ໂຊໂກແລັດ ຊ່ວຍປັບປຸງ ຄວາມຊົງຈຳ ແລະ ສຸຂະພາບ ຂອງຫົວໃຈ

Posted on January 6, 2015. Filed under: ຄວາມຮູ້ເລື່ອງສຸຂະພາບ | Tags: |


ສານ Flavanol, ຕາມທຳມະຊາດແລ້ວ ມີສານທີ່ຕ້ານອະນຸມູນອິດສະຫຼະ ຫຼື antioxidants ທີ່ພົບເຫັນໃນໝາກໂຄກາ ຊຶ່ງມັນສາມາດຕ່າວປີ້ນ ຄວາມຊົງຈຳທີ່ລົດນ້ອຍຖອຍລົງ ທີ່ກ່ຽວພັນກັບອາຍຸແກ່ຂຶ້ນ ໃນບັນດາຜູ້ເຖົ້າຜູ້ແກ່ນັ້ນ ອິງຕາມການສຶກສາ ເມື່ອບໍ່ນານມານີ້. (ຮູບພາບ ຂອງ ບໍລິສັດ Mars, Inc., ເປັນບໍລິສັດຜະລິດໂຊໂກແລັດ ຜູ້ທີ່ໃຫ້ທຶນການສຶກສາ.)

ສານ Flavanol, ຕາມທຳມະຊາດແລ້ວ ມີສານທີ່ຕ້ານອະນຸມູນອິດສະຫຼະ ຫຼື antioxidants ທີ່ພົບເຫັນໃນໝາກໂຄກາ ຊຶ່ງມັນສາມາດຕ່າວປີ້ນ ຄວາມຊົງຈຳທີ່ລົດນ້ອຍຖອຍລົງ ທີ່ກ່ຽວພັນກັບອາຍຸແກ່ຂຶ້ນ ໃນບັນດາຜູ້ເຖົ້າຜູ້ແກ່ນັ້ນ ອິງຕາມການສຶກສາ ເມື່ອບໍ່ນານມານີ້. (ຮູບພາບ ຂອງ ບໍລິສັດ Mars, Inc., ເປັນບໍລິສັດຜະລິດໂຊໂກແລັດ ຜູ້ທີ່ໃຫ້ທຶນການສຶກສາ.)

ການກິນຂະໜົມ chocolate ທຸກໆມື້ ສາມາດຊ່ວຍປ້ອງກັນ ການສູນເສຍຄວາມຊົງຈຳ ເວລາມີອາຍຸແກ່ຂຶ້ນ ໄດ້ແທ້ຫຼືບໍ່?

ຄຳຕອບກໍແມ່ນວ່າ ບໍ່.

ການ​ກິນ​ເຄກ chocolate ​ເປັນ​ອາຫານ ໃນ​ຕອນ​ເຊົ້າ ​ຕອນສວຍ ​ແລະ​ຕອນ ແລງ​ນັ້ນ ສາມາດ​ເປັນ​ຜົນດີ ​ຕໍ່ໝາກຫົວໃຈຂອງທ່ານ ຫຼືບໍ່?

ອີກ​ເທື່ອ​ໜຶ່ງ ຄຳ​ຕອບ​ກໍ​ແມ່ນ​ວ່າ ບໍ່.

ນັ້ນອາດ​ເປັນ​ເລື້ອງ​ທີ່​ດີ​ເກີນ​ໄປ ທີ່​ຈະ​ເປັນຄວາມຈິງ​ໄດ້.

ສຳຫລັບບັນດາທ່ານຜູ້ທີ່ບໍ່ເຄີຍເຫັນດ້ານໃນຂອງໝາກໂຄກາ ອັນນີ້ ແມ່ນສຳຫລັບທ່ານທັງຫຼາຍ!ສຳຫລັບບັນດາທ່ານຜູ້ທີ່ບໍ່ເຄີຍເຫັນດ້ານໃນຂອງໝາກໂຄກາ ອັນນີ້ ແມ່ນສຳຫລັບທ່ານທັງຫຼາຍ!

​ແຕ່​ວ່າ ການຄົ້ນຄວ້າ​ໃໝ່ ສະ​ແດງໃຫ້​ເຫັນ​ວ່າ ຈຳນວນ​ອັນ​ຫລວງຫຼາຍຂອງ​ສານ flavanols ທີ່​ພົບ​ເຫັນ​ຢູ່​ໃນ ໝາກໂຄ​ກາຊາ ​ແລະ​ ຜັກບາງຊະນິດນັ້ນ ອາດສາມາດ ຕ່າວປີ້ນ ການ​ສູນ​ເສຍ​ຄວາມ​ຊົງ​ຈຳ ທີ່ພົວພັນກັບອາຍຸ​ໄດ້. ການ​ສຶກສາ​ອີກ​ດ້ານ​ໜຶ່ງ​ແມ່ນ​ຄົ້ນຄວ້າເບິ່ງ​ວ່າການມີສານ flavanols ​ສູງໃນ​ໝາກ​ໂຄ​ກາສາມາດ​ຊ່ວຍ​ປ້ອງ​ກັນບໍ່ໃຫ້ເປັນຫົວ​ໃຈ​ວາຍ ​ແລະ ເປັນລົມສາລະບາດໄດ້ ຫລືບໍ່.  

​ສານ flavanols ທີ່​ພົບ​ເຫັນ​ຢູ່​ໃນ ​ໂຊ​ໂກ​ແລັດດຳ ແມ່ນເປັນ​ທີ່​ຮູ້​ກັນດີວ່າ ​ຊ່ວຍເພີ້​ມການໄຫລໄປມາຂອງ​ເລືອດ​ ໃນ​ສ່ວນ​ຂອງ​ສະໝອງ​ທີ່​ຄວບ​ຄຸມ​ຄວາມ​ຊົງ​ຈຳ.

ພວກ​ສານ​ດັ່ງ​ກ່າວ ຍັງ​ຊ່ວຍ​ປ້ອງ​ກັນບໍ່ໃຫ້ເປັນໂຣກຫົວ​ໃຈ ​ໂດຍ​ການ​ລົດຄວາມດັນ​ຂອງ​ເລືອດ ແລະ ລົດ ​ໄຂມັນ  ຫຼື cholesterol  ທີ່ “ບໍ່​ດີ”  ລົງ.

ການ​ສຶກສາ​ໃໝ່ ທີ່​ພິມເຜີຍ​ແຜ່​ທາງ​ອອນ​ລາຍ ​ໃນຫົວ​ຂໍ້ ວິທະຍາສາດລະ​ບົບ ເສັ້ນປະສາດທຳ​ມະ​ຊາດ ​ໄດ້​ພົບ​ເຫັນ​ວ່າ ສານ flavanols ຂອງ​ໝາກ​ໂຄ​ກາ ສາມາດ ຕ່າວປີ້ນ ການ​ສູນ​ເສຍ​ຄວາມ​ຊົງ​ຈຳໄດ້ໜ້ອຍນຶ່ງ ​ໃນ​ບັນດາຜູ້​ມີ​ອາຍຸ​ສູງ. ບໍລິສັດ​ໜຶ່ງ​ທີ່​ຜະລິດ ​ໂຊ​ໂກ​ແລັດ ​ໄດ້​
ຊ່ວຍ​ໃນ​ການ​ໃຫ້​ທຶນ ສຳ​ຫລັບ​ການ​ສຶກສາ​ນີ້.

Good data from VOA

Advertisements
Read Full Post | Make a Comment ( None so far )

ຜົນປະໂຫຍດຈາກການກິນຫມາກໄມ້ຫມົດເປືອກ

Posted on April 22, 2012. Filed under: ສາລະໜ້າຮູ້ | Tags: , , |


ເປືອກ​ຂອງ​ຫມາກ​ໄມ້​ນັ້ນ ມີ​ປະ­ໂຫຍດ​ຫລາຍໆ​ຕໍ່​ຮ່າງ­ກາຍຂອງ​ຄົນ​ເຮົາ ດັ່ງ­ນັ້ນ ໃຜ​ທີ່​ຮັບ​ປະທານ​ຫມາກ​ໄມ້​ແບບ​ປອກ​ເປືອກອອກ ຄວນ​ຈະ​ປ່ຽນ​ແນວ​ຄວາມ​ຄິດ​ການ​ຮັບ​ປະ­ທານ​ແບບ​ນັ້ນ​ໄດ້ແລ້ວ ເພື່ອ​ປະ­ໂຫຍດ​ສຳ­ລັບ​ຮ່າງກາຍ​ຂອງ​ຕົວ​ທ່ານ​ເອງ.

ເປືອກ​ຫມາກ­ກ້ຽງ, ຫມາກນາວ ແລະ ຫມາກ​ຂີ້­ຫູດ: ມີ​ສານດີŒໄລ​ໂມ​ນິນ, ເທີ​ປິນ ເຮ​ສ​ເພີ​ຣິ ດິນ, ຄູ​ມາ​ຣິນ ແລະ ແຄ​ໂລ​ທິນອຍ ເຊິ່ງ​ສານ​ຈຳ­ພວກ​ນີ້​ຈະ​ຊ່ວຍປ້ອງ​ກັນ​ການ​ຕົກ​ເລືອດ ໂດຍ​ຫລຸດຄວາມ​ບາງ​ຂອງ​ເສັ້ນ­ເລືອດ​ຊ່ວຍຕໍ່­ຕ້ານ​ເຊື້ອ​ພະ­ຍາດ ແລະ ຍັງຊ່ວຍ​ຕ້ານ​ອະ­ນຸ​ມູນ​ອິດ­ສະ­ຫລະກໍ່​ຈະ​ມີ​ຜົນ​ດີ​ຕໍ່​ສຸ­ຂະ­ພາບ.

ເປືອກ​ຫມາ​ສີ­ດາ: ອຸ­ດົມ​ເຕັມໄປ​ດ້ວຍ​ໃຍ​ອາ­ຫານ (Fiber) ທີ່ມີ​ປະ­ໂຫຍດ​ຕໍ່​ຮ່າງ­ກາຍ​ເຊັ່ນ: ທາດ​ເຫລັກ, ໂປຣ​ແຕ​ສ​ຊຽມ ແລະ ວິ­ຕາ­ມິນ​ບີ​ຫລາຍ​ກວ່າ​ທີ່​ໄດ້​ຈາກຊີ້ນ​ສັດ​ອີກ.

ເປືອກ​ແອບ​ເປິລ: ສາ­ມາດ​ຕ້ານມະ​ເຮັງ ໂດຍ​ຄຸນ​ປະ­ໂຫຍດ​ຂອງຫມາກ​ແອບ​ເປິລ​ສີ­ແດງ 1 ຫນ່ວຍ ມີ​ສານ​ຕໍ່­ຕ້ານ​ສານ​ອະ­ນຸ​ມູນ​ອິດສະ­ຫລະ​ທຽບ​ເທົ່າ​ກັບ​ວິ­ຕາ­ມິນ​ຊີ 820 ມິ​ນິ​ກຣາມ.

ເປືອກ​ຫມາກ​ໄມ້​ມີ​ຄຸນ​ປະໂຫຍດ​ກໍ່​ຈິງ ແຕ່​ກ່ອນ​ຈະ​ຮັບ​ປະທານ​ລົງ­ທ້ອງ​ຄວນ​ລ້າງ​ນ້ຳ​ໃຫ້​ສະອາດໆ​ກ່ອນ ເພື່ອ​ສະ­ລ້າງ​ສານເຄ​ມີ​ຕ່າງໆ​ທີ່​ຕິດ​ຢູ່​ເປືອກ​ຫັ້ນ​ອອກ ຈິ່ງ​ບໍ່​ເປັນ​ອັນ­ຕະ­ລາຍ​ຕໍ່​ສຸ­ ຂະ­ພາບ.

ທີ່ມາເສດຖະກິດ-ສົງຄົມ

Read Full Post | Make a Comment ( None so far )

ສາລະໜ້າຮູ້ເລືອງສຸຂະພາບ

Posted on February 8, 2012. Filed under: ສາລະໜ້າຮູ້ | Tags: , , , |


ຜັກ 7 ສີ ​ເພື່ອ​ສຸຂະພາບ​ທ່ີ​ດີ

ຜັກ ​ແລະ ຫມາກ​ໄມ້ ເປັນ​ອາຫານ​ສຸຂະພາບທີ່​ມີຄຸນ​ປະ​ໂຫຍດ ສູງຕໍ່​ຮ່າງກາຍ ​ເພາະ​ນອກຈາກ​ວິ ຕາມິນ​ຕ່າງໆ​ແລ້ວ ຮ່າງ ກາຍ ​ຍັງ​ຕ້ອງການ​ແຮ່​ທາດ​ຕ່າງໆ ເພື່ອ​ປົວ​ແປງ​ສ່ວນ​ທີ່​ເປ່​ເພ ຄຽງ​ຄູ່​ກັນ​ນັ້ນ ກໍ​ສ້າງ​ພູມ​ຕ້ານທານ​ໃຫ້​ກັບ​ຮ່າງກາຍ ​ແລະ ຍັງ​ມີ​ກາກ​ ໃຍ​ອາຫານ ​ເພື່ອ​ຊ່ວຍ​ລະບົບ​ການ​ຍ່ອຍ​ ​ແລະ ຂັບ​ຖ່າຍ​ໄດ້​ດີ​ອີກ​ດ້ວຍ.

ສີ​ແດງ: ຜັກ ​ແລະ ຫມາກ​ໄມ້ທີ່​ມີ​ສີສັນ​ແຈດຕານີ້ ໄດ້​ແກ່ ຫມາກ​ເລັ່ນ, ຫມາກ​ໂມ, ຫມາກກ້ຽງ​ ໃຫຍ່​ສີ​ບົວ (ຫມາກພຸ​ກ) ​ຊ່ວຍ​ໃນ ການ ​ບຳລຸງ​ປອດ ​ແລະ ຍັງ​ຊ່ວຍ​ປ້ອງ​ກັນ​ ພະຍາດ​ມະ​ ເຮັງ​ທີ່​ ຫົວ​ໃຈ.
ສີ​ສົ້ມ-ສີ​ເຫລືອງ: ​ໄດ້​ແກ່ ຫມາກ​ກ້ຽງ, ຫມາກ​ຫຸ່ງ​ ​ເຊິ່ງມີ​ເນກທາຣີນ ທີ່​ມີ​ຄຸນປະ​ໂຫຍ​ດ​ໃນ​ການ ​ບຳລຸງ​ຫົວ​ໃຈ ​ແລະ ກະ​ເພາະ​ອາຫານ, ສຳລັບ​ຜູ້​ທີ່​ມີ​ບັນຫາ​ ໃນ​ເລື່ອງ​ການ​ຂັບ​ຖ່າຍ ຫລື ຍື່ງທ້ອງ ຜັກ ​ແລະ ຫມາກ​ໄມ້​ສີ​ເຫລືອງ ​ແລະ ສົ້ມ​ນີ້ ສາມາດ​ຊ່ວຍ​ໄດ້ ແລະ ຍັງ​ມີ​ວິ ຕາມິນ​​ເຊ ຊ່ວຍ​ບຳລຸງ​ ລະບົບ​ແຊນ​ອີກ​ດ້ວຍ.
ສີ​ແດງ-ມ້ວງ: ​ເຊັ່ນ: ລະ​ແຊັງ ສີມ່ວງ, ສະ​ຕໍ​ເບີຣີ, ​ແອັບ​ເປິ​ນ​ແດງ ພວກ​ນີ້​ຈະ​​ເຂົ້າ​ໄປ​ຊ່ວຍ​ບຳລຸງ​ການ​ເຮັດ​ວຽກ​ຂອງ​ແຊນ​ສະຫມອງ, ​ໃຜ​ຢາກ​ເປັນ​ອັດ​ສະລີ​ຍະ ກໍ​ຕ້ອງ​ຮັບ​ປະທານ​ຜັກ ​ແລະ ​ຫມາກ​ໄມ້​ຫມວດ​ນີ້​ຫລາຍໆ.
ສີ​ເຫລືອງ-ຂຽວ: ​ໄດ້​ແກ່​ຜັກ​ຫົມ, ຫມາກອະ​ໂວ​ຄາ​ໂດ, ຜັກກາດ, ສາລີ, ຖົ່ວດິນ ກຸ່ມ​ນີ້ ຈະ​ຊ່ວຍ​ບຳລຸງ​ຕັບ​ຂອງ​ເຮົາ ​ແລະ ຍັງ​ຊ່ວຍ ​ກະ ​ຕຸ້ນ​ລະບົບ​ການ​ ຟອກ​ ຂອງ ​ເສດ​ເຫລືອ​ຕ່າງໆ​ໃນ​ຮ່າງກາຍ​.
ສີຂາວ-ສີຂຽວ: ກະທຽມ ​ໃບ​ກະທຽມ ຫົວ​ຫອມ​ບົ່ວ ຕັ່ງ​ສາຍ ຫມາກກຽງ ກຸ່ມ​ນີ້​ຊ່ວຍ​ໃນ​ການ​ເຮັດ​ວຽກ​ຂອງ​ລະບົບ​ ຫມູນວຽນ​ ຕ່າງໆ​ ພາຍ​ໃນ​ຮ່າງກາຍ ​ໂດຍ​ ສະ​ເພາະ​ຫົວ​ໃຈ.
ສີ​ສົ້ມ: ສີສັນ​ສົດ​ໃສ ​ເປັນ​ຕາ​ແຊບ​ໄດ້​ແກ່: ກາ​ລົດ, ຫມາກມ່ວງ​ສຸກ, ຫມາກອຶ … ເຫມາະ​ສຳລັບ​ແມ່ຍິງ​ສຸຂະ ພາບ​ດີ​ທີ່​ຢາກ​ມີ​ຜິວ​ພັນ ​ນວນ​ນຽນ ຜ່ອງ​ໃສ ​ແລະ ຍັງ​ຊ່ວຍ​ບຳລຸງ​ສາຍຕາ​ອີກ​ດ້ວຍ.
ສີຂຽວ: ຜັກ ຫມາກ​ໄມ້ ປະ​ເພດ​ນີ້ ໄດ້​ແກ່ ດອກ​ຜັກ​ສີຂຽວ , ​ກະຫລ່ຳ, ຜັກ​ກວາງ​ຕຸງ, ຜັກ​ບົ້ງ ​ເຊິ່ງມີ​ວິຕາມິນ​ຫລາຍ ຊ່ວຍ​ໃນ​ການ​ບຳລຸງ ​ສາຍຕາ​ໃຫ້​ ມີ​ສຸຂະ ພາບ​ດີ ແລະ ​ເພີ່​ມ​ກາກ​ໃຍຊ່ວຍ​ໃນ​ການ​ຂັບ​ຖ່າຍ​ໄດ້​ດີ.

»»ດື່ມ​ກາ​ເຟ ອາດ​ຊ່ວຍ​ຫລຸດ​ຄວາມ​ຈຳ​ເສື່ອ​ມ​ໄດ້

* ຄະນະນັກວິທະຍາສາດໃນ ສ.ອາເມລິກາ ໄດ້ສຶກສາຄົ້ນຄວ້າ ພົບວ່າ ການດື່ມກາເຟ 5 ຈອກຕໍ່ ວັນ ອາດຊ່ວຍຫລຸດ ບັນຫາດ້ານ ຄວາມ ຈື່ຈຳ ທີ່ເກີດຈາກພະຍາດຄວາມ ຈື່ຈຳເສື່ອມ(ອັນໄຊເມີໄດ້ດ້ານນັກ ວິໄຈ ອັງກິດ ພັດກ່າວເຕືອນ ວ່າ ຄົນເຈັບເປັນພະຍາດ ຄວາມ ຈຳ ເສື່ອມ ຍັງບໍ່ຄວນຫັນໄປດື່ມກາເຟ ເພື່ອຫວັງຜົນດັ່ງກ່າວນັ້ນ.

ຄະນະນັກວິທະຍາສາດ ຈາກມະຫາວິທະຍາໄລຟລໍຣິດາ ໄດ້ເຮັດການທົດລອງກັບຫນູຈຳນວນ 55 ໂຕທີ່ຖືກ ເຮັດ ໃຫ້ມີອາການ ຂອງ ພະຍາດສະຫມອງຄວາມ ຈຳເສື່ອມ ເຂົາເຈົ້າໄດ້ທົດລອງທາງພຶດຕິກຳ ກ່ອນ ເພື່ອໃຫ້ແນ່ໃຈ ວ່າ ຫນູ ມີ ບັນຫາດ້ານຄວາມຈຳ ເມື່ອ ອາຍຸ ໄດ້ 18-19 ເດືອນ ທຽບເທົ່າກັບ ຄົນອາຍຸ 70 ປີ ຈາກນັ້ນ ໃຫ້ຫນູ ເຄິ່ງຫນຶ່ງກິນນ້ຳປະສົມ ກາເຟອິນ ວັນລະ 500 ມິນລີ ກຣາມ ຫລື ເທົ່າກັບຄົນດື່ມກາເຟ 5 ຈອກ ຕໍ່ວັນ, ຫນູອີກ ເຄິ່ງຫນຶ່ງກິນນ້ຳ ລ້າໆ. ປະລິມານ ກາເຟອິນດັ່ງກ່າວ ທຽບເທົ່າກາເຟອິນ ໃນກາເຟປຸງ ແຕ່ງພິເສດເຊັ່ນ: ກາປູຊິໂນ ຫລື ອະລາເຕ 2 ຈອກ, ກາເຟອິນໃນຊາ 14 ຈອກ, ກາເຟອິນໃນນ້ຳອັດລົມ 20 ຈອກ ຜ່ານໄປ 2 ເດືອນທົດ ລອງ ອີກເທື່ອຫນຶ່ງ ພົບວ່າຫນູ ກິນນ້ຳປະສົມກາເຟອິນສ້າງແບບ ທົດລອງດ້ານຄວາມຈື່ຈຳ ແລະ ທັກສະການຄິດ ໄດ້ດີ ຂຶ້ນ ໄດ້ຜົນບໍ່ ຕ່າງຈາກ ຫນູໄວອາຍຸດຽວກັນທີ່ບໍ່ ມີອາການສະຫມອງເສື່ອມ. ສ່ວນ ຫນູ ທີ່ກິນນ້ຳລ້າໆຍັງຄົງສ້າງ ຄະ ແນນໄດ້ບໍ່ດີ.
ນອກຈາກນີ້, ການທົດລອງ ຍັງພົບວ່າ ສະຫມອງຂອງຫນູ ທີ່ກິນນ້ຳປະສົມກາເຟອິນ ມີລະ ດັບໂປຣຕິນ, ເບຕາອະມິລອຍຫລຸດ ລົງເກືອບເຄິ່ງຫນຶ່ງ ຊຶ່ງຕາມ ປົກ ກະ ຕິສຳລັບຄົນເຈັບຄວາມຈື່ຈຳ ເສື່ອມ ຈະມີໂປຣຕິນນີ້ ຈັບຕົວເປັນ ກ້ອນຢູ່ໃນສະຫມອງ ແລະ ເມື່ອ ທົດລອງກໍ່ໄປພົບວ່າ ກາເຟອິນ ສົ່ງຜົນຕໍ່ການຜະລິດ ເອັນ ໄຊ ທີ່ຈຳເປັນຕໍ່ການຜະລິດໂປຣຕິນ ເບຕາອະມິລອຍນຳດ້ວຍ. ຄະນະ ນັກວິໄຈ ສັນນິຖານວ່າ ກາເຟ ອິນ ໄປກົດຜົນຂອງການອັກເສບ ໃນສະຫມອງທີ່ເຮັດ ໃຫ້ ລະດັບ ໂປຣ ຕິນສູງເກີນປົກກະຕິ. ກ່ອນ ຫນ້ານີ້ ພວກເຂົາ ເຈົ້າເຄີຍ ທົດລອງກັບ ຫນູ ອາຍຸນ້ອຍທີ່ມີອາການ ອັນ ໄຊເມີ ດ້ວຍການໃຫ້ກາເຟອິນ ເມື່ອເລີ່ມໃຫຍ່ ພົບວ່າ ຊ່ວຍປ້ອງ ກັນການເກີດ ບັນຫາດ້ານຄວາມຈຳໄດ້. ຄະນະນັກວິໄຈ ເຫັນ ວ່າ ຈະເລີ່ມທົດລອງກັບຄົນໄດ້ໃນບໍ່ຊ້ານີ້ ແຕ່ຍັງບໍ່ ແນ່ໃຈວ່າ ການໃຫ້ກາເຟອິນ ປະລິ ມານຫນ້ອຍຈະ ໃຫ້ຜົນເຊັ່ນດຽວກັນກັບຫນູ ຫລືບໍ່. ຄົນສ່ວນໃຫຍ່ ສາມາດຮັບທາດກາເຟອິນ ໄດ້ຢ່າງປອດໄພສູງສຸດ 500 ມິນລີ ກຣາມຕໍ່ວັນ; ແຕ່ສຳ ລັບ ແມ່ ຍິງຖືພາ ຫລື ແມ່ມານ ແລະ ຜູ້ມີພະຍາດຄວາມດັນເລືອດສູງ ຄວນ ກິນກາເຟຢ່າງຈຳກັດ.
ດ້ານມູນນິທິວິໄຈ ພະຍາດຄວາມຈື່ຈຳສະຫມອງ ເສື່ອມ ເຫັນວ່າ ເຖິງວ່າເຫັນຜົນຈາກການທົດລອງ ກັບຫນູ, ແຕ່ໄວເກີນໄປ ທີ່ຈະ ແນະນຳໃຫ້ຄົນເຈັບ ຄວາມຈຳ ສະຫມອງເສື່ອມ ດື່ມກາເຟ ຫລື ກິນຜະລິດ ຕະພັນອາຫານເສີມປະເພດ ກາເຟອິນ ເພື່ອຫວັງເຮັດໃຫ້ ຄວາມ ຈື່ຈຳເສື່ອມດີຂຶ້ນ.

»»ກິນ​ຜັກ ຫລຸດ​ຄວາມ​ສ່ຽງ ​ເປັນ​ພະຍາດ​ມະ​ເຮັງ

*ຜົນການສຶກສາຄົ້ນຄວ້າໃນປະເທດອັງກິດພົບວ່າໂດຍທົ່ວໄປແລ້ວ

ການກິນຜັກມັກມີຄວາມສ່ຽງເປັນມະເຮັງ ຫນ້ອຍ ກວ່າຜູ້ກິນຊີ້ນສັດ ແຕ່ພັດມີຄວມສ່ຽງເປັນ ພະຍາດມະເຮັງລຳໄສ້ເທົ່າກັັນ ແລະເປັນພະຍາດມະເຮັງປາກມົດລູກ ເພີ່ມ ຂຶ້ນ.

ວາລະສານພະຍາດມະເຮັງ ໄດ້ລົງພິມຜົນການສຶກສາຄົ້ນຄວ້າ ຂອງນັກວິທະຍາສາດ ມະຫາວິທະຍາໄລ ຂອງ ອັງກິດ ແລະ ນິວຊີ ແລນ ວ່າ ຈາກການຕິດ ຕາມ ການສຶກສາ ກັບຊາຍ-ຍິງ ອັງກິດ ລວມມີ 61.566 ຄົນ ປະກອ ບດ້ວຍຜູ້ກິນ ຊີ້ນສັດ, ຜູ້ກິນປາ ແຕ່ບໍ່ກິນຊີ້ນ ສັດອື່ນໆ ແລະ ຜູ້ກິນແຕ່ຜັກ ໂດຍ ລວມແລ້ວ ຈະມີ ຄົນເປັນ ມະ ເຮັງ 33 ໃນ 100 ຄົນ ເມື່ອແຍກພະ ຍາດມະເຮັງ ພົບວ່າ ຜູ້ທີ່ເປັນພະຍາດ ມະເຮັງຕ່ອມນ້ຳເຫລືອງ ແລະ ມະເຮັງ ຫລອດເລືອດຫນ້ອຍກວ່າ ຜູ້ ກິນຊີ້ນ ສັດ ເຖິງເຄິ່ງຫນຶ່ງເປັນມະ ເຮັງເມັດເລືອດຂາວ ຊະນິດມັນ ຕິເພິໄມອິໂລມາ ຫນ້ອຍກວ່າ ຜູ້ກິນຊີ້ນສັດ ເຖິງ 3/4. ສ່ວນຜູ້ກິນປາ ບໍ່ພົບວ່າ ມີຄວາມສ່ຽງເປັນພະ ຍາດມະເຮັງເຫລົ່ານີ້ ຫລຸດລົງ ຫລາຍກວ່າ. ສັນຕິຖານວ່າ ກົນໄກ ບາງຢ່າງເຊັ່ນ ເຊື້ອໄວຣັດ ແລະ ຢີນກາຍພັນ ອາດ ເຮັດໃຫ້ຊີ້ນສັດ ມີສານ ສ້າງມະເຮັງ ຫລືບໍ່ ກໍອາດ ເກີດ ຈາກການທີ່ຜັກມີສານປ້ອງກັນ ພະຍາດມະເຮັງ. ນັກວິໄຈພົບອີກວ່າ ຜູ້ມັກກິນຜັກ ແລະ ກິນປາ ມີ ຄວາມສ່ຽງເປັນມະເຮັງ ກະ ເພາະອາຫານ ພຽງ 1/3 ຂອງຜູ້ກິນຊີ້ນສັດ ຄາດວ່າ ເປັນເພາະສານອຸນຫະພູມສູງ ຫລາຍອາດເຮັດໃຫ້ເກີດສານກໍ່ພະຍາດມະເຮັງ.
ຂະນະດຽວກັນ ຜູ້ມັກກິນຜັກ ພັດມີຄວາມສ່ຽງ ເປັນມະເຮັງລຳໄສ້ ບໍ່ຕ່າງຈາກຜູ້ກິນຊີ້ນສັດ ແລະມີ ຄວາມສ່ຽງເປັນ ພະຍາດມະເຮັງ ປາກມົດລູກ 2 ເທົ່າ ຂອງຜູ້ ກິນຊີ້ນສັດ ເຊັ່ນດຽວກັນກັບຜູ້ກິນປາ ເຊິ່ງສັນນິຖານວ່າ ປັດໄຈດ້ານໂພຊະນາການ ອາດ ມີຜົນຕໍ່ເຊື້ອໄວຣັດ ທີ່ເປັນສາເຫດ ຂອງມະເຮັງ ປາກມົດລູກ. ຢ່າງໃດກໍ ຕາມ ຄະນະວິທະຍາສາດ ຂໍໃຫ້ຢ່າຟ້າວຫາຂໍ້ສະຫລຸບ ຈາກຜົນການສຶກສາຄົ້ນ ຄວ້າ ສະບັບນີ້ ເພາະເປັນພຽງຜົນການສຶກສາດຽວ ຈະຕ້ອງສ້າງການສຶກສາເພີ່ມ ຕື່ມ ແລະ ຂໍໃຫ້ຜູ້ທີ່ກິນ ອາຫານໄດ້ສົມດຸນຢູ່ແລ້ວ ຢາຟ້າວ ປ່ຽນ ແປງຮູບແບບ ການກິນອາຫານ.

»»ການ​ດື່ມ​ເຫລົ້າ​ ​ໃນ​ປະລິມານທ່ີ​ເໝາະ​ສົມ ຫລຸດ​ຄວາມ​ສ່ຽງ​ເປັນ​ໜີ້ວ​ຖົງ​ບີ

* ນັກວິທະຍາສາດ ຈາກມະຫາວິ ທະຍາໄລ ອິສແອງເກລຍ ປະເທດ ອັງກິດ ຢືນຢັນວ່າ ດື່ມເຫລົ້າ ໃນ ປະລິມານ ເຫມາະສົມ ຫລື ພໍ ດ້າມ ພໍດີຊ່ວຍຫລຸດຄວາມສ່ຽງເປັນໜິ້ວໃນຖົງບີ ໄດ້.
ຈາກການວິເຄາະຂໍ້ມູນຂອງ ການທົດລອງກັບຜູ້ຊາຍ ແລະ ຍິງ 25.000 ຄົນ ຊຶ່ງມີອາຍຸລະຫວ່າງ 45-74 ປີ ພົບວ່າ…

ຈາກການວິເຄາະຂໍ້ມູນຂອງ ການທົດລອງກັບຜູ້ຊາຍ ແລະ ຍິງ 25.000 ຄົນ ຊຶ່ງມີອາຍຸລະຫວ່າງ 45-74 ປີ ພົບວ່າ ການດື່ມເບຍ, ດື່ມເຫລົ້າແວງ 250 ມິນ ລີ ລິດຕໍ່ວັນ ຈະຊ່ວຍຫລຸດຄວາມສ່ຽງເປັນໜິ້ວ ໃນຖົງບີ ໄດ້ເຖິງ 1/3. ໜິ້ວໃນຖົງບີ ເປັນພະ ຍາດ ທີ່ ພົບໄດ້ ທົ່ວໄປ, ແຕ່ຈະ ມີຢູ່ 3 ໃນ 10 ຄົນ ເຈັບເປັນພະຍາດນີ້ ແລ້ວສົ່ງຜົນໃຫ້ເກີດອາການອື່ນ ແຊກ ຊ້ອນຂຶ້ນມາ ເຊັ່ນ: ອາການ ເຈັບຫົວຮຸນ ແຮງ, ຕິດເຊື້ອ ຫລື ອັກ ເສບ.
ໜິ້ວຖົງບີ ເກີດຈາກປະລິມານ ໄຂມັນໃນຖົງບີ ຫລາຍເກີນໄປນັ້ນ ຈັບຕົວລວມກັນ ເປັນ ກ້ອນໜິ້ວ, ເຮັດໃຫ້ຄົນເຈັບມີອາການເຈັບ ທ້ອງ, ປວດຮາກ ແລະ ຮາກ ພົບ ຫລາຍ ໃນກຸ່ມ ຜູ້ອາຍຸສູງ. ສ່ວນ ແມ່ ຍິງ ຖືພາ, ຄົນຕຸ້ຍ ແລະ ຜູ້ທີ່ມີ ນ້ຳຫນັກຫລຸດລົງຢ່າງໄວວາ ຫລື ການ ໃຊ້ ຢາບາງຊະນິດກໍສົ່ງຜົນໃຫ້ ເປັນໜິ້ວຖົງບີ ໄດ້ເຊັ່ນ ດຽວກັນ.
ຫລ້າສຸດນັກວິໄຈ ພົບວ່າ ການດື່ມເຫລົ້າ ຫລືປະເພດ ເຄື່ອງດື່ມມຶນເມົາ ໃນປະລິ ມານທີ່ເ ຫມາະສົມ, ພໍດ້າມ ພໍດີ. ນອກຈາກຈະ ຊ່ວຍ ເພີ່ມ ຄໍເລສເຕີໂຣນ ຊະນິດ ທີ່ມີຜົນດີຕໍ່ ສຸ ຂະພາບ ຊຶ່ງຈະຊ່ວຍ ປ້ອງກັນພະ ຍາດຫົວໃຈ ແລະ ຫລອດເລືອດແລ້ວ, ເຫລົ້າຍັງ ຊ່ວຍ ປັບປ່ຽນ ອົງ ປະກອບຂອງ ຄໍ ເລສເຕີໂຣນ ໃນ ຖົງບີ ຈິ່ງສົ່ງ ຜົນໃຫ້ກ້ອນໜິ້ວໃນຖົງບີ ມີຂະ ຫນາດ ນ້ອຍລົງ

»»ນ້ຳ​ເຜິ້ງ

* ທ່ານ​ຜູ້​ອ່ານ​ທັງ​ຫລາຍ​ຮູ້​ກັນຫລືບໍ່ວ່າ ​ນ້ຳ​ເຜິ້ງ ທີ່​ເຮົາ​ເຫັນທຸກ​ມື້​ທີ່​ມີ​ລົດ​ຊາດ​ຫວານໆ​ນັ້ນ​ ມີ​ຄຸນ​ປະ​ໂຫຍດ​ຕໍ່​ຮ່າງ ​ກາຍ ​ເຮົາ​ ຢ່າງຫລວງ​ຫລາຍ​ຊຶ່ງນອກ​ຈາກ​ຈະ​ມີ​ຄວາມ​ຫວານ​ແລ້ວ​ກໍຍັງ​ປະ​ກອບ​ດ້ວຍ​ສານ​ ຕ່າງໆ​ປະ​ມານ 50 ຊະ​ນິດ ​ແຕ່​ທ ີ່​ສຳ​ຄັນ​ກວ່າ​ໝູ່​ນັ້ນ​ໄດ້​ແກ່ ນ້ຳ ​ຕານ​ຄລູ​ໂຄສ ແລະ ຟ​ຣຸກ​ໂຕດ ທີ່​ຊ່ວຍ​ໃນ​ການ​ບຳ​ລຸງ​ຮ່າງ​ກາຍ ຊຶ່ງ​ເໝາະ​ສຳ​ລັບ​ຄົນ ​ເຈັບ ຫລື ຄົນ​ທີ່​ມີ​ສຸ​ຂະ​ພາບ​ອ່ອນ​ເພຍ.

ນ້ຳ​ເຜິ້ງ ນອກ​ຈາກ​ມີ​ສານ​ສຳ ຄັນຕ່າງໆ​ແລ້ວ​ຍັງ​ມີ​ແຮ່​ທາດ​ຈຳ​ພວກ ການ​ຊີ​ອອມ ​ໂປ​ ຕາ​ຊີ​ອອມ, ທາດ​ເຫລັກ, ຟົດສະ​ຟໍ​ , ວິ​ຕາ​ມິນ​ ຕ່າງໆ, ໂປຣຕິນ..​. ດັ່ງ​ນັ້ນ​ຈຶ່ງ​ບໍ່​ ໜ້າ​ແປກ​ ໃຈ​ວ່າ ​ເວ​ລາ​ທີ່​ເຮົາ​ຮູ້​ສຶກ​ເມື່ອຍໆ​ເມື່ອ​ດື່ມ​ນ້ຳ​ເຜິ້ງ​ປະ​ສົມ​ກັບ​ນ້ຳ​ໝາກ​ ນາວ​ ຈະ​ຮູ້​ສຶກ​ມີ​ແຮງ​ ຂຶ້ນ​ມາ​ທັນ​ທີ. ໃນ​ຕົວ​ຈິງ​ແລ້ວ​ບາງ​ຄັ້ງ​ເພິ່ນ​ອາດ​ໃຊ້​ນ້ຳ​ເຜິ້ງ​ປິ່ນ​ ປົວ​ບາດ​ແຜ​ໄດ້ ຫລື ບາງ​ຄັ້ງ ​ກໍໃຊ້​ໃນ​ການດອງ​ໝາກ​ໄມ້​ ເພື່ອ​ເປັນ​ການ​ຮັກ​ສາ ​ອາ​ຫານ ​ເພື່ອ​ແຮ​ໄວ້​ກິນ​ດົນ ແລະ ທີ່​ ມັກ ​ພົບ​ເລື້ອຍໆ​ກໍຄື​ໝໍ​ຢາ​ພື້ນ ​ເມືອງ​ມັກ​ຈະ​ໃຊ້​ ນ້ຳ​ເຜິ້ງ​ເພື່ອ​ປະ​ສົມ​ກັບ​ຢາ​ພື້ນ​ເມືອງ​ຕ່າງໆ​ ເພ​ື່ອ​ໃຫ້​ມີ​ລົດ ​ຊາດ​ຫອມ, ກິນ​ງ່າຍແລະຍັງ​ເປັນ​ຢາ​ອາ​ຍຸ​ບຳລຸງປະ​ເພດ​ໜຶ່ງ​ອີກ. ນອກ​ຈາກ​ ນີ້​ໃນ​ດ້ານ​ເສີມ​ຄວາມ​ ງາມ​ ນ້ຳ ​ເຜິ້ງ​ກໍມີ​ສ່ວນ ​ເຮັດ​ໃຫ້​ຜິວ​ພັນ ​ກ້ຽງ​ ຜ່ອງໃສ ແລະ ງົດ​ງາມ ​ແບບ​ທຳ​ມະ​ຊາດ​ໄດ້​ອີກ​ດ້ວຍ.
ເມື່ອ​ຮູ້​ເຖິງ​ຄຸນ​ປະ​ໂຫຍດ​ຂອງ​ນ້ຳ​ເຜິ້ງ​ເຊັ່ນ​ນີ້​ແລ້ວ ​ທ່ານ​ຜູ້​ອ່ານ​ທັງ​ຫລາຍ​ຜູ້​ທີ່​ມີ​ເງື່ອນ​ໄຂ​ກໍຄວນ​ຫັນ​ມາ​ບໍ​ລິ​ໂພກ ​ນ້ຳ​ເຜິ້ງ​ມື້​ລະ​ເລັກ ​ມື້​ລະ​ໜ້ອຍ ເພື່ອ​ສຸ​ຂະ​ພາບ ແລະ ຮ່າງ​ກາຍ​ຂອງ​ຄົນ​ເຮົາ ດີກວ່າ​ໄປ​ກິນ​ສິ່ງ​ທີ່​ມຶນ​ເມົາ​ທີ່​ມີ​ຜົນ​ຮ້າຍ​ຕໍ່​ສຸ​ຂະ​ພາບ​ເຮົາ​ເອງ. ແຕ່​ການ​ເລືອກ​ຊື້​ນ້ຳ​ເຜິ້ງ​ ກໍຕ້ອງ​ລະ​ວັງ ​ເພາະ​ໃນ​ປະ​ຈຸ​ບັນ​ນ້ຳ​ເຜິ້ງ​ແທ້​ນັ້ນ​ ຫາ​ ຍາກ​ພໍ​ສົມ​ຄວນ; ສະ​ນັ້ນ​ຈຶ່ງ​ມີ​ຜູ້​ຂາຍ​ບາງ​ຄົນ​ຜະ​ລິດ​ນ້ຳ​ເຜິ້ງ​ປະ​ສົມ​ນ້ຳ​ຕານ​ຂຶ້ນ​ມາ​ ຊຶ່ງ​ ອາດ​ຈະ​ເປັ​ນ​ອັນ​ຕະ​ລາຍ​ໄດ້​ ສະ​ນັ້ນ​ຈຶ່ງ​ຕ້ອງ​ຮູ້​ຈັກ​ພິ​ຈາ​ລະ ​ນາ​ໃຫ້​ດີ​ ດ້ວຍ

Read Full Post | Make a Comment ( None so far )

ວິທີຮັກສາໃບຫນ້າໃຫ້ອອ່ນກອ່ນໄວ ໃຊ້ໄດ້ທັງຍິງແລະຊາຍ

Posted on November 19, 2011. Filed under: ຄວາມຮູ້ເລື່ອງສຸຂະພາບ, ສາລະໜ້າຮູ້ | Tags: , , , , , |


ຜູ່ໃດມີວິທີຮັກສາໃບຫນ້າດີໆເດັດໆ ເຮັດໃຫ້ຫນ້າສົດໃສ ອອ່ນກ່ອນໄວ
ຂໍໃຫ້ເອົາມາບອກມາເຫລົ່າສູ່ກັນຟັງແດ່ເດີ.

“ໄກ່ງາມຍ້ອນຂົນ ຄົນງາມຍ້ອນແຕ່ງ” ແຕ່ງບ່ອນໃດ? ກະແຕ່ງທີ່ຫນ້າຕາຫັນລະເນາະ!

ເອົາບເວົ້າກັນຫລາຍສາຍຍາວເນາະ!ເຮົາມາເຂົ້າວິທີຮັກສາໃບຫນ້າກັນເລີຍ.
¤ວິທີເຮັດໃຫ້ໃບຫນ້າຂາວສົດໃສ¤
ສູດຂອງມັນງ່າຍບຍາກມີຄື:
-ກ້ວຍໄຂ່ 1 ຫນ່ວຍ
-ແອບເປີນ 1 ຫນ່ວຍ
-ໂຍເກິດສູດນົມສົດ 1 ກ໋ອງ
ທັງ 3 ຢ່າງນີ້ຫາຊື້ໄດ້ຕາມທ່ອງຕະຫລາດ
¤ ວິທີເຮັດ ¤
ປອກກາບກ້ວຍອອກແລ້ວປາດເປັນປ່ຽງ,ສ່ວນແອບເປີນບປອກກາບກະໄດ້ແຕ່ຕ້ອງປາດເປັນປ່ຽງຄືກັນ
ແລ້ວເອົາໄປໃສ່ເຄື່ອງປັ່ນເທໂຍເກິດລົງ 2 ບ່ວງແກງແລ້ວປັ່ນໃຫ້ເຂົ້າກັນ.

¤ ວິທີຟອກຫນ້າ ¤
ກ່ອນຟອກເຮົາຕ້ອງລ້າງຫນ້າ ໃຫ້ສະອາດແລ້ວເຊັດນຳ້ອອກຈາກຫນ້າໃຫ້ແຫ້ງ.
ຫລັງຈາກນັ້ນແລ້ວນຳເອົາຫມາກໄມ້ທີ່ເຮົາປັ່ນແລ້ວນັ້ນ ມາຟອກຫນ້າ ປະໄວ້ 15-20 ນາທີ
ແລ້ວລ້າງອອກດ້ວຍນຳ້ສະອາດ (ນຳ້ອຸ່ນຍິ່ງດີ) ພຽງເທົ່ານີ້ເຮົາກຈະໄດ້ໃບຫນ້າທີ່ໃສ ປິ່ງໆ.

ຖ້າທ່ານເຮັດອາທິດລະເທື່ອຍິ່ງດີ.
ສ່ວນ ຂພຈ ແມ່ນ 4 ອາທິດຕເທື່ອ.because my face alway lok gook leo 55555

thanks Panhlao

Read Full Post | Make a Comment ( None so far )

ຍໍ້າອາຫານ 40 ເທື່ອ ຊ່ວຍຫລຸດນໍ້າຫນັກໄດ້

Posted on October 22, 2011. Filed under: ຄວາມຮູ້ເລື່ອງສຸຂະພາບ | Tags: , , , , , , , , , , , , , , |


ຍໍ້າອາຫານ 40 ເທື່ອ ຊ່ວຍຫລຸດນໍ້າຫນັກໄດ້ !!!

ນັກ​ວິ­ໄຈ​ຈາກ​ມະ­ຫາ​ວິ​ທະ ຍາ​ໄລ​ການ​ແພດ​ຮາ​ບິນ​ຂອງ​ຈີນພົບ​ວ່າ: ອາ­ສາ​ສະ­ຫມັກ​ທີ່​ຫຍ້ຳອາ­ຫານ 40 ເທື່ອ ຈະ​ໄດ້​ຮັບ​ປະລິ​ມານ​ອາ­ຫານ​ຫນ້ອຍ​ລົງ 12% ເມື່ອ​ທຽບ​ກັບ​ການ​ຫຍ້ຳ​ອາ­ ຫານ ໂດຍ​ປົກ­ກະ­ຕິ 15 ເທື່ອ. ເນື່ອງຈາກ​ການ​ຫຍ້ຳ​ອາ­ຫານ​ດົນ​ຊ່ວຍໃຫ້​ສະ­ຫມອງ​ມີ​ເວ­ລາ​ຫລາຍ​ຂຶ້ນ ໃນ​ການ​ຮັບ​ສັນ­ຍານ​ລະ­ດັບ​ອາຫານ​ຂອງ​ກະ­ເພາະ, ນອກ­ຈາກນີ້ ການ​ຫຍ້ຳ​ອາ­ຫານ​ດົນ​ຍັງຊ່ວຍ​ຫລຸດ​ລະ­ດັບ​ຮໍ​ໂມນ​ເກຣ​ລິນທີ່​ເຮັດ​ຫນ້າ­ທີ່​ສ້າງ​ຄວາມ​ຮູ້­ສຶກຢາກໃນ​ລະ­ບົບ​ທາງ​ເດີນ​ອາ­ຫານນຳ.

ນັກ​ວິ­ໄຈ​ເຜີຍ​ວ່າ ການ​ທົດລອງ​ແມ່ນ​ແບ່ງ​ອອກ​ເປັນ 2 ເທື່ອ​ຄືເທື່ອ​ທີ1 ແມ່ນ​ຈະ​ສັງ­ເກດການ​ຫຍ້ຳ​ຂອງ​ຄົນ​ຕຸ້ຍ​ກັບ​ຄົນຈ່ອຍ​ວ່າ​ແຕກ​ຕ່າງ​ກັນ ຫລື ບໍ່ພົບ​ວ່າ​ເຖິງ​ແມ່ນ​ຄົນ​ຕຸ້ຍ​ຈະ​ຫຍ້ຳອາ­ ຫານ​ດ້ວຍ​ຄວາມ​ໄວ​ເທົ່າ​ກັບຄົນ​ຈ່ອຍ ແຕ່​ຄົນ​ຕຸ້ຍ​ຈະ​ກືນ​ອາຫານ​ໄວ​ກວ່າ​ຄົນ​ຈ່ອຍ, ເທື່ອ​ທີ2 ໃຫ້​ອາ­ສາ​ສະ­ຫມັກ​ຫຍ້ຳ​ອາ­ຫານ 15 ເທື່ອ​ກ່ອນ​ກືນ​ແລ້ວ​ນຳ​ມາປຽບ­ທຽບ​ກັບ​ການ​ຫຍ້ຳ 40 ເທື່ອ ​ກ່ອນ​ກືນ​ພົບ​ວ່າ: ອາ­ສາ​ສະຫມັກ 2 ກຸ່ມ​ໄດ້​ຮັບ​ແຄ​ລໍ​ຣີ​ຫນ້ອຍລົງ 11,9% ເມື່ອ​ຫຍ້ຳ 4 ເທື່ອ. ສ່ວນ​ຜົນ​ການ​ກວດ​ເລືອດ 90 ນາ­ທີ ຫລັງ​ຮັບ​ປະ­ທານ​ອາ­ຫານພົບ​ວ່າ​ອາ­ສາ​ສະ­ຫມັກ​ທຸກ​ຄົນ​ມີລະ­ດັບ​ຮໍ​ໂມນ​ເກຣ​ລິນ​ໃນ​ຮ່າງ ກາຍ​ເມື່ອ​ຫຍ້ຳ 40 ເທື່ອ ຫນ້ອຍກວ່າ​ການ​ຫຍ້ຳ​ອາ­ຫານ 15 ເທື່ອ.

ນັກ​ວິ­ໄຈ​ລະ­ບຸ​ໃນ​ຂໍ້​ມູນ​ຄົ້ນ​ພົບ ທີ່​ຕີ​ພິມ​ໃນ​ວາ­ລະ­ສານ American Journal of Clinical Nutrition ວ່າ­ການ​ຮັບ​ປະ­ທານຊ້າ​ລົງ​ເປັນ​ວິ­ທີ​ງ່າຍ ແລະ ມີ​ປະສິດ­ທິ​ພາບ​ໃນ​ການ​ຫລຸດ​ນ້ຳ­ ຫນັກໄດ້, ນອກ­ຈາກ​ນີ້ ການ​ຮັບ​ປະທານ​ໄວ​ຮັບ​ປະ­ທານ​ເທື່ອ​ຫນຶ່ງ​ໃນ​ປະ­ລິ­ມານ​ຫລາຍໆ ຫລື ດື່ມຫນັກ​ຕ່າງ​ມີ​ຜົນ​ຊ່ວຍ​ໃຫ້​ນ້ຳຫນັກ​ເກີນ​ໄດ້ ເຊິ່ງ​ງານ​ວິ­ໄຈ​ຊີ້​ວ່າ ອາ­ສາ​ສະ­ຫມັກ​ທີ່​ມີ​ນ້ຳ­ຫນັກ ຫລາຍ​ມັກ​ຫຍ້ຳ​ອາ­ຫານ​ຫນ້ອຍເທື່ອ ແລະ ຈະ​ກືນ​ອາ­ຫານ​ໄວກວ່າ​ຄົນ​ທີ່​ມີ​ຮູບ​ຮ່າງ​ຈ່ອຍ.

ຂະ­ນະ​ທີ່​ຜົນ​ສຳ​ຫລວດ​ຂອງປະ­ຊາ­ຊົນ​ອັງ­ກິດ 1.000 ຄົນ ໂດຍ​ທຸ­ລະ​ກິດ​ຮ້ານ​ຂາຍ​ແຊນ​ວີ​ຊຊັບ​ເວຍ໌ພົບ​ວ່າ: ຄົນ​ອັງ­ກິດໂດຍສະ­ເລ່ຍ​ຫຍ້ຳ​ອາ­ຫານ​ພຽງ 6 ເທື່ອກໍ່​ກືນ​ອາ­ຫານ​ແລ້ວ​ໂດຍ​ສະເພາະ​ກຸ່ມ​ຄົນ​ທີ່​ມີ​ອາ­ຍຸ​ລະ­ຫວ່າງ 25-34 ປີ ເປັນ​ກຸ່ມ​ທີ່​ຮັບ​ປະ­ທານ ໄວ​ທີ່​ສຸດ ແລະ ຍັງ​ພົບ​ວ່າ: ຜູ້ຕອບ​ໃບ​ສຳ​ຫລວດ 15% ມັກຮັບ​ປະ­ທານ​ອາ­ຫານ​ພ້ອມ​ກັບຍ່າງ​ໄປ​ນຳ ແລະ ມີ​ພຽງ​ຈຳ­ນວນ ເຄິ່ງ​ດຽວ​ເທົ່າ​ນັ້ນ​ທີ່​ນັ່ງ​ຮັບ​ປະທານ​ອາ­ຫານ​ເທິງ​ໂຕະ​ເປັນ​ປະຈຳ.

Thanks the good Data from SamakomLao

Read Full Post | Make a Comment ( None so far )

ເຕັກນິກການລ້າງຫນ້າໃຫ້ຂາວໃສບໍ່ມີສິວ ແລະ ຮ່ອງຮອຍ

Posted on October 5, 2011. Filed under: ສາລະໜ້າຮູ້ | Tags: , , , , , , , , |


ເຕັກນິກການລ້າງຫນ້າໃຫ້ຂາວໃສບໍ່ມີສິວ ແລະ ຮ່ອງຮອຍ

ເຕັກ­ນິກ ​ການ​ລ້າງ​ຫນ້າ ທີ່​ຖືກ​ວິ­ທີ​ເປັນ​ເຄັດ​ລັບ​ທີ່​ສຳ­ຄັນ​ຫລາຍ ເພາະ​ຈະ​ຊ່ວຍ​ໃຫ້​ຜິວ​ພັນຂອງ​ທ່ານ​ສົດ­ໃສ, ບໍ່​ມີ​ສິ່ງ​ຕົກ​ຄ້າງສາ­ເຫດ​ຫລັກ​ຂອງ​ສິວ ແລະ ຮ່ອງຮອຍ​ມາ​ລົບ​ກວນ​ໃຈ, ແຕ່​ທ່ານ​ຮູ້ ຫລື ບໍ່​ວ່າ ຄວນ​ລ້າງ​ຫນ້າ​ແນວ­ໃດໃຫ້​ໄດ້​ຮັບ​ຜົນ​ທີ່​ສຸດ ແລະ ຂໍ້​ຫ້າມ​ສຳ­ຄັນ​ໃນ​ການ​ລ້າງ​ຫນ້າ​ຄື​ແນວ­ໃດ ມື້­ນີ້ ຄໍ​ລຳ​ນາໆ​ປະ​ໂຫຍ​ມີ​ຄຳ​ຕອບ​ເພື່ອ​ຜິວ​ໃບ​ຫນ້າ​ຂອງ​ທ່ານ​ສົດ­ໃສ​ດັ່ງ​ລຸ່ມ​ ນີ້.

ອຸນ­ຫະ­ພູມ​ຂອງ​ນ້ຳ​ໃນການ​ລ້າງ​ຫນ້າ.

ອຸນ­ຫະ­ພູມ​ຂອງ​ນ້ຳ​ໃນ​ການລ້າງ​ຫນ້າ​ກໍ່​ສຳ­ຄັນ, ຫລາຍ​ຕຳລາ​ບອກ​ວ່າ​ຄວນ​ເປີດ​ຮູ​ຂຸມ​ຂົນ ໂດຍ​ການ​ໃຊ້​ນ້ຳ​ອຸ່ນ​ເພາະ​ຈະເຮັດ​ຄວາມ​ສະ­ອາດ​ໄດ້​ເລິກ­ເຊິ່ງ, ແຕ່​ໃນ​ຄວາມ​ເປັນ​ຈິງ​ແລ້ວ ການໃຊ້​ນ້ຳ​ອຸ່ນ​ກໍ່​ອາດ​ຈະ​ໄປ​ເຮັດ​ໃຫ້ຮູ​ຂຸມ​ຂົນ​ກວ້າງ ແລະ ສັງ­ເກດເຫັນ​ໄດ້​ງ່າຍ​ຂຶ້ນ. ສ່ວນ​ນ້ຳ​ເຢັນເຖິງ​ແມ່ນ​ວ່າ​ຈະ​ຊ່ວຍ​ອັດ​ຮູ​ຂຸມຂົນ ແຕ່​ຫາກ​ເຢັນ​ເກີນ​ໄປ​ຜິວ​ອາດ​ເສຍ​ສົມ​ດຸນ​ໄດ້​ເຊັ່ນ​ກັນ ເພາະ​ສະນັ້ນ ສາວໆ​ທັງ­ຫລາຍ​ສາ­ມາດລ້າງ​ຫນ້າ​ໂດຍ​ໃຊ້​ນ້ຳ​ທີ່​ມີ​ອຸນ­ຫະ­ພູມ​ປົກ­ກະ­ຕິ ເພາະ​ນອກ­ຈາກ​ຈະບໍ່­ເກີດ​ຜົນ​ເສຍ​ໃດໆ​ແລ້ວ ຍັງ​ບໍ່ຫຍຸ້ງ­ຍາກ​ໃນ​ການ​ກະ­ກຽມ​ນ້ຳນຳ​ອີກ.

ວິ­ທີ​ການ​ລ້າງ​ຫນ້າ​ໃຫ້ ຖືກ­ຕ້ອງ.

ຄວນ​ເອົາ​ນ້ຳ​ລູບຫນ້າ​ໃຫ້​ປຽກສາ­ກ່ອນ ເພື່ອ​ຄວາມ​ຊຸ່ມ​ຊື່ນ ແລະ ປັບ​ສະ­ພາບ​ໃບ​ຫນ້າ​ໃຫ້​ເຂົ້າ​ກັບອຸນ­ຫະ­ພູມ​ນ້ຳ, ບີບ​ຜະ­ລິດ​ຕະ​ພັນເຮັດ​ຄວາມ​ສະ­ອາດ​ໃບ​ຫນ້າ (ໂຟມ​ລ້າງ​ຫນ້າ) ລົງ​ໃສ່​ຝ່າ­ມືໃນ​ປະ­ລິ­ມານ​ທີ່​ເຫມາະ​ສົມ​ແລ້ວ ເອົາ​ນ້ຳ​ຢອດ​ລົງ​ໃສ່​ຝ່າ­ມື​ເລັກ​ນ້ອຍແລ້ວ​ໃຊ້​ມື້​ອີກ​ເບື້ອງ​ຖູ​ຄ່ອຍໆ​ ປະມານ 10-15 ວິ­ນາ­ທີ ຈົນ​ໃຫ້​ເປັນຟອງ​ແລ້ວ​ນຳ​ມາ​ນວດ​ໃບ​ຫນ້າ ໂດຍ​ເຮັດ​ຄວາມ​ສະ­ອາດ​ຢ່າງ ເບົາ​ມື​ທີ່​ສຸດ ໂດຍ​ເລີ່ມ​ລ້າງ​ຈາກ ກາງ​ໃບ​ຫນ້າ​ໄປ​ຍັງ​ດ້ານ​ຂ້າງຂວາ ແລະ ຊ້າຍ ເຮັດ​ໃຫ້​ຊ້ຳ​ກັນປະ­ມານ 2 ນາ­ທີ ແລ້ວ​ໃຊ້​ນ້ຳ​ລ້າໆ​ລ້າງ​ອອກ​ໃຫ້​ຫມົດ​ຈົນ​ສະອາດ.

ຂໍ້​ຫ້າມ​ໃນ​ການ​ລ້າງ​ຫນ້າ.

ພວກ​ທ່ານ​ຮູ້​ບໍ່​ວ່າ ການ­ບີບ ໂຟມ​ລົງ​ໃສ່​ໃບ​ຫນ້າ​ໂດຍ​ກົງ ໂດຍທີ່​ຍັງ​ບໍ່​ທັນ​ຖູ​ໃຫ້​ເປັນ​ຟອງ​ກ່ອນ ອາດ​ຈະ​ເຂົ້າ​ໄປ​ອຸດ​ຕັນ​ໃນ​ຮູ​ຂຸມຂົນ​ຂອງ​ທ່ານ, ຫາກ​ເຮັດ​ຄວາມສະ­ອາດ​ບໍ່​ຫມົດ​ຈະ​ເຮັດ​ໃຫ້​ເກີດສິວ ແລະ ຮ່ອງ­ຮອຍ​ເທິງ​ໃບ​ຫນ້າຕາມ​ມາ​ໄດ້.

ຜະ­ລິດ​ຕະ​ພັນ​ໂຟມ​ລ້າງຫນ້າ­ທີ່​ຂໍ​ແນະ­ນຳ.

ມື້­ນີ້ ຂໍ​ແນະ­ນຳ​ໂຟມ​ລ້າງ ຫນ້າ​ແບບ​ບໍ່​ມີ​ຟອງ Smooth-E White Baby face Foam ທີ່​ຫມັ້ນ​ໃຈ​ໄດ້​ວ່າ​ບໍ່​ມີ​ສານ​ຕົກຄ້າງ​ໃນ​ຮູ​ຂຸມ​ຂົນ ເພາະ​ປັດ​ສະ​ຈາກສານ​ເຄ​ມີ​ເຕີມ​ແຕ່ງ​ທີ່​ເຮັດ​ໃຫ້ເກີດ​ຟອງ (Sodium Lauryl Sulfate: SLS) ຈິ່ງ​ບໍ່​ມີ​ສານເຄ​ມີ​ດັ່ງ­ກ່າວ​ອັນ​ເປັນ​ສາ­ເຫດ​ສຳຄັນ​ຂອງ​ການ​ອັກ­ເສບ​ໃນ​ ຊັ້ນ​ຜິວພາຍ​ໃນ, ຍິ່ງ​ຖ້າ​ຫາກ​ທ່ານ​ເປັນຄົນ​ທີ່​ຮັກ​ຜິວ​ຂາວ, ສົດ­ໃສ, ນຸ່ມນວນ​ແລ້ວ ຜະ­ລິດ​ຕະ​ພັນ​ຕົວ​ນີ້ ຈະ​ຊ່ວຍ​ຕອບ​ສະ­ຫນອງ​ຄວາມ​ຕ້ອງ­ການ​ຂອງ​ທ່ານ​ໄດ້​ຢ່າງ​ແນ່­ນອນ ເພາະ​ມີ​ສ່ວນ​ປະ­ສົມ​ຂອງ Melawhite ຈາກ​ປະ­ເທດ​ສະວິດ​ເຊີ​ແລນ ທີ່​ຢຸດ​ຢັ້ງ​ການ​ສ້າງເມັດ​ສີ​ທີ່​ຜິດ​ປົກ­ກະ­ຕິ ພ້ອມ​ຂັດ​ຈຸລັງ​ຜິວ​ໃຫ້​ຂາວ​ນຽນ​ສົດ­ໃສ​ເຕັ່ງຕຶງ​ຢ່າງ​ເປັນ​ທຳ​ມະ​ຊາດ​ຈົນ​ ສາມາດ​ຮູ້­ສຶກ​ໄດ້​ພຽງ​ຄັ້ງ​ທຳ​ອິດ​ທີ່ໃຊ້.

ນອກ­ຈາກ​ນີ້ ຍັງ​ມີ​ສ່ວນ​ປະສົມ​ຈາກ​ທຳ​ມະ​ຊາດ​ອື່ນໆ​ອີກ​ຫລວງ­ຫລາຍ​ເຊັ່ນ Natural Vitimin E ແລະ Aloe Vera ທີ່​ຊ່ວຍ​ບຳ­ລຸງ​ຜິວ​ໃຫ້​ນຸ່ມ​ນວນ, ຊຸ່ມ​ຊື່ນ. ຜະ­ລິດ​ຕະ​ພັນ​ດັ່ງ­ກ່າວ ຍັງ​ດີ​ຕໍ່​ທຸກ​ສະ­ພາບ​ຜິວ​ແມ່ນ​ແຕ່ ຜິວ​ທີ່​ບອບ​ບາງ​ແພ້​ງ່າຍ ແລະ ແນະ­ນຳ​ການ​ໃຊ້​ໂດຍ​ແພດ​ຜິວຫນັງ.

Read Full Post | Make a Comment ( None so far )

Facebook ຈັບມືກັບ Skype ເປີດບໍລິການ Facebook Video Calling ແລ້ວ

Posted on July 8, 2011. Filed under: ຄວາມຮູ້ເລື່ອງ IT, ສາລະໜ້າຮູ້ | Tags: , , , , , , , , , , , , , , , , , , , , , , , , , , , , , , , , |


Facebook ຈັບມືກັບ Skype ເປີດບໍລິການ Facebook Video Calling ແລ້ວ

ລ່າສຸດ Facebook ໄດ້ຈັບມືກັບ Skype ເພຶ່ອອອກບໍລິການ Facebook Video Calling ຫລື Video Chat ນັ້ນເອງ. ເຊິ່ງໃນບໍລິການ Facebook Video Calling ກໍ່ບໍ່ມີຫຍັງແປກໃຫມ່ຫລາຍ ນອກຈາກ ຜູ້ໃຊ້ເທິງ Facebook ຈະສາມາດລົມການແບບເຫັນຫນ້າ ໂດຍຜ່ານບໍລິການນີ້. ໃນການໃຊ້ງານຂອງບໍລິການ Facebook Video Calling ນີ້ ຜູ້ໃຊ້ຈະຕ້ອງ ເຂົ້າໄປເປີດໃຊ້ ໂດຍເຂົ້າໄປທີ່ http://www.facebook.com/videocalling ຫລັງຈາກນັ້ນ ກໍ່ຈະມີການທ້ວງຂຶ້ນມາໃຫ້ດາວໂຫລດສ່ວນ ເສີມ ຫລື ປັກອິນ ສຳລັບເຮັດ Video Call ຂອງ Facebook ໄປຕິດຕັ້ງ, ຫລັງຈາກນັ້ນ ກໍ່ຈະສາມາດໂທແບບເຫັນຫນ້າກັບຫມູ່ທີ່ຢູ່ເທິງ Facebook ໄດ້ທັນທີ່​, ແຕ່ ທັງຫມູ່ຂອງທ່ານກໍ່ຈະຕ້ອງເປີດບໍລິການ Facebook Video Calling ແລະ ຕິດຕັ້ງສ່ວນເສີມລົງໄປເຊັ່ນກັນ.

ນອກຈາກນີ້ Skype ກໍ່ຍັງໄດ້ອອກ Skype beta 5.3 ແລະ beta 5.5 ເພຶ່ອກ່ຽມການເຮັດວຽກຮ່ວມກັບບໍລິການຂອງ Facebook ຢ່າງເຕັມຮູບແບບອີກດ້ວຍ, ເຊິ່ງໃນ Skype beta 5.3 ນັ້ນກໍ່ຈະສາມາດໃຊ້ງານ Facebook ໄດ້ໃນໂຕ ເຊັ່ນການອ່ານການອັບເດດສະຖະນະຕ່າງໆ, ການ Comment ລວມໄປເຖິງກົດ Like ໄດ້ຈາກໂຕ Skype ໄດ້ເລີຍ(ວ່າໄປມັນກໍ່ເປັນ ໂປຼແກຼມ Facebook ໄປໃນໂຕ). ນອນນັ້ນ ໃນ Skype 5.5 beta ຍັງສາມາດແຊັດກັບຫມູ່ທີ່ຢູ່ໃນ Facebook ໂດຍຜ່ານ Skype ໄດ້ທັນທີ ຫລື ທີ່ເອີ້ນວ່າ Instant messaging ແລະ ຍັງລວມເຖິງ ສາມາດເຮັດ Video Call ຈາກ Skype ຫາຫມູ່ທີ່ໃຊ້ບໍລິການ Facebook Video Calling ເທິງຫນ້າເວັບໄດ້ອີກດ້ວຍ.

ຂໍ້ດີຈາກຫລາຍໆສິ່ງທີ່ເວົ້າມາທາງເທິງນີ້ຄື: ຜູ້ໃຊ້ຈະສາມາດໃຊ້ໂປຼແກຼມ Skype ເພຶ່ອຫລິ້ນ Facebook ເຊິ່ງຈະສະດວກສະບາຍ ສຳລັບຄົນທີ່ມັກຫລິ້ນ Skype ຢູ່ແລ້ວ, ບໍ່ຕ້ອງໄປຊອກຫາຫມູ່ ຫລື ສະຫມັກໃຫມ່ ກໍ່ມີບັນຊີຫມູ່ຂຶ້ນມາໃຫ້ເລືອກ, ແລະ ໂປຼແກຼມ Skype ເອງກໍ່ຈະກາຍເປັນ App ຫລື ໂປຼແກຼມຂອງ Facebook ໄປໃນໂຕ.

ທີ່ມາ – Facebook ແລະ Skype

Thanks for a good Data from Souliyo.com

Read Full Post | Make a Comment ( None so far )

ຄິ້ວ…ງາມຢ່າງນີ້ ໃຜຊິບໍ່ຮັກ

Posted on May 24, 2011. Filed under: ສາລະໜ້າຮູ້ | Tags: , , , , , , , , , , , , , , , , , , , , , , , , , , , , , , , , , , , , , , , |


ຄິ້ວ
ແມ່ນອົງປະກອບຂອງໃບໜ້າ ທີ່ຊ່ວຍເຮັດໃຫ້ຄົນເຮົາງາມຂຶ້ນ
ເວົ້າສະເພາະກໍແມ່ນຜູ້ຍິງ ໂດຍທົ່ວໄປແລ້ວ ຮູບຮ່າງໜ້າຕາຂອງຄິ້ວ ຈະເປັນຮູບກົ່ງໆ
ຄ້າຍຄືກັບວົງເດືອນ ຫຼື ຄັນທະນູ ຄົນບູຮານປຽບຄິ້ວຄືກັບທ້ອງຟ້າ
ຈົນມີຄຳສຸພາສິດວ່າ: ນ້ຳຕ້ອງຕາດຄືນ້ອງແກ່ວງຫຼາ ນ້ຳຕ້ອງຜາຄືນາງແກ່ວງອີ້ວ
ຟ້າຍິກຄິ້ວຄືນ້ອງແກ່ວງແຂນ ດຣ. ທອງຄຳ ອ່ອນມະນີສອນ ຂຽນວ່າ: ຄິ້ວ
ແມ່ນອະໄວຍະວະ ບ່ອນເປັນວົງຢູ່ເທິງຕາ ແຕ່ກໍມີຄິ້ວຈຳນວນໜຶ່ງເອີ້ນວ່າ
ຄິ້ວຫົວຄິດປະດິດສ້າງ ຫຼື ຄິ້ວຫົວໃສ ຄິ້ວແບບນີ້ ມັນຈະເປັນຮູບຊື່ຈັດ ແລະ
ຮູບແຂ້ວເລື່ອຍ ຊີ້ເດ່ຂຶ້ນໄປເທິງຟ້າ ຄິ້ວແບບນີ້ ເພິ່ນສົມມຸດວ່າ: ເປັນຄິ້ວ ຍັກ
ໃນຈິນຕະນາການ ວ່າຊັ້ນ ! ສ່ວນຄວາມຈິງ ຈະແມ່ນແນວໃດນັ້ນ ກໍສຸດແລ້ວແຕ່ສັດທາ
ໃຜມັນທີ່ຈະເຫຼື້ອມໃສ ເພາະຜູ້ຂ້າກໍບໍ່ເຄີຍເຫັນຍັກ ແຕ່ຖ້າຍັງສົງໃສຢູ່
ກໍມີແຕ່ຍ່າງໄປສ່ອງເບິ່ງ ຢູ່ຕໍ່ໜ້າວັດມີໄຊ ກໍຈະມີຄຳຕອບຢູ່ໃນໃຈດອກວ່າ
ແມ່ນຄິ້ວຍັກແທ້ ຫຼື ບໍ ?.

ຄົນຄິ້ວກົ່ງ
ໂຄ້ງງາມຄ້າຍໆກັບຄັນທະນູ ຫຼື ວົງເດືອນ ເຖິງວ່າຈະດົກ ຫຼື ບໍ່ດົກກໍຕາມ
ມັນກໍເປັນສ່ວນປະກອບອັນສຳຄັນ ທີ່ເຮັດໃຫ້ໃບໜ້າ ເພີ່ມສະຫງ່າລາສີ
ເປັນຕາເບິ່ງຕາແຍງ ດັ່ງບົດເພງທີ່ວ່າ: …ຜົມດຳ ຄິ້ວກົ່ງ ເປັນວົງດັ່ງສອນ
ຂົນຕາງອນວິໄລ ຍາມຍິ້ມກໍຫວານຈັບອົກຈັບໃຈ ເຍົ້າຍວນລືໄທ ໃຫ້ຝັນ…
ຍິງຄົນໃດທີ່ມີຄິ້ວທັງສອງຂ້າງດົກດຳ ໂຄ້ງງາມ ລຽບນຽນ ມາແຕ່ກຳເນີດ
ເພິ່ນວ່າຈະເປັນຄົນໂຊກດີ ມີຄົນຮັກ ຄົນແພງ ມີຄົນເບິ່ງ ຄົນແຍງ ແລະ
ຢາກໄດ້ມາເປັນລູກສາວແມ່ຍ່າ ເພາະເປັນຄົນດີ ດຸໝັ່ນ ຄ້ຳຄູນ ມີເງິນຄຳ
ແຕ່ກໍຊອກຫາຄົນຮັກບໍ່ຄ່ອຍຢາກພົບ ມີແຕ່ຍ່າງຕຳ ອຶ !.. ຍິກຄິ້ວໃສ່ກັນ
ແລ້ວກໍຂໍແຕ່ງງານເລີຍ.

ຄິ້ວແມ່ນຂົນສັ້ນໆ
ທີ່ເກີດຄູ່ກັບໜ້າຜາກຂອງແຕ່ລະຄົນ ມາແຕ່ມື້ເກີດ ແຕ່ສູ່ມື້ນີ້
ກໍມີຄົນຫົວທັນສະໄໝ ສ້າງຄິ້ວຂຶ້ນເອງ ໂດຍອາໄສສານເຄມີ ຫຼື
ເຕັກໂນໂລຢີອັນກ້າວໜ້າ ທາງດ້ານສັນຍາກຳຄວາມງາມ ຊຶ່ງກໍມີທັງຄິ້ວຖາວອນ ແລະ
ຄິ້ວຊົ່ວຄາວ ແມ່ຍິງທີ່ຄິດຈະນຳໃຊ້ຄິ້ວປະເພດນີ້ (ເປັນການຖາວອນ)
ຢາກໃຫ້ລະມັດລະວັງຕື່ມແດ່ ຢ້ານວ່າສັກຄິ້ວຜິດ ຈະຄິດຈົນນອນບໍ່ຫຼັບ
ມີບາງຄົນອອກຈາກຮ້ານເສີມ ຄວາມງາມມື້ທຳອິດ ຜົວຈົນບໍ່ຈື່ໜ້າ ເລີຍເຂົ້າໃຈຜິດ
ຖາມວ່າ: ເອື້ອຍ ! ເຈົ້າມາຫາໃຜ ? ບໍ່ແມ່ນຫຼົງເຮືອນບໍ ? ບະ !
ອັນຜົວຜູ້ໜ້າຮັກນີ້ກໍ ໂພດ ບໍ່ຈື່ຮອດໜ້າເມຍຕົນເອງ ເວົ້າຈັ່ງຊີ້
ກໍບໍ່ໄດ້ມີເຈດຕະນາບໍ່ດີ ຫຼື ສຽດສີອັນໃດ ພຽງແຕ່ເປັນຫ່ວງ
ຍ້ອນວ່າຊ່າງເສີມງາມບາງຮ້ານ ຕັ້ງບໍ່ມີພອນສະຫວັນດ້ານນີ້ອີ່ຫຼີ
ເລີຍໃສ່ຄິ້ວຜິດແບບ…

ນອກຈາກນັ້ນ ຄິ້ວ
ຍັງບົ່ງບອກວ່າ: ແນ່ແທ້ ຖືກຄັກ ແມ່ນຄົນບູຮານໄດ້ແຍກລັກສະນະ ຫຼື
ບຸນວາດສະໜາຂອງຄິ້ວ ອອກເປັນຈຸດໆດັ່ງນີ້:
1. ຄິ້ວຍາວສູງ ເປັນຄົນສະຫຼາດຫຼັກແຫຼມ
ແຕ່ຂາດເງິນ
2. ຄິ້ວສັ້ນຊື່
ເປັນຄົນມັກເອົາປຽບຂົ່ມເຫັງຜູ້ອື່ນ ມີຄົນອິດສາໃນບາງໂອກາດ
ຖ້າບໍ່ຕັ້ງໃຈເຝິກຝົນຕົນເອງ ອາດກາຍເປັນນັກເລງ
3. ຄິ້ວຍາວກ່ອນຕາ
ເປັນຄົນມັກຊອກມັກຫາ ມີຊັບສົມບັດເຮືອນຊານ ພໍລ້ຽງຕົນເອງໄດ້
ເຖິງວ່າຈະເກີດໃນເງື່ອນໄຂທຸກຍາກ ແຕ່ກໍມີໂອກາດຮັ່ງມີ
4. ຄິ້ວສັ້ນບໍ່ກວມຕາ
ມັກທຸກໃຈ ຂາດໂຊກລາບວາດສະໜາ ແຕ່ຖ້າດຸໝັ່ນກໍລວຍໄດ້
5. ຄິ້ວຕ່ຳດຳ
ເປັນຄົນຊື່ສັດ ແຕ່ບໍ່ຄ່ອຍສະຫຼາດມີໄຫວພິບ ຖືກຄົນອື່ນຫຼອກງ່າຍ
6. ຫົວຄິ້ວຈຸກັນທັງສອງຂ້າງ
ຫຼື ມີຄິ້ວສັ້ນ ບໍ່ຄ່ອຍຈະມີຍາດຕິພີ່ນ້ອງ ເພິ່ງໃຜກໍບໍ່ໄດ້

7. ຂົນຄິ້ວປິ່ນປາຍມາຫາຫົວຄິ້ວ
ເປັນຄົນໃຈຮ້າຍງ່າຍ ບໍ່ກະຕັນຍູຮູ້ຄຸນ

8. ຄິ້ວສູງຈຸປາຍຜົມໜ້າຜາກ
ເປັນຄົນເອົາໃຈຕົນເອງ ຕັດສິນໃຈບໍ່ແນ່ນອນ ເອົາຄວາມເຫັນຂອງຕົນເປັນໃຫຍ່

9. ຄິ້ວສະເ​ໝີກັນ
ຊີວິດບໍ່ຄ່ອຍຈະລາບລື່ນ ຕ້ອງສູ້ຊົນ ປາກກັດມືດຶງ ຈຶ່ງຈະໄປລອດ

10. ຄິ້ວສູງກ່ວາຫູ
ໃຈບຸນມີອຳນາດວາດສະໜາ ແຕ່ບັ້ນປາຍຊີວິດ ຂ້ອນຂ້າງໂດດດ່ຽວດຽວດາຍ…

ນີ້ແມ່ນເຄັດລັບເລັກໆໜ້ອຍໆ
ກ່ຽວກັບ ຄິ້ວ ແຕ່ຈະເປັນຄິ້ວແນວໃດກໍຢ່າ ຖ້າເຮົາຫາກດຸໝັ່ນ ຊື່ສັດ
ປະຢັດ ແລະ ອົດທົນ ເສັ້ນທາງຊີວິດ ກໍຈະບໍ່ມີມື້ລຳບາກ ສະໄໝພໍ່ແມ່ພວກເຮົາ
ເພື່ອຢາກໃຫ້ລູກສາວງາມ ໄດ້ຄ່າດອງຫຼາຍ ເວລາລູກເກີດອອກມາມື້ທຳອິດ
ຜູ້ເຖົ້າເພິ່ນຈະເອົາ ກ້ານພູແຕ້ມຄິ້ວ ມັກຮູບໃດ ກໍໃຊ້ສີມືວາດເອົາ
ແຕ່ຂໍຢ່າງດຽວ ຢ່າສູ່ແຕ້ມເປັນຮູບແຂ້ວເລື່ອຍ ແລະ ຢ່າແຕ້ມໄກຈາກຕາຫຼາຍ
ຈັກໜ້ອຍພັດຊິມີຄຳຖາມວ່າ: ລູກເຮົາມັນຄືໃຜຫວະ ?.

ແນວນາມພ້າວ
ລຳຍາວຕັ້ງແຕ່ເກີດ ກຳເນີດເປັນຈັ່ງຊັ້ນ ! ບໍ່ຫັນປີ້ນປ່ຽນໄປ.

ໂດຍ: ສາຍດາຣາ
——————-

Thanks the good data from http://www.Laoidea.com

Read Full Post | Make a Comment ( 1 so far )

Liked it here?
Why not try sites on the blogroll...

%d bloggers like this: