື້ອອໍານວຍ ​ ໃຫ້​ຜູ້​ປະກອບການ ມີ​ໂອກາດ​ໄດ້​ເກັບ​ສະ​ສົມ ​ເງິນ​ທຶນ. ຍີ່​ງ​ໄປ​ກວ່າ​ນັ້ນ ການຈັດ​ເກັບ​ພາສີ​ແລະ​ອາກອນ​ການ​ຄ້າ ​ໂດຍ​ປາດ​ສະ​ຈາກ​ການ​ພິດ​ຈາລະ​ນາ​ ເຖິງ​ຄວາມ​ເໝາະ​ສົມ ​ເຊັ່ນ​ການ​ເກັບ​ພາສີ ​ແລະ​ອາກອນ​ການ​ຄ້າ​ຈາກ​ຜູ້​ປະກອບ​ການລາຍ​ ຍ່ອຍ​ນັ້ນ ກໍ​ຍັງ​ໄດ້​ກາຍ​ເປັນສາ​ເຫດສໍາຄັນ ທີ່​ເຮັດ​ໃຫ້​ຜູ້​ປະກອບ​ການ​ລາຍ​ຍ່ອຍ​ໄດ້ພາກັນ ​ຢຸດ​ເຊົາ​ກິດຈະການ​ອີກ​ດ້ວຍ ​ເນື່ອງ​ຈາກວ່າ​ການ​ທີ່​ຕ້ອງ​ເສຍ​ພາສີ ​ແລະ​ອາກອນ​ດັ່ງກ່າວ​ນັ້ນ ບໍ່​ຄຸ້ມ​ຄ່າ​ທີ່​ຈະ​ດໍາ​ເນີນ​ການ​ຕໍ່​ໄປ​ນັ້ນ​ເອງ ດັ່ງ​ທີ່​ທ່ານ​ນາມ ​ໄດ້​ອະທິບາຍ​ວ່າ:
6079AD30-CF84-4C75-8252-F01ECA01EAEA_w268_r1
ທ່ານ​ນາມ ວີ​ຍະ​ເກດ ລມຕ ກະຊວງ​ອຸດສາຫະກໍາ​ແລະ​ການ​ຄ້າ

“ປະຊາຊົນ​ຜະລິດ ​ແລ້ວ​ເຂົາ​ເຈົ້າຊື້​ຂາຍ​ກັນ ກໍ​ຕ້ອງ​ໃຫ້​ ໂອກາດ ຢ່າ​ສິ​ໄປ​ເກັບ​ເຂົາ​ເຈົ້າ ປະຊາຊົນ​ເຂົາ​ຢາກ​ຜະ ລິດ ​ເຂົາ​ເອົາ​ມາ​ວາງ​ຂາຍ​ແຄມ​ທາງ ອັນ​ນີ້ກໍ​ເປັນຄວາມ​ ພະຍາຍາມ​ທີ່​ປະຊາ ຊົນ​ຢາກ​ຂາຍ ​ແຕ່​ບັງເອີນ​ເຈົ້າໜ້າ​ ທີ່ໄປ​ເຫັນ​ແລ້ວ​ກໍເກັບ​ອາກອນ ​ເກັບ​ອີ​ສັງ​ຈາກ​ເຂົາ​ເຈົ້າ ​ ເຂົາ​ຫຼາບ​ເລີຍ ​ເຂົາ​ບໍ່​ມາຂາຍ​ອີກ​ຈັກ​ເທື່ອ ​ແລ້ວ​ທຸກ​ເຂົາ​ ກໍ​ອົດ​ເອົາ ​ເພາະວ່າ​ເຂົາ​ບໍ່​ຮູ້​ວ່າ​ເຮັດ​ແນວ​ນັ້ນ​ແນວ​ນີ້​ຕ້ອງ​ ເສຍ ​ເຂົາ​ບໍ່​ທັນ​ເຂົ້າໃຈ.” ກ່ອນ​ໜ້າ​ນີ້ ກອງ​ທຶນ​ເພື່ອ​ການ​ພັດທະນາ​ວິ​ສາ​ຫະກິດ ຂະໜາດ​ນ້ອຍ ​ແລະ​ຂະໜາດກາງ (SME Fund) ​ໃນ​ລາວ ລາຍ​ງານ​ວ່າ​ວິ​ສາ​ຫະກິດ​ຂະໜາດ​ນ້ອຍ ​ແລະ​ຂະໜາດ​ກາງ ທີ່​ມີ​ຢູ່ ​ຫຼາຍ​ກວ່າ 25,000 ລາຍ​ໃນ​ທົ່ວ​ປະ​ເທດ ​ກໍາລັງ​ຕົກ​ຢູ່ໃນ​ຄວາມ​ສ່ຽງ​ສູງ ທີ່ອາດ​ຈະ​ຕ້ອງຢຸດ​ ເຊົາ​ກິດຈະການ​ໃນ​ທ້າຍ​ປີ 2015 ຖ້າ​ຫາກ​ວ່າ​ບໍ່​ໄດ້​ຮັບການ​ສະໜັບ​ສະ​ໜຸນ​ດ້ານ​ເງິນ​ທຶນ​ ເພື່ອ​ປັບປຸງ​ການ​ບໍລິຫານ​ກິດຈະການ​ຢ່າງ​ພຽງພໍ. ທັງ​ນີ້​ໂດຍສາ​ເຫດ​ສໍາຄັນ​ທີ່​ເຮັດ​ໃຫ້​ບັນດາ​ວິ​ສາ​ຫະກິດ​ຂະໜາດ​ນ້ອຍ ​ແລະ​ ຂະໜາດ​ກາງ​ໃນ​ລາວຕ້ອງ​ຕົກ​ຢູ່​ພາຍ​ໃຕ້​ສະພາບ​ການ​ດັ່ງກ່າວ ກໍ​ຍ້ອນວ່າ ການ​ທີ່​ລາວ​ເປັນ​ສະ ມາຊິກ​ໃນ​ກຸ່ມ​ອາ​ຊ່ຽນ ທີ່​ຈະ​ຕ້ອງ​ປະຕິບັດ​ຕາມ​ຂໍ້​ຕົກລົງ​ວ່າ​ດ້ວຍ​ການ​ຄ້າ​ແລະ​ການ​ລົງ ທຶນ​ຢ່າງ​ເສລີ​ທັງ 10 ປະ​ເທດສະມາຊິກ ນັບ​ແຕ່​ວັນ​ທີ 31 ທັນວາ 2015 ​ເປັນ​ຕົ້ນ​ໄປ​ນັ້ນ ຈະ​ເຮັດ​ໃຫ້​ບັນດາ​ວິ​ສາ​ຫະກິດ ຂະໜາດ​ນ້ອຍ ​ແລະ​ຂະໜາດ​ກາງ​ໃນ​ລາວ​ຕ້ອງ​ປະ​ເຊີນ​ກັບ​ການ​ແຂ່ງຂັນ​ຈາກ​ບັນດາ​ວິ​ສາ​ຫະກິດ​ຂະໜາດ​ດຽວ​ກັນ​ ໃນ​ທົ່ວ​ພູມິ​ພາກ​ອາ​ຊ່ຽນ ຢ່າງ​ຫຼີກ​ຫຼ່ຽງບໍ່​ໄດ້. ​ເພາະສະ​ນັ້ນ ເພື່ອ​ເປັນ​ການ​ປ້ອງ​ກັນ​ບໍ່​ໄດ້​ບັນຫາ​ດັ່ງກ່າວ​ເກີດ​ຂຶ້ນກັບ​ບັນດາ​ວິ​ສາຫະກິດ​ ຂະໜາດ​ນ້ອຍ ​ແລະ​ຂະໜາດ​ກາງ​ໃນ​ລາວ ຈຶ່ງ​ຈໍາ​ເປັນ​ຈະ​ຕ້ອງ​ນໍາ​ໃຊ້​ເງິນ​ທຶນ​ໃນ​ມູນ​ຄ່າ​ລວມ ບໍ່​ໜ້ອຍ​ກວ່າ 3,700 ຕື້​ກີບ ​ເພື່ອ​ການ​ປັບປຸງ​ການ​ບໍລິຫານແລະ​ພັດທະນາ​ຄຸນ​ນະ ພາ​ບການ ຜະລິດ​ສິນຄ້າ​ຂອງ​ວິ​ສາ​ຫະກິດ​ຂະໜາດ​ນ້ອຍ ​ແລະ​ ຂະໜາດ​ກາງ​ໃນ​ລາວ ​ໃຫ້​ໄດ້​ມາດຕະຖານ ຂອງ​ຕະຫຼາດ​ໃນ​ອາ​ຊ່ຽນ ກໍ​ຄື​ຕະຫຼາດ​ສາກົນ​ໃຫ້​ໄດ້​ຢ່າງ​ແທ້​ຈິງ. ຫາກ​ແຕ່ວ່າ​ບັນຫາ​ໃນ​ເວລາ​ນີ້ ກໍ​ຄື​ລັດຖະບານ​ລາວ​ຈະ​ສາມາດ​ໃຫ້ການ​ສະໜັບສະໜຸນ​ເງິນ​ທຶນ ດັ່ງກ່າວ​ໄດ້​ພຽງ 15 ຕື້​ກີບ​ ຫຼື​ບໍ່​ເຖິງ 0.5%​ ຂອງ​ຄວາມ​ຕ້ອງການ​ເງິນ​ທຶນ​ທັງ​ໝົດ​ເທົ່າ​ນັ້ນ ໝາຍ​ຄວາມ​ວ່າ​ເງິນ​ທຶນ​ໃນ​ມູນ​ຄ່າ​ດັ່ງກ່າວ​ນີ້ ສາມາດ​ທີ່​ຈະ​ໃຫ້ການ​ສະໜັບ ສະໜຸນ​ສໍາລັບ​ການ ພັດທະນາ​ປັບປຸງ​ບັນດາ​ວິ​ສາ​ຫະກິດ​ຂະໜາດ​ນ້ອຍ ​ແລະ​ຂະ​ໜາດ​ກາງ​ໃນ​ລາວ ​ໄດ້​ພຽງ​ບໍ່​ເຖິງ 100 ລາຍ ​ເພາະສະ​ນັ້ນ ຖ້າ​ຫາກ​ວ່າ​ລັດຖະບາ​ນລາວ​ຍັງ​ບໍ່​ສາມາດ​ຫາ​ທາງ​ປ້ອງ​ກັນ​ບັນຫາ​ດັ່ງ ກ່າວ​ນີ້​ໄດ້ ກໍ​ຈະ​ເຮັດ​ໃຫ້​ວິ​ສາ​ຫະກິດ​ຂະໜາດ​ນ້ອຍ ​ແລະ​ຂະໜາດ​ກາງ​ສ່ວນ​ໃຫຍ່​ໃນ​ລາວ​ຕ້ອງ ຢຸດ​ເຊົາ​ກິດຈະການ ຫຼື​ລົ້ມ​ລະລາຍ​ໄປ​ຢ່າງ​ຫຼີກ​ຫຼ່ຽງບໍ່​ໄດ້. ​ໂດຍ​ສະ​ພາບ​ການ​ດຽວ​ກັນ​ນີ້ ກໍ​ຍັງສາມາດ​ທີ່​ຈະ​ເກີດ​ຂຶ້ນກັບ​ບັນດາ​ວິ​ສາ​ຫະກິດ​ຂອງ​ລັດ ຖະບານ​ລາວ​ດ້ວຍເຊັ່ນ​ກັນ ທັງ​ນີ້​ກໍ​ເນື່ອງຈາກ​ວ່າ ລັດ​ວິ​ສາ​ຫະກິດ​ທີ່​ມີ​ຢູ່​ແລ້ວ​ຫຼາຍ​ກວ່າ 130 ​ແຫ່ງ​ທົ່ວ​ປະ​ເທດ​ໃນ​ປັດຈຸບັນ​ນີ້ ກໍາລັງ​ຕົກ​ຢູ່​ໃນ​ສະພາບ​ທີ່​ຂາດ​ປະສິດທິພາບ ທັງ​ໃນ​ດ້ານການບໍລິຫານ​ງານ ​ແລະ​ການ​ໃຊ້​ຈ່າຍ​ງົບປະມານ​ຢ່າງ​ຟຸມ​ເຟືອຍ ທີ່​ເປັນ​ຜົນ​ປະ​ໂຫຍ​ດຂອງ​ບັນດາ​ຜູ້ ບໍລິຫານ​ເຊັ່ນ​ລົດຍົນ​ປະ​ຈໍາ​ຕໍາ​ແໜ່​ງ ​ເບ້ຍ​ປະຊຸມ ​ແລະ​ເງິນ​ອຸດໜຸນ​ຕ່າງໆ​ນັ້ນ ກໍ​ຍັງ​ຖື​ເປັນ​ລາຍ ຈ່າຍ​ສູງ​ທີ່​ສຸດ​ຂອງ​ບັນດາ​ລັດ​ວິ​ສາ​ຫະກິດ​ໃນ​ລາວ​ອີກ​ດ້ວຍ. ທັງ​ນີ້ ​ໂດຍ​ການ​ເປັນ​ປະ​ເທດສະມາ​ຊິກ​ຂອງ​ອາ​ຊ່ຽນ ​ໄດ້​ເປັນ​ຜົນ​ໃຫ້​ລາວ​ຈະ​ຕ້ອງ​ປັບ​ລົດ​ພາສີ​ການ​ຄ້າ​ໃຫ້​ເປັນ 0% ​ໃຫ້​ໄດ້​ຢ່າງຄົບ​ຖ້ວນ ​ໃນ​ທຸກ​ລາຍການ​ສິນຄ້າ ​ແລະ​ບໍລິ ການ​ພາຍ​ໃນ​ປີ 2018 ​ໂດຍ​ນັບ​ແຕ່​ປີ 2012 ​ເປັນຕົ້ນ​ມາ ລັດຖະບານ​ລາ​ວກໍ​ໄດ້​ປັບ​ລົດ​ພາສີ​ລົງ​ໃຫ້​ຢູ່​ໃນ​ອັດຕາ​ບໍ່​ເກີນ 5% ​ແລ້ວ ​ໃນ 9,110 ລາຍ​ການ​ສິນຄ້າ ຫຼື​ຄິດ​ເປັນ 95.31% ຂອງ​ລາຍ​ງານ​ສິນຄ້າ ​ແລະ​ບໍລິການ​ທັງ​ໝົດ.

Read Full Post | Make a Comment ( None so far )

ລັດຖະບານລາວ ພິຈາລະນາວາງ ລະບຽບຄວບຄຸມ ສື່ອອນລາຍ (Facebook)

Posted on November 2, 2013. Filed under: Lao News |


6
ລັດຖະບານລາວ ກຽມຈະໃຊ້ກົດຫມາຍຄວບຄຸມສື່ອອນລາຍ ເພື່ອສ້າງຄວາມແນ່ໃຈຕໍ່ຜູ້ຊົມໃຊ້ internet ໃນທາງທີ່ຖືກຕ້ອງ. ຫົວຫນ້າສູນບໍລິຫານລັດແບບອີເລັກໂຕນິກ, ກະຊວງໄປສະນີ ແລະ ໂທລະຄົມ,ທ່ານ ພອນປະສິດ ພິດສະໄຫມໄດ້ຖະແຫລງຕໍ່ວຽງຈັນທາມ ໃນມື້ວັນຄານທີ່ຜ່ານມາ ວ່າ ພວກເຮົາຈະໃຫ້ ເຈົ້າຫນ້າທີ່ກວດກາຂໍ້ມູນ ແລະ ຮູບຖ່າຍທີ່ບໍ່ເຫມາະສົມ ແລະ ບໍ່ຖືກຕ້ອງ, ເຊິ່ງຄາດວ່າຈະບັງຄັບໃຊ້ໃນປີນີ້. ຖ້າພວກເຮົາພົບເຫັນຂໍ້ມູນທີ່ ຫລື ຮູບພາບທີ່ບໍ່ເຫມາະສົມຜູ່ກ່ຽວຈະຖືກຕັກເຕືອນ ແລະ ຖ້າ ມີກໍລະນີທີ່ຮ້າຍແຮງ ຜູ້ກ່ຽວຈະຖືກລົງໂທດ. ການອອກລະບຽບນີ້ແມ່ນເກີດຈາກການ ແບ່ງບັນຂໍ້ມູນທີ່ບໍ່ັຖືກຕ້ອງ ແລະ ຊັກນຳໄປທາງທີ່ຜິດຜ່ານສື່ອອນລາຍທີ່ມີການເພີ່ມຂື້ນໃນປະເທດເຮົາ, ໂດຍສະເພາະແມ່ນ ເວບໄຊ Facebook ໄດ້ສ້າງຄວາມແຕກຕື່ນຂອງເຫດການ ເຄື່ອງບິນຕົກໃນອາທິດທີ່ຜ່ານມາ. ຈຳນວນໂຕເລກຜູ້ໃຊ້ Facebook ໃນລາວແມ່ນມີການເພີ່ມຂື້ນຢ່າງໄວວາໃນປີນີ້. ຈາກໂຕເລກຜູ້ໃຊ້ພຽງແຕ່ 60,000 ໃນປີ 2011ກາຍເປັນ 190,000 ໃນປີ 2012 ແລະ ອາດເກຶອບເພີ່ມເປັນ 2 ເທົ່າ ແລະ ຈະເປັນ 400,000 ຄົນໃນປີນີ້ ໂຕເລກຂອງຜູ້ໃຊ້ internet ໃນລາວມີ 500,000ເຖິງ 600,000 ຄົນ. ທ່ານ ພອນປະສິດ ບອກວ່າບໍ່ລັດຖະບານບໍ່ໄດ້ປິດສື່ດັ່ງກ່າວ ລວມທັງ Facebook. ເພາະພວກເຮົາຮູ້ວ່າ ສື່ອອນລາຍມີປະໂຫຍດ, ມັນໄດ້ຊ່ອຍເຮົາໄດ້ຮັບ ແລະ ແຈກຈ່າຍ ຂໍ້ມູນທີ່ທ່ວງທັນເຫດການ. ທາງກະຊວງແມ່ນໄດ້ເບີ່ງຕົວຢ່າງຈາກປະສົບການຂອງປະເທດອື່ນໆ ເພື່ອມາປັບໃຊ້ໃນການຄວບຄຸມສື່ອອນລາຍໃນລາວ, ເປັນຕົ້ນແມ່ນເບີ່ງຈາກ ປະເທດເພື່ອນບ້ານ: ຫວຽດນາມ ແລະ ຈີນ. ທ່ານ ສົມພອນໄດ້ກ່າວອີກວ່າ, ທາງກະຊວງຈະຫາການຮ່ວມມືນຳຜູ້ສະຫນອງການບໍລິການ internet ຕື່ມ ເພື່ອການມາບໍລິຫານສື່ອອນລາຍ. ຮອງໂຄສົກລັດຖະບານ ທ່ານ ເພັດສະຫມອນ ຫລວງອະໄພ ໄດ້ປືກສາຫາລືດ່ວນຕໍ່ສື່ມວນຊົນໃນອຸບັດຕິເຫດດັ່ງກ່າວ ເພື່ອເຕືອນໄຫ້ ປະຊາຊົນມີຄວາມລະມັດລະວັງໃນລາຍລະອຽດ ແລະ ຄວາມຖຶກຕ້ອງ ກ່ອນນຳຂໍ້ມູນມາເຜີຍແຜ່ຢູ່ Facebook. ບາງປະເທດໃນຂົງເຂດ ໄດ້ປິດການໃຊ້ Facebook ແລະ ຫລາຍໆສື່ອອນລາຍ ເຖິງແມ່ນວ່າ ປະຊາຊົນສາມາດໃຊ້ເວັບທີ່ຖືກຫາມໂດຍຜ່ານ proxy server.

ຂໍ້ມູນດີດີຈາກ worklivelaos.com

Read Full Post | Make a Comment ( None so far )

ພົບແລ້ວ ກ່ອງດຳບັນທຶກ ຂໍ້ມູນຂອງເຮືອບິນ ATR-72

Posted on November 2, 2013. Filed under: Lao News |


4

ຕາມ​ການ​ລາຍ​ງານ​ຂອງ​ນັກ​ຂ່າວ​ປະຈຳ​ແຂວງ​ຈຳປາ​ສັກ ​ໃຫ້​ຮູ້​ວ່າ: ທີ​ມກູ້​ຊາກ​ເຮືອບິນ ATR72-600 ຂອງການບິນ​ລາວ​ທີ່​ເກີດ​ອຸປະຕິ​ເຫດ​ຕົກລົງ​ນ້ຳຂອງ ​ເມື່ອ​ວັນ​ທີ 16 ຕຸລາ​ຜ່ານ​ມາ ​ໄດ້​ຄົ້ນພົບ​ກ່ອງ​ດຳ ​ແລະ ນຳ​ຂຶ້ນມາ​ຈາກ​ພື້ນນ້ຳຂອງ​ໃນ​ເວ ລາ​ປະ ມານ 9:40 ​ໂມງ ຂອງ​ວັນ​ທີ 31 ຕຸລາ​ແລ້ວນີ້ ​ເຊິ່ງຢູ່​ຫ່າງ​ຈາກ​ຈຸດ​ເກີດ​ເຫດ​ປະມານ 900 ກວ່າ​ແມັດ ​ເຊິ່ງ​ແມ່ນ​ກ່ອງ​ບັນທຶກ​ຂໍ້​ມູນ​ຂອງ​ເຮືອບິນ, ສ່ວນ​ກ່ອງ​ດຳ​ບັນທຶກ​ສຽງ​ແມ່ນ​ຈະ​ເອົາ​ຂຶ້ນ​ໃຫ້​ສຳ​ເລັດ​ໃນ​ມື້ດຽວ​ກັນ ​ເພື່ອ​ຈະ​ໄດ້​ນຳ​ກ່ອງ​ດຳ​ທັງ​ສອງ​ໄປ​ກວດ​ສອບ​ພິສູດ​ຫາ​ສາ​ເຫດ​ຂອງ​​ເຮືອບິນ​ຕົກ​ໃນ​ເທື່ອ​ນີ້.

ປັດຈຸບັນ ສາມາດ​ຄົ້ນພົບ​ຜູ້​ເສຍ​ຊີວິດ​ແລ້ວ 47 ສົບ ​ແລະ 33 ຊິ້ນສ່ວນ ​ໂດຍ​ໄດ້​ເກັບ​ຕົວຢ່າງ​ສົ່ງ​ໄປ​ສັນ​ລະ​ສູດ, ​ໃນ​ນັ້ນ ສາມາດ​ສັນ​ລະ​ສູດ​ບຸກຄົນ ​ແລະ ຢັ້ງຢືນ​ໄດ້​ແລ້ວ 43 ກໍລະນີ, ມີ 42 ສົບ ​ແລະ 1 ຊິ້ນສ່ວນ ​ແລະ ຍັງ​ອີກ 6 ສົບ ​ແລະ 31 ຊິ້ນສ່ວນ ທີ່​ພວມ​ຢູ່​ໃນ​ຂັ້ນຕອນ​ສັນ​ລະ​ສູດ, ​ໃນ​ນັ້ນ ມີ​ສັນຊາດ​ລາວ 2 ສົບ, ຝຣັ່ງ 3 ສົບ ​ແລະ ອົດ​ສະຕຣາລີ 1 ສົບ.

ຂໍ້ມູນດີດີຈາກ ໜັງສືພິມລາຍວັນ ລາວພັດທະນາ

Read Full Post | Make a Comment ( None so far )

ສະພາບເງິນເຟີ້ໃນລາວສູງຂຶ້ນ

Posted on October 19, 2013. Filed under: Lao News |


edc2dd24-56af-4a2f-866b-abd9993bd290

ສະພາບເງິນເຟີ້ຢູ່ລາວ ນັບມື້ສູງຂຶ້ນ ຣາຄາສິ່ງຂອງ ກໍເພີ້ມຣາຄາແພງຂຶ້ນ ໃນເດືອນກັນຍາ ຜ່ານມາ.

ະພາບເງິນເຟີ້ ຣາຄາສິ່ງຂອງແພງໃນລາວເພີ້ມຂຶ້ນເລື້ອຍໆ ມີຜົນສະທ້ອນຕໍ່ຊີວິດການເປັນຢູ່ ຂອງປະຊາຊົນທໍາມະດາສາມັນ, ຄືວ່າອັຕຣາ ເງິນເຟີ້ໄດ້ຖີບສູງຂື້ນຈາກ 6.83% ໃນເດືອນສິງຫາ ຂຶ້ນເປັນ 6.87% ໃນເດືອນກັນຍາ. ຕາມລາຍ ງານໜັງສືພິມທາງການທີ່ອ້າງຕາມລາຍ ງານຂອງຫ້ອງການສະຖິຕິແຫ່ງຊາຕໃນອາທິດນີ້.

ນັກເສຖສາຕມີຄວາມເປັນຫ່ວງຢ້ານວ່າ ການເພີ້ມຂຶ້ນຂອງອັຕຣາເງິນເຟີ້ ຈະໄປລື່ນກາຍການເຕີບໃຫ່ຽ ຂອງຜົນຜລິດລວມຍອດເສຖກິດຂອງ ຊາຕ ຫລື GDP. ທະນາຄານໂລກພັຍກອນວ່າ ການເຕີບໃຫ່ຽເສຖກິດໃນລາວໃນປີ 2013 ນີ້ຈະເປັນ 8% ແລະໃນປີ 2014 ຈະຫລຸດລົງ ເປັນ 7.7% ແຕ່ວ່າໃນປີ 2015 ຈະເພີ້ມຂຶ້ນເປັນ 8.1% ອັຕຣາເງິນເຟີ້ທີ່ສູງທີ່ສຸດໃນປີ 2013 ນີ້ແມ່ນ 7.43% ໃນເດືອນກໍຣະກະດາ ແລະ ຕໍ່າທີ່ສຸດແມ່ນ 5.45% ໃນເດືອນເມສາ.

ລາຍງານວ່າອັຕຣາເງິນເຟີ້ໃນ ສປປລາວ ແມ່ນນຶ່ງໃນຈໍານວນທີ່ສູງທີ່ສຸດ ໃນກຸ່ມປະເທດອາຊຽນຍ້ອນວ່າ ການນໍາເຂົ້າສິນຄ້າຂອງລາວມີສູງ. ລາຍງານຂອງຣັຖບານເມື່ອບໍ່ດົນມານີ້ວ່າ ໃນ 6 ເດືອນສົກປີ 2012-2013 ມູນຄ່າ ການນໍາເຂົ້າສິນຄ້າຂອງລາວມີເຖິງ 1,160 ລ້ານໂດລາ ທຽບກັບມູນຄ່າ ການສົ່ງອອກສິນຄ້າ $880 ລ້ານໂດລາ.

from:rfa.org

Read Full Post | Make a Comment ( None so far )

ໜ່ວຍກູ້ພັຍຍັງຊອກຫາສົບຈາກ ຍົນຕົກ ຢູ່ປາກເຊ

Posted on October 19, 2013. Filed under: Lao News |


7095583b-5bb0-48c2-9ae9-454ea72de36a

ຊາກສົບຂອງຜູ້ໂດຍສານ ໃນຍົນ ATR72 ຖ້ຽວບິນ QV301 ທີ່ໜ່ວຍກູ້ພັຍ ນໍາຂຶ້ນຝັ່ງຈາກແມ່ນໍ້າຂອງ ເຂດເມືອງປາກເຊ, ໃນວັນທີ 18 ຕຸລາ 2013 ແລະ ໜ່ວຍກູ້ພັຍແຈ້ງວ່າໄດ້ພົບ 17 ຊາກສົບແລ້ວ ທີ່ເກັບກູ້ມາໄດ້.

ເຈົ້າໜ້າທີ່ຫ້ອງການພົວພັນຕ່າງປະເທດແຂວງຈໍາປາສັກແຈ້ງໃນວັນທີ່ 17 ຕຸລາ ວ່າການຊອກຫາສົບຜູ້ເສັຽຊີວິດ 49 ຄົນ ຈາກອຸປະຕິເຫຕ ຍົນໂດຍສານລາວແອລາຍຖ້ຽວບິນ ວຽງຈັນ-ປາກເຊ QV301 ຕົກລົງນໍ້າຂອງ ເມື່ອວັນພຸດ ວັນທີ່ 16 ຕຸລານີ້ ຍັງດໍາເນີນຢູ່ຕໍ່ໄປ. ທ່ານວ່າ ເຈົ້າໜ້າທີ່ແຂວງຈໍາປາສັກ ແລະປະຊາຊົນເມືອງປາກເຊ ກໍາລັງຊ່ວຍກັນຊອກຫາສົບ ຜູ້ຕາຍຢູ່ໃນນໍ້າຂອງ ແລະໄດ້ປ່າວເຕືອນປະຊາຊົນ ທີ່ ອາສັຍຢູ່ຕາມແຄມແມ່ນໍ້າ ຂອງ ຊ່ວຍເປັນຫູເປັນຕາ ຖ້າເຫັນສົບຜູ້ຕາຍ ແລ້ວໃຫ້ແຈ້ງເຈົ້າໜ້າທີ່ ໃນທັນທີ:

“ຍັງບໍ່ທັນຮູ້ລະອຽດວ່າສີ່ໄດ້ຄືນຈັກສົບຫັ້ນນະ ສົບທີ່ພົບແລ້ວເພິ່ນເອົາໄວ້ຢູ່ວັດຈີນ ຢູ່ປາກເຊນີ້ ໄປເບິ່ງແລ້ວ ພາກົງສູນໄທເຮົາກັບ ສະຖານ ທູດອະເມຣິກາໄປເບິ່ງແລ້ວ ມີ 3 ສົບ ຄົນຝຣັ່ງ 1 ສົບ ແລະຄົນລາວ ແລະຜູ້ນຶ່ງບໍ່ຮູ້ ເພາະວ່າມັນ ຂາດເຄິ່ງ ບໍ່ຮູ້ວ່າຜູ້ຍິງ ຫລືຜູ້ຊາຍບໍ່ ທັນຊາບ”.

ທ່ານວ່າ ບາງສົບທີ່ພົບເຫັນລ້າສຸດນີ້ ພົບເຫັນຢູ່ເຂດເມືອງຈໍາປາສັກ ຫ່າງຈາກເຂດທີ່ ຍົນຕົກປະມານ 20 ກິໂລແມັດ. ໜັງສືພິມ ຜູ້ຈັດການ ລາຍງານວ່າ ທ່ານ ສົມມາຕ ພົນເສນາ ຣັຖມົນຕຣີ ກະຊວງໂຍທາທິການແລະຂົນສົ່ງ ໄດ້ນໍາເຈົ້າໜ້າທີ່ ຈາກຝັ່ງໄທ ພ້ອມກັບອຸປກອນ ມາ ຊ່ວຍຊອກຫາສົບຜູ້ເສັຽຊີວິດ. ທາງການລາວວ່າ ຝ່າຍໄທໄດ້ສົ່ງນັກດໍານໍ້າ 50 ຄົນໄປຊ່ວຍ. ການຊອກຫາສົບປະສົບກັບ ຄວາມຫຍຸ້ງຍາກ ເພາະນໍ້າຂອງໄຫລແຮງ. ລາຍງານລ້າສຸດ ໃນຕອນແລງຂອງວັນທີ່ 17 ຕາມເວລາທ້ອງຖິ່ນວ່າ ໄດ້ພົບສົບແລ້ວ 13 ສົບ ແລະຢືນຢັນວ່າ ຜູ້ເສັຽຊີວິດ ທັງໝົດມີທັງໝົດ 49 ຄົນ ໃນນັ້ນຜູ້ໂດຍສານ 44 ຄົນ ແລະເຈົ້າໜ້າທີ່ປະຈໍາເຄື່ອງບິນ 5 ຄົນ. ຜູ້ໂດຍສານຄົນລາວ 16 ຄົນ ຜູ້ໂດຍສານຊາວຝຣັ່ງ 7 ຄົນ, ອອສເຕຣເລັຍ 6 ຄົນ, ໄທ 5 ຄົນ, ເກົາຫລີ 3 ຄົນ, ວຽດນາມ 2 ຄົນ ແລະຈາກຈີນໃຕ້ຫວັນ ການາດາ ແລະມາເລເຊັຍ ປະເທດລະ 1 ຄົນ.

ສໍາລັບສາເຫດຂອງຍົນຕົກນັ້ນ ທາງການລາວຍັງບໍ່ສາມາດບອກໄດ້ຢ່າງຊັດແຈ້ງ ເພາະວ່າຍັງສືບສວນຢູ່, ແຕ່ໜັງສືພິມ The Nation ໄທ ລາຍງານໂດຍອີງໃສ່ ແຫ່ລງຂ່າວທີ່ເຊື່ອຖືໄດ້ວ່າ ຕອນທີ່ຍົນກໍາລັງຈະລົງເດີ່ນນັ້ນ ທາງຫໍບັງຄັບ ການບິນປາກເຊໄດ້ສື່ສານໄປຍັງຄົນຂັບຍົນ ວ່າຫ້າມລົງເດັດຂາດ ຍ້ອນມີລົມພາຍຸນາຣີພັດແຮງ ເພາະຢ້ານຈະເກີດອັນຕຣາຍ, ແຕ່ຄົນຂັບຍົນຢືນຍັນວ່າຈະເອົາຍົນລົງຈອດໃຫ້ໄດ້. ຍົນທີ່ ຕົກລົງນໍ້າຂອງນັ້ນຫັກເປັນສອງທ່ອນ.

from:rfa.org

Read Full Post | Make a Comment ( None so far )

ເກີດເຫດ…!!! ກະທຳຊຳເລົາເດັກ ພຽງ 3 ປີ (ຫລານຕົນເອງແທ້ໆ)

Posted on October 18, 2013. Filed under: Lao News |


khomkuen-150x150

ເຈົ້າໜ້າທີ່​ກອງ​ຄະດີ​ອາຍາ ປກສ ​ເມືອງ ສີ​ສັດຕະ​ນາກ ​ໄດ້​ເປີດ​ການ​ສືບ ສວນ-ສອບ​ສວນຄະດີ ທ້າວ ຈັນ​ເພັງ ອາຍຸ 30 ປີ ກຳມະກອນ ຢູ່​ບ້ານ ສ້າງ​ເຫວີຍ ​ເມືອງ ສີ​ສັດຕະ​ນາກ ນະຄອນຫຼວງວຽງຈັນ ໃນ​ວັນ​ທີ 1 ຕຸລານີ້ ຫຼັງຜູ້ກ່ຽວກໍ່ຄະດີ​ທຳ​ສຳ​ເລົາຫຼານຂອງ​ຕົນອາຍຸ 3 ປີ.

ຢູ່​ກອງ​ຄະດີ ເມືອງ ສີ​ສັດຕະ​ນາກ,​ ເຈົ້າໜ້າທີ່ສືບສວນ- ສອບ​ ສວນ ໄດ້ເອົາ​ຄຳ​ໃຫ້ການ​ຈາກ​ຜູ້​ເສຍ​ຫາຍພ້ອມ​ທັງ​ຜົນ​ຢັ້ງຢືນ​ຈາກ​ແພດ​ເພື່ອ​ເປັນຫຼັກຖານ​ດຳ​ເນີນ​ຄະດີ ທ້າວ ຈັນ​ເພັງ ​ໃນ​ຂໍ້​ຫາ​ທຳ​ສຳ​ເລົາ​ເດັກ ​ແລະ ​ຜູ້ກ່ຽວ ​ໃຫ້ການ​ຮັບ​ສາລະພາບ​ວ່າ: ພາຍຫຼັງ​ພົ້ນ​ໂທດ​ຈຳ​ຄຸກ​ເປັນ​ເວລາ 1 ປີ 9 ເດືອນ​ຢູ່ຄ້າຍ​ຄຸມ​ຂັງເມືອງ​ຫາດ​ຊາຍ​ຟອງ ນະຄອນຫຼວງວຽງຈັນ ໃນ​ຂໍ້​ຫາ​ລັກ​ຊັບ​ພົນລະ​ເມືອງ ​ເມື່ອ​ປີ 2011 ຜ່ານ​ມາ​ແລ້ວ ​ ໄດ້​ມາ​ຢູ່​ນຳພໍ່ ແລະ ນ້ອງ​ສາວ ​ຢູ່ບ້ານ​ສ້າງ​ເຫວີຍ. ມາ​​ເຖິງ​ວັນ​ທີ 1 ຕຸລາ2013 ເວລາ​ປະມານ 10 ໂມງ​ເຊົ້າ, ທ້າວ ຈັນ​ເພັງ​ ໄດ້​ຕື່ນ​ນອນ​ມາ​ແລ້ວ​ຕົ້ມ​ກາ​ເຟດື່ມ. ຈາກ​ນັ້ນ​ໄດ້​ເຫັນຫລານຍ່າງ​ມາຫຼິ້ນນຳ ​ແລະ ​ມາ​ນັ່ງ​ຕັກ​ຜູ້ກ່ຽວ​ເຮັດ​ໃຫ້​ເກີດມີ​ອາລົມ​ທາງ​ເພດ ຈິ່ງ​ໄດ້​ກະທຳ​ໃນ​ສິ່ງ​ທີ່​ບໍ່​ຖຶກຕ້ອງດັ່ງກ່າວ, ສ່ວນຜົນ​ກວດຂອງ​ແພດ​ມີ​ຮອຍ​ຈີກ​ຂາດ ຂອງ​ອະ​ໄວ​ຍະ​ວະ​ເພດ ຊຶ່ງ​ເປັນຫຼັກຖານ​ໃຫ້​ແກ່​ການ​ດຳ​ເນີນ​ຄະດີ ທ້າວ ຈັນ​ເພັງ ຕາມ​ລະບຽບກົດໝາຍ.
ທ່ານ ພັນ​ຕີ ສຸບັນ​ໄຊ ​ຫົວໜ້າກອງ​ຄະດີອາຍາ ​ເມືອງສີ​ສັດຕະ​ນາກ ​ໃຫ້​ຂໍ້​ສັງ​ເກດວ່າ: ທ້າວ ຈັນ​ເພັງ ​ມີ​ແນວ​ຄິດ ​ແລະ ການ​ກະທຳ​ເຈ​ຕະນາທຳ​ຊຳ​ເລົາ​ເດັກ​ແທ້ ແລະ ມັນ​ເປັນການ​ກະທຳ​ຜິດ​ຕໍ່ກົດໝາຍອາຍາມາດຕາ 129 ໃນ​ສະຖານ​ທຳ​ສຳ​ເລົາ​ເດັກ ຊຶ່ງ​ປັດຈຸ​ບັນ​,​ ເຈົ້າໜ້າທີ່​ເລັ່ງສະຫຼຸບສຳນວນ​ຄະດີເພື່ອ​ສົ່ງ​ໃຫ້ໄອ​ຍະ​ການ ແລະສານ ຕັດສິນ​ລົງ​ໂທດຕາມ​ລະບຽບກົດ ໝາຍ.
ຂໍ້ມູນຈາກ ໜັງສືພິມລາຍວັນ ລາວພັດທະນາ
Read Full Post | Make a Comment ( None so far )

ຖືກ​ສານ​ຕັດສິນ​​ຈຳ​ຄຸກ 6 ​ເດືອນຍ້ອນ​ພະຍາຍາມ​ຂົ່ມ​ຂືນ​ຍິງ​ອາຍຸ 45 ປີ

Posted on October 18, 2013. Filed under: Lao News |


timthumb

ທ້າວ ບົວ​ວັນ ອາຍຸ 16 ປີ ຢູ່​ບ້ານ​ຫົວ​ນາ​ທົ່ງ ​ເມືອງ​ປາກງື່ມ ນະຄອນຫລວງ​ວຽງ​ຈັນ ຖືກ​ສານ​ປະຊາຊົນ​ນະຄອນ ຫລວງວຽງຈັນ ຕັດສິນລົງໂທດຈຳຄຸກເປັນເວລາ 6 ເດືອນ ແລະ ປັບໄໝເງິນຈຳນວນ 3 ລ້ານກີບ ຫລັງຜູ້ກ່ຽວມີຄວາມຜິດ ຖານພະຍາຍາມຂົ່ມຂືນ ຍິງອາຍຸ 45 ປີ ຢູ່ບ້ານດຽວກັນ ເມື່ອວັນທີ 2 ມິຖຸນາ 2013 ແຕ່ບໍ່ສຳເລັດ ຍ້ອນຍິງຄົນ ດັ່ງກ່າວພະ ຍາຍາມຂັດຂືນ ແລະ ຂໍຮ້ອງບໍ່ໃຫ້ກະທຳໃນສິ່ງບໍ່ດີບໍ່ງາມ ພ້ອມກັບເອົາເງິນຈຳ ນວນໜຶ່ງທີ່ມີຕິດຕົວ ໃຫ້ທ້າວ ບົວວັນ ຈຶ່ງຍອມປ່ອຍ ແລະ ໜີໄປ. ຈາກນັ້ນ ຈຶ່ງໄດ້ໄປແຈ້ງຕໍ່ອຳນາດການປົກຄອງເພື່ອດຳເນີນຄະດີຜູ້ກ່ຽວຕາມກົດໝາຍໃນເວລາຕໍ່ມາ.

ເຈົ້າໜ້າທີ່ໃຫ້ຮູ້ວ່າ: ທ້າວ ບົວວັນ ເຄີຍກະທຳຜິດໃນສະຖານຂົ່ມຂືນທຳຊຳເລົາ ມາແລ້ວຈຳນວນ 5 ຄັ້ງ, ຖືກສຶກສາ ອົບຮົມ ຢູ່ຂັ້ນບ້ານ 4 ຄັ້ງ ແລະ ຂັ້ນເຈົ້າໜ້າທີ່ ປກສ ເມືອງປາກງື່ມ 1 ຄັ້ງ.
ຂໍ້ມູນຈາກ ໜັງສືພິມລາຍວັນ ລາວພັດທະນາ
Read Full Post | Make a Comment ( None so far )

ຂົວໄຊຍະບຸຣີ-ຫຼວງພຣະບາງ ເປີດໃຊ້ແລ້ວ

Posted on October 18, 2013. Filed under: Lao News |


24d5b6b5-99e7-433d-b523-016e9156607f

ຂົວ ຂ້າມແມ່ນໍ້າຂອງຣະຫວ່າງ ແຂວງ ໄຊຍະບຸຣີ ແລະ ຫລວງພຣະບາງ ເປີດທົດລອງ ໃຊ້ແລ້ວຕັ້ງແຕ່ວັນທີ່ 12 ເດືອນຕຸລາ ເປັນຕົ້ນມາ. ເຈົ້າໜ້າທີ່ລາວຄາດວ່າ ຂົວດັ່ງກ່າວ ຈະໃຫ້ຄວາມສະດວກສະບາຍ ແກ່ການຄ້າຣະຫວ່າງ ແຂວງໄຊຍະບຸຣີແລະແຂວງຫລວງພະບາງ ເວົ້າ ໂດຍທົ່ວໄປຣະຫວ່າງລາວແລະໄທ. ດັ່ງເຈົ້າໜ້າທີ່ຜແນກອຸດສາຫະກັມແລະການຄ້າ ແຂວງຫລວງພຣະບາງ ທ່ານນຶ່ງເວົ້າວ່າ:

“ມີຜົນປະໂຍດຕໍ່ການຄ້າຣະຫວ່າງຫລວງພຣະບາງກັບໄຊຍະບຸຣີ ແລ້ວກະທາງຝັ່ງໄທ ກະຂົນສິນຄ້າເຂົ້າມາ ເພື່ອກະຕຽມຕົວເຂົ້າສູ່ AEC ນີ້ ກະຖືວ່າຂົວນີ້ສາມາດ ຮອງຮັບໃຫ້ການດໍາເນີນສິນຄ້າຂອງພວກ ເຮົາໄດ້ດີ ເພາະແຂວງໄຊຍະບຸຣີ ມີຊາຍແດນຕິດຈອດ ກັບໄທຕັ້ງ 300 ຫາ 400 ກິໂລແມັດເນາະ ແລະກໍມີດ່ານສາກົນ ດ່ານທ້ອງຖິ່ນ ສິນຄ້າຈະຫລັງໄຫລເຂົ້າມາຫລາຍ.”

ແຕ່ກ່ອນ ການຂົນສົ່ງສິນຄ້າຣະຫວ່າງແຂວງໄຊຍະບຸຣີ ແລະແຂວງຫລວງພຣະບາງ ຕ້ອງອາສັຍເຮືອບັກ ຊຶ່ງທັງຊັກຊ້າຣາຄາແພງ ແລະສິ່ງ ທີ່ສຳຄັນເປີດເປັນບາງເວລາເທົ່ານັ້ນ; ສ່ວນຂົວຈະເປີດຕລອດ 24 ຊົ່ວໂມງ. ຂົວຂ້າມແມ່ນໍ້າຂອງແຫ່ງນີ້ ເປັນຂົວເຊື່ອມຕໍ່ຣະຫວ່າງ ບ້ານທ່າ ເດື່ອ ເມືອງໄຊຍະບຸຣີ ແຂວງໄຊຍະບຸຣີ ແລະບ້ານປາກຄອນ ເມືອງນ່ານ ແຂວງຫລວງພຣະບາງ. ຣັຖບານລາວເລີ້ມສ້າງຂົວ ແຫ່ງດັ່ງກ່າວ ນັບແຕ່ປີ 2010 ເປັນຕົ້ນມາໂດຍໃຊ້ ເງິນທຶນປະມານ 10 ລ້ານດອນລ່າ ສະຫະຣັຖ ໃນນັ້ນ 8 ລ້ານຫລື 80 ສ່ວນຮ້ອຍ ຢືມຈາກຣັຖບານ ເກົາຫລີໃຕ້. ຂົວມີຄວາມຍາວ 620 ແມັດ, ກວ້າງ 10 ແມັດເຄິ່ງ ແລະມີຊ່ອງທາງຣົດແລ່ນສອງຊ່ອງ.

from:rfa.org

Read Full Post | Make a Comment ( None so far )

49 ເສັຍຊີວິດ ໃນເຫດການ ເຮືອບິນຕົກ ຢູ່ປາກເຊ

Posted on October 18, 2013. Filed under: Lao News |


ຊາວບ້ານພາກັນມາເບິ່ງ ເຄື່ອງຂອງສໍາພາລະ ຂອງຜູ້ໂດຍສານ ໃນຍົນ ສາຍການບິນລາວ ທີ່ຕົກໃສ່ແມ່ນໍ້າຂອງ ໃກ້ເມືອງປາກເຊ ວັນທີ 17 ຕຸລາ 2013

AFP PHOTO / PORNCHAI KITTIWONGSAKUL

ເຮືອບິນໂດຍສານຂອງສາຍການບິນລາວເກີດອຸບັດຕິເຫດຕົກລົງໃສ່ແມ່ນໍ້າຂອງເຮັດໃຫ້ຄົນເສັຍຊີວິດທັງໝົດ 49 ຄົນ ໃນນັ້ນເປັນຜູ້ໂດຍສານ 44 ຄົນ ສ່ວນອີກ 5 ຄົນ ແມ່ນ ຄົນຂັບຍົນ ແລະ ພະນັກງານ ບໍຣິການ ອາກາດ.

ສ່ວນສາເຫດນັ້ນ, ລັດວິສາຫະກິດສາຍການບິນລາວ ອອກໃບແຈ້ງການວ່າເຮືອບິນ ATR72 ຖ້ຽວບິນ QV301 ອອກບິນຈາກນະຄອນຫຼວງ ວຽງຈັນ ເມື່ອເວລາປະມານ 14 ໂມງ ແລະ 45 ນາທີ ເມື່ອວັນພຸດ ວັນທີ່ 16 ຕຸລາ ລົງໄປ ເມືອງປາກເຊ ແຂວງຈໍາປາສັກ ພາກໃຕ້ຂອງ ລາວ; ແຕ່ເມື່ອບິນມາເຖິງສນາມບິນເມືອງປາກເຊ ເຮືອບິນລົງບໍ່ໄດ້ ເພາະສະພາບອາກາດປັ່ນປ່ວນ. ສ່ວນຂ່າວ ສານປະເທດລາວ ແຈ້ງສາ ເຫດວ່າໃນເວລາຈະລົງເດີ່ນເຮືອບິນລໍານັ້ນ ຖືກລົມພັດຢ່າງແຮງ ຈົນເຈືອກອອກໄປ ຫາແມ່ນໍ້າຂອງ ແລ້ວກໍຕົກລົງນໍ້າ. ເຈົ້າໜ້າທີ່ສນາມ ບິນ ເມືອງປາກເຊ ທີ່ບໍ່ປະສົງບອກຊື່ ເວົ້າເຖິງອຸບປະຕິເຫດເທື່ອ ນີ້ວ່າ:

“ມັນໃກ້ຊິຮອດເດີ່ນ ລະນາ ມັນຢູ່ແຖວດອນຂໍ ໃກ້ໆຊິຮອດເດີ່ນບິນລະແຫລະ ມັນລົງບໍ່ໄດ້ວ່າຊັນ ຕົກນໍ້າ ຂະເຈົ້າເອົາລົງນໍ້າວ່າຊັ້ນ ແບບວ່າ ຈັ່ງໃດ ເຂົາເຈົ້າ ບໍ່ໄດ້ເອົາລົງເດີ່ນເບາະ ຈັ່ງໃດນີ້ແຫລະ ມັນລົງບໍ່ ໄດ້ ມັນຕົກລົງໃນນໍ້າຂອງ ຫັ່ນນ່າ ໄດ້ຍິນວ່າຂະເຈົ້າມີກວດ ເຂົາເຈົ້າຍັງ ເບິ່ງ ພາສປອດ ອີຫຍັງນີ້ແຫລະ. ມັນມີພາສປອດລາວ ພາສປອດໄທ ອີຫຍັງນີ້ແຫລະບໍ່ເຂົາໃຈ. ເຂົາເຈົ້າວ່າເຂົາເຈົ້າກໍຍັງຕົກໃຈຄືກັນ.”

ຈໍານວນຜູ້ເສັຍຊີວິດ 49 ຄົນນີ້ ຮວມມີຄົນລາວ 17 ຄົນ, ສ່ວນເຫລືອ ເປັນຊາວຕ່າງປະເທດ ຄືມີຊາວຝຣັ່ງ 7 ຄົນ, ອັອສເຕຣເລັຍ 5 ຄົນ, ໄທ 5 ຄົນ, ເກົາຫລີ 3 ຄົນ, ວຽດນາມ 2 ຄົນ ແລະ ຈາກຈີນ ໃຕ້ຫວັນ ການາດາ ແລະ ມາເລເຊັຍ ປະເທດລະ 1 ຄົນ.

ປັຈຈຸບັນ ສາຍການບິນລາວກໍາລັງຊອກຫາຊາກສົບ ຜູ້ທີ່ເສັຍຊີວິດ ແລະ ປະສານງານ ຕິດຕໍ່ ກັບຍາດຕິພີ່ນ້ອງ ຂອງຜູ້ທີ່ໄດ້ຮັບເຄາະຮ້າຍ.

From: rfa.org

Read Full Post | Make a Comment ( None so far )

ອຸບັດຕິເຫດເຮືອບິນຕົກ ທີ່ ປາກເຊ

Posted on October 16, 2013. Filed under: Lao News |


ເຮືອບິນ ATR72 ຂອງສາຍການບິນລາວ ຖ້ຽວບິນ QV 301 ວຽງຈັນ-ປາກເຊ ເກີດອຸບັດຕິເຫດ ຕົກລົງແມ່ນ້ຳຂອງ ໃນຕອນແລງວັນພຸດ ທີ 16 ຕຸລາ 2013

             RFA

ເຮືອບິນ ATR72 ຂອງສາຍການບິນລາວ, ຖ້ຽວບິນ QV301 ວຽງຈັນ-ປາກເຊ ເກີດອຸບັດຕິເຫດຕົກລົງແມ່ນໍ້າຂອງ ໃນຕອນແລງ ວັນພຸດ ທີ 16 ເດືອນຕຸລາ, ມີຜູ້ເສັຍຊີວິດຢ່າງໜ້ອຍ 44 ຄົນ, ໃນ ຂະນະທີ່ ໃກ້ຈະລົງສູ່ ສນາມບິນ ປາກເຊ.

ເຮືອບິນລໍາດັ່ງກ່າວກຳນົດອອກເດີນທາງຈາກວຽງຈັນ 14:45 ໂມງ ແລະຄາດວ່າຈະເຖິງປາກເຊ 15:55 ໂມງ, ມີຜູ້ໂດຍສານ 44 ຄົນ ແລະ ເຈົ້າໜ້າທີ່ ການບິນ 5 ຄົນ, ໃນນັ້ນ ຮວມທັງ ຊາວລາວ 17 ຄົນ, ຝຣັ່ງເສດ 7 ຄົນ, ອົສເຕຣເລັຍ 5 ຄົນ, ໄທ 5 ຄົນ, ເກົາຫລີ 3 ຄົນ, ວຽດນາມ 2 ຄົນ, ຈີນ 1 ຄົນ, ໃຕ້ຫວັນ 1 ຄົນ, ການາດາ 1 ຄົນ, ມະເລເຊັຍ 1 ຄົນ ແລະອະເມຣິກັນ 1 ຄົນ. ປັຈຈຸບັນ ເຈົ້າ ໜ້າທີ່ ສາມາດ ເກັບກູ້ຊາກຊົບໄດ້ ຈໍານວນນຶ່ງແລ້ວ.

ອີງຕາມ ຖແລງການ ຂອງ ຣັດວິສະຫະກິຈ ການບິນລາວ, ສາເຫດ ທີ່ເຮັດໃຫ້ ເຮືອບິນ ເກີດອຸບັດຕິເຫດ ຄັ້ງນີ້ ເນື່ອງຈາກວ່າ ໃນເວລາ ທີ່ເຮືອບິນ ຈະລົງສູ່ສນາມບິນປາກເຊນັ້ນ ໄດ້ປະສົບກັບ ສະພາບອາ ກາດປັ່ນປ່ວນມີຝົນ ແລະ ຟ້າຂະນອງ ກະທັນຫັນ. ລັດວິສະຫະກິຈ ການບິນລາວ ໄດ້ປະສານງານກັບພາກສ່ວນກ່ຽວຂ້ອງ ເພື່ອປະຕິບັດ ວຽກງານຕາມຂັ້ນຕອນໃນການຮັບມືກັບເຫດການສຸກເສີນ, ພ້ອມທັງ ໄດ້ຈັດຕັ້ງໜ່ວຍງານ ຮັບຜິດຊອບກູ້ພັຍເພື່ອຊອກຫາຊ່ອຍ ຜູ້ທີ່ລອດ ຊີວິດແລະຕິດຕໍ່ ປະສານງານກັບຍາດພີ່ນ້ອງ ຂອງຜູ້ທີ່ປະສົບ ເຄາະ ຮ້າຍໃນຄັ້ງນີ້.

ປັຈຈຸບັນຍັງຢູ່ໃນລະຍະສືບສວນກ່ຽວກັບຣາຍລະອຽດ ຂອງອຸບັດຕິ ເຫດຄັ້ງນີ້ແລະທາງຣັດວິສະຫະກິຈການບິນລາວຄາດວ່າຈະສາມາດ ໃຫ້ຣາຍລະອຽດເພີ້ມຕື່ມ ໃນຕອນແລງ ວັນທີ 17 ເດືອນຕຸລານີ້.

Read Full Post | Make a Comment ( None so far )

ສານສາກົນສັ່ງຫ້າມຣັຖບານລາວ ຍຶດຊັພສິນ Sanum

Posted on October 16, 2013. Filed under: Lao News |


f-sanum

ກາຊີໂນ ສວັນເວກັສ ກໍ່ເປັນສ່ວນນຶ່ງ ໃນການລົງທຶນ ຂອງບໍຣິສັດ Sanum

             Savanh-Vegas

ບໍຣິສັດ Lao Holding ເປັນບໍຣິສັດແມ່ຂອງບໍຣິສັດສະນໍາເຈົ້າຂອງ ກາສິໂນ ສວັນ-ເວກັສ ອອກຖແລງການ ແຈ້ງວ່າສານແກ້ໄຂ ຂໍ້ຂັດ ແຍ່ງ ຣະຫວ່າງຊາດໄດ້ສັ່ງຫ້າມຣັຖບານລາວຍຶດຊັພສິນຂອງບໍຣິສັດ ສະນໍາ ຈົນກວ່າທັງສອງຝ່າຍ ຈະສາມາດແກ້ໄຂ ຂໍ້ຂັດແຍ້ງກັນໄດ້.

ຖແລງການນັ້ນແຈ້ງຣາຍລະອຽດວ່າ ສານຣະຫວ່າງຊາດໄດ້ຕັດສິນ ເມື່ອວັນທີ່ 2 ເດືອນກັນຍາ ທີ່ຜ່ານມາອີກວ່າ ຫ້າມຣັຖບານລາວຍຶດ ໂຮງກາສິໂນ ສວັນ-ເວກັສ ແລະ ຫ້າມເກັບພາສີອາກອນ ເຖິງ 80 ສ່ວນຮ້ອຍຂອງຣາຍຮັບທັງໝົດ ຂອງບໍຣິສັດສະນໍາຊຶ່ງເປັນການເກັບ ພາສີອາກອນ ທີ່ສຸງເກີນໄປ ແລະທີ່ເປັນຂໍ້ຍັດແຍ້ງໃຫຍ່ ອີກຢ່າງນຶ່ງ ຣະຫວ່າງຣັຖບານລາວ ແລະ ບໍຣິສັດສະນໍາ.

ໃນເດືອນສິງຫາ ປີກາຍບໍຣິສັດ Lao Holding ແລະບໍຣິສັດສະນໍາ ສົ່ງຟ້ອງຣັຖບານລາວ ຂຶ້ນສານຣະຫວ່າງຊາດ ໃນຂໍ້ຫາບໍ່ ປະຕິບັດ ຕາມກົດໝາຍສາກົນ ກ່ຽວກັບການປົກປັກຮັກສາ ການລົງທຶນຂອງ ຕ່າງປະເທດ. ໃນການຍື່ນຟ້ອງນັ້ນ ບໍຣິສັດສະນໍາໄດ້ຕູ່ຫາ ຣັຖບານລາວເປັນຜູ້ຍຶດເອົາໂຮງກາສິໂນ ຂອງບໍຣິສັດສະນໍາທີ່ທ່ານາແລ້ງເຂດນະ ຄອນຫລວງວຽງຈັນ ແລະຣັຖບານລາວໄດ້ບັງຄັບໃຫ້ ບໍຣິສັດສະນໍາເສັຍພາສີອາກອນເປັນເງິນຫລາຍລ້ານດອນລ່າສະຫະຣັຖ. ຮ້າຍໄປກວ່າ ນັ້ນ ເມື່ອບໍ່ດົນຜ່ານມາ ຣັຖບານລາວກໍມີທ່າທີ ວ່າຈະຍຶດເອົາໂຮງກາສິໂນ ສວັນ-ເວກັສ ທີ່ແຂວງສວັນນະເຂດ ນັ້ນນໍາ.

ທ່ານ Jody Jordahl ປະທານ ບໍຣິສັດສະນໍາ ກ່າວວ່າ ການຍຶດເອົາໂຮງກາສິໂນ ສວັນ-ເວກັສ ຈະທໍາຣາຍອະນາຄົດ ຂອງບໍຣິສັດ Lao Holding ແລະບໍຣິສັດສະນໍາ.

from: rfa.org

Read Full Post | Make a Comment ( None so far )

ຊາວອິນເດຍ ທີ່ໄປສະແຫວງບຸນ ແຕກຕື່ນ ຢຽບກັນຕາຍ 110 ຄົນ

Posted on October 15, 2013. Filed under: Lao News |


ຊາວອິນເດຍ ທີ່ພາກັນໄປສະແຫວງບຸນ ພາກັນແຕກຕື່ນ ແລ່ນຢຽບກັນຕາຍ ຍ້ອນຢ້ານຂົວຫັກພັງ, ວັນທີ 13 ຕຸລາ 2013.

ຊາວອິນເດຍ ທີ່ພາກັນໄປສະແຫວງບຸນ ພາກັນແຕກຕື່ນ ແລ່ນຢຽບກັນຕາຍ ຍ້ອນຢ້ານຂົວຫັກພັງ, ວັນທີ 13 ຕຸລາ 2013.
ບັນດາ​ເຈົ້າ​ໜ້າ​ທີ່ຢູ່​ພາ​ກກາງຂອງ​ອິນ​ເດ​ຍ ​ໄດ້​ສັ່ງ​ໃຫ້​ສືບສວນ​ ກ່ຽວ​ກັບ ການ​ແຕກ​ຕື່ນ​ຢຽບ​ກັນ​ຕາຍ ຢູ່​ເທິ່ງຂົວຂ້າມນໍ້າໄປ​ສູ່​ ວັດ​ຮິນ​ດູ​ແຫ່ງ​ນຶ່ງ ທີ່ຕັ້ງຢູ່​ບ່ອນ​ໂດດດ່ຽວ ​ໃນ​ລັດ Madhya Pradesh ​ທີ່ເຮັດ​ໃຫ້​ຢ່າງ​ໜ້ອຍ 110 ຄົນ​ເສຍ​ຊີ​ວິດ.
ພວກ​ເຈົ້າ​ໜ້າ​ທີ່​ກ່າວ​ວ່າ 100 ​ໄດ້​ຮັບ​ບາດ​ເຈັບ ​ໃນອຸ​ປະຕິ​ເຫດ ດັ່ງກ່າວເມື່ອວັນ​ອາທິດ​ວານ​ນີ້​.
ບັນດາ​ຜູ້​ເຫັນເຫດການ ກ່າວ​ວ່າ ພວກ​ສະ​ແຫວ​ງບຸນ​ພາກັນ​ແຕກ​ຕື່ນ​ຢ້ານ​ກົວ ​ແລະ​ໄດ້​ເລີ້ມ​ແລ່ນ​ຢຽບ​ກັນ ຫລັງ​ຈາກ​ຮາວ​ຈັບ​ຈໍາ​ນວນນຶ່ງຢູ່​ເທິງຂົວຫັກ ກໍ່​ເກີດ​ການຊ່າ​ລືວ່າ ຂົວ​ອາດ​ຈະ​ຫັກ​ພັງ​ລົງ.
ຜູ້​ສະ​ແຫວ​ງບຸນ​ຈໍານວນ​ນຶ່ງ​ໄດ້​ຖືກ​ຢຽບ​ເຖິງ​ແກ່​ຄວາມ​ຕາຍ ພາຍ​ໃຕ້​ຕີນ​ຂອງເພື່ອນ​ໄປ​ຮ່ວມ​ສະ​ແຫວ​ງບຸນ ​ໃນ​ຂະນະ​ທີ່ອີກ​ຈໍາ​ນວນ​ນຶ່ງຈົມ​ນໍ້າ​ຕາຍ ຫລັງ​ຈາກ​ຕົກລົງໄປ ຫລື​ໂຕນ​ລົງ​ໄປໃນແມ່​ນໍ້າ Sinh.
  • Villagers gather after a deadly stampede on a bridge across the Sindh River in Datia district in Madhya Pradesh state, India, Oct. 13, 2013.
ຂ່າວ​ທ້ອງ​ຖິ່ນ​ກ່າວ​ວ່າ ມີຜູ້​ສະ​ແຫວ​ງບຸນ 5 ​ແສນຄົນ​ ​ພາກັນ​ເຕົ້າ​ໂຮມ​ກັນເພື່ອ​ສ​ະຫລອງ​ບຸນ Naravatra ​ເປັນ​ເວລາ 10 ​ມື້ຢູ່​ທີ່​ວັດ Ratangarth. ຫລາຍ​ຄົນໄດ້ຢູ່​ໃນ​ວັດ​ເປັນ​ທີ່​ຮຽບຮ້ອຍ​ແລ້ວ ​ເວລາ​ເກີດເຫດ​ແຕກ​ຕື່ນ​ຢຽບກັນ​ຕາຍ.
ບັນດາ​ຜູ້​ເຫັນ​ເຫດການ ກ່າວ​ວ່າ ສະຖານະ​ການ​ໄດ້​ຖືກເຮັດ​ໃຫ້​ຮ້າຍ​ແຮງຍິ່ງ​ຂື້ນ ​ໂດຍ ພວກ​ຕໍາຫລວດ ທີ່​ພະຍາຍາມ​ຈະ​ຄວບ​ຄຸມຝຸງ​ຊົນ ​ໂດຍໃຊ້​ໄມ້​ຄ້ອນຕີ​ເຂົາ​ເຈົ້າ.
ອິນ​ເດຍ ມີ​ປະວັດ​ສາດ​ອັນ​ຍາວ​ນານ ກ່ຽວກັບ​ການແຕກຕື່ນ​ຢຽບກັນ​ຕາຍ​ ຢູ່ໃນພິທີສະ ຫລອງ​ບຸນ​ທາງ​ສາສະໜາຕ່າງໆ.
From VOA news
Read Full Post | Make a Comment ( None so far )

ລາວຕ້ອງໃຊ້ເງິນ 700 ຕື້ກວ່າກີບ ເພື່ອຊ່ວຍເຫຼືອ ເຂດແຂວງພາກໃຕ້ ທີ່ປະສົບໄພນໍ້າຖ້ວມ

Posted on October 15, 2013. Filed under: Lao News |


ນໍ້າຖ້ວມ ຢູ່ແຂວງອັດຕະປື ຊຶ່ງເປັນນຶ່ງໃນ 4 ແຂວງ ທີ່ຖືກນໍ້າຖ້ວມ ຢ່າງໜັກໜ່ວງ ໃນເຂດພາກໃຕ້ ຂອງລາວ.

ນໍ້າຖ້ວມ ຢູ່ແຂວງອັດຕະປື ຊຶ່ງເປັນນຶ່ງໃນ 4 ແຂວງ ທີ່ຖືກນໍ້າຖ້ວມ ຢ່າງໜັກໜ່ວງ ໃນເຂດພາກໃຕ້ ຂອງລາວ.
ລັດຖະບານ​ລາວ ຕ້ອງ​ໃຊ້​ງົບປະມານ​ຫຼາຍ​ກວ່າ 700 ຕື້​ກີບ ສໍາລັບ​ຟື້ນ​ຟູ​ສະພາບ​ການ​ໃນ​ເຂດ​ແຂວງ​ພາກ​ໃຕ້​ ທີ່ກໍາລັງ​ ປະ​ເຊີນ​ກັບ​ໄພ​ນໍ້າ​ຖ້ວມ​ຢ່າງ​ກວ້າງຂວາງ ​ແລະ​ໜັກໜ່ວງໃນ​ ຂະນະ​ນີ້. ຊົງຣິດ ມີລາຍລະອຽດ.

ທ່ານ​ທອງ​ສິງ ທໍາ​ມະ​ວົງ ນາຍົກລັດຖະມົນຕີລາວ ​ໄດ້​ຖະ​ແຫຼ​ງຍອມຮັບ​ວ່າ ​ລາວ​ໄດ້​ຮັບ ຜົນກະທົບ​ຈາກ​ໄພ​ນໍ້າ​ຖ້ວມ​ຢ່າງ​ໜັກໜ່ວງ​ຫຼາຍ​ຂຶ້ນທຸກ​ປີ ​ໂດຍ​ຈະ​ເຫັນ​ໄດ້​ຈາກ​ໄພ​ນໍ້າ​ ຖ້ວມ​ໃນ​ປີ 2012 ນັ້ນ ກໍເຮັດ​ໃຫ້​ຕ້ອງ​ມີ​ການ​ໃຊ້​ຈ່າຍ​ງົບປະມານ​ໄປ​ ຫຼາຍ​ກວ່າ 400 ຕື້​ ກີບສໍາລັບ​ໃຫ້ການ​ຊ່ວຍ​ເຫຼືອ​ປະຊາຊົນ​ທີ່​ໄດ້​ຮັບ​ຜົນ​ກະທົບ ລວມ​ເຖິງການ​ຟື້ນ​ຟູ​ສະພາບ​ ການ​ຕ່າງໆ​ໃຫ້​ກັບ​ຄືນສູ່​ສະພາບປົກກະຕິ​ອີກ​ດ້ວຍ.
ບໍລິສັດ Lao Law & Consultancy ບໍລິຈາກ 50 ລ້ານກີບ ຊ່ວຍໄພນໍ້າຖ້ວມ

ບໍລິສັດ Lao Law & Consultancy ບໍລິຈາກ 50 ລ້ານກີບ ຊ່ວຍໄພນໍ້າຖ້ວມ

ຫາກ​ແຕ່​ວ່າ​ ​ໄພ​ນໍ້າ​ຖ້ວມ​ໃນ​ປີ 2013 ນີ້ ທີ່​ເລີ່​ມຈາກ​ເຂດ​ພາກ​ ເໜືອ ​ຕໍ່​ເນື່ອງ​ມາ​ພາກ​ກາງ ​ແລະ​ລົງ​ໄປ​ພາກ​ໃຕ້​ໃນ​ເວລາ​ນີ້ ກໍຍັງ​ເຮັດ​ໃຫ້​ເກີດ​ການ​ເສຍ​ຫາຍ​ຫຼາຍ​ກວ່າ​ປີ​ທີ່​ຜ່ານ​ມາ ​ໂດຍ ຄາດ​ວ່າ​ຈະ​ຕ້ອງ​ໃຊ້​ຈ່າຍງົບປະມານ​ຫຼາຍ​ກວ່າ 700 ຕື້​ກີບ ສໍາ ລັບ​ການ​ບູລະນະ​ຟື້ນ​ຟູ​ສະພາບການ​ຕ່າງໆ ​ໃຫ້​ກັບ​ຄືນ​ສູ່​ສະພາ ວະ​ທີ່​ເປັນ​ປົກກະຕິ​ໄດ້ ດັ່ງ​ທີ່​ທ່ານ​ທອງ​ສິງໄດ້​ຖະ​ແຫຼ​ງຢືນຢັນວ່າ: “ລັດຖະບານ​ຕ້ອງ​ໃຊ້​ເງິນ​ທອງໄປ​ ປະມານ 400 ຕື້​ກີບ ​ເພື່ອ​ແກ້​ໄພ​ທໍາ​ມະ​ຊາດ​ປີ​ແລ້ວ ​ແຕ່​ວ່າ​ປີ​ນີ້​ ຜັດ​ພາກ​ເໜືອ​ ກະ​ເກີດ ພາກ​ກາງ​ກະ​ເກີດ ພາກ​ໃຕ້​ກະ​ເກີດ ອັນ​ນີ້​ກໍ​ເປັນ​ ເຫດການ​ທີ່ຫຍຸ້ງຍາກ ​ເສດຖະກິດ​ຂອງ​ພວກ​ເຮົາ​ມີ​ຄວາມ​ຫຍຸ້ງຍາກ​ຢູ່​ແລ້ວ ງົບ ປະມານ​ຂອງ​ພວກ​ເຮົາ​ຕໍ່າ​ຢູ່ ​ແລ້ວ ຜັດ​ຖອກ​ເທ​ໃຫ້​ກັບ​ໄພພິບັດ​ທາງ​ທໍາ​ມະ​ຊາດ​ ໜັກໜ່ວງ​ສົມຄວນ​ໃນ​ແຕ່ລະ​ປີ.”

ນໍ້າຖ້ວມ ຕະຫຼາດຈໍາປາສັກ

ນໍ້າຖ້ວມ ຕະຫຼາດຈໍາປາສັກ

ໂດຍ​ການທີ່​ມີ​ຝົນຕົກ​ລົງ​ມາ​ຢ່າງ​ຫຼວງ​ຫຼາຍ ນັບ​ແຕ່​ທ້າຍ​ເດືອນ ​ກັນຍາ​ເປັນ​ຕົ້ນ​ມາ ​ໄດ້​ເຮັດ​ໃຫ້ເກີດ​ໄພ​ນໍ້າ​ຖ້ວມ​ຢ່າງ​ກວ້າງຂວາງ​ ໃນ​ທັງ 10 ​ເມືອງ​ຂອງ​ແຂວງ​ຈໍາປາ​ສັກ ​ແລະ​ໄດ້​ສົ່ງ​ຜົນ​ກະທົບ​ຕໍ່ ​ຊີ​ວີ​ດການ​ເປັນ​ຢູ່​ຂອງ​ປະຊາຊົນ​ຫຼາຍ​ກວ່າ 134,000 ຄົນ​ຢູ່​ໃນ​ເຂດ 318 ບ້ານ ທັງ​ກໍ​ຍັງ ​ເຮັດ​ໃຫ້​ນາ​ເຂົ້າ​ເສຍ​ຫາຍ​ໄປ​ແລ້ວ​ກວ້າງ​ກວ່າ 15,000 ​ເຮັກ​ຕ້າ ສັດລ້ຽງ​ຕາຍ​ໄປ​ຫຼາຍ​ພັນ​ຕົວ ​ແລະ​ຖະໜົນ​ເປ້​ເພ​ໄປ​ເຖິງ 50 ​ເສັ້ນທາງ. ສ່ວນ​ຢູ່​ເຂດ​ແຂວງ​ສາລະ​ວັນ​ນັ້ນ ທັງ 8 ​ເມືອງ​ຂອງ​ແຂວງ​ ຕ່າງກໍ ​ຕ້ອງ​ປະ​ເຊີນ​ກັບ​ໄພ​ນໍ້າ​ຖ້ວມ ຢ່າງ​ໜັກ​ໜ່ວງ​ເຊັ່ນ​ດຽວ​ກັນ ​ໂດຍ​ສະ​ເພາະແມ່ນ​ຄົງ​ເຊໂດນ​ ນັ້ນ ກໍ​ມີ​ປະຊາຊົນ​ໄດ້​ຮັບ​ຜົນ​ກະທົບ​ເຖິງ 9,596 ຄອບຄົວ​ໃນ​ເຂດ 79 ບ້ານ ​ແລະ​ພື້ນ​ທີ່​ ການ​ກະ​ເສດ​ເສຍຫາຍ​ ໄປ​ກວ້າງ​ກວ່າ 12,500 ​ເຮັກຕ້າ ຈຶ່ງ​ນັບເປັນ​ອີກ​ເຂດ​ນຶ່ງ​ທີ່​ໄດ້​ຮັບ​ ຜົນ​ກະທົບ​ຮຸນ​ແຮງ​ທີ່​ສຸດ. ສໍາລັບ​ຢູ່ແຂ​ວງ​ເຊ​ກອງ​ນັ້ນ ກໍ​ມີ​ເມືອງ​ກະລຶມ ​ເມືອງ​ທ່າ​ແຕງ ​ແລະ​ເມືອງ​ລະ​ມານ​ ທີ່​ໄດ້​ ຮັບ​ຜົນ​ກະທົບຫຼາຍ​ທີ່​ສຸດ ​ໂດຍ​ມີ​ປະຊາຊົນ​ຫຼາຍ​ກວ່າ 2,200 ຄອບຄົວ​ ຫຼື​ໝື່ນ​ກວ່າ​ຄົນ ໃນ 60 ກວ່າ ບ້ານ​ທີ່​ໄດ້​ຮັບ​ຜົນ​ກະທົບ ​ແລ​ະພື້ນ​ທີ່​ການ​ກະ​ເສດ​ເສຍ​ຫາຍ​ໄປ​ຢ່າງ​ສິ້ນ​ເຊີງ ກວ້າງ​ກວ່າ 2,500 ​ເຮັກ​ຕ້າ ພ້ອມ​ດ້ວຍ​ໜອງລ້ຽງ​ປາ 45 ​ແຫ່ງ ​ແລະ​ຖະໜົນ 30 ​ເສັ້ນ ຄິດ​ເປັນ​ລະ​ຍະ​ທາງ​ຍາວ​ກວ່າ 450 ກິ​ໂລ​ແມັດ ທີ່​ຈະ​ຕ້ອງ​ສ້ອມ​ແປງ​ຢ່າງ​ຮີບ​ດ່ວນ. ສ່ວນ​ຢູ່​ແຂວງ​ອັດ​ຕະປືນັ້ນ ກໍ​ມີ​ເມືອງ​ໄຊ​ເສດ​ຖາ ​ເມືອງ​ສະໜາມ​ໄຊແລະ​ເມືອງ​ສາມັກ​ຄີ​ໄຊ ທີ່​ໄດ້​ຮັບ​ຜົນ​ກະທົບ​ຮ້າຍ​ແຮງທີ່​ສຸດ ​ໂດຍ​ພື້ນ​ທີ່​ການ​ກະ​ເສດ​ເສຍ​ຫາຍ​ໄປ​ກວ້າງ​ກວ່າ 15,000 ​ເຮັກ​ຕ້າ ​ແລະ​ປະຊາຊົນ​ໃນ​ເຂດ 79 ບ້ານ ກໍ​ຍັງ​ຂາດ​ເຂີນ​ປັດ​ໄຈ​ສີ່ ​ແລະ​ຈະ​ຕ້ອງ​ ໄດ້​ຮັບ​ການ​ຊ່ວຍ​ເຫຼືອ​ຢ່າງ​ຮີບ​ດ່ວນ​ທີ່​ສຸດ ​ໂດຍຍັງ​ບໍ່​ທັນ​ລວມ​ເຖິງ​ໂຮງຮຽນ 220 ກວ່າ​ ແຫ່ງ​ໃນ​ທັງ​ສີ່​ແຂວງພາກ​ໃຕ້ ​ທີ່​ຈະ​ຕ້ອງ​ໄດ້​ຮັບ​ການ​ສ້ອມ​ແປງ​ຢ່າງ​ຮີບ​ດ່ວນ​ທີ່​ສຸດ​ອີກດ້ວຍ. ກ່ອນ​ໜ້າ​ນີ້ ​ແຂວງ​ອຸດົມ​ໄຊ ກໍ​ໄດ້​ຮັບ​ຜົນ​ກະທົບ​ຈາກ​ໄພ​ນໍ້າ​ຖ້ວມ​ຄັ້ງ​ໃຫຍ່ ​ແລະ​ດິນເຈື່ອນ ​ຢູ່​ໃນ​ເຂດ​ເມືອງ​ແບ​ງ ຊຶ່ງນອກຈາກ​ຈະ​ມີ​ປະຊາຊົນ​ລາວ​ເຖິງ 16 ຄົນ ທີ່​ເສຍ​ຊີວິດ​ໄປ​ໃນໄພ​ທໍາ​ມະ​ຊາດ​ຄັ້ງ​ນີ້​ແລ້ວ ຍັງມີເຮືອນ​ຊານທີ່​ໄຮ່​ທີ່​ນາ ​ແລະ​ຊັບ​ສິນ​ຂອງ​ປະຊາຊົນ ຕະຫຼອດ​ຈົນ​ພື້ນຖານ​ໂຄງ​ລ່າງ​ຕ່າງໆຂອງ​ສ່ວນ​ລວມ ​ເຊັ່ນ ຖະໜົນ ​ເສົາ​ໄຟຟ້າ ລະບົບ​ການ​ສື່ສານ​ທາງ​ໂທລະສັບ ຄອງ​ຊົນລະປະທານ ອາຄານ​ສະຖານ​ທີ່​ຕ່າງ​ໆຂອງ​ລັດຖະ ບານ​ນັ້ນ ກໍ​ເສຍ​ຫາຍ​ໄປ​ຢ່າງ​ຫຼວງ​ຫຼາຍ​ອີກ​ດ້ວຍ. ທາງ​ດ້ານ​ເຈົ້າໜ້າ​ທີ່​ຂັ້ນ​ສູງ​ຂອງ​ກົມ​ອຸຕຸນິຍົມ​ວິດ​ທະຍາ ​ແລະ​ອຸ​ທົກ​ກະສາ​ດ ກໍຍອມຮັບ​ວ່າ​ສະ​ພາວະ​ການ​ຂາດ​ແຄນ​ດ້ານ​ງົບປະມານ ​ເຮັດ​ໃຫ້ການ​ແຈ້ງ​ເຕືອນ​ປະຊາຊົນ​ກ່ຽວ​ກັບ​ສະພາບ​ອາກາດ ​ສາມາດ​ປະຕິບັດ​ໄດ້​ຢ່າງ​ຈໍາກັດ ຊຶ່ງ​ຜົນ​ທີ່​ຕິດຕາມ​ມາ ​ກໍ​ຄື​ປະຊາຊົນ ໃນຫຼາຍໆ​ພື້ນ​ທີ່ໃນ​ລາວ ບໍ່​ໄດ້​ຮັບ​ຂໍ້​ມູນ​ຂ່າວສານ​ການ​ພະຍາກອນ​ສະພາບ​ອາກາດ​ລ່ວງ​ໜ້າ ຈຶ່ງບໍ່​ມີ​ການ​ຕຽມ​ພ້ອມ​ເພື່ອ​ຮັບ​ມື​ກັບ​ສະພາບ​ອາກາດ​ທີ່​ເກີດ​ຂຶ້ນ.

From VOA news
Read Full Post | Make a Comment ( None so far )

ຜູ້ຊາຍລາວຮູ້ໜັງສືຫຼາຍກວ່າ ແມ່ຍິງ

Posted on September 17, 2013. Filed under: Lao News | Tags: , |


F-silk

ເຈົ້າຂອງ ທຸຣະກິດ ແຜ່ນແພ ຜ້າໃໝລາວ “ພູວຽງໃໝງາມ”

RFA/Manichanh

ຂໍ້ມູລຂອງອົງການ Global Witness ທີ່ສຶກສາກ່ຽວກັບສະຖິຕິການ ສຶກສາຂອງແມ່ຍິງໃນເຂດຕາເວັນອອກສ່ຽງໃຕ້ ຣະບຸວ່າຢູ່ສປປລາວ ອັຕຣາການຮູ້ໜັງສືຂອງຜູ້ຊາຍສູງກວ່າຜູ້ຍິງ 20 ເປີເຊັນ ແລະຕາມ ບົດຣາຍງານຂອງທະນາຄານໂລກໃນເດືອນມິນາປີ 2013 ກ່ຽວກັບ ການປະເມີນຄວາມສເມີພາບ ທາງເພດໃນລາວວ່າ ຄວາມສເມີພາບ ຣະຫວ່າງຍິງ-ຊາຍ ສໍາລັບເສຖກິດທີ່ສລາດ ຫລື smart econo -mics ແລ້ວສາມາດຊ່ວຍເພີ່ມພູລສມັຕພາບຂອງຜົລຜລິດ ປັບປຸງ ເປົ້າໝາຍ ການພັທນາ ໃຫ້ດີຂຶ້ນ ສໍາລັບລຸ້ນຄົນ ຕໍ່ໄປແລະຊ່ວຍໃຫ້ ສະຖາບັນຕ່າງໆ ພາຍໃນປະເທດ ມີຕົວແທນ ທີ່ສົມບູນຫລາຍຂຶ້ນ.

ແນວໂນ້ມທີ່ສໍາຄັນ ທະນາຄານໂລກກໍວ່າມີຮວມທັງແນວໂນ້ມ ທີ່ວ່າ ຂແນງການພາກເອກຊົນ ສ້າງໂອກາດໃຫ້ມີນັກທຸຣະກິດຊຶ່ງນັກທຸຣະ ກິດມືໃໝ່ 30 40 ສ່ວນຮ້ອຍ ເປັນແມ່ຍິງ. ຕາມຕລາດຊາຍແດນ ຕ່າງໆນັບມື້ ເຫັນສິນຄ້າ ແຜ່ນແພທີ່ຕໍ່າດ້ວຍມື ແລະ ເຄື່ອງຫັຖກັມ ທີ່ຜລິດ ດ້ວຍມືຂອງແມ່ຍິງ ເປັນສໍາຄັນ. ຜູ້ຍິງລາວ ຍັງພຍາຍາມ ສູ້ຊົນເພື່ອໃຫ້ມີ ຈໍານວນ ເທົ່າທຽມກັບເພດຊາຍ ໃນການມີຜູ້ຕາງໜ້າ ໃນ ສະຖາບັນສໍາຄັນ ທາງການເມືອງ ເຖິງຈະມີແມ່ຍິງ ໃນສະພາແຫ່ງຊາດ ຈໍານວນເພີ່ມຂຶ້ນ ເຖິງເກືອບ 20 ເປີເຊັນ ນັບແຕ່ປີ 1990 ເປັນຕົ້ນ ມາແລ້ວກໍຕາມ.

ຈາກ: http://www.rfa.org

Read Full Post | Make a Comment ( None so far )

ແກ້ງຄ້າຢາເສພຕິດຖືກກວດລ້າງ

Posted on September 17, 2013. Filed under: Lao News | Tags: , , , |


F-YABA

ຕົວຢ່າງ ລັກສນະ ຢາບ້າ ທີ່ມີຫຼາຍສີ ແລະຫຼາຍຮູປແບບ

RFA

ເຈົ້າໜ້າທີ່ ຫ້ອງການ ຄະນະກັມການ ຄວບຄຸມ ແລະ ກວດກາ ຢາເສບຕິດ ແຫ່ງຊາດລາວ ຜູ້ຂໍສງວນຊື່ ທ່ານນຶ່ງ ເປີດເຜີຍຕໍ່ ຜູ້ສື່ຂ່າວ ເອເຊັຍເສຣີ ເມື່ອມໍ່ໆມານີ້ ໂດຍຢືນຢັນວ່າ ມີຊາວມົ້ງ ຈໍານວນຶ່ງ ເຂົ້າໄປກ່ຽວຂ້ອງ ກັບການຄ້າຢາເສບ ຕິດຫລາຍຂຶ້ນນໍາ ເລື້ອຍໆ ໂດຍສະເພາະ ແມ່ນຢູ່ ແຂວງພາກເໜືອ ຂອງລາວ ທີ່ມີ ຊາຍແດນ ຕິດກັບ ປະເທສໄທຍ໌, ພະມ້າ, ຈີນແລະວຽດນາມ ຊຶ່ງ ພວກເຂົາເຈົ້າ ໄປກ່ຽວຂ້ອງ ນໍາຫລາຍທີ່ສຸດ.

ຊາວມົ້ງຈໍານວນ ດັ່ງກ່າວ ຮວມຕົວກັນ ຕັ້ງເປັນແກ້ງ ທີ່ມີເຄືອຂ່າຍ ຢູ່ແຂວງ ບໍ່ແກ້ວ, ຫົວພັນ, ຫຼວງນໍ້າທາ ແລະຜົ້ງສາລີ; ມີການ ປະສານງານ ກັນເປັນຂະບວນ ທັງລັກສົ່ງຢາເສບຕິດ ຈາກເຂດ 3 ຫລ່ຽມຄໍາ ໄປໃຫ້ຄູ່ຄ້າ ທັງຢູ່ໄທຍ໌, ຢູ່ຈີນ ແລະວຽດນາມ.

ເຈົ້າໜ້າທີ່ ທ່ານນີ້ບອກວ່າ ການຈັບກຸ່ມແກ້ງ ຄ້າຢາເສບຕິດ ລາຽໃຫຽ່ ທີ່ວ່ານັ້ນ ມີຂຶ້ນເມື່ອ ບໍ່ນານມານີ້, ຈັບສະມາຊິກ ແກ້ງດັ່ງກ່າວໄດ້ ພ້ອມກັນ 17 ຄົນ ແລະ ທັງຍຶດອຸປກອນ ການຜລິດຢາບ້າ ໄດ້ນໍາດ້ວຽ. ຖືວ່າເປັນເທື່ອ ທໍາອິດ ທີ່ມີການ ຢືນຢັນວ່າ ມີການລັກຜລິດຢາບ້າ ຢູ່ ສປປລາວ.

ນອກຈາກອຸປກອນການຜລິດ ຢາບ້າ ແລ້ວ ທາງການລາວ ຍັງຢຶດຢາເສບຕິດ ປະເພດເຮໂຣອິນ ໄດ້ເກືອບ 13 ກິໂລ, ແປ້ງຄ້າຽຄືເຮໂຣອິນ 48 ກິໂລເຄິ່ງ ແລະເງິນອີກຫລາຍຄື: 4 ແສນກວ່າ ໂດລາສະຫະຣັດ, 4 ແສນກວ່າບາດ ແລະ 700 ກວ່າລ້ານດົ້ງ ພ້ອມທັງ ອາວຸດສົງຄາມ, ອຸປກອນສື່ສານສະໄໝໃໝ່ ແລະ ຣົດອີກ 5 ຄັນ. ຈັບໄດ້ໃນເຂດ ຊາຽແດນ ແຂວງຜົ້ງສາລີ ໃກ້ໆກັບເຂດ ວຽດນາມ.

Read Full Post | Make a Comment ( None so far )

ຕຳຫຼວດຕັ້ງປ້ອມກວດຣົດ ສວຍໂອກາດ ຂູດຮີດ

Posted on September 17, 2013. Filed under: Lao News | Tags: , , , , |


 

 

f864b7ee-56ad-4a6c-852f-630dc7b725fd

ການຕັ້ງປ້ອມກວດກາ ຍວດຍານພາຫະນະ ຕາມທາງຮ່ອມນ້ອຽ ຂອງຕຳຫຼວດຈະຣາຈອນ ໃນນະຄອນຫຼວງວຽງຈັນ ເພື່ອສໍ້ໂກງ ປະຊາຊົນ ເປັນພາບທີ່ຄຸ້ນຕາ ຊາວນະຄອນຫຼວງວຽງຈັນໄປແລ້ວ. ເຈົ້າໜ້າທີ່ ຈະຣາຈອນ ມັກ ຈະຕັ້ງດ່ານວ່າ ກວດກາ ຂອງສະພາບ ຍານພາຫະນະ ທົ່ວໄປ ໂດຍໃຫ້ເຫດຜົນວ່າ ເປັນ ການກວດກາ ຕິດຕາມ ເອກກະສານ ເພື່ອປ້ອງກັນ ຄວາມສງົບປອດພັຍ ຂອງບ້ານເມືອງ, ປ້ອງກັນກຸ່ມ ຄົນບໍ່ດີ ທີ່ສວຽໃຊ້ ຍານພາຫະນະ ກໍ່ເຫດການ ອັນບໍ່ດີຕ່າງໆ ທາງສັງຄົມ. ແຕ່ທີ່ຈິງແລ້ວ ກັບເປັນຊ່ອງວ່າງ ໃຫ້ເຈົ້າໜ້າທີ່ ຈໍານວນໜຶ່ງ ສວຍໂອກາດ ຂູດຮີດ ປະຊາຊົນ. ດັ່ງຊາວ ນະຄອນຫລວງ ວຽງຈັນ ທ່ານໜຶ່ງ ໄດ້ກ່າວວ່າ: “ອັນທີ່ວ່າດ່ານປອມຫັ້ນ, ກະແມ່ນດ່ານທີ່ລີ້ ຕາມສອກຊອຽນ້ອຽໆ, ເຫັນເດັກນ້ອຽນັກຮຽນ ຂີ່ລົດກາຽໄປ ກະກັກເອົາເງິນເຂົາ. ຕັ້ງດ່ານຄັກແນ່ ອັນນີ້ເຮົາກະ ບໍ່ວ່າດອກ, ຜູ້ໃດຜິດ ກະເວົ້າໄປຕາມຜິດ, ຜູ້ໃດຖືກ ກະເວົ້າໄປຕາມຖືກ, ແຕ່ວ່າອັນດ່ານນ້ອຽ ເຮົາກະເຫັນແລ້ວ ມັນກະບໍ່ຄວນ ທີ່ວ່າຈະ ໃຫ້ເກີດຂຶ້ນ”. ເມື່ອເຈົ້າໜ້າທີ່ ຢຸດລົດຂອງຜູ້ໃດຜູ້ໜຶ່ງ ແນ່ນອນວ່າ ສ່ວນໃຫ່ຽ ຈະຕ້ອງມີອັນຜິດ ບໍ່ຢ່າງໃດກໍ່ຢ່າງໜຶ່ງ. ຕົວຢ່າງ: ຖ້າຂັບຂີ່ລົດ ຈັກໃສ່ໝວກ ກັນກະທົບ ເປັນຢ່າງດີ ເຈົ້າໜ້າທີ່ ກໍ່ຈະຖາມຫາ ໃບຂັບຂີ່ ໜັງສືທະບຽນລົດ ໃບກວດກາເຕັກນິກ ໃບເສັຽຄ່າທາງ ປະຈຳປີ ຖ້າບໍ່ມີຢ່າງໃດ ຢ່າງໜຶ່ງ ເພີ່ນກໍ່ຈະຍຶດ ໃບທະບຽນລົດ ຖ້າບໍ່ມີໃບ ທະບຽນລົດ ກໍ່ຈະຢຶດລົດ ແລະ ຂຽນໃບສັ່ງໃຫ້ໄປເສັຽຄ່າປັບໃໝ ຢູ່ນະຄອນບານພາຽໃນ 3-4 ວັນ. ຖ້າບໍ່ຢາກໃຫ້ ຍຶດລົດໄວ້ ແລະ ບໍ່ຢາກເສັຽເວລາລໍຖ້າ 3-4 ວັນ, ຜູ້ຂັບຂີ່ຮູ້ດີວ່າ ຈະຕ້ອງໃຫ້ສິນບົນ ແກ່ເຈົ້າໜ້າທີ່ ຫຼືອັນທີ່ເພິ່ນ ເອີ້ນວ່າ ເສັຽຄ່ານະໂຍບາຽ ຢູ່ກັບບ່ອນນັ້ນເລີຽ. ເສັຽຢູ່ກັບທີ່ 20,000 ຫຼື 50,000 ກີບ ຕໍ່ຄັ້ງດີກ່ວາ ເພາະຖ້າໄປເສັຽຕາມໃບສັ່ງ ອາຈຕ້ອງ ໄດ້ເສັຽຄ່າປັບໃໝຫຼາຽກ່ວານັ້ນ ແລະເສັຽເວລານຳອີກ. ເຮັດໃຫ້ເງິນຄ່າປັບໃໝບໍ່ເຂົ້າຄັງຫຼວງແຕ່ ເຂົ້າຖົງເຈົ້າໜ້າທີ່ແທນ. ປະກົດການແບບນີ້ ກາຽເປັນປະເພນີໃນສັງຄົມລາວໄປແລ້ວ ເມື່ອຖືກຕຳຫຼວດຈະຣາຈອນຢຸດລົດ ກໍຕ້ອງຕຣຽມເງິນໃຫ້ໂລດ. ບັນຫານີ້ເກີດ ຢູ່ຫຼາຍບ່ອນຮວມທັງຕາມເສັ້ນທາງ ບ້ານດົງປ່າແຫຼບຫາບ້ານດອນແດງ.

Read Full Post | Make a Comment ( None so far )

ລາວກັບມຽນມາ ລົງມືກໍ່ສ້າງ ຂົວຂ້າມນໍ້າຂອງ ລະຫວ່າງກັນ ແຫ່ງທໍາອິດ

Posted on September 15, 2013. Filed under: Lao News | Tags: , , |


ພິທີວາງສີລາເລີກ ການກໍ່ສ້າງ ຂົວຂ້າມແມ່ນໍ້າຂອງ ແຫ່ງທໍາອິດ ລະຫວ່າງລາວ ແລະມຽນມາ ທີ່ຈັດຂຶ້ນເມື່ອວັນທີ 16 ກຸມພາ 2013.

ພິທີວາງສີລາເລີກ ການກໍ່ສ້າງ ຂົວຂ້າມແມ່ນໍ້າຂອງ ແຫ່ງທໍາອິດ ລະຫວ່າງລາວ ແລະມຽນມາ ທີ່ຈັດຂຶ້ນເມື່ອວັນທີ 16 ກຸມພາ 2013.
ທາງການລາວກັບມຽນມາເລີ່ມລົງມືກໍ່ສ້າງຂົວຂ້າມແມ່ນໍ້າຂອງ ແຫ່ງທໍາອິດ ເພື່ອເຊື່ອມຕໍ່ກັນໃຫ້ໄດ້ພາຍໃນປີ 2015 ສ່ວນຂົວ ແຫ່ງທີ 4 ລະຫວ່າງ ລາວ-ໄທກໍຈະສໍາເລັດໃນເດືອນມິຖຸນາປີນີ້.
ພິທີການວາງສິລາເລິກ ເພື່ອເລີ່ມລົງມືກໍ່ສ້າງຂົວຂ້າມແມ່ນໍ້າ ຂອງແຫ່ງທໍາອິດ ລະຫວ່າງລາວກັບມຽນມາ ໄດ້ມີຂຶ້ນຢ່າງເປັນ ທາງການເມື່ອບໍ່ດົນມານີ້ ໂດຍມີທ່ານສົມມາດ ພົນເສນາ ລັດຖະ ມົນຕີວ່າການກະຊວງໂຍທາທິການ ແລະຂົນສົ່ງຂອງລາວ ເປັນ ປະທານໃນພິທີ ຮ່ວມກັບທ່ານ ຈໍ ລິນ ລັດຖະມົນຕີວ່າການກະ ຊວງກໍ່ສ້າງຂອງມຽນມາ ພ້ອມດ້ວຍເຈົ້າໜ້າທີ່ທີ່ກ່ຽວຂ້ອງຂອງ ທັງສອງຝ່າຍເຂົ້າຮ່ວມຢ່າງພ້ອມໜ້າ. ຂົວຂ້າມແມ່ນໍ້າຂອງແຫ່ງທໍາອິດລະຫວ່າງລາວກັບມຽນມາ ດັ່ງກ່າວນີ້ ຕັ້ງຢູ່ໃນເຂດບ້ານຫ້ວຍກຸ່ມໃນເຂດເມືອງລອງ ແຂວງຫຼວງນໍ້າທາ ຊຶ່ງຢູ່ກົງກັນ ຂ້າມກັບບ້ານຊຽງລາຍ ເມືອງທ່າຂີ້ເຫຼັກ ໃນເຂດລັດສານຂອງສະຫະພາບມຽນມາ ໂດຍ ຂົວຈະມີຄວາມຍາວ 691,6 ແມັດ ກວ້າງ 10,9 ແມັດ ຊຶ່ງຈະມີທາງລົດ 2 ຊ່ອງ ທາງຈະ ລາຈອນກວ້າງ 8,5 ແມັດ ແລະທາງຍ່າງ 2 ເບື້ອງ ເບື້ອງລະ 1.2 ແມັດ ແລະສູງ 12 ແມັດ ທີ່ສາມາດຮອງຮັບລົດບັນທຸກສິນຄ້ານໍ້າໜັກ 75 ໂຕນແລະເຮືອຂົນສົ່ງສິນຄ້າ ທີ່ມີຂະໜາດ ລະຫວ່າງ ນໍ້າໜັກ 500 ໂຕນ ສາມາດແລ່ນລອດກ້ອງຂົວໄປໄດ້ ກັບທັງຍັງສາມາດທົນ ທານຕໍ່ແຜ່ນດິນໄຫວລະດັບ 7 ຣິກເຕີ ໄດ້ອີກດ້ວຍ. ຂົວດັ່ງກ່າວນີ້ ຈະໃຊ້ເງິນທຶນໃນມູນຄ່າລວມ 18 ລ້ານໂດລາ ຊຶ່ງເປັນງົບປະມານຂອງ ລັດຖະບານລາວກັບມຽນມາຝ່າຍລະ 50% ແລະດໍາເນີນການກໍ່ສ້າງໂດຍບໍລິສັດຮ່ວມ ທຶນລະຫວ່າງ 2 ປະເທດ ເພື່ອໃຫ້ສໍາເລັດພາຍໃນ 30 ເດືອນຫຼືພາຍໃນວັນທີ 15 ສິງຫາ ປີ 2015 ອັນເປັນກໍານົດການທີ່ ທາງການທັງສອງຝ່າຍຈະທໍາພິທີເປີດໃຊ້ຢ່າງເປັນທາງ ການ ໂດຍຂົວດັ່ງກ່າວນີ້ຈະເປັນການເຊື່ອມຕໍ່ການຄົມມະນາຄົມ-ຂົນສົ່ງທາງບົກລະ ຫວ່າງ ທາງຫຼວງໝາຍເລກ 17E ຂອງລາວ ກັບທາງຫຼວງ ເລກ 4 ຂອງມຽນມາ ແລະ ຍັງຖືເປັນສ່ວນນຶ່ງໃນເຄືອຂ່າຍການເຊື່ອມຕໍ່ການຄົມມະນາຄົມ-ຂົນສົ່ງ ຈາກເຂດພາກ ເໜືອ ລົງໄປສູ່ພາກໃຕ້ ໃນເຂດລຸ່ມແມ່ນໍ້າຂອງອີກດ້ວຍ.
ການເຊັນສັນຍາສ້າງຂົວຂ້າມແມ່ນໍ້າຂອງ ທີ 4 ລະຫວ່າງລາວ ແລະໄທ

ການເຊັນສັນຍາສ້າງຂົວຂ້າມແມ່ນໍ້າຂອງ ທີ 4 ລະຫວ່າງລາວ ແລະໄທ

ສ່ວນກ່ຽວກັບຄວາມຄືບໜ້າໃນການກໍ່ສ້າງຂົວຂ້າມແມ່ນໍ້າ ຂອງແຫ່ງທີ 4 ລະຫວ່າງ ລາວກັບໄທ ທີ່ເຊື່ອມຕໍ່ຈາກເມືອງ ຫ້ວຍຊາຍຂອງລາວໄປອໍາເພີຊຽງຂອງໃນຈັງຫວັດຊຽງຣາຍ ຂອງໄທນັ້ນ ກໍຈະສໍາເລັດແລະທໍາພິທີເປີດໃຊ້ຢ່າງເປັນທາງ ການໃນເດືອນມິຖຸນາປີນີ້ ໂດຍເນື່ອງຈາກຂົວດັ່ງກ່າວນີ້ຈະ ເປັນການເຊື່ອມຕໍ່ການຄົມມນະນາຄົມ-ຂົນສົ່ງລະຫວ່າງລາວ ກັບ ຈີນແລະໄທ ຈຶ່ງເຮັດໃຫ້ເຊື່ອວ່າຈະມີສ່ວນຢ່າງສໍາຄັນ ໃນການຂະຫຍາຍການຄ້າລະຫວ່າງ 3 ປະເທດໃຫ້ມີມູນຄ່າ ເພີ່ມຂຶ້ນຢ່າງຕໍ່ເນື່ອງ ດັ່ງທີ່ທ່ານສະເຫຼີມພົນ ພົງສະບັບນະພາ ຫົວໜ້າສໍານັກງານການຄ້າ ຈັງຫວັດຊຽງຣາຍຂອງໄທ ໄດ້ໃຫ້ການຢືນຢັນວ່າ: ພາຍໃນເດືອນມິຖຸນາ ກໍສະພານມິດຕະພາບໄທ-ລາວ ສະພານຂ້າມແມ່ນໍ້າ ຂອງແຫ່ງທີ 4 ທີ່ຊຽງຂອງ-ຫ້ວຍຊາຍ ກໍຈະສໍາເລັດກໍຄືເປີດເປັນທາງການ ກໍຈະເດີນທາງກັນໄດ້ສະດວກຂຶ້ນທຸກມື້ ນີ້ກໍເຮັດໃຫ້ຜູ້ປະກອບການ ກໍໃຫ້ ຄວາມສົນໃຈກັນຫຼາຍ ແລະກໍການຄ້ານັ້ນກໍຂະຫຍາຍຕົວດີຂຶ້ນຫຼາຍ ຊຶ່ງອັນ ທີ່ດີນັ້ນ ກໍຕົວເລກນັ້ນກໍດີ ຕັ້ງແຕ່ປີ ພ.ສ. 2551 ຕັ້ງແຕ່ທີ່ຖະໜົນໃນລາວ-ຈີນ ເຊື່ອມຕໍ່ກັນໄດ້ ຊຶ່ງໃນລາວ ກໍມີການຄ້າ-ການລົງທຶນກັນຫຼາຍຂຶ້ນ.” ຂົວຂ້າມແມ່ນໍ້າຂອງແຫ່ງທີ 4 ລະຫວ່າງລາວ-ໄທດັ່ງກ່າວນີ້ ໃຊ້ງົບປະມານກໍ່ສ້າງຄິດ ເປັນມູນຄ່າລວມເກີນກວ່າ 40 ລ້ານໂດລາ ໂດຍລັດຖະບານໄທ  ແລະຈີນເປັນຜູ້ອອກ ທຶນຝ່າຍລະ 50% ແລະການກໍ່ສ້າງໄດ້ເລີ່ມແຕ່ປີ 2010 ເປັນຕົ້ນມາ ເມື່ອຂົວແຫ່ງນີ້ໄດ້ ເປີດໃຊ້ກໍຈະເປັນສ່ວນສໍາຄັນໃນການເຊື່ອມຕໍ່ຄົມມະນາຄົມ-ຂົນສົ່ງ ຈາກມົນທົນຢູນ ນານຂອງຈີນ ຜ່ານທາງຫຼວງເລກ 3 ໃນແຂວງຫຼວງນໍ້າທາ ມາໄທ ຕາມແຜນການເຊື່ອມ ຕໍ່ເໜືອ-ໃຕ້ ໃນເຂດລຸ່ມແມ່ນໍ້າຂອງນັ້ນເອງ.

From: VOA
Read Full Post | Make a Comment ( None so far )

ລາວຢັນຢັນ ຈະສ້າງ ເຂື່ອນໄຟຟ້າ ອີກ 8 ໂຄງການ ເທິງລໍາ ແມ່ນໍ້າຂອງ

Posted on September 14, 2013. Filed under: ເສດຖະກິດ, Lao News | Tags: , , , |


ສະຖານທີ່ສ້າງເຂື່ອນໄຊຍະບູລີ

ສະຖານທີ່ສ້າງເຂື່ອນໄຊຍະບູລີ
ລັດຖະມົນຕີລາວ ຢືນຢັນວ່າ ຈະສືບຕໍ່ແຜນການກໍ່ສ້າງເຂື່ອນ ຜະລິດໄຟຟ້າໃນລໍາແມ່ນໍ້າຂອງອີກ 8 ໂຄງການ ໂດຍຈະປ້ອງ ກັນຜົນກະທົບຕໍ່ສິ່ງແວດລ້ອມຢ່າງໄດ້ມາດຕະຖານສາກົນ.
ທ່ານ ວີລະພົນ ວີລະວົງ ລັດຖະມົນຕີຊ່ວຍວ່າການກະຊວງພະ ລັງງານ ແລະບໍ່ແຮ່ໃຫ້ການຢືນຢັນກັບວີໂອເອວ່າ ແຜນການກໍ່ ສ້າງ ເຂື່ອນຜະລິດກະແສໄຟຟ້າເທິງແນວແມ່ນໍ້າຂອງອີກ 8 ໂຄງການທີ່ຕໍ່ເນື່ອງກັບໂຄງການເຂື່ອນໄຊຍະບູລີນັ້ນຍັງຈະສືບຕໍ່ໄປຈົນກວ່າຈະບັນ ລຸເປົ້າໝາຍທີ່ວາງໄວ້ ແລະການກໍ່ສ້າງທຸກໂຄງການກໍຈະມີການສຶກສາ ເພື່ອປ້ອງກັນ ບັນຫາຜົນກະທົບຕໍ່ສັງຄົມ ແລະ ສິ່ງແວດລ້ອມທໍາມະຊາດຢ່າງໄດ້ມາດຕະຖານ ສາກົນ ຄືກັບເຂື່ອນໄຊຍະບູລີທີ່ກໍາລັງດໍາເນີນການກໍ່ສ້າງຢູ່ໃນເວລາ ນີ້. ທັງນີ້ ໂດຍ 8 ໂຄງການກໍ່ສ້າງເຂື່ອນເທິງແນວແມ່ນໍ້າຂອງທີ່ທ່ານວີລະພົນ ໄດ້ໃຫ້ການຢືນ ຢັນກັບວີໂອເອ ດັ່ງກ່າວນີ້ ກໍປະກອບດ້ວຍ 5 ໂຄງການໃນເຂດພາກເໜືອ ກັບ 3 ໂຄງການ ໃນເຂດພາກໃຕ້ຊຶ່ງໃນນີ້ກໍມີພຽງໂຄງການເຂື່ອນບ້ານກຸ່ມເທົ່ານັ້ນ ທີ່ມີທີ່ຕັ້ງຢູ່ໃນເຂດ ຊາຍແດນໃນແນວແມ່ນໍ້າຂອງ ລະຫວ່າງລາວກັບໄທ ສ່ວນນອກນັ້ນກໍມີທີ່ຕັ້ງຢູ່ໃນເຂດ ອະທິປະໄຕຂອງລາວພຽງຝ່າຍດຽວ ດັ່ງທີ່ທ່ານວີລະພົນໄດ້ໃຫ້ການຊີ້ແຈງວ່າ:

ທ່ານວີລະພົນ ວິລາວົງ (ຊ້າຍ) ລັດຖະມົນຕີ ຊ່ວຍວ່າການ ກະຊວງພະລັງງານ ແລະບໍ່ແຮ່ແລະທ່ານລຽນ ທິແກ້ວ

ທ່ານວີລະພົນ ວິລາວົງ (ຊ້າຍ) ລັດຖະມົນຕີ ຊ່ວຍວ່າການ ກະຊວງພະລັງງານ ແລະບໍ່ແຮ່ແລະທ່ານລຽນ ທິແກ້ວ

ຢູ່ນໍ້າຂອງນີ້ິ ເຊັນໄປແລ້ວ ຢູ່ພາກເໜືອ 5 ໂຄງການ ຢູ່ ບ້ານກຸ່ມ ເປັນຊາຍແດນລາວ-ໄທນີ້ນຶ່ງໂຄງການ ແລ້ວກະ ມີຢູ່ທາງພາກໃຕ້ ມີພູງອຍ ນຶ່ງໂຄງການ ແລ້ວກໍມີຢູ່ດອນ ສະຫົງ ກັບທ່າຄໍ້ ແຕ່ວ່າຄັນທ່າຄໍ້ ກັບດອນສະຫົງຫັ້ນເລືອກ ອັນນຶ່ງແລ້ວກະແລ້ວນີ້ ລວມແລ້ວກະແປດໂຄງການ.” ສ່ວນກ່ຽວກັບຄວາມຄືບໜ້າຂອງການກໍ່ສ້າງເຂື່ອນໄຊຍະບູລີ ເທິງແນວແມ່ນໍ້າຂອງໃນແຂວງໄຊຍະບູລີນັ້ນ ທ່ານວີລະພົນ ກໍຢືນຢັນວ່າເຂື່ອນໄຊຍະບູລີ ເປັນໂຄງການນຶ່ງທີ່ມີຄວາມທັນ ສະໄໝທີ່ສຸດ ເນື່ອງຈາກໄດ້ມີການນໍາໃຊ້ເທັກ ໂນໂລຈີສະໄໝ ໃໝ່ ທີ່ມີການນໍາໃຊ້ທັງໃນສະຫະລັດອາເມຣິກາ ແລະບັນດາປະເທດໃນສະຫະພາບ ຢູໂຣບ. ຍິ່ງໄປກວ່ານັ້ນ ການທີ່ເທັກໂນໂລຈີສະໄໝໃໝ່ດັ່ງກ່າວນີ້ກໍຍັງເປັນເທັກໂນໂລຈີທີ່ພັດທະ ນາຂຶ້ນມາ ເພື່ອການຜະລິດພະລັງງານທົດແທນ ແລະເປັນພະລັງງານທີ່ສະອາດອີກດ້ວຍ ນັ້ນ ຈຶ່ງເຮັດໃຫ້ທາງການລາວມີຄວາມເຊື່ອໝັ້ນວ່າ ເຂື່ອນໄຊຍະບູລີ ຈະເປັນເຂື່ອນທີ່ ເປັນມິດຕໍ່ສະພາບແວດລ້ອມທໍາມະຊາດ ທັງຍັງຈະມີສ່ວນຢ່າງສໍາຄັນ ຕໍ່ການພັດທະນາ ທາງເສດຖະກິດ ເພື່ອການລົບລ້າງບັນຫາຄວາມຍາກຈົນຂອງປະຊາຊົນລາວອີກດ້ວຍ. ທາງດ້ານ ທ່ານສົມພິດ ແກ້ວວິຈິດ ຫົວໜ້າຜະແນກພັດທະນາໂຄງການກົມທຸລະກິດພະ ລັງງານຂອງກະຊວງພະລັງງານ ແລະບໍ່ແຮ່ ກໍຖະແຫຼງຢືນຢັນວ່າ ການກໍ່ສ້າງເຂື່ອນໄຊຍະ ບູລີເທິງແນວແມ່ນໍ້າຂອງທີ່ໄດ້ເລີ່ມລົງມືກໍ່ສ້າງ ນັບແຕ່ທ້າຍປີ 2012 ເປັນຕົ້ນມາຈົນເຖິງ ປັດຈຸບັນນີ້ ໄດ້ຄືບໜ້າແລ້ວ ຄິດເປັນສັດສ່ວນ 13% ຂອງແຜນການທີ່ວາງໄວ້ຈົນເຖິງປີ 2019. ທັງນີ້ໂດຍການກໍ່ສ້າງເຂື່ອນໄຊຍະບູລີໄດ້ແບ່ງອອກເປັນ 2 ລະຍະດ້ວຍກັນ ຄືລະຍະທີ 1 ໃນຊ່ວງປີ 2012-2014 ແລະລະຍະທີ 2 ໃນຊ່ວງປີ 2015- 2019 ໂດຍການດໍາເນີນ ງານໃນລະຍະທີ່ຜ່ານມາ ກໍໄດ້ສ້າງຄູກັນນໍ້າສໍາເລັດ ແລ້ວ 100% ສ່ວນການກໍ່ສ້າງເກາະ ກາງນໍ້າ ກໍຄືບໜ້າກວ່າ 20% ການກໍ່ສ້າງທາງເດີນເຮືອຄືບໜ້າ 3%, ທາງລະບາຍນໍ້າລົ້ນ ຄືບໜ້າກວ່າ 2% ແລະໃນດ້ານອື່ນໆ ເຊັ່ນ ທາງຂຶ້ນ-ລົງຂອງປາ ແລະໂຮງຈັກໄຟຟ້ານັ້ນ ກໍກໍາລັງດໍາເນີນການຢ່າງຕັ້ງໜ້າ ແລະເປັນໄປຕາມແຜນການທີ່ວາງໄວ້ທຸກດ້ານ ຈຶ່ງເຊື່ອ ໝັ້ນວ່າການກໍ່ສ້າງເຂື່ອນໄຊຍະບູລີຈະສໍາເລັດໂດຍສົມບູນພາຍໃນ ປີ 2019 ຢ່າງແນ່ນອນ. ໂຄງການເຂື່ອນໄຊຍະບູລີ ມີກໍານົດການກໍ່ສ້າງສໍາເລັດ ແລະເລີ່ມສົ່ງກະແສ ໄຟຟ້າຂາຍ ໃຫ້ກັບການໄຟຟ້າຝ່າຍຜະລິດແຫ່ງປະເທດໄທ ນັບແຕ່ປີ 2019 ເປັນຕົ້ນໄປ ຊຶ່ງກໍຈະເຮັດ ໃຫ້ກຸ່ມລົງທຶນມີລາຍຮັບຈາກການຂາຍພະລັງງານໄຟຟ້າສ່ວນໃຫຍ່ ທີ່ຜະລິດໄດ້ເຖິງ 1,285 ເມກາວັດ ນັ້ນ ຄິດເປັນມູນຄ່າ ລວມກວ່າ 13,000 ລ້ານໂດລາ ໃນຕະຫຼອດໄລຍະສໍາປະ ທານ 29 ປີ ໂດຍລັດຖະບານລາວ ກໍຈະໄດ້ສ່ວນແບ່ງຄິດເປັນມູນຄ່າລວມເຖິງ 3,900 ລ້ານ ໂດລາ ໃນຕະຫຼອດໄລຍະສໍາປະທານດັ່ງກ່າວ.

Read Full Post | Make a Comment ( None so far )

ລາວສັ່ງໃຫ້ ວິທະຍາໄລ ລັດ ແລະ ເອກກະຊົນ 54 ແຫ່ງ ໃນວຽງຈັນ ໂຈະຮັບ ນັກຮຽນ

Posted on September 14, 2013. Filed under: Lao News | Tags: , , , |


ພິທີມອບໃບຍ້ອງຍໍແກ່ນັກຮຽນທີ່ຮຽນເກັ່ງ ທີ່ໂຮງຮຽນແຫ່ງນຶ່ງໃນລາວ
ພິທີມອບໃບຍ້ອງຍໍແກ່ນັກຮຽນທີ່ຮຽນເກັ່ງ ທີ່ໂຮງຮຽນແຫ່ງນຶ່ງໃນລາວ
ລັດຖະມົນຕີລາວມີຄໍາສັ່ງໃຫ້ວິທະຍາໄລຂອງລັດຖະບານແລະ ເອກກະຊົນ 54 ແຫ່ງໃນນະຄອນວຽງຈັນໂຈະການຮັບນັກສຶກ ສາເຂົ້າສຶກສາໃນລະດັບປະລິນຍາ ຕີ-ໂທ-ເອກ ເນື່ອງຈາກ ຄຸນນະພາບການຮຽນ-ການສອນຍັງຕໍ່າ.
ທ່ານພັນຄໍາ ວິພາວັນ ລັດຖະມົນຕີວ່າການກະຊວງສຶກສາທິການ ແລະກິລາຖະແຫຼງຢືນຢັນວ່າ ທ່ານໄດ້ມີຄໍາສັ່ງໃຫ້ສະຖາບັນ ການສຶກສາຊັ້ນສູງ 54 ແຫ່ງໃນເຂດນະຄອນວຽງຈັນ ຕ້ອງໂຈະ ການຮັບນັກສຶກສາໃໝ່ເຂົ້າສຶກສາຕໍ່ໃນລະດັບ ປະລິນຍາຕີ ປະລິນຍາໂທ ແລະປະລິນຍາ ເອກ ໃນສົກຮຽນປະຈໍາປີ 2013-2014 ນີ້ ເປັນການຊົ່ວຄາວ ຫຼືຈົນກວ່າວ່າທັງ 54 ສະຖາ ບັນການສຶກສາດັ່ງກ່າວນີ້ຈະໄດ້ພັດທະນາປັບປຸງຄຸນນະພາບການຮຽນ- ການສອນໃຫ້ໄດ້ ມາດຕະຖານຢ່າງຄັກແນ່ແລ້ວ. ທ່ານພັນຄໍາ ໄດ້ໃຫ້ການອະທິບາຍວ່າ ສາເຫດທີ່ໄດ້ມີຄໍາສັ່ງດັ່ງກ່າວນີ້ ກໍຍ້ອນວ່າ ການກວດ ກາໃນລະຍະທີ່ຜ່ານມາພົບວ່າສະຖາບັນການສຶກສາຊັ້ນສູງທັງ 54 ແຫ່ງ ໃນເຂດນະຄອນ ວຽງຈັນ ຊຶ່ງເປັນສະຖາບັນທີ່ຢູ່ໃນສັງກັດຂອງລັດຖະບານ 25 ແຫ່ງ ແລະ 29 ແຫ່ງເປັນວິ ທະຍາໄລຂອງເອກກະຊົນນັ້ນ ຍັງມີບັນຫາໃນຫຼາຍໆ ດ້ານທີ່ຈະຕ້ອງດໍາເນີນການພັດທະ ນາແລະປັບປຸງໃຫ້ໄດ້ມາດຕະຖານ ໂດຍສະ ເພາະແມ່ນຄູແລະອາຈານທີ່ສອນຢູ່ສະຖາ ບັນການສຶກສາເຫຼົ່ານີ້ ຍັງມີຈໍານວນຈໍາ ກັດ ທັງມີຄຸນນະພາບທີ່ບໍ່ໄດ້ມາດຕະຖານໃນລະ ດັບດຽວກັນກັບບັນດາປະເທດສະມາຊິກໃນກຸ່ມອາຊ່ຽນອີກດ້ວຍ. ທັງນີ້ກໍເນື່ອງຈາກວ່າການເປັນປະຊາຄົມອາຊ່ຽນນັບແຕ່ປີ 2015 ເປັນຕົ້ນມານັ້ນ ໝາຍເຖິງ ການເປີດເສລີທັງໃນດ້ານຄ້າ ແລະການລົງທຶນ ແລະການຈ້າງງານ ລະຫວ່າງ 10 ປະເທດ ສະມາຊິກຂອງອາຊ່ຽນ ໂດຍສໍາລັບໃນດ້ານຂອງການຈ້າງ ງານຢ່າງເສລີນັ້ນ ກໍຍ່ອມ ຈະເປັນທໍາມະດາທີ່ຜູ້ລົງທຶນຈະພິດຈາລະນາວ່າຈ້າງບຸກຄະລາກອນທີ່ມີຄວາມຮູ້ຄວາມ ສາມາດສູງກວ່າຢູ່ແລ້ວ ເພາະສະນັ້ນ ການທີ່ລາວ ຈະສາມາດແຂ່ງຂັນໃນດ້ານດັ່ງກ່າວນີ້ ໄດ້ຢ່າງແທ້ຈິງນັ້ນ ຈຶ່ງມີຄວາມຈໍາເປັນຢ່າງຍິ່ງ ທີ່ຈະຕ້ອງ ເລັ່ງດໍາເນີນການພັດທະນາປັບປຸງ ຄຸນນະພາບຂອງບຸກຄະລາກອນ ໃຫ້ເປັນທີ່ຍອມຮັບຂອງບັນດານາຍຈ້າງນັ້ນເອງ.

ພິທີຮັບໃບປະກາດຂອງນັກສຶກສາໂຮງຮຽນສ້າງຄູ

ພິທີຮັບໃບປະກາດຂອງນັກສຶກສາໂຮງຮຽນສ້າງຄູ

ການທີ່ຈະເຮັດໃຫ້ບັນດານາຍຈ້າງຍອມຮັບໃນຄຸນນະພາບ ຂອງບຸຄະລາກອນລາວ ຈຶ່ງມີພຽງການພັດທະນາຄຸນນະ ພາບດ້ານການສຶກສາຂອງລາວໃຫ້ໄດ້ມາດຕະຖານດຽວ ກັນກັບໃນອາຊ່ຽນເທົ່ານັ້ນ ດັ່ງທີ່ທ່ານພັນຄໍາ ໄດ້ໃຫ້ການ ອະທິບາຍວ່າ. ປັບປຸງຄຸນນະພາບພາຍໃນຂອງເຮົາແລ້ວ ບັດນີ້ ເຊື່ອມໂຍງມັນກະມີກົນໄກຂອງມັນ ກົນໄກທໍາອິດ ກໍຮັບຮູ້ໜ່ວຍກິດ ຫຼືວ່າຮັບຮູ້ໃນປະກາດສະນີຍະບັດ ຊຶ່ງກັນ ແລະກັນ ແຕ່ວ່າຄັນເຮົາບໍ່ປັບປຸງຄຸນນະພາບ ເຂົາປັບໃຫ້ເຮົາ ເຮົາເວົ້າ ໄດ້ຢູ່ວ່າຈົບເສດຖະສາດບໍລິຫານທຸລະກິດ ມະຫາວິທະຍາໄລແຫ່ງຊາດ ແຕ່ວ່າ ສິໄປທຽບກັບຂອງເຂົາ ເຂົາກະປັບເຈົ້າ ທີ່ຈິງແລ້ວກ່ອນທີ່ຈະໄປທຽບ ມັນຕ້ອງມີ ການປະເມີນ” ກະຊວງສຶກສາທິການແລະກິລາຂອງລາວລາຍງານວ່າໃນສົກຮຽນປະຈໍາປີ 2012-2013 ທີ່ຜ່ານມາ ມີນັກຮຽນທີ່ຜ່ານການສອບເສັງເພື່ອຈົບຊັ້ນມັດທະຍົມ ປາຍຈໍານວນທັງໝົດ 44,490 ຄົນ ຈາກຈໍານວນນັກຮຽນທີ່ສອບເສັງທັງໝົດ 45,226 ຄົນໃນທົ່ວປະເທດ ຫາກ ແຕ່ວ່າໃນຈໍານວນນັກຮຽນທີ່ຈົບຊັ້ນມັດທະຍົມ ປາຍດັ່ງກ່າວນີ້ ກໍຈະມີພຽງແຕ່ 9,950 ຄົນ ເທົ່ານັ້ນ ທີ່ຈະມີໂອກາດໄດ້ສຶກສາຕໍ່ ໃນມະຫາວິທະຍາໄລແຫ່ງຊາດທັງ 4 ແຫ່ງຂອງລັດ ຖະບານລາວ ໃນສົກຮຽນ 2013- 2014 ນີ້. ຊຶ່ງກໍຄືມະຫາວິທະຍາໄຍແຫ່ງຊາດຢູ່ນະຄອນວຽງຈັນ ຮັບນັກສຶກສາໃໝ່ທັງໝົດ 6,694 ຄົນ ໃນຂະນະທີ່ມະຫາວິທະຍາໄລສຸພານຸວົງຢູ່ຫຼວງພະບາງຮັບໄດ້ 1,297 ຄົນ ສ່ວນມະຫາ ວິທະຍາໄລແຫ່ງຊາດຢູ່ທີ່ສະຫວັນນະເຂດ ກໍຮັບໄດ້ບໍ່ເກີນ 1,125 ຄົນ ແລະມະຫາວິທະຍາ ໄລແຫ່ງຊາດຢູ່ທີແຂວງຈໍາປາສັກ ກໍຮັບນັກສຶກສາໃໝ່ໄດ້ພຽງແຕ່ 834 ຄົນ ເທົ່ານັ້ນ. ສ່ວນນັກຮຽນທີ່ຈົບຊັ້ນມັທະຍົມປາຍອີກຈໍານວນຫຼາຍກວ່າ 31,800 ຄົນ ທີ່ຈະບໍ່ ໄດ້ຮັບ ໂອກາດສຶກສາຕໍ່ໃນມະຫາວິທະຍາໄລແຫ່ງຊາດທັງ 4 ແຫ່ງ ດັ່ງກ່າວນັ້ນ ກໍຈະຕ້ອງສຶກສາ ຕໍ່ໃນສະຖາບັນການສຶກສາດ້ານວິຊາຊີບຊັ້ນສູງທັງຂອງລັດຖະບານແລະພາກເອກກະຊົນ. ແຕ່ຢ່າງໃດກໍຕາມ ໃນສົກຮຽນ 2012-2013 ທີ່ຜ່ານມາກໍປາກົດວ່າ ມີນັກຮຽນພຽງ 8,000 ກວ່າຄົນເທົ່ານັ້ນ ທີ່ສະມັກເຂົ້າຮຽນຕໍ່ໃນລະດັບດັ່ງກ່າວ ໃນຂະນະທີ່ ກະຊວງສຶກສາທິ ການໄດ້ວາງເປົ້າໝາຍທີ່ຈະຮັບນັກຮຽນເຂົ້າສຶກສາຕໍ່ໃນລະດັບວິຊາຊີບໃຫ້ໄດ້ຫຼາຍກວ່າ 16,000 ຄົນ.

Read Full Post | Make a Comment ( None so far )

ລາວຈະເປີດໃຫ້ 20 ບໍລິສັດ ເອກກະຊົນ ຈົດທະບຽນ ການຄ້າຮຸ້ນ ໃນໝໍ່ໆນີ້

Posted on September 14, 2013. Filed under: ເສດຖະກິດ, Lao News | Tags: , , , , , , |


ບໍລິສັດດາວເຮືອງ

ລາວຈະເປີດຮັບບໍລິສັດເອກກະຊົນເຂົ້າຈົດທະບຽນ ການຄ້າຮຸ້ນໃນຕະ ຫຼາດຫຼັກຊັບ ເພີ່ມຂຶ້ນອີກ 20 ບໍລິສັດໃນໝໍ່ໆນີ້ ຊຶ່ງຈະເຮັດໃຫ້ມີບໍລິສັດຈົດທະ ບຽນ ໃນຕະຫຼາດຫຼັກຊັບເປັນ 22 ບໍລິສັດ.
ທ່ານ ສົມສະຫວາດ ເລັ່ງສະຫວັດ ຮອງນາຍົກລັດຖະມົນຕີຜູ້ຊີ້ນໍາວຽກງານດ້ານເສດຖະກິດ ແລະປະທານຄະນະກໍາມະການຄຸ້ມຄອງຕະຫຼາດຫຼັກຊັບແຫ່ງຊາດລາວ ໄດ້ໃຫ້ການຢືນຢັນ ກັບວີໂອເອ ວ່າ ລັດຖະບານລາວມີແຜນການທີ່ຈະເປີດຮັບບໍລິສັດມະຫາຊົນເຂົ້າຈົດ ທະບຽນເພື່ອທໍາການຄ້າຮຸ້ນໃນຕະຫຼາດຫຼັກຊັບຂອງລາວ ເພີ່ມຂຶ້ນອີກເຖິງ 20 ບໍລິສັດໃນ ໝໍ່ໆນີ້. ຫາກແຕ່ວ່າການຈົດທະບຽນ ດັ່ງກ່າວຈະມີຂຶ້ນຢ່າງເປັນທາງການມື້ໃດແທ້ນັ້ນ ກໍຍັງຄົງ ບໍ່ສາມາດທີ່ຈະກໍານົດໄດ້ຈົນເຖິງຂະນະນີ້ ເນື່ອງຈາກວ່າຄວາມພ້ອມຕ່າງໆ ນັ້ນບໍ່ໄດ້ຢູ່ ທີ່ຄະນະກໍາມະການຄຸ້ມຄອງຕະຫຼາດຫຼັກຊັບແຫ່ງຊາດລາວແຕ່ຢ່າງໃດ ຫາກແຕ່ຂຶ້ນຢູ່ ກັບການພັດທະນາປັບປຸງລະບົບການບັນຊີແລະການບໍລິຫານງານທີ່ ໄດ້ມາດຕະຖານ ສາກົນຂອງແຕ່ລະບໍລິສັດເປັນສໍາຄັນ ດັ່ງທີ່ທ່ານສົມສະຫວາດ ໄດ້ໃຫ້ການຊີ້ແຈງວ່າ: ແຕ່ວ່າຄັນຖ້າພວກເຂົາບໍ່ກຽມພ້ອມໄດ້ຕາມອັນນີ້ ນີ້ຂ້ອຍກະບໍ່ຮັບ ຍົກຕົວຢ່າງ ບໍລິສັດອັນນີ້ ທີ່ເຈົ້າມານີ້ຄັນເຈົ້າມີໜ້າສິນມະຫາສານແລ້ວຍັງຈະເອົາເຂົ້າມາ ແມ່ນ ໃຜຈະຊື້ກັບເຈົ້າ ຫຼືວ່າຢູ່ໃນບໍລິສັດໂຄງສ້າງການຈັດຕັ້ງຂອງເຈົ້າກໍບໍ່ດີ ຜູ້ອໍານວຍ ການນີ້ເດເຂົາສົງໃສວ່າໝໍນີ້ມີປາກົດການສໍ້ໂກງ ແລະຄົນທັງຫຼາຍ ເຂົາກໍຮູ້ກັນເດ ເນາະອັນນີ້ໄດ້ເວົ້າກັນລະອຽດສົມຄວນ.” ໂດຍກ່ອນໜ້ານີ້ ຄະນະກໍາມະການຄຸ້ມຄອງຕະຫຼາດຫຼັກຊັບແຫ່ງຊາດລາວ ໄດ້ດໍາເນີນ ການສໍາຫຼວດບັນດາບໍລິສັດໃນລາວຈໍານວນ 1,087 ລາຍ ຊຶ່ງກໍພົບວ່າມີຢູ່ 38 ບໍລິສັດທີ່ ມີເງື່ອນໄຂທີ່ສາມາດຈະຂໍຈົດທະບຽນໃນຕະຫຼາດຫຼັກຊັບໄດ້ ຫາກ ແຕ່ວ່າ ພາຍຫຼັງຈາກ ທີ່ໄດ້ທໍາການກວດກາຢ່າງຮອບດ້ານອີກເທື່ອໃໝ່ ກໍປາກົດວ່າມີຢູ່   20 ບໍລິສັດທີ່ໄດ້ສະ ແດງຄວາມປະສົງທີ່ຈະຂໍຈົດທະບຽນໃນ ຕະຫຼາດຫຼັກຊັບ ໂດຍໃນນີ້ກໍລວມເຖິງວິສາຫະກິດ ໂທລະຄົມມະນາຄົມລາວ (ETL) ບໍລິສັດລາໂທລະ ຄົມມະນາຄົມ (Lao Telecom)  ກຸ່ມ ບໍລິສັດດາວ ເຮືອງການ ຄ້າຂາອອກ-ຂາເຂົ້າ ບໍລິສັດອິນໂດຈີນຈໍາກັດ (ມະຫາຊົນ) ລັດວິ ສາຫະກິດ ການບິນລາວ (Lao Airlines) ບໍລິສັດ Lao World, ທະນາຄານພົງສະຫວັນ ແລະບໍລິສັດຄ້ານໍ້າມັນ ເຊື້ອໄຟ ເປັນຕົ້ນ. ທັງນີ້ ໂດຍທາງການລາວຄາດຫວັງວ່າການຈົດທະບຽນບໍລິສັດເຂົ້າໃນຕະຫຼາດຫຼັກ ຊັບ ເພີ່ມຂຶ້ນນີ້ ຈະມີສ່ວນຢ່າງສໍາຄັນໃນການເຮັດໃຫ້ການຊື້-ຂາຍຮຸ້ນກັບຄືນສູ່ສະ ພາວະທີ່ ຄຶກຄື້ນອີກເທື່ອໃໝ່ ເພາະວ່າ ການຊື້ຂາຍຮຸ້ໃນຕະຫຼາດຫຼັກຊັບຂອງລາວ ນັບແຕ່ເດືອນ ມັງກອນ 2011 ເປັນຕົ້ນມາ ໄດ້ດໍາເນີນໄປພາຍໃຕ້ສະພາວະການ ຜັນຜວນມາໂດຍຕະ ຫຼອດ ຊຶ່ງກໍຈະເຫັນໄດ້ຈາກການປັບຕົວຂຶ້ນ-ລົງຂອງລາຄາຮຸ້ນ ທີ່ມີຄວາມແຕກຕ່າງກັນ ຢ່າງຫຼວງຫຼາຍ. ຕົວຢ່າງກໍຄືຮຸ້ນຂອງທະນາຄານ ການຄ້າຕ່າງປະເທດ ທີ່ເຄີຍມີລາຄາສູງເຖິງ 15,400 ກີບ ຕໍ່ຮຸ້ນນັ້ນ ກໍໄດ້ປັບຕົວລົດລົງເຖິງລະດັບຕໍ່າສຸດທີ່ 5,700 ກີບຕໍ່ຮຸ້ນ ໂດຍຄິດເປັນອັດຕາ ສະເລ່ຍທີ່ລົດຕໍ່າລົງມາເຖິງ 63% ສ່ວນຮຸ້ນຂອງບໍລິສັດໄຟຟ້າ ລາວທີ່ເຄີຍມີລາຄາສູງ ເຖິງ 8,800 ກີບຕໍ່ຮຸ້ນ ກໍໄດ້ປັບລົດລົງມາຢູ່ທີ່ລະດັບ 4,100 ກີບຕໍ່ຮຸ້ນ ຊຶ່ງຄິດເປັນອັດຕາການ ຕົກຕໍ່າລົງຂອງລາຄາຮຸ້ນເຖິງ 54%​ ເຈົ້າໜ້າທີ່ຕະຫຼາດຫຼັກຊັບຂອງລາວ ບອກວ່າສາເຫດສໍາຄັນທີ່ເຮັດໃຫ້ເກີດສະພາວະຜັນ ຜວນດັ່ງກ່າວ ກໍເພາະວ່ານັກລົງທຶນສ່ວນໃຫຍ່ໃນຕະຫຼາດຕ່າງກໍພາກັນ ເນັ້ນໜັກໄປໃນ ດ້ານຂອງການເກັງກໍາໄລ ຈາກການຊື້-ຂາຍຮຸ້ນໃນລະຍະສັ້ນໆ ເທົ່ານັ້ນ ຊຶ່ງເມື່ອປະກອບ ກັບຕະຫຼາດຫຼັກຊັບຂອງລາວ ກໍເປັນຕະຫຼາດຂະໜາດ ນ້ອຍທີ່ມີການຊຶ້-ຂາຍຮຸ້ນພຽງ 2 ບໍລິສັດເທົ່ານັ້ນ ຈຶ່ງເຮັດໃຫ້ບັນດານັກຄ້າຮຸ້ນທີ່ ຕ້ອງການຜົນກໍາໄລລະຍະສັ້ນ ສາມາດສ້າງ ຜົນປະໂຫຍດໄດ້ ດ້ວຍການປັນລາ ຄາຮຸ້ນໃຫ້ຂຶ້ນ-ລົງ ຕາມຕ້ອງການໄດ້ຢ່າງງ່າຍດາຍ. ເພາະສະນັ້ນ ການຈົດທະບຽນບໍລິສັດຕະຫຼາດຫຼັກຊັບ ເພີ່ມຂຶ້ນດັ່ງກ່າວຈຶ່ງບໍ່ ພຽງແຕ່ຈະ ເຮັດໃຫ້ການປັນລາຄາຮຸ້ນສາມາດເຮັດໄດ້ຍາກຂຶ້ນເທົ່ານັ້ນ ຫາກແຕ່ກໍ ຍັງຈະເພີ່ມມູນ ຄ່າການຊື້-ຂາຍຮຸ້ນໃນຕະຫຼາດຫຼັກຊັບຂອງລາວໃຫ້ສູງຂຶ້ນກວ່າໃນປັດຈຸບັນນີ້ອີກດ້ວຍ.
Read Full Post | Make a Comment ( None so far )

ການປະດິດ ລົດຖີບ ເຮັດດ້ວຍໄມ້ໄຜ່ ໃນຟີລີປິນ

Posted on September 14, 2013. Filed under: ສາລະໜ້າຮູ້, Lao News | Tags: , , , |


ກໍາມະກອນເອົາລົດຖີບທີ່ເຮັດດ້ວຍໄມ້ໄຜ່ ທີ່ລູກຄ້າສັ່ງ ແຂວນໄວ້ໃນໂຮງງານ ຜະລິດລົດຖີບຢູ່ໃນເມືອງ Victoria, Tarlac, ທາງພາກເໜືອຂອງກຸງມະນີລາ ໃນວັນທີ 12 ມັງກອນ 2011.

ກໍາມະກອນເອົາລົດຖີບທີ່ເຮັດດ້ວຍໄມ້ໄຜ່ ທີ່ລູກຄ້າສັ່ງ ແຂວນໄວ້ໃນໂຮງງານ ຜະລິດລົດຖີບຢູ່ໃນເມືອງ Victoria, Tarlac, ທາງພາກເໜືອຂອງກຸງມະນີລາ ໃນວັນທີ 12 ມັງກອນ 2011.

ລົດຖີບ ສາມາດຫລຸດຜ່ອນຄວາມທຸກຈົນ ແລະອະນຸລັກສິ່ງ ແວດລ້ອມ ໄປພ້ອມໆກັນໄດ້ບໍ່ຢູ່ໃນຟີລິບປິນ? ນັກປະກອບ ທຸລະກິດສັງຄົມຢູ່ທີ່ນັ້ນເວົ້າວ່າ ລົດຖີບທີ່ທັນສະໄໝຊະນິດນຶ່ງ ຂອງລາວ ຊຶ່ງເຮັດດ້ວຍໄມ້ໄຜ່ທີ່ປູກຢູ່ໃນທ້ອງຖິ່ນສາມາດເຮັດ ໄດ້ແນວນັ້ນແທ້.

ທ່ານ Bryan Benitez McClelland ມີຄວາມຫລົງໄຫຼກ່ຽວກັບ ລົດຖີບ. ເໝືອນກັນກັບຄົນອື່ນໆທີ່ອອກໄປຫາຫົນທາງຂອງເມືອງ Makati, ຊາຍອາເມຣິກັນ ເຊື້ອສາຍຟີລິບປິນ ອາຍຸ 29 ປີ ຄົນນີ້ ຂີ່ລົດຖີບ ແຕ່ວ່າລົດຂອງລາວແມ່ນເຮັດດ້ວຍໄມ້ໄຜ່. ທ່ານ Bryan Benitez McClelland ຈາກບໍລິສັດ Bambikes ເວົ້າວ່າ:
“ເອີ, ໄມ້ໄຜ່ເປັນວັດຖຸທີ່ໜ້າເຫລືອເຊື່ອຫລາຍ. ຢູ່ໃນອານາຈັກຂອງຕົ້ນໄມ້ນັ້ນ ມັນໃຫຍ່ໄວຫລາຍອີ່ຫລີ ແລະກໍດູດຊຶມເອົາທາດ ຄາບອນໄດອັອກໄຊ໌ ໄດ້ຕັ້ງ ຫລາຍໂຕນ. ຈາກມຸມມອງອັນນັ້ນ ມັນເປັນຊັບພະຍາກອນທີ່ສາມາດນໍາໃຊ້ ຄືນໃໝ່ໄດ້ດີອີຫລີ. ແລະສະນັ້ນ ຢູ່ໃນລະດັບປະຕິບັດ ມັນເປັນໂຄງສ້າງທີ່ ເປັນລໍາແກວ່ງໄກວໄປມາ ທີ່ມີສຽງສະໜັ່ນແບບທໍາມະຊາດ ຊຶ່ງດູດຊຶມເອົາສຽງ ລົມກັນ ແລະສຽງ ຟົດນັນຢູ່ຕາມທ້ອງຖະໜົນ ແລະເຮັດໃຫ້ການຂີ່ນຸ້ມນວນດີ”
ໃນປີ 2010 ທ່ານ McClelland ໄດ້ຕັ້ງບໍລິສັດ Bambikes ຂຶ້ນມາ ຊຶ່ງເປັນບໍລິສັດທີ່ນຳເອົາ ໄມ້ໄຜ່ທີ່ປູກໃນເຂດທ້ອງຖິ່ນ ມາຜະລິດໃຫ້ເປັນ ໂຄງຮ່າງຂອງລົດຖີບ.
ບໍລິສັດເຮັດລົດຖີບ Bambikes ຕັ້ງຢູ່ເຂດຊົນນະບົດໃນເມືອງ Victoria ຊຶ່ງໄກຈາກເຂດ ເທດສະບານນະຄອນມະນີລາ 130 ກິໂລແມັດ.
ຢູ່ທີ່ນັ້ນ ໄມ້ໄຜ່ແມ່ນເກັບກ່ຽວມາຈາກສວນ ແລະຈາກປ່າ. ກໍາມະກອນຂອງບໍລິສັດ Bambike ຕັດ, ແຊ່ ແລະປຸງແຕ່ງວັດຖຸໃຫ້ເປັນໂຄງຮ່າງຂອງລົດຖີບເປັນການສະເພາະ.
ຜະລິດຕະພັນທີ່ເຮັດສໍາເລັດແລ້ວ ແມ່ນມີລາຄາຂ້ອນຂ້າງແພງ. ມັນເລີ້ມ ແຕ່ປະມານ 1 ພັນ 200 ໂດລາຂຶ້ນໄປ. ແຕ່ທ່ານ McClelland ເວົ້າ ວ່າ ກໍາໄລສ່ວນໃຫຍ່ແມ່ນໄດ້ເອົາ ກັບຄືນໄປໃຫ້ແກ່ປະຊາຄົມທຸກຈົນພວກ ນີ້. ທ່ານ McClelland ເວົ້າອີກວ່າ:
“ພວກເຮົາສາມາດທີ່ຈະຜະລິດລົດຖີບ ເຮັດດ້ວຍໄມ້ໄຜ່ ທີ່ໄດ້ຮັບການຮັບຮອງ ລະດັບໂລກ ສຳລັບຂາຍ ໃນຂະ ນະທີ່ຮັກສາວຽກເຮັດງານທໍາໄວ້ໃນປະເທດ ຢູ່ໃນເຂດຊົນນະບົດຂອງ ແຂວງເພື່ອວ່າກໍາມະກອນຈະສາມາດຢູ່ກັບຄອບ ຄົວຂອງເຂົາເຈົ້າແລະ ມີວຽກເຮັດງານທໍາທີ່ເປັນປະໂຫຍດຫລາຍ.”
ຫລາຍຄົນໃນຈໍານວນປະຊາຊົນທີ່ອາໄສຢູ່ໃນເຂດເທດສະບານ ທີ່ມີ 60 ພັນຄົນແຫ່ງ ນັ້ນ ແມ່ນເຮັດນາປູເຂົ້າ ແຕ່ວ່າ ບໍ່ແມ່ນວຽກງານ ທີ່ເຮັດໄດ້ ຕະຫລອດປີ.
ທ່ານ McClelland ແລະເຈົ້າເມືອງ Victoria ທ່ານ Candido Guiam ເຫັນວ່າການ ເຮັດວຽກງານຮ່ວມກັນ ແມ່ນຕ່າງຝ່າຍ ຕ່າງໄດ້ ຮັບຜົນປະໂຫຍດ. ພວກຊາວນາຂອງ ເມືອງ Victoria ບາງຄົນກໍປູກ ໄມ້ໄຜ່ໂດຍການນຳໄປຊໍາ ຫລືການຫວ່ານແກ່ນ. ທ່ານ Guiam ເຈົ້າເມືອງ Victoria ເວົ້າວ່າ:
“ສະນັ້ນ ອັນນີ້ເປັນໂຄງ ການທົດແທນອີກແບບນຶ່ງ ທີ່ພວກເຮົາສາມາດສະໜອງ ວຽກງານໃຫ້ແກ່ ປະຊາຊົນ. ພວກເຂົາເຈົ້າປູກ, ຕັດ, ເຂົາເຈົ້າຜະລິດໜໍ່ພັນໄມ້ ໄຜ່ ເພື່ອ ນຳໄປຊໍາ ພວກເຮົາຈ່າຍເຂົາເຈົ້າ 15 ເປໂຊ ຊຶ່ງນັບວ່າເປັນລາຍໄດ້ດີ ສົມຄວນ ສໍາລັບເຂົາເຈົ້າ. ສິ່ງທີ່ດີກໍຄືພາຍຫລັງທີ່ໄດ້ໜໍ່ພັນໄມ້ໄຜ່ແລ້ວ ພວກ ເຂົາເຈົ້າກໍເອົາກັບຄືນໄປ ປູກໄວ້ ຢູ່ເດີ່ນບ້ານຂອງເຂົາເຈົ້າ. ແລະ ຫວັງວ່າໃນ ສາມປີ ພວກເຂົາເຈົ້າຈະສາມາດຕັດມັນໄປຂາຍເອົາເງິນໄດ້.”
ທ່ານ Bryan Benitez McClelland ໄປຢ້ຽມຢາມບ່ອນປູກໄມ້ໄຜ່ແຫ່ງ ນຶ່ງທີ່ທາງເມືອງ ໄດ້ໃຫ້ການສະໜັບສະໜູນ. ທ່ານກ່າວວ່າ ພາຍໃນສອງ ສາມປີ ຕົ້ນໄຜ່ເຫຼົ່ານີ້ ກໍຈະແກ່ພໍທີ່ຈະຕັດໄດ້. ທ່ານ McClelland ກ່າວເພີ້ມວ່າ:
“ໄມ້ໄຜ່ເປັນວັດຖຸກໍ່ສ້າງທີ່ຂຽວທີ່ ສຸດໃນໂລກຢ່າງແນ່ນອນ. ໄມ້ໄຜ່ແມ່ນແຂງຄື ກັນກັບເຫລັກ ຖ້າຫາກ ເຮົາໃຊ້ຖືກຊະນິດຂອງມັນ. ມັນທົນທານຫລາຍ, ແຂງ ຫລາຍ, ແລະ ກໍສາມາດທີ່ຈະໝັ້ນໜຽວໄດ້ຕາມຄວາມຕ້ອງການຂອງໂຄງ ລົດຖີບ.”
ທ່ານ McClelland ກ່າວມ້ວນທ້າຍວ່າ ໄມ້ໄຜ່ ສາມາດໃຊ້ສ້າງໄດ້ຫລາຍຢ່າງ ນອກເໜືອ ໄປຈາກໂຄງລົດຖີບແລ້ວ. ທ່ານຫວັງວ່າ ບໍລິສັດ Bambikes ຫາກໍ່ເລີ້ມທໍາການປະຕິວັດ ກັບໄມ້ໄຜ່ ຢູ່ຟີລິບປິນ.

From: VOA news
Read Full Post | Make a Comment ( None so far )

ທາງການລາວກວດຄຸນນະພາບ ການສຶກສາ

Posted on September 14, 2013. Filed under: Lao News | Tags: , , , |


F-students

ນັກສຶກສາລາວ ຈົບຂັ້ນມັທຍົມ ຕ້ອງການສຶກສາຕໍ່ ມະຫາວິທຍາໄລ ເພື່ອຄວາມກ້າວໜ້າ ຂອງຕົນ ເພື່ອສັງຄົມ ເພື່ອປະເທດຊາດ

ເຈົ້າຫນ້າທີ່ ກະຊວງ ສຶກສາທິການ ທ່ານນື່ງເວົ້າວ່າ ກະຊວງ ສຶກສາທິການ ຈະສົ່ງ ເຈົ້າຫນ້າທີ່ ໄປເກັບກຳຂໍ້ມູນ ສະຖາບັນສຶກສາ ຣະດັບ ປຣິນຍາຕຣີ  79 ແຫ່ງທົ່ວປະເທດທີ່ເຄີຍເກັບມາແລ້ວຄັ້ງນຶ່ງຈາກ 54 ແຫ່ງໃນນະຄອນຫລວງວຽງຈັນ ຕາມແຜນການ ພັທນາຄຸນນະພາບ ການສຶກສາ ຊຶ່ງຖ້າພົບເຫັນສະຖາບັນໃດ ຫາກບໍ່ໄດ້ມາຕຖານ ຈະຫ້າມເປີດຮັບນັກສຶກສາ ປີທີ 1 ຢ່າງເດັດຂາດຈົນກວ່າ ຈະມີການປັບປຸງ ຄຸນນະພາບເສັຽກ່ອນ. ດັ່ງທ່ານກ່າວວ່າ:

“79 ແຫ່ງປັດຈຸບັນເພີ່ນໃຊ້ມາຕຖານດຽວເດ ເຮົາບໍ່ໄດ້ໂຈະແຕ່ ເອກກະຊົນຢ່າງດຽວ ຫມາຍຄວາມວ່າ ທັງຣັຖ ແລະເອກກະຊົນ ຫລາຍ ສະຖາບັນເພີ່ນໄດ້ໂຈະ ຫມົດຈົນກວ່າ ປະເມີນໂຕເອງ ຄັນຖ້າວ່າສະຖາບັນໃດ ຜ່ານເກນມາຕຖານ ກະຊວງສຶກສາກໍອະນຸຍາດ ໃຫ້ສືບຕໍ່ ເປີດປຣິນຕຣີ ໄດ້”.

ທ່ານກ່າວຕໍ່ໄປວ່າ ໃນປັດຈຸບັນ ສະຖາບັນການສຶກສາ ຂັ້ນປຣິນຍາຕຣີ ໃນທົ່ວປະເທດຖືກສັ່ງໃຫ້ໂຈະ ຮັບນັກຮຽນຊັ້ນປີ 1 ເຫດຜົລເພາະວ່າ ໃນລາວ ມີນັກສຶກສາ ທີ່ກຳລັງຮຽນຂັ້ນ ປຣິນຍາຕຣີ ທັງຫມົດ ປະມານ 95 ພັນຄົນ ໃນນັ້ນ  45 ພັນຄົນ ຮຽນສາຍ ອາຊີບການເງິນ ເມື່ອ ຮຽນຈົບອອກມາແລ້ວລົ້ນຕລາດ ຣັຖບານຕ້ອງການຢາກໃຫ້ຮຽນສາຍອາຊີບອື່ນ ຫລາຍກວ່າດັ່ງ ວິສວະກອນ ເທັກໂນໂລຈີ ແລະ ກະສິກັມ ທີ່ມີຄົນຮຽນຫນ້ອຍ ເພາະຕ້ອງການ ຍົກຣະດັບ ຄຸນນະພາບ ຝີມືແຮງງານລາວ ໃຫ້ມີຄວາມຊ່ຽວຊານ ໃນການພັທນາ ປະເທດຊາດ.

ສຳລັບມະຫາວິທຍາລັຍແຫ່ງຊາດ ມະຫາວິທຍາລັຍຈຳປາສັກ ມະຫາວິທຍາລັຍສຸພານຸວົງ ທີ່ຫລວງພຣະບາງ ມະຫາວິທຍາລັຍແພດສາດ ແລະ ມະຫາວິທຍາລັຍ ສວັນນະເຂດນັ້ນ ທາງການລາວ ກໍສັ່ງໃຫ້ປັບປຸງ ຄຸນນະພາບ ເຊັ່ນກັນ ແຕ່ອະນຸຍາດ ໃຫ້ຮັບນັກ ສຶກສາປີ 1 ຢູ່ເພື່ອຕອບສນອງ ຄວາມຕ້ອງການ ຂອງນັກຮຽນ ທີ່ຮຽນຈົບມັທຍົມ ໃຫ້ມີບ່ອນຮຽນຕໍ່.

From: Lao Voice

Read Full Post | Make a Comment ( None so far )

ຫລວງປູ່ເນນຄຳ ຢູ່ລາວ

Posted on September 14, 2013. Filed under: Lao News | Tags: , , |


F-monk-Wirapol

ຫລວງປູ່ເນນຄຳທີ່ມີຊື່ ສາມັນຊົນທັມມະດາ ວ່ານາຍ ວິຣະພົນ ສຸກຜົນ
ກົມສືບສວນ ພິເສດ ຫລື DSI ຂອງໄທ ຣາຍງານວ່າ ຫລວງປູ່ ເນນຄຳ ທີ່ມີຊື່ເປັນ ສາມັນຊົນ ທັມມະດາວ່າ ນາຍ ວິຣະພົນ ສຸກຜົນ ປັດຈຸບັນ ກຳລັງ ລີ້ຊ່ອນ ຢູ່ລາວ ເພາະ Facebook ມີຮູບ ຂອງ ຫລວງປູ່ເນນຄຳ ກຳລັງ ຕັດບາດ ຮັບຂອງທານ ຈາກຊາວໄທ ທີ່ຂ້າມໄປ ເຄົາຣົບ ບູຊາ ຫລວງປູ່ຢູ່ ຝັ່ງລາວ ເມື່ອບໍ່ດົນມານີ້.

ປັດຈຸບັນ ຫົວໜ້າຫ້ອງການ ສືບສວນພິເສດ ຮັບຜິດຊອບ ຄະດີ ຕ່າງປະເທດ ກຳລັງ ປຶກສາ ປະສານງານ ກັບ ເຈົ້າໜ້າທີ່ ຝ່າຍ ລາວ ເພື່ອນຳເອົາ ຫລວງປູ່ເນນຄຳ ກັບຄືນໄປ ດຳເນີນຄະດີ ຢູ່ໄທ ໃນຂໍ້ຫາ ຂົ່ມຂືນ ເດັກນ້ອຍ ແລະ ສໍ້ໂກງເງິນ ຂອງວັດ ແລະ ປະຊາຊົນ.

ໜັງສືພິມ Bangkok Post ຣາຍງານວ່າ ຫລວງປູ່ເນນຄຳ ໃນເວລາ ບວດເປັນພຣະ ຢູ່ນັ້ນ ໄດ້ຂົ່ມຂືນ ເດັກນ້ອຍ ຈົນມີລູກ ປັດຈຸບັນ ລູກມີອາຍຸ 11 ປີແລ້ວ. ການກວດ DNA ກໍຢືນຢັນວ່າ ເດັກນ້ອຍ ຜູ້ຊາຍຄົນນັ້ນ ເປັນລູກຂອງ ຫລວງປູ່ເນນຄຳ ແທ້. ແຕ່ໜັງສືພິມ ຜູ້ຈັດການ ຂອງໄທ ພັດຣາຍງານວ່າ ນ້ອງຊາຍ ຂອງ ຫລວງປູ່ເນນຄຳ ອ້າງວ່າ ເດັກນ້ອຍຜູ້ນັ້ນ ເປັນລູກ ຂອງເຂົາເອງ ບໍ່ແມ່ນລູກ ຂອງຫລວງປູ່ ເນນຄຳ.

ສ່ວນແມ່ ຂອງເດັກນ້ອຍ ເວົ້າເມື່ອ ສອງອາທິດ ກ່ອນນີ້ວ່າ ຕົນເຄີຍ ມີເພດສຳພັນກັບ ຫລວງປູ່ເນນຄຳແທ້ ແລະລູກຊາຍ ຂອງນາງ ກໍແມ່ນລູກຊາຍ ຂອງ ຫລວງປູ່ເນນຄຳ. ສ່ວນຕົວນາງ ເອງກໍ ຢາກໃຫ້ ຫລວງປູ່ເນນຄຳ ເຂົ້າມາມອບຕົວ ກັບເຈົ້າໜ້າທີ່ ໂດຍດີ ເພາະຢາກໃຫ້ລູກ ມີພໍ່ຄືກັບ ຜູ້ອື່ນເຂົາ. ຫລວງປູ່ເນນຄໍາ ປະກົດວ່າ ມີສ່ວນພົວພັນ ກັບຄົນລາວ ແລະ ປະເທດລາວ; ແຕ່ກ່ອນ ກໍເຄີຍຢູ່ລາວ ແລະ ຕອນຢູ່ ອະເມຣິກາ ເມື່ອເດືອນທີ່ແລ້ວ ກໍມີຂ່າວວ່າ ທ່ານໄດ້ໄປສິກ ຢູ່ວັດລາວ ແຫ່ງນຶ່ງ ໃນຣັດ ຄາລີຟໍເນັຍ.

From: Lao Voice

Read Full Post | Make a Comment ( None so far )

ລາວ-ຈີນຍັງຈະສ້າງທາງລົດໄຟ ຄວາມໄວສູງ

Posted on September 14, 2013. Filed under: ສາລະໜ້າຮູ້, Lao News | Tags: , , , |


F-Laos-China-train

ໂສມໜ້າຕົວຢ່າງ ຂອງຣົດໄຟຄວາມໄວສູງ ທີ່ທາງການລາວ ແລະທາງການຈີນ ມີໂຄງການຮ່ວມກັນ

ທາງການຈີນ ຢືນຢັນວ່າ ໂຄງການ ສ້າງທາງລົດໄຟ ຄວາມໄວສູງ ໃນລາວ ຍັງຈະດໍາເນີນ ຕໍ່ຢູ່ ແຕ່ຕ້ອງການ ເວລາ ເພື່ອສຶກສາ ຄວາມ ເປັນໄປໄດ້ ໃນທຸກດ້ານ ເພື່ອຮັບປະກັນ ວ່າຈະເປັນ ຜົນດີ ຕໍ່ການພັທນາ ເສຖກິດ. ຕາມລາຍງານ ຂອງໜັງສືພິມ the Nation ທີ່ອ້າງ ຕາມ ຄໍາເວົ້າຂອງ ທ່ານ ສົມສວາດ ເລັ່ງສວັດ ຮອງນາຍົກ ຣັຖມົນຕຣີ.

ລາຍງານແຈ້ງວ່າ ທ່ານ Li Keqiang  ນາຍົກ ຣັຖມົນຕຣີຈີນ ແລະ ທ່ານ ທອງສິງ ທັມມະວົງ ນາຍົກ ຣັຖມົນຕຣີລາວ ໃນເວລາ ພົບກັນ ຢູ່ ນະຄອນ ນານໜິງ ເມື່ອອາທິດ ທີ່ແລ້ວນີ້ ເນື່ອງໃນໂອກາດ ງານສະແດງ ສິນຄ້າ ຈີນ-ອາຊຽນ ໄດ້ເວົ້າວ່າ: ທ່ານໄດ້ສັ່ງໃຫ້ ເຈົ້າໜ້າທີ່ ເລັ່ງລັດ ການສຶກສາ ໂຄງການລົດໄຟ ຄວາມໄວສູງ ໃນລາວ. ໃນການໃຫ້ສັມພາດໃນຕອນນຶ່ງນັ້ນ ທ່ານ ສົມສວາດ ກ່າວວ່າຄວາມປາຖນາ ທາງການເມືອງ ຂອງ ຜູ້ນໍາທັງສອງ ແມ່ນແຈ້ງຂາວ ແລ້ວ ແລະບໍ່ໄດ້ ປ່ຽນແປງ ຈັກເທື່ອ. ທ່ານກ່າວວ່າ ທ່ານ ໝັ້ນໃຈວ່າ ໂຄງການນີ້ ຈະ ເກີດເປັນຈິງ ຕາມແຜນການ ທີ່ວາງໄວ້.

ໂຄງການ ສ້າງທາງລົດໄຟ ຄວາມໄວສູງ ຈາກຊາຍແດນຈີນ ຜ່ານ ບໍ່ເຕັນ-ບໍ່ຫານ ຫາ ນະຄອນຫລວງ ວຽງຈັນ ມີມູນຄ່າ ປະມານ 7 ຕື້ ໂດລາ ສະຫະຣັຖ. ທ່ານ ສົມສວາດ ກ່າວວ່າ ໂຄງການດັ່ງກ່າວປະສົບຄວາມຫຍຸ້ງຍາກຍ້ອນຕ້ອງໃຊ້ທຶນມະຫາສານແຕ່ຜົນ ສນອງຄືນຕໍ່າ. ໃນຂນະດຽວກັນ ທາງການລາວ ກໍໄດ້ຕຣຽມ ຕັ້ງບໍຣິສັດ ເພື່ອດໍາເນີນ ການເຈຣະຈາ ທາງການເງິນ ກັບຝ່າຍຈີນ. ທ່ານ ສົມສວາດ ກ່າວຢໍ້າ ວ່າ ລາວ ຕ້ອງການ ຄວາມຊ່ວຍເຫລືອ ຈາກຈີນຫລາຍຢ່າງ ເພາະຍັງຂາດປະສົພການ ເຣື້ອງ ບໍຣິຫານ ລົດໄຟ.

ໃນເບື້ອງຕົ້ນ ທາງການລາວ ມີແຜນສ້າງ ລົດໄຟ ຄວາມໄວສູງ ເພື່ອເຊື່ອມຕໍ່ ລະບົບ ທາງລົດໄຟ ຄວາມໄວສູງ ຂອງໄທ ສາຍໜອງຄາຍ- ບາງກອກ, ແຕ່ຕ້ອງໃຊ້ທຶນ ຫລາຍເກີນໄປ ຈຶ່ງປ່ຽນມາ ພິຈາຣະນາ ລະບົບຄວາມໄວ ຂນາດ 160 km/h ສໍາລັບ ລົດໄຟ ໂດຍສານ ແລະ 120 km/h ສໍາລັບຂົນສົ່ງ ສິນຄ້າ.

From: Lao voice

Read Full Post | Make a Comment ( None so far )

ຣະວັງເງິນປອມກໍາລັງຣະບາດ

Posted on September 14, 2013. Filed under: Lao News | Tags: , , , |


F-criminals

ເຈົ້າໜ້າທີ່ ປກສ ເມືອງວຽງທອງ ແຂວງບໍລິຄຳໄຊ ໄດ້ຈັບກຸ່ມ ທີ່ເຄື່ອນໄຫວ ຈຳໜ່າຍເງິນປອມ ປະເພດເງິນບາດ ຈຳນວນ 4 ຄົນ ໃນຕົ້ນເດືອນ ມິຖຸນາ 2013

ເຈົ້າຫນ້າທີ່ປ້ອງກັນຄວາມສງົບ ໃນເຂດນະຄອນຫລວງວຽງຈັນ ເວົ້າວ່າ ປັດຈຸບັນ ທາງຕຳຣວດ ກຳລັງຕິດຕາມ ຄົນຮ້າຍ ແມ່ຍິງຄົນນຶ່ງທີ່ໃຊ້ ເງິນປອມປະເພດເງິນໃບພັນບາດ ຈຳນວນສອງສາມພັນບາດ ຊື້ສິນຄ້າຢູ່ຮ້ານຄ້າ ເຄື່ອງສຳອາງແຫ່ງນຶ່ງ ໃນນະຄອນຫລວງວຽງຈັນແລ້ວຫຼົບ ຫນີໄປ ທາງເຈົ້າຂອງຮ້ານກໍເຂົ້າມາແຈ້ງຄວາມ. ດັ່ງທ່າວກ່າວວ່າ:

“ເຂົາມາຊື້ເຄື່ອງນໍາລາວ ແລ້ວເຫັນເງິນບາດ ໃບພັນນີ້ນະ ມັນເປັນເງິນປອມ ເຂົາໄປກວດເບີ່ງ ຢູ່ທະນາຄານ ທະນາຄານ ກໍຢັ້ງຢືນແລ້ວ ແມ່ນເງິນປອມ ຈາກຫັ້ນເຮົາ ກໍຮູ້ແລ້ວ ຮູບມັນກໍມີ ແຕ່ວ່າຍັງຊອກ ມັນບໍ່ເຫັນຊື່ໆດຽວນີ້”.

ທ່ານກ່າວຕໍ່ໄປວ່າ ເບື້ອງຕົ້ນເຈົ້າຫນ້າທີ່ສົງສັຍວ່າ ຄົນຮ້າຍຄົນນັ້ນ ອາດມີສ່ວນ ພົວພັນກັບການກຸ່ມອັນຕະພານຈຳຫນ່າຍເງິນປອມໃນລາວ ຫລືບໍແລະກໍຄິດວ່າ ຄົນຮ້າຍອາດຈະຮູ້ຕົວແລ້ວ ແລະກໍອາດຫລົບຫນີໄປລີ້ຊອນຢູ່ແຂວງອື່ນ ຊື່ງໃນ ປັດຈຸບັນ ທາງສູນກາງ ກໍໄດ້ປະສານ ໄປຍັງ ເຈົ້າຫນ້າທີ່ຕຳຣວດ ຕາມແຂວງຕ່າງໆ ຖ້າພົບເຫັນໃຫ້ຈັບຕົວ ສົ່ງມາດຳເນິີນຄະດີ ທີ່ນະຄອນຫລວງວຽງຈັນ.

ກ່ອນຫນ້ານີ້ເຫດການ ແບບດຽວກັນ ໄດ້ເກີດຂື້ນທີ່ ເມືອງວຽງທອງ ແຂວງບໍຣິຄຳໄຊ ໃນມື້ວັນທີ 10 ກັນຍາຜ່ານມາມີຄົນຮ້າຍສອງຄົນໄດ້ ນໍາເງິນປອມທີ່ເປັນເງິນໃບ ພັນບາດອອກມາຈຳຫນ່າຍ ຫລາຍໃບຄາດວ່າໃນມູນຄ່າປະມານ 30 ພັນບາດ ໃນປັດຈຸບັນ ທາງການກຳລັງ ສືບສວນ ຫາຄົນຮ້າຍກຸ່ມນັ້ນຢູ່.

ບັນຫາເງິນປອມຣະບາດໃນລາວ ນອກຈາກເງິນບາດແລ້ວ ຍັງມີເງິນໂດລາ ນຳອີກ ຊຶ່ງວ່າງ ວັນທີ 9 ກັນຍາ ຜ່ານມາເຈົ້າຫນ້າທີ່ ຍຸຕິທັມ ແຂວງຫລວງນ້ຳທາໄດ້ເຜົາເງິນໂດລາປອມທີ່ຍຶດໄດ້ຖິ້ມກວ່າສີ່ແສນໂດລາ.

Read Full Post | Make a Comment ( None so far )

ທ່ານ ສົມບັດ ສົມພອນ ນັກພັທນາ ຊຸມຊົນ ແບບຍືນຍົງ

Posted on September 14, 2013. Filed under: Lao News | Tags: , , , |


F-Sombat

ທ່ານ ສົມບັດ ສົມພອນ ຖືກຈັບ ຫລື ຖືກລັກພາຕົວ ກໍຍ້ອນ ພຍາຍາມ ປູກຝັງ ແນວຄິດ ທີ່ມີ ເສຣີພາບ ໃຫ້ຊາວໜຸ່ມ ວັຍລຸ້ນ ລາວ.

ນັກການທູດ ຕ່າງປະເທດ ໃນ ນະຄອນຫລວງ ວຽງຈັນ ຜູ້ ຂໍສງວນຊື່ ເປີດເຜີຍຕໍ່ RFA ໂດຍ ອ້າງອີງໃສ່ ການ ສົນທະນາ ຢ່າງບໍ່ເປັນ ທາງການ ກັບ ເຈົ້າໜ້າທີ່ ຂັ້ນສູງ ຂອງ ພັກ ປະຊາຊົນ ປະຕິວັດ ລາວ ທີ່ໄດ້ເວົ້າ ເຖິງສາເຫດ ສໍາຄັນ ທີ່ເຮັດໃຫ້ ການນໍາ ຂອງ ພັກ-ຣັຖ ສປປລາວ ບໍ່ໄວ້ວາງໃຈ ທ່ານ ສົມບັດ ສົມພອນ ທີ່ທ່ານ ພຍາຍາມ ປູກຝັງ ແນວຄິດ ທີ່ມີ ເສຣີພາບ ໃຫ້ແກ່ ເຍົາວະຊົນ ລາວ ລຸ້ນໃໝ່.

ແລະໃນ ກໍຣະນີ ທີ່ຖືເປັນ ການທ້າທາຍ ຕໍ່ອໍານາດ ແລະ ການນໍາ ຂອງພັກ ຢ່າງຈະແຈ້ງ ທີ່ສຸດ ກໍຄືເຣື່ອງ ທີ່ທ່ານ ສົມບັດ ສົມພອນ ໄດ້ ຂຽນຈົດໝາຍ ໃນນາມ ປະທານ ກອງປະຊຸມ ພາກ ປະຊາສັງຄົມ ເຊື້ອເຊີນ ມາດາມ ອອງຊານຊູຈີ ຜູ້ນໍາພັກ ສັນນິບາດ ແຫ່ງຊາດ ເພື່ອ ປະຊາທິປະຕັຍ ພະມ້າ ໃຫ້ມາຮ່ວມ ກອງປະຊຸມ ສຸດຍອດ ເອເຊັຽ-ຢູໂຣບ ຄັ້ງທີ 9  ໃນຊ່ວງ ທ້າຍ ປີ 2012.

ແລະການທີ່ ທ່ານ ສົມບັດ ສົມພອນ ມີຄວາມໃກ້ຊິດ ກັບ ອົງການ ອະນຸຮັກ ສິ່ງແວດລ້ອມ ແລະ ທັມມະຊາດ ທັງໃນ ປະເທດໄທ ແລະ ຣະດັບ ສາກົລ ຊຶ່ງມີບົດບາດ ສໍາຄັນ ໃນການ ຄັດຄ້ານ ແຜນການ ສ້າງ ເຂື່ອນໃສ່ ແມ່ນໍ້າຂອງ ໃນລາວ ແລະ ໄດ້ປະທ້ວງ ແຜນການ ກໍ່ສ້າງ ເຂື່ອນ ໄຊຍະບູລີ ໃນໂອກາດ ທີ່ ສປປລາວ ເປັນເຈົ້າພາບ ກອງປະຊຸມ ອາເຊັມ ນັ້ນ ກໍຍິ່ງ ເຮັດໃຫ້ ການນໍາ ຂອງ ພັກ ປະຊາຊົນ ປະຕິວັດ ລາວ ເກີດຄວາມ ຣະແວງ ສົງສັຍ ໃນບົດບາດ ຂອງ ທ່ານ ສົມບັດ ຫລາຍຂຶ້ນ.

ເຣື່ອງ ດັ່ງກ່າວ ເປັນທີ່ມາ ຂອງ ການລັກພາຕົວ ທ່ານ ສົມບັດ ສົມພອນ. ພ້ອມກັນນັ້ນ ນັກການທູດ ທ່ານນີ້ ຍັງໃຫ້ ທັສນະວ່າ ວິທີການ ທີ່ ທາງການລາວ ພວມດໍາເນີນ ຢູ່ນີ້ ຄືເຮັດໃຫ້ ເຣື່ອງ ການ ຫາຍສາບສູນ ຂອງ ທ່ານ ສົມບັດ ສົມພອນ ຄ່ອຍໆ ຈາງຫາຍໄປ ຈາກ ຄວາມສົນໃຈ ຂອງ ສັງຄົມ ພາຍໃນລາວ ຄືກັບ ກໍຣະນີ ການຈັບ ນັກສຶກສາ ແລະ ປັນຍາຊົນ ລາວ ທີ່ເຄີຍ ພຍາຍາມ ຮວມຕົວ ຮຽກຮ້ອງ ປະຊາທິປະຕັຍ ໃນລາວ ໃນປີ 1999.

Read Full Post | Make a Comment ( None so far )

Liked it here?
Why not try sites on the blogroll...

%d bloggers like this: